წყალბურთი

ჩაკვეტაძის ბრწყინვალე დაბრუნება, ქართული ფეხბურთის იმედი და ოლიმპიადის დაკარგული საგზური

1696
(განახლებულია 10:49 21.02.2021)
ქართველმა ფეხბურთელებმა გასულ კვირას თავი გამოიჩინეს. კალათბურთელების უმნიშვნელო წაგება სერბებთან და წყალბურთის ნაკრების წარუმატებელი კვირა. გასული კვირა სანაკრებო კუთხით დატვირთული გამოდგა.

საქართველოს ნაკრები ახალგაზრდა სპეციალისტმა ჩაიბარა. მარტის სანაკრებო თამაშებამდე ოქრიაშვილი და ჩაკვეტაძე მოედანს ხმაურიანად დაუბრუნდნენ.

საქართველოს ეროვნული ნაკრები რამდენიმე თვის განმავლობაში უმწვრთნელოდ იყო. გულშემატკივარში კი მღელვარება ბოლო დროს კიდევ უფრო მატულობდა, რადგან ნაკრებს მარტში უმნიშვნელოვანესი მატჩები ელის. გასულ კვირას ფეხბურთის ფედერაციამაც „დაგვდო პატივი“ და ეროვნული გუნდის მთავარ მწვრთნელად ახალგაზრდა ფრანგი სპეციალისტი ვილი სანიოლი დანიშნა.

Вилли Саньоль
© photo: Sputnik / Maksim Bogodvid
ვილი სანიოლი

სანიოლს დიდი სამწვრთნელო გამოცდილება არ უმაგრებს ზურგს, რასაც მის სათამაშო კარიერაზე ვერ ვიტყვით. ვილი დიდი ხნის განმავლობაში მიუნხენის „ბაიერნის“ უცვლელი მოთამაშე გახლდათ. ასევე ხშირად ენდობოდნენ საფრანგეთის ეროვნულ ნაკრებშიც, თუმცა ჩვენ მისი ახალგაზრდობის წლები ნაკლებად გვაინტერესებს. რაც შეეხება მის სამწვრთნელო კარიერას, ვილის თავდაპირველად საფრანგეთის ახალგაზრდული ნაკრები ანდეს, რაც სახუმარო საქმე ნამდვილად არაა. ფრანგი სპეციალისტის პირველი სამწვრთნელო ნაბიჯები საკმაოდ წარმატებული გამოდგა. მან ახალგაზრდა ფრანგებთან ერთად რვა ჩატარებული მატჩიდან ექვსი მოიგო, ორი კი ფრედ დაასრულა. წაუგებელი სერიის შემდეგ სანიოლი ფრანგულ „ბორდოში“ მიიპატიჟეს. საფრანგეთის ერთ-ერთ გრანდს ახალგაზრდა სპეციალისტი 88 შეხვედრაში გაუძღვა, აქედან 35-ჯერ იმარჯვა, 27 ფრედ ითამაშა, ხოლო 26-ჯერ დამარცხდა. იმედი ვიქონიოთ, რომ ნაკრების ახალი მწვრთნელი საქართველოს საფეხბურთო მწვერვალზე მალევე დააბრუნებს.

Георгий Чакветадзе
photo: courtesy of Georgian Football Federation / FB
მოედანს ბურთს მონატრებული გიორგი ჩაკვეტაძე დაუბრუნდა

მარტში გასამართ შეხვედრებს მხოლოდ მწვრთნელი ვერ მოიგებს და მოდით ქართველი ფეხბურთელების სათამაშო ფორმასაც გადავხედოთ. გასულ კვირას მოედანს ბურთს მონატრებული გიორგი ჩაკვეტაძე დაუბრუნდა, რომელმაც ბელგიური „გენტის“ სარეზერვო შემადგენლობაში იასპარეზა და გოლიც გაიტანა. „გენტის“ მეორე გუნდი სპარინგ-მატჩში „მოუსკრონს“ დაუპირისპირდა და არასაფეხბურთო ანგარიშით 9:2 დაამარცხა. აღნიშნულ მატჩში გიორგიმ თავის გამოჩენა გატანილი თერთმეტმეტრიანის შედეგად შეძლო. ქართული ფეხბურთის ქომაგს კარგად ემახსოვრება „ჩაკვეს“ შესაძლებლობები და იმედია ტრავმებით დატანჯული ქართველი ვარსკვლავი სანაკრებო შეხვედრებს სრულ მზადყოფნაში შეხვდება.

Герой матча - Торнике Окриашвили. Сборная Грузии выиграла у Беларуси в Лиге наций УЕФА 1:0
© Sputnik / STRINGER
ხმაურიანი გამოდგა თორნიკე ოქრიაშვილის დაბრუნება

ხმაურიანი გამოდგა თორნიკე ოქრიაშვილის დაბრუნებაც, რომელმაც ტრავმის გამო ზუსტად 100 დღე იუქმა. მან კვიპროსის ჩემპიონატის 25-ე ტურში „პარალიმნის“ წინააღმდეგ დუბლი გაიფორმა. ფამაგუსტას „ანორთოსისმა“, რომელსაც თემურ ქეცბაია წრთვნის აღნიშნული მატჩის მოგება თორნიკეს გოლებით მოახერხა. „ოქრიმ“ 28-ე წუთზე პენალტის ნიშნულთან მისულ გიორგი ქვილითაიას ბურთი „ხელიდან გამოგლიჯა“ და საკუთარ გუნდი წინ გაიყვანა. „პარალიმნიმ“ სხვაობა მალევე გაქვითა, თუმცა მეორე ტაიმში გოლებს მოწყურებულმა თორნიკემ კიდევ ერთხელ შეაგდო და საბოლოო ანგარიშიც დააფიქსირა.

ქართულ კლუბებს რაც შეეხებათ, თურქულ შეკრებაზე თავისი მორიგი შეხვედრა გამართა ბათუმის „დინამომ“. ზღვისპირელები ყაზახურ „ორდაბასს“ დაუპირისპირდნენ და უხვგოლიან მატჩში ანგარიშით 4:2 დამარცხდნენ. „პირატების“ მხრიდან თავი ჯიღაურმა და მამუჩიშვილმა გამოიჩინეს, თუმცა მათი ძალისხმევა მოსაგებად საკმარისი არ აღმოჩნდა.

Полузащитник сборной Грузии по футболу Вако Казаишвили в южнокорейском клубе Ульсан Хёндэ
ქართველი შემტევი ნახევარმცველი კარიერას სამხრეთ კორულ „ულსან ჰიუნდაიში“ გააგრძელებს.

მნიშვნელოვანი სიახლეები გავრცელდა საქართველოს ნაკრების ერთ-ერთ ლიდერ ვაკო ყაზაიშვილზეც. ქართველი შემტევი ნახევარმცველი კარიერას სამხრეთ კორულ „ულსან ჰიუნდაიში“ გააგრძელებს. აღნიშნული ინფორმაცია კლუბმა ოფიციალურად დაადასტურა. ვაკო ბოლოს ამერიკული „სან ხოსეს“ ღირსებას იცავდა, თუმცა ცოტა ხნის წინ მან ამერიკული კლუბი თანამემამულე გურამ კაშიასთან ერთად დატოვა.

საქართველოს საკალათბურთო ნაკრების მარცხი ლიდერების გარეშე და ქართველი კალათბურთელების გასული კვირის შედეგი საზღვარგარეთ

სერბები საქართველოში რევანშის ასაღებად ჩამოვიდნენ და დასახულ მიზანს მარტივად მიაღწიეს. საქართველოს ეროვნულმა ნაკრებმა „ევრობასკეტის“ საკვალიფიკაციო ეტაპზე თბილისური ბაბლი წარუმატებლად დაიწყო. არასრული შემადგენლობით მყოფ საქართველოს ნაკრებს ლიდერების მოედანზე არ ყოფნა საწყის წუთებშივე დაეტყო. ჩვენი ნაკრები შეხვედრის სტარტზე გუნდური ჯარიმებით დაიტვირთა, რითაც სერბებმა ისარგებლეს და სოლიდური ფორა მოიპოვეს. საქართველომ მატჩში წინ გასვლა მხოლოდ ერთხელ მოახერხა, როდესაც დუდა სანაძის წყალობით ჩვენმა ნაკრებმა ანგარიში 16:15 გახადა. მიუხედავად ამისა შეხვედრის მესამე მეოთხედში აშკარა გახდა, რომ სერბები მოსაგებად ყველაფერს გააკეთებდნენ. მეტოქე გუნდმა მესამე ტაიმის დასაწყისშივე რამდენიმე ჩაგდებული სამ-ქულიანით წინ გასვლა მოახერხა, ისინი პარალელურად დაცვაშიც ძალიან კარგად ირჯებოდნენ. ქართველმა კალათბურთელებმა სერბების სათამაშო ტემპს საბოლოოდ ვერაფერი მოუხერხეს და ჩვენი ნაკრები სამწუხაროდ დიდი ანგარიშით 66:92 დამარცხდა. მიუხედავად დასანანი მარცხისა საგანგაშო არაფერია, რადგან ჩვენი ნაკრები „ევრობასკეტის“ ერთ-ერთი მასპინძელი ქვეყანაა და შესაბამისად ჩვენთვის საკვალიფიკაციო ეტაპს მხოლოდ სიმბოლური დატვირთვა გააჩნია. ასევე გასათვალისწინებელია, რომ განსხვავებით საქართველოსგან სერბეთს ევროპის ჩემპიონატზე გასასვლელად თამაში აუცილებლად მოსაგები ჰქონდა, რისთვისაც ძალები ნამდვილად არ დაუზოგავთ.

Матч между сборными Грузии и Сербии по баскетболу
© Sputnik / STRINGER
ეროვნულმა ნაკრებმა „ევრობასკეტის“ საკვალიფიკაციო ეტაპზე თბილისური ბაბლი წარუმატებლად დაიწყო

აღსანიშნავია, რომ საქართველოს ნაკრების ყოფილი თავკაცი იგორ კოკოშკოვი, რომელიც ამჟამად სერბების მთავარი მწვრთნელია, თამაშს არ დასწრებია. კოკოშკოვი პარალელურად თურქული „ფენერბაჰჩეს“ დამრიგებელია და სწორედ კლუბთან ერთად „ევროლიგის“ მატჩზე იმყოფებოდა.

ჩვენი ნაკრები შემდეგ შეხვედრას ფინეთთან გამართავს, რომელიც 21 თებერვალს 19:00 საათზე დაიწყება.

„მე ლიდერი ვარ, ამიტომაც ყველაფერი საკუთარ თავზე ავიღე!“ - ეს კომენტარი სანდრო მამუკელაშვილმა NCAA-ში მორიგი გამარჯვების შემდეგ გააკეთა.

ამერიკის სტუდენტურ ლიგაში (NCAA) „სეტონ ჰოლმა“ გამარჯვება კვლავ ქართველი კალათბურთელის წყალობით მოახერხა. სანდროს გუნდი საკუთარ კედლებში „დეპოლ ბლუ დემონსს“ დაუხვდა და წაგებული პირველი ტაიმის (27:31) შემდეგ, მეტოქის დამარცხება მაინც შეძლო (60:52). მამუკელაშვილმა მოედანზე საუკეთესო შედეგი დააფიქსირა. მან თითქმის შეუცვლელად – 38 წუთი ითამაშა და 25 ქულა, 11 მოხსნა (4 შეტევაში), 4 პასი, 2 ჩაჭრა და 2 დაფარება მიითვალა.

მამუკელაშვილის შედეგიანი მატჩის შემდეგ საქებარი სიტყვები არ დაიშურა „სეტონ ჰოლის“ მთავარმა მწვრთნელმა კევინ ვილარდმა, რომელიც ქართველი კალათბურთელის მადლიერი ნამდვილად უნდა იყოს.

„შესვენებაზე მამუს საკმაოდ მკაცრად ვესაუბრე და ამან შედეგი გამოიღო. ის შესვენების შემდეგ ძალიან მოტივირებული და ფოკუსირებული გამოვიდა. სანდრომ ნამდვილი ლიდერის მანტია მოისხა. ის მაღალი კლასის კალათბურთელია და ამას უდიდესი შრომის ხარჯზე მიაღწია”, - აღნიშნა ვილარდმა.

აუცილებლად უნდა ითქვას, რომ მამუკელაშვილს ამჟამინდელ კლუბში 1004 ქულა მოუგროვდა და გუნდის ისტორიაში 45-ე მოთამაშე გახდა, ვინც 1000-ქულიან ზღვარს გადააბიჯა.

მამუკელაშვილისგან განსხვავებით სათამაშო დრო კვლავ არ ეძლევა NBA-ში მოასპარეზე ერთადერთ ქართველ კალათბურთელ გოგა ბითაძეს. ბითაძის „ინდიანამ“ მორიგი რთული გამარჯვება მოიპოვა, თუმცა ქართველი მოედანზე წამითაც არ გვინახავს. „ინდიანა პეისერსმა“ NBA-ს მორიგ მატჩში „ტიმბერვულვზს“ ოვერტაიმში 134:128 სძლია.

ქართველი წყალბურთელების ოლიმპიური ოცნება ხორვატებმა დაანგრიეს

საქართველოს წყალბურთელთა ნაკრებმა ოლიმპიური თამაშების საგზურისთვის ბრძოლა ჯგუფურ ეტაპზე საბერძნეთთან მატჩით დაიწყო და დასანანი მარცხი იწვნია. ქართველებმა უძლიერეს ბერძნებს ღირსეული წინააღმდეგობა გაუწიეს და გამარჯვების მოსაპოვებლად ძალიან ცოტა დააკლდათ. ბერძნებთან მარცხის შემდეგ (10:11) ქართველებმა ხასიათი კანადასთან მოგებით გამოიკეთეს. ჩვენებურებმა მეტოქე გუნდს არაფერი დაუთმეს და ანგარიშით 14:11 დაამარცხეს. ქართველებმა მეოთხედფინალური ეტაპის საგზური ბრაზილიასთან გამარჯვებით მოიპოვეს (12:8), რის შემდეგაც ჯგუფის ბოლო მატჩში მონტენეგროსთან დაძაბულ ბრძოლაში დამარცხდნენ (11:9).

დეიან სტანოევიჩის საქართველოს ნაკრებმა მეოთხედფინალში გამოცდილ ხორვატიის ნაკრებთან ვერაფერი შეძლეს და მატჩის აშკარა ფავორიტთან დიდი ანგარიშით (15:9) დამარცხდნენ.

ქართველ წყალბურთელებს განსხვავებით ჯგუფური ეტაპის შეხვედრებისა თამაში გაცილებით მაღალი კლასის მეტოქესთან მოუწიათ, რაც შედეგზეც აისახა. შედარებით თანაბარი ბრძოლა მხოლოდ შეხვედრის პირველ მეოთხედში ვიხილეთ, როდესაც საქართველო მარკო ელეზისა და ნიკა შუშიაშვილის გოლებით მცირე ხნით 2:1 დაწინაურდა, მაგრამ ბალკანელებმა უპირატესობა მალევე მოიპოვეს. გარდამტეხი აღმოჩნდა მატჩის მეორე პერიოდი, რომელიც ხორვატიამ 6:1 მოიგო და თამაშის ბედი გადაწყვიტა. ამის შემდეგ თამაშში დარჩენილმა წუთებმა ფორმალური ხასიათი მიიღო, ჩვენს ნაკრებს სხვაობის შემცირების შანსიც კი არ მიუღია.

ეთერ ლიპარტელიანმა ქართული ძიუდოს ისტორია დაწერა, ოლიმპიური ჩემპიონი კი მსაჯებმა დაგვიჩაგრეს

ძიუდოში თელ-ავივის გრანდ სლემის პირველ საჭიდაო დღეს ტატამზე 6 ქართველი ძიუდოისტი გავიდა: თემურ ნოზაძე (60კგ), გიორგი ბაზანდარაშვილი (66კგ), ბაგრატ ნინიაშვილი (66კგ), მარიამ ჯანაშვილი (52 კგ), ტატიანა ლევიცკა-შუკვანი (52 კგ), ეთერ ლიპარტელიანი (57 კგ).

Дзюдоистка Этери Липартелиани
ეთერ ლიპარტელიანი

ქართველებიდან წარმატების მიღწევა მხოლოდ ეთერ ლიპარტელიანმა და თემურ ნოზაძემ შეძლეს, რომლებმაც ტურნირი მედლებით დაასრულეს, ოთხი ქართველი ძიუდოისტი კი ასპარეზობას ნაადრევ ეტაპზე გამოეთიშა.

ეთერ ლიპარტელიანმა გრანდ სლემზე ასპარეზობა ბრწყინვალედ დაიწყო. მან რუსი მეტოქე დიანა ჯიგაროსი იპონით 11 წამში დაამარცხა და კარგი სტარტის შემდეგ პოლონელ ანა კუჩერასაც მოუგო. ლიპარტელიანისთვის უნგრელ კარაკსთან მეოთხედფინალური შეხვედრა საკმაოდ მძიმე გამოდგა (8 წუთი და 54 წამი), რამაც ნახევარფინალში თავი იჩინა. სამწუხაროდ, ეთერმა ტიმნა ნელსონ ლევისთან მარცხით ფინალში გასვლა ვერ მოახერხა და ბრძოლა ბრინჯაოს მედლისთვის გააგრძელა. ლიპარტელიანმა მესამე ადგილისთვის ბრძოლაში პოლონელ იულია კოვალჩიკს აჯობა, რითაც პირველი ქართველი ქალი ძიუდოისტი გახდა, რომელმაც გრანდ სლემზე მედლის მოგება შეძლო.

Грузинский дзюдоист Темур Нозадзе
თემურ ნოზაძე

მსგავსად ლიპარტელიანისა ფანტასტიკური სტარტი ჰქონდა თემურ ნოზაძესაც. მან პირველ ეტაპზე ბრაზილიელ ფილიპე პელიმს 49 წამში მოუგო, რის შემდეგაც კიდევ ერთი მეტოქე ჩამოიშორა. ნოზაძემ მესამე ბრძოლაც იპონით დაასრულა და ნახევარფინალში უკრაინელ არტემ ლესიუკს დაუპირისპირდა, რომელსაც დამატებით დროში ვაზარით აჯობა. ფინალში გასული ქართველი ძიუდოისტი სამწუხაროდ აზერბაიჯანელ მოჭიდავესთან დამარცხდა და ნოზაძე ვერცხლის მედალს დასჯერდა.

გრანდ სლემის მეორე საჭიდაო დღეს ტატამზე ოთხი ქართველი ძიუდოისტი ვიხილეთ: ლაშა შავდათუაშვილი (73კგ), ნუგზარ ტატალაშვილი (73კგ), ლუკა მაისურაძე (81კგ) და ვლადიმერ ახალკაცი (81კგ).

მედლის მოპოვება კი მხოლოდ ერთმა ძიუდოისტმა შეძლო. ნუგზარ ტატალაშვილმა მესამე ადგილისთვის შეხვედრაში შვედი მოწინააღმდეგე დაამარცხა და დიდხნიანი პაუზის შემდეგ გრანდ სლემზე მედალი მოიგო.

Дзюдоист Таталашвили проводит поединок в рамках чемпионата Европы
© Sputnik / STRINGER
ნუგზარ ტატალაშვილმა მესამე ადგილისთვის შეხვედრაში შვედი მოწინააღმდეგე დაამარცხა

რაც შეეხება ქართველ ოლიმპიურ ჩემპიონს ლაშა შავდათუაშვილს, ის ტურნირს ისრაელის წარმომადგენელთან შეხვედრით გამოეთიშა. ჭიდაობის მიმდინარეობისას მასპინძელი ქვეყნის ძიუდოისტის გაფრთხილება რამდენჯერმე შეიძლებოდა, თუმცა მსაჯებმა საპირისპირო გადაწყვეტილება მიიღეს და შავდათუაშვილი პასიურობის გამო მედლისთვი ბრძოლას გამოეთიშა. ლაშა გამარჯვების შემთხვევაში ისრაელიდან ბრინჯაოს მედალს წამოიღებდა.

Бека Гвиниашвили. Дзюдо. Мужчины
© Sputnik / STRINGER
ბექა ღვინიაშვილი

გრანდ სლემის ბოლო საჭიდაო დღეს ქართველებიდან პირველი შეხვედრა ბრინჯაოს მედლისთვის ბექა ღვინიაშვილმა (90კგ) აზერბაიჯანელ მამადალი მეჰდიევთან გამართა. ქართველმა საწყის წუთებშივე მსაჯისგან პასიურობისთვის გაფრთხილება მიიღო, რის შემდეგაც ბექამ საგრძნობლად მოუმატა და შედეგმაც არ დააყოვნა, აზერბაიჯანელს ღვინიაშვილმა იპონით მოუგო და ბრინჯაოს მედალს დაეუფლა.

ამავე წონით კატეგორიაში ფინალში იჭიდავა ლაშა ბექაურმაც, რომელიც ესპანეთის სახელით მოასპარეზე ნიკოლოზ შერაზადიშვილს დაუპირისპირდა. ბექაურმა პირველივე წუთზე ვაზარის მოპოვება შეძლო, უპირატესობის შენარჩუნება კი ლაშამ ორთაბრძოლის ბოლომდე მოახერხა და ისრაელში პირველი ქართული ოქროც მოიპოვა.

100კგ წონით კატეგორიაში ბრინჯაოს მედლის მოსაპოვებლად ერთმანეთს ქართველები დაუპირისპირდნენ. ორთაბრძოლის შუა ნაწილში ილია სულამანიძემ ონისე სანებლიძის დაგდება მოახერხა, რასაც მისი მხრიდან კიდევ ერთი გდება მოჰყვა და ბრინჯაოს მედალს დაეუფლა.

Гурам Тушишвили (Грузия) радуется победе в поединке за золотую медаль
© photo: Sputnik / Alexey Filippov
გურამ თუშიშვილი

მძიმე წონით კატეგორიაში მოასპარეზე გურამ თუშიშვილმა ბრინჯაოს მედლისთვის ბრძოლაში ბელარუსი მოჭიდავე ალექსანდრ ვახავიაკი დაამარცხა. გურამის აქტიურობას პირველივე წუთზე მოპოვებული ვაზარი მოჰყვა, ხოლო შეხვედრის შუა ნაწილში ქართველმა გოლიათმა კიდევ ერთი გდება შეასრულა, რითაც საქართველოს კიდევ ერთი მედალი შემატა. აღსანიშნავია, რომ თუშიშვილმა ნახევარფინალური ბრძოლა გელა ზაალიშვილთან დათმო, რომელმაც ფინალში რუს ტამერლან ბაშაევთან უმნიშვნელოვანესი გამარჯვება მოიპოვა და საქართველოს მეორე ოქრო აჩუქა. ზაალიშვილმა მოწინააღმდეგე თავისსავე ილეთზე წამოაგო და შეხვედრა ულამაზესი გდებით დაასრულა.

 

 

1696
ადამიანები საპროტესტო აქციაზე

საქართველო ვაქცინის მოლოდინში - რატომაა ქვეყანა დღემდე COVID-19-ის ვაქცინის გარეშე?

22
(განახლებულია 09:33 06.03.2021)
საქართველო თებერვალში COVID-19-ის ვაქცინის პირველ პარტიას ელოდებოდა. თავდაპირველად სამედიცინო პერსონალის აცრა იგეგმებოდა. მაგრამ ვაქცინა დღემდე არ ჩანს, ხელისუფლება კი ამტკიცებს, რომ ვაქცინის ნაწილი მარტის ბოლოს ჩამოვა, მეორე ნაწილი - მაისში.

საკითხის გარკვევას Sputnik-ის რუბრიკის ავტორი შეეცადა.

საქართველოში მოსახლეობა ორ ჯგუფად გაიყო: ნაწილი მოუთმენლად ელის კორონავირუსის ვაქცინას, მეორე ნაწილი კი - სკეპტიკურად განწყობილი - დარწმუნებულია, რომ ვაქცინა უსარგებლოა. ამასთან, ორივე კატეგორია თანაბრად უკმაყოფილოა ხელისუფლების მოქმედებით და მთავრობას პანდემიასთან უპასუხისმგებლო და არაეფექტურ ბრძოლაში ადანაშაულებს.

რატომ არ არის ვაქცინა?

თებერვლის ბოლოს საქართველომ ვერ მიიღო Pfizer-ის შეპირებული ვაქცინის პირველი პარტია - სულ რაღაც 29 ათასი დოზა. იგეგმებოდა სამედიცინო პერსონალის აცრა, რომელსაც უშუალო კონტაქტი აქვს ინფიცირებულ პაციენტებთან.

როგორც მთავრობაში აცხადებენ, ქვეყანა ხსენებული ვაქცინის მისაღებად მომზადებული იყო - ჩამოიტანა 50 ათასი სპეციალური შპრიცი, მოამზადა მაცივრები, ცხრა სამედიცინო დაწესებულება, პერსონალი. თუმცა ვაქცინა დღემდე არ ჩანს.

დაავადებათა კონტროლის ეროვნული ცენტრის ხელმძღვანელმა საპასუხოდ აღნიშნა, რომ ბაზარზე სერიოზული დეფიციტია, ამ სიტყვის პირდაპირი გაგებით - „გაჩაღებულია ვაქცინების მესამე მსოფლიო ომი“.

ამასობაში საქართველო, ხელისუფლების წარმომადგენელთა თქმით, განაგრძობს COVAX-ის პლატფორმასთან თანამშრომლობას, რომელიც მას ვაქცინის მიღებაში უნდა დაეხმაროს. ქვეყანა მოლაპარაკებას აწარმოებს ასევე ვაქცინის მწარმოებელ სხვადასხვა კომპანიასთან - Pfizer-თან, AstraZeneca-სთან, Moderna-სთან და სხვ. მაგრამ დაპირებების გარდა ჯერ არაფერი მიუღია.

საქართველო მაისამდე 200 ათასი ადამიანის აცრას, ივნისიდან კი მასობრივი ვაქცინაციის დაწყებას გეგმავდა. როგორ მოახერხებს ქვეყანა ჩანაფიქრის ხორცშესხმას, ჯერ გაურკვეველია. მაისის ბოლომდე საქართველომ AstraZeneca-ს ვაქცინის 180 ათასიდან 300 ათასამდე დოზა უნდა მიიღოს. თუმცა ექსპერტების ნაწილს ამაში ეჭვი ეპარება.

სკანდალი და ბრალდებები

ვაქცინაციის საკითხი ნამდვილ სკანდალში მას შემდეგ გადაიზარდა, რაც ერთ-ერთ ქართულ მასმედიაში COVAX-ის პლატფორმაზე დაყრდნობით გამოქვეყნდა ინფორმაცია იმის შესახებ, რომ საქართველოში კომპანია Pfizer-ის ვაქცინის დაგვიანების მიზეზი დაწესებულ კრიტერიუმებთან ქვეყნის შეუსაბამობა გახდა.

ეს ვერსია კატეგორიულად უარყვეს საქართველოს ჯანდაცვის სამინისტროში და განაცხადეს, რომ Pfizer-ის დამატებითი მოთხოვნები საქართველოსადმი არანაირად არ უკავშირდება ვაქცინის მისაღებად ქვეყნის ტექნიკურ მზადყოფნას, არამედ დაკავშირებულია ფინანსურ რისკებთან. ჯანდაცვის სამინისტროში არ გამორიცხავენ, რომ COVAX-ის პლატფორმის ტექსტის თარგმნისას შეცდომა იქნა დაშვებული. უწყება დაუკავშირდა COVAX-ს და სთხოვა ქართულ სააგენტოში გამოქვეყნებული განცხადების განმარტება.

COVAX-ის წარმომადგენელთა პასუხის შემდეგ ჯანდაცვის მინისტრმა ეკატერინე ტიკარაძემ განაცხადა, რომ საქართველომ პლატფორმას შესაძლოა უჩივლოს იმ ინფორმაციის გავრცელების გამო, თითქოს ქვეყანა ტექნიკურად არ იყო მზად Pfizer-ის ვაქცინის პირველი პარტიის მისაღებად. საუბარია რეპუტაციაზე, განაცხადა მინისტრმა და დასძინა, რომ პლატფორმასთან სექტემბრიდან დაწყებულ მიმოწერაში არავითარი მითითება არ ყოფილა იმაზე, რომ საქართველომ რაიმე შეცდომა დაუშვა. ტიკარაძემ აღნიშნა ასევე, რომ პლატფორმა ერთხელ უკვე აღმოჩნდა მსგავს სიტუაციაში, როდესაც ბოსნიამ მის წინააღმდეგ სარჩელი შეიტანა. 

ხელისუფლების განცხადებით, საქართველომ COVAX-ს უკვე გადაურიცხა 575 ათასი დოლარი. საქართველოს დაავადებათა კონტროლის ცენტრში ირწმუნებიან, რომ ვაქცინის პირველი პარტია ამ თვეში ჩამოვა და იმუნიზაცია დაიწყება. სავარაუდოდ, ეს იქნება AstraZeneca-ს ვაქცინა.

Novavax და საქართველო

თავის მხრივ, COVAX-მა აგორებული სკანდალის ფონზე გადაწყვიტა, ქვეყნისთვის ახალი Novavax-ის ვაქცინა შემოეთავაზებინა. საქართველოს ჯანდაცვის სამინისტრომ პრაქტიკულად მაშინვე გამოხატა დაინტერესება ამ პრეპარატით და მალევე თბილისის ინფექციური საავადმყოფოს დირექტორმა თენგიზ ცერცვაძემ განაცხადა, რომ ივნისამდე საქართველო ამ კომპანიისგან მილიონ დოზას მიიღებდა. ცერცვაძის ინფორმაციით, Novavax-ის ვაქცინა ორ ინიექციას გულისხმობს, ისევე როგორც AstraZeneca-ს და Pfizer-ის ვაქცინები.

არა ჩინურ ვაქცინას!

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ფიქრობს, რომ საქართველოს არ აწყენდა დაეწყო კორონავირუსის საწინააღმდეგო აცრა ჩინური ვაქცინით.

ორი თვის წინ ქართველი ეპიდემიოლოგები საუბრობდნენ საქართველოში ჩინური ვაქცინის შემოტანის მზადყოფნაზე, თუმცა ქვეყანაში ისეთი აჟიოტაჟი ატყდა, რომ ჯანდაცვის მინისტრმა ჩინური ვაქცინის შემოტანის ალბათობა გამორიცხა.

აჟიოტაჟი ამ თემის ირგვლივ მას შემდეგ არ ცხრება. სამოქალაქო აქტივისტები და ჯანდაცვის სფეროს ექსპერტები ვაქცინის (მაგრამ არა ჩინურის) შემოტანის მოთხოვნით საპროტესტო აქციებს მართავენ და აცხადებენ, რომ „ქართველები საცდელი კურდღლები არ არიან“.

საქართველოს თავადაც შეეძლო ვაქცინის დამზადება

ქართველი პოლიტოლოგი და პუბლიცისტი, „საქინფორმის“ მთავარი რედაქტორი არნო ხიდირბეგიშვილი ფიქრობს, რომ საქართველო ახლო მომავალში ვაქცინას, სავარაუდოდ, ვერ მიიღებს. ამასთან, მისი თქმით, საქართველოს ჰქონდა რუსული ვაქცინის „სპუტნიკ  V“-ს არა მხოლოდ მიღების, არამედ დამზადების შანსიც.

„რუსეთი მზად იყო ვაქცინის დამზადების ტექნოლოგია გაეზიარებინა ქვეყნებისთვის, რომელთაც ამის შესაძლებლობა გააჩნიათ. საქართველოს სამეცნიერო-ტექნიკური ბაზის, იმის გათვალისწინებით, რომ ბაქტერიოფაგის ინსტიტუტი ამზადებს წამლებს და სხვა მედიკამენტებს, საქართველო სავსებით შეძლებდა „სპუტნიკ  V“-ს დამზადების ტექნოლოგიის ათვისებას და დააკმაყოფილებდა არა მხოლოდ საკუთარ მოთხოვნილებას, არამედ მეზობელ ქვეყნებშიც გაიტანდა. თუმცა ამას გარკვეული ძალები სერიოზულად დაუპირისპირდნენ“, - განაცხადა არნო ხიდირბეგიშვილმა.

პოლიტოლოგი მიიჩნევს, რომ, როდესაც საქმე ერის გადარჩენას ეხება, პოლიტიკურმა მოტივებმა მეორე პლანზე უნდა გადაინაცვლოს. ბევრმა ქვეყანამ, რომელიც ძლიერ განსხვავდება რუსეთისგან პოლიტიკური კურსით, უკვე შეიძინა „სპუტნიკ  V“, რომელმაც თავისი ეფექტურობა დაამტკიცა, ამტკიცებს ექსპერტი.

რატომ ვერ შემოვა საქართველოში რუსული ვაქცინა?

პოლიტოლოგი არჩილ სიხარულიძე ამტკიცებს, რომ ქვეყანა შეცდა, როდესაც მთელი იმედები დაამყარა COVAX-ის პლატფორმაზე და ის ევროკავშირის ნომერ პირველ პარტნიორად მიიჩნია. COVAX-მა კი, მისი თქმით, უბრალოდ არ შეასრულა ვალდებულება და ვაქცინა სხვა ქვეყნებს გადასცა, საქართველო კი ხელცარიელი დარჩა.

„ეს იმის გამო მოხდა, რომ ზოგიერთი ჩვენი არაადეკვატური პროდასავლური კოლეგა, ნაცვლად იმისა, რომ ვაქცინაციის იდეა ყველა შესაძლო ხერხით გაავრცელოს, გეოპოლიტიკურ განზომილებაზე ზრუნავს. შედეგად ვერც COVAX-გან ვერ იღებენ ვაქცინას და ვერ „სპუტნიკს“ ვერ იძენენ“,  - განუცხადა სიხარულიძემ Sputnik-საქართველოს.

სიხარულიძის თქმით, ამჟამად შედეგი ასეთია - მდიდარი ქვეყნები უკვე იცრებიან, ევროკავშირის ნაწილი კვლავ ელოდება, საქართველო კი პლატფორმის წინააღმდეგ სარჩელის შეტანით იმუქრება. პოლიტოლოგის აზრით, ეს კლასიკური მაგალითია იმისა, რომ ქვეყანამ ახალი იდეები უნდა წამოაყენოს, თავად შექმნას რაღაც და „დასავლეთის შემყურე“ არ იყოს.

„ახლა ისინი რაღაც კორეული, ჩინური და ინდური ნაგვის ყიდვას გეგმავენ რუსული „სპუტნიკ  V“-ს შეძენის ნაცვლად, რომლის ეფექტიანობაც სამეცნიერო დონეზე დამტკიცდა. მაგრამ, რადგან ჩვენმა ფსევდო-პროდასავლურმა პიროვნებებმა ჭუჭყში ამოსვარეს „სპუტნიკის“ ვაქცინა, ამ საკითხის კვლავ განხილვას ვეღარ ახერხებენ“, - აღნიშნა სიხარულიძემ.  

„სპუტნიკის“ შეძენის საკითხს, პოლიტოლოგის თქმით, იხილავენ გერმანიაშიც. „ჩვენი პოლიტიკური ელიტა კი იმდენად უგუნურია, რომ „სპუტნიკის“ შეძენა არ შეუძლია. ჩვენ, როგორც მათხოვრები, იძულებული ვართ, COVAX-ს დაველოდოთ“, - აღნიშნა სიხარულიძემ.

რუსული ვაქცინისადმი უნდობლობას სიხარულიძე იმით ხსნის, რომ დასავლეთში აქტიურობდნენ გარკვეული წრის ადამიანები, რომლებსაც ბაზარზე საკუთარი ადგილის დასაკავებლად „სპუტნიკ  V“-ს დისკრედიტაცია სურდათ.

„მაგრამ როდესაც „ლანცეტმა“ გამოაქვეყნა სტატია, რომელშიც უთითებდა, რომ რუსეთმა სამ თვეში გააკეთა ის, რასაც ჰარვარდის ინსტიტუტებიც კი მთელ წელიწადს ანდომებენ, ეს ადამიანები აღმოჩნდნენ სამეცნიერო ფაქტის პირისპირ, რომ „სპუტნიკ  V“-ს ეფექტურობა 91%-ია“, - აღნიშნა სიხარულიძემ.

იგი დარწმუნებულია, რომ საქართველო არ უნდა დაელოდოს მხოლოდ COVAX-ის პლატფორმას, არამედ სცადოს „სპუტნიკისა“ და სხვა ვაქცინების შეძენა.

„შეიძლება ვერ მოვასწროთ“

ჯანდაცვის საკითხთა ექსპერტი ვატო სურგულაძე ფიქრობს, რომ საქართველოს ვაქცინა დღემდე არ მიუღია იმ პირთა უპასუხისმგებლობის გამო, რომლებიც მთელ ამ პროცესზე არიან პასუხისმგებელი. რაც შეეხება COVAX-ის პლატფორმას, სურგულაძე იზიარებს იმ აზრს, რომ საქართველო მხოლოდ მის იმედად არ უნდა იყოს.

„COVAX მოგვცემს 400 ათას დოზას, ჩვენ კი 2,5-3 მილიონი დოზა გვჭირდება. გუშინ საქართველოს საგარეო საქმეთა მინისტრის მოადგილე ინდოეთში გაემგზავრა ვაქცინის მოწოდებაზე მოსალაპარაკებლად. და აქამდე სად იყვნენ? ანუ მხოლოდ გუშინწინ დაიწყეს მოქმედება?“ - სვამს კითხვას სურგულაძე.

მან მაგალითის სახით ისრაელი მოიყვანა, რომელიც მოსახლეობის ვაქცინაციის სისწრაფით მსოფლიო ლიდერია: ქვეყნის ჯანდაცვის სამინისტროს მონაცემებით, იქ უკვე აცრილია მოსახლეობის 30%. ისრაელის პრემიერ-მინისტრი ნეთანიაჰუ მწარმოებლებთან შესახვედრად აშშ-ში 17-ჯერ გაემგზავრა. „აი ეს არის მუშაობა“, - ამბობს სურგულაძე.

რაც შეეხება ინდოეთს, ექსპერტის სიტყვებით, ინდური ბიოქიმიური ლაბორატორია „სერუმი“, რომელიც, სხვათა შორის, AstraZeneca-ს პატრონაჟით მუშაობს, ვაქცინების მწარმოებელ ერთ-ერთ ყველაზე ძლიერ კომპანიად ითვლება. ის უშვებს არა მხოლოდ კორონავირუსის ვაქცინას, არამედ გრიპის და სხვა საბავშვო ვაქცინებს.

„უკრაინამ ინდური ვაქცინის 12 მილიონი დოზა შეიძინა, - აღნიშნავს სურგულაძე. - ეს AstraZeneca-აა. რა მნიშვნელობა აქვს, სად უშვებენ? ინდოეთში ძალიან კარგი კომპანიებია, უკეთესიც კი, ვიდრე ევროპაში“.

საქართველოს ვაქცინების შესაძენად სულ 50 მილიონი ევრო სჭირდება და მთავრობას ეს ფული აქვს, ამტკიცებს სურგულაძე. მაგრამ თუ ქვეყანაში ამ საკითხს პროფესიონალურად არ მიუდგებიან, საქართველო პოპულაციურ იმუნიტეტს 2022 წლის ზაფხულამდე ვერ მიაღწევს, შიშობს ექსპერტი.

 

22
Ан-124-100 „რუსლანი“

მიმოხილვა: რაში სჭირდება რუსეთს ავიაგიგანტის აღორძინება

17
(განახლებულია 14:16 05.03.2021)
მძიმე დიდი სიშორის სამხედრო–სატრანსპორტო თვითმფრინავმა Ан-124 „რუსლანმა“, რომელიც უკვე 30 წელია მსოფლიოს ყველაზე დიდ და სრულყოფილ მანქანაად მიიჩნევა სერიულ ანალოგებს შორის, შესაძლოა მეორე სიცოცხლე და მოდერნიზებული სახე შეიძინოს.

ულიანოვსკის საწარმო „ავიასტარში“ თათბირისას თავდაცვის მინისტრ სერგეი შოიგუს „რუსლანის“ წარმოების განახლება შესთავაზეს. ამ ქარხანაში 56–დან 36 ამ ტიპის თვითმფრინავია დამზადებული. საწარმოს ტექნოლოგიური დონე საშუალენბას იძლევა, უმოკლეს ვადებში აიწყოს „რუსლანის“ სერიული წარმოება.

ულიანოვსკელი ავიამშენებლების წინადადება მარტივი არ არის. მსგავის ინიციაიტვა მანამდე თავად რუსეთის თავდაცვის მინისტრისგან მომდინარეობდა. მაგრამ ამ პროექტს გამუდმებით რაღაც უშლიდა ხელს. თავდაცვის სამინისტროში კი მიაჩნდათ, რომ Ан-124–ების წარმოება აუცილებლობა არ იყო, ვინაიდან უკვე არსებული პარკის რემონტის გზით „რუსლანები“ 2040–ანი წლების ბოლომდე შეიძლება იყოს გამოყენებული. მეორე მხრივ, იგივე საწარმო შესაძლებლად მიჩნევს Ан-124–ების ანალოგიური თვითმფრინავების გამოშვებას 2020 წლის შემდეგ. შესაძლოა, სწორედ ახლა იშლება ახალი პერსპექტივები „რასლანისთვის“ და რუსეთის სამხედრო–სატრანსპორტო ავიაციისთვის.

სირიაში, მთიან ყარაბაღსა და პლანეტის სხვა ცხელ წერტილებში ბოლო წლების საგანგაშო მოვლენები ამტკიცებს, რაოდენ მნიშვნელოვანია მძიმე სამხედრო–სატრანსპორტო ავიაცია ჯარების, შეიარაღებისა და მატერიალური საშუალებების  ოპერატიული გადასროლისთვის. შეგახსენებთ, რომ „რუსლანს“ საათში 850 კმ სიჩქარით შეუძლია 120 ტონა ტვირთი გადაიტანოს 4800 კილომეტრზე. მაგრამ თავდაცვის სამინისტროში მხოლოდ ათი Ан-124–ია ექსპლუატაციაში. ახალი გამოწვევები და საფრთხეები კი მათი რაოდენობისა და ხარისხის ზრდას მოითხოვს.

პირველად ისტორიაში

სირიაში კვლავაც ნარჩუნდება რთული სამხედრო–პოლიტიკური ვითარება. შიტუაციამ შესაძლოა მობილური მხარდაჭერა მოითხოვოს, ამიტომ ქვეყანში რუსეთის სამხედრო კოსმოსური ძალების ოპერატიული აეროდრომების ქსელი ფართოვდება. ამერიკული გამოცემა The Drive–ს ინფორმაციით, ჰმეიმში ასაფრენ–დასაჯდომი ზოლის სიგრძე 3,2 კმ–მდე გაიზარდა, რაც „მძიმედ დატვირთული“ სამხედრო–სატრანსპორტო Ан-124 „რუსლანების“ მიღებას შესაძლებელს ხდის.

მანამდე სამხედრო–სატრანსპორტო ავიაციამ ოპერატიულად გადაისროლა რუსეთიდან სომხეთში 1960 სამხედრო სამშვიდობო კონტინგენტიდან — საშტატო შეიარაღებითა და ტექიკით. ასეთი ოპერაციები წინასწარ უნდა დამუშავდეს, საჭიროა სარეზერვო თვითმფრინავები, ეკიპაჟები, მარშრუტები და აეროდრომები.

მოულოდნელი სამხედრო კონფლიქტის პირობებში, მთელი რუსეთის მასშტაბით დისლოცირებული ჯარები ერთი ორგანიზმივით უნდა მოქმედებდეს და ოპერატიულად რეაგირებდეს ვითარების ნებისმიერ ცვალებადობაზე. ამას კი ათობით და ასობით სამხედრო–სატრანსპორტო ავიაცია დასჭირდება. და უახლოეს ხანებში ულიანოვსკის ავიაქარხანას სამუშაო მოემატება.

მეორედ მოსვლა

თვითმფრინავ Ан-124-100 „რუსლანს“ 120 ტონაზე მეტი ტვირთის აწევა შეუძლია ჰაერში. თავდაცვის სამინისტროს გარდა, ასეთი 20 თვითმფრინავი სხვადასხვა სტრუქტურებშიც იყო გამოყენებული.

თქმა არ უნდა, Ан-124–ის ტიპის მძიმე ტექნიკის რაოდენობა რუსეში გაიზრდება. ალბათ ციფრული მოდერნიზაციისა და ახალი ძრავების, მნიშვნელოვნად შეცლილი ავიონიკისა და შასების კონსტრუქციის შემდეგ მძიმე სამხედრო–სატრანსპორტო თვითმფრინავებს სხვა სახელი დაერქმევა. მაგალითად, ნატოში Ан-124–ს უკვე დიდი ხანია, „კონდორს“ უწოდებენ.

უკრაინის სახელმწიფო საწარმო ANTONOV–ში მიაჩნით, რომ მსგავსი წარმოება უკრაინული მხარის მონაწილეობის გარეშე შეუძლებელია, მაგრამ მანამდე რუსეთის „მინპრომტორგში“ განაცხადეს, რომ ANTONOV–ი, როგორც Ан-124–ების სერტიფიკატის მფლობელი, არ ასრულებს ვალდებულებებს და ამიტომ საქმეში რუსული მრეწველობის ჩართვაა აუცილებელი.

თვითმფრინავი Ан-124 საბჭოთა კავშირში შეიქმნა — ულიანოვსკის, ვორონეჟისა და კიევის საწარმოთა კოოპერირებით. შეიარაღებაში კი 1991 წელს შევიდა. თავდაპირველად მისი დანიშნულება იყო კონტინენტთშორისი ბალისტიკური რაკეტების გამშვები მოწყობილობების გადატანა. ულიანოვსკში დამზადდა 56–დან 36 „რუსლანი“. და შემთხვევითი არ არის, რომ უკრაინული ფირმა ANTONOV–ის პროდუქციის ოთხ დასახელებაში დღეს Ан-124 არ ფიგურირებს.

უნდა ითქვას, რომ მსოფლიოში სახელგანთქმული საბჭოთა ავიაკონსტრუქტორი ოლეგ ანტონოვი მოსკოვის გუბერნიაშია დაბადებული, სწავლობდა სარატოვსა და ლენინგრადში, საკონსტრუქტორო სამუშაოები მოსკოვში დაიწყო. 1946 წელს ციმბირის ავიაციის სამეცნიერო–კვლევით ინსტიტუტს ხელმძღვანელობდა, რომელიც 1952 წელს გადაიტანეს კიევში.

რედაქცია შესაძლოა არ ეთანხმებოდეს ავტორის პოზიციას!

17
თემები:
რუსეთი დღეს

ციმბირში მაინინგ კომპანიამ 40 000 წლის მამონტის ეშვები აღმოაჩინა და მუზეუმს გადასცა

0
ციმბირის ქალაქ კემეროვოს ჩრდილოეთით 25 კილომეტრის დაშორებით ნახშირის მაღაროში აღმოჩენილი ოთხი მამონტის ეშვი ხუთშაბათს კუზბასის სახელმწიფო მუზეუმს გადაეცა

მამონტის ნაშთები აღმოაჩინეს იანვარში, ურალის სამთო მეტალურგიული კომპანიის საკუთრებაში არსებულ მაღაროში, რომელიც არის რუსეთის წამყვანი ქვანახშირის მწარმოებელი. ურალის სამთო მეტალურგიული კომპანიის შვილობილი კომპანიის "კუზბასრაზრეზუგოლის" საზოგადოებასთან ურთიერთობის განყოფილების ხელმძღვანელმა ლარისა ბერესტნევამ აღნიშნა, რომ ექსკავატორები მას თიხის ფენაში მუშაობისას წააწყდნენ. 

"სავარაუდოდ, ეს ოთხი ეშვი ოთხ სხვადასხვა მამონტს ეკუთვნის. ერთი შეხედვით, ძვლების დიამეტრი განსხვავებულია, რაც მაფიქრებინებს, რომ ისინი სხვადასხვა მამონტებს ეკუთვნით, თუმცა დარწმუნებული არ ვარ", - განაცხადა სამეცნიერო დეპარტამენტის უფროსმა დიმიტრი სლობოდინმა.

"თარიღის დადგენა? ჯერ რთული სათქმელია. აუცილებელია შეისწავლოთ ადგილმდებარეობა, სადაც ისინი აღმოაჩინეს. მაგრამ, სავარაუდოდ, ეს იქნება ათიდან ორმოც ათას წლამდე”, - აღნიშნა მან.

აღმოჩენები მალე გამოიფინება მუზეუმში, მაგრამ მანამდე მისი კარგად შესწავლა და მომზადებაა საჭირო.

0