ვაქცინაცია

მიმოხილვა: რომელი ვაქცინით სჯობს აცრა, ანუ 5 მთავარი მითი ვაქცინაციის შესახებ

63
რომელი ვაქცინა უნდა აირჩიონ კორონავირუსზე ასაცრელად სუსტი იმუნიტეტის მქონე ადამიანება, რატომ შედგება ყველა კოვიდ–ვაქცინა ორი კომპონენტისგან და რამდენი ხნის განმავლობაში ნარჩუნდება  ვაქცინაციის შემდეგ ორგანიზმში ანტისხეულები — ამ კითხვებზე პასუხები იხილეთ მიმოხილვაში

დიანა კურმანოვა

ჯანდაცვის მსოფლიო ორგანიზაციამ ერთი წლის წინ ცნო კორონავირუსის აფეთქება საერთაშორისო მასშტაბის საგანგებო ვითარებად — პანდემიად გამოაცხადა იგი და COVID-19–ის ვა ქცინების რეგისტრაციაზე საგანგებო რეჟიმში გასცა ნებართვა.

შედეგად, 2021 წლის დასაწყისისთვის მსოფლიოში უკვე ორასზე მეტი კოვიდ–ვაქცინის შექმნაზე მუშაობენ. ზოგი მათგანი კი სერიულ წარმოებაშია ჩაშვებული — მაგალითად, ამერიკული Moderna და რუსული „სპუტნიკ V“. მანამდე მასობრივი წარმოებისთვის სამზადისის შესახებ ინფორმაცია გაავრცელა  ჩინურმა SinoPharm–მაც.

რომელი ვაქცინით სჯობს აიცრნენ ასაკოვანი ადამიანები და რომლით — ალერგიისადმი მიდრეკილები? მართალია, რომ ნებისმიერი ვაქცინა შეილძლება იყოს სახიფათო? ეს შეკითხვები Sputnik–მა საერშაშორისო მეცნიერ-ვირუსოლოგებს დაუსვა.

მითი 1: ანტისხეულები მხოლოდ 3–4 თვე ნარჩუნდება

რა საჭიროა აცრა, თუ ვაქცინა მაინც არ მოქმედებს დიდხანს? — ასე ხსნიან უარს ვაქცინაციაზე COVID-დისიდენტები და არგუმენტად ეს „3–4 თვე“ მოჰყავთ. თითქოს სწორედ ამდენი ხნის განმავლობაში ნარჩუნდება ადამიანის ორგანიზმში ის ანტისხეულები, რომლებიც ვაქცინაციის შედეგად წარმოიქმნება. მაგრამ ამ ციფრებს არაფერი არ ამტკიცებს, გარდა სოციალურ ქსელებში ანონიმური კომენტარებისა.

„საიდან გაჩნდა ეს ციფრი ინტერნეტში? ეტყობა ინტერნეტმა ეტყობა უკეთ იცის, ვიდრე ჩვენ, ვურუსოლოგებმა  ვიცით, — განუცხადა Sputnik–ს გამალეის ეპიდემიოლოგიისა და მიკრობიოლოგიის სამეცნიერო ცენტრის პროფესორმა ანატოლი ალტშტეინმა. — სინამდვილეში კორონავირუსის ნებისმიერი ვაქცინა ახალია და მოქმედების ზუსტ ვადას ვერავინ დაგისახელებთ, თუმცა ეს 3–4 თვე ნამდვილად არ არის. პროგნოზირებადი იმუნიტეტი ვაქცინის შემდეგ — ეს ერთი წელია. შესაძლოა მეტი ხნის განმავლობაშიც შენარჩუნდეს, რასაც დრო გვაჩვენებს“.

ამის პარალელურად კი ცნობილი გახდა, რომ გამალეის ცენტრში შექმნილი ვაქცინა „სპუტნიკ V“, რომელიც საკუთარ თავზე გამოსცადეს მისმა თანამშრომლებმა, უკვე 9 თვეა, ნარჩუნდება.

მითი 2: ვაქცინაცია საშიშია

აცრა ყველასთვის არ შეიძლება — მაგალითად, ორსული ქალებისთვის, მეძუძური დედებისთვის, მძიმე ალერგიული რეაქციების მქონეებისა და ასევე მათთვის, ვისაც ბოლო წლის განმავლობაში სხივური თერაპია აქვს ჩატარებული.

თუმცა ეს შეზღუდვები არ უკავშირდება იმ ფაქტს, რომ COVID-19–ის საწინააღმდეგო ვაქცინები ცოტა ხნის წინაა შემქნილი. აბსოლუტურად ყველა არსებულ ვაქცინას აქვს ინსტრუქცია, რომელიც ჯანმრთელობის პრობლემების მქონე ადამიანებისთვის რეკომენდაციებსა და გაფრთხილებებს მოიცავს.

მაგალითად, ონკო–დაავადებულებს ხშირ შემთხვევაში დაქვეითებული აქვთ იმუნუტი ფუნქცია, ამიტომ ვაქცინა მათთვის ნაკლებად ეფექტური იქნება. ამასთან ონკო–პაციენტებს არ ეკრძალებათ ვაქცინაცია, თუმცა, სანამ ამის შესახებ გადაწყვეტილებას მიიღებენ, ექიმთან უნდა გაიარონ კონსულტაცია.

ანატოლი ალტშტეინის თქმით, სანამ მასობრივ მიმოქცევაში შევა, ვაქცინა უამრავ გამოცდას გადის, ამიტომ ის ვერ იქნება სახიფათო.

„როგორც კორონავირუსით სიკვდილიანობის სტატისტიკა აჩვენებს, ზოგი ადამიასთვის დაავადება განსაკუთრებით საშიშია. როდესაც „სპუტნიკ V–ს“ შუალედური გამოცდები მიმდინარეობდა, ისმოდა კრიტიკა, რომ კვლევა 20 ათას კაცზე ტარდებოდა, სხვა კომპანიები კი 40 ათას ადამიანზე ცდიდნენ ვაქცინებს. მაგრამ ოცი ათასიც საკმაოდ დიდი ციფრია და ყველა მათგანი ცოცხალია და ჯანმრთელი. როდესაც ასეთ რაოდენობაზეა საუბარი, რაიმე უარყოფითი მოვლენის დამალვა შეუძლებელია“, — განმარტა ალტშტეინმა.

ავტორიტეტულმა სამეცნიერო ჟურნალმა The Lancet–მა  (გამოიცემა დიდ ბრიტანეთში 1823 წლიდან), საერთაშორისო საექსპერტო შეფასება გამოაქვეყნა, რომლის თანახმადაც, „სპუტნიკ V–ს“ კლინიკური გამოცდების მესამე ფაზამ ვაქცინის 91,6%-იანი ეფექტურობა გამოვლინა.

მითი 3: რახან ვაქცინა ორკომპონენტიანია, ესე იგი, მძიმეა

ანატოლი ალტშტეინის თქმით, კორონავირუსის ვაქცინას ხშირად ადარებენ გრიპის ვაქცინას, მაგრამ ეს სწორი არ არის.

„ადამიანებს უკვე დიდი ხანია ჩამოუყალიბდათ გარკვეული იმუნიტეტი გრიპის მიმართ და როგორც წესი, ყოველწლიურად იცრებიან“, — ამბობს ის.

ახალი ტიპის კორონავირუსი კი ადამიანი ორგანიზმისთვის ახალი მოვლენაა, მის მიმართ იმუნიტეტი ჯერ კიდევ არ წარმოქმნილა, და მის წინააღმდეგ მანამდე აცრები არ კეთდებოდა. ამიტომ ყველა არსებული ვაქცინა ორ ეტაპად კეთდება, რათა მდგრადი იმუნიტეტი ჩამოყალიბდეს.

სწორედ ორი კომპონენტი უზრუნველყოფს ვაქცინის მოქმედების მაღალ დონეს. ასე მაგალითად, რუსული ვაქცინა „ეპივაკკორონას“ კლინიკური გამოცდა მის ასპროცენტიან ეფექტურობას ადასტურებს, ხოლო ჩინური SinoPharm–ისა — 80%-ს აღწევს. შედარებისთვის: გრიპის ვაქცინა ერთი კომპონენტისგან შედგება და ორგანიზმსაც საშუალოდ 60%-ით იცავს.

უფრო მეტიც, ვაქცინის კომპონენტების რაოდენობა — ეს უბრალოდ ალგორითმია. მაგალითად, ჰეპატიტ В–ს ვაქცინა სამი ფაზისგან შედგება.

ბევრია დამოკიდებული ვაქცინის შემადგენლობაზეც: „სპუტნიკ V“ ბევრად უნივერსალურად მიიჩნევა, ვინაიდან დამზადებულია ვირუსის გამოყენებით, რომელსაც გამრავლების გენი ამოღებული აქვს. ამის წყალობითაა, რომ კორონავირუსის მუტანტ შტამებთან ბრძოლაც შეუძლია.

„ეპივაკკორონა “ კი ვირუსის ხელოვნურად სინთეზირებული ცილებისგან შედგება და ამიტომაცაა ყველაზე ნაკლებად ალერგიული.

მითი 4: ასაკოვანი ადამიანების აცრა არ შეიძლება

გასული წლის დეკემბრის ბოლომდე ასკოვანი ადამიანებს კორონავირუსზე აცრის რეკომენდაციას არ აძლევდნენ, თუმცა შემდეგ ეს აკრძალვა მოიხსნა. და ეს ჩვეულებრივი პრაქტიკაა, განუცხადა Sputnik–ს მედიცინის მეცნიერებათა დოქტორმა, ვირუსოლოგმა ვიქტორ ზუევმა.

„მე თავად ვარ 90+ ადამიანების ჯგუფში — 1929 წელს დავიბადე. ჩემი მეუღლეც ასეთივე ასაკისაა. ჩვენ უკვე ავიცერით და ვერაფერიც ვერ ვიგრძენით“, — თქვა მან.

ხანდაზმულებისთვის ვაქცინის რისკების არარსებობაზე მანამდე ოქსფორდის უნივერსიტეტის გენური თერაპიის პროფესორმა ლენ სეიმურმაც ილაპარაკა, რომელმაც „სპუტნიკ V–ს“ ეფექტურობა შეაფასა.

„მონაცემები წარმოაჩენს, რომ ვაქცინა „სპუტნიკ V–ს“ კარგი მოქმედება აქვს, მათ შორის, 60 წელზე მეტი ასაკის ადამიანების შემთხვევაშიც. ეს შთამბეჭდავი პროგრესი და მნიშვნელოვანი წვლილია მსოფლიოს ბრძოლაში COVID-19–ის წინააღმდეგ“, — განაცხადა მან.

სეიმურის შეფასება ციფრებს ეყრდნობა: 60 წელს გადაცილებულ 2144 მოხალისეს შორის კვლევების მომენტში ყველაზე უფროსის ასაკი 87 წელი იყო. კვლევებისას არ გამოვლენილა არცერთი სერიოზული გვერდითი ეფექტი. ყველა მონაწილეს უჯრედული იმუნურუ პასუხი ჩამოუყალიბდა, რომელიც მათ კორონავირუსის მძიმე ფორმისგან დაიცავს.

მითი 5: რუსეთმა მსოფლიოში პირველმა დაარეგისტრირა ვაქცინა და ესე იგი, ის დახვეწილი არ არის

ვიქტორ ზუევის თქმით, ბევრს ჰგონია — და ეს შეცდომაა— რომ რახან პანდემია ახალია, ესე იგი ვაქცინა ნაუცბათევად შეიქმნა. ვირუსოლოგია, როგორც მეცნიერება, ცდილობს, დასწრებაზე იმუშავოს. ანუ, დაავადება შეიძლება ახალი იყოს, მაგრამ ანტოდოტის შექმნის პროცესში მეცნიერები ყოველთვის იყენებენ მრავალი წლის განმავლობაში გამოცდილ ტექნოლოგიებს.

„სპუტნიკ V–მდე“ ფაქტობრივად 25 წლის განმავლობაში მივდიოდით. თავდაპირველად ის ტექნოლოგია, რომელიც ამ ვაქცინის დასამზადებლად გამოიყენება, ბავშვთა გენეტიკური დაავადებების საწინააღმდეგო წამლის შექმნისთვის შემუშავდა. მაგრამ პროცესში ნათელი გახდა, რომ ტექნოლოგია ებოლას ვაქცინისთვისაც გამოდგებოდა, მისგან სიკვდილიანობა კი ბევრად მაღალია, ვიდრე კორონავირუსისგან“, — განმარტა ზუევმა.

ოფიციალური მონაცემებით, ებოლას ცხელების საწინააღმდეგო ვაქცინაზე პატენტი გამალეის ცენტრს 2017 წელს მისცეს. კორონავირუსის ვაქცინის შექმნისას მეცნიერებმა იგივე ტექნოლოგია გამოიყენეს. როგორც ცენტრის დირექტორი ალექსანდრ გინცბურგი მანამდე აღნიშნავდა, არანაირი გამალებული სავაქცინო რბოლა არ მომხდარა — უბრალოდ, წინა გამოცდილებამ „შესაძელებელი გახადა, იმოკლეს დროში გამეორებულიყო ის, რაც უკვე არსებობდა“.

63
თემები:
რუსეთი დღეს (773)
ადამიანები საპროტესტო აქციაზე

საქართველო ვაქცინის მოლოდინში - რატომაა ქვეყანა დღემდე COVID-19-ის ვაქცინის გარეშე?

15
(განახლებულია 09:33 06.03.2021)
საქართველო თებერვალში COVID-19-ის ვაქცინის პირველ პარტიას ელოდებოდა. თავდაპირველად სამედიცინო პერსონალის აცრა იგეგმებოდა. მაგრამ ვაქცინა დღემდე არ ჩანს, ხელისუფლება კი ამტკიცებს, რომ ვაქცინის ნაწილი მარტის ბოლოს ჩამოვა, მეორე ნაწილი - მაისში.

საკითხის გარკვევას Sputnik-ის რუბრიკის ავტორი შეეცადა.

საქართველოში მოსახლეობა ორ ჯგუფად გაიყო: ნაწილი მოუთმენლად ელის კორონავირუსის ვაქცინას, მეორე ნაწილი კი - სკეპტიკურად განწყობილი - დარწმუნებულია, რომ ვაქცინა უსარგებლოა. ამასთან, ორივე კატეგორია თანაბრად უკმაყოფილოა ხელისუფლების მოქმედებით და მთავრობას პანდემიასთან უპასუხისმგებლო და არაეფექტურ ბრძოლაში ადანაშაულებს.

რატომ არ არის ვაქცინა?

თებერვლის ბოლოს საქართველომ ვერ მიიღო Pfizer-ის შეპირებული ვაქცინის პირველი პარტია - სულ რაღაც 29 ათასი დოზა. იგეგმებოდა სამედიცინო პერსონალის აცრა, რომელსაც უშუალო კონტაქტი აქვს ინფიცირებულ პაციენტებთან.

როგორც მთავრობაში აცხადებენ, ქვეყანა ხსენებული ვაქცინის მისაღებად მომზადებული იყო - ჩამოიტანა 50 ათასი სპეციალური შპრიცი, მოამზადა მაცივრები, ცხრა სამედიცინო დაწესებულება, პერსონალი. თუმცა ვაქცინა დღემდე არ ჩანს.

დაავადებათა კონტროლის ეროვნული ცენტრის ხელმძღვანელმა საპასუხოდ აღნიშნა, რომ ბაზარზე სერიოზული დეფიციტია, ამ სიტყვის პირდაპირი გაგებით - „გაჩაღებულია ვაქცინების მესამე მსოფლიო ომი“.

ამასობაში საქართველო, ხელისუფლების წარმომადგენელთა თქმით, განაგრძობს COVAX-ის პლატფორმასთან თანამშრომლობას, რომელიც მას ვაქცინის მიღებაში უნდა დაეხმაროს. ქვეყანა მოლაპარაკებას აწარმოებს ასევე ვაქცინის მწარმოებელ სხვადასხვა კომპანიასთან - Pfizer-თან, AstraZeneca-სთან, Moderna-სთან და სხვ. მაგრამ დაპირებების გარდა ჯერ არაფერი მიუღია.

საქართველო მაისამდე 200 ათასი ადამიანის აცრას, ივნისიდან კი მასობრივი ვაქცინაციის დაწყებას გეგმავდა. როგორ მოახერხებს ქვეყანა ჩანაფიქრის ხორცშესხმას, ჯერ გაურკვეველია. მაისის ბოლომდე საქართველომ AstraZeneca-ს ვაქცინის 180 ათასიდან 300 ათასამდე დოზა უნდა მიიღოს. თუმცა ექსპერტების ნაწილს ამაში ეჭვი ეპარება.

სკანდალი და ბრალდებები

ვაქცინაციის საკითხი ნამდვილ სკანდალში მას შემდეგ გადაიზარდა, რაც ერთ-ერთ ქართულ მასმედიაში COVAX-ის პლატფორმაზე დაყრდნობით გამოქვეყნდა ინფორმაცია იმის შესახებ, რომ საქართველოში კომპანია Pfizer-ის ვაქცინის დაგვიანების მიზეზი დაწესებულ კრიტერიუმებთან ქვეყნის შეუსაბამობა გახდა.

ეს ვერსია კატეგორიულად უარყვეს საქართველოს ჯანდაცვის სამინისტროში და განაცხადეს, რომ Pfizer-ის დამატებითი მოთხოვნები საქართველოსადმი არანაირად არ უკავშირდება ვაქცინის მისაღებად ქვეყნის ტექნიკურ მზადყოფნას, არამედ დაკავშირებულია ფინანსურ რისკებთან. ჯანდაცვის სამინისტროში არ გამორიცხავენ, რომ COVAX-ის პლატფორმის ტექსტის თარგმნისას შეცდომა იქნა დაშვებული. უწყება დაუკავშირდა COVAX-ს და სთხოვა ქართულ სააგენტოში გამოქვეყნებული განცხადების განმარტება.

COVAX-ის წარმომადგენელთა პასუხის შემდეგ ჯანდაცვის მინისტრმა ეკატერინე ტიკარაძემ განაცხადა, რომ საქართველომ პლატფორმას შესაძლოა უჩივლოს იმ ინფორმაციის გავრცელების გამო, თითქოს ქვეყანა ტექნიკურად არ იყო მზად Pfizer-ის ვაქცინის პირველი პარტიის მისაღებად. საუბარია რეპუტაციაზე, განაცხადა მინისტრმა და დასძინა, რომ პლატფორმასთან სექტემბრიდან დაწყებულ მიმოწერაში არავითარი მითითება არ ყოფილა იმაზე, რომ საქართველომ რაიმე შეცდომა დაუშვა. ტიკარაძემ აღნიშნა ასევე, რომ პლატფორმა ერთხელ უკვე აღმოჩნდა მსგავს სიტუაციაში, როდესაც ბოსნიამ მის წინააღმდეგ სარჩელი შეიტანა. 

ხელისუფლების განცხადებით, საქართველომ COVAX-ს უკვე გადაურიცხა 575 ათასი დოლარი. საქართველოს დაავადებათა კონტროლის ცენტრში ირწმუნებიან, რომ ვაქცინის პირველი პარტია ამ თვეში ჩამოვა და იმუნიზაცია დაიწყება. სავარაუდოდ, ეს იქნება AstraZeneca-ს ვაქცინა.

Novavax და საქართველო

თავის მხრივ, COVAX-მა აგორებული სკანდალის ფონზე გადაწყვიტა, ქვეყნისთვის ახალი Novavax-ის ვაქცინა შემოეთავაზებინა. საქართველოს ჯანდაცვის სამინისტრომ პრაქტიკულად მაშინვე გამოხატა დაინტერესება ამ პრეპარატით და მალევე თბილისის ინფექციური საავადმყოფოს დირექტორმა თენგიზ ცერცვაძემ განაცხადა, რომ ივნისამდე საქართველო ამ კომპანიისგან მილიონ დოზას მიიღებდა. ცერცვაძის ინფორმაციით, Novavax-ის ვაქცინა ორ ინიექციას გულისხმობს, ისევე როგორც AstraZeneca-ს და Pfizer-ის ვაქცინები.

არა ჩინურ ვაქცინას!

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ფიქრობს, რომ საქართველოს არ აწყენდა დაეწყო კორონავირუსის საწინააღმდეგო აცრა ჩინური ვაქცინით.

ორი თვის წინ ქართველი ეპიდემიოლოგები საუბრობდნენ საქართველოში ჩინური ვაქცინის შემოტანის მზადყოფნაზე, თუმცა ქვეყანაში ისეთი აჟიოტაჟი ატყდა, რომ ჯანდაცვის მინისტრმა ჩინური ვაქცინის შემოტანის ალბათობა გამორიცხა.

აჟიოტაჟი ამ თემის ირგვლივ მას შემდეგ არ ცხრება. სამოქალაქო აქტივისტები და ჯანდაცვის სფეროს ექსპერტები ვაქცინის (მაგრამ არა ჩინურის) შემოტანის მოთხოვნით საპროტესტო აქციებს მართავენ და აცხადებენ, რომ „ქართველები საცდელი კურდღლები არ არიან“.

საქართველოს თავადაც შეეძლო ვაქცინის დამზადება

ქართველი პოლიტოლოგი და პუბლიცისტი, „საქინფორმის“ მთავარი რედაქტორი არნო ხიდირბეგიშვილი ფიქრობს, რომ საქართველო ახლო მომავალში ვაქცინას, სავარაუდოდ, ვერ მიიღებს. ამასთან, მისი თქმით, საქართველოს ჰქონდა რუსული ვაქცინის „სპუტნიკ  V“-ს არა მხოლოდ მიღების, არამედ დამზადების შანსიც.

„რუსეთი მზად იყო ვაქცინის დამზადების ტექნოლოგია გაეზიარებინა ქვეყნებისთვის, რომელთაც ამის შესაძლებლობა გააჩნიათ. საქართველოს სამეცნიერო-ტექნიკური ბაზის, იმის გათვალისწინებით, რომ ბაქტერიოფაგის ინსტიტუტი ამზადებს წამლებს და სხვა მედიკამენტებს, საქართველო სავსებით შეძლებდა „სპუტნიკ  V“-ს დამზადების ტექნოლოგიის ათვისებას და დააკმაყოფილებდა არა მხოლოდ საკუთარ მოთხოვნილებას, არამედ მეზობელ ქვეყნებშიც გაიტანდა. თუმცა ამას გარკვეული ძალები სერიოზულად დაუპირისპირდნენ“, - განაცხადა არნო ხიდირბეგიშვილმა.

პოლიტოლოგი მიიჩნევს, რომ, როდესაც საქმე ერის გადარჩენას ეხება, პოლიტიკურმა მოტივებმა მეორე პლანზე უნდა გადაინაცვლოს. ბევრმა ქვეყანამ, რომელიც ძლიერ განსხვავდება რუსეთისგან პოლიტიკური კურსით, უკვე შეიძინა „სპუტნიკ  V“, რომელმაც თავისი ეფექტურობა დაამტკიცა, ამტკიცებს ექსპერტი.

რატომ ვერ შემოვა საქართველოში რუსული ვაქცინა?

პოლიტოლოგი არჩილ სიხარულიძე ამტკიცებს, რომ ქვეყანა შეცდა, როდესაც მთელი იმედები დაამყარა COVAX-ის პლატფორმაზე და ის ევროკავშირის ნომერ პირველ პარტნიორად მიიჩნია. COVAX-მა კი, მისი თქმით, უბრალოდ არ შეასრულა ვალდებულება და ვაქცინა სხვა ქვეყნებს გადასცა, საქართველო კი ხელცარიელი დარჩა.

„ეს იმის გამო მოხდა, რომ ზოგიერთი ჩვენი არაადეკვატური პროდასავლური კოლეგა, ნაცვლად იმისა, რომ ვაქცინაციის იდეა ყველა შესაძლო ხერხით გაავრცელოს, გეოპოლიტიკურ განზომილებაზე ზრუნავს. შედეგად ვერც COVAX-გან ვერ იღებენ ვაქცინას და ვერ „სპუტნიკს“ ვერ იძენენ“,  - განუცხადა სიხარულიძემ Sputnik-საქართველოს.

სიხარულიძის თქმით, ამჟამად შედეგი ასეთია - მდიდარი ქვეყნები უკვე იცრებიან, ევროკავშირის ნაწილი კვლავ ელოდება, საქართველო კი პლატფორმის წინააღმდეგ სარჩელის შეტანით იმუქრება. პოლიტოლოგის აზრით, ეს კლასიკური მაგალითია იმისა, რომ ქვეყანამ ახალი იდეები უნდა წამოაყენოს, თავად შექმნას რაღაც და „დასავლეთის შემყურე“ არ იყოს.

„ახლა ისინი რაღაც კორეული, ჩინური და ინდური ნაგვის ყიდვას გეგმავენ რუსული „სპუტნიკ  V“-ს შეძენის ნაცვლად, რომლის ეფექტიანობაც სამეცნიერო დონეზე დამტკიცდა. მაგრამ, რადგან ჩვენმა ფსევდო-პროდასავლურმა პიროვნებებმა ჭუჭყში ამოსვარეს „სპუტნიკის“ ვაქცინა, ამ საკითხის კვლავ განხილვას ვეღარ ახერხებენ“, - აღნიშნა სიხარულიძემ.  

„სპუტნიკის“ შეძენის საკითხს, პოლიტოლოგის თქმით, იხილავენ გერმანიაშიც. „ჩვენი პოლიტიკური ელიტა კი იმდენად უგუნურია, რომ „სპუტნიკის“ შეძენა არ შეუძლია. ჩვენ, როგორც მათხოვრები, იძულებული ვართ, COVAX-ს დაველოდოთ“, - აღნიშნა სიხარულიძემ.

რუსული ვაქცინისადმი უნდობლობას სიხარულიძე იმით ხსნის, რომ დასავლეთში აქტიურობდნენ გარკვეული წრის ადამიანები, რომლებსაც ბაზარზე საკუთარი ადგილის დასაკავებლად „სპუტნიკ  V“-ს დისკრედიტაცია სურდათ.

„მაგრამ როდესაც „ლანცეტმა“ გამოაქვეყნა სტატია, რომელშიც უთითებდა, რომ რუსეთმა სამ თვეში გააკეთა ის, რასაც ჰარვარდის ინსტიტუტებიც კი მთელ წელიწადს ანდომებენ, ეს ადამიანები აღმოჩნდნენ სამეცნიერო ფაქტის პირისპირ, რომ „სპუტნიკ  V“-ს ეფექტურობა 91%-ია“, - აღნიშნა სიხარულიძემ.

იგი დარწმუნებულია, რომ საქართველო არ უნდა დაელოდოს მხოლოდ COVAX-ის პლატფორმას, არამედ სცადოს „სპუტნიკისა“ და სხვა ვაქცინების შეძენა.

„შეიძლება ვერ მოვასწროთ“

ჯანდაცვის საკითხთა ექსპერტი ვატო სურგულაძე ფიქრობს, რომ საქართველოს ვაქცინა დღემდე არ მიუღია იმ პირთა უპასუხისმგებლობის გამო, რომლებიც მთელ ამ პროცესზე არიან პასუხისმგებელი. რაც შეეხება COVAX-ის პლატფორმას, სურგულაძე იზიარებს იმ აზრს, რომ საქართველო მხოლოდ მის იმედად არ უნდა იყოს.

„COVAX მოგვცემს 400 ათას დოზას, ჩვენ კი 2,5-3 მილიონი დოზა გვჭირდება. გუშინ საქართველოს საგარეო საქმეთა მინისტრის მოადგილე ინდოეთში გაემგზავრა ვაქცინის მოწოდებაზე მოსალაპარაკებლად. და აქამდე სად იყვნენ? ანუ მხოლოდ გუშინწინ დაიწყეს მოქმედება?“ - სვამს კითხვას სურგულაძე.

მან მაგალითის სახით ისრაელი მოიყვანა, რომელიც მოსახლეობის ვაქცინაციის სისწრაფით მსოფლიო ლიდერია: ქვეყნის ჯანდაცვის სამინისტროს მონაცემებით, იქ უკვე აცრილია მოსახლეობის 30%. ისრაელის პრემიერ-მინისტრი ნეთანიაჰუ მწარმოებლებთან შესახვედრად აშშ-ში 17-ჯერ გაემგზავრა. „აი ეს არის მუშაობა“, - ამბობს სურგულაძე.

რაც შეეხება ინდოეთს, ექსპერტის სიტყვებით, ინდური ბიოქიმიური ლაბორატორია „სერუმი“, რომელიც, სხვათა შორის, AstraZeneca-ს პატრონაჟით მუშაობს, ვაქცინების მწარმოებელ ერთ-ერთ ყველაზე ძლიერ კომპანიად ითვლება. ის უშვებს არა მხოლოდ კორონავირუსის ვაქცინას, არამედ გრიპის და სხვა საბავშვო ვაქცინებს.

„უკრაინამ ინდური ვაქცინის 12 მილიონი დოზა შეიძინა, - აღნიშნავს სურგულაძე. - ეს AstraZeneca-აა. რა მნიშვნელობა აქვს, სად უშვებენ? ინდოეთში ძალიან კარგი კომპანიებია, უკეთესიც კი, ვიდრე ევროპაში“.

საქართველოს ვაქცინების შესაძენად სულ 50 მილიონი ევრო სჭირდება და მთავრობას ეს ფული აქვს, ამტკიცებს სურგულაძე. მაგრამ თუ ქვეყანაში ამ საკითხს პროფესიონალურად არ მიუდგებიან, საქართველო პოპულაციურ იმუნიტეტს 2022 წლის ზაფხულამდე ვერ მიაღწევს, შიშობს ექსპერტი.

 

15
Ан-124-100 „რუსლანი“

მიმოხილვა: რაში სჭირდება რუსეთს ავიაგიგანტის აღორძინება

15
(განახლებულია 14:16 05.03.2021)
მძიმე დიდი სიშორის სამხედრო–სატრანსპორტო თვითმფრინავმა Ан-124 „რუსლანმა“, რომელიც უკვე 30 წელია მსოფლიოს ყველაზე დიდ და სრულყოფილ მანქანაად მიიჩნევა სერიულ ანალოგებს შორის, შესაძლოა მეორე სიცოცხლე და მოდერნიზებული სახე შეიძინოს.

ულიანოვსკის საწარმო „ავიასტარში“ თათბირისას თავდაცვის მინისტრ სერგეი შოიგუს „რუსლანის“ წარმოების განახლება შესთავაზეს. ამ ქარხანაში 56–დან 36 ამ ტიპის თვითმფრინავია დამზადებული. საწარმოს ტექნოლოგიური დონე საშუალენბას იძლევა, უმოკლეს ვადებში აიწყოს „რუსლანის“ სერიული წარმოება.

ულიანოვსკელი ავიამშენებლების წინადადება მარტივი არ არის. მსგავის ინიციაიტვა მანამდე თავად რუსეთის თავდაცვის მინისტრისგან მომდინარეობდა. მაგრამ ამ პროექტს გამუდმებით რაღაც უშლიდა ხელს. თავდაცვის სამინისტროში კი მიაჩნდათ, რომ Ан-124–ების წარმოება აუცილებლობა არ იყო, ვინაიდან უკვე არსებული პარკის რემონტის გზით „რუსლანები“ 2040–ანი წლების ბოლომდე შეიძლება იყოს გამოყენებული. მეორე მხრივ, იგივე საწარმო შესაძლებლად მიჩნევს Ан-124–ების ანალოგიური თვითმფრინავების გამოშვებას 2020 წლის შემდეგ. შესაძლოა, სწორედ ახლა იშლება ახალი პერსპექტივები „რასლანისთვის“ და რუსეთის სამხედრო–სატრანსპორტო ავიაციისთვის.

სირიაში, მთიან ყარაბაღსა და პლანეტის სხვა ცხელ წერტილებში ბოლო წლების საგანგაშო მოვლენები ამტკიცებს, რაოდენ მნიშვნელოვანია მძიმე სამხედრო–სატრანსპორტო ავიაცია ჯარების, შეიარაღებისა და მატერიალური საშუალებების  ოპერატიული გადასროლისთვის. შეგახსენებთ, რომ „რუსლანს“ საათში 850 კმ სიჩქარით შეუძლია 120 ტონა ტვირთი გადაიტანოს 4800 კილომეტრზე. მაგრამ თავდაცვის სამინისტროში მხოლოდ ათი Ан-124–ია ექსპლუატაციაში. ახალი გამოწვევები და საფრთხეები კი მათი რაოდენობისა და ხარისხის ზრდას მოითხოვს.

პირველად ისტორიაში

სირიაში კვლავაც ნარჩუნდება რთული სამხედრო–პოლიტიკური ვითარება. შიტუაციამ შესაძლოა მობილური მხარდაჭერა მოითხოვოს, ამიტომ ქვეყანში რუსეთის სამხედრო კოსმოსური ძალების ოპერატიული აეროდრომების ქსელი ფართოვდება. ამერიკული გამოცემა The Drive–ს ინფორმაციით, ჰმეიმში ასაფრენ–დასაჯდომი ზოლის სიგრძე 3,2 კმ–მდე გაიზარდა, რაც „მძიმედ დატვირთული“ სამხედრო–სატრანსპორტო Ан-124 „რუსლანების“ მიღებას შესაძლებელს ხდის.

მანამდე სამხედრო–სატრანსპორტო ავიაციამ ოპერატიულად გადაისროლა რუსეთიდან სომხეთში 1960 სამხედრო სამშვიდობო კონტინგენტიდან — საშტატო შეიარაღებითა და ტექიკით. ასეთი ოპერაციები წინასწარ უნდა დამუშავდეს, საჭიროა სარეზერვო თვითმფრინავები, ეკიპაჟები, მარშრუტები და აეროდრომები.

მოულოდნელი სამხედრო კონფლიქტის პირობებში, მთელი რუსეთის მასშტაბით დისლოცირებული ჯარები ერთი ორგანიზმივით უნდა მოქმედებდეს და ოპერატიულად რეაგირებდეს ვითარების ნებისმიერ ცვალებადობაზე. ამას კი ათობით და ასობით სამხედრო–სატრანსპორტო ავიაცია დასჭირდება. და უახლოეს ხანებში ულიანოვსკის ავიაქარხანას სამუშაო მოემატება.

მეორედ მოსვლა

თვითმფრინავ Ан-124-100 „რუსლანს“ 120 ტონაზე მეტი ტვირთის აწევა შეუძლია ჰაერში. თავდაცვის სამინისტროს გარდა, ასეთი 20 თვითმფრინავი სხვადასხვა სტრუქტურებშიც იყო გამოყენებული.

თქმა არ უნდა, Ан-124–ის ტიპის მძიმე ტექნიკის რაოდენობა რუსეში გაიზრდება. ალბათ ციფრული მოდერნიზაციისა და ახალი ძრავების, მნიშვნელოვნად შეცლილი ავიონიკისა და შასების კონსტრუქციის შემდეგ მძიმე სამხედრო–სატრანსპორტო თვითმფრინავებს სხვა სახელი დაერქმევა. მაგალითად, ნატოში Ан-124–ს უკვე დიდი ხანია, „კონდორს“ უწოდებენ.

უკრაინის სახელმწიფო საწარმო ANTONOV–ში მიაჩნით, რომ მსგავსი წარმოება უკრაინული მხარის მონაწილეობის გარეშე შეუძლებელია, მაგრამ მანამდე რუსეთის „მინპრომტორგში“ განაცხადეს, რომ ANTONOV–ი, როგორც Ан-124–ების სერტიფიკატის მფლობელი, არ ასრულებს ვალდებულებებს და ამიტომ საქმეში რუსული მრეწველობის ჩართვაა აუცილებელი.

თვითმფრინავი Ан-124 საბჭოთა კავშირში შეიქმნა — ულიანოვსკის, ვორონეჟისა და კიევის საწარმოთა კოოპერირებით. შეიარაღებაში კი 1991 წელს შევიდა. თავდაპირველად მისი დანიშნულება იყო კონტინენტთშორისი ბალისტიკური რაკეტების გამშვები მოწყობილობების გადატანა. ულიანოვსკში დამზადდა 56–დან 36 „რუსლანი“. და შემთხვევითი არ არის, რომ უკრაინული ფირმა ANTONOV–ის პროდუქციის ოთხ დასახელებაში დღეს Ан-124 არ ფიგურირებს.

უნდა ითქვას, რომ მსოფლიოში სახელგანთქმული საბჭოთა ავიაკონსტრუქტორი ოლეგ ანტონოვი მოსკოვის გუბერნიაშია დაბადებული, სწავლობდა სარატოვსა და ლენინგრადში, საკონსტრუქტორო სამუშაოები მოსკოვში დაიწყო. 1946 წელს ციმბირის ავიაციის სამეცნიერო–კვლევით ინსტიტუტს ხელმძღვანელობდა, რომელიც 1952 წელს გადაიტანეს კიევში.

რედაქცია შესაძლოა არ ეთანხმებოდეს ავტორის პოზიციას!

15
თემები:
რუსეთი დღეს (773)
 „სპუტნიკV“-ს ლოგო

რუსული ვაქცინა „სპუტნიკV“ გაცემული ნებართვების რაოდენობით მსოფლიოში მეორე ადგილს იკავებს

0
(განახლებულია 11:28 06.03.2021)
იმ ქვეყნების მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

თბილისი, 6 მარტი – Sputnik. რუსული ვაქცინა „სპუტნიკV“-მ სახელმწიფო რეგულატორების მიერ გაცემული ნებართვების რაოდენობით კორონავირუსის საწინააღმდეგო ვაქცინებს შორის მეორე ადგილზე გადაინაცვლა და გაუსწრო Pfizer-ს, ნათქვამია ვაქცინა „სპუტნიკV"-ს Twitter-ის ოფიციალურ აკაუნტში.

სახელმწიფოების რაოდენობით, რომლებმაც პრეპარატის გამოყენება დაუშვეს, პირველ ადგილს იკავებს ვაქცინა AstraZeneca (49 ქვეყანა), შემდეგ მოდის „სპუტნიკV“ (45 ქვეყანა). მესამე პოზიციას იკავებს Pfizer (43 ქვეყანა). შემდეგ მოდის Moderna (19 ქვეყანა), სამი ჩინური ვაქცინა Sinopharm (18), Sinovac (16), CanSino (4). მერვე ადგილზეა Johnson & Johnson-ის ვაქცინა, რომელიც ოთხმა ქვეყანამ მოიწონა.

იმ 45 ქვეყნის მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

ამჟამად „სპუტნიკ V“-ს გამოყენება დამტკიცებულია რუსეთში, ბელარუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საემიროებში, ირანში, გვინეას რესპუბლიკაში, ტუნისში, სომხეთში, მექსიკაში, ნიკარაგუაში, სერბთა რესპუბლიკაში (ბოსნიას და ჰერცეგოვინის ენტიტეტი), ლიბანში, მიანმარში, პაკისტანში, მონღოლეთში, ბაჰრეინში, მონტენეგროში, სენტ-ვინსენტი და გრენადინებში, ყაზახეთში, უზბეკეთში, გაბონში, სან-მარინოში, განაში, სირიაში, ყირგიზეთში, გაიანაში, ეგვიპტეში, ჰონდურასში, გვატემალაში, მოლდოვაში, სლოვაკეთში, ანგოლაში, ჯიბუტიში, კონგოს რესპუბლიკაში, შრი-ლანკაში, ლაოსსა და ერაყში.

პარასკევს ევროპის წამლების სააგენტომ (ЕМА) დაიწყო „სპუტნიკ V“-ს სარეგისტრაციო დოსიეს ექსპერტიზა - პრეპარატს ამოწმებენ ევროკავშირის სტანდარტებთან შესაბამისობაზე ეფექტურობისა და ხარისხის კუთხით.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

0