რუბინის მოთამაშე ხვიჩა კვარაცხელია

კვარაცხელიამ „რუბინს“ კვლავ მოაგებინა, ბასილაშვილი კი მელბურნს ნაადრევად დაემშვიდობა

1487
(განახლებულია 21:27 14.02.2021)
ხვიჩა კვარაცხელიას მორიგი აღიარება და მნიშვნელოვანი სიახლე საქართველოს საკალათბურთო ნაკრებისთვის. გასული კვირის სპორტული მოვლენები.

კვარაცხელია „რუბინს“ თურქულ შეკრებაზე გმირად მოევლინა. წარმატებით იასპარეზეს ქართულმა გუნდებმაც

„რა 10 მილიონი?! - სალაპარაკოც არაფერია, გაიარეთ!“, - ასე უპასუხა ყაზანის „რუბინის“ გენერალურმა დირექტორმა რუსტემ საიმანოვმა ხვიჩა კვარაცხელიას ფასთან დაკავშირებით ჟურნალისტის დასმულ შეკითხვას. საიმანოვმა გამოცემა chempionat-თან საუბრისას კვარაცხელიაზე ვრცლად ისაუბრა. მისი თქმით პორტალ transfermarkt-ზე მითითებული ფასი, რომ თითქოს ხვიჩა 10 მილიონი ღირს, რეალობისგან ძალიან შორსაა.

Футбол. РПЛ. Матч Химки – Рубин
© photo: Sputnik / Alexey Filippov
ხვიჩა კვარაცხელია

ბელეკში შეკრებაზე ჩატარებულ ამხანაგურ შეხვედრებში ხვიჩამ ხუთი გოლის გატანა შეძლო - ბოლოს დუბლით ნიჟნი ნოვგოროდთან სპარინგში გამოირჩა.

კვარაცხელიას გუნდმა თურქული შეკრების მორიგ მატჩში 3-1 იმარჯვა, სადაც ქართველმა შემტევმა ლიდერის როლი მოირგო. ხვიჩამ პირველი გოლი მე-19 წუთზე საჯარიმოს გარედან ტექნიკური დარტყმით შეაგდო, ხოლო 78-ე წუთზე ჯერ მეტოქის მცველს ბურთი მოპარა, შემდეგ კი მეკარის მოტყუება შეძლო და დუბლი გაიფორმა.

Игрок ФК Рубин Хвича Кварацхелия
© photo: Sputnik / Alexey Filippov
ხვიჩა კვარაცხელია

გასულ კვირას, კვარაცხელიას პერფორმანსით მოხიბლულმა „რუბინის“ მთავარმა მწვრთნელმა ხვიჩას მომავალსა და მის ტალანტზე ისაუბრა. „აჭარასპორტთან“ ინტერვიუში სლუცკიმ კვარაცხელიასთან დაკავშირებით საინტერესო პარალელიც გაავლო. მან კვლავ აღნიშნა, რომ ქართველის „რუბინში“ დიდი ხნით გაჩერება მიზანშეწონილი ნამდვილად არაა.

„თუ დათვს პატარა გალიაში მოვათავსებთ ეს არ იქნება კარგი. ასეა ფეხბურთელების შემთხვევაშიც, თუ ზაფხულისთვის ხვიჩას დონე რუსული ფეხბურთის დონეზე მაღალი იქნება ის აუცილებლად უნდა წავიდეს“, - განაცხადა ლეონიდ სლუცკიმ.

აღსანიშნავია, რომ ფრანგულმა გამოცემა „ეკიპმა“ 2001 წლის პირველი იანვრის შემდეგ დაბადებული ნიჭიერი ფეხბურთელების სია გამოქვეყნა, სადაც ზემოთ ხსენებული კვარაცხელიაც მოხვდა. ქართველი ვარსკვლავი 50 მოთამაშეს შორის შეიყვანეს და ის 34-ე ადგილს იკავებს.

Динамо Тбилиси проиграл сербскому Раднику
თბილისის „დინამო“

ყაზანური კლუბის პარალელურად თავისი შეხვედრები თურქულ და ესპანურ შეკრებებზე ქართულმა გუნდებმაც ჩაატარეს. თბილისის „დინამომ“ ქალაქ ბელეკში შეკრება გამარჯვებით დაასრულა. თბილისურმა გრანდმა ბოლო ტესტ-მატჩი უკრაინის პირველი ლიგის ერთ-ერთ ლიდერ ვერესთნან გამართა და 3:2 მოიგო. ხუთივე გოლი მატჩის პირველივე ტაიმში გავიდა და მეორე ნახევარი გუნდებმა გატანილი გოლების გარეშე დაასრულეს. თურქეთში „დინამომ“ მთლიანობაში რვა სპარინგ-მატჩი გამართა და ორჯერ მოიგო.

ФК Динамо Батуми
ბათუმის „დინამო“

წარმატებული გამოდგა თურქული შეკრების მორიგი შეხვედრა ბათუმის „დინამოსთვისაც“. საქართველოს ვიცე-ჩემპიონმა ბოსნიურ ბორაცს ორი უპასუხო გოლი შეუგდო.

მატჩის 65-ე წუთზე ბათუმელთა ნახევარმცველმა შორი მანძილიდან უძლიერესი საჯარიმო დარტყმით ბურთი კედელში გააძვრინა და ანგარიში გახსნა. შეხვედრის საბოლოო ანგარიში კი მამუჩაშვილმა ულამაზესი დარტყმით დააფიქსირა. მომდევნო შეხვედრას ზღვისპირელები 13 თებერვალს, „არსენალ ტულასთან“ ჩაატარებენ.

Нападающий сборной Грузии по футболу Леван Мчедлидзе
© Sputnik / Levan Avlabreli
ლევან მჭედლიძე

აღსანიშნავია, რომ ბათუმელებმა საკმაოდ მნიშვნელოვანი ტრანსფერი განახორციელეს. დინამოელებმა საქართველოს ნაკრების თავდამსხმელი ლევან მჭედლიძე გაიფორმეს. 30 წლის გამოცდილი ფორვარდი, ბოლოს დინამო თბილისის ღირსებას იცავდა, რომლის რიგებშიც 2019 წელს ხუთი მატჩი ჩაატარა და მის ანგარიშზე ერთი გოლია. ის ერთადერთი ბურთი ლევანმა „ანგისაზე“, სწორედ დინამო ბათუმის კარში გაიტანა და დედაქალაქელთა ჩემპიონობის ბედიც გადაწყვიტა.

Футбол. Лига Европы. Локомотив Тбилиси - Гранада Испания
ესპანურ შეკრებაზე პირველი ამხანაგური მატჩი ჩაატარა თბილისის „ლოკომოტივმა“

ესპანურ შეკრებაზე პირველი ამხანაგური მატჩი ჩაატარა თბილისის „ლოკომოტივმა“. გიორგი ჭიაბრიშვილის გუნდი რუსეთის პრემიერლიგაში მოასპარეზე „როსტოვს“ შეხვდა და პირველ ნახევარში დიდი წინააღმდეგობაც გაუწია. გუნდებმა 31-ე და 35-ე წუთებზე გოლები გაცვალეს და პირველი ტაიმი 1:1 დასრულდა.

თბილისელთა გოლი კახაბრიშვილის აქტიურობას მოჰყვა, თუმცა, მე-2 ნახევარში რუსული კლუბის უპირატესობა გამოიკვეთა. 54-ე წუთზე მატიას ნორმანმა გატანილი თერთმეტმეტრიანით შემდეგ „როსტოვი“ მეორედ დააწინაურა. მატჩის ბოლოს კი დმიტრი პოლოზმა დუბლი შეასრულა და საბოლოო ანგარიში დააფიქსირა.

მნიშვნელოვანია, რომ „ლოკომოტივის“ რიგებში საქართველოს ნაკრების ვიცე-კაპიტანი გურამ კაშია გამოჩნდა, რომელიც მოედანზე მე-60 წუთზე გამოვიდა. კაშიამ დეკემბერში ამერიკული „სან ხოსე“ დატოვა და თბილისურ გუნდში დროებით, ფორმის შესანარჩუნებლად ვარჯიშობს.

„ბორჯღალოსნებმა“ „დათვებს“ დაძაბულ ბრძოლაში მოუგეს: შედეგით ორივე მხარე კმაყოფილია

რაგბი ევროპის 2020 წლის ჩემპიონატის გადადებულ მატჩში საქართველოს მორაგბეთა ნაკრებმა რუსეთს უმასპინძლა და ანგარიშით - 16:7 დაამარცხა. აღსანიშნავია, რომ პირველ ნახევარში გუნდებმა ქულების მოპოვება ვერ შეძლეს.

შეხვედრის დასრულების შემდეგ რუსეთის ეროვნული ნაკრების მწვრთნელმა ლინ ჯონსმა განაცხადა, რომ მიუხედავად წაგებისა ის მისი შეგირდებით კმაყოფილია.

Матч между сборными Грузии и России по регби 7 февраля 2021 года
© Sputnik / STRINGER
რაგბი ევროპის 2020 წლის ჩემპიონატის გადადებულ მატჩში საქართველოს მორაგბეთა ნაკრებმა რუსეთს უმასპინძლა
„ვერც წარმოვიდგენდით პირველ ტაიმის ანგარიშს. ჩვენი გეგმით ჩამოვედით. ვიცით, რამდენად ძლიერია საქართველოს ნაკრები. უმძიმესი მატჩი ჩავატარეთ და კმაყოფილი ვარ. შესვენებაზე ვთქვით, რომ შეცდომები კიდევ გამოგვესწორებინა და ნაკლებად დაგვეშვა. საქართველოს ნაკრები ძალიან ძლიერი იყო კონტაქტებისა და შერკინების დროს. „ბორჯღალოსნებმა“ კი შეცდომები არ დაუშვეს და ქულები აიღეს“, - აღნიშნა ჯონსმა.

პირველი ტაიმის უქულოდ დამთავრებას არც საქართველოს ნაკრები მწვრთნელი ლევან მაისაშვილი მოელოდა. ჟურნალისტებთან საუბრისას „ბორჯღალოსნების“ თავკაცმა აღნიშნა, რომ მიუხედავად გარკვეული ტაქტიკური შეცდომებისა მატჩის მიმდინარეობითა და შედეგით ისიც კმაყოფილია.

„უქულო პირველი ტაიმის მოლოდინი არ გვქონდა. ამ ტიპის მატჩებში მეტოქე უნდა გყავდეს წნეხში. თუ ამას ვერ მოახერხებ, პირიქით შენ ექცევი წნეხში. მომენტები იყო, სადაც ქულები უნდა აგვეღო, მაგრამ ეს ვერ შევძელით, რის გამოც რთული მატჩი გამოვიდა. ერთ-ერთზე ორთაბრძოლები უნდა მოგვეგო  - ეს ვუთხარი მორაგბეებს“ - განაცხადა მაისაშვილმა.

გასული კვირა ქართული რაგბისთვის ნაკლებად დატვირთული გამოდგა. ერთადერთი საინტერესო ინფორმაცია, რომელიც ქართველების საყურადღებოდ გავრცელდა ნაკრების უცვლელი წევრი ბექა გიგაშვილის ახალი კონტრაქტია. მან ფრანგული TOP 14-ის ერთ-ერთ გრანდთან „ტულონთან“ კონტრაქტი გააგრძელა და კლუბის ღირსებას 2024 წლამდე დაიცავს.

ქართველი კალათბურთელები საზღვარგარეთ და ეროვნული ნაკრების კიდევ ერთი ნატურალიზებული წევრი

NBA-ში მოასპარეზე „ინდიანა პეისერსის“ ქართველ ცენტრს კვლავ არ ენდობიან. გოგა ბითაძის გუნდმა გასულ კვირაში ორი შეხვედრა ჩაატარა და დიდი სათამაშო დრო არც ერთ შეხვედრაში არ მიეცა.

Центровой сборной Грузии по баскетболу Гога Битадзе
გოგა ბითაძის გუნდმა გასულ კვირაში ორი შეხვედრა ჩაატარა

პირველ შემთხვევაში „ინდიანა“ „ბრუკლინთან“ ანგარიშით 104-94 დამარცხდა. აღნიშნულ მატჩში გოგა ტრადიციულად სათადარიგოთა სკამიდან ჩაერთო და 13 წუთში 4 ქულა, 5 მოხსნა, 3 დაფარება და 1 ჩაჭრა მიითვალა. ზედიზედ ოთხი წაგებული თამაშის შემდეგ, „პეისერსმა“ გამარჯვება შეძლო და  „დეტროიტს“111:95 სძლია. რაც შეეხება გოგა ბითაძეს, მან „პისტონსთან“ მხოლოდ 2 წუთი ითამაშა, რა დროშიც ერთადერთი შედეგიანი პასის გაკეთება მოასწრო.

ამერიკიდან ცოტა ევროპისკენაც გავიხედოთ, სადაც გიორგი შერმადინის „ტენერიფემ“ მორიგი მატჩი მოიგო. ესპანეთის საკალათბურთო თასის მეოთხედფინალში ტენერიფე საქართველოს ნაკრების წევრის თად მაკფადენის „სან პაბლო ბურგოსს“ შეხვდა და მეტოქეს 87:76 სძლია, რითიც ნახევარფინალური ეტაპის საგზური მოიპოვა.

Баскетболист сборной Грузии Георгий Шермадини
გიორგი შერმადინის „ტენერიფემ“ მორიგი მატჩი მოიგო

ქართველი ცენტრი მსგავსად გასული მატჩებისა სასტარტო ხუთეულში გამოჩნდა და 23 წუთში 12 ქულა და 5 მოხსნა მოაგროვა. მეორე გუნდის მხრიდან საქართველოს ნაკრების ნატურალიზებულმა კალათბურთელმა თად მაკფადენმა 27 წუთში მხოლოდ 9 ქულის მოპოვება შეძლო. გიორგის გუნდი ნახევარფინალურ დაპირისპირებაში რეალსა და ვალენსიას შორის გამარჯვებულს შეხვდება ნახევარფინალები 13 თებერვალსაა ჩანიშნული, ხოლო ფინალი – 14-ში გაიმართება.

საქართველოს საკალათბურთო ნაკრებს თად მაკფადენის შემდეგ კიდევ ერთი ნატურალიზებული ამერიკელი მოთამაშე შეუერთდება. Eurohoops-ის ცნობით, ჩვენი ნაკრების ახალი წევრი კონერ ფრენკამპია, რომელი ესპანური „მურსიას“ ღირსებას იცავს. უნდა აღინიშნოს, რომ საქართველოს ნაკრების ახალწვეულს ესპანეთის ჩემპიონატში ძალიან კარგი სტატისტიკა აქვს. სავარაუდოა, რომ ფრენკამპი თებერვლის საკვალიფიკაციო მატჩებში ვიხილოთ, სადაც ჩვენი ნაკრები სერბეთისა და ფინეთს ეროვნულ გუნდებს შეხვდება.

ბასილაშვილმა წაგებას მიგვაჩვია - ქართველი ჩოგბურთელი მელბურნს საბოლოოდ დაემშვიდობა

ქართველი ჩოგბურთელი ნიკოლოზ ბასილაშვილი ბოლო პერიოდში სასურველ ფორმაში ნამდვილად არ იმყოფება. საქართველოს პირველმა ჩოგანმა ავსტრალიის ღია პირველობაზე პირველივე მატჩი ამერიკელ ტომ პოლთან უშანსოდ დათმო.

Николоз Басилашвили
© photo: AFP 2020 / KOEN SUYK
ნიკოლოზ ბასილაშვილი

ბასილაშვილმა ამერიკელ მეტოქესთან ვერაფერი მოახერხა და სამ სეტში– 4:6, 6:7 (0:7), 4:6 დამარცხდა. ცნობისთვის, ნიკოლოზი ამ ტურნირამდე მსოფლიო კლასიფიკაციაში 39-ე ნომერი გახლდათ, 23 წლის ტომ პოლი კი 53-ე პოზიციაზეა.

ბასილაშვილი წაგების მიუხედავად მელბურნში დარჩა და წყვილების თანრიგში იასპარეზა. ქართველმა ჩოგბურთელმა გერმანელ მეწყვილე ანდრე გებემანთან ერთად მშვენივრად ითამაშა. მათ დიდი სლემის პირველი შეხვედრა კოლუმბიელებთან ხუან სებასტიან კაბალისთან და რობერტ ფარასთან გამართეს. კოლუმბიური წყვილი ტურნირის ერთ-ერთი ფავორიტი გახლდათ. მიუხედავად ამისა ბასილაშვილსა და მის მეწყვილეს სენსაციამდე ცოტა დააკლდათ.

ქართველმა და გერმანელმა ჩოგბურთელებმა პირველი სეტი ტაი-ბრეიკზე მოიგეს, მე-2 სეტის ტაი-ბრეიკზე კი 6:5 დაწინაურდნენ, მაგრამ ამის შემდეგ კოლუმბიელებმა ზედიზედ 3 გათამაშებაში იმარჯვეს და სეტი სათავისოდ დაასრულეს. საბოლოოდ, კაბალმა და ფარამ მატჩი, რომელიც თითქმის 3 საათს გაგრძელდა, 6:7 (5:7), 7:6 (8:6), 6:4 მოიგეს.

 

 

1487
ადამიანები საპროტესტო აქციაზე

საქართველო ვაქცინის მოლოდინში - რატომაა ქვეყანა დღემდე COVID-19-ის ვაქცინის გარეშე?

22
(განახლებულია 09:33 06.03.2021)
საქართველო თებერვალში COVID-19-ის ვაქცინის პირველ პარტიას ელოდებოდა. თავდაპირველად სამედიცინო პერსონალის აცრა იგეგმებოდა. მაგრამ ვაქცინა დღემდე არ ჩანს, ხელისუფლება კი ამტკიცებს, რომ ვაქცინის ნაწილი მარტის ბოლოს ჩამოვა, მეორე ნაწილი - მაისში.

საკითხის გარკვევას Sputnik-ის რუბრიკის ავტორი შეეცადა.

საქართველოში მოსახლეობა ორ ჯგუფად გაიყო: ნაწილი მოუთმენლად ელის კორონავირუსის ვაქცინას, მეორე ნაწილი კი - სკეპტიკურად განწყობილი - დარწმუნებულია, რომ ვაქცინა უსარგებლოა. ამასთან, ორივე კატეგორია თანაბრად უკმაყოფილოა ხელისუფლების მოქმედებით და მთავრობას პანდემიასთან უპასუხისმგებლო და არაეფექტურ ბრძოლაში ადანაშაულებს.

რატომ არ არის ვაქცინა?

თებერვლის ბოლოს საქართველომ ვერ მიიღო Pfizer-ის შეპირებული ვაქცინის პირველი პარტია - სულ რაღაც 29 ათასი დოზა. იგეგმებოდა სამედიცინო პერსონალის აცრა, რომელსაც უშუალო კონტაქტი აქვს ინფიცირებულ პაციენტებთან.

როგორც მთავრობაში აცხადებენ, ქვეყანა ხსენებული ვაქცინის მისაღებად მომზადებული იყო - ჩამოიტანა 50 ათასი სპეციალური შპრიცი, მოამზადა მაცივრები, ცხრა სამედიცინო დაწესებულება, პერსონალი. თუმცა ვაქცინა დღემდე არ ჩანს.

დაავადებათა კონტროლის ეროვნული ცენტრის ხელმძღვანელმა საპასუხოდ აღნიშნა, რომ ბაზარზე სერიოზული დეფიციტია, ამ სიტყვის პირდაპირი გაგებით - „გაჩაღებულია ვაქცინების მესამე მსოფლიო ომი“.

ამასობაში საქართველო, ხელისუფლების წარმომადგენელთა თქმით, განაგრძობს COVAX-ის პლატფორმასთან თანამშრომლობას, რომელიც მას ვაქცინის მიღებაში უნდა დაეხმაროს. ქვეყანა მოლაპარაკებას აწარმოებს ასევე ვაქცინის მწარმოებელ სხვადასხვა კომპანიასთან - Pfizer-თან, AstraZeneca-სთან, Moderna-სთან და სხვ. მაგრამ დაპირებების გარდა ჯერ არაფერი მიუღია.

საქართველო მაისამდე 200 ათასი ადამიანის აცრას, ივნისიდან კი მასობრივი ვაქცინაციის დაწყებას გეგმავდა. როგორ მოახერხებს ქვეყანა ჩანაფიქრის ხორცშესხმას, ჯერ გაურკვეველია. მაისის ბოლომდე საქართველომ AstraZeneca-ს ვაქცინის 180 ათასიდან 300 ათასამდე დოზა უნდა მიიღოს. თუმცა ექსპერტების ნაწილს ამაში ეჭვი ეპარება.

სკანდალი და ბრალდებები

ვაქცინაციის საკითხი ნამდვილ სკანდალში მას შემდეგ გადაიზარდა, რაც ერთ-ერთ ქართულ მასმედიაში COVAX-ის პლატფორმაზე დაყრდნობით გამოქვეყნდა ინფორმაცია იმის შესახებ, რომ საქართველოში კომპანია Pfizer-ის ვაქცინის დაგვიანების მიზეზი დაწესებულ კრიტერიუმებთან ქვეყნის შეუსაბამობა გახდა.

ეს ვერსია კატეგორიულად უარყვეს საქართველოს ჯანდაცვის სამინისტროში და განაცხადეს, რომ Pfizer-ის დამატებითი მოთხოვნები საქართველოსადმი არანაირად არ უკავშირდება ვაქცინის მისაღებად ქვეყნის ტექნიკურ მზადყოფნას, არამედ დაკავშირებულია ფინანსურ რისკებთან. ჯანდაცვის სამინისტროში არ გამორიცხავენ, რომ COVAX-ის პლატფორმის ტექსტის თარგმნისას შეცდომა იქნა დაშვებული. უწყება დაუკავშირდა COVAX-ს და სთხოვა ქართულ სააგენტოში გამოქვეყნებული განცხადების განმარტება.

COVAX-ის წარმომადგენელთა პასუხის შემდეგ ჯანდაცვის მინისტრმა ეკატერინე ტიკარაძემ განაცხადა, რომ საქართველომ პლატფორმას შესაძლოა უჩივლოს იმ ინფორმაციის გავრცელების გამო, თითქოს ქვეყანა ტექნიკურად არ იყო მზად Pfizer-ის ვაქცინის პირველი პარტიის მისაღებად. საუბარია რეპუტაციაზე, განაცხადა მინისტრმა და დასძინა, რომ პლატფორმასთან სექტემბრიდან დაწყებულ მიმოწერაში არავითარი მითითება არ ყოფილა იმაზე, რომ საქართველომ რაიმე შეცდომა დაუშვა. ტიკარაძემ აღნიშნა ასევე, რომ პლატფორმა ერთხელ უკვე აღმოჩნდა მსგავს სიტუაციაში, როდესაც ბოსნიამ მის წინააღმდეგ სარჩელი შეიტანა. 

ხელისუფლების განცხადებით, საქართველომ COVAX-ს უკვე გადაურიცხა 575 ათასი დოლარი. საქართველოს დაავადებათა კონტროლის ცენტრში ირწმუნებიან, რომ ვაქცინის პირველი პარტია ამ თვეში ჩამოვა და იმუნიზაცია დაიწყება. სავარაუდოდ, ეს იქნება AstraZeneca-ს ვაქცინა.

Novavax და საქართველო

თავის მხრივ, COVAX-მა აგორებული სკანდალის ფონზე გადაწყვიტა, ქვეყნისთვის ახალი Novavax-ის ვაქცინა შემოეთავაზებინა. საქართველოს ჯანდაცვის სამინისტრომ პრაქტიკულად მაშინვე გამოხატა დაინტერესება ამ პრეპარატით და მალევე თბილისის ინფექციური საავადმყოფოს დირექტორმა თენგიზ ცერცვაძემ განაცხადა, რომ ივნისამდე საქართველო ამ კომპანიისგან მილიონ დოზას მიიღებდა. ცერცვაძის ინფორმაციით, Novavax-ის ვაქცინა ორ ინიექციას გულისხმობს, ისევე როგორც AstraZeneca-ს და Pfizer-ის ვაქცინები.

არა ჩინურ ვაქცინას!

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე ფიქრობს, რომ საქართველოს არ აწყენდა დაეწყო კორონავირუსის საწინააღმდეგო აცრა ჩინური ვაქცინით.

ორი თვის წინ ქართველი ეპიდემიოლოგები საუბრობდნენ საქართველოში ჩინური ვაქცინის შემოტანის მზადყოფნაზე, თუმცა ქვეყანაში ისეთი აჟიოტაჟი ატყდა, რომ ჯანდაცვის მინისტრმა ჩინური ვაქცინის შემოტანის ალბათობა გამორიცხა.

აჟიოტაჟი ამ თემის ირგვლივ მას შემდეგ არ ცხრება. სამოქალაქო აქტივისტები და ჯანდაცვის სფეროს ექსპერტები ვაქცინის (მაგრამ არა ჩინურის) შემოტანის მოთხოვნით საპროტესტო აქციებს მართავენ და აცხადებენ, რომ „ქართველები საცდელი კურდღლები არ არიან“.

საქართველოს თავადაც შეეძლო ვაქცინის დამზადება

ქართველი პოლიტოლოგი და პუბლიცისტი, „საქინფორმის“ მთავარი რედაქტორი არნო ხიდირბეგიშვილი ფიქრობს, რომ საქართველო ახლო მომავალში ვაქცინას, სავარაუდოდ, ვერ მიიღებს. ამასთან, მისი თქმით, საქართველოს ჰქონდა რუსული ვაქცინის „სპუტნიკ  V“-ს არა მხოლოდ მიღების, არამედ დამზადების შანსიც.

„რუსეთი მზად იყო ვაქცინის დამზადების ტექნოლოგია გაეზიარებინა ქვეყნებისთვის, რომელთაც ამის შესაძლებლობა გააჩნიათ. საქართველოს სამეცნიერო-ტექნიკური ბაზის, იმის გათვალისწინებით, რომ ბაქტერიოფაგის ინსტიტუტი ამზადებს წამლებს და სხვა მედიკამენტებს, საქართველო სავსებით შეძლებდა „სპუტნიკ  V“-ს დამზადების ტექნოლოგიის ათვისებას და დააკმაყოფილებდა არა მხოლოდ საკუთარ მოთხოვნილებას, არამედ მეზობელ ქვეყნებშიც გაიტანდა. თუმცა ამას გარკვეული ძალები სერიოზულად დაუპირისპირდნენ“, - განაცხადა არნო ხიდირბეგიშვილმა.

პოლიტოლოგი მიიჩნევს, რომ, როდესაც საქმე ერის გადარჩენას ეხება, პოლიტიკურმა მოტივებმა მეორე პლანზე უნდა გადაინაცვლოს. ბევრმა ქვეყანამ, რომელიც ძლიერ განსხვავდება რუსეთისგან პოლიტიკური კურსით, უკვე შეიძინა „სპუტნიკ  V“, რომელმაც თავისი ეფექტურობა დაამტკიცა, ამტკიცებს ექსპერტი.

რატომ ვერ შემოვა საქართველოში რუსული ვაქცინა?

პოლიტოლოგი არჩილ სიხარულიძე ამტკიცებს, რომ ქვეყანა შეცდა, როდესაც მთელი იმედები დაამყარა COVAX-ის პლატფორმაზე და ის ევროკავშირის ნომერ პირველ პარტნიორად მიიჩნია. COVAX-მა კი, მისი თქმით, უბრალოდ არ შეასრულა ვალდებულება და ვაქცინა სხვა ქვეყნებს გადასცა, საქართველო კი ხელცარიელი დარჩა.

„ეს იმის გამო მოხდა, რომ ზოგიერთი ჩვენი არაადეკვატური პროდასავლური კოლეგა, ნაცვლად იმისა, რომ ვაქცინაციის იდეა ყველა შესაძლო ხერხით გაავრცელოს, გეოპოლიტიკურ განზომილებაზე ზრუნავს. შედეგად ვერც COVAX-გან ვერ იღებენ ვაქცინას და ვერ „სპუტნიკს“ ვერ იძენენ“,  - განუცხადა სიხარულიძემ Sputnik-საქართველოს.

სიხარულიძის თქმით, ამჟამად შედეგი ასეთია - მდიდარი ქვეყნები უკვე იცრებიან, ევროკავშირის ნაწილი კვლავ ელოდება, საქართველო კი პლატფორმის წინააღმდეგ სარჩელის შეტანით იმუქრება. პოლიტოლოგის აზრით, ეს კლასიკური მაგალითია იმისა, რომ ქვეყანამ ახალი იდეები უნდა წამოაყენოს, თავად შექმნას რაღაც და „დასავლეთის შემყურე“ არ იყოს.

„ახლა ისინი რაღაც კორეული, ჩინური და ინდური ნაგვის ყიდვას გეგმავენ რუსული „სპუტნიკ  V“-ს შეძენის ნაცვლად, რომლის ეფექტიანობაც სამეცნიერო დონეზე დამტკიცდა. მაგრამ, რადგან ჩვენმა ფსევდო-პროდასავლურმა პიროვნებებმა ჭუჭყში ამოსვარეს „სპუტნიკის“ ვაქცინა, ამ საკითხის კვლავ განხილვას ვეღარ ახერხებენ“, - აღნიშნა სიხარულიძემ.  

„სპუტნიკის“ შეძენის საკითხს, პოლიტოლოგის თქმით, იხილავენ გერმანიაშიც. „ჩვენი პოლიტიკური ელიტა კი იმდენად უგუნურია, რომ „სპუტნიკის“ შეძენა არ შეუძლია. ჩვენ, როგორც მათხოვრები, იძულებული ვართ, COVAX-ს დაველოდოთ“, - აღნიშნა სიხარულიძემ.

რუსული ვაქცინისადმი უნდობლობას სიხარულიძე იმით ხსნის, რომ დასავლეთში აქტიურობდნენ გარკვეული წრის ადამიანები, რომლებსაც ბაზარზე საკუთარი ადგილის დასაკავებლად „სპუტნიკ  V“-ს დისკრედიტაცია სურდათ.

„მაგრამ როდესაც „ლანცეტმა“ გამოაქვეყნა სტატია, რომელშიც უთითებდა, რომ რუსეთმა სამ თვეში გააკეთა ის, რასაც ჰარვარდის ინსტიტუტებიც კი მთელ წელიწადს ანდომებენ, ეს ადამიანები აღმოჩნდნენ სამეცნიერო ფაქტის პირისპირ, რომ „სპუტნიკ  V“-ს ეფექტურობა 91%-ია“, - აღნიშნა სიხარულიძემ.

იგი დარწმუნებულია, რომ საქართველო არ უნდა დაელოდოს მხოლოდ COVAX-ის პლატფორმას, არამედ სცადოს „სპუტნიკისა“ და სხვა ვაქცინების შეძენა.

„შეიძლება ვერ მოვასწროთ“

ჯანდაცვის საკითხთა ექსპერტი ვატო სურგულაძე ფიქრობს, რომ საქართველოს ვაქცინა დღემდე არ მიუღია იმ პირთა უპასუხისმგებლობის გამო, რომლებიც მთელ ამ პროცესზე არიან პასუხისმგებელი. რაც შეეხება COVAX-ის პლატფორმას, სურგულაძე იზიარებს იმ აზრს, რომ საქართველო მხოლოდ მის იმედად არ უნდა იყოს.

„COVAX მოგვცემს 400 ათას დოზას, ჩვენ კი 2,5-3 მილიონი დოზა გვჭირდება. გუშინ საქართველოს საგარეო საქმეთა მინისტრის მოადგილე ინდოეთში გაემგზავრა ვაქცინის მოწოდებაზე მოსალაპარაკებლად. და აქამდე სად იყვნენ? ანუ მხოლოდ გუშინწინ დაიწყეს მოქმედება?“ - სვამს კითხვას სურგულაძე.

მან მაგალითის სახით ისრაელი მოიყვანა, რომელიც მოსახლეობის ვაქცინაციის სისწრაფით მსოფლიო ლიდერია: ქვეყნის ჯანდაცვის სამინისტროს მონაცემებით, იქ უკვე აცრილია მოსახლეობის 30%. ისრაელის პრემიერ-მინისტრი ნეთანიაჰუ მწარმოებლებთან შესახვედრად აშშ-ში 17-ჯერ გაემგზავრა. „აი ეს არის მუშაობა“, - ამბობს სურგულაძე.

რაც შეეხება ინდოეთს, ექსპერტის სიტყვებით, ინდური ბიოქიმიური ლაბორატორია „სერუმი“, რომელიც, სხვათა შორის, AstraZeneca-ს პატრონაჟით მუშაობს, ვაქცინების მწარმოებელ ერთ-ერთ ყველაზე ძლიერ კომპანიად ითვლება. ის უშვებს არა მხოლოდ კორონავირუსის ვაქცინას, არამედ გრიპის და სხვა საბავშვო ვაქცინებს.

„უკრაინამ ინდური ვაქცინის 12 მილიონი დოზა შეიძინა, - აღნიშნავს სურგულაძე. - ეს AstraZeneca-აა. რა მნიშვნელობა აქვს, სად უშვებენ? ინდოეთში ძალიან კარგი კომპანიებია, უკეთესიც კი, ვიდრე ევროპაში“.

საქართველოს ვაქცინების შესაძენად სულ 50 მილიონი ევრო სჭირდება და მთავრობას ეს ფული აქვს, ამტკიცებს სურგულაძე. მაგრამ თუ ქვეყანაში ამ საკითხს პროფესიონალურად არ მიუდგებიან, საქართველო პოპულაციურ იმუნიტეტს 2022 წლის ზაფხულამდე ვერ მიაღწევს, შიშობს ექსპერტი.

 

22
Ан-124-100 „რუსლანი“

მიმოხილვა: რაში სჭირდება რუსეთს ავიაგიგანტის აღორძინება

17
(განახლებულია 14:16 05.03.2021)
მძიმე დიდი სიშორის სამხედრო–სატრანსპორტო თვითმფრინავმა Ан-124 „რუსლანმა“, რომელიც უკვე 30 წელია მსოფლიოს ყველაზე დიდ და სრულყოფილ მანქანაად მიიჩნევა სერიულ ანალოგებს შორის, შესაძლოა მეორე სიცოცხლე და მოდერნიზებული სახე შეიძინოს.

ულიანოვსკის საწარმო „ავიასტარში“ თათბირისას თავდაცვის მინისტრ სერგეი შოიგუს „რუსლანის“ წარმოების განახლება შესთავაზეს. ამ ქარხანაში 56–დან 36 ამ ტიპის თვითმფრინავია დამზადებული. საწარმოს ტექნოლოგიური დონე საშუალენბას იძლევა, უმოკლეს ვადებში აიწყოს „რუსლანის“ სერიული წარმოება.

ულიანოვსკელი ავიამშენებლების წინადადება მარტივი არ არის. მსგავის ინიციაიტვა მანამდე თავად რუსეთის თავდაცვის მინისტრისგან მომდინარეობდა. მაგრამ ამ პროექტს გამუდმებით რაღაც უშლიდა ხელს. თავდაცვის სამინისტროში კი მიაჩნდათ, რომ Ан-124–ების წარმოება აუცილებლობა არ იყო, ვინაიდან უკვე არსებული პარკის რემონტის გზით „რუსლანები“ 2040–ანი წლების ბოლომდე შეიძლება იყოს გამოყენებული. მეორე მხრივ, იგივე საწარმო შესაძლებლად მიჩნევს Ан-124–ების ანალოგიური თვითმფრინავების გამოშვებას 2020 წლის შემდეგ. შესაძლოა, სწორედ ახლა იშლება ახალი პერსპექტივები „რასლანისთვის“ და რუსეთის სამხედრო–სატრანსპორტო ავიაციისთვის.

სირიაში, მთიან ყარაბაღსა და პლანეტის სხვა ცხელ წერტილებში ბოლო წლების საგანგაშო მოვლენები ამტკიცებს, რაოდენ მნიშვნელოვანია მძიმე სამხედრო–სატრანსპორტო ავიაცია ჯარების, შეიარაღებისა და მატერიალური საშუალებების  ოპერატიული გადასროლისთვის. შეგახსენებთ, რომ „რუსლანს“ საათში 850 კმ სიჩქარით შეუძლია 120 ტონა ტვირთი გადაიტანოს 4800 კილომეტრზე. მაგრამ თავდაცვის სამინისტროში მხოლოდ ათი Ан-124–ია ექსპლუატაციაში. ახალი გამოწვევები და საფრთხეები კი მათი რაოდენობისა და ხარისხის ზრდას მოითხოვს.

პირველად ისტორიაში

სირიაში კვლავაც ნარჩუნდება რთული სამხედრო–პოლიტიკური ვითარება. შიტუაციამ შესაძლოა მობილური მხარდაჭერა მოითხოვოს, ამიტომ ქვეყანში რუსეთის სამხედრო კოსმოსური ძალების ოპერატიული აეროდრომების ქსელი ფართოვდება. ამერიკული გამოცემა The Drive–ს ინფორმაციით, ჰმეიმში ასაფრენ–დასაჯდომი ზოლის სიგრძე 3,2 კმ–მდე გაიზარდა, რაც „მძიმედ დატვირთული“ სამხედრო–სატრანსპორტო Ан-124 „რუსლანების“ მიღებას შესაძლებელს ხდის.

მანამდე სამხედრო–სატრანსპორტო ავიაციამ ოპერატიულად გადაისროლა რუსეთიდან სომხეთში 1960 სამხედრო სამშვიდობო კონტინგენტიდან — საშტატო შეიარაღებითა და ტექიკით. ასეთი ოპერაციები წინასწარ უნდა დამუშავდეს, საჭიროა სარეზერვო თვითმფრინავები, ეკიპაჟები, მარშრუტები და აეროდრომები.

მოულოდნელი სამხედრო კონფლიქტის პირობებში, მთელი რუსეთის მასშტაბით დისლოცირებული ჯარები ერთი ორგანიზმივით უნდა მოქმედებდეს და ოპერატიულად რეაგირებდეს ვითარების ნებისმიერ ცვალებადობაზე. ამას კი ათობით და ასობით სამხედრო–სატრანსპორტო ავიაცია დასჭირდება. და უახლოეს ხანებში ულიანოვსკის ავიაქარხანას სამუშაო მოემატება.

მეორედ მოსვლა

თვითმფრინავ Ан-124-100 „რუსლანს“ 120 ტონაზე მეტი ტვირთის აწევა შეუძლია ჰაერში. თავდაცვის სამინისტროს გარდა, ასეთი 20 თვითმფრინავი სხვადასხვა სტრუქტურებშიც იყო გამოყენებული.

თქმა არ უნდა, Ан-124–ის ტიპის მძიმე ტექნიკის რაოდენობა რუსეში გაიზრდება. ალბათ ციფრული მოდერნიზაციისა და ახალი ძრავების, მნიშვნელოვნად შეცლილი ავიონიკისა და შასების კონსტრუქციის შემდეგ მძიმე სამხედრო–სატრანსპორტო თვითმფრინავებს სხვა სახელი დაერქმევა. მაგალითად, ნატოში Ан-124–ს უკვე დიდი ხანია, „კონდორს“ უწოდებენ.

უკრაინის სახელმწიფო საწარმო ANTONOV–ში მიაჩნით, რომ მსგავსი წარმოება უკრაინული მხარის მონაწილეობის გარეშე შეუძლებელია, მაგრამ მანამდე რუსეთის „მინპრომტორგში“ განაცხადეს, რომ ANTONOV–ი, როგორც Ан-124–ების სერტიფიკატის მფლობელი, არ ასრულებს ვალდებულებებს და ამიტომ საქმეში რუსული მრეწველობის ჩართვაა აუცილებელი.

თვითმფრინავი Ан-124 საბჭოთა კავშირში შეიქმნა — ულიანოვსკის, ვორონეჟისა და კიევის საწარმოთა კოოპერირებით. შეიარაღებაში კი 1991 წელს შევიდა. თავდაპირველად მისი დანიშნულება იყო კონტინენტთშორისი ბალისტიკური რაკეტების გამშვები მოწყობილობების გადატანა. ულიანოვსკში დამზადდა 56–დან 36 „რუსლანი“. და შემთხვევითი არ არის, რომ უკრაინული ფირმა ANTONOV–ის პროდუქციის ოთხ დასახელებაში დღეს Ан-124 არ ფიგურირებს.

უნდა ითქვას, რომ მსოფლიოში სახელგანთქმული საბჭოთა ავიაკონსტრუქტორი ოლეგ ანტონოვი მოსკოვის გუბერნიაშია დაბადებული, სწავლობდა სარატოვსა და ლენინგრადში, საკონსტრუქტორო სამუშაოები მოსკოვში დაიწყო. 1946 წელს ციმბირის ავიაციის სამეცნიერო–კვლევით ინსტიტუტს ხელმძღვანელობდა, რომელიც 1952 წელს გადაიტანეს კიევში.

რედაქცია შესაძლოა არ ეთანხმებოდეს ავტორის პოზიციას!

17
თემები:
რუსეთი დღეს

ციმბირში მაინინგ კომპანიამ 40 000 წლის მამონტის ეშვები აღმოაჩინა და მუზეუმს გადასცა

0
ციმბირის ქალაქ კემეროვოს ჩრდილოეთით 25 კილომეტრის დაშორებით ნახშირის მაღაროში აღმოჩენილი ოთხი მამონტის ეშვი ხუთშაბათს კუზბასის სახელმწიფო მუზეუმს გადაეცა

მამონტის ნაშთები აღმოაჩინეს იანვარში, ურალის სამთო მეტალურგიული კომპანიის საკუთრებაში არსებულ მაღაროში, რომელიც არის რუსეთის წამყვანი ქვანახშირის მწარმოებელი. ურალის სამთო მეტალურგიული კომპანიის შვილობილი კომპანიის "კუზბასრაზრეზუგოლის" საზოგადოებასთან ურთიერთობის განყოფილების ხელმძღვანელმა ლარისა ბერესტნევამ აღნიშნა, რომ ექსკავატორები მას თიხის ფენაში მუშაობისას წააწყდნენ. 

"სავარაუდოდ, ეს ოთხი ეშვი ოთხ სხვადასხვა მამონტს ეკუთვნის. ერთი შეხედვით, ძვლების დიამეტრი განსხვავებულია, რაც მაფიქრებინებს, რომ ისინი სხვადასხვა მამონტებს ეკუთვნით, თუმცა დარწმუნებული არ ვარ", - განაცხადა სამეცნიერო დეპარტამენტის უფროსმა დიმიტრი სლობოდინმა.

"თარიღის დადგენა? ჯერ რთული სათქმელია. აუცილებელია შეისწავლოთ ადგილმდებარეობა, სადაც ისინი აღმოაჩინეს. მაგრამ, სავარაუდოდ, ეს იქნება ათიდან ორმოც ათას წლამდე”, - აღნიშნა მან.

აღმოჩენები მალე გამოიფინება მუზეუმში, მაგრამ მანამდე მისი კარგად შესწავლა და მომზადებაა საჭირო.

0