აშშ-ის სამხედრო-საზღვაო ძალების ხომალდი

მიმოხილვა: ამერიკული პასუხი „კალიბრებს“ – რა უნარები აქვს ახალ „ტომაჰავკებს“

109
(განახლებულია 18:16 28.12.2020)
უფრო შორს ფრენა, უფრო მტკივნეული დარტყმა, წინააღმდეგობის იგნორირება — ამერიკელებმა ფრთოსანი რაკეტა Tomahawk–Block V-ს ახალი მოდიფიკაცია გამოსცადეს.

ანდრეი კოცი

წყნარ ოკენეში, ჰავაის კუნძულებიდან არცთუ ისე შორს ესკადრონულმა ნაღმმზიდმა Chafee-მ საზღვაო პოლიგონზე სროლები ჩაატარა. აშშ-ის სამხედრო–საზღვაო ფლოტმა ლაკონიურად განაცხადა: ყველაფერმა წარმატებით ჩაიარა.

ორი ვარიანტი

პენტაგონში Block V-ს კოლოსალური სისწრაფით შემუშავებას ჩინეთის სამხედრო–საზღვაო პოტენციალის გაძლიერებით ხსნიან. ჩინეთი მართლაც ძალიან სწრაფად აგებს დიდ წყალზედა გემებსა და წყალქვეშა ნავებს, აქტიურად ავითარებს მათ შეიარაღებასა და საბორტო სისტემებს. ამერიკელები სერიოზულად უფრთხიან მსოფლიო ოკეანეში უპირატესობის დაკარგვას — ექსპერტების შეფასებით, 2035 წლისთვის ჩინეთს უკვე 420 „ვიმპელი“ ეყოლება.

და პენტაგონმაც გაზარდა ხომალდსაწინააღმდეგო შეიარაღებაზე შეკვეთები. 2025 წლამდე 859 რაკეტის შეძენა იგეგმება, რომლებსაც მსხვილი წყალზედა სამიზნეების განადგურების უნარი ექნება დიდ მანძილზე. ბოლო დრომდე ამერიკელი მეზღვაურების არსენალში ჯერ კიდევ 1970-იანებში შექმნილი ხომალდსაწინააღმდეგო „ჰარპუნები“ იყო — 280 კმ სიშორით. 2018 წელს კი სამხედრო–საზღვაო ფლოტმა ზებგერითი AGM-158C LRASM-ები მიიღო, რომლებსაც საზღვაო სამიზნეების 900 კილომეტრის დაშორებით დაზიანება შეუძლია.

თუმცა ახალი იარაღი ჯერჯერობით სერიული არ გამხდარა. ამიტომ LRASM-ების წარმოების პარალელურად პენტაგონში გადაწყვიტეს, რომ „ტომაჰავკებისთვის“ ხომალდსაწინააღმდეგო უნარები დაებრუნებინათ, რაც ამ რაკეტებს 1990-იანების შუა წლებში მოუშალეს მას შემდეგ, რაც შეიარაღებაში Block II შევიდა. ცნობილია, რომ Block V-ად მეოთხე თაობის ყველა „ტომაჰავკი“ გადაკეთდება.

პირველი ვერსიაა Block Va და ის გემებიდან და წყალქვეშა ნევაბიდან იქნება გამოყენებული წყალზედა სამიზნეების წინააღმდეგ. ამ ვარიანტს MST (Maritime Strike Tomahawk — „საზღვაო მოიერიშე „ტომაჰავკი“) ეწოდა. სპეციალისტების აზრით, ის თვითდამიზნების აქტიურ და პასიურ რადიოლოკაციურ და თბოვიზურ არხებს შეითავსებს, ამასთან აღიჭურვება მონაცემთა დამუშავების მძლავრი პროცესორითა და ინერციული დამიზნების ახალი ბლოკით. როგორც მოსალოდნელია, ეს „ტომაჰავკი“ დაახლოებით 1600 კმ დაშორებით შეძლებს დიდი წყალზედა მოძრავი სამიზნეების დაზიანებას.

არის კიდევ Block Vb. ეს „კლასიკური ტომაჰავკია“ — სახმელეთო სამიზნეებზე იერიშის მისატანად. მას ახალი შემღწევი საბრძოლო ნაწილი Joint Multiple Effects Warhead System (JMEWS) აქვს, რომელიც შემღწევი ქობინისა და კუმულაციური გადატენვის ერთობლიობას წარმოადგენს. ამფეთქებელი პროგრამირებადია და მრავალმიზნობრივი, აქვს საბრძოლო ნაწილის ჰაერში აფეთქების უნარი. ეს რაკეტა გამოიყენება როგორც გამაგრებული მიწისქვეშა ბუნკერების, ისე ჩვეულებრივი სამხედრო ობიექტების წინააღმდეგ.

ხუთი მიზეზი

ინტერნეტ-პორტალ Defense News-ის სპეციალისტებმა განმარტეს, რატომაა აქტუალური დღეს „ტომაჰავკები“ — ზებგერითი და ჰიპერბგერითი იარაღის ეპოქაში. უპირველესად, Block V ბევრად ზუსტია წინამორბედებზე, ხოლო ფრენის მანძილი საკმარისია იმისთვის, რომ ეფექტურად გაუმკლავდეს ჩინურ რაკეტა DF-26-სა და DF-21-ებს აზია–წყნარი ოკეანის რეგიონში. მეორეც: მოდიფიცირებული „ტომაჰავკები“ რადიოაქტიური ბრძოლის საშუალებებისგანაა დაცული და დამზადებულია მცირედ შემჩნევადობის ტექნოლოგიით, რაც მის სიცოცხლისუნარიანობას მნიშვნელოვნად ზრდის.

მესამე: რაკეტის ქვესონიერი სიჩქარე უპირატესობას იძლევა სხვა უფრო სწრაფ კონკურენტებზე. მეხუთე ვერსიის „ტომაჰავკი“ უფრო ეკონომიურია საწვავის ხარჯვის კუთხით, ხოლო მისი ეფექტური მოქმედების სიშორე — ბევრად მაღალი.

მეოთხე: ეს რაკეტა შედარებით იაფია. Block V-ს ერთი გაშვება გადასახადების გადამხდელებს მილიონი დოლარი დაუჯდებათ. ზებგერითი რაკეტა SM-6 ოთხჯერ ძვირი ღირს.

და, ბოლოს, მეხუთე: Block V არ განსხვავდება წინამორბედებისგან გაბარიტებით, რაც საშუალებას იძლევა, რომ ის ვერტიკალური გაშვების ძველ დანადგარებში — Mk41-ში გამოიყენონ, რომლებითაც არის აღჭურვილი ესკადრონული ნაღმმზიდი „არლი ბერკი“ და კრეისერი „ტიკონდეროგა“. გარდა ამისა, ამ რაკეტების გაშვებას კონსტრუქციაში რაიმე გადაკეთების გარეშე შეძლებენ ატომური სუბმარინებიც. მოსალოდნელია, რომ Tomahawk Block V-ს ორივე ვარიანტის სერიული წარმოება 2023 წლიდან დაიწყება.

მთავარი კონკურენტი

ამერიკული „ტომაჰავკების“ უახლოეს ანალოგად მიიჩნევა ფრთოსანი რაკეტა „კალიბრი“, რომელიც რუსეთმა საომარ ვითარებაში პირველად 2015 წლის შემოდგომაზე გამოსცადა. სამხედრო–საზღვაო ფლოტის ხომალდებმა ახალი იარაღით მაშინ ერთდროულად შეუტიეს ტერორისტების 26 ობიექტს სირიაში და თითქმის ყველა წარმატებით გაანადგურეს. ამ რაკეტებით არის აღჭურვილი 22350 და 11356 პროექტების ფრეგატები, პროექტ 20385-ის კორვეტი, პროექტ 21631-ისა და 22800-ის მცირე სარაკეტო ხომალდები და ასევე წყალქვეშა ნავები — პროექტები: 885, 636.3, 677, 971 და 877. უახლოეს მომავალში ჯერ კიდევ საბჭოთა პერიოდში აგებული „ვიმპელების“ ნაწილი ასევე გადაიარაღდება „კალიბრებად“.

„კალიბრის“ ოჯახის რაკეტების ზუსტი მახასიათებლები უცნობია. თუმცა 2017 წლის 19 ოქტომბერს „ვალდაის“ კლუბში გამოსვლისას რუსეთის პრეზიდენტმა ვლადიმირ პუტინმა აღნიშნა, რომ საზღვაო ბაზირების რაკეტის სიშორე წყალზედა სამიზნემდე 1400 კილომეტრია, რაც ახალ „ტომაჰავკებს“ უტოლდება. სახმელეთო სამიზნეებზე სასროლი ვერსიის სიშორე კი 2600 კილომეტრია. თუმცა ეს ზღვარი არ არის.

2018 წლის იანვარში ზოგმა მედიასაშუალებამ თავდაცვის სამინისტროზე დაყრდნობით განაცხადა, რომ რუსეთში სახომალდე ბაზირების მოდერნიზებული ფრთოსანი რაკეტა „კალიბრი-М“ იქმნებოდა — სროლის მაქსიმალური სიშორე 4,5 ათასი კილომეტრი. აღინიშნება, რომ სიახლე წინამორბედებზე დიდია, ხოლო მისი საბრძოლო ნაწილის წონა დაახლოებით ერთი ტონაა. რაკეტას შეუძლია ზიდოს როგორც ჩვეულებრივი, ისე ბირთვული ქობინები.

არსებული მონაცემებით თუ ვიმსჯელებთ, „კალიბრი-М“ ტაქტიკურ–ტექნიკური მახასიათებლებით ახალ ამერიკულ „ტომაჰავკებს“ კიდეც აღემატება. მაგრამ ამერიკელებს აქვთ უდავო უპირატესობა — ეს ფრთოსანი რაკეტების მზიდების რაოდენობაა. აშშ-ის სამხედრო–საზღვაო ძალებს ასზე მეტი წყალზედა და წყალქვეშა „ვიმპელი“ ჰყავს, რომლებიც დიდი რაოდენობით ზეზუსტი იარაღითაა აღჭურვილი. რუსეთს კი ასეთი მხოლოდ ოცი ხომალდი ჰყავს.

რედაქცია შესაძლოა არ ეთანხმებოდეს ავტორის მოსაზრებებს

109
ბათუმში ოპოზიციის აქცია

საქართველოს ხელისუფლება VS ოპოზიცია: არსებობს თუ არა მოლაპარაკების იმედი

38
(განახლებულია 15:20 27.01.2021)
ოპოზიციური პარტიების უმეტესობამ პარლამენტის საბოლოოდ დატოვების გადაწყვეტილება მიიღო და მმართველ პარტიას კვლავ მოლაპარაკება შესთავაზა.

სადეპუტატო უფლებამოსილების მოხსნის შესახებ განაცხადები ოპოზიციამ ჯერ კიდევ დეკემბერში შეიტანა, როდესაც მეათე მოწვევის პარლამენტი თავის პირველ სხდომაზე შეიკრიბა. თუმცა მმართველმა პარტია „ქართული ოცნება - დემოკრატიულმა საქართველომ“, რომელსაც საპარლამენტო უმრავლესობა აქვს მოპოვებული, ოპოზიციას მოსაფიქრებლად დრო მისცა. პარალელურად კი იმ ცვლილებათა პაკეტის განხილვა დაიწყო, რომელთა მიღების შედეგად მეამბოხე სუბიექტებს დაფინანსება ჩამოერთმევათ.

თუმცა „ქართული ოცნების“ იმედები არ გამართლდა და ოპოზიციამ არ გადაიფიქრა.

„ვაცხადებთ, რომ მუქარა ოპოზიციური პარტიებისთვის საკანონმდებლო დონეზე სადამსჯელო სანქციების შემოღების შესახებ და მანდატების შეჩერების პროცესის გაწელვა არანაირ შედეგს არ გამოიღებს“, – ნათქვამია განცხადებაში, რომელსაც ხელს ექვსი ოპოზიციური პარტია აწერს.

ერთობლივ განცხადებას ხელი არ მოაწერა „პატრიოტთა ალიანსმა“, რომელმაც საბოლოოდ დაკარგა საპარლამენტო პარტიის სტატუსი, ხოლო მის ადგილებს პარლამენტში იკავებს ყველასათვის უცნობი ახალი ძალა „ევროპელი სოციალისტები“. აგრეთვე განცხადებას ხელი არ მოაწერეს პარტიებმა „მოქალაქეები“ და „ახალი პოლიტიკური ცენტრი - გირჩი“.

ამასთან, თუ „მოქალაქეები“ მზად არიან პარლამენტში შესასვლელად, „გირჩი“ ბოიკოტის რეჟიმში იმყოფება და ჯერ კიდევ იტოვებს იმედს, რომ ოპოზიცია საკანონმდებლო ორგანოში დაბრუნდება.

მოლაპარაკებების აჩრდილი

ამავე განცხადებაში ოპოზიციური პარტიები კიდევ ერთხელ აცხადებენ, რომ მზად არიან მოლაპარაკებებისთვის მმართველ პარტიასთან, მაგრამ მხოლოდ მთავარი მოთხოვნის შესახებ – ვადამდელ საპარლამენტო არჩევნებზე.

ამ მოთხოვნას კატეგორიულად არ ეთანხმება „ქართული ოცნება“. უფრო მეტიც, პარტიის ერთ-ერთმა ლიდერმა გია ვოლსკიმ მიანიშნა, რომ „ქართულ ოცნებას“ შეუძლია უარი უთხრას ოპოზიციას პარლამენტის დატოვებაზე.

„ოპოზიციას სურს ეს საკითხი გამოიყენოს არა სამართლიანობისთვის, არამედ რაღაც დესტრუქციული პროცესების განვითარების მიმართულებით და ასევე საკუთარი თავის უფლებააყრილად წარმოჩენის მიზნით, მთლიანობაში – საქართველოს ინტერესების დაზიანების მიზნით. წინასწარ ვერ გეტყვით, პარლამენტი რა გადაწყვეტილებას მიიღებს, მაგრამ... ფაქტია, საერთაშორისო დონეზე მკაცრი მოთხოვნაა, რომ პარლამენტში იყოს მუშაობა და არა პირიქით, დაპირისპირების ეს ხარისხი იყოს შენარჩუნებული პოლიტიკურ ველზე“, – განაცხადა ვოლსკიმ.

ხოლო როგორც მისმა თანაპარტიელმა გურამ მაჭარაშვილმა აღნიშნა, ის იმედოვნებს, რომ ოპოზიცია ან თუნდაც მისი ნაწილი გონს მოეგება და შევა პარლამენტში, თუმცა მოლაპარაკებების გაგრძელებასთან დაკავშირებით კითხვის ნიშანი დასვა.

„ოპოზიციის განცხადება, რომ მოლაპარაკებას დავუბრუნდეთ, ეს არის „გაღმა შეედავეს“ პრინციპი იქიდან გამომდინარე, რომ მათ ახალი არაფერი უთქვამთ არც საზოგადოებისთვის და არც საკუთარი ამომრჩევლისთვის, გარდა აბსურდული მოთხოვნისა, რაც უკავშირდება რიგგარეშე არჩევნების დანიშვნას“, – განაცხადა მაჭარაშვილმა.

იმ დღემდე კი, როდესაც პარლამენტი მიიღებს საბოლოო გადაწყვეტილებას იმ ერთადერთ საკითხზე, რომელიც ოპოზიციას ვაჭრობის საბაბს აძლევს, სადეპუტატო მანდატებზე, სულ უფრო ცოტა დრო რჩება. მანდატების გაუქმების შესახებ გადაწყვეტილების მიღების შემდეგ პარლამენტს უკვე შეუძლია აღარ გაითვალისწინოს ოპოზიციის შეხედულება და ქვეყნისთვის მნიშვნელოვანი გადაწყვეტილები, წინასწარი გათვლებით, 99 ადამიანის შემადგენლობით მიიღოს. მართალია, ის ვერ შეძლებს საკონსტიტუციო კანონების მიღებას, მაგრამ თავისი სურვილისამებრ ნებისმიერ სხვა კანონს შეცვლის.

მეტიც, მმართველ პარტიას უკვე აღარ აქვს შეთანხმების იმედი, ამიტომ ის უახლოეს დროში მიიღებს ცვლილებებს, რომლებიც „ალიანსიდან“ შესულ მცირერიცხოვან ჯგუფს მისცემს შესაძლებლობას, ჰყავდეს თავისი წარმომადგენლები კომიტეტებში, დაესწროს საპარლამენტო ბიუროს და ვიცე-სპიკერის თანამდებობა დაიკავოს.

38
ნაღმმზიდი „დონალდ კუკი“

მიმოხილვა: ამერიკული „დონალდ კუკი“ სწავლებაზე პირობითად განადგურდა

15
როცა რუსეთის საზღვაო საზღვრებთან პირობითი მოწინააღდეგე ჩნდება, მას ოპერატიულად ხვდებიან სამხედრო-საზღვაო ძალები

და პირობითად ანადგურებენ წყალზედა გემებს, წყალქვეშა ნავებს, ავიაციასა თუ სანაპირო სარაკეტო კომპლექსებს. ან ყველაფერს ერთად. ეს ყოველდღიური და მრავალ ვარიანტიანი სამხედრო სწავლებაა.

ამერიკული ესკადრონული ნაღმმზიდი „დონალდ კუკი“ 23 იანვარს შავ ზღვაში შევიდადა სტანდარტული „სამიზნე სიტუაცია“ შექმნა რუსეთის სამხედრო-საზღვაო ფლოტის ეფექტური საბრძოლო მომზადებისთვის.

თავდაცვის მართვის ეროვნულ ცენტრში ლაკონიურად განაცხადეს: „შავი ზღვის ფლოტის ძალებმა და საშუალებებმა დევნა წამოიწყეს“. იმავე დღეს, მედიის მონაცემებით, რუსეთის სამხედრო-კოსმოსური ძალების ექვსმა საბრძოლო თვითმფრინავმა პირობითი შეტევა მიიტანეს ამერიკულ ნაღმმზიდზე ყირიმის ნახევარკუნძულიდან დაახლოებით 300 კმ-ს დაშორებით. გამანადგურებელ Су-30-სა და Су-27-ის წყვილი, ასევე ორი ფრონტული ბომბდამშენი Су-24 ყირიმის ავიაბაზებიდან აფრინდნენ და მოწინააღმდეგის პირობითი ნეიტრალიზაცია დაამუშავეს.

რეაქცია სრულიად ადეკვატურია აშშ-ის სამხედრო-საზღვაო ფლოტის ხომალდების აქტიურობაზე რუსეთის საზზღვაო საზღვრებთან. ორი თვით ადრე ფრთოსანი რაკეტებით აღჭურვილმა ესკადრონულმა ნაღმმზიდმა „ჯონ მაკკეინმა“ დარღვია რუსეთის საზღვარი პეტრე დიდის ყურეში. ის წყნარი ოკეანის ფლოტის ხომალდმა „ადმირალმა ვინოგრადოვმა“ განდევნა ნეიტრალურ წყლებში გატარნვის მუქარით. მაშინ ამერიკულმა საზღვაო სარდლობამ განაცხადა, რომ არ აღიარებს ყურეს რუსეტის კუთვნილებად. ყირიმის მახლობლად პროვოკაციის გამეორების ალბათობა მაღალია. ამიტომ 23 იანვარს რუსეთმა მაშინვე დაანახა „დონალდ კუკს“ მტკიოცე მოქმედებებისთვის მზადყოფნა.

გარდა ამისა, შავი ზღვის ფლოტში კრიზისულ სიტუაციებში მოქმედებების მხრივ წვრთნები ჩატარდა. შემდეგ რუსეთის ფლოტმა შავი ზღვის ჩრდილოეთ ნაწილში ათასობით კვადრატული კილომეტრი დახურა ნაოსნობისთვის საბრძოლო მომზადების გეგმიური ღონისძიებების მიზნით. სპეციალისტების აზრით, ეს უკანასკნელი არ უკავშირდება „დონალდ კუკის“ ვიზიტს, მაგრამ რეგიონში მზარდ სამხედრო-პოლიტიკურ დაძაბულობას კი ასახავს.

პიკირებადი ბომბდამშენის ტაქტიკა

„დონალდ კუკს“ 60 ფრთოსანი რაკეტა „ტომაგავკის“ ზიდვის უნარი აქვს, ბორტზე აქვს ნავსაწინააღმდეგო რაკეტები ASROC-ი, საზენიტო რაკეტები „სტანდარტი“, რაკეტსაწინააღმდეგო თავდაცვის კომპონენტური სისტემები „იჯისი“, საბრძოლო საინფორმაციო-მმართველი სისტემა. ასეთი ფეთქებადსაშიში არსენალი, დიდი ალბათობით, არ უნდა ემსახურებოდეს რეგიონულ სტაბილურობას.

ნაღმმზიდის „ნაპირის საწინააღმდეგო“ საიერიშო შესაძლებლობები მნიშვნელოვანია, ჰაერსაწინააღ,დეგო სისტემის ეფექტურობა საბრძოლო ვითარებაში შემოწმებული არ არის, ხოლო „ტომაგავკები“ ვერაფრით დაეხმარება საზღვაო ბრძოლაში.

„დონალდ კუკი“ აშშ-ის მე-6 ფლოტში შედის და რეგულარულად ჩნდება რუსეთის საზღვრების სიახლოვეს შავ და ბალტიის ზღვებში 2014 წლიდან. იმავე წელს ნაღმმზიდის ეკიპაჟი ახლოს გაეცნო რუსულ ფრონტულ ბომბდამშენ Су-24-ს, რომელმაც 12-ჯერ შემოუფრინა მას. აშშ-ის სახელმწიფო დეპარტამენტის მონაცემებით, მაშინ Су-24-ის ბორტზე განთავსებულმა რადიო-ელექტრონული ბრძოლის აპარატურამ პირველად გამოიყვანა მწყობრიდან „დონალდ კუკის“ რთული ელექტრონიკა. მეორედ Су-24-მა „კუკის“ აპარატურა 2018 წლის გაზაფხულზე „გათიშა“. 2021 წელს კი წინაარმდეგობის ტაქტიკა შესამჩნევად შეიცვალა - ბოლო თვეებში ნაღმმზიდი ზედმეტად ხშირად სტუმრობს შავი ზღვის რეგიონს.

რუსეთი იძულებულია, გააძლიეროს სამხედრო დაჯგუფება და აშშ-ის სამხედრო-საზღვაო ძალებისა და ნატოს საწინააღმდეგო ტაქტიკა შეცვალოს სამხრეთ-დასავლეთ სტრატეგიული მიმართულებით. შავი ზღვის ფლოტმა ბოლო წლებში ექვსი წყალქვეშა ნავი, რამდენიმე ფრეგატი და მცირე სარაკეტო ხომალდი მიიღო. ყირიმში საზენიტო რაკეტა „ტრიუმფები“ და „პანცირების“ რამდენიმე დივიზიონია განთავსებული. სევასტოპოლში მალე გამოჩნდება შეტყობინების ახალი რადიოლოკაციური სადგურები.

რუსეთის სამხედრო-საზღვაო ფლოტი ასევე აქტიურად აფართოვებს გავლენას ხმელთაშუა ზღვაში, სადაც დღეისათვის ათამდე საბრძოლო ხომალდი და წყალქვეშა ნავია განთავსებული, რაც ამერიკული ფლოტის მოქმედი ხომალდების რაოდენობას აჭარბებს.

Defense News-ის ინფორმაციით, რუსეთის შორეულ აღმოსავლეთში განთავსებული სანაპირო-სარაკეტო კომპლექსი „ბასტიონი“ მოსკოვს სტქტიკის გაკონტროლებისა და ალიასკაზე სამიზნეების განადგურების შესაძლებლობას აძლევს.

აშშ-ის სამხედრო-საზღვაო ძალების სტრატეგიის ირიბი სარკე

„რუსეთი ყოველთვის ღიზიანდებოდა ამერიკული ხომალდების ყოფნით შავ ზღვაში, ვინაიდან ისინი დიდი სიშორის ფრთოსანი რაკეტებითა და ძლიერი რაკეტსაწინააღმდეგო თავდაცვით არიან შეიარაღებული. რუსები ასეთ საფრთხეებს სტრატეგიულად აღიქვამენ და არასდროს დაუშვებენ, რომ არსენალის ეს ტიპი ასე ახლოს მდებარეობდეს მათ დასახლებულ პუნქტებთან ან კრიტიკულ ინფრასტრუქტურასთან“, - განაცხადა რუსეთის კვლევის სამხედრო-ანალიტიკური ცენტრ CNA-ს დირექტორმა მაიკლ კოფმანმა.

მაგრამ ვაშინგტონიც გაღიზიანებულია რუსეთის ფლოტის მრავალმიზნობრივი და სტრატეგიული სუბმარინების ყოფნით, სტრატეგიული ბომბდამშენები ფრენით აშშ-ის ნაპირების სიახლოვეს (ნეიტრალურ წყლებსა თუ საერთაშორისო საჰაერო სივრცეში). ცალმხრივი უსაფრთხოება არ არსებობს, მაგრამ აშშ-ს თავისი სტრატეგია აქვს.

საოკეანო სივრცეებზე კონტროლი სასიცოცხლოდ მნიშვნელოვანია „ამერიკელებისა და მათი მოკავშირეების ნავიგაციის თავისუფლებისათვის“ და ასევე მოწინააღმდეგის სანაპიროზე „ძალის პროეცირებისათვის“. შესაბამისად, რუსეთის მთავარი „დანაშაული“ – ეს თავდაცვისუნარიანობის მნიშვნელოვანი განმტკიცებაა.
პათოსურ შეგონებებს შესაძლოა პენტაგონის პროვოკაციები და ოპერაციები მოჰყვეს ზღვასა და ხმელეთზე. ამიტომ რუსეთის ფლოტი იძულებულია, სულ უფრო მტკიცედ დააბრუნოს მრავალპორალური მსოფლიოს მკაცრ რეალობაში ამერიკელი პარტნიორები.

რედაქცია შესაძლოა არ ეთანხმებოდეს ავტორის მოსაზრებებს!

15
მეათე მოწვევის პარლამენტი

ქართველ ოპოზიციონერ დეპუტატებს უფლებამოსილებას გაუზრდიან

0
საქართველოში შექმნილი პოლიტიკური კრიზისის ფონზე დამოუკიდებელი დეპუტატები მეტ უფლებამოსილებას მიიღებენ

თბილისი, 27 იანვარი - Sputnik. საქართველოს პარლამენტმა პირველი მოსმენით დაამტკიცა შესწორებები პარლამენტის რეგლამენტში, რომლებიც საკანონმდებლო ორგანოში ოპოზიციონერთა მცირე ჯგუფის უფლებებს აფართოებს.

პოლიტიკური კრიზისის ფონზე პარლამენტში ოპოზიცია წარმოდგენილი იქნება ცხრა დამოუკიდებელი დეპუტატით, თავად საკანონმდებლო ორგანოს კი შეზღუდული უფლებამოსილებები ექნება.

შესწორებების თანახმად, დამოუკიდებელ დეპუტატებს ვიცესპიკერის, ასევე, კომიტეტების თავმჯდომარეების მოადგილეების წარდგენის უფლება ექნებათ.

გარდა ამისა, დებატების დროს ან კანონპროექტის განხილვისას მათ ფრაქციისთვის ანალოგიურ დროს გამოუყოფენ.

შესწორებების მიზეზი გახდა დამოუკიდებელი დეპუტატების შეზღუდული უფლებამოსილებები, რომელთაც დღემდე არა აქვთ შესაძლებლობა, სრულფასოვნად მიიღონ მონაწილეობა პარლამენტის მუშაობაში და დაიკავონ ხელმძღვანელი თანამდებობები.

ვინაიდან მმართველი პარტია „ქართული ოცნება“ 2 თებერვალს დააკმაყოფილებს ოპოზიციის წარმომადგენელთა დიდი ნაწილის უარს მანდატებზე, ოპოზიციური ფრთა პარლამენტში წარმოდგენილი იქნება „ევროპელი სოციალისტების“ ოთხი, პარტია „მოქალაქეების“ ორი და პარტია „ახალი პოლიტიკური ცენტრი - გირჩის“ სამი დეპუტატით. ამასთან, პარტია „გირჩი“ არ აპირებს სხდომებში მონაწილეობას და აგრძელებს ბოიკოტს.

უფრო მეტი უფლებამოსილება?

შესწორებების განხილვისას მმართველი პარტიის წარმომადგენელმა ბეჟან კახაძემ კოლეგებს შესთავაზა, დამოუკიდებელ დეპუტატებს სამწევრიანი ფრაქციის შექმნისა და ბიუროს სხდომაზე დასწრების შესაძლებლობა მიეცათ.

ამასთან დაკავშირებით პარლამენტის თავმჯდომარე არჩილ თალაკვაძემ განმარტა, რომ არსებობს კონსტიტუციის ჩარჩოები, რომლებიც მკაცრად განსაზღვრავს პარლამენტის ბიუროს შემადგენლობას, ასევე ფრაქციების შესაძლებლობებსა და შემადგენლობას.

პროექტის ავტორმა ლევან მგალობლიშვილმა კი აღნიშნა, რომ დამოუკიდებელი დეპუტატების უფლებამოსილება შესაძლოა გაფართოვდეს რეგლამენტის შესაძლებლობების გათვალისწინებით, ისე რომ არ დაზარალდეს კონსტიტუცია.

„ჩვენ არ წავალთ კონსტიტუციის წინააღმდეგ, რომელიც პარლამენტის ფრაქციების შესაძლებლობებს განსაზღვრავს, მათ შორის, სახელმწიფო თანამდებობებზე გარკვეულ პირთა დანიშვნისას, მაგრამ ჩვენ შეგვიძლია რეგლამენტის ფარგლებში ოპოზიციონერებს მეტი შესაძლებლობა მივცეთ“, - განაცხადა მგალობლიშვილმა.

მისი თქმით, კანონპროექტი მეორე მოსმენისთვის დამუშავდება და განსახილველად იქნება წარდგენილი.

რატომ „გაღარიბდა“ პარლამენტი

საქართველოს პარლამენტში არჩევნების შედეგად 60 ოპოზიციონერი და 90 მმართველი პარტიის დეპუტატი მოხვდა. თუმცა ოპოზიციონერების უმრავლესობა დღემდე უარს აცხადებს არჩევნების შედეგების აღიარებაზე და ამბობს, რომ ისინი „ქართული ოცნების“ სასარგებლოდ გაყალბდა.

პარლამენტში მოხვედრილმა დეპუტატებმა პარტიებიდან - „ერთიანი ნაციონალური მოძრაობა“, „ევროპული საქართველო“, „ლელო“, „სტრატეგია აღმაშენებელი“, „საქართველოს პატრიოტთა ალიანსი“ და „გირჩი - მეტი თავისუფლება“ - პროტესტის ნიშნად პარლამენტის დატოვება გადაწყვიტეს.

ექვსიდან ხუთმა სუბიექტმა გააუქმა პარტიული სიები, რათა თავიანთი პარტიებიდან უფრო ლოიალური წარმომადგენლებით მათი ჩანაცვლების შესაძლებლობა მოესპო.

ერთადერთი, ვინც ეს არ გააკეთა, პარტია „პატრიოტთა ალიანსია“, რის წყალობითაც პარლამენტში მისი ოთხი ყოფილი წარმომადგენელი მოხვდა. მათ „პატრიოტების“ ადგილები დაიკავეს და შექმნეს საკუთარი პარტია „ევროპელი სოციალისტები“.

პარლამენტის შემცირებული შემადგენლობა საქართველოს პარლამენტს კონსტიტუციის შეცვლის, კონსტიტუციური კანონების მიღებისა და მიწის შესახებ კანონის შეცვლის შესაძლებლობას უკარგავს.

0