სამხედრო აღლუმის რეპეტიცია ბაქოში

მიმოხილვა: რა იარაღი დაეხმარა აზერბაიჯანს ყარაბაღის კონფლიქტში

847
(განახლებულია 15:51 12.12.2020)
აზერბაიჯანის არმიის არსენალი გვაიძულებს, კიდევ ერთხელ დავფიქრდეთ შეიარაღების ეფექტური გამოყენების, სამხედრო სპეციალისტების მომზადების ხარისხის, ჯარების ტაქტიკური და ოპერატიული წვრთნის დონის შესახებ.

აზერბაიჯანის არმია მთიან ყარაბაღში 44 დღიანი საომარი მოქმედებების დროს უფრო ეფექტურად და შედეგიანად იყენებდა ბელარუსული და რუსული წარმოების იარაღს – არტილერიას, ზალპური ცეცხლის რეაქტიულ სისტემებს, ტანკებს და საბჭოთა კავშირის დროინდელი არსენალიდან საზენიტო–სარაკეტო კომპლექსებსაც კი. თურქული და ისრაელური დრონები ეხმარებოდა არტილერიას, ხელს უწყობდა სადაზვერვო–შემტევი კონტურის ფორმირებას, იძლეოდა ბევრ ვიდეომასალას მოწინააღმდეგის საბრძოლო სულის გასანადგურებლად და მიუხედავად ამისა, სამხედრო–საომარ მოქმედებებში წარმატება მათი დამსახურება მაინც არ იყო.

ბაქოში 10 დეკემბერს თავისუფლების მოედანზე სამხედრო აღლუმი გაიმართა, რომელიც მთიან ყარაბაღში გამარჯვებას მიეძღვნა. აღლუმზე გამოიყვანეს დაახლოებით 150 ერთეული საბრძოლო ტექნიკა, მათ შორის, თანამედროვე, რომელიც ცოტა ხნის წინ მიიღეს შეიარაღებაში. აქედან შესამჩნევად ბევრი იყო ბელორუსული და რუსული წარმოების თავდაცვითი სამრეწველო კომპლექსები. თანამედროვე ტანკების, ქვეითთა საბრძოლო მანქანების, ჯავშანტრანსპორტიორების, მძიმე ცეცხლმსროლელი სისტემების, ზალპური ცეცხლის რეაქტიული სისტემების, თვითმავალი საარტილერიო დანადგარების ფონზე რაღაცნაირად გამომწვევადაც კი გამოიყურებოდა საპატიო ასაკის საზენიტო–სარაკეტო კომპლექსი „ოსა“ და „შილკა“ — 1970-იანი წლების ნიმუშები. ამასთან ეს სწორი „ოს–ები“ იყო — ბორტზე ვარსკვლავებით, რომლებიც განადგურებული საჰაერო სამიზნეების რაოდენობას ასახავდა.

წარმოდგენილი იყო თურქული წარმოების ბორბლიანი ჯავშანმანქანებიც. მაგრამ თავისუფლების მოედანზე მაყურებელმა ასევე დაინახა ავტომობილები „უაზი“, „ურალი“, „კამაზი“. აღლუმის ბოლოს ბაქოს გამანადგურებელმა მიგ–29–ბმა, მოიერიშე სუ–25–ბმა და სამხედრო–სატრანსპორტო ვერტმფრენებმა — „მი–35–ბმა“ და „მი–17–ბმა“ გადაუფრინეს.

აზერბაიჯანის არმიის სააღლუმო არსენალი გვაიძულებს კიდევ ერთხელ დავფიქრდეთ შეიარაღების ეფექტური გამოყენების, სამხედრო სპეციალისტების მომზადების ხარისხის, ჯარების ტაქტიკური და ოპერატიული წვრთნის დონეის შესახებ. აზერბაიჯანის არმიას შეიარაღების ხარისხში აშკარა უპირატესობა არ ჰქონია, ხოლო რაოდენობა ობიექტურად შემოიფარგლებოდა საბრძოლო მოქმედებების თეატრით.

ეფექტური აფგრეიდი

იარაღის გონივრულად ფლობა არანაკლებად მნიშვნელოვანია, ვიდრე „რკინის“ ტაქტიკურ–ტექნიკური მახასიათებლები. ცნობილია, რომ აზერბაიჯანმა ყარაბაღში ისრაელის წარმოების ოპერატიულ–ტაქტიკური სარაკეტო კომპლექსი LORA მხოლოდ ერთხელ გამოიყენა – მდინარე აკარზე გადებულ ხიდზე. სამაგიეროდ „ოსას“ ბორტებზე აშკარად ჩანს ვარსკვლავები, რომლებიც განადგურებული სომხური დრონების რაოდენობას ასახავს (20–ზე მეტი). კონკრეტულ ოპერაციაში მოდერნიზებული და შედარებით იაფი „ოს-ები“ ბევრად ეფექტური გამოდგა, ვიდრე უახლესი LORA, რომელთაგან თითოეული 100 მილიონი დოლარი ღირს, ხოლო მისი თითოეული რაკეტა კიდევ 1,5 მილიონი.

მაგალითი შემთხვევითი არ არის. სომხური მხარის „ოს-ებმა“ საბრძოლო ვითარებაში არც თუ ისე კარგად წარმოაჩინეს თავი. ბაირახტარის ტიპის დრონები მათ იოლად პოულობდა და ანადგურებდა, თუმცა ყველაფერი პირიქით კი უნდა ყოფილიყო.

ბაქოს მონაცემებით განადგურებულია 40 ერთეული „ოსა“, ხუთი ერთეული „ტორი“, ოთხი ერთეული „კუბი“, 14 საზენიტო „ზასტავა“. ძნელი სათქმელია, რა არის აქ უფრო მეტი — მოწინააღმდეგის ძალების შეუფასებლობა, თუ საკუთარი შესაძლებლობების გადაჭარბებით შეფასება.

არ შევეხებით ჰაერსაწინააღმდეგო თავდაცვის სისტემების ბრიგადების განსწავლულობას, მაგრამ შევნიშნავთ, რომ აზერბაიჯანულმა „ოს-ებმა“ მანამდე მოდერნიზაცია გაიარეს ბელორუსული საწარმო „ტეტრაედრის“ დახმარებით და სრულიად ახალი ხარისხი შეიძინეს. ბელარუსმა სპეციალისტებმა დახვეწეს ელექტრონიკა და საზენიტო–სარაკეტო კომპლექსი უფრო შორ მანძილზე შემტევი გახადეს — რაკეტა Т382 სამიზნეს დაახლოებით 20 კილომეტრზე ანადგურეს 10 ათასი მეტრის სიმაღლეზე. ამასთან ბელარუსებმა ანალოგიური აფგრეიდი სომხურ მხარესაც შესთავაზეს, მაგრამ ერევანმა ეკონომიის გაწევა გადაწყვიტა.

აზერბაიჯანული და სომხური მხარეების ტექნოლოგიური ბალანსის გასაგებად მთიან ყარაბაღში, შეგახსენებთ: სომხეთი მსოფლიოში პირველი იმპორტიორია ოთხი რუსული სარაკეტო კომპლექს–ისკანდერისა, შეძენილი აქვს 12 გამანადგურებელი „СУ–30СМ“ (ჯერ–ჯერობით მიღებული აქვს ოთხი). სისტემა ТОС–1А, ცეცხლმფრქვევები, ზალპური ცეცხლის რეაქტიული სისტემები (СМЕРЧ), ტანკსაწინააღმდეგო მართვადი რაკეტები 9М113М. ერევანი რუსულ იარაღს შეღავათიანი ფასებით იღებს და თითქოს მისი არსენალი არ მოასწავებდა ესოდენ გამანადგურებელ მარცხს შედარებით ხანმოკლე საომარ კონფლიქტში.

თურქული ფაქტორი

ერევანისთვის საიდუმლო არ ყოფილა აზერბაიჯან–თურქეთის ერთობლივი სამხედრო სწავლება „ურღვევი ძმობა“, რომელიც აზერბაიჯანის ტერიტორიაზე რეგულარულად ტარდებოდა და მოიცავად არა მარტო ნახჭევანის ავტონომიურ რესპუბლიკას, არამედ განჯის, კურდამირის, ევლახისა და მთიან ყარაბაღთან ახლომდებარე დასახლებულ პუნქტებსაც. საჭირო იყო მანამდე მოემზადებინათ სისტემური პასუხი.

შევნიშნავთ, რომ რუსეთს აზერბაიჯანი არ „ზეშეუიარაღებია“, მიაწოდა რა მას (როგორც დსთ–ს სხვა ქვეყნებსაც) რამდენიმე წლით ადრე 100 ტანკი, 18 თვითმავალი ჰაუბიცა 152 მმ კალიბრით, 120 კალიბრიანი 18 თვითმავალი „ვენა“, 18 საბრძოლ ომანქანა „სმერჩი“ და 24 მძიმე ცეცხლმფრვევი სისტემა. ბელორუსმა პარტნიორებმა ასევე გამჭვირვალედ მიჰყიდეს ბაქოს ზალპური ცეცხლის რეაქტიული სისტემა „პოლონეზი“.

და მაინც, მოწინააღმდეგეზე გამარჯვება გენერალური შტაბის გეგმებში იჭედება ომამდე კარგა ხნით ადრე. როდესაც ყარაბაღის თავზე 27 სექტემბერს ისრაელური და თურქული დრონები გამოჩნდა და არტილერია აგუგუნდა, ეს მრავალწლიანი კონფლიქტის განვითარების ერთ–ერთი ალბათობა იყო. სომხური მხარე საამისოდ მეოთხედ საუკუნეზე მეტი ხნის განმავლობაში უნდა მომზადებულიყო. შემდგომმა საომარმა მოქმედებებმა აჩვენა, რომ აზერბაიჯანი ოპერაციისთვის სომხეთზე უკეთ მოემზადა. აზერბაიჯანული ჯარები ჯიუტად ეძებდნენ და პოულობდნენ სუსტ წერტილებს მოწინააღმდეგის თავდაცვაში. სომხური მხარის ლოგისტიკა, ზურგი და მთელი სამხედრო ორგანიზაცია დაბალ სიმაღლეზე აღმოჩნდა.

რედაქცია შესაძლოა არ ეთანხმებოდეს ავტორის მოსაზრებებს!

847
გარემოვაჭრეები

საქართველოში ინფლაციის დონე მკვეთრად შემცირდა: რაშია ფასების ვარდნის მიზეზი

208
(განახლებულია 14:26 20.01.2021)
დეკემბერში, ნოემბერთან შედარებით, საქართველოში ინფლაციის დონემ მინუს 1% შეადგინა. ნოემბრის თვეში ინფლაციის მაჩვენებელი 0,9% იყო.

თბილისი, 20 იანვარი – Sputnik. საქართველოში წლიურმა ინფლაციამ (2019 წლის დეკემბერი – 2020 წლის დეკემბერი) 2,4% შეადგინა – 3%-იანი მიზნობრივი მაჩვენებლის პირობებში, იუწყება საქართველოს სტატისტიკის ეროვნული სამსახური „საქსტატი“. 

ასე რომ, 2019 წლის თებერვლიდან პირველად ინფლაციის წლიური დონე მიზნობრივ მაჩვენებელზე ნაკლები აღმოჩნდა.

დეკემბერში, ნოემბერთან შედარებით, ინფლაციის დონემ საქართველოში მინუს 1% შეადგინა. ნოემბრის თვეში ინფლაციის მაჩვენებელი 0,9% იყო.

„საქსტატის“ მონაცემებით, დეკემბერში ყველაზე მეტად ფასები შემცირდა კომუნალურ მომსახურებაზე – 22%-ით. ამავე დროს, ფასები გაიზარდა სურსათსა (2,1%) და ტრანსპორტზე (2,4%).

კომუნალურ მომსახურებაზე ფასების კლების მიზეზები

„საქსტატით“ განმარტებით, დეკემბერში ინფლაციის დონის კლების მიზეზი მოსახლეობის გარკვეული კატეგორიისთვის კომუნალური ხარჯების სუბსიდირება გახდა, რომელიც მთავრობის ანტიკრიზისული პროგრამის ფარგლებში ხორციელდება. ამასთან, ბუნებრივი აირისა და ელექტროენერგიის სუბსიდირება ხორციელდება მათი მოხმარების მიხედვით, ხოლო წყალმომარაგების და დასუფთავების სერვისის – მოხმარებული ელექტროენერგიის ოდენობის მიხედვით.

პანდემიის პერიოდში საქართველოს ხელისუფლებამ გადაწყვეტილება მიიღო მოქალაქეებისთვის ელექტროენერგიისა და ბუნებრივი აირის (შესაბამისად, 200 კვტ/სთ და 200 მ3) ხარჯების დაფარვის შესახებ.

„საერთაშორისო სავალუტო ფონდის მიერ შემოთავაზებული სამომხმარებლო ფასების ინდექსის გაანგარიშების საერთაშორისო მეთოდოლოგიის თანახმად, ინფლაციის მაჩვენებლის გაანგარიშებისას გამოიყენება უშუალოდ მომხმარებლის მიერ გადახდილი საფასური. ანუ, სამომხმარებლო ფასი მოიცავს ყველა გადასახადს და არ მოიცავს სუბსიდიებს. აღნიშნული პროგრამით მოსარგებლე აბონენტებისთვის დეკემბერში განხორციელდა ტარიფის სრული სუბსიდირება, რაც მათთვის 0-ის ტოლ ტარიფს გულისხმობს. დანარჩენი აბონენტებისთვის კი ტარიფი დარჩა უცვლელი“, – ნათქვამია „საქსტატის“ განცხადებაში.

უწყებაში აღნიშნავენ, რომ სუბსიდირების შედეგი გათვალისწინებული იქნა დეკემბის ინფლაციის დონის გაანგარიშებისას, რამაც გარკვეულწილად შეამცირა წლიური ინფლაციის მაჩვენებელი გასული თვეების დინამიკასთან შედარებით.

როგორ იცვლებოდა ინფლაცია წლის დასაწყისიდან

2019 წელს წლიურმა ინფლაციამ 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. წლის ბოლომდე რეფინანსირების განაკვეთი 6,5%-დან 9%-მდე გაიზარდა, ბოლოს იგი 2019 წლის დეკემბერში გაიზარდა. 

2020 წლის დასაწყისიდან ინფლაციის დონემ შემცირება დაიწყო – იანვარსა და თებერვალში მან 6,4% შეადგინა, მარტში – 6,1%, სექტემბერში – 3,8%. საქართველოში კორონავირუსის გავრცელების პრევენციის მიზნით ხელისუფლებამ 21 მარტიდან კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად 8%-მდე შეამცირა მონეტარული პოლიტიკის ძირითადი განაკვეთი.

2020 წლის დეკემბერში, 2019 წლის ანალოგიურ პერიოდთან შედარებით, კომუნალურ მომსახურებაზე ფასები 21,7%-ით შემცირდა. გარდა ამისა, ფასებმა დაიწია ტრანსპორტზე (2,3%), გართობასა და დასვენებაზე (2,8%). ამასთან, წლის განმავლობაში სურსათი 6,8%-ით გაძვირდა, მათ შორის, რძე, ყველი და კვერცხი – 11,3%-ით, მზესუმზირის ზეთი – 27,2%-ით, ყავა და ჩაი – 13,4%-ით, პურპროდუქტები – 7%-ით, ხორცი – 1,7%-ით, ხილი კი გაიაფდა 4,5%-ით. კორონავირუსის გამო შექმნილი ვითარების გათვალისწინებით, 9,6%-ით გაიზარდა ჯანდაცვის სფეროს მომსახურების ფასებიც.

მარტო ციფრებით ვერ „გაძღები“

ეკონომიკურ საკითხთა ექსპერტი გია ხუხაშვილი მიიჩნევს, რომ ინფლაციის გამოთვლის ფორმულა არ გამოდგება ადამიანების კეთილდღეობისა და მათი შემოსავლების გასაზომად. 

„მოქალაქეების სამომხმარებლო კალათა შეზღუდულია და, სამწუხაროდ, დღეისათვის არსებული იმ შემოსავლების გათვალისწინებით, რომელიც მოსახლეობას აქვს, ეს კალათა უფრო მეტად დამძიმდა, ვიდრე ეს ოფიციალური სტატისტიკა. ინფლაციის შესახებ ოფიციალური სტატისტიკა საკვები არ არის, იმიტომ რომ ადამიანები საკვებსა და პირველადი მოხმარების საგნებზე ხარჯავენ ფულს“, – განაცხადა ხუხაშვილმა „Sputnik–საქართველოსთან“ ინტერვიუში.

მისი თქმით, საქმე ისაა, რომ პირველადი მოხმარების საგნები 15-30%-ით გაძვირდა.

მოსახლეობაში შემოსავლების არქონა დეფლაციურ პროცესებს გამოიწვევს

„საერთაშორისო პროგნოზირებისა და კვლევების ცენტრის“ ვიცე-პრეზიდენტმა ნიკა შენგელიამ აღნიშნა, რომ მთავრობამ მოსახლეობისთვის კომუნალური ხარჯების სუბსიდირება განახორციელა, სტატისტიკის სამსახურმა კი ეს მონაცემები აღრიცხა, როგორც დაკლებული ფასები. 

„ისეთი ფენომენი შეიქმნა, რომ სადღაც მარტში სიტუაცია შეიძლება ისე წავიდეს, რომ ჩვენ შეიძლება დეფლაციური პროცესები მივიღოთ, რაც მოსახლეობაზე უარესად აისახება. ეს ნიშნავს, რომ ფასების ვარდნა მოხდება იმის ფონზე, რომ მოსახლეობას არ ექნება ფული სურსათის შესაძენად“, – განაცხადა შენგელიამ „Sputnik–საქართველოსთან“ ინტერვიუში. ექსპერტის თქმით, იმის გამო, რომ მოსახლეობას არ ექნება შემოსავალი, მოთხოვნა იქნება ნაკლები.

„ამ შემთხვევაში მთავრობას კვლავ მოუწევს მოსახლეობის დახმარება და მან უნდა მოიფიქროს, თუ როგორ განახორციელოს ეს“, – განაცხადა შენგელიამ.

თავის მხრივ, საქართველოს ეროვნული ბანკი მიიჩნევს, რომ ინფლაციის კლების დინამიკა განპირობებულია სუსტი ჯამური მოთხოვნით და მოსალოდნელია, რომ ეს გავლენა მომავალშიც დარჩება. გარდა ამისა, საყურადღებოა საგარეო მოთხოვნის შემცირებაც.

208
თემები:
საქართველოს ეკონომიკა
ოკეანის მრავალმიზნობრივი სისტემა „პოსეიდონი“

მიმოხილვა: „პოსეიდონების“ მესამე მზიდი - რა არის ცნობილი „ულიანოვსკზე“

31
(განახლებულია 21:20 19.01.2021)
სპეციალური დანიშნულების ატომური სუბმარინის კორპუსის აგება მთავრდება, მალე ჰოდრავლიკური გამოცდები დაიწყება. რუსეთის სამხედო-საზღვაო ძალებმა ეს ხომალდი 2027 წლამდე უნდა მიიღოს.

სუბმარინა „ულიანოვსკს“ საფუძველი „სევმაშში“ 2017 წელს ჩაეყარა. მას აქვს იგივე ძირითადი ზომები, როგორიც „ხაბაროვსკს“, თუმცა კონსტრუქციაში უფრო თანამედროვე სისტემები და მექნიზმებია გამოყენებული.

Military Watch Magazine-ს მონაცემებით, ეს ხომალდები სტრატეგიული დანიშნულების სარაკეტო წყალქვეშა კრეისერების, „ბორეის“ კონსტრუქციული მემკვიდრეებია, ოღონდ შემცირებული ზომებით. „ულიანოვსკის“ პრინციპული განსხვავება „ხაბაროვსკისა“ და „ბელგოროდისგან“ ისაა, რომ უახლესი სუბმარინა ფლოტის შემადგენლობაში უნიკალური თერმობირთვული ტორპედო „პოსეიდონებით“ აღჭურვილი შევა. ხილულ პერსპექტივაში რუსეთი ჩრდილოეთ და წყნარი ოკეანის ფლოტებში „პოსეიდონების“ კიდევ ორ მზიდავის შეყვანას გეგმავს.

მრავალმიზნობრივი საოკეანო სისტემა „პოსეიდონი“ _ ეს რუსეთის ასიმეტრიული პასუხია ნატოს გაფართოებასა და აღმოსავლეთ ევროპაში პენტაგონის შემტევი პოტენციალის სახიფათო კონცენტრაციაზე, აშშ-ის რაკეტსაწინააღმდეგო გლობალური სისტემის ფორმირებაზე, რომელიც რუსეთის თავდაცვითი პოტენციალის პრევენციული განადგურებისთვის შეიძლება იყოს გამოყენებული.

„პოსეიდონი“ რუსეთის ერთ-ერთი ყველზე გასაიდომლოებული პროექტია, თუმცა მანამდე უკვე გამოქვეყნებული დაახლოებითი მახასიათებლები საშუალებას იძლევა, საკმაოდ სრულად წარმოვიდგინოთ ბირთული შეკავების უნიკალური სისტემის შესაძლებლობები.

სერიული სუბმარინა „ულიანოვსკი“ - ეს „ხაბაროვსკის“ კონცეფციის გაგრძელება და განვითარებაა. არის დაახლოებით 113 მ სიგრძის, სრული წყალწყვა დაახლოებით 10 ათას ტონას შეადგენს, ჩაძირვის სიღრმე 500 მეტრამდე, წყალქვეშა სვლის სისწრაფე - 30 კვანძზე მეტი, ავტონომიურობა - 120 დღე-ღამე. შეუზღუდავ სიშორეს პრინციპულად ახალი ბირთვული ენერგეტიკული დანადგარი განაპირობებს. ეკიპაჟი 100 კაცისგან შედგება. სუბმარინა შესაძლოა აღიჭურვოს ფრთოსანი რაკეტებით „კალიბრი“, ჰიპერბგერითი „ცირკონებითა“ და თავდაცვის კომპლექსით „პაკეტი“.

ოკეანის მრავალმიზნობრივი სისტემის დანიშნულება მოწინააღმდეგის ავიამზიდების შემტევი ჯგუფების, მსხვილი სამხედრო ბაზებისა და სტრატეგიული ეკონომიკური ობიექტების განადგურება და ასევე აგრესორი ქვეყნის ვრცელი ტერიტორიისთვის ზიანის მიყენებაა.

„მატრიოშკა“ პუტინისგან

„განკითხვის დღის“ ბირთვული ტორპედოების წყალქვეშა მზიდებს აქვთ უნარი, ოთხი თვის განმავლობაში შეასრულონ საბრძოლო ამოცანები მსოფლიო ოკეანის ნებისმიერ წერტილში, უზარმაზარ სირღმეზე - ზედაპირზე ამოცურვის გარეშე.

თავის მხრივ უპილოტო აპარატი „პოსეიდონი“ კიდევ უფრო ნაკლებად მოწყვლადია და მეტად ავტონომიური, სრულიად უძლეველი საბრძოლო გამოყენების ვითარებაში. მრავალმიზნობრივი საოკეანო სისტემა მთლიანობაში რაღაცით ჩამოჰგავს რუსულ „მატრიოშკას“, რომელიც სჯობს, არაფრით შევაშფოთოთ. წონადი მიზეზის გარეშე სისტემა „პოსეიდონი“ არასდროს არ ამოქმედდება.

ბირთვული ძრავის მქონე უპილოტო აპარატი „პოსეიდონი“ სიგრძეში დაახლოებით 20 მეტრია, დიამეტრი - 1,8 მ, წონა - 100 ტონა. მოქმედების სიშორე - თითქმის შეუზღუდავი, ჩაძირვის სამუშაოს სიღღმე - 1000 მ, სიჩქარე - 100 კვანძი (185კმ/სთ). ეს პარამეტრბი პრაქტიკულად მიუღწეველია ყველა თანამედროვე ტორპედოსთვის. გარდა ამისა, წყალქვეშა აპარატს აქვს კომპიუტერული ინტელექტი და შეუძლია დამოუკიდებლად იმოქმედოს მზიდავიდან რამდენიმე ათასი კილომეტრის დაშორებით. სიღრმესა და სიჩქარეს უპილოტო აპარატი ვითარების შესაბამისად არჩევს. ამასთან მაქსიმალური სიჩქარის წყალობით, შეუძლია ნებისმიერ საფრთხეს დააღწიოს თავი. ასეთი სამიზნის აღმოჩენა ჰიდროაკუსტიკის საშუალებებით პრაქტიკულად შეუძლებელია.

„პოსეიდონს“ ზღვის რელიეფზე მოძრაობა და ორიენტირება დაახლოებით ათი ათას კმ მანძილზე შეუძლია, დანიშნულების წერტილზე მისული კი გრუნტზე წვება და თვეების განმავლობაში შეუძლია დაელოდოს შეტევის ან ბაზაზე დაბრუნების სიგნალს.
ატომური სუბმარინებისა და სტრატეგიული ტორპედოების უნიკალური შესაძლებლობები გამანადგურებელი ბირთვული დარტყმის მიყენების საშუალებას იძლევა იმ შემთხვევაშიც კი, თუ სავარაუდო მოწინააღმდეგე რაკეტსაწინააღმდეგო თავდაცვის „გაურღვეველ გუმბათს“ შექმნის ზღვასა თუ ხმელეთზე.

რუსული რევოლუცია სამხედრო-საზღვაო ფლოტის სტრატეგიაში

ვაშინგტონი საკმაოდ დიდ ფსონს დებს სამხედრო-საზღვაო ძალებზე, ისწრაფვის რა პლანეტის კონტროლისკენ უცხოეთში ბაზების უზარმაზარ ქსელზე დაყრდნობით.

ამერიკული მხარე სერიოზულადაა შეშფოთებული რუსული „პოსეიდონების“ გამოჩენით, ვინაიდან ისინი აშშ-ს მანამდე ორი ოკენით გარანტირებულ უსაფრთხოებას ურღვევს. ამის ალტერნატივა შესაძლოა მხოლოდ ვაშინგტონის უზარმაზარი ფინანსური ხარჯები იყოს პრინციპულად ახალი სისტემების შექმნისთვის, რათა „განკითხვის დღის ტორპედოებს“ წინააღმდეგობა გაუწიოს.

პერსპექტივაში ბირთვული ტორპედოების მზიდები ასევე შეიძლება გახდეს დიდი წყალზედა ხომალდებიც - საბრძოლო, ჰიდროგრაფიული თუ სავაჭრო ხომალდებად შენიღბული. სისტემა „პოსეიდონი“ არ ხვდება შეიარაღების შეზღუდვის არცერთ შეთანხმებაში, აქვს დიდი საექსპორტო პოტენციალი და შეიძლება გაიყიდოს საერთაშორისო ბაზარზე. სავარაუდოდ, ჩინეთი და ინდოეთი მას ბევრი ფიქრის გარეშე შეიძენდნენ. ჩინელმა სპეციალისტებმა უკვე განაცხადეს, რომ მსგავსი ტექნოლოგიები ისეალურად ესადაგება ღრმაწყლოვან კვლევებს. და მართლაც, „პოსეიდონის“ კორპუსის სიმტკიცე მას 14 კილომეტრამდე სირღმეზე ჩაძირვის საშუალებას აძლევს.

ასეა თუ ისე, რუსულ სტრატეგიულ კონტინენტთშორის ღრმაწყლოვან აპარატს - ბირთვული ენერგეტიკული დანადგარით, დიდი მომავალი ელოდება. მოსკოვი კი მზადაა, ნებისმიერ უხერხულ პარტნიორთან აწარმოოს თანაბარუფლებიანი და მშვიდობიანი მოლაპარაკებები.

რედაქცია შესაძლოა არ ეთანხმებოდეს ავტორის მოსაზრებებს!

31
ამირან გამყრელიძე

გამყრელიძე: ჩვენი მიზანია კოვიდვაქცინაცია ზრდასრული მოსახლეობის 65 პროცენტს ჩაუტარდეს

0
(განახლებულია 11:26 21.01.2021)
ვაქცინაციის გეგმაში განსაზღვრულია რამდენიმე ეტაპი, რომლის მიხედვითაც ვაქცინაცია დაიწყება მაღალი რისკის ჯგუფებიდან

თბილისი, 21 იანვარი – Sputnik. კორონავირუსის საწინააღმდეგო ვაქცინაციის ეროვნული გეგმა 65-გვერდიანია, მასში რვა მიმართულებაა გაწერილი და მისი მიზანია, მიმდინარე წელს მოსახლეობის 65 პროცენტამდე აიცრას, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

იმნაძე: საქართველო ყველანაირი ვაქცინის მისაღებად მზადაა>>

საქართველოში კორონავირუსის საწინააღმდეგო ვაქცინაციის გეგმის მომზადებასა და ვაქცინის შესყიდვაზე სპეციალურად შექმნილი უწყებათშორისი კომისია მუშაობდა, რომელიც ასევე უზრუნველყოფს კოვიდ-ვაქცინაციის დასაწყებად საჭირო ტექნიკურ სამუშაოებს.

გამყრელიძის განცხადებით, გეგმა, რომლის შემუშავებაში ბევრი საერთაშორისო ორგანიზაცია იყო ჩართული, მთავრობის ადმინისტრაციაში განიხილეს, ხოლო მისი დამტკიცება მთავრობის სხდომაზე უნდა მოხდეს.

მისი ინფორმაციით, უკვე ცნობილია, თავდაპირველად რომელი ჯგუფები აიცრებიან. ესაა სამედიცინო პერსონალი, მოხუცთა სახლებში მყოფი მოხუცები და მათი მომვლელი პერსონალი.

„შემდეგ აიცრება 75 წელს ზემოთ მოსახლეობა, შემდეგ – 65 წელს ზემოთ მოსახლეობა, შემდეგ – 55 წელს ზემოთ მოსახლეობა და თანმდევი დაავადების მქონე, გულ-სისხლძარღვთა დაავადებების, სასუნთქი სისტემის, დიაბეტის მქონე ადამიანები, შემდეგ უკვე – 18 წელს ზემოთ მოსახლეობა“, – განაცხადა გამყრელიძემ პირველი არხის ეთერში.

საქართველომ ვაქცინაციის ეროვნულ გეგმაზე მუშაობა პრაქტიკულად დაასრულა>>

როგორც გამყრელიძემ აღნიშნა, ეპიდემიოლოგების მიზანია, რომ მიმდინარე წელს კორონავირუსის საწინააღმდეგო ვაქცინაცია ზრდასრული მოსახლეობის 65 პროცენტს ჩაუტარდეს.

„2.8 მილიონი მოზრდილი მოსახლეობაა ქვეყანაში და იმის 60-65% არის 1.6 მილიონი ადამიანი. ამისთვის გვჭირდება ვაქცინის დაახლოებიით 900 ათასი დოზა, რადგან ორჯერ კეთდება აცრა და გარკვეული დანაკარგია ხოლმე ვაქცინაციის დროს“, - აღნიშნა გამყრელიძემ.

გამყრელიძის განცხადებით, გეგმის მიმართულებებში განხილულია სხვადასხვა სცენარები.

„რომელი ცივი ჯაჭვის რეჟიმის ვაქცინა იქნება, იქნება -70-იანი -20-იანი თუ +2 +8 გრადუსიანი ვაქცინა. ყველა ამ რეჟიმზე არის თავისი გათვლები გაკეთებული, შესაბამისად ფასებიც, მომსახურებაც, რამდენი ბრიგადაა საჭირო დაწყებისას, შემდეგ მასობრივი ვაქცინაცია დაიწყება და ამის დეტალები“, – ამბობს გამყრელიძე.

ამასთან, როგორც გამყრელიძემ აღნიშნა, უკვე გაწერილია, რა ეღირება ქვეყნისთვის ეს პროცესი ვაქცინის ფასიდან და მომსახურებიდან გამომდინარე. გათვლილია ასევე თითო ბრიგადას დღეში რამდენი დამიანის აცრა შეუძლია.

როგორც უფრო ადრე საქართველოს ჯანდაცვის მინისტრის მოადგილემ თამარ გაბუნიამ განაცხადა, ქვეყანა სამივე ტემპერატურული რეჟიმის ვაქცინის შემოსატანად მზადაა. როგორც მან განმარტა, ქვეყნის ინფრასტრუქტურა მზად არის იმისთვის, რომ ჯანმოს და სხვა მარეგულირებლების მიერ აღიარებული სამივე ვაქცინა (Pfizer, Moderna, Astrazeneca) მიიღოს და ამ მზადყოფნის დამადასტურებელი წერილი Pfizer-ის პრეპარატთან დაკავშირებით COVAX–პლატფორმაში უკვე გაიგზავნა. მან ასევე არ გამორიცხა, რომ საქართველომ, შესაძლოა, AstraZeneca-ს ვაქცინაც წლის პირველ კვარტალში მიიღოს.

საქართველოს პირველ ეტაპზე COVID-19-ის საწინააღმდეგო ვაქცინის იმ რაოდენობით შეძენის უფლება აქვს, რომელიც მოსახლეობის 20%-სთვის იქნება საკმარისი. ქვეყანამ 1 400 ათასი დოზა ვაქცინის შესაძენად პირველი შენატანი — 4 მლნ დოლარი უკვე განახორციელა. აღნიშნული რაოდენობა 700 ათას ადამიანზეა გათვლილი.

0
თემები:
კორონავირუსი საქართველოში: ბოლო ცნობები