Ми-28

რუსული ვერტმფრენების გამოცდა: სირიიდან ელბრუსისპირეთამდე

81
რუსული ვერტმფრენები ახალ სიმაღლეებს აღწევს ― ტექნოლოგიურსა და გეოგრაფიულს ― სირიის უდაბნოებისა და კავკასიის მაღალ მთებში.მკაცრი გამოცდების ხელს უწყობს პერსპექტიული ვერტმფრენების საბრძოლო პოტენციალის ზრდას.

რუსეთის თავდაცვის სამინისტრომ დაამტკიცა ვერტმფრენ  Ми-28НМ-სა და Ми-26Т2В-ის გამოცდის პროგრამა ელბრუსისპირეთისმაღალმთიან (ზამთრის) პირობებში. საფრენ აპარატებს სირთულეები ელის მთებში, სადაც ჰაერის სხვადასხვა მიმართულების ნაკადები და სიმაღლეების მკვეთრი ცვალებადობა დომინირებს. თუმცა მანამდე ამ რეგიონში უკვე გამოიცადა ვერტმფრენი „ანსატი“ და Ми-171А2.

მოიერიშე ვერტმფრენმა Ми-28НМ-მა წარატებით გაიარა გამოცდები საბრძოლო პირობებში სირიის ტერიტორიაზე, სადაც „ვეტერან“ Ми-24-თან წყვილში მოქმედებდა. რამდენიმე ვერტმფრენი საცდელ ექსპლუატაციას გადის რუსეთის საჰაერო-კოსმოსურ ძალებში. რუსი მფრინავები 2028 წლამდე ას ახალ ვერტმფრენ Ми-28НМ-ს მიიღებს.

მძიმე სამხედრო-სატრანსპორტო ვერტმფრენ Ми-26Т2В-ს გამოცდა 2021 წლის დასაწყისში, სახელმწიფო გამოცდების დასრულების შემდეგ დაიწყება. მუშავდება Ми-26-ის თავდაცვის სამინისტროსა და საგანგებო სიტუაციების სამსახურებისთვის უნიფიცირებული არქტიკული მოდელი. პირველი საცდელი ნიმუში, რომელიც ადაპტირებულია არქტიკული ზღვების სანაპირო ზონაში ექსპლუატაციისთვის, 2022 წელს გამოჩნდება. ეს გოლიათი განსაკუთრებულ წარდგენას არ საჭიროებს. Ми-26-ის ადრეულმა მოდიფიკაციამ შვიდი მსოფლიო რეკორდი დაამყარა მთებში ტვირთამწეობით ― უნიკალური ოპერაციისას, როდესაც ელბრუსის მწვერვალთან 5600 მ სიმაღლეზე დამტვრეული არმიული ვერტმფრენის, Ми-8АМТШ-ის ნამსხვერევების ევაკუაცია მიმდინარეობდა.

Ми-28НМ-სა და Ми-26Т2В-ს მნიშვნელოვანი საექსპორტო პოტენციალი აქვს და სპეციალისტების ყურადღებას იქცევენ, უპირველესად იმ ქვეყნებში, რომლებშიც ტრადიციულად გამოიყენება რუსული ავიატექნიკა. ახალი Ми-28НМ ვერტმფრენების პარკის უნიფიცირებისა და მოდერნიზაციის საშუალებას იძლევა.

ღამის სუპერმონადირე

ახალი თაობის მოიერიშე საბრძოლო ვერტმფრენი Ми-28НМ განსხვავდება წინამორბედი Ми-28Н-სგან არა მარტო უფრო განვითარებული უნარით, გაანადგუროს სამიზნე ნებისმიერ კლიმატურ პირობებში, დღისითა თუ ღამით. „მფრინავი ტანკი“ წრიული ხედვის უნიკალური რადიოლოკაციური სადგურითაცაა აღჭურვილი, მძლავრი ძრავითაც, მართვის სისტემითაც და თანამედროვე რაკეტსაწინააღმდეგო საშუალებითაც. მთავარი კონსტრუქტორის, ვიტალი შჩერბინის ინფორმაციით, ახალი რაკეტით ვერტმფრენ Ми-28НМ-ს აქვს სახმელეთო სამიზნეების განადგურების უნარი მოწინააღმდეგის ჰაერსაწინააღმდეგო სისტემის მოქმედების ზონაში შეუსვლელად.

უკვე გამოიცადა სავერტმფრენე რაკეტა „ქრიზანთემა-B“, რომელიც რუსეთში ყველაზე მძლავრ რაკეტსაწინააღმდეგო რაკეტად მიიჩნევა. ჯერჯერობით საიდუმლოდ რჩება „ჰაერი-ჰაერი“/„ჰაერი-ზედაპირის“ კლასის მრავალმიზნობრივი რაკეტა თვითდამიზნების უნარით. ჩქაროსნულ მოიერიშე ვერტმფრენს აქვს უნარი,  სამიზნეები გადასცეს სხვა საფრენ აპარატებს, იმოქმედოს ფრონტული ავიაციის შემადგენლობაში, სპეცოპერაციებში.  

ამერიკული გამოცემა Forbes-ი მეტად შეშფოთებულია ახალი Ми-28НМ-ის სიჩქარით (300 კმ/სთ) და საბრძოლო გამოყენების რადიუსით (450 კმ), ტვირთამწეობით (2300 კგ) და რაც მთავარია ― ბორტზე ჰიპერბგერითი ფრთოსანი რაკეტა „ცირკონების“ განთავსების შესაძლებლობით. და ეს ყველაფერი არ არის. მოდერნიზაცია შეეხო მთელ საბრძოლო საინფორმაციო სისტემას. მართვის მეორე კომპლექტი მნიშვნელოვნად ზრდის მანქანის სიცოცხლისუნარიანობას ეკიპაჟის ერთ-ერთი წევრის დაჭრის შემთხვევაში. თუმცა Ми-28НМ-ის კაბინა დაცულია 20 მმ-მდე კალიბრის ჯავშანმხვრეტი ტყვიებისა და ჭურვებისგან. მზიდი ხრახნის ფრთები კომპოზიტური მასალისგანაა დამზადებული და ფრენის დასრულებას ხრახნში 30 მმ კალიბრის ჭურვის მოხვედრის შემთხვევაშიც კი ხდის შესაძლებელს.

„ღამის მონადირის“ ახალი ძრავი ტემპერატურის ფართო დიაპაზონსაა მორგებული, გამოირჩევა ავტომატური მართის სისტემითა და ხანძრსაწინააღმდეგო დაცვით, რაც ფრენის უსაფრთხოებას ზრდის, ამარტივებს მომსახურებას და აუმჯობესებს ტექნიკურ მახასიათებლებს. ასეთი იარაღი ხაზს უსვამს რუსეთავდაცვითი ტექნოლოგიების სფეროში.

ხილული უპირატესობა

Ми-26 ყველაზე დიდი და მძლავრი მანქანაა პლანეტაზე. უახლესი მოდიფიკაცია Ми-26Т2В გამოირჩევა სადღეღამისო გამოყენების უნარით, თანამედროვე ავიონიკით, 25 ტონამდე ტვირთამწეობით, ფრენის სიშორით (800 კმ) საათში 270 კმ სიჩქარით 4600 მ სიმაღლემდე. მას ანალოგი არ აქვს და ალბათ კარგა ხანს არც ექნება.

ვერტმფრენის დანიშნულებაა მედესანტეების გადასხმა (82 შეიარაღებული სამხედრო) და ტვირთების გადაზიდვა. შევნიშნავთ, რომ Ми-26-ის ძრავებს მტვრისგან დაცვის სისტემა აქვს ჰაერის 70%-მდე გაწმენდის უნარით, რაც პრინციპულად მნიშვნელოვანია ახლო აღმოსავლეთის, ცენტრალური აზიისა და აფრიკის ქვეყნებისთვის.

ახალი Ми-26Т2В აღჭურვილია რადიოლელექტრონული სისტემით, რომელიც მას ავტომატურ რეჟიმში ფრენის, მონიშნულ წერტილზე გასვლისა და დაჯდომის, შემდეგ კი ძირითად ან სათადარიგო აეროდრომებზე დაბრუნების შესაძლებლობას აძლევს. Ми-26-ს კაბინის გაბარიტები და ტვირთამწეობა მოტომსროლელი დივიზიის საბრძოლო ტექნიკისა და ტვირთების ტრანსპორტირებას ხდის შესაძლებელს. სატვირთო ნაკვეთურში, რომლის ზომაც 12მX8,25მ-ა, იოლად თავსდება დიდგაბარიტიანი ავტომობილი. თავდაცვის სამინისტრო ათი ასეთი ვერტმფრენის შეძენას აპირებს.

Ми-26 უნივერსალური ინსტრუმენტია სამხედრო და სამოქალაქო ამოცანების ფართო სპექტრის გადასაჭრელად. ყველაზე მეტად საინტერესო მოდიფიკაციების სიაშია: Ми-26MS ― სამედიცინო ვერტმფრენი, Ми-26ТЗ ― თვითმფრინავის საწვავით შემავსებელი, Ми-26ПП ― ჩამხშობი რადიოელექტრონული ბრძოლისას, Ми-26НЕФ-М ― ხომალდსაწინააღმდეგო ვერტმფრენი, Ми-27 ― ჯარების მართვის საჰაერო პუნქტი.

მანამდე Ми-26-ის უნიკალუეი უნარები პრაქტიკაზე შეაფასეს ამერიკელებმა. აშშ-ის ავღანური კამპანიისას, 2009 წლის შემოდგომაზე, ვერტმფრენ Chinook CH-47-ს თალიბების ცეცხლქვეშ იძულებით დაჯდომა მოუხდა. ამერიკელმა მფრინავებმა მისი ევაკუაცია ვერ მოახერხეს იგივე ტიპის ვერტმფრენით. Ми-26-მა კი იოლად ასწია 12 ტონიანი CH-47 და ბაზაზე გადაიტანა 110 კმ დაშორებით. რა თქმა უნდა, ეს საერთაშორისო რეკორდი არ არის, რომელიც რუსულ ვერტმფრენს 14-ჯერ აქვს დამყარებული ― 25 ტონა ტვირთის 4100 მეტრზე აწევის ჩათვლით.

ტექნოლოგიური კონკურენცია გარემომცველ სივრცეში არ შეინიშნება და არც პერსპექტივაში ილანდება.

რედაქცია შესაძლოა არ ეთანხმებოდეს ავტორის მოსაზრებებს!

81
მანქანები

ავტომფლობელებს სანომრე ნიშნების შესაცვლელად ერთი თვე დარჩათ

83
(განახლებულია 14:23 26.02.2021)
საქართველოში რეგისტრირებული სატრანსპორტო საშუალებების ძველი სანომრე ნიშნების შეცვლის ვადა 2021 წლის 31 მარტს იწურება.

ნომრების შეცვლის ვალდებულება მძღოლებს გასული წლის სექტემბრამდე ჰქონდათ, თუმცა მოქალაქეთა დიდი რაოდენობის და ახალი კორონავირუსის გავრცელების პრევენციის მიზნით, ვადა აპრილამდე გახანგრძლივდა.

საქართველოში ჯერ კიდევ ბევრია ავტომანქანა, რომელსაც ძველი, 2014 წლამდე არსებული სანომრე ნიშანი აქვს. ასეთი სატრანსპორტო საშუალებების მძღოლებმა მიმდინარე წლის 31 მარტის ჩათვლით უნდა მიმართონ შსს-ს მომსახურების სააგენტოს და ახალი დიზაინის სანომრე ნიშნები აიღონ.

გასულ კვირას შინაგან საქმეთა სამინისტრომ უკვე გაავრცელა ინფორმაცია, რომ მძღოლებს შეუძლიათ როგორც ადგილზე, რუსთავში მისვლით, ასევე მობილური აპლიკაციითა და სატელეფონო შეყტობინებებით ისარგებლონ და დისტანციურად განახორციელონ მთელი რიგი ქმედებები.

აღსანიშნავია, რომ დღეიდან ძველი სარეგისტრაციო ნიშნის მქონე სახელმწიფო ნომრების ახლით შეცვლისას, სავალდებულო აღარ არის სატრანსპორტო საშუალების სააგენტოს ტერიტორიულ ერთეულებში მოყვანა და დათვალიერება იმ შემთხვევაში, თუ დაინტერესებული პირის სახელზე რეგისტრირებული სატრანსპორტო საშუალება არ სხვისდება და მისი მონაცემები (მარკა, ძარას ტიპი, ფერი, საწვავის ტიპი, ძრავას ნომერი ან მოცულობა და ა.შ) არ არის შეცვლილი.

გარდა ამისა, მომსახურების სააგენტოს მობილური აპლიკაციის (SAGENCY) საშუალებით, მსუბუქი ავტომობილის მესაკუთრე ფიზიკურ პირს შეუძლია დისტანციურად მოითხოვოს ძველი ნიმუშის რეგისტრაციის ნომრის შეცვლა ახლით, იმ შემთხვევაში თუ მის სახელზე რეგისტრირებული ავტომობილი არ სხვისდება და მისი მონაცემები (მარკა, ძარას ტიპი, ფერი, საწვავის ტიპი, ძრავას ნომერი ან მოცულობა და ა.შ) არ არის შეცვლილი.

დისტანციურად შეცვლილი ახალი ნიმუშის სანომრე ნიშნის მიღება შესაძლებელია მთელი ქვეყნის მასშტაბით, შეკვეთისას მითითებულ სააგენტოს ტერიტორიულ ერთეულში.

ამ ეტაპზე, დისტანციურად ნომრის შეცვლის სერვისი ვრცელდება მხოლოდ მსუბუქი ავტომობილების ძველი ნიმუშის სახელმწიფო სანომრე ნიშნების ახლით შეცვლისას.

ასევე, მიმდინარე წლის პირველი მარტიდან მომსახურების სააგენტოს რუსთავის ტერიტორიულ ერთეულში მოქალაქეებს სატრანსპორტო საშუალების რეგისტრაციასთნ დაკავშირებული სერვისების მისაღებად შეეძლებათ ანგარიშსწორება აწარმოონ პლასტიკური ბარათის საშუალებით სააგენტოს ოპერატორებთან.

თუმცა როგორც ავტომფლობელების კომენტარებიდან ირკვევა, მობილური აპლიკაციით სარგებლობა უჭირთ, დიდია სატელეფონო ხაზებზე მიმართვიანობაც და ისინი რუსთავში, ადგილზე ჩასვლას არჩევენ ხოლმე. ბუნებრივია, საავტომობილო ნომრების შეცვლა მაინც გარკვეულ ხარჯებთან არის დაკავშირებული და შესაბამისად, მეპატრონეები ბოლო თვემდე ფეხს ითრევდნენ. რაც შეეხება ფასიან და განსაკუთრებულ ნომრებს, მისი შეძენა საქართველოში 10 000 ლარად არის შესაძლებელი, თუმცა მსოფლიო აუქციონებზე ყოფილა შემთხვევა, ფასიანი ნომრები საქველმოქმედო მიზნებით ნახევარ მილიონ გირვანქადაც გაყიდულა.

ასევე საინტერესოა ის ფაქტი, რომ პირველი მეტალის დაშტამპული სანომრე ნიშანი დასავლეთ ვირჯინიაში ზუსტად ასი წლის წინ - 1921 წელს დამზადდა, თუმცა სანომრე ნიშნების დამზადება პარიზში, ლონდონსა და ნიუ იორკში ჯერ კიდევ მეცხრამეტე საუკუნის ბოლოს დაიწყეს.

 

83
დროში აღმართის ცერემონია წყალქვეშა ნავზე

მიმოხილვა: რუსეთი სარაკეტო იარაღის უჩინარ მზიდებს ქმნის

194
(განახლებულია 19:34 25.02.2021)
შეიარაღების პერსპექტიულ სისტემებს, პროექტ 677 „ლადას“ პირველ სერიულ დიზელ-ელექტრონულ წყალქვეშა ნავებს რუსეთის ფლოტი 2022 წელს მიიღებს.

ნიკოლაი პროტოპოპოვი

მათ შექმნაზე ოც წელზე მეტი დაიხარჯა. სუბმარინას მაღალი სიზუსტის იარაღის ზიდვა შეუძლია და მისი მარშრუტის ამოცნობა უკიდურესად ძნელია.

„რთული ბავშვი“

წყალქვეშა ნავები „კრონშტადტი“ და „ველიკიე ლუკი“ მეზღაურებს 2021 წელს უნდა გადასცემოდა, მაგრამ, როგორც გემთმშენებელი საწარმო Адмиралтейские верфи-ს გენერალური დირექტორი ალექსანდრ ბუზაკოვი განმარტავს, კონტრაგენტებთან დაკავშირებული პრობლემების გამო ვადები გადაიწია.

სექტემბერში გაერთიანებული გემთმშენებელი კორპორაციის ხელმძღვანელმა ალექსეი რახმანოვმა გაავრცელა ინფორმაცია, რომ ორი სერიული ხომალდის აგება მოგვიანებით დასრულდება, ვინაიდან აღჭურვილობის ერთ-ერთი მომწოდებელი გრაფიკიდან ამოვარდა.
დაყოვნებები პროექტს თავიდანვე სდევს კვალდაკვალ. სამუშაოები ჯერ კიდევ 1990-ანების დასაწყისში დაიწყო. საძირკველი ჩაეყარა სათავო ხომალდ „სანქტ-პეტერბურგს“. ის წყალში 2004 წელს ჩაუშვეს და სამხედრო-საზღვაო ფლოტისთის 2006-ში უნდა გადაეგზავნათ. მაგრამ ჩრდილოეთის ფლოტმა წყალქვეშა ნავი საცდელ ექსპლუატაციაში მხოლო 2010 წელს მიიღო.

„ლადებით“ მოძველებული პროექტი 877 „პალტუსი“ უნდა ჩაენაცვლებინათ. ახალი სუბმარინები უფრო პატარებია, ანუ ნაკლებად შესამჩნევია ჰიდროლოკატორებისთვის. სამამულო გემთმშენებლობისთვის დამახასიათებელი ერთკორპუსიანი სქემა ასევე ზრდის აკუსტიკურ უჩინარობას. გარდა ამისა, „ლადები“ პირველი რუსული სუბმარინებია, რომლებიც პერსპექტივაში ანაერობული დანადგარით აღიჭურვება.

შესაძლოა ვადები გამუდმებით სწორედ უამრავი ახალი კონსტრუქციული გადაწყვეტილებებისა და მათი „რკინაში“ რეალიზაციის სირთულის გამო ირღვეოდა. ასე მაგალითად, სათავო ხომალდის გამოცდებისას სერიოზული პრობლემები გამოვლინდა ჰიდროაკუსტიკურ კომპლექსშო, ხოლო ელექტროძრავის არასაკმარისი სიმძლავრე წყალქვეშ საჭირო სიჩქარის განვითარების საშუალებას არ იძლეოდა.

სამხედრო-საზღვაო ფლოტში კი მაინც ელოდებოდნენ ახალ დიზელ-ელექტრონულ წყალქვეშა ნავებს, ამიტომ „ლადების“ ნაცვლად წყნარი ოკეანის ფლოტისთვის ექვსი დროით შემოწმებული და კარგად ათვისებული პროექტ 636 „ვარშავიანკას“ ექვსი ხომალდი შეუკვეთეს.

სახიფათო „პატარები“

სპეციალისტების აზრით, „ლადები“ ყველაზე თანამედროვე და პერსპექტიული არაატომური სუბმარინებია. მოკრძალებული ზომების მიუხედავად, ისინი მრავალფუნქციონირებით გამოირჩევიან. შეუძლიათ წინააღმდეგობა გაუწიონ წყალქვეშ და წყალზედა ხომალდებს, შეტევა მიიტანონ სანაპირო ობიექტებზე, ააგონ სანაღმო წინაღობები, დაიცვან სანაპირო დესანტის გადმოსხმისგან, გადაიყვანონ სპეციალური დანიშნულების ქვედანაყოფები და ტვირთები.

მთავარი ღირსებები — მაღალი ავტომატიზაცია და დაბალი ხმა, მობილურობა და მანევრირებულობა, რაც მათი ეფექტურად გამოყენების საშუალებას იძლევა დივერსიულ და სადაზვერვო ოპერაციებში. აღჭურვილია მძლავრი ჰიდროაკუსტიკური კომპლექსით და ერთბაშად სამი მგრძნობიარე ანტენით.

1,8 ათასი ტონა წყალწყვის მქონე წყალქვეშა ნავის სიჩქარე ოც კვანძს აღწევს. სიღრმე — 350 მეტრი, ეკიპაჟის რაოდენობა — სულ 30 კაცი. რაც შეეხება შეიარაღებას, სტანდარტული აღჭურვილობის „ლადებს“ ბორტზე 18 ტორპედოსა და დაახლოებით 20 ნაღმის ზიდვა შეუძლიათ. სატორპედო აპარატები ასევე მორგებულის ნავსაწინააღმდეგო ჩქაროსნული რაკეტა-ტორპედოების, „შკვალების“ სროლას, რომლების სიჩქარეც საათში 300 კილომეტრია. და რაღა თქმა უნდა, „ლადებს“, ისევე როგორც ბევრ თანამედროვე რუსულ ხომალდებს, აქვთ ფრთოსანი რაკეტები „კალიბრი“.

პირველი ორი სერიული სუბმარინა ანაერობული დანადგარის გარეშე იგება, ვინაიდან, როგორც ბუზაკოვი ამბობს, რუსეთში ასეთი ჯერ არ შექმნილა. მაგრამ ამ ოჯახის დანარჩენი ხომალდები ამით აღიჭურვება.

უხილავი გუშაგები

„ლადა“ წყალქვეშა ნავების სრულიად ახალი კლასია, რომლებიც წინა პროექტებს ეყრდნობა, ამბობს პირველი რანგის კაპიტანი მიხაილ ნენაშევი.

ექსპერტის თქმით, წინა პროექტებთან შედარებით, „ლადებს“ ბორტზე უფრო მეტი ტორპედო აქვთ. უნიკალური ტაქტიკურ-ტექნიკური მახასიათებლებს წყალობით, შეუძლიათ გადაჭრან ამოცანები ყველა ტაქტიკური და სტრატეგიული მიმართულებით. გარდა ამისა, კონსტრუქცია შესაძლებელს ხდის სარაკეტო კომპლექსების განთავსებას.

„ამ სუბმარინების ხმაური ზღვის ხმაურის თანაფარდია, ხოლო ახალი ჰიდროაკუსტიკა ბევრად დიდ სივრცეს მოიცავს, ვიდრე სხვა ხომალდები“, - ამბობს ნენაშევი. - „ეს ძალიან მნიშვნელოვანია, ვინაიდან „ლადები“ არქტიკაში იქნება ბაზირებული.

კიდევ ერთი პლუსი - ეს მოკრძალებული ზომებია, რაც სუბმარინების გამოყენების საშუალებას იძლევა როგორც თავთხელზე, ისე დიდ სიღრმეებზე. სავარაუდო მოწინააღმდეგის ატომმავლები ყველგან ვერ იმანევრირებენ, ხოლო „ლადას“ მსგავსი სუბმარინით ტერიტორიის დაცვა ძალიან წარმატებით შეიძლება“.

რუსული დიზელური წყალქვეშა ნავები დიდი ხანია, საუკეთესოდაა ცნობილი თავის კლასში. ექვსი მათგანი შავი ზღვის ფლოტში მსახურობს, კიდევ ექვსი უახლოეს წლებში წყნარი ოკეანის ფლოტს გადაეცემა. უხმაურობისა და უჩინარობის გამო ნატოში მათ „შვი ხვრელები“ უწოდეს.

მაგრამ „ლადები“ კიდევ უფრო ჩუმია. „სანქტ-პეტერბურგის“ გამოცდებმა აჩვენა, რომ უჩინარობის დონით 677-ე პროექტი ბევრად აღემატება „დიზელების“ ყველა წინა სერიას.

რედაქცია შესაძლოა არ ეთანხმებოდეს ავტორის მოსაზრებებს!

194
თემები:
რუსეთი დღეს
ყვავილი თოვლზე

დღის ასტროპროგნოზი ზოდიაქოს ნიშნებისთვის: 28 თებერვალი

0
(განახლებულია 16:48 27.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 28 თებერვალია, კვირა. კლებადი მთვარე ქალწულის ნიშანშია. ამ დღეს პლანეტა მზე მფარველობს.

დღეს ინტუიცია და შემოქმედებითი პოტენციალი პიკს მიაღწევს. ის, რასაც სხვა დროს დიდ დროს ანდომებთ, დღეს იოლად გამოგივათ. ეს ეხება სწავლას, მუშაობას, მეცნიერულ საქმიანობას. ამასთან, დღეს პასიურობის დღეცაა და მაღალი შემოქმედებითი პოტენციალი შინაგანად შეიძლება დაუპირისპირდეს იმას, რომ ამ პოტენციალის რეალიზების სურვილი არ გექნებათ. ასე რომ, თუ გინდათ, რამე შედეგს მიაღწიოთ, თავი ხელში აიყვანეთ, ნებისმყოფა მოიკრიბეთ და საქმეს შეუდექით.

საუკეთესო კოლეგები ზოდიაქოს ნიშნის მიხედვით>>

ვერძი: თუ მოისურვებთ, დღეს ბევრი რამის მიღწევა შეგიძლიათ, მაგრამ დიდი ალბათობაა იმისა, რომ ეს სურვილი შეიძლება არ გაგიჩნდეთ. დღე რომ გაიმრავალფეროვნოთ, საკმარისია, რამე საქმემ ან იდეამ გაგიტაცოთ, ან საწინააღმდეგო სქესის წარმომადგენელმა. ამ უკანასკნელ შემთხვევაში თქვენს აქტიურობას დიდი წახალისება აღარ დასჭირდებათ – თქვენი შეჩერება, შეიძლება ითქვას, უკვე შეუძლებელი გახდება.

ვერძი: დღეს განწყობა იმისა, რომ ორგანიზატორული უნარები გამოავლინოთ, არ გაქვთ, მაგრამ მაინც თუ მოგიწიათ რამის ორგანიზება, ამას შესანიშნავად გაართმევთ თავს და შედეგებით ყველას გაახარებთ. რა სახისაც არ უნდა იყოს ღონისძიება, თქვენთვის საკმაირისია, რომ ინიციატივა აიღოთ ხელში და ამოცანები გადაანაწილოთ – გარშემომყოფები დიდი სიამოვნებით აგყვებიან და დაგეხმარებიან.

ტყუპი: დღეს არაფრის გაკეთების ხალისი არა გაქვთ. ამაში სიტუაციაც შეგიწყობთ ხელს – თქვენგან არ მოითხოვება რამე გმირობის ჩადენა ან გადაუდებელი საქმეების გაკეთება. და საჭიროც რომ იყოს თქვენი ჩარევა საქმეებში, იმდენად არასაქმიან განწყობაზე ხართ, რომ ამის შეცვლა, პრაქტიკულად, შეუძლებელი იქნება. საქმე მოიცდის – სწორედ ესაა დღეს თქვენი დევიზი. ამიტომ ეს დღე სამ მიმართულებას უნდა დაუთმოთ – საკუთარ თავს, ახლობლებსა და... კიდევ საკუთარ თავს.

კირჩხიბი: ძალზე იღბლიანი დღეა. ხართ ძალზე ენერგიული და გაქვთ შესაძლებლობა, ეს ბრწყინვალედ გამოიყენოთ. ნებისმიერი საქმე, რომელსაც ხელს მოკიდებთ, შეგიძლიათ წინ წაწიოთ, დაძრათ მკვდარი წერტილიდან. ვარსკვლავები გირჩევენ, დრო წვრილმანებზე არ დაკარგოთ – დღეს ძალიან გიმართლებთ, ხართ იღბლიანი, ამიტომ აჯობებს, თუ ისეთ საქმეს შეეჭიდებით, რომელიც მეტ სარგებელს მოგიტანთ.

ლომი: დღეს თქვენთვის არარეკომენდებულია დიდ საქმეებთან შეჭიდება. და სიმართლე უნდა ითქვას, არც პატარა საქმეებთან. ბოლო ხანს დიდი ძალა დახარჯეთ და საკმარისია დინების საწინააღმდეგოდ ცურვა, დროა, მოდუნდეთ და დაისვენოთ. ამასთან, ვარსკვლავები გირჩევენ, ყურადღება ცხოვრების იმ სფეროებს მიაქციოთ, რომლებიც ბოლო დროს თქვენი თვალთახედვის არეში აღარ მოქცეულა. გაითვალისწინეთ, რომ დასვენება მხოლოდ დივანი და ტელევიზორი არაა – შეგიძლიათ შეხვდეთ მეგობრებს, ოჯახის წევრებთან სასიამოვნო საღამო გაატაროთ, არ რომანტიკულ შეხვედრაზე იფიქროთ...

ქალწული: დღეს გარშემომყოფებთან დისონანსში იქნებით. მათ გაუჭირდებათ თქვენს ტემპზე აყოლა, თავად კი გრძნობთ, რომ უამრავი რამის გაკეთება შეგიძლიათ. საქმიანი აქტიურობა, მახვილი გონება და საჭირო დროს საჭირო რამეზე „კლანჭის“ გამოდების უნარი უმაღლეს დონეზე იქნება. აქედან გამომდინარე, გარშემომყოფების აპათია და გულგრილობა, სავარაუდოდ, გაგაღიზიანებთ. ამიტომ დილიდან განეწყვეთ იმისთვის, რომ დღეს მხოლოდ საკუთარი ძალების იმედი უნდა გქონდეთ.

სასწორი: მიეცით უფლება თქვენ ირგვლივ მყოფ ადამიანებს, რომ თავიანთი პრობლემები თვითონ გადაჭრან. იმის ნაცვლად, რომ დრო სხვებზე დაკარგოთ, აჯობებს, თუ რამე სასიამოვნოს გააკეთებთ, მაგალითად, შემოქმედებით საქმიანობას შეუდგებით. ზუსტი მეცნიერებებისადმი კი ნამდვილად არ ხართ განწყობილი, ვერანაირად ვერ მოგხიბლავთ ციფრები, გრაფიკები და ცხრილები, ასე რომ, სჯობს შემოქმედებით აქტიურობაში გადაეშვათ თავით.

მორიელი: დღეს, უბრალოდ, ვალდებული ხართ, რომ საკუთარი აზრები სამყაროს გაუზიაროთ, ან, უკიდურეს შემთხვევაში, ამ სამყაროს მცირე ნაწილს მაინც – ახლობლებს, კოლეგებსა თუ მეგობრებს. თქვენი ტვინი მკაფიოდ და არასტანდარტულად იმუშავებს და დიდებული იდეების გენერატორი გახდება. ამასთან, გამორიცხული არაა, რომ გარშემომყოფებმა ეს იდეები ვერ დააფასონ, ვერ გაიგონ. მაგრამ რას ვიზამთ – დღეს ნამდვილად ყველაზე წინ ხართ, ამიტომ ხანდახან უნდა შეჩერდეთ, რომ სხვებს საშუალება მისცეთ, დაგეწიონ.

მშვილდოსანი: დღეს, სავარაუდოდ, არ გექნებათ საკმარისი ძალა იმისთვის, რომ ენთუზიაზმით აკეთოთ საქმე. განწყობა გაქვთ იმგვარი, რომ რაც შეიძლება ნაკლები მოძრაობა გააკეთოთ. სამაგიეროდ, გონება იმუშავებს უმაღლეს დონეზე და პირველ რიგში, სამუშაო გეგმების დაწყობაზე. თქვენი აზრები, პირველ რიგში, უდიდესი ლოგიკურობითა და მოულოდნელი სვლებით იქნება გამორჩეული. ამ დღის ჩანაფიქრებს მომავალში კარიერული წინსვლისა და კარგი შემოსავლის უზრუნველყოფა შეუძლია.

თხის რქა: დღეს გაგიმართლებთ. მოგიწევთ იმის გაკეთება, რაც გიყვართ. ვარსკვლავები არჩევანსაც არ დაგიტოვებენ – სხვა რამეს თუ მოკიდებთ, მაინც ვერაფერს მიაღწევთ. რუტინული საქმეები აუტანელი იქნება თქვენთვის. მაგრამ თუ რამე საქმე მართლა დაგაინტერესებთ, ის აურაცხელ სასიამოვნო ემოციას მოგიტანთ და ამასთან, შესანიშნავ შედეგსაც მიიღებთ.

მერწყული: დღეს თავის გამოჩენა შეგიძლიათ როგორც შესანიშნავ მეგობარსაც და როგორც საშიშ მეტოქესაც, ანუ ვის როგორ გაუმართლებს. ხართ გამჭრიახი, გრძნობთ ვითარებას და ყველაფერს გზადაგზა იტაცებთ. ნებისმიერი თქვენი გეგმა, რასაც არ უნდა ეხებოდეს ის (მეგობრებთან ერთად დროის გატარება თუ ვინმესთვის „სისხლის გაშრობა“), შემოქმედებითი აღმაფრენით იქნება გაჯერებული. ორივე შემთხვევაში წარმატება გელოდებათ. ასე რომ ოპონენტებს ურჩევნიათ, თქვენთან მეგობრობა არჩიონ.

თევზები: დღეს, შეიძლება ითქვას, გარკვეულწილად ჩიხში იქნებით მოქცეული. კარგია, თუ ვითარება თქვენგან სწრაფ გადაწყვეტილებებს არ მოითხოვს – მაშინ თქვენი გონებაგაფანტულობა განსაკუთრებულ ზიანს არ მოგაყენებთ; მაგრამ თუ სერიოზული საქმის გაკეთება მოგიწიათ, არაა გამორიცხული, უეცრად ერთ ადგილზე გაშეშდეთ ან თავი ქვიშაში დამალოთ. სხვა სიტყვებით რომ ვთქვათ, დღეს თქვენთვის ნებისმიერი აქტიური საქმიანობა უკუნაჩვენებია გარდა იმისა, რომელსაც არა შედეგისთვის, არამედ საკუთარი სიამოვნებისთვის გააკეთებთ.

0