ბათუმის პორტი

რომელ ქართულ პროდუქციაზეა მოთხოვნილება საზღვარგარეთ

46
(განახლებულია 17:10 09.10.2020)
კორონავირუსის პანდემიის გამო ეკონომიკის ზრდის ტემპები მთელ მსოფლიოში, მათ შორის საქართველოშიც, კატასტროფულად ვარდნას განაგრძობს.

თბილისი, 9 ოქტომბერი – Sputnik. კორონავირუსის პანდემიის გამო მსოფლიო ეკონომიკის კრიზისი კვლავ განაგრძობს გაღრმავებას, ზრდის ტემპი კი მთელ მსოფლიოში და, მათ შორის, საქართველოში კატასტროფულად ეცემა.

საქართველოში კორონავირუსისგან ეკონომიკის თითქმის ყველა სფერო დაზარალდა, გამონაკლისს არც ვაჭრობა წარმოადგენს. სტატისტიკის ეროვნული სამსახურის „საქსტატის“ მონაცემებით, 2020 წლის დასაწყისიდან საგარეო სავაჭრო ბრუნვა წინა წლის იმავე პერიოდთან შედარებით 16,7%-ით შემცირდა და დაახლოებით 7 მილიარდი აშშ დოლარი შეადგინა.

საქართველოდან თხილის ექსპორტი კვლავ იზრდება>>

რას აწარმოებს საქართველო პანდემიის პირობებში, რომელი ქვეყნები ყიდულობენ ქართულ პროდუქციას და როგორ შეიძლება ექსპორტის ზრდის ხელშეწყობა – ამ ყველაფერზე „Sputnik-საქართველო“ გიამბობთ.

რას აწარმოებს საქართველო

საქართველოში საქონლის ფართო ასორტიმენტი იწარმოება – ფეროშენადნობები, ყურძნის ნატურალური ღვინოები, ძვირფასი ლითონების მადნები და კონცენტრატები, მინერალური და მტკნარი წყლები, ოქრო, აზოტოვანი სასუქები, სპირტიანი სასმელები, სპილენძის მადნები და კონცენტრატები, თხილი და სხვა კაკალი, ტრიკოტაჟის ნაწარმი.

მიუხედავად კორონავირუსის პანდემიის გამო შექმნილი რთული ვითარებისა, თხილის მწარმოებელთა ასოციაციასა და ექსპორტიორებს შორის აქტიური თანამშრომლობის შედეგად მიმდინარეობს უცხოეთის ბაზრებზე ქართული თხილის ორგანიზებული გატანა.

ბოლო მონაცემებით, საქართველოდან 5 458 ტონა თხილის ექსპორტი განხორციელდა, რაც 62,2%-ით აღემატება გასული წლის ანალოგიური პერიოდის მაჩვენებელს. საქართველოს სოფლის მეურნეობის სამინისტროს ინფორმაციით, ქართული თხილი, ძირითადად, ექსპორტზე გადის ევროკავშირის ქვეყნებში – გერმანიაში, იტალიაში, ჩეხეთში, ესპანეთში, პოლონეთში, ლიეტუვაში, საფრანგეთში, საბერძნეთში, ავსტრიაში, ესტონეთში, ლატვიაში; ასევე შედარებით ნაკლები რაოდენობით – სომხეთში, რუსეთში, დიდ ბრიტანეთში, უკრაინაში, ბელარუსში, ბრაზილიასა და მექსიკაში.

თხილის ექსპორტიორები ცდილობენ მსოფლიო ბაზარზე პოზიციების განმტკიცებას. 2020 წლის 8 თვის მონაცემებით, თხილის ექსპორტი 52,1%-ით გაიზარდა გასული წლის იანვარ-აგვისტოსთან შედარებით და 28,7 მლნ დოლარი შეადგინა.

საქართველო აწარმოებს და ყიდის ასევე მსხვილფეხა რქოსან პირუტყვს, ცხვარს, ბოსტნეულსა და ხილს, პომიდორს, კარტოფილს, ხახვს, ბულგარულ წიწაკას, ბადრიჯანს, მწვანილს, მანდარინს, ვაშლს, მსხალსა და ატამს.

როგორ შეიცვალა ფასები სამრეწველო პროდუქციაზე>>

საქართველოდან წელს გაიტანეს 1 753 ტონა ვაშლი, თითქმის 5-ჯერ მეტი გასულ წელთან შედარებით. საქართველოს შემოსავალმა ვაშლის ექსპორტიდან უკვე გადააჭარბა წინა წლის მაჩვენებელს 573 ათასი დოლარით და 773 ათასი დოლარი შეადგინა.

სოფლის მეურნეობის სამინისტროს მონაცემებით, ქართული ვაშლის მთავარი იმპორტიორი ქვეყნები არიან რუსეთი (1672,8 ტონა), ყაზახეთი (75,1 ტონა), სომხეთი (4,8 ტონა) და სხვა ქვეყნები (0,2 ტონა).

ვაშლის ექსპორტის ხელშეწყობის მიზნით საქართველოში ხორციელდება ახალი ბაღების გაშენების პროგრამა „დარგე მომავალი“. ვაშლის ბაღები ამ პროგრამის ფარგლებში 1128 ჰექტარზე გაშენდა.

ხილის ექსპორტის უზრუნველსაყოფად აუცილებელი დოკუმენტაცია მზადდება და გაიცემა „ერთი ფანჯრის“ პრინციპით. პროცესში ჩართული არიან ფიტოსანიტარული და საბაჟო სამსახურების წარმომადგენლები.

მიუხედავად პანდემიით გამოწვეული სირთულეებისა, საქართველო დაუბრკოლებლად ეწევა ატმისა და ვაშლატამას ექსპორტს. სოფლის მეურნეობის სამინისტრომ გახსნა „მწვანე დერეფანი“, რომლის წყალობითაც ექსპორტიორებმა მოახერხეს საზღვარგარეთ ხილის სწრაფად გატანა შეზღუდვების პირობებშიც კი.

საქართველოდან 1 მაისიდან 4 ოქტომბრის ჩათვლით 25,3 ათასი ტონა ატამი და ვაშლატამა გავიდა, რაც თითქმის ორჯერ აღემატება გასული წლის იმავე პერიოდის მაჩვენებელს. 2019 წლის სეზონზე საქართველოდან სულ 13,2 ათასი ტონა ატამი და ვაშლატამა გავიდა.

რომელი ქვეყნები ყიდულობენ ქართულ პროდუქციას კრიზისის დროს

კორონავირუსის პანდემიასთან დაკავშირებულმა კრიზისმა სერიოზულად დააზარალა ქართული ეკონომიკა. „საქსტატის“ მონაცემებით, იანვარ-აგვისტოში ქვეყნიდან 2,1 მილიარდი დოლარის ღირებულების პროდუქცია გავიდა, რაც 14,7%-ით ნაკლებია 2019 წლის ანალოგიური პერიოდის მაჩვენებელზე.

ექსპორტმა რეექსპორტის გარეშე ექსპორტის საერთო მოცულობის 51% შეადგინა. წლის დასაწყისიდან ეს მაჩვენებელი შარშანდელ მაჩვენებელთან შედარებით 2,7%-ით შემცირდა და 1,1 მილიარდი დოლარი შეადგინა.

„საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია ფიქრობს, რომ ასეთი ტენდენცია შენარჩუნდება 2021 წლის მაის-ივნისამდე.

„ერთადერთი, რამაც ექსპორტზე დადებითად იმოქმედა, არის ხილის გატანა საზღვარგარეთ, მაგრამ თუ იმაზე ვსაუბრობთ, რა გავლენას მოახდენს ეს მონაცემები ლარის კურსზე, მე ვიტყოდი, რომ ეს ყველაფერი მაინც ნეგატიურად მოქმედებს, ვინაიდან სალდო უარყოფითია და ეს წლებია გრძელდება. ექსპორტის დათვლის თვალსაზრისითაც ჩვენ ჯერ ვერ ვხედავთ დადებით დინამიკას, რომ ექსპორტმა მნიშვნელოვნად მოიმატოს 2021 წლის ზაფხულამდე“, – განუცხადა შენგელიამ „Sputnik-საქართველოს“.

კრიზისის დროს ქართულ პროდუქციას უმეტესად ყიდულობდნენ რუსეთი, თურქეთი, ბულგარეთი, უკრაინა და შვეიცარია.

საქართველოს ეკონომიკა ვარდნას აგრძელებს: პროგნოზები მიმდინარე წლის ბოლომდე>>

იმ ქვეყნების ათეულში, სადაც ქართული პროდუქციის ექსპორტი ხორციელდება, მოხვდნენ ასევე სომხეთი, აზერბაიჯანი, ჩინეთი, აშშ და ლიეტუვა. ყველა ეს ქვეყანა, გარდა შვეიცარიისა და ლიეტუვასი, საქართველოს ძირითადი სავაჭრო პარტნიორების ათეულში შედის.

როგორ შეიძლება ექსპორტის ხელშეწყობა?

საქართველოს მთავრობამ ექსპორტის ზრდის ხელშეწყობის მიზნით უნდა შეცვალოს ეკონომიკური პოლიტიკა, ფიქრობს „საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია.

„ის ნაბიჯები, რომლებსაც ჩვენი გუნდი დგამს, არის უბრალოდ გარკვეული რეაქცია შედეგებზე, რომლებიც პანდემიამ მოიტანა, რათა ისინი ნაკლებად მტკივნეული იყოს. რაც შეეხება ექსპორტის ზრდას, ამისათვის საჭიროა ეკონომიკური პოლიტიკის შეცვლა“, – აღნიშნა შენგელიამ.

ეკონომისტის აზრით, ეკონომიკის განვითარება, რომელიც ყველა ხელისუფლებამ ბოლო 35 წლის განმავლობაში, ძირითადად, ტურიზმის სფეროს შეატოვეს, უნდა მოხდეს სამი მიმართულებით სწრაფად და რევოლუციური გზით.

„პირველი მიმართულება – ახალი ტექნოლოგიების დანერგვაა, მეორე – ბიოფარმაცევტული ბაზრის განვითარება, და მესამე და მთავარი – სასარგებლო წიაღისეული, რომელიც საქართველოში მოიპოვება, უნდა გადამუშავდეს და გავიდეს ექსპორტზე საბოლოო სახით“, – ამბობს შენგელია და დასძენს, რომ ყველა ჩამოთვლილი მიმართულების გასავითარებლად საჭიროა იაფი კრედიტების გაცემა.

ამასთან, შენგელიას თქმით, საქართველოში არსებობს პრობლემა, რომელიც ეროვნულმა ბანკმა თავისი ფულად-საკრედიტო პოლიტიკით შექმნა.

„დღეს საპროცენტო განაკვეთი 8%-ს შეადგენს. ეს ნიშნავს, რომ კომერციული ბანკებიდან კრედიტები არ გაიცემა 11-12%-ზე ნაკლებად. ასეთი პროცენტების პირობებში კი ვერც ერთი მიმართულება ვერ განვითარდება“, – განაცხადა შენგელიამ.

ინფლაციის დონე საქართველოში შემცირებას განაგრძობს: სტატისტიკის ახალი მონაცემები>>

ეკონომისტი ფიქრობს, რომ ქვეყნის კრიზისიდან გამოსაყვანად საჭიროა ეკონომიკის განვითარების კარგი სტრატეგიული გეგმა, რომელიც პუნქტობრივად შესრულდება.

„საქართველოში ჯერ არ ყოფილა ასეთი ეკონომიკური გეგმა თავისი სტრატეგიით. ახლაც ვერ ვხედავთ, ამიტომ მანამ, სანამ არ მოგვარდება ფულად-საკრედიტო პოლიტიკა, არ დასრულდება ნეპოტიზმი ქვეყანაში, არა მგონია, ჩვენს ქვეყანას დადებითი მომავალი ჰქონდეს ეკონომიკის თვალსაზრისით“, – აღნიშნა შენგელიამ.

როგორ ებრძვის ხელისუფლება კრიზისს

საქართველოს მთავრობამ პანდემიით გამოწვეული კრიზისის გამო პრიორიტეტებს გადახედა, განაცხადა, რომ იმპორტის ჩანაცვლებას გეგმავს და შეიმუშავა სოფლის მეურნეობის დახმარების პროგრამა, რომელიც ფერმერული მეურნეობების განვითარებისკენაა მიმართული.

ამ პროგრამის წყალობით 200 ათასამდე ფერმერმა დამატებითი შეღავათები მიიღო.

ქვეყანაში ხორციელდება ასევე რამდენიმე სახელმწიფო პროექტი: „შეღავათიანი აგროკრედიტის პროექტი“, საწარმოების თანადაფინანსება, აგროდაზღვევა, „დანერგე მომავალი“, საგაზაფხულო სამუშაოებში ფერმერების დახმარების პროექტი, „ქართული ჩაი“. ზოგიერთი მათგანი კრიზისის გამო შეიცვალა.

ხელისუფლება მიიჩნევს, რომ საქართველოში სოფლის მეურნეობა ის დარგია, რომელსაც შეუძლია გარკვეული მიმართულებით არა მხოლოდ ქვეყნის დაპურება, არამედ საექსპორტო პოტენციალიც გააჩნია. ამისათვის კი საჭიროა სოფლის მეურნეობის ინდუსტრიალიზაცია.

მიუხედავად იმისა, რომ საქართველოში ეპიდემიოლოგიური ვითარება მკვეთრად უარესდება, საქართველოს მთავრობა ყველაფერს აკეთებს იმისთვის, რომ მკაცრი შეზღუდვები აღარ დააწესოს, რადგან ქვეყნის ეკონომიკა ამას ვეღარ გადაიტანს. 

საქართველოში იწყება საინფორმაციო კამპანია „ჩემი სოფელი“>>

ეკონომიკური აქტივობის შემცირებამ ქვეყანაში, ასევე სახელმწიფოს მხრიდან მოსახლეობის სხვადასხვა ფენის მასშტაბურმა დახმარებამ ბიუჯეტის დეფიციტის 8%-მდე ზრდა გამოიწვია.

წარმოქმნილი დეფიციტის დაფარვის ერთ-ერთი ძირითადი წყარო საერთაშორისო საფინანსო ინსტიტუტების დახმარება გახდა, რამაც, თავის მხრივ, ქვეყნის საგარეო ვალი გაზარდა. საერთაშორისო საფინანსო ინსტიტუტებისგან ქვეყანამ 1,5 მილიარდი დოლარის ოდენობის ფულადი დახმარება მიიღო.

46
თემები:
საქართველოს ეკონომიკა (776)
წინასაარჩევნო კამპანია

ვინ გაიმარჯვებს არჩევნებში? მასშტაბური კვლევის შედეგები

92
(განახლებულია 21:38 19.10.2020)
მასშტაბური კვლევა, რომელმაც 9 ათასი ადამიანი მოიცვა, საქართველოს საპარლამენტო არჩევნებამდე ერთი თვით ადრე ჩატარდა.

თბილისი, 19 ოქტომბერი - Sputnik. საპარლამენტო არჩევნებამდე ორი კვირით ადრე გამოქვეყნდა ტელეკომპანია „რუსთავი 2“-ის დაკვეთით ბრიტანული კვლევითი კომპანია Survation-ის მიერ ჩატარებული მორიგი კვლევის შედეგები.

ელისაშვილი არჩევნების ორ დღეში ჩატარების ინიციატივით გამოდის >>

გამოკითხვაში, რომელიც 12-დან 29 სექტემბრამდე ჩატარდა, მონაწილეობა მიიღო 9 ათასზე მეტმა ამომრჩეველმა. კვლევის ცდომილება, კომპანია Survation-ის მტკიცებით, მინიმალურია და 1,3%-ს არ აღემატება.

როგორც წესი, მსგავს გამოკითხვებში საქართველოში დაახლოებით 2 ათასი რესპონდენტი მონაწილეობს ხოლმე.

გამოკითხვის შედეგების თანახმად, მმართველი პარტია „ქართული ოცნება - დემოკრატიული საქართველო“ დამაჯერებლად უსწრებს სხვა პარტიებს და მას ქვეყნის მოსახლეობის ნახევარზე მეტი – 55,6% უჭერს მხარს. მეორე ადგილზე რეიტინგში ყოფილი მმართველი პარტია „ერთიანი ნაციონალური მოძრაობაა“ 19,8%-ით. მესამეზე კი - ოპოზიციური საპარლამენტო პარტია „ევროპული საქართველო“ 5,2%-ით.

ხმები პარტიებს შორის შემდეგნაირად გადანაწილდა:

  • „ქართული ოცნება“ - 55,6%
  • „ერთიანი ნაციონალური მოძრაობა“ - 19,8%
  • „ევროპული საქართველო“ - 5,2%
  • „გიორგი ვაშაძე - სტრატეგია აღმაშენებელი“ - 5,1%
  • „პატრიოტთა ალიანსი“ - 3,8%
  • „ლელო“ - 3,1%
  • ლეიბორისტული პარტია - 2,7%
  • „გირჩი“ - 2,1%
  • „ერთიანი საქართველო“ - 1,1%
  • „თავისუფალი დემოკრატები“ - 0,2%
  • სხვა პარტიები - 1,3%

ეს კომპანია მმართველ პარტიას ყველაზე მაღალ რიცხვებს უწერს ხოლმე. სხვა გამოკითხვების მიხედვით „ქართული ოცნების“ რეიტინგი 35-45%-ის ფარგლებში მერყეობს. თავად „ოცნება“ ირწმუნება, რომ არჩევნებში ამომრჩეველთა ხმების არანაკლებ 60%-ს მიიღებს.

მეტი დამაჯერებლობისთვის რესპონდენტებს დაუსვეს დასაზუსტებელი კითხვა: „რამდენად დარწმუნებული ხართ, რომ სწორედ თქვენ მიერ დასახელებულ პარტიას დაუჭერთ მხარს, თუ საპარლამენტო არჩევნები დღეს ჩატარდება“. პასუხები შემდეგნაირად გადანაწილდა:

  • სრულიად დარწმუნებულია – 68%
  • მეტ-ნაკლებად დარწმუნებულია – 24%
  • მხოლოდ უმნიშვნელოდაა დარწმუნებული – 4%
  • ბოლომდე არ არის დარწმუნებული – 4%

გამოკითხვის შედეგების თანახმად, მოახლოებულ საპარლამენტო არჩევნებში მონაწილეობის მიღებას რესპონდენტების 72% გეგმავს. კიდევ 13% „ალბათ“ წავა არჩევნებზე, 11% კი ირჩევს "50/50" ვარიანტს. არ მიდის არჩევნებზე 4%.

რეაქციები

გამოკითხვის შედეგები ოპოზიციისთვის მიუღებელი აღმოჩნდა. ისინი დარწმუნებული არიან, რომ საპარლამენტო არჩევნები რადიკალურად განსხვავებულ შედეგებს აჩვენებს.

„Survation-ის კვლევებს აქვს კატასტროფული პრობლემა მეთოდოლოგიაში. „ქართული ოცნება" 35-37%-ზე მეტს ვერ აიღებს, ამის გარანტიას ვაძლევ. კიდევ ერთხელ ვამბობ, მთავარია აქტივობა. არავინ არ უნდა მოვეშვათ, ყველა ოპოზიციური ამომრჩეველი უნდა მოვიდეს. ქვეყანაში არის უმძიმესი მდგომარეობა და ამ უმძიმესი ვითარების შეცვლა შეუძლია მხოლოდ და მხოლოდ ხელისუფლების ცვლილებას და პროფესიონალთა ახალი გუნდის მოსვლას ხელისუფლებაში“, – განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

თავის მხრივ, მმართველ პარტიაში გამოკითხვის შედეგებს ენდობიან.

„ეს კვლევები „ქართული ოცნების" შემთხვევაში არის რეალობასთან ახლოს. საზოგადოებასთან ჩვენ ურთიერთობა გვქონდა საკმაოდ მჭიდრო. შესაბამისად, სრულიად კანონზომიერი და ბუნებრივია, რომ დღეს ჩვენი პოლიტიკური ორგანიზაცია სარგებლობდეს ასეთი მაღალი რეიტინგით“, – განაცხადა საპარლამენტო უმრავლესობის დეპუტატმა გურამ მაჭარაშვილმა.

ეგზიტპოლები

ავტორიტეტული ბრიტანული კომპანია Survation თანამშრომლობს წამყვან მედიაბრენდებთან, როგორებიცაა BBC და Guardian. საპარლამენტო არჩევნების დღეს Survation და ტელეკომპანია „რუსთავი 2“ ეგზიტპოლების შედეგებს გამოაქვეყნებენ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

 

92
თემები:
საქართველოს საპარლამენტო არჩევნები 2020
პარტიების წინასაარჩევნო სიმბოლიკა

შეხვედრები, კანდიდატები, გამოკითხვები, ანგარიშები - საქართველოს პოლიტიკური კვირის შედეგები

81
არჩევნებამდე რამდენიმე კვირით ადრე კორონავირუსის პანდემიამ მნიშვნელოვნად იმოქმედა წინასაარჩევნო კამპანიაზე და ფაქტობრივად პოლიტიკური ბრძოლის გრადუსი მინიმუმამდე დაწია

ბოლო ორი კვირა საკმაოდ მშვიდი გამოდგა, რამდენიმე დაპირისპირების მიუხედავად, და პარტიების კონკურენცია განცხადებებსა და ადგილებზე აგიტაციაში გამოიხატა.

საპარლამენტო არჩევნები 31 ოქტომბერს გაიმართება.

შეხვედრები, შეხვედრები, შეხვედრები

ამ კვირაში პარტიების წარმომადგენლები მთლიანად გადაეშვნენ ამომრჩევლებთან შეხვედრებში.

მმართველი პარტია „ქართული ოცნება - დემოკრატიული საქართველო“ საზეიმო ვითარებაში წარმოადგენდა თავის კანდიდატებს, „ევროპული საქართველო“ მშვიდად იკრიბებოდა რეგიონებში და ეცნობოდა პრობლემებს, „გირჩმა“ კი შეხვედრებისთვის ბარები და რესტორნები აირჩია.

„ოცნების“ შეხვედრები მარტვილში:

„ევროპული საქართველოს“ შეხვედრა:

პარტიებმა „სამართლიანობისთვის“, „მოქალაქეები“, „სტრატეგია აღმაშენებელი“, „ერთიანი საქართველო“ დეპუტატების კანდიდატების სიები წარადგინეს.

კვირის კანდიდატი

კვირის კანდიდატი გახდა ბანკირი მამუკა ხაზარაძე, რომელმაც განაცხადა, რომ მისი პარტიის „ლელო საქართველოსთვის“ გამარჯვების შემთხვევაში ის პრემიერ-მინისტრი გახდება.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა >>

„ლელომ“ ასევე პარტიის წინასაარჩევნო პროგრამის მიმართულებების მიხედვით მომავალი მინისტრების ვინაობებიც დაასახელა.

კვირის მიტინგი

ყველაზე განსახილველი თემა გახდა „ძალა ერთობაშიას“ ბლოკის მიტინგი, რომლის სათავეში დგას ყოფილი მმართველი პარტია „ერთიანი ნაციონალური მოძრაობა“.

ბათუმში რამდენიმე ათასი ადამიანი შეიკრიბა, რათა გაცნობოდნენ ბლოკის კანდიდატებს და პრემიერ-მინისტრობის კანდიდატისთვის, მიხეილ სააკაშვილისთვის მოესმინათ. და ეს ყველაფერი ხდებოდა კორონავირუსის პანდემიის ფონზე, რომლის ერთ-ერთი ეპიცენტრია სწორედ ბათუმი და მთლიანად აჭარა.

ახლა ყველა განიხილავს, შეიძლებოდა თუ არა მიტინგის ჩატარება.

ინციდენტები

წინასაარჩევნო კვირას ინციდენტების გარეშე არ ჩაუვლია. ქვეყნის სხვადასხვა წერტილში მოხდა ერთბაშად სამი შეტაკება, რა დროსაც დაშავდნენ „ლელოს“, „ქართული ოცნების“ და „ევროპული საქართველოს“ წარმომადგენლები.

სამივე შემთხვევაში შსს-მ სისხლის სამართლის საქმე აღძრა და დამნაშავეებიც დაადგინა.

წინასაარჩევნო საქმეები

სანამ პარტიები წინასაარჩევნო კამპანიით იყვნენ დაკავებულები, ცესკომ კენჭისყრის დღის უსაფრთხოებაზე იზრუნა. მასსა ადა შსს-ს შორის უკვე გაფორმდა მემორანდუმი იმის შესახებ, რომ პოლიცია 31 ოქტომბერს სიმშვიდის შენარჩუნებაზე იზრუნებს.

ცესკომ სხვადასხვა მიზეზების გამო პარტიების სიაც შეკვეცა. ახლა წინასაარჩევნო რბოლას აგრძელებს 48 პარტია და ორი ბლოკი, რომლებიც პარლამენტში ადგილებისთვის ბრძოლას ჯერჯერობით აგრძელებენ.

არჩევნები უსაფრთხო პირობებში: ცესკომ ახალი წესები დაადგინა >>

არ დავიწყებია ცესკოს უცხოეთში მყოფი თანამემამულეებიც. უკვე ცნობილია, რომ საარჩევნო უბნები 38 ქვეყანაში გაიხსნება.

უცხოური საქმეები

სანამ ქვეყნის შიგნით აგიტაცია მიმდინარეობს, „ძალა ერთობაშიას“ პრემიერობის კანდიდატმა მიხეილ სააკაშვილმა გადაწყვიტა დაკავდეს აგიტაციით ემიგრანტებს შორის და გაემგზავრა საბერძნეთში, სადაც საარჩევნო უბნების ყველაზე დიდი რაოდენობა გაიხსნება.

თუმცა უცხოეთში ამომრჩევლებთან შეხვედრას მშვიდად არ ჩაუვლია, სააკაშვილს სამი უცნობი პირი დაესხა თავს. თუმცა საქართველოს ექს-პრეზიდენტს ვერ მიწვდნენ და შეხვედრა მაინც შედგა.

რას ამბობენ დამკვირვებლები

გასულ კვირაში თავისი ანგარიშები წარადგინეს ერთბაშად რამდენიმე ადგილობრივმა ორგანიზაციამ, რომელიც არჩევნებს აკვირდება.

საპარლამენტო არჩევნებს დამკვირვებელთა რეკორდული რაოდენობა მიადევნებს თვალს >>

ამ ანგარიშების თანახმად, საქართველოში წინასაარჩევნო კამპანია მთლიანობაში მშვიდად მიმდინარეობს, თუმცა დარღვევები არის. ყველაზე ხშირი დარღვევებია ადმინისტრაციული რესურსების გამოყენება და ზეწოლა ამომრჩევლებზე.

რას ამბობენ რეიტინგები

განვლილ კვირაში გამოქვეყნდა პარტიების რეიტინგი, რომელიც „ტვ პირველის“ დაკვეთით კომპანია Edison Research-მა შეადგინა.

ამ გამოკითხვის მიხედვით, ლიდერობას ინარჩუნებს მმართველი პარტია „ქართული ოცნება“, თუმცა მხოლოდ 36%-იანი მხარდაჭერით, დანარჩენი პროცენტები გადაინაწილეს ოპოზიციურმა პარტიებმა, ამასთან ყოფილ მმართველ „ერთიან ნაციონალურ მოძრაობას“ სულ 17% აქვს.

მესამე ადგილზე რჩება „ევროპული საქართველო“ – 5%. შემდეგ მოდის „გიორგი ვაშაძე - სტრატეგის აღმაშენებელი“ – 4%, „ლეიბორისტული პარტია“ – 3%, „საქართველოს პატრიოტთა ალიანსი“ – 3%, „გირჩი“ – 2%, „ლელო საქართველოსთვის“ – 2%, „მოქალაქეები - ალეკო ელისაშვილი“ – 1%მ „ნინო ბურჯანაძე - ერთიანი საქართველო“ – 1%, „გამარჯვებული საქართველო - ირაკლი ოქრუაშვილი“ – 1%.

81
თემები:
საქართველოს საპარლამენტო არჩევნები 2020
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0