С-400 „ტრიუმფი“

მიმოხილვა: ვინ აპირებს რუსული ჰაერსაწინააღმდეგო თავდაცვის სისტემა С-500-ის შეძენას

54
(განახლებულია 20:32 07.10.2020)
საზენიტო-სარაკეტო სისტემა С-500 „პრომეთე“ რუსეთში საბრძოლო მორიგეობას 2021 წლიდან შეუდგება, თუმცა უკვე დღეს იხილება ამ კომპლექსის სერიოზული საექსპორტო პოტენციალი.

სისტემა С-500 „პრომეთეს“ გამოცდა რუსეთის თავდაცვის სამინისტროს პოლიგონებზე მალე დასრულდება. რაკეტების საცდელმა გაშვებამ დაადასტურა გაცხადებული მახასიათებლები და კომპლექსი მზადაა სერიული წარმოებისთვის. საცდელი ექსპლუატაციის შემდეგ დაიწყება ჯარისთვის მისი მასობრივი მიწოდება. უცხოელ შემკვეთთა შორის С-300-სა და С-400-ზე მოთხოვნილება იძლევა ვარაუდის საფუძველს, რომ საერთაშორისო ბაზარზე С-500 ასევე წარმატებით გაიყიდება.

ამერიკულმა ანალიტიკურმა გამოცემამ Military Watch უკვე განსაზღვრა „პრომეთეს“ პოტენციურ შემკვეთთა პირველი ხუთეული, რომელშიც მოხვდნენ ალჟირი, ბელარუსი, ჩინეთი, ინდოეთი და ირანი. რატომ მაინცდამაინც ეს ქვეყნები? აშშ-ის და ზოგიერთი დასავლური ქვეყნის მილიტარიზაცია ნატოს წარსული სამხედრო ოპერაციების გამოცდილებაა.

ასეთი პერსპექტივა პლანეტაზე არაერთ მეზობელს აწუხებს (არა მხოლოდ რუსეთსა და ჩინეთს) და აიძულებს მათ, გააძლიერონ ჰაერსაწინააღმდეგო თავდაცვის ნაციონალური სისტემები. კანონზომიერად იზრდება უცხოელი შემკვეთების მოთხოვნილება С-300, С-400 და С-500 სისტემებზე, რომელთაც ეფექტური წინააღმდეგობის გაწევა შეუძლიათ საფრთხეების ფართო სპექტრისთვის ცალ-ცალკე და ერთად.

დამოუკიდებლობის ნიმუშები

ალჟირი შეიარაღების რუსულ სისტემებს ცივი ომის წლებიდან ყიდულობს და დღეს ფლობს შემდეგ ჰაერსაწინააღმდეგო უახლეს სისტემებს: საზენიტო-სარაკეტო კომპლექს „პანცირს“ და, ზოგიერთი მონაცემებით, С-400-ს. Military Watch თვლის, რომ ალჟირელმა სპეციალისტებმა განსაკუთრებულად შეაფასეს რუსულ ჰაერსაწინააღმდეგო სისტემებზე ხელმისაწვდომობა 2011 წლის ზაფხულსა და შემოდგომაზე უმწეო მეზობელ ლიბიაზე ნატოს მასირებული საჰაერო შეტევების ფონზე. ამასთან, დასავლეთი გადადის მეხუთე თაობის გამანადგურებლებისა და, პერსპექტივაში (2020-იანი წლების ბოლოსთვის), ჰიპერბგერითი თვითმფრინავების აქტიურ გამოყენებაზე. მზარდი სამხედრო საფრთხეების კომპენსაციისთვის ალჟირი ობიექტურად არის დაინტერესებული რუსული წარმოების С-500 სისტემებისა და Су-57 თვითმფრინავების შეძენით.

ბელარუსს შედარებით მოკრძალებული თავდაცვითი ბიუჯეტი აქვს, 2020 წელს – დაახლოებით 623 მლნ დოლარი. თუმცა, აღმოსავლეთ ევროპაში სამხედრო-პოლიტიკური ტურბულენტობისა და ბელარუსის საზღვრებთან ნატოს ჯარების მზარდი აქტივობის გათვალისწინებით, მინსკს შეუძლია „მეგობრულ“ ფასად С-500 სისტემის მიწოდების იმედი იქონიოს. ბელარუსის მხრიდან „ნატოს ტერიტორიის“ სიღრმეში თვითმფრინავებსა და საავიაციო საშუალებებზე დარტყმის მიყენება რუსეთისთვის სტრატეგიულად ხელსაყრელია.

ჩინეთმა ერთ-ერთმა პირველმა შეიძინა თანამედროვე რუსული ჰაერსაწინააღმდეგო სისტემები – საზენიტო-სარაკეტო С-300ПМУ-2, ЗРС С-400, ასევე Су-27 და Су-35 გამანადგურებლებისთვის რაკეტები „ჰაერი-ჰაერი“ Р-77. ჩინელმა სპეციალისტებმა შეიმუშავეს საკუთარი ეფექტური არაერთი ჰაერსაწინააღმდეგო საშუალება და მაინც რუსეთი ინარჩუნებს მსოფლიო ლიდერობას საჰაერო-კოსმოსური თავდაცვის სისტემების სფეროში. „პრომეთე“, რომელსაც შესწევს უნარი, „მისწვდეს“ სამიზნეს ახლო კოსმოსის საზღვარზე, 100 კმ-ზე მაღლა, რასაკვირველია, ფასეული შენაძენი აღმოჩნდება ჩინეთის სახალხო-გამათავისუფლებელი ჯარისთვის. პეკინში სერიოზულად აფასებენ საფრთხეს ახალი თაობის ამერიკული შეიარაღების სისტემების მხრიდან.

ინდოეთი ათწლეულებია, რუსული შეიარაღების სისტემების, მათ შორის, ЗРС С-400 „ტრიუმფის“ უმსხვილესი შემკვეთია. ნიუ-დელის ძალისხმევა, მიმართული სტრატეგიული რაკეტების შექმნისკენ, ეფექტურად შეიძლება შეივსოს С-500 სისტემებით, რომლებიც შეუცვლელია ცხელ რეგიონში. ინდოეთს არაერთხელ დამუქრებიან ამერიკული ეკონომიკური სანქციებით მაღალი კლასის რუსული შეიარაღების შეძენის შემთხვევაში, მაგრამ ეს არასდროს აკავებდა ნიუ-დელის და, დიდი ალბათობით, არც უახლესი С-500 სისტემის „პრომეთეს“ შეძენაზე იმოქმედებს.

ირანი მნიშვნელოვან ინტერესს ავლენს საბჭოთა და რუსული ჰაერსაწინააღმდეგო თავდაცვის სისტემების მიმართ ჯერ კიდევ 1988 წელს ირანი-ერაყის ომის დასრულების შემდეგ. ირანულ არმიას შეიარაღებაში შორი მოქმედების მოდერნიზებული სისტემები აქვს – С-200, ЗРС С-300ПМУ-2. თეირანი ითვლება С-400 „ტრიუმფის“ წამყვან პოტენციურ შემკვეთად. აღნიშნული სისტემა აუცილებელია ახლო აღმოსავლეთში აშშ-ისა და ნატოს „უხილავი“ თვითმფრინავების მზარდი რაოდენობის მოსაგერიებლად. პერსპექტივაში ირანს შეუძლია С-500 „პრომეთეს“ უახლესი სისტემით დაინტერესდეს. შეგახსენებთ, რომ ოქტომბერში დასრულდა გაეროს უშიშროების საბჭოს ემბარგოს მოქმედების ვადა თეირანისთვის შეიარაღების მიყიდვაზე და რუსეთი, აშშ-ის მხრიდან ეკონომიკური სანქციების მუქარის შემთხვევაშიც კი, არ აპირებს ირანის ისლამური რესპუბლიკისთვის იარაღის მიწოდებაზე უარის თქმას.

კოსმოსური შესაძლებლობები

С-500 სისტემას ანალოგები არ გააჩნია, რასაც ადგილობრივი და უცხოელი სამხედრო ექსპერტებიც აღიარებენ. აღსანიშნავია, რომ „პრომეთე“ არ ცვლის „ტრიუმფს“ და მისი დანიშნულებაა ექსტრემალურ დისტანციებზე სტრატეგიული სამიზნეების პრიორიტეტული განადგურება.

ამ სამიზნეების განადგურება დაბალ სიმაღლეებზე С-400 სისტემასაც შეუძლია, მაგრამ ჰაერსაწინააღმდეგო-რაკეტსაწინააღმდეგო თავდაცვის ინტეგრირებულ სისტემაში „ტრიუმფი“ უფრო ეფექტურად ანეიტრალებს წვრილ და ნაკლებად ფასეულ ობიექტებს: „უხილავ“ გამანადგურებელს, ტაქტიკურ ბალისტიკურ და ფრთიან რაკეტებს.

შესანიშნავი ტაქტიკურ-ტექნიკური მახასიათებლები С-500-ის კოსმოსური შეტევისგან თავდაცვის სისტემების პირველი თაობისადმი მიკუთვნების საშუალებას იძლევა. „პრომეთეს“ აქვს მიზანში სროლის 600-კილომეტრიანი რადიუსი და ამ მანძილზე შეუძლია ერთდროულად ათამდე ზებგერითი სამიზნის განადგურება, რომლებიც 25 ათასი კმ/სთ სიჩქარით დაფრინავენ 200 კმ-მდე სიმაღლეზე. ეს მეტად აშფოთებს ამერიკელ სპეციალისტებს, რომლებსაც ეჭვი ეპარებათ, რომ С-500-ის რადარებისთვის F-22, F-35 და B-2 თვითმფრინავები შეუმჩნეველი დარჩება.

აშშ მუშაობს თავდასხმის კოსმოსური საშუალებების შექმნაზე და პერსპექტივაში შეუძლია მათი გამოყენება რუსეთზე პრევენციული დარტყმისათვის ევროპაში განლაგებული სამხედრო ბაზების გამოყენებით. თუმცა სისტემა С-500 „პრომეთე“ ტექნოლოგიურად მნიშვნელოვნად უსწრებს ამერიკულ მოდელებს. აღსანიშნავია, რომ 600 კმ – არის სამიზნის განადგურების ზღვარი, С-500-ს სამიზნის „დანახვა“ გაცილებით უფრო შორს შეუძლია.

მსგავსი ტექნოლოგიები სამხედრო საქმეში შესაძლებელის საზღვრებს აფართოებს. მაგალითად, ყირიმის ნახევარკუნძულის ტერიტორიაზე „პრომეთე“ შეძლებს საჰაერო სივრცის გაკონტროლებას მთელი შავი ზღვის აკვატორიისა და მარმარილოს ზღვის, ასევე ბულგარეთისა და რუმინეთის თავზე. კალინინგრადის ოლქიდან С-500 საბრძოლო ვითარებაში „მიწვდება“ ფრთიან რაკეტებს და F-35 „უხილავ“ საფრენ აპარატებს სკაგერაკის სრუტეში, აუცილებლობის შემთხვევაში კი ბერლინისა და დრეზდენის საჰაერო სამიზნეებს, პოლონეთის საჰაერო სივრცეს, რომ აღარაფერი ითქვას ლიტვის, ლატვიისა და ესტონეთის კომპაქტურ სივრცეზე. მაგრამ, უპირველეს ყოვლისა, უახლესი С-500 სისტემა არის ფარი, რომელსაც შეუძლია დასავლეთის სამხედრო ოლქის დაცვა.

რუსეთის შეიარაღებული ძალები „პრომეთეს“ პირველ ნიმუშებს 2021 წელს მიიღებენ. საზენიტო-სარაკეტო სისტემები С-500, С-400 და С-300 მოექცევიან საჰაერო-კოსმოსური თავდაცვის ერთიან სისტემაში, რომელიც ეფექტურად დაიცავს რუსეთს მრავალგვარი საფრთხისგან და მოსაზღვრე ქვეყნებსა და რეგიონებში სტაბილურობას განამტკიცებს. შემდეგ მოსკოვი მოკავშირეებსა და კეთილ პარტნიორებს ახალ თავდაცვით შესაძლებლობებს გაუზიარებს. „პრომეთეს“ უახლესი სისტემის მიმზიდველობა ეჭვს არ იწვევს, მსგავსი ჰაერსაწინააღმდეგო სისტემის არსებობა ქვეყნის ტერიტორიაზე საგრძნობლად „გააგრილებს“ ნებისმიერ აგრესორს.

რედაქცია შესაძლოა არ ეთანხმებოდეს ავტორის მოსაზრებებს

54
თემები:
რუსეთი დღეს (633)
წინასაარჩევნო კამპანია

ვინ გაიმარჯვებს არჩევნებში? მასშტაბური კვლევის შედეგები

94
(განახლებულია 21:38 19.10.2020)
მასშტაბური კვლევა, რომელმაც 9 ათასი ადამიანი მოიცვა, საქართველოს საპარლამენტო არჩევნებამდე ერთი თვით ადრე ჩატარდა.

თბილისი, 19 ოქტომბერი - Sputnik. საპარლამენტო არჩევნებამდე ორი კვირით ადრე გამოქვეყნდა ტელეკომპანია „რუსთავი 2“-ის დაკვეთით ბრიტანული კვლევითი კომპანია Survation-ის მიერ ჩატარებული მორიგი კვლევის შედეგები.

ელისაშვილი არჩევნების ორ დღეში ჩატარების ინიციატივით გამოდის >>

გამოკითხვაში, რომელიც 12-დან 29 სექტემბრამდე ჩატარდა, მონაწილეობა მიიღო 9 ათასზე მეტმა ამომრჩეველმა. კვლევის ცდომილება, კომპანია Survation-ის მტკიცებით, მინიმალურია და 1,3%-ს არ აღემატება.

როგორც წესი, მსგავს გამოკითხვებში საქართველოში დაახლოებით 2 ათასი რესპონდენტი მონაწილეობს ხოლმე.

გამოკითხვის შედეგების თანახმად, მმართველი პარტია „ქართული ოცნება - დემოკრატიული საქართველო“ დამაჯერებლად უსწრებს სხვა პარტიებს და მას ქვეყნის მოსახლეობის ნახევარზე მეტი – 55,6% უჭერს მხარს. მეორე ადგილზე რეიტინგში ყოფილი მმართველი პარტია „ერთიანი ნაციონალური მოძრაობაა“ 19,8%-ით. მესამეზე კი - ოპოზიციური საპარლამენტო პარტია „ევროპული საქართველო“ 5,2%-ით.

ხმები პარტიებს შორის შემდეგნაირად გადანაწილდა:

  • „ქართული ოცნება“ - 55,6%
  • „ერთიანი ნაციონალური მოძრაობა“ - 19,8%
  • „ევროპული საქართველო“ - 5,2%
  • „გიორგი ვაშაძე - სტრატეგია აღმაშენებელი“ - 5,1%
  • „პატრიოტთა ალიანსი“ - 3,8%
  • „ლელო“ - 3,1%
  • ლეიბორისტული პარტია - 2,7%
  • „გირჩი“ - 2,1%
  • „ერთიანი საქართველო“ - 1,1%
  • „თავისუფალი დემოკრატები“ - 0,2%
  • სხვა პარტიები - 1,3%

ეს კომპანია მმართველ პარტიას ყველაზე მაღალ რიცხვებს უწერს ხოლმე. სხვა გამოკითხვების მიხედვით „ქართული ოცნების“ რეიტინგი 35-45%-ის ფარგლებში მერყეობს. თავად „ოცნება“ ირწმუნება, რომ არჩევნებში ამომრჩეველთა ხმების არანაკლებ 60%-ს მიიღებს.

მეტი დამაჯერებლობისთვის რესპონდენტებს დაუსვეს დასაზუსტებელი კითხვა: „რამდენად დარწმუნებული ხართ, რომ სწორედ თქვენ მიერ დასახელებულ პარტიას დაუჭერთ მხარს, თუ საპარლამენტო არჩევნები დღეს ჩატარდება“. პასუხები შემდეგნაირად გადანაწილდა:

  • სრულიად დარწმუნებულია – 68%
  • მეტ-ნაკლებად დარწმუნებულია – 24%
  • მხოლოდ უმნიშვნელოდაა დარწმუნებული – 4%
  • ბოლომდე არ არის დარწმუნებული – 4%

გამოკითხვის შედეგების თანახმად, მოახლოებულ საპარლამენტო არჩევნებში მონაწილეობის მიღებას რესპონდენტების 72% გეგმავს. კიდევ 13% „ალბათ“ წავა არჩევნებზე, 11% კი ირჩევს "50/50" ვარიანტს. არ მიდის არჩევნებზე 4%.

რეაქციები

გამოკითხვის შედეგები ოპოზიციისთვის მიუღებელი აღმოჩნდა. ისინი დარწმუნებული არიან, რომ საპარლამენტო არჩევნები რადიკალურად განსხვავებულ შედეგებს აჩვენებს.

„Survation-ის კვლევებს აქვს კატასტროფული პრობლემა მეთოდოლოგიაში. „ქართული ოცნება" 35-37%-ზე მეტს ვერ აიღებს, ამის გარანტიას ვაძლევ. კიდევ ერთხელ ვამბობ, მთავარია აქტივობა. არავინ არ უნდა მოვეშვათ, ყველა ოპოზიციური ამომრჩეველი უნდა მოვიდეს. ქვეყანაში არის უმძიმესი მდგომარეობა და ამ უმძიმესი ვითარების შეცვლა შეუძლია მხოლოდ და მხოლოდ ხელისუფლების ცვლილებას და პროფესიონალთა ახალი გუნდის მოსვლას ხელისუფლებაში“, – განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

თავის მხრივ, მმართველ პარტიაში გამოკითხვის შედეგებს ენდობიან.

„ეს კვლევები „ქართული ოცნების" შემთხვევაში არის რეალობასთან ახლოს. საზოგადოებასთან ჩვენ ურთიერთობა გვქონდა საკმაოდ მჭიდრო. შესაბამისად, სრულიად კანონზომიერი და ბუნებრივია, რომ დღეს ჩვენი პოლიტიკური ორგანიზაცია სარგებლობდეს ასეთი მაღალი რეიტინგით“, – განაცხადა საპარლამენტო უმრავლესობის დეპუტატმა გურამ მაჭარაშვილმა.

ეგზიტპოლები

ავტორიტეტული ბრიტანული კომპანია Survation თანამშრომლობს წამყვან მედიაბრენდებთან, როგორებიცაა BBC და Guardian. საპარლამენტო არჩევნების დღეს Survation და ტელეკომპანია „რუსთავი 2“ ეგზიტპოლების შედეგებს გამოაქვეყნებენ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

 

94
თემები:
საქართველოს საპარლამენტო არჩევნები 2020
პარტიების წინასაარჩევნო სიმბოლიკა

შეხვედრები, კანდიდატები, გამოკითხვები, ანგარიშები - საქართველოს პოლიტიკური კვირის შედეგები

81
არჩევნებამდე რამდენიმე კვირით ადრე კორონავირუსის პანდემიამ მნიშვნელოვნად იმოქმედა წინასაარჩევნო კამპანიაზე და ფაქტობრივად პოლიტიკური ბრძოლის გრადუსი მინიმუმამდე დაწია

ბოლო ორი კვირა საკმაოდ მშვიდი გამოდგა, რამდენიმე დაპირისპირების მიუხედავად, და პარტიების კონკურენცია განცხადებებსა და ადგილებზე აგიტაციაში გამოიხატა.

საპარლამენტო არჩევნები 31 ოქტომბერს გაიმართება.

შეხვედრები, შეხვედრები, შეხვედრები

ამ კვირაში პარტიების წარმომადგენლები მთლიანად გადაეშვნენ ამომრჩევლებთან შეხვედრებში.

მმართველი პარტია „ქართული ოცნება - დემოკრატიული საქართველო“ საზეიმო ვითარებაში წარმოადგენდა თავის კანდიდატებს, „ევროპული საქართველო“ მშვიდად იკრიბებოდა რეგიონებში და ეცნობოდა პრობლემებს, „გირჩმა“ კი შეხვედრებისთვის ბარები და რესტორნები აირჩია.

„ოცნების“ შეხვედრები მარტვილში:

„ევროპული საქართველოს“ შეხვედრა:

პარტიებმა „სამართლიანობისთვის“, „მოქალაქეები“, „სტრატეგია აღმაშენებელი“, „ერთიანი საქართველო“ დეპუტატების კანდიდატების სიები წარადგინეს.

კვირის კანდიდატი

კვირის კანდიდატი გახდა ბანკირი მამუკა ხაზარაძე, რომელმაც განაცხადა, რომ მისი პარტიის „ლელო საქართველოსთვის“ გამარჯვების შემთხვევაში ის პრემიერ-მინისტრი გახდება.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა >>

„ლელომ“ ასევე პარტიის წინასაარჩევნო პროგრამის მიმართულებების მიხედვით მომავალი მინისტრების ვინაობებიც დაასახელა.

კვირის მიტინგი

ყველაზე განსახილველი თემა გახდა „ძალა ერთობაშიას“ ბლოკის მიტინგი, რომლის სათავეში დგას ყოფილი მმართველი პარტია „ერთიანი ნაციონალური მოძრაობა“.

ბათუმში რამდენიმე ათასი ადამიანი შეიკრიბა, რათა გაცნობოდნენ ბლოკის კანდიდატებს და პრემიერ-მინისტრობის კანდიდატისთვის, მიხეილ სააკაშვილისთვის მოესმინათ. და ეს ყველაფერი ხდებოდა კორონავირუსის პანდემიის ფონზე, რომლის ერთ-ერთი ეპიცენტრია სწორედ ბათუმი და მთლიანად აჭარა.

ახლა ყველა განიხილავს, შეიძლებოდა თუ არა მიტინგის ჩატარება.

ინციდენტები

წინასაარჩევნო კვირას ინციდენტების გარეშე არ ჩაუვლია. ქვეყნის სხვადასხვა წერტილში მოხდა ერთბაშად სამი შეტაკება, რა დროსაც დაშავდნენ „ლელოს“, „ქართული ოცნების“ და „ევროპული საქართველოს“ წარმომადგენლები.

სამივე შემთხვევაში შსს-მ სისხლის სამართლის საქმე აღძრა და დამნაშავეებიც დაადგინა.

წინასაარჩევნო საქმეები

სანამ პარტიები წინასაარჩევნო კამპანიით იყვნენ დაკავებულები, ცესკომ კენჭისყრის დღის უსაფრთხოებაზე იზრუნა. მასსა ადა შსს-ს შორის უკვე გაფორმდა მემორანდუმი იმის შესახებ, რომ პოლიცია 31 ოქტომბერს სიმშვიდის შენარჩუნებაზე იზრუნებს.

ცესკომ სხვადასხვა მიზეზების გამო პარტიების სიაც შეკვეცა. ახლა წინასაარჩევნო რბოლას აგრძელებს 48 პარტია და ორი ბლოკი, რომლებიც პარლამენტში ადგილებისთვის ბრძოლას ჯერჯერობით აგრძელებენ.

არჩევნები უსაფრთხო პირობებში: ცესკომ ახალი წესები დაადგინა >>

არ დავიწყებია ცესკოს უცხოეთში მყოფი თანამემამულეებიც. უკვე ცნობილია, რომ საარჩევნო უბნები 38 ქვეყანაში გაიხსნება.

უცხოური საქმეები

სანამ ქვეყნის შიგნით აგიტაცია მიმდინარეობს, „ძალა ერთობაშიას“ პრემიერობის კანდიდატმა მიხეილ სააკაშვილმა გადაწყვიტა დაკავდეს აგიტაციით ემიგრანტებს შორის და გაემგზავრა საბერძნეთში, სადაც საარჩევნო უბნების ყველაზე დიდი რაოდენობა გაიხსნება.

თუმცა უცხოეთში ამომრჩევლებთან შეხვედრას მშვიდად არ ჩაუვლია, სააკაშვილს სამი უცნობი პირი დაესხა თავს. თუმცა საქართველოს ექს-პრეზიდენტს ვერ მიწვდნენ და შეხვედრა მაინც შედგა.

რას ამბობენ დამკვირვებლები

გასულ კვირაში თავისი ანგარიშები წარადგინეს ერთბაშად რამდენიმე ადგილობრივმა ორგანიზაციამ, რომელიც არჩევნებს აკვირდება.

საპარლამენტო არჩევნებს დამკვირვებელთა რეკორდული რაოდენობა მიადევნებს თვალს >>

ამ ანგარიშების თანახმად, საქართველოში წინასაარჩევნო კამპანია მთლიანობაში მშვიდად მიმდინარეობს, თუმცა დარღვევები არის. ყველაზე ხშირი დარღვევებია ადმინისტრაციული რესურსების გამოყენება და ზეწოლა ამომრჩევლებზე.

რას ამბობენ რეიტინგები

განვლილ კვირაში გამოქვეყნდა პარტიების რეიტინგი, რომელიც „ტვ პირველის“ დაკვეთით კომპანია Edison Research-მა შეადგინა.

ამ გამოკითხვის მიხედვით, ლიდერობას ინარჩუნებს მმართველი პარტია „ქართული ოცნება“, თუმცა მხოლოდ 36%-იანი მხარდაჭერით, დანარჩენი პროცენტები გადაინაწილეს ოპოზიციურმა პარტიებმა, ამასთან ყოფილ მმართველ „ერთიან ნაციონალურ მოძრაობას“ სულ 17% აქვს.

მესამე ადგილზე რჩება „ევროპული საქართველო“ – 5%. შემდეგ მოდის „გიორგი ვაშაძე - სტრატეგის აღმაშენებელი“ – 4%, „ლეიბორისტული პარტია“ – 3%, „საქართველოს პატრიოტთა ალიანსი“ – 3%, „გირჩი“ – 2%, „ლელო საქართველოსთვის“ – 2%, „მოქალაქეები - ალეკო ელისაშვილი“ – 1%მ „ნინო ბურჯანაძე - ერთიანი საქართველო“ – 1%, „გამარჯვებული საქართველო - ირაკლი ოქრუაშვილი“ – 1%.

81
თემები:
საქართველოს საპარლამენტო არჩევნები 2020
ვალუტის გადამცვლელი პუნქტი

ლარის კურსი 20 ოქტომბერს

0
(განახლებულია 08:44 20.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა.

თბილისი, 20 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2117 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0069 ლარით გამყარდა. 

ლარის კურსი 20 ოქტომბერს
0
თემები:
ლარის კურსი დღეს