წინასაარჩევნო სიმბოლიკა. ბანერები

ყარაბაღი, დავით-გარეჯი და ქართული არჩევნები - რა კავშირია მათ შორის?

356
ქართული პრესა თვალს ადევნებს სომხეთ-აზერბაიჯანის გამწვავებულ კონფლიქტს, ექსპერტები კი განუწყვეტლივ იმაზე მსჯელობენ, როგორ შეიძლება აისახოს ესკალაცია დამდეგ საპარლამენტო არჩევნებზე და ზოგადად ვითარებაზე ქვეყანასა და კავკასიის რეგიონში

არასწორი იქნება იმის მტკიცება, რომ ყარაბაღის თემამ ქართული გაზეთების გვერდებზე მთავარი ადგილი დაიკავა, მაგრამ მან საგრძნობლად შეავიწროვა წინასაარჩევნო და კორონავირუსის თემატიკა. ბოლნისსა და მარნეულში პოლიტიკური მეტოქეობის აგრესიულ გამოვლინებასაც კი, რომლის დროსაც ჟურნალისტები ცემეს, არ გამოუწვევია განსაკუთრებული გამოძახილი მასმედიაში. მით უმეტეს, რომ მსგავსი დაპირისპირება, პოლიტოლოგ ვახტანგ ძაბირაძის აზრით, არ ასახავს ქართული საზოგადოების საერთო განწყობას („რეზონანსი“, 30.09).  

სამაგიეროდ გამოცემა მძაფრად რეაგირებს შფოთვაზე, რომელმაც მასში სომხეთ-აზერბაიჯანის სამხედრო დაპირისპირების შედეგად დაისადგურა. ღელვა და შეშფოთება, მიაჩნიათ გაზეთის მესვეურებს, არის ბუნებრივი რეაქცია მოვლენათა განვითარების არაპროგნოზირებად ხასიათზე (2.10).

ვის აძლევს ხელს ყარაბაღის კონფლიქტი

საქართველოსთვის ის ნებისმიერ შემთხვევაში უზარმაზარ რისკებს შეიცავს. არა მხოლოდ სამხედრო, არამედ ეკონომიკური, სოციალური თვალსაზრისითაც. ამასთან, არ უნდა დავივიწყოთ, რომ სომეხი და აზერბაიჯანული ეროვნების მოქალაქეები ქვეყნის მოსახლეობის დაახლოებით 10%-ს შეადგენენ. მთავრობამ ნეიტრალიტეტი უნდა შეინარჩუნოს - აცხადებს გაზეთი.

ამასთან, ექსპერტი კახა გოგოლაშვილი სკეპტიკურად უყურებს პრემიერ გიორგი გახარიას წინადადებას, ჩაატარონ თბილისში მხარეთა წარმომადგენლების შეხვედრა („რეზონანსი“, 1.10). თანაც საქართველოს ნეიტრალური პოზიციის შენარჩუნებაც არ იქნება მარტივი. მისი ეკონომიკა მჭიდროდ უკავშირდება თურქეთს, რომელიც ღიად უჭერს მხარს ბაქოს („საქართველოს რესპუბლიკა“, 1-2,10), და აზერბაიჯანულ ენერგომატარებლებს. შემთხვევითი არ არის პრესაში სათაურების საერთო ლაიტმოტივი - რა საფრთხის წინაშე აღმოჩნდა საქართველო („რეზონანსი“, 29.09), ჩაერევიან თუ არა კონფლიქტში რუსეთი და თურქეთი (30.09), რა გავლენას მოახდენს ის რეგიონზე („კვირის პალიტრა“, 28.09-4.10) და სხვ.

სამხედრო მოქმედებების გარდა, სომხური და აზერბაიჯანული მხარეები ერთმანეთის მიმართ მასობრივ პროპაგანდისტულ შეტევებზეც გადადიან. კეთდება ურთიერთგამომრიცხავი განცხადებები („ახალი თაობა“, 1.10). თუმცა, როგორც ჩანს, აზერბაიჯანმა მაინც მოახერხა რამდენიმე სოფლის დაკავება მთიან ყარაბაღში და რამდენიმე სტრატეგიულად მნიშვნელოვან მწვერვალს დაეპატრონა.

დროა, შეწყვიტოთ ცეცხლი: საქართველოს პრეზიდენტმა ფაშინიანსა და ალიევს მიმართა>>

სომხეთი კონფლიქტში პირდაპირ არ მონაწილეობს, არამედ ირიბად მხარს უჭერს თვითაღიარებულ რესპუბლიკას. ეს პრინციპული მომენტია, ვინაიდან ყარაბაღისგან განსხვავებით, პირველი არის კოლექტიური უსაფრთხოების შესახებ შეთანხმების მონაწილე, რომლის წევრებიც არიან რუსეთი, ბელარუსი, ყაზახეთი, ყირგიზეთი და ტაჯიკეთი. რა მოხდება, თუ სომხეთი უცებ გადაწყვეტს მთიანი ყარაბაღის აღიარებას - სვამს კითხვას „რეზონანსი“ (1.10).

თუმცა მიმომხილველები თანხმდებიან, რომ მოვლენების განვითარება დამოკიდებულია იმაზე, რა პოზიციას დაიკავებენ და რამდენად აქტიურად ჩაერევიან კონფლიქტში კავკასიის მთავარი მოთამაშეები - რუსეთი და თურქეთი. ექსპერტი მამუკა არეშიძე არ გამორიცხავს აშშ-ისა და ნატოს შესაძლო დაინტერესებასაც, რომლებიც ბოლო დროს ცდილობენ შავ ზღვაზე კონტროლის დამყარებას („კვირის პალიტრა“). თუმცა ჟურნალ „არსენალის“ მთავარი რედაქტორი ირაკლი ალადაშვილი დარწმუნებულია, რომ მათზე ამ შემთხვევაში ბევრი არაფერი იქნება დამოკიდებული („საქართველოს რესპუბლიკა“, 29-30.09).

განჯის დაცხრილვა კარგს არავის არაფერს უქადის...

სააკაშვილი თავხედია, მაგრამ არა გულადი

ასე დაახასიათა ექსპრეზიდენტი პოეტმა და საზოგადო მოღვაწემ, დავით მაღრაძემ („კვირის პალიტრა“). მიხეილ სააკაშვილის განცხადებები ხშირად სკანდალური ხასიათისაა. ამჯერად მისმა ნათქვამმა სომხეთის მხარე აღაშფოთა („რეზონანსი“, 29.09). თავისთავად თეზისი სუვერენული ტერიტორიების ხელშეუხებლობაზე არახალია. თუმცა მთიან ყარაბაღში უკიდურესად გამწვავებული სიტუაციის კონტექსტში მან მწვავე პოლიტიკური ჟღერადობა შეიძინა და, ექსპერტთა აზრით, უადგილო აღმოჩნდა.

ერევნის უნივერსიტეტის სამეცნიერო საბჭომ სააკაშვილს დოქტორის საპატიო წოდება ჩამოართვა. ეს, რასაკვირველია, თავად უნივერსიტეტის საქმეა, მით უმეტეს, როდესაც გაუგებარია, საერთოდ რა დამსახურებისთვის მიანიჭა მას თავის დროზე ეს წოდება, ამბობს ექსპერტი რამაზ საყვარელიძე. თუმცა განცხადება უადგილოა იმიტომ, რომ სააკაშვილის, როგორც ყოფილი პრეზიდენტის, შეხედულებები შეიძლება აღიქმებოდეს, როგორც საქართველოს პოზიცია („რეზონანსი", 2.10).

ექსპრეზიდენტი შემთხვევით განცხადებებს არ აკეთებს, დარწმუნებულია პაატა ზაქარეიშვილი. როგორც ჩანს, ამჯერად მისი სიტყვები ნაკარნახებია სურვილით, მიიღოს მეტი ხმა აზერბაიჯანელებით კომპაქტურად დასახლებულ რეგიონში (30.09). თუმცა ზოგი ფიქრობს, რომ ის ერთადერთი არ არის, ვინც ისურვებდა, სიტუაციით ეხეირა.

წმინდა ქეთევან წამებულის ეკლესიის წინამძღვარმა მამა გიორგიმ (რაზმაძე) გაზეთ „საქართველო და მსოფლიოსთვის“ მიცემულ ინტერვიუში გამოთქვა ეჭვი, რომ ყარაბაღის კონფლიქტსა და არჩევნებს უკავშირდება საქართველო-აზერბაიჯანის დემარკაციის საკითხში ახალ გარემოებათა მოულოდნელი გამოჩენა. საუბარია ადრე გამქრალ და ამას წინათ ხელახლა აღმოჩენილ კარტოგრაფიულ მასალაზე, რომლის შედეგადაც შეიძლება გადაიხედოს 2006-07 წლების შეთანხმება აზერბაიჯანთან, დაკავშირებული დავით-გარეჯის სამონასტრო კომპლექსთან.

მართალია, დეტალებს არ აზუსტებენ, მაგრამ შეთანხმებაზე ადრე უმაღლეს სასულიერო პირებსაც კი არაფერი სმენიათ. ამან მამა გიორგის იმის თქმის საფუძველი მისცა, რომ საქმე შესაძლოა წინასაარჩევნო ხრიკთან გვქონდეს. თუმცა, როგორც „ახალი თაობა“ იუწყება, პროკურატურას აღძრული აქვს სისხლის სამართლის საქმე. 1 ოქტომბერს დავით-გარეჯის საკითხზე კომისიის ყოფილი თავმჯდომარის, ივერი მელაშვილის სახლსა და ოფისში ჩხრეკა ჩატარდა. სასაზღვრო დეპარტამენტის თანამშრომლისგან, ნატალია ილიჩევასგან კი, „კურიერის“ ინფორმაციით, 1938 წლის ორიგინალური რუკა ამოიღეს, რომელსაც პრინციპული მნიშვნელობა აქვს („რეზონანსი“, 2.10).

ამ საქმისთვის ადრევე უნდა მიეხედათ, არ მალავს უკმაყოფილებას ისტორიკოსი, პროფესორი გიორგი ოთხმეზური („ახალი თაობა“, 2.10). ჩვენ მივეჩვიეთ წინასაარჩევნო მანიპულაციებს, აღნიშნავს გია ხუხაშვილი. ექსპერტის აზრით, არაკორექტულია რუკებსა და ქრთამებზე საუბარი ახლა, როცა აზერბაიჯანი რთულ მდგომარეობაშია და ცდილობს ტერიტორიების დაბრუნებას.

 „მიმინოს“ წინასაარჩევნო ფრენა

ამასობაში, საპარლამენტო სავარძლებისთვის ბრძოლა მწვავდება და სულ უფრო მეტ ინტრიგას იძენს. ბოლო მომენტამდე არავის ეპარებოდა ეჭვი, რომ „ნაციონალური მოძრაობის“ პირველ ნომრად პარტიის თავმჯდომარე გრიგოლ ვაშაძე იქნებოდა („რეზონანსი“, 30.09). მაგრამ სია გამოქვეყნდა და მის სათავეში აღმოჩნდა... პოპულარული მსახიობი და მომღერალი ვახტანგ (ბუბა) კიკაბიძე („ახალი თაობა“, 2.10).

კიკაბიძის კავშირი ნაციონალებთან ყველასთვის ნათელია, განსხვავებით პოლიტიკასთან მისი კავშირისა. როგორც ჩანს, „ნაცმოძრაობამ“ გადაწყვიტა ქარიზმატული ლიდერის არყოფნაში ბუბა კიკაბიძის ქარიზმა გამოიყენოს. თუმცა ანალიტიკოსების რეაქცია ამ  ნაბიჯზე უარყოფითია. გადაწყვეტილებას არასერიოზული უწოდა ვახტანგ ძაბირაძემ. „თავდაპირველად გადავწყვიტე, რომ ეს ხუმრობა იყო, - ამბობს ექსპერტი გია აბაშიძე, - კიკაბიძე „ნაცმოძრაობის“ მხარდამჭერია, მაგრამ არა პოლიტიკოსი („რეზონანსი“, 2.10).

არაერთმა მიმომხილველმა გაიხსენა, რომ ნაციონალების ლიდერები დასცინოდნენ „ქართულ ოცნებას“, რომლის დეპუტატთა შორის ცნობილი სპორტსმენები იყვნენ. მაგრამ პოლიტიკა პოლიტიკაა და პრინციპში, პარტიებს არ ეკრძალებათ სიაში ნებისმიერი ადამიანის შეყვანა, ვისაც საჭიროდ ჩათვლიან. სხვა საქმეა ამომრჩეველი, რომელმაც ხმა უნდა მისცეს თავის რჩეულებს.

„სამზარეულო რეიტინგი“, განმარტავს რამაზ საყვარელიძე, განსხვავდება გადაწყვეტილებისგან, რომელსაც ამომრჩეველი საარჩევნო ურნასთან იღებს („რეზონანსი“, 28.09). თუმცა ფაქტია, რომ დღევანდელი ამომრჩეველი ყველაზე არც ისე კარგი შეხედულებისაა. მოძრაობა „ტრიბუნის“ ლიდერი დავით ჭიჭინაძე წუხს იმის გამო, რომ უკვე ნათელია, რომ არცერთი მხარე არ აღიარებს მარცხს („ახალი თაობა“, 30.09).

დღეს პარლამენტში მხოლოდ იმისთვის მიდიან, რომ თავიანთ ბიზნესს ლობირება გაუწიონ და დალხენით იცხოვრონ, ხსნის ფენომენს პოლიტოლოგი სოსო ცინცაძე („ახალი თაობა“, 1.10). დროა პარლამენტში პოლიტიკის დაბრუნება - ამბობს გაზეთის ამავე ნომერში სახალხო პარტიის თავმჯდომარე მამუკა გიორგაძე.

356
თემები:
ესკალაცია ყარაბაღში 2020 (90)
წინასაარჩევნო კამპანია

ვინ გაიმარჯვებს არჩევნებში? მასშტაბური კვლევის შედეგები

90
(განახლებულია 21:38 19.10.2020)
მასშტაბური კვლევა, რომელმაც 9 ათასი ადამიანი მოიცვა, საქართველოს საპარლამენტო არჩევნებამდე ერთი თვით ადრე ჩატარდა.

თბილისი, 19 ოქტომბერი - Sputnik. საპარლამენტო არჩევნებამდე ორი კვირით ადრე გამოქვეყნდა ტელეკომპანია „რუსთავი 2“-ის დაკვეთით ბრიტანული კვლევითი კომპანია Survation-ის მიერ ჩატარებული მორიგი კვლევის შედეგები.

ელისაშვილი არჩევნების ორ დღეში ჩატარების ინიციატივით გამოდის >>

გამოკითხვაში, რომელიც 12-დან 29 სექტემბრამდე ჩატარდა, მონაწილეობა მიიღო 9 ათასზე მეტმა ამომრჩეველმა. კვლევის ცდომილება, კომპანია Survation-ის მტკიცებით, მინიმალურია და 1,3%-ს არ აღემატება.

როგორც წესი, მსგავს გამოკითხვებში საქართველოში დაახლოებით 2 ათასი რესპონდენტი მონაწილეობს ხოლმე.

გამოკითხვის შედეგების თანახმად, მმართველი პარტია „ქართული ოცნება - დემოკრატიული საქართველო“ დამაჯერებლად უსწრებს სხვა პარტიებს და მას ქვეყნის მოსახლეობის ნახევარზე მეტი – 55,6% უჭერს მხარს. მეორე ადგილზე რეიტინგში ყოფილი მმართველი პარტია „ერთიანი ნაციონალური მოძრაობაა“ 19,8%-ით. მესამეზე კი - ოპოზიციური საპარლამენტო პარტია „ევროპული საქართველო“ 5,2%-ით.

ხმები პარტიებს შორის შემდეგნაირად გადანაწილდა:

  • „ქართული ოცნება“ - 55,6%
  • „ერთიანი ნაციონალური მოძრაობა“ - 19,8%
  • „ევროპული საქართველო“ - 5,2%
  • „გიორგი ვაშაძე - სტრატეგია აღმაშენებელი“ - 5,1%
  • „პატრიოტთა ალიანსი“ - 3,8%
  • „ლელო“ - 3,1%
  • ლეიბორისტული პარტია - 2,7%
  • „გირჩი“ - 2,1%
  • „ერთიანი საქართველო“ - 1,1%
  • „თავისუფალი დემოკრატები“ - 0,2%
  • სხვა პარტიები - 1,3%

ეს კომპანია მმართველ პარტიას ყველაზე მაღალ რიცხვებს უწერს ხოლმე. სხვა გამოკითხვების მიხედვით „ქართული ოცნების“ რეიტინგი 35-45%-ის ფარგლებში მერყეობს. თავად „ოცნება“ ირწმუნება, რომ არჩევნებში ამომრჩეველთა ხმების არანაკლებ 60%-ს მიიღებს.

მეტი დამაჯერებლობისთვის რესპონდენტებს დაუსვეს დასაზუსტებელი კითხვა: „რამდენად დარწმუნებული ხართ, რომ სწორედ თქვენ მიერ დასახელებულ პარტიას დაუჭერთ მხარს, თუ საპარლამენტო არჩევნები დღეს ჩატარდება“. პასუხები შემდეგნაირად გადანაწილდა:

  • სრულიად დარწმუნებულია – 68%
  • მეტ-ნაკლებად დარწმუნებულია – 24%
  • მხოლოდ უმნიშვნელოდაა დარწმუნებული – 4%
  • ბოლომდე არ არის დარწმუნებული – 4%

გამოკითხვის შედეგების თანახმად, მოახლოებულ საპარლამენტო არჩევნებში მონაწილეობის მიღებას რესპონდენტების 72% გეგმავს. კიდევ 13% „ალბათ“ წავა არჩევნებზე, 11% კი ირჩევს "50/50" ვარიანტს. არ მიდის არჩევნებზე 4%.

რეაქციები

გამოკითხვის შედეგები ოპოზიციისთვის მიუღებელი აღმოჩნდა. ისინი დარწმუნებული არიან, რომ საპარლამენტო არჩევნები რადიკალურად განსხვავებულ შედეგებს აჩვენებს.

„Survation-ის კვლევებს აქვს კატასტროფული პრობლემა მეთოდოლოგიაში. „ქართული ოცნება" 35-37%-ზე მეტს ვერ აიღებს, ამის გარანტიას ვაძლევ. კიდევ ერთხელ ვამბობ, მთავარია აქტივობა. არავინ არ უნდა მოვეშვათ, ყველა ოპოზიციური ამომრჩეველი უნდა მოვიდეს. ქვეყანაში არის უმძიმესი მდგომარეობა და ამ უმძიმესი ვითარების შეცვლა შეუძლია მხოლოდ და მხოლოდ ხელისუფლების ცვლილებას და პროფესიონალთა ახალი გუნდის მოსვლას ხელისუფლებაში“, – განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

თავის მხრივ, მმართველ პარტიაში გამოკითხვის შედეგებს ენდობიან.

„ეს კვლევები „ქართული ოცნების" შემთხვევაში არის რეალობასთან ახლოს. საზოგადოებასთან ჩვენ ურთიერთობა გვქონდა საკმაოდ მჭიდრო. შესაბამისად, სრულიად კანონზომიერი და ბუნებრივია, რომ დღეს ჩვენი პოლიტიკური ორგანიზაცია სარგებლობდეს ასეთი მაღალი რეიტინგით“, – განაცხადა საპარლამენტო უმრავლესობის დეპუტატმა გურამ მაჭარაშვილმა.

ეგზიტპოლები

ავტორიტეტული ბრიტანული კომპანია Survation თანამშრომლობს წამყვან მედიაბრენდებთან, როგორებიცაა BBC და Guardian. საპარლამენტო არჩევნების დღეს Survation და ტელეკომპანია „რუსთავი 2“ ეგზიტპოლების შედეგებს გამოაქვეყნებენ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

 

90
თემები:
საქართველოს საპარლამენტო არჩევნები 2020
პარტიების წინასაარჩევნო სიმბოლიკა

შეხვედრები, კანდიდატები, გამოკითხვები, ანგარიშები - საქართველოს პოლიტიკური კვირის შედეგები

81
არჩევნებამდე რამდენიმე კვირით ადრე კორონავირუსის პანდემიამ მნიშვნელოვნად იმოქმედა წინასაარჩევნო კამპანიაზე და ფაქტობრივად პოლიტიკური ბრძოლის გრადუსი მინიმუმამდე დაწია

ბოლო ორი კვირა საკმაოდ მშვიდი გამოდგა, რამდენიმე დაპირისპირების მიუხედავად, და პარტიების კონკურენცია განცხადებებსა და ადგილებზე აგიტაციაში გამოიხატა.

საპარლამენტო არჩევნები 31 ოქტომბერს გაიმართება.

შეხვედრები, შეხვედრები, შეხვედრები

ამ კვირაში პარტიების წარმომადგენლები მთლიანად გადაეშვნენ ამომრჩევლებთან შეხვედრებში.

მმართველი პარტია „ქართული ოცნება - დემოკრატიული საქართველო“ საზეიმო ვითარებაში წარმოადგენდა თავის კანდიდატებს, „ევროპული საქართველო“ მშვიდად იკრიბებოდა რეგიონებში და ეცნობოდა პრობლემებს, „გირჩმა“ კი შეხვედრებისთვის ბარები და რესტორნები აირჩია.

„ოცნების“ შეხვედრები მარტვილში:

„ევროპული საქართველოს“ შეხვედრა:

პარტიებმა „სამართლიანობისთვის“, „მოქალაქეები“, „სტრატეგია აღმაშენებელი“, „ერთიანი საქართველო“ დეპუტატების კანდიდატების სიები წარადგინეს.

კვირის კანდიდატი

კვირის კანდიდატი გახდა ბანკირი მამუკა ხაზარაძე, რომელმაც განაცხადა, რომ მისი პარტიის „ლელო საქართველოსთვის“ გამარჯვების შემთხვევაში ის პრემიერ-მინისტრი გახდება.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა >>

„ლელომ“ ასევე პარტიის წინასაარჩევნო პროგრამის მიმართულებების მიხედვით მომავალი მინისტრების ვინაობებიც დაასახელა.

კვირის მიტინგი

ყველაზე განსახილველი თემა გახდა „ძალა ერთობაშიას“ ბლოკის მიტინგი, რომლის სათავეში დგას ყოფილი მმართველი პარტია „ერთიანი ნაციონალური მოძრაობა“.

ბათუმში რამდენიმე ათასი ადამიანი შეიკრიბა, რათა გაცნობოდნენ ბლოკის კანდიდატებს და პრემიერ-მინისტრობის კანდიდატისთვის, მიხეილ სააკაშვილისთვის მოესმინათ. და ეს ყველაფერი ხდებოდა კორონავირუსის პანდემიის ფონზე, რომლის ერთ-ერთი ეპიცენტრია სწორედ ბათუმი და მთლიანად აჭარა.

ახლა ყველა განიხილავს, შეიძლებოდა თუ არა მიტინგის ჩატარება.

ინციდენტები

წინასაარჩევნო კვირას ინციდენტების გარეშე არ ჩაუვლია. ქვეყნის სხვადასხვა წერტილში მოხდა ერთბაშად სამი შეტაკება, რა დროსაც დაშავდნენ „ლელოს“, „ქართული ოცნების“ და „ევროპული საქართველოს“ წარმომადგენლები.

სამივე შემთხვევაში შსს-მ სისხლის სამართლის საქმე აღძრა და დამნაშავეებიც დაადგინა.

წინასაარჩევნო საქმეები

სანამ პარტიები წინასაარჩევნო კამპანიით იყვნენ დაკავებულები, ცესკომ კენჭისყრის დღის უსაფრთხოებაზე იზრუნა. მასსა ადა შსს-ს შორის უკვე გაფორმდა მემორანდუმი იმის შესახებ, რომ პოლიცია 31 ოქტომბერს სიმშვიდის შენარჩუნებაზე იზრუნებს.

ცესკომ სხვადასხვა მიზეზების გამო პარტიების სიაც შეკვეცა. ახლა წინასაარჩევნო რბოლას აგრძელებს 48 პარტია და ორი ბლოკი, რომლებიც პარლამენტში ადგილებისთვის ბრძოლას ჯერჯერობით აგრძელებენ.

არჩევნები უსაფრთხო პირობებში: ცესკომ ახალი წესები დაადგინა >>

არ დავიწყებია ცესკოს უცხოეთში მყოფი თანამემამულეებიც. უკვე ცნობილია, რომ საარჩევნო უბნები 38 ქვეყანაში გაიხსნება.

უცხოური საქმეები

სანამ ქვეყნის შიგნით აგიტაცია მიმდინარეობს, „ძალა ერთობაშიას“ პრემიერობის კანდიდატმა მიხეილ სააკაშვილმა გადაწყვიტა დაკავდეს აგიტაციით ემიგრანტებს შორის და გაემგზავრა საბერძნეთში, სადაც საარჩევნო უბნების ყველაზე დიდი რაოდენობა გაიხსნება.

თუმცა უცხოეთში ამომრჩევლებთან შეხვედრას მშვიდად არ ჩაუვლია, სააკაშვილს სამი უცნობი პირი დაესხა თავს. თუმცა საქართველოს ექს-პრეზიდენტს ვერ მიწვდნენ და შეხვედრა მაინც შედგა.

რას ამბობენ დამკვირვებლები

გასულ კვირაში თავისი ანგარიშები წარადგინეს ერთბაშად რამდენიმე ადგილობრივმა ორგანიზაციამ, რომელიც არჩევნებს აკვირდება.

საპარლამენტო არჩევნებს დამკვირვებელთა რეკორდული რაოდენობა მიადევნებს თვალს >>

ამ ანგარიშების თანახმად, საქართველოში წინასაარჩევნო კამპანია მთლიანობაში მშვიდად მიმდინარეობს, თუმცა დარღვევები არის. ყველაზე ხშირი დარღვევებია ადმინისტრაციული რესურსების გამოყენება და ზეწოლა ამომრჩევლებზე.

რას ამბობენ რეიტინგები

განვლილ კვირაში გამოქვეყნდა პარტიების რეიტინგი, რომელიც „ტვ პირველის“ დაკვეთით კომპანია Edison Research-მა შეადგინა.

ამ გამოკითხვის მიხედვით, ლიდერობას ინარჩუნებს მმართველი პარტია „ქართული ოცნება“, თუმცა მხოლოდ 36%-იანი მხარდაჭერით, დანარჩენი პროცენტები გადაინაწილეს ოპოზიციურმა პარტიებმა, ამასთან ყოფილ მმართველ „ერთიან ნაციონალურ მოძრაობას“ სულ 17% აქვს.

მესამე ადგილზე რჩება „ევროპული საქართველო“ – 5%. შემდეგ მოდის „გიორგი ვაშაძე - სტრატეგის აღმაშენებელი“ – 4%, „ლეიბორისტული პარტია“ – 3%, „საქართველოს პატრიოტთა ალიანსი“ – 3%, „გირჩი“ – 2%, „ლელო საქართველოსთვის“ – 2%, „მოქალაქეები - ალეკო ელისაშვილი“ – 1%მ „ნინო ბურჯანაძე - ერთიანი საქართველო“ – 1%, „გამარჯვებული საქართველო - ირაკლი ოქრუაშვილი“ – 1%.

81
თემები:
საქართველოს საპარლამენტო არჩევნები 2020
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0