ფინანსთა სამინისტრო

წინასწარი ვარიანტი: პარლამენტში 2021 წლის სახელმწიფო ბიუჯეტის პროექტი შევიდა

202
(განახლებულია 20:53 02.10.2020)
მომავალი წლის სახელმწიფო ბიუჯეტის საბოლოო ვარიანტი პარლამენტს ნოემბრის ბოლოს წარედგინება და მას საკანონმდებლო ორგანოს ახალი შემადგენლობა დაამტკიცებს

 

თბილისი, 2 ოქტომბერი - Sputnik. საქართველოს მთავრობამ პარლამენტს 2021 წლის სახელმწიფო ბიუჯეტის პროექტი წარუდგინა.

პარლამენტის კომიტეტებში დოკუმენტის განხილვის გრაფიკის თანახმად, კანონპროექტი მთავრობას დეპუტატების შენიშვნებისა და რეკომენდაციების გასათვალისწინებლად 20 ოქტომბერს  დაუბრუნდება. დამუშავებული ბიუჯეტი პარლამენტში ნოემბერში დაბრუნდება და მას ახალი მოწვევის საკანონმდებლო ორგანო წლის ბოლომდე დაამტკიცებს.

სახელმწიფო ბიუჯეტის პროექტი არსებითად შეიცვლება

ფინანსთა მინისტრის მოადგილე გიორგი კაკაურიძის განცხადებით, ბიუჯეტის პარამეტრები გადაიხედება დოკუმენტის საბოლოო ვერსიის მომზადებისას. 

 „მთავრობამ მოიწონა და პარლამენტში წარადგინა 2021 წლის სახელმწიფო ბიუჯეტის პროექტი. რა თქმა უნდა, ეს არის პირველადი ვერსია და მოხდება მისი მნიშვნელოვანი გადამუშავება. მოგეხსენებათ, COVID–19-ის პანდემიის გამო, ჯერჯერობით, გაურკვევლობა ძალიან ბევრია. თუმცა, ჩვენ კანონმდებლობის მოთხოვნის შესაბამისად, ბიუჯეტი პარლამენტში უკვე წარვადგინეთ“, - განაცხადა მინისტრის მოადგილემ.

მისი თქმით, პარლამენტში წარდგენილი ვერსია ჯერ არ ასახავს პანდემიის წინააღმდეგ მიმართულ ხარჯს.

 „პანდემიის წინააღმდეგ ღონისძიებების ნაწილი ბიუჯეტში ჯერჯერობით გათვალისწინებული არ არის – არც ჯანდაცვის, არც სოციალური და ეკონომიკის მხარდაჭერის მიმართულებით, ვინაიდან ჯერ კიდევ საკმაოდ დიდია გაურკვევლობა. ვფიქრობთ, ოქტომბრის თვე და ნოემბრის შუა პერიოდი მოგვცემს იმის ანალიზის საფუძველს, რა უნდა გავითვალისწინოთ 2021 წლის ბიუჯეტში და საბოლოო ვარიანტში ეს ყველაფერი აისახება. კერძოდ, ჯანდაცვის ნაწილში მნიშვნელოვანი იქნება, რა ინფორმაცია იარსებებს ვაქცინაზე“, - აღნიშნა კაკაურიძემ.

მინისტრის მოადგილის განცხადებით, აუცილებელია ვაქცინის შეძენასთან ან განმეორებით ტესტირებასა და მკურნალობასთან დაკავშირებული ხარჯების გათვალისწინება.

 „სოციალური კუთხით, ჩვენ ვნახავთ, რა საჭიროებები იქნება. ის პაკეტები, რაც წელს გვქონდა, ბუნებრივია, ყველაფერი ვერ გაგრძელდება, თუმცა, ეფექტურობიდან გამომდინარე, ზოგიერთი მათგანი, შესაძლოა, კვლავ გაგრძელდეს“, – განაცხადა გიორგი კაკაურიძემ.

მისი თქმით, ამას აჩვენებს მსჯელობა, ანალიზი, თუ რა პროცესები შეიძლება წარიმართოს 2021 წლის განმავლობაში და იმის მიხედვით მოხდება ბიუჯეტის საბოლოო ვარიანტის ფორმირება.

რა მონაცემების საფუძველზეა შედგენილი ბიუჯეტი

საქართველოს მთავრობის პროგნოზის თანახმად,  2021 წელს ქვეყანაში ეკონომიკური ზრდა 5% იქნება.

კაკაურიძემ აღნიშნა, რომ პროგნოზი დამოკიდებულია ეკონომიკურ მოლოდინებზე მსოფლიოს მასშტაბით.

 „ოქტომბერში ჩვენ მონაწილეობას მივიღებთ მსოფლიო ბანკისა და საერთაშორისო სავალუტო ფონდის წლიურ შეხვედრაში, სადაც გამოქვეყნდება მსოფლიო ეკონომიკის განახლებული პროგნოზები. სწორედ ამის მიხედვით გვექნება უფრო სწორი ანალიზისა და სწორი დაგეგმვის საფუძველი იმასთან დაკავშირებით, რა ტიპის დახმარება დასჭირდება ეკონომიკას“, - აღნიშნა მინისტრის მოადგილემ. 

ამიტომაც მთავრობამ გადაწყვიტა, დოკუმენტი შეუსაბამოს შემდეგ ეკონომიკურ პარამეტრებს. 2021 წელს ეკონომიკური ზრდის მაჩვენებელი (4%-იანი დეფლატორის გათვალისწინებით) უკვე დაუბრუნდება 5%–იანი ზრდის ნიშნულს. ინფლაცია 3%-ს გაუტოლდება. სახელმწიფო ბიუჯეტის დეფიციტი კი სსფ-ს მეთოდოლოგიით არ უნდა აღემატებოდეს 2,6%-ს მშპ-სთან მიმართებით.

ნომინალური მშპ მომავალ წელს 54,5 მილიარდი ლარის დონეზე იგეგმება.

სახელმწიფო ბიუჯეტის ძირითადი პარამეტრები

კანონპროექტის თანახმად, სახელმწიფო ბიუჯეტის ასიგნებები 17,1 მილიარდი ლარით განისაზღვრა, მათ შორის, საბიუჯეტო სახსრები - 15,6 მილიარდი ლარით, დონორების მხრიდან დაფინანსება კი - 1,5 მილიარდი ლარით.

ქართული ეკონომიკა კვლავ მინუსებშია – სტატისტიკის ახალი მონაცემები>>>

სახელმწიფო ბიუჯეტში შემოსულობები დაგეგმილია 14,8 მილიარდი ლარის დონეზე, მათ შორის, ბიუჯეტის შემოსავლები - 11,3 მილიარდი ლარის დონეზე. ბიუჯეტში 10,5 მილიარდი ლარის ოდენობის საგადასახადო შემოსავლებია მოსალოდნელი, გრანტები კი - 0,3 მილიარდი ლარის ოდენობით.

საგარეო ვალდებულებების ზრდა დაგეგმილია 2,2 მილიარდი ლარის დონეზე.

202
თემები:
საქართველოს ეკონომიკა (900)
ოკეანის მრავალმიზნობრივი სისტემა „პოსეიდონი“

მიმოხილვა: „პოსეიდონების“ მესამე მზიდი - რა არის ცნობილი „ულიანოვსკზე“

14
(განახლებულია 21:20 19.01.2021)
სპეციალური დანიშნულების ატომური სუბმარინის კორპუსის აგება მთავრდება, მალე ჰოდრავლიკური გამოცდები დაიწყება. რუსეთის სამხედო-საზღვაო ძალებმა ეს ხომალდი 2027 წლამდე უნდა მიიღოს.

სუბმარინა „ულიანოვსკს“ საფუძველი „სევმაშში“ 2017 წელს ჩაეყარა. მას აქვს იგივე ძირითადი ზომები, როგორიც „ხაბაროვსკს“, თუმცა კონსტრუქციაში უფრო თანამედროვე სისტემები და მექნიზმებია გამოყენებული.

Military Watch Magazine-ს მონაცემებით, ეს ხომალდები სტრატეგიული დანიშნულების სარაკეტო წყალქვეშა კრეისერების, „ბორეის“ კონსტრუქციული მემკვიდრეებია, ოღონდ შემცირებული ზომებით. „ულიანოვსკის“ პრინციპული განსხვავება „ხაბაროვსკისა“ და „ბელგოროდისგან“ ისაა, რომ უახლესი სუბმარინა ფლოტის შემადგენლობაში უნიკალური თერმობირთვული ტორპედო „პოსეიდონებით“ აღჭურვილი შევა. ხილულ პერსპექტივაში რუსეთი ჩრდილოეთ და წყნარი ოკეანის ფლოტებში „პოსეიდონების“ კიდევ ორ მზიდავის შეყვანას გეგმავს.

მრავალმიზნობრივი საოკეანო სისტემა „პოსეიდონი“ _ ეს რუსეთის ასიმეტრიული პასუხია ნატოს გაფართოებასა და აღმოსავლეთ ევროპაში პენტაგონის შემტევი პოტენციალის სახიფათო კონცენტრაციაზე, აშშ-ის რაკეტსაწინააღმდეგო გლობალური სისტემის ფორმირებაზე, რომელიც რუსეთის თავდაცვითი პოტენციალის პრევენციული განადგურებისთვის შეიძლება იყოს გამოყენებული.

„პოსეიდონი“ რუსეთის ერთ-ერთი ყველზე გასაიდომლოებული პროექტია, თუმცა მანამდე უკვე გამოქვეყნებული დაახლოებითი მახასიათებლები საშუალებას იძლევა, საკმაოდ სრულად წარმოვიდგინოთ ბირთული შეკავების უნიკალური სისტემის შესაძლებლობები.

სერიული სუბმარინა „ულიანოვსკი“ - ეს „ხაბაროვსკის“ კონცეფციის გაგრძელება და განვითარებაა. არის დაახლოებით 113 მ სიგრძის, სრული წყალწყვა დაახლოებით 10 ათას ტონას შეადგენს, ჩაძირვის სიღრმე 500 მეტრამდე, წყალქვეშა სვლის სისწრაფე - 30 კვანძზე მეტი, ავტონომიურობა - 120 დღე-ღამე. შეუზღუდავ სიშორეს პრინციპულად ახალი ბირთვული ენერგეტიკული დანადგარი განაპირობებს. ეკიპაჟი 100 კაცისგან შედგება. სუბმარინა შესაძლოა აღიჭურვოს ფრთოსანი რაკეტებით „კალიბრი“, ჰიპერბგერითი „ცირკონებითა“ და თავდაცვის კომპლექსით „პაკეტი“.

ოკეანის მრავალმიზნობრივი სისტემის დანიშნულება მოწინააღმდეგის ავიამზიდების შემტევი ჯგუფების, მსხვილი სამხედრო ბაზებისა და სტრატეგიული ეკონომიკური ობიექტების განადგურება და ასევე აგრესორი ქვეყნის ვრცელი ტერიტორიისთვის ზიანის მიყენებაა.

„მატრიოშკა“ პუტინისგან

„განკითხვის დღის“ ბირთვული ტორპედოების წყალქვეშა მზიდებს აქვთ უნარი, ოთხი თვის განმავლობაში შეასრულონ საბრძოლო ამოცანები მსოფლიო ოკეანის ნებისმიერ წერტილში, უზარმაზარ სირღმეზე - ზედაპირზე ამოცურვის გარეშე.

თავის მხრივ უპილოტო აპარატი „პოსეიდონი“ კიდევ უფრო ნაკლებად მოწყვლადია და მეტად ავტონომიური, სრულიად უძლეველი საბრძოლო გამოყენების ვითარებაში. მრავალმიზნობრივი საოკეანო სისტემა მთლიანობაში რაღაცით ჩამოჰგავს რუსულ „მატრიოშკას“, რომელიც სჯობს, არაფრით შევაშფოთოთ. წონადი მიზეზის გარეშე სისტემა „პოსეიდონი“ არასდროს არ ამოქმედდება.

ბირთვული ძრავის მქონე უპილოტო აპარატი „პოსეიდონი“ სიგრძეში დაახლოებით 20 მეტრია, დიამეტრი - 1,8 მ, წონა - 100 ტონა. მოქმედების სიშორე - თითქმის შეუზღუდავი, ჩაძირვის სამუშაოს სიღღმე - 1000 მ, სიჩქარე - 100 კვანძი (185კმ/სთ). ეს პარამეტრბი პრაქტიკულად მიუღწეველია ყველა თანამედროვე ტორპედოსთვის. გარდა ამისა, წყალქვეშა აპარატს აქვს კომპიუტერული ინტელექტი და შეუძლია დამოუკიდებლად იმოქმედოს მზიდავიდან რამდენიმე ათასი კილომეტრის დაშორებით. სიღრმესა და სიჩქარეს უპილოტო აპარატი ვითარების შესაბამისად არჩევს. ამასთან მაქსიმალური სიჩქარის წყალობით, შეუძლია ნებისმიერ საფრთხეს დააღწიოს თავი. ასეთი სამიზნის აღმოჩენა ჰიდროაკუსტიკის საშუალებებით პრაქტიკულად შეუძლებელია.

„პოსეიდონს“ ზღვის რელიეფზე მოძრაობა და ორიენტირება დაახლოებით ათი ათას კმ მანძილზე შეუძლია, დანიშნულების წერტილზე მისული კი გრუნტზე წვება და თვეების განმავლობაში შეუძლია დაელოდოს შეტევის ან ბაზაზე დაბრუნების სიგნალს.
ატომური სუბმარინებისა და სტრატეგიული ტორპედოების უნიკალური შესაძლებლობები გამანადგურებელი ბირთვული დარტყმის მიყენების საშუალებას იძლევა იმ შემთხვევაშიც კი, თუ სავარაუდო მოწინააღმდეგე რაკეტსაწინააღმდეგო თავდაცვის „გაურღვეველ გუმბათს“ შექმნის ზღვასა თუ ხმელეთზე.

რუსული რევოლუცია სამხედრო-საზღვაო ფლოტის სტრატეგიაში

ვაშინგტონი საკმაოდ დიდ ფსონს დებს სამხედრო-საზღვაო ძალებზე, ისწრაფვის რა პლანეტის კონტროლისკენ უცხოეთში ბაზების უზარმაზარ ქსელზე დაყრდნობით.

ამერიკული მხარე სერიოზულადაა შეშფოთებული რუსული „პოსეიდონების“ გამოჩენით, ვინაიდან ისინი აშშ-ს მანამდე ორი ოკენით გარანტირებულ უსაფრთხოებას ურღვევს. ამის ალტერნატივა შესაძლოა მხოლოდ ვაშინგტონის უზარმაზარი ფინანსური ხარჯები იყოს პრინციპულად ახალი სისტემების შექმნისთვის, რათა „განკითხვის დღის ტორპედოებს“ წინააღმდეგობა გაუწიოს.

პერსპექტივაში ბირთვული ტორპედოების მზიდები ასევე შეიძლება გახდეს დიდი წყალზედა ხომალდებიც - საბრძოლო, ჰიდროგრაფიული თუ სავაჭრო ხომალდებად შენიღბული. სისტემა „პოსეიდონი“ არ ხვდება შეიარაღების შეზღუდვის არცერთ შეთანხმებაში, აქვს დიდი საექსპორტო პოტენციალი და შეიძლება გაიყიდოს საერთაშორისო ბაზარზე. სავარაუდოდ, ჩინეთი და ინდოეთი მას ბევრი ფიქრის გარეშე შეიძენდნენ. ჩინელმა სპეციალისტებმა უკვე განაცხადეს, რომ მსგავსი ტექნოლოგიები ისეალურად ესადაგება ღრმაწყლოვან კვლევებს. და მართლაც, „პოსეიდონის“ კორპუსის სიმტკიცე მას 14 კილომეტრამდე სირღმეზე ჩაძირვის საშუალებას აძლევს.

ასეა თუ ისე, რუსულ სტრატეგიულ კონტინენტთშორის ღრმაწყლოვან აპარატს - ბირთვული ენერგეტიკული დანადგარით, დიდი მომავალი ელოდება. მოსკოვი კი მზადაა, ნებისმიერ უხერხულ პარტნიორთან აწარმოოს თანაბარუფლებიანი და მშვიდობიანი მოლაპარაკებები.

რედაქცია შესაძლოა არ ეთანხმებოდეს ავტორის მოსაზრებებს!

14
Pfizer-BioNTech-ის ვაქცინა

Le Monde: რა არის ნათქვამი EMA-დან მოპარულ დოკუმენტებში COVID-19-ის ვაქცინების შესახებ

35
(განახლებულია 14:46 18.01.2021)
ევროპელმა ჟურნალისტებმა შეისწავლეს დოკუმენტები, რომლებიც ინტერნეტის ფარული ქსელით გავრცელდა და რომლებშიც ევროპულ სააგენტოზე ამერიკულ-გერმანული ვაქცინის სწრაფად დასარეგისტრირებლად ზეწოლაზეა საუბარი.

ლიზ ბარნეო

მოპარულ მონაცემებში, რომლებიც „დარკნეტში“ (DarkNet - ინტერნეტის ფარული, ბნელი ქსელი) გავრცელდა, საუბარია ზეწოლაზე, რომელსაც სააგენტო ვაქცინა Pfizer-BioNTech-ის დამტკიცებისას შეეჯახა.

EMA-დან მოპარული კონფიდენციალური დოკუმენტები „დარკნეტში“ 2020 წლის 9 დეკემბერს გამოჩნდა. „ლე მონდმა“ ზოგ მათგანზე წვდომა მოახერხა და ევროპელი ჟურნალისტების გუნდმა ეს წერილები შეისწავლა.

საქაღალდე 20 ნაწილისგან შედგება, რომელთა ძირითად ნაწილს კავშირი აქვს Pfizer-BioNTech-ის დამტკიცების დოსიესთან. დოკუმენტებს შორის არის 19 წერილი, რომლებიც 10-დან 25 ნოემბრამდე პერიოდში იყო გაგზავნილი სააგენტოს სხვადასხვა პასუხისმგებელი თანამშრომლების მიერ. როგორც EMA-ს 15 იანვრის კომუნიკეშია ნათქვამი, ზოგ წერილს ჰაკერებმა „მანიპულაციები“ ჩაუტარეს. და, მაინც, „ლე მონდთან“ საუბრისას სააგანტომ აღიარა, რომ „გასაჯაროებული ელექტრონული წერილები არსებულ პრობლემებსა და დისკუსიებს ასახავს“.

სხვადასხვა ადრესატისთვის დაგზავნილი ხუთი ელექტრონული წერილი იძლევა საფუძველს ვისაუბროთ ზეწოლაზე სააგენტოს მიმართ COVID-19-ის პირველი ვაქცინის დამტკიცების პროცესის დასაჩქარებლად.

12 ნოემბრის მიმოწერაში EMA-ს ერთ-ერთი თანამშრომელი ჰყვება, მაგალითად, ევროკავშირის ჯანდაცვის კომისართან, სტელა კირიაკიდესთან საუბრის შესახებ. მოითხოვდა რა, რომ ყველა ევროპულ სახელმწიფოს ვაქცინა ერთდროულად მიეღო, კირიაკიდესი ასევე ხაზს უსვამდა, თუ რამდენად მნიშვნელოვანია, რომ ქვეყნებმა არ დააჩქარონ ეროვნული პროცედურები, ვინაიდან ამან შეიძლება დაამუხრუჭოს პრეპარატის ოფიციალური დამტკიცების პროცედურა. ევროკავშირის დირექტივის თანახმად, ეპიდემიის შემთხვევაში ქვეყნებს აქვთ უფლება, გამოიყენონ პრეპარატები, რომლებიც EMA-ს არ დაუმტკიცებია.

19 ნოემბერს EMA-ს ერთ-ერთი მაღალჩინოსანი თანამშრომელი ახსენებს ევროპის კომისიასთან თათბირს, რომელიც „საკმაოდ დაძაბულ და დროდადრო უსიამოვნო ატმოსფეროში ჩატარდა. ეს ატმოსფერო იძლევა წარმოდგენას იმის შესახებ, თუ რას შეიძლება შეეჯახოს EMA, თუ მოლოდინები არ გამართლდება - იმისდა მიუხედავად, რეალისტურია ისინი თუ არა“. 

მეორე დღეს დანიის წამლების სააგენტოსთან მიმოწერაში იგივე ჩინოვნიკი აღიარებს, რომ მისთვის მოულოდნელი აღმოჩნდა ევროკომისიის თავმჯდომარის ურსულა ფონ დერ ლიაიენის განცხადება, რომელმაც „მკაფიოდ დაასახელა ორი ვაქცინა, რომლებიც წლის ბოლომდე დამტკიცდებოდა [Pfizer-BioNTech და Moderna]. ორივე პრეპარატის შემთხვევაში აქამდე არსებობს პრობლემები“, – ხაზს უსვამს ჩინოვნიკი.

სწორედ ამ „პრობლემებზეა“ საუბარი სხვა დოკუმენტებში, რომლებიც 2020 წელს მოიპარეს. მათთან დაკავშირებით სააგენტოს მანიპულაციების ეჭვი არ გასჩენია. კერძოდ, საუბარია პრობლემებზე, რომლებიც Pfizer-BioNTech-ის ვაქცინას ეხება.

დადგენილია, რომ ნოემბერში ევროპულმა სააგენტომ სამი „ძირითადი პროტესტი“ ჩამოაყალიბა ამ ვაქცინის წინააღმდეგ. მათგან მესამე – ხარისხობრივი განხვავება ვაქცინის კომერციულ პარტიებსა და იმათ შორის, რომლებიც კლინიკური გამოცდებისას გამოიყენებოდა – იწვევდა კიდეც ვაქცინის ხარისხის შემფასებელი მკვლევარების ყველაზე მეტ შფოთვას.

პრობლემური წერტილი

მართლაც, კლინიკური გამოცდების სტადიიდან კომერციული წარმოების სტადიაზე გადასვლისას წარმოების პროცესის შეცვლა გახდა საჭირო, და კიდევ ახალ ქარხნებსა და სხვა სიმძლავრეებში ინვესტირება.

ამ ცვლილებებით აიხსნება კიდეც ვაქცინების ზუსტ შემადგენლობაში განსხვავება, კერძოდ, ვაქცინის უმნიშვნელოვანესი ელემენტის, რნმ-ის მთლიანობის დონის დაქვეითება. კლინიკური გამოცდებისას ვაქცინებში რნმ-ის მთლიანობა 69%–81%-ს შეადგენდა, ანუ ეს სრული ჯაჭვი იყო. ხოლო ახალ საწარმოებში დამზადებულ პარტიებში უფრო დაბალი მაჩვენებლები ფიქსირდებოდა – საშუალოდ 59%. ზოგ პარტიაში მისი შემადგენლობა 51%–52%-მდე ეცემოდა. ეს იყო კიდეც პრობლემური წერტილი, რის შესახებაც EMA-ში 23 ნოემბერს განაცხადეს.

ჩნდება კითხვა, შეიძლება თუ არა რნმ-ის უფრო დაბალმა დონემ გავლენა მოახდინოს არა მარტო ვაქცინის ეფექტურობაზე, არამედ მის უსაფრთხოებაზეც?

„ამ პროდუქციაში ჩვენ ხშირად ვაწყდებოდით ცოტა უფრო მოკლე ან უფრო გრძელ რნმ-ებს“, – აცხადებს ციურიხის საუნივერსიტეტო საავადმყოფოს მკვლევარი სტივ პასკოლო, რომელიც უკვე ოცი წელია მუშაობს რნმ-ვაქცინებზე. ეს შეკვეცილი რნმ-ები აშკარაა, რომ ვერ შეუწყობს ხელს მოსაჭიდებელი ცილის ფორმირებას. თუმცა კომპანიის მიერ EMA-სთვის წარდგენილ მონაცემებში მითითებულია, რომ ცილა 62%-იანი რნმ-ის პირობებშიც გამომუშავდება. „BioNTech-ის ვაქცინის პირველი გამოცდებისას იმუნური რეაქცია რნმ-ის ერთი მიკროგრამის შემთხვევაში ჩნდებოდა. ვაქცინაში ივარაუდება 30 მიკროგრამი, ე.ი. მათ აქვთ მარაგი“, – ამბობს სტივ პასკოლო.

იგივე აზრისაა აშშ-ის კვების პროდუქტებისა და მედიკამენტების ხარისხის სანიტარული ზედამხედველობის სააგენტო, რომელთანაც EMA-ს კონტაქტი ჰქონდა. სააგენტოში „რნმ-ის შემადგენლობა არ განიხილებოდა სერიოზულ პრობლემად“, ამბობს EMA-ს ჩინოვნიკი 23 ნოემბრით დათარიღებულ ელექტრონულ წერილში.

სინამშვილეში ამ წერილში საუბარია იმაზე, რომ წარმოებისა და ხარისხის კონტროლის პრობლემები არ ეხება სასწრაფო დამტკიცების პროცედურებს (რომლებიც აშშ-ში, კანადასა და დიდ ბრიტანეთში განხორციელდა).

სინამდვილეში ეს უკანასკნელი არის არა თავად ვაქცინაზე, არამედ მის დროებით გამოყენებაზე ნებართვა. ბაზარზე ვაქცინის დანერგვაზე დროებითი ნებართვა, რისი მიღწევაც სურდა EMA-ს, უფრო მეტ შეზღუდვას წარმოადგენს. ამგვარად ჩნდება EMA-ს, კანადის სააგენტოსა და სანიტარული ზედამხედველობის სამმართველოს „ზოგად მოთხოვნებთან შეთანხმების“ აუცილებლობა, რათა „ერთი რეგიონისთვის გამოუსადეგარი მასალის მიწოდება“ თავიდან იყოს აცილებული. ასე ეწერა ერთ-ერთ ელექტრონულ წერილში რამდენიმე დღის შემდეგ.

„მთავარი წინააღმდეგობები“

26 ნოემბერს BioNTech-სა და Pfizer-ს გაუჩნდათ შესაძლებლობა, ეპასუხათ EMA-ს ძირითად წინააღმდეგობებზე. მათ მოხსენებაში საუბარია სხვადასხვა საწარმოში ჩატარებული შემოწმებების შესახებ. ამასთან ისინი რნმ-ის მინიმალური დონის 60%-მდე გაზრდასაც ვარაუდობდნენ წარმოების საწყის ეტაპებზე, რათა ფინალურ პროდუქტში ის 50%-მდე არ შემცირებულიყო. სწორედ ეს კრიტერიუმი იყო მიღებული ყველა დოკუმენტში, რომლებიც შეთანხმებისას იყო გამოყენებული. ვაქცინის მწარმოებლები თავიანთ მოხსენებაში სახელწოდებით „კომირნატი“ (Comirnaty) ირწმუნებიან, რომ რნმ-ის რაოდენობაში განსხვავება „გავლენას ვერ მოახდენს“ ვერც პროდუქციის ეფექტურობაზე და ვერც მის უსაფრხოებაზე. ამ პარტიებიდან ზოგი უკვე გამოყენებული იყო კლინიკური გამოცდებისას.

მაგრამ ამ მონაცემებმა, როგორც ჩანს, მაინც ვერ დაარწმუნა ევროპული სააგენტო, ვინაიდან ბოლო დოკუმენტები და ხელმისაწვდომი შეტყობინებები არ იძლება საშუალებას, დღის წესრიგიდან მოიხსნას „მთავარი წინააღმდეგობა“. ამას ამტკიცებს ეკრანის ფოტო, რომელზეც EMA-სა და მწარმოებლებს შორის 30 ნოემბრის მიმოწერაა აღბეჭდილი. ერთ-ერთი ბოლო ხელმისაწვდომი მოხსენებიდან შეიძლება გავიგოთ, რომ საწარმოო პროცესების კორექტირება საშუალებას იძლევა, მთლიანობის დონე დაახლოებით 75%-მდე აღდგეს, რაც კლინიკური გამოცდებისას გამოყენებული ნიმუშების შესაბამისია.

სამი დღის შემდეგ, 3 დეკემბერს გაზეთმა Wall Street Journal-მა გამოაქვეყნა სტატია Pfizer-ის ვაქცინის წარმოებაში პრობლემების შესახებ. „ზოგ პარტიაში ნედლეულის ხარისხი არ შეესაბამება ნორმებს. ჩვენ აღმოვფხვერით ეს პრობლემა, მაგრამ არ გვეყო დრო მიწოდების განსახორციელებლად, რომლებიც ამ წლისთვის იყო დაგეგმილი“, – განაცხადა ადამიანმა, „რომელიც უშუალო მონაწილეობას იღებდა Pfizer-ის ვაქცინის შექმნაში“.

არის კი ამაში რაიმე კავშირი? კომპანია Pfizer-მა უარი თქვა კომენტარზე და ამის მიზეზად EMA-ს მიერ კიბერშეტევის გამოძიება დაასახელა. 15 იანვარს BioNTech-მა და Pfizer-მა კვლავ განაცხადეს, რომ მიწოდებები კვლავ ყოვნდებოდა, ვინაიდან ბელგიის ქარხანაში აუცილებელი სამუშაოები მიმდინარეობდა.  

ევროპულ სააგენტოში დაადასტურეს, რომ ხარისხის ეს პრობლემა საბოლოოდ გადაიჭრა. სააგენტოში ასევე ირწმუნებიან, რომ ამჟამინდელი ტექნიკური მოთხოვნები რნმ-ის დონესთან დაკავშირებით „მეცნიერულად საფუძვლიანად და მისაღებად მიიჩნევა“.

რუსული თუ რუსოფილური კვალი

აქამდე უცნობია, ვინ შეიძლება იდგეს ბოლო ჰაკერული შეტევის უკან. მოპარული მონაცემები Rutor-ზე გამოჩნდა, სადაც „რუ“ რუსეთს ნიშნავს, ხოლო „ტორ“ – ვებ-ბრაუზერს, რომელიც ინტერნეტში გვერდის ანონიმურად ნახვის საშუალებას იძლევა. ეს შეიძლება იმ ვერსიის სასარგებლოდ მეტყველებდეს, რომ ჰაკერი ან რუსეთიდან იყო, ან რუსოფილურ შეხედულებებს იზიარებდა.

გარდა ამისა, ძნელია გამოირიცხოს ვერსია საწარმოო კიბერშეტევის შესახებ, მით უმეტეს, იმის გათვალისწინებით, რომ დოკუმენტების არჩევისას დამნაშავეები სწორედ Pfizer-ზე იყვნენ ორიენტირებული. ამაზე მიუთითებს ფაილისთვის დარქმეული სახელიც: „მასშტაბური აფერის მტკიცებულებები Pfizer-ის ვაქცინის მონაცემებით“. და რა შეიძლება ითქვას აცრების მოწინააღმდეგეთა ჯგუფზე, რომლებიც ვაქცინების დისკრედიტაციას ცდილობენ? „ნაკლებსარწმუნოა, რომ ვაქცინების მოწინააღმდეგე ჰაკერი მონაცემებს ნაკლებად ცნობილ, მეკობრულ საიტზე გამოაქვეყნებდა“, – აცხადებს კიბერუსაფრთხოების კომპანია Sekoia-ს სპეციალისტი ჟან-მიშელ დოანი.

მიუხედავად ამ დოკუმენტების წაკითხვის შესაძლებლობისა, ფაქტები ასეთია: Pfizer-BioNTech-ის ვაქცინა EMA-მ საბოლოოდ მოიწონა 2020 წლის 21 დეკემბერს – დიდ ბრიტანეთში მისი დამტკიცებიდან სამი კვირის, ხოლო აშშ-ში დამტკიცებიდან – ორი კვირის შემდეგ. ეს იმაზე მეტყველებს, რომ ევროპულ სააგენტოს გარკვეული დრო დასჭირდა ხარისხის პრობლემის გადასაჭრელად მის მოწონებამდე. ეს დაყოვნება შეფასდა როგორც „ნაკლებად მისაღები ევროპული კომისიისთვის“, როგორც ამაზე სააგენტოს თანამშრომლებს შორის 19 ნოემბრის მიმოწერა მიუთითებს. „რაც არ უნდა გავაკეთოთ, შეთანხმების პროცესის დაჩქარებითა თუ ზუსტი გარანტიების მისაღებად აუცილებელ ვადებში ჩატარებით (…), EMA-ს მოუწევს შეეჯახოს სხვადასხვა მხარეთა კრიტიკას – ევროკომისიის, ევროკავშირის წევრი ქვეყნების, ევროპარლამენტის, მედიისა და ფართო საზოგადოების მხრიდან“, – ნათქვამია სააგენტოს მაღალჩინოსანი თანამშრომლის შეტყობინებაში. ის არ მოელოდა, რომ ყველაფერ ამასთან ერთად სააგენტოს კიბერშეტევაში გარკვევაც მოუწევდა.

პუბლიკაციის ორიგინალის ნახვა შეგიძლიათ აქ:  

35
თემები:
COVID-19-ის პანდემია მსოფლიოში
იანვრის დილა კუს ტბაზე

დღის ასტროპროგნოზი ზოდიაქოს ნიშნებისთვის: 20 იანვარი

0
(განახლებულია 12:17 19.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 20 იანვარია, ოთხშაბათი. მზარდი მთვარე ვერძის ნიშანშია. ამ დღეს პლანეტა მერკური მფარველობს.

დღევანდელი დღე ადამიანებს თვითორგანიზაციისა და პუნქტუალობისკენ უბიძგებს, ამიტომ ის იდეალურად მიესადაგება როგორც მნიშვნელოვანი ღონისძიებების ჩატარებას, ისე რუტინული საქმეების გაკეთებას. ერთადერთი „მაგრამ“ ისაა, რომ ეცადეთ, იშვიათად მოხვდეთ თვალში უფროსობას, ისინი, შესაძლოა, ზედმეტად მომთხოვნი იყვნენ. მთლიანობაში, კარგი დღეა ყველაფრის მოსაწესრიგებლად – საკუთარი გრძნობებიდან და აზრებიდან დაწყებული, სამუშაო საკითხებით დამთავრებული.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ამ დღეს თქვენს ცხოვრებაში ადგილი არა აქვს სამ რამეს: „იქნებ“, ინტუიციასა და ბრმა იღბალს. სამივეს თქვენი სასტიკი იმედგაცრუება შეუძლია. ანუ, დღეს იმის იმედზე ყოფნა, რომ „იქნებ გამიმართლოს“, „გული მიგრძნობს“, არავითარ შემთხვევაში არ შეიძლება. თუ წარმატების მიღწევა გსურთ, თითოეული ნაბიჯი დეტალურად უნდა გათვალოთ და მხოლოდ ამის შემდეგ იმოქმედოთ. წინააღმდეგ შემთხვევაში სავალალო შედეგები შეიძლება მიიღოთ.

კურო: დღეს თქვენი ემოციები ძალიან ძლიერი, მაგრამ ამავე დროს – გაწონასწორებული იქნება. ასეთი მდგომარეობა მოგცემთ საშუალებას, რომ ფაქიზად იგრძნოთ და აღიქვათ ყველაფერი, რაც გარშემო ხდება. გარშემომყოფების განწყობა, მათი საქციელის მოტივები და ზოგიერთი აზრიც კი თქვენთვის განსაკუთრებული საიდუმლო იქნება. გამძაფრებული გამჭრიახობა ტელეპათიასაც კი გაემიჯნება. გამოიყენეთ ეს მდგომარეობა, რომ ყველაზე მნიშვნელოვანი ვითარების არსს ჩასწვდეთ.

ტყუპი: დღეს არ ენდოთ ირგვლივ მყოფ ადამიანებს. მათ ნებსით თუ უნებლიეთ შეიძლება დაგაღალატონ. ეს განსაკუთრებით უცნობებსა და შორეულ ნაცნობებს ეხება. თუ კარგად მიმოიხედავთ ირგვლივ, შესაძლოა, აღმოაჩინოთ, რომ ვიღაც განზრახ გვნებთ, ავრცელებს ჭორებს ან ინტრიგებს ხლართავს. არაა გამორიცხული, ვინმემ ქუჩაში გამოგლანძღოთ... მოკლედ, რამე მსგავსი რომ არ მოხდეს, ყურადღებით უნდა იყოთ და ეს სრულიად საკმარისი იქნება.

კირჩხიბი: დღეს ძალზე მომთხოვნი ხართ როგორც საკუთარი თავის, ისე სხვების მიმართ. სურვილი გაგიჩნდებათ, რომ ყველა და ყველაფერი აკონტროლოთ. გეგმიდან ნებისმიერი გადახვევა შეიძლება პირად შეურაცხყოფად აღიქვათ. ასეთი განწყობა, რომ იბუზღუნოთ და საყვედურები გამოთქვათ, გარშემომყოფების გარდა თქვენც შეგეხებათ, როდესაც რაღაც საკითხში უსუსურობას იგრძნობთ. დღემ რომ მეტი პოზიტიური ემოცია მოიტანოს, უნდა შეეგუოთ იმ ფაქტს, რომ ყველაფერი ჩვენს ძალისხმევაზე არაა დამოკიდებული და მით უმეტეს, სურვილებზე.

ლომი: შესანიშნავი დღეა იმისთვის, რომ ნებისმიერ საქმეში მხარდაჭერა მიიღოთ. ეს, პირველ რიგში, სიყვარულსა და ურთიერთობებს ეხება. თუ რომანტიკულ ნაცნობობას, საკუთარ გრძნობებში გამოტყდომას ან ერთობლივი ცხოვრების გეგმებზე აპირებთ საუბარს, ამაზე უკეთეს დროს ვერ იპოვით. ასევე კარგი დღეა შეთანხმებების დადებისთვის, ახალი ნაცნობობისა და საქმიანი კონტაქტებისთვის. დღეს დაწყებული თანამშრომლობა, მეგობრობა ან სიყვარული მომავალში წარმატებული იქნება.

ქალწული: დღეს წარმატების გასაღები სიფრთხილეა – დღე გაკერებული იქნება დაძაბულობით, რომელიც შეიძლება კონფლიქტში გადაიზარდოს. ახლობელ ადამიანებთან ურთიერთობებში მოსალოდნელია უთანხმოებები და ურთიერთობების გამორკვევა. არაა გამორიცხული ასევე დაძაბულობა კოლეგებთან დამოკიდებულებაში. აქედან გამომდინარე, თუ გინდათ, რომ ნაყოფიერი დღე გქონდეთ, სიმშვიდე უნდა შეინარჩუნოთ, მოთმინებით აღიჭურვოთ და არ აჰყვეთ პროვოკაციებს.

სასწორი: დღეს სიმტკიცის გამოცდის დღე გელოდებათ, მაგრამ კარგი სიახლე ისაა, რომ ამასთან დასაპირისპირებლად დიდი ძალა გაქვთ. დიდი ალბათობაა იმისა, რომ საკუთარი ინტერესების დაცვა მოგიწიოთ, მონაწილეობა მიიღოთ კამათსი ან, სულაც, გარშემომყოფების თავდასხმები მოიგერიოთ. ეს რომ არ მოხდეს, ასტროლოგები გირჩევენ, არ გაცხარდეთ, მშვიდად მოძებნოთ საჭირო არგუმენტები. თუ ემოციებს გასაქანს მისცემთ, მაშინ ნებისმიერი სიტუაციიდან შეიძლება მოძებნო გამოსავალი: კარი წარწერით „გასასვლელი“.

მორიელი: დღეს სასიამოვნო მოვლენებით, სიახლეებითა და სიურპრიზებით სავსე დღე გელოდებათ, მაგრამ პარადოქსი ისაა, რომ ამის სათანადოდ შეფასებას, დიდი ალბათობით, ვერ შეძლებთ. არ არის გამორიცხული, რომ, პირიქით, ყოველგვარი საფუძვლის გარეშე აპათია დაგეუფლოთ, უკმაყოფილო იყოთ. შესაძლოა, ამის მიზეზი ისაა, რომ ბოლო დროს თქვენს ცხოვრებაში ბევრი რამ მოხდა, ხოლო ემოციები „დაახშეთ“. ან, იქნებ, უბრალოდ, დაიღალეთ? სჯობს, პოზიტიურ განწყობაზე გადაერთოთ და სიხარულით შეხვდეთ ცხოვრების მიერ მომზადებულ საჩუქრებს.

მშვილდოსანი: დღეს თქვენში უსაზღვრო ორგანიზატორული უნარები გაიღვიძებს. ადამიანები და მათ შორის, ხელმძღვანელობა, საპასუხისმგებლო საქმეებს განდობენ. სახლშიც კი რამეს მოიფიქრებთ, რომ არავინ მოიწყინოს. ნუ შეხედავთ ეჭვით, თუ ვინმემ ქათინაური გითხრათ. უბრალოდ, დატკბით სასიამოვნო ყურადღებით. ისე კი, არ გაწყენდათ რამდენიმე გაკვეთილი იმის შესახებ, თუ როგორ უნდა მიიღოთ კომპლიმენტი. მაშ ასე, გაკვეთილი პირველი: უბრალოდ, გაიღიმეთ და თავი დაუკარით.

თხის რქა: დღეს არ ღირს გეგმების განხორციელებაზე ფიქრიც კი, განსაკუთრებით ისეთზე, რომელზეც ბევრი რამაა დამოკიდებული. წინააღმდეგ შემთხვევაში მზად იყავით, რომ ეს საქმე შუა გზაზე გაჩერდება, ან საერთოდ ჩავარდება. დღეს ნავსაყუდელს ცხოვრების კარგად ნაცობ ასპექტებში ნახავთ. თუ დღევანდელ გზას გაჰყვებით, ნელა, მაგრამ აუცილებლად მიაღწევთ დანიშნულების ადგილს. ასე რომ, არ ღირს აჩქარება და ყველაფრის წყალში გადაყრა.

მერწყული: დღეს რაღაცის გამოსწორების შანსი მოგეცემათ. საქმე შეიძლება ეხებოდეს დიდი ხნის წინ დაწყებულ პრობლემებს, ან მოულოდნელ მოვლენას, რომელიც სწორ კალაპოტში უნდა მიმართოთ. თუნდაც ყველაფერი თქვენ წინააღმდეგ წავიდეს, ვარსკვლავები ამბობენ, რომ მაინც შეძლებთ აქედან პლუსების პოვნასა და სარგებლის მიღებას. პესიმისტი თითოეულ შესაძლებლობაში საშიშროებას ხედავს, ხოლო ოპტიმისტი – თითოეულ საშიშროებაში – შესაძლებლობას.

თევზები: დღეს ფინანსებს უნდა მიხედოთ. ამ დღეს არ მოგაკლდებათ ლოგიკურად აზროვნების უნარი და ყურადღება, რისი წყალობითაც შეძლებთ ბიუჯეტის დაგეგმვას ან გათვლებში არსებული ხარვეზების გამოსწორებას. ანალიტიკური უნარი გიკარნახებთ, სად სჯობს ფულის ჩადება და როგორ უნდა გაზარდოთ შემოსავლები. გამოიყენეთ დღევანდელი დღე იმისთვის, რომ შესაძლებელია ფულთან დაკავშირებული ნებისმიერი გეგმის განხორციელება, თანაც – წარმატებით.

0