ყარაბაღის თავდაცვის ძალების არტილერია

ყარაბაღის კონფლიქტი და უპილოტო საფრენი აპარატების გამოყენების „სირიული“ გამოცდილება

126
(განახლებულია 13:56 01.10.2020)
საბრძოლო მოქმედებები მთიან ყარაბაღში კონფლიქტის მხარეთა შეიარაღების შესამჩნევად გაზრდილ ტექნოლოგიურ დონეს აჩვენებს.

აზერბაიჯანისა და სომხეთის ჯარები აქტიურად იყენებენ მზვერავ და დამრტყმელ უპილოტო საფრენ აპარატებს „სირიული“ გამოცდილების გათვალისწინებით. ეს კანონზომიერად იწვევს ცოცხალი ძალისა და ტექნიკის დანაკარგის ზრდას.

ახლო წარსულის ანალოგიური მოვლენებისგან განსხვავებით, მთიან ყარაბაღში მძიმე შეიარაღების გამოყენებით მიმდინარე საბრძოლო მოქმედებებს თან ახლავს ვიდეოტრანსლაცია ბრძოლის ველიდან, რომელსაც აზერბაიჯანისა და სომხეთის მზვერავი და დამრტყმელი უპილოტო საფრენი აპარატები გადმოსცემენ.

სომხეთის სამხედრო უწყების მონაცემებით, აზერბაიჯანის ჯარმა 29 სექტემბერს საავიაციო დარტყმა მიაყენა სომხეთის ტერიტორიაზე ქალაქ ვარდენისის რაიონში განთავსებულ სამხედრო ნაწილს თურქული წარმოების უპილოტო აპარატის გამოყენებით. ცოტა ხნით ადრე აზერბაიჯანის თავდაცვის სამინისტრომ განაცხადა, რომ სომხეთის შეიარაღებულმა ძალებმა ყარაბაღში გამყოფ ზოლზე დასახლებული პუნქტები დაცხრილეს.

გრძელდება პოზიციური ბრძოლები, მოწინააღმდეგეები წერტილოვან დარტყმებს ახორციელებენ. შედარებით თავშეკავებულ საბრძოლო მოქმედებებზე ირიბად მეტყველებს კონფლიქტის ზონიდან ლტოლვილთა შესამჩნევი ნაკადის არარსებობა.

ცხელი ცა

ამ მომენტისთვის ექსპერტებს ორიენტირება შეუძლიათ მხოლოდ აზერბაიჯანისა და სომხეთის სამხედრო უწყებების ოფიციალურ ინფორმაციაზე დაყრდნობით. ყარაბაღის ძალებმა თითქოსდა უკვე 49 აზერბაიჯანული უპილოტო საფრენი აპარატი ჩამოაგდეს. სომხურმა მხარემ კი, თავის მხრივ, 18 უპილოტო საფრენი აპარატი დაკარგა. ვფიქრობ, ციფრები ძალიან გაბერილია. შესადარებლად, გასულ ათწლეულში მთიან ყარაბაღში სულ დაახლოებით ოცამდე აზერბაიჯანული და სომხური უპილოტო საფრენი აპარატი განადგურდა. და, მაინც, უპილოტოების ომი რეგიონში – რეალობაა. სირიის გამოცდილება კი ცხადყოფს, რომ თანამედროვე შეიარაღებულ კონფლიქტებში უპილოტო კომპლექსების მნიშვნელობა მუდმივად იზრდება.

ახლო მომავალში საბრძოლო მოქმედებების სტრატეგიისა და ტაქტიკის განმსაზღვრელი დიდწილად იქნება ხელოვნური ინტელექტით, დასაზვერი და დამრტყმელი მოწყობილობით აღჭურვილი ავტონომიური საფრენი აპარატების გამოყენების ტექნიკა. ისინი მიზანს ასობით და ათასობით კილომეტრის მანძილზე „მიწვდებიან“. დღესაც უპილოტო საფრენი აპარატები ოცდაოთხი საათის განმავლობაში აკონტროლებენ საბრძოლო მოქმედებების მთელ ზონას.

ყარაბაღის დაპირისპირებაში ბაქო იყენებს მხოლოდ ისრაელში წარმოებულ უპილოტო აპარატებს - Aerostar, Hermes, Heron და Harop, რომელთა ტვირთამწეობა 50 კგ-ს აღწევს, მოქმედების სიშორე კი 250 კმ-ს. ასეთი აპარატების გამოყენება შეიძლება დასაზვერად, ცეცხლის კორექტირებისთვის და მოწინააღმდეგის ცოცხალ ძალასთან და მსუბუქჯავშნიან ტექნიკასთან ბრძოლისთვის მართული საბრძოლო იარაღის სახით. უპილოტო აპარატი საკმაოდ ძვირია და ამავე დროს კარგად შესამჩნევი ჰაერსაწინააღმდეგო თავდაცვის საშუალებებისთვის. მაგალითად, Hermes 20 მილიონ დოლარამდე ღირს, თუმცა მისი ჩამოგდება შეიძლება ფრენის პროცესში, როდესაც გეზი სამიზნისკენ აქვს აღებული. ხარჯის ოპტიმიზაციისთვის აზერბაიჯანმა მოიპოვა საბრძოლო იარაღის – „ზარბის“ წარმოების ლიცენზია.

ერევანი, არასაკმარისი სახსრების გამო, ეყრდნობა საკუთარი თავდაცვითი მრეწველობის შესაძლებლობებს. სომხეთი აწარმოებს და იყენებს „კრუნკის“ ტიპის (ტვირთამწეობა – 20 კგ, მანძილი – 150 კმ) მსუბუქ უპილოტო მზვერავ და დამრტყმელ, მცირე ზომის უპილოტო საფრენ აპარატებს – „ბაზეს“, რომლებიც არც ისე ძვირია და ეფექტურია მთიან ადგილებში. სომხეთის ჯარის უპილოტო აპარატების 95% სამამულო წარმოებისაა.

სამხრეთ კავკასია ცხელ ადგილად რჩება მტკიცე მშვიდობისთვის და ძალიან პატარაა მაღალტექნოლოგიური იარაღისთვის. მაგრამ ბრძოლის ველზე რომელიმე მხარის ტოტალური დომინირება ჯერ არ იკვეთება.

რედაქცია შესაძლოა არ ეთანხმებოდეს ავტორის მოსაზრებებს

126
თემები:
ესკალაცია ყარაბაღში 2020 (90)
წინასაარჩევნო კამპანია

ვინ გაიმარჯვებს არჩევნებში? მასშტაბური კვლევის შედეგები

90
(განახლებულია 21:38 19.10.2020)
მასშტაბური კვლევა, რომელმაც 9 ათასი ადამიანი მოიცვა, საქართველოს საპარლამენტო არჩევნებამდე ერთი თვით ადრე ჩატარდა.

თბილისი, 19 ოქტომბერი - Sputnik. საპარლამენტო არჩევნებამდე ორი კვირით ადრე გამოქვეყნდა ტელეკომპანია „რუსთავი 2“-ის დაკვეთით ბრიტანული კვლევითი კომპანია Survation-ის მიერ ჩატარებული მორიგი კვლევის შედეგები.

ელისაშვილი არჩევნების ორ დღეში ჩატარების ინიციატივით გამოდის >>

გამოკითხვაში, რომელიც 12-დან 29 სექტემბრამდე ჩატარდა, მონაწილეობა მიიღო 9 ათასზე მეტმა ამომრჩეველმა. კვლევის ცდომილება, კომპანია Survation-ის მტკიცებით, მინიმალურია და 1,3%-ს არ აღემატება.

როგორც წესი, მსგავს გამოკითხვებში საქართველოში დაახლოებით 2 ათასი რესპონდენტი მონაწილეობს ხოლმე.

გამოკითხვის შედეგების თანახმად, მმართველი პარტია „ქართული ოცნება - დემოკრატიული საქართველო“ დამაჯერებლად უსწრებს სხვა პარტიებს და მას ქვეყნის მოსახლეობის ნახევარზე მეტი – 55,6% უჭერს მხარს. მეორე ადგილზე რეიტინგში ყოფილი მმართველი პარტია „ერთიანი ნაციონალური მოძრაობაა“ 19,8%-ით. მესამეზე კი - ოპოზიციური საპარლამენტო პარტია „ევროპული საქართველო“ 5,2%-ით.

ხმები პარტიებს შორის შემდეგნაირად გადანაწილდა:

  • „ქართული ოცნება“ - 55,6%
  • „ერთიანი ნაციონალური მოძრაობა“ - 19,8%
  • „ევროპული საქართველო“ - 5,2%
  • „გიორგი ვაშაძე - სტრატეგია აღმაშენებელი“ - 5,1%
  • „პატრიოტთა ალიანსი“ - 3,8%
  • „ლელო“ - 3,1%
  • ლეიბორისტული პარტია - 2,7%
  • „გირჩი“ - 2,1%
  • „ერთიანი საქართველო“ - 1,1%
  • „თავისუფალი დემოკრატები“ - 0,2%
  • სხვა პარტიები - 1,3%

ეს კომპანია მმართველ პარტიას ყველაზე მაღალ რიცხვებს უწერს ხოლმე. სხვა გამოკითხვების მიხედვით „ქართული ოცნების“ რეიტინგი 35-45%-ის ფარგლებში მერყეობს. თავად „ოცნება“ ირწმუნება, რომ არჩევნებში ამომრჩეველთა ხმების არანაკლებ 60%-ს მიიღებს.

მეტი დამაჯერებლობისთვის რესპონდენტებს დაუსვეს დასაზუსტებელი კითხვა: „რამდენად დარწმუნებული ხართ, რომ სწორედ თქვენ მიერ დასახელებულ პარტიას დაუჭერთ მხარს, თუ საპარლამენტო არჩევნები დღეს ჩატარდება“. პასუხები შემდეგნაირად გადანაწილდა:

  • სრულიად დარწმუნებულია – 68%
  • მეტ-ნაკლებად დარწმუნებულია – 24%
  • მხოლოდ უმნიშვნელოდაა დარწმუნებული – 4%
  • ბოლომდე არ არის დარწმუნებული – 4%

გამოკითხვის შედეგების თანახმად, მოახლოებულ საპარლამენტო არჩევნებში მონაწილეობის მიღებას რესპონდენტების 72% გეგმავს. კიდევ 13% „ალბათ“ წავა არჩევნებზე, 11% კი ირჩევს "50/50" ვარიანტს. არ მიდის არჩევნებზე 4%.

რეაქციები

გამოკითხვის შედეგები ოპოზიციისთვის მიუღებელი აღმოჩნდა. ისინი დარწმუნებული არიან, რომ საპარლამენტო არჩევნები რადიკალურად განსხვავებულ შედეგებს აჩვენებს.

„Survation-ის კვლევებს აქვს კატასტროფული პრობლემა მეთოდოლოგიაში. „ქართული ოცნება" 35-37%-ზე მეტს ვერ აიღებს, ამის გარანტიას ვაძლევ. კიდევ ერთხელ ვამბობ, მთავარია აქტივობა. არავინ არ უნდა მოვეშვათ, ყველა ოპოზიციური ამომრჩეველი უნდა მოვიდეს. ქვეყანაში არის უმძიმესი მდგომარეობა და ამ უმძიმესი ვითარების შეცვლა შეუძლია მხოლოდ და მხოლოდ ხელისუფლების ცვლილებას და პროფესიონალთა ახალი გუნდის მოსვლას ხელისუფლებაში“, – განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

თავის მხრივ, მმართველ პარტიაში გამოკითხვის შედეგებს ენდობიან.

„ეს კვლევები „ქართული ოცნების" შემთხვევაში არის რეალობასთან ახლოს. საზოგადოებასთან ჩვენ ურთიერთობა გვქონდა საკმაოდ მჭიდრო. შესაბამისად, სრულიად კანონზომიერი და ბუნებრივია, რომ დღეს ჩვენი პოლიტიკური ორგანიზაცია სარგებლობდეს ასეთი მაღალი რეიტინგით“, – განაცხადა საპარლამენტო უმრავლესობის დეპუტატმა გურამ მაჭარაშვილმა.

ეგზიტპოლები

ავტორიტეტული ბრიტანული კომპანია Survation თანამშრომლობს წამყვან მედიაბრენდებთან, როგორებიცაა BBC და Guardian. საპარლამენტო არჩევნების დღეს Survation და ტელეკომპანია „რუსთავი 2“ ეგზიტპოლების შედეგებს გამოაქვეყნებენ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

 

90
თემები:
საქართველოს საპარლამენტო არჩევნები 2020
პარტიების წინასაარჩევნო სიმბოლიკა

შეხვედრები, კანდიდატები, გამოკითხვები, ანგარიშები - საქართველოს პოლიტიკური კვირის შედეგები

81
არჩევნებამდე რამდენიმე კვირით ადრე კორონავირუსის პანდემიამ მნიშვნელოვნად იმოქმედა წინასაარჩევნო კამპანიაზე და ფაქტობრივად პოლიტიკური ბრძოლის გრადუსი მინიმუმამდე დაწია

ბოლო ორი კვირა საკმაოდ მშვიდი გამოდგა, რამდენიმე დაპირისპირების მიუხედავად, და პარტიების კონკურენცია განცხადებებსა და ადგილებზე აგიტაციაში გამოიხატა.

საპარლამენტო არჩევნები 31 ოქტომბერს გაიმართება.

შეხვედრები, შეხვედრები, შეხვედრები

ამ კვირაში პარტიების წარმომადგენლები მთლიანად გადაეშვნენ ამომრჩევლებთან შეხვედრებში.

მმართველი პარტია „ქართული ოცნება - დემოკრატიული საქართველო“ საზეიმო ვითარებაში წარმოადგენდა თავის კანდიდატებს, „ევროპული საქართველო“ მშვიდად იკრიბებოდა რეგიონებში და ეცნობოდა პრობლემებს, „გირჩმა“ კი შეხვედრებისთვის ბარები და რესტორნები აირჩია.

„ოცნების“ შეხვედრები მარტვილში:

„ევროპული საქართველოს“ შეხვედრა:

პარტიებმა „სამართლიანობისთვის“, „მოქალაქეები“, „სტრატეგია აღმაშენებელი“, „ერთიანი საქართველო“ დეპუტატების კანდიდატების სიები წარადგინეს.

კვირის კანდიდატი

კვირის კანდიდატი გახდა ბანკირი მამუკა ხაზარაძე, რომელმაც განაცხადა, რომ მისი პარტიის „ლელო საქართველოსთვის“ გამარჯვების შემთხვევაში ის პრემიერ-მინისტრი გახდება.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა >>

„ლელომ“ ასევე პარტიის წინასაარჩევნო პროგრამის მიმართულებების მიხედვით მომავალი მინისტრების ვინაობებიც დაასახელა.

კვირის მიტინგი

ყველაზე განსახილველი თემა გახდა „ძალა ერთობაშიას“ ბლოკის მიტინგი, რომლის სათავეში დგას ყოფილი მმართველი პარტია „ერთიანი ნაციონალური მოძრაობა“.

ბათუმში რამდენიმე ათასი ადამიანი შეიკრიბა, რათა გაცნობოდნენ ბლოკის კანდიდატებს და პრემიერ-მინისტრობის კანდიდატისთვის, მიხეილ სააკაშვილისთვის მოესმინათ. და ეს ყველაფერი ხდებოდა კორონავირუსის პანდემიის ფონზე, რომლის ერთ-ერთი ეპიცენტრია სწორედ ბათუმი და მთლიანად აჭარა.

ახლა ყველა განიხილავს, შეიძლებოდა თუ არა მიტინგის ჩატარება.

ინციდენტები

წინასაარჩევნო კვირას ინციდენტების გარეშე არ ჩაუვლია. ქვეყნის სხვადასხვა წერტილში მოხდა ერთბაშად სამი შეტაკება, რა დროსაც დაშავდნენ „ლელოს“, „ქართული ოცნების“ და „ევროპული საქართველოს“ წარმომადგენლები.

სამივე შემთხვევაში შსს-მ სისხლის სამართლის საქმე აღძრა და დამნაშავეებიც დაადგინა.

წინასაარჩევნო საქმეები

სანამ პარტიები წინასაარჩევნო კამპანიით იყვნენ დაკავებულები, ცესკომ კენჭისყრის დღის უსაფრთხოებაზე იზრუნა. მასსა ადა შსს-ს შორის უკვე გაფორმდა მემორანდუმი იმის შესახებ, რომ პოლიცია 31 ოქტომბერს სიმშვიდის შენარჩუნებაზე იზრუნებს.

ცესკომ სხვადასხვა მიზეზების გამო პარტიების სიაც შეკვეცა. ახლა წინასაარჩევნო რბოლას აგრძელებს 48 პარტია და ორი ბლოკი, რომლებიც პარლამენტში ადგილებისთვის ბრძოლას ჯერჯერობით აგრძელებენ.

არჩევნები უსაფრთხო პირობებში: ცესკომ ახალი წესები დაადგინა >>

არ დავიწყებია ცესკოს უცხოეთში მყოფი თანამემამულეებიც. უკვე ცნობილია, რომ საარჩევნო უბნები 38 ქვეყანაში გაიხსნება.

უცხოური საქმეები

სანამ ქვეყნის შიგნით აგიტაცია მიმდინარეობს, „ძალა ერთობაშიას“ პრემიერობის კანდიდატმა მიხეილ სააკაშვილმა გადაწყვიტა დაკავდეს აგიტაციით ემიგრანტებს შორის და გაემგზავრა საბერძნეთში, სადაც საარჩევნო უბნების ყველაზე დიდი რაოდენობა გაიხსნება.

თუმცა უცხოეთში ამომრჩევლებთან შეხვედრას მშვიდად არ ჩაუვლია, სააკაშვილს სამი უცნობი პირი დაესხა თავს. თუმცა საქართველოს ექს-პრეზიდენტს ვერ მიწვდნენ და შეხვედრა მაინც შედგა.

რას ამბობენ დამკვირვებლები

გასულ კვირაში თავისი ანგარიშები წარადგინეს ერთბაშად რამდენიმე ადგილობრივმა ორგანიზაციამ, რომელიც არჩევნებს აკვირდება.

საპარლამენტო არჩევნებს დამკვირვებელთა რეკორდული რაოდენობა მიადევნებს თვალს >>

ამ ანგარიშების თანახმად, საქართველოში წინასაარჩევნო კამპანია მთლიანობაში მშვიდად მიმდინარეობს, თუმცა დარღვევები არის. ყველაზე ხშირი დარღვევებია ადმინისტრაციული რესურსების გამოყენება და ზეწოლა ამომრჩევლებზე.

რას ამბობენ რეიტინგები

განვლილ კვირაში გამოქვეყნდა პარტიების რეიტინგი, რომელიც „ტვ პირველის“ დაკვეთით კომპანია Edison Research-მა შეადგინა.

ამ გამოკითხვის მიხედვით, ლიდერობას ინარჩუნებს მმართველი პარტია „ქართული ოცნება“, თუმცა მხოლოდ 36%-იანი მხარდაჭერით, დანარჩენი პროცენტები გადაინაწილეს ოპოზიციურმა პარტიებმა, ამასთან ყოფილ მმართველ „ერთიან ნაციონალურ მოძრაობას“ სულ 17% აქვს.

მესამე ადგილზე რჩება „ევროპული საქართველო“ – 5%. შემდეგ მოდის „გიორგი ვაშაძე - სტრატეგის აღმაშენებელი“ – 4%, „ლეიბორისტული პარტია“ – 3%, „საქართველოს პატრიოტთა ალიანსი“ – 3%, „გირჩი“ – 2%, „ლელო საქართველოსთვის“ – 2%, „მოქალაქეები - ალეკო ელისაშვილი“ – 1%მ „ნინო ბურჯანაძე - ერთიანი საქართველო“ – 1%, „გამარჯვებული საქართველო - ირაკლი ოქრუაშვილი“ – 1%.

81
თემები:
საქართველოს საპარლამენტო არჩევნები 2020
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0