რუსული ვაქცინა

მიმოხილვა: კორონავირუსის რუსული ვაქცინის კრიტიკოსებმა საკუთარ თვალში უნდა მოძებნონ დირე

65
(განახლებულია 19:06 07.09.2020)
გამალეის ცენტრის მიერ კორონავირუსის საწინააღმდეგო ვაქცინის კლინიკური კვლევების დაწყების დღიდან რუსეთი ხედავდა მრავალი ქვეყნის დაინტერესებასა და იმედს და უკვე მიიღო განაცხადები ვაქცინის ერთი მილიარდი დოზის დამზადებაზე

ამის მიუხედავად, იგი ისმენს გაუთავებელ კრიტიკასა და კითხვებს დასავლეთის არაერთი სახელმწიფოსა თუ კომპანიის მხრიდან, განსაკუთრებით მათგან, ვინც თავად მუშაობს ვაქცინის შექმნაზე, დაფუძნებულზე ისეთ ტექნოლოგიებზე, რომელთა უსაფრთხოება და ეფექტურობა ჯერ კიდევ დასამტკიცებელია. კერძოდ, ასეთ ტექნოლოგიებს განეკუთვნება ი-რნმ-ის და მაიმუნების ადენოვირუსული ვექტორების პლატფორმები. სამედიცინო ჟურნალ The Lancet-ში ვაქცინა „სპუტნიკ V“-ის კლინიკური კვლევების პირველი და მეორე ფაზების შედეგების გამოქვეყნების შემდეგ საჭიროა ამ კითხვებზე პასუხების გაცემა და საკუთარი კითხვების დასმა.

კითხვა 1. საკუთარი ვაქცინა მოიპარეთ?

არა, არ მოგვიპარავს. ვაქცინაში გამოყენებულია ადამიანის ორი ადენოვირუსული ვექტორის უნიკალური ტექნოლოგია, რომელსაც კორონავირუსული ინფექციის პროფილაქტიკისთვის მსოფლიოში სხვა არავინ იყენებს. ვექტორები - არის გენმოდიფიცირებული ვირუსები, რომელთაც არ გააჩნიათ გამრავლების უნარი და შეიცავენ კორონავირუსის გარეთა გარსის გენეტიკურ მასალას. ტექნოლოგიაში გამოყენებულია ადამიანის ორი - მე-5 და 26-ე სეროტიპის - განსხვავებული ადენოვირუსული ვექტორი პირველი და მეორე ინექციისთვის. ეს ტექნოლოგია ადენოვირუსების მიმართ იმუნიტეტის გადალახვის შესაძლებლობას იძლევა. კორონავირუსის საწინააღმდეგო ვაქცინაციისთვის რუსეთმა წარმატებით განახორციელა უკვე არსებული ორვექტორიანი პლატფორმის მოდიფიკაცია, რომელიც 2015 წელს ებოლას სამკურნალოდ შეიმუშავა. ამ პლატფორმამ კლინიკური კვლევების ყველა სტადია გაიარა და 2017 წელს აფრიკაში ებოლას ციების ეპიდემიის დამარცხებას შეუწყო ხელი.

ნათელია, რომ ამ საკითხის ირგვლივ თავდაპირველი აურზაური, უსაფუძვლო კრიტიკის გამო, მალევე ჩაცხრა რუსეთის ყველაზე მკაცრი კრიტიკოსების მხრიდანაც კი. თუმცა, ვფიქრობთ, ამ მომენტზე, როგორც რუსული ვაქცინისთვის ჩირქის მოცხების მცდელობაზე (ჯერ კიდევ მის რეგისტრაციამდე), ყურადღების გამახვილება მნიშვნელოვანია.

კითხვა 2. როდის გამოქვეყნდება კლინიკური კვლევების I-II ფაზების შედეგები?

ეს მონაცემები The Lancet-ში - მსოფლიოს ერთ-ერთ ყველაზე ძველ და საპატივსაცემო სამედიცინო ჟურნალში - საექსპერტო შეფასების პროცესის გავლის შემდეგ, 4 სექტემბერს გამოქვეყნდა. ეს არის დასაწყისი ვაქცინის შესახებ პუბლიკაციების მთელი სერიისა. ქვემოთ მითითებულია ყველაზე მნიშვნელოვანი ფაქტები, რომლებზეც სტატიაშია საუბარი.

1.  ვაქცინის კლინიკური კვლევების I-II ფაზების შედეგად არ გამოვლენილა სერიოზული არასასურველი ჩვენებები (СНЯ, Grade 3) არცერთი კრიტერიუმის მიხედვით, მაშინ როცა სხვა კანდიდატი ვაქცინების სერიოზული არასასურველი ჩვენებების დონე ერთიდან 25 პროცენტამდე მერყეობს.

2.  კლინიკური კვლევების მონაწილეთა 100 პროცენტს ვაქცინამ „სპუტნიკ V „-მ ჩამოუყალიბა მტკიცე და ჰუმორალური, ასევე უჯრედული იმუნური პასუხი. ამასთან, ვირუსის გამანეიტრალებელი ანტისხეულების დონემ მოხალისეებში 1,5-ჯერ გადააჭარბა ანტისხეულების დონეს იმ ადამიანების ორგანიზმში, რომლებმაც გადაიტანეს კორონავირუსული ინფექცია. შესადარებლად: ბრიტანეთის ფარმაცევტული კომპანია AstraZeneca-ს მიერ აცრილ მოხალისეებს ანტისხეულების დონე დაახლოებით ისეთივე აღმოაჩნდათ, როგორიც კორონავირუსის ინფექციაგადატანილ პაციენტებს. უნდა აღინიშნოს ასევე, რომ კლინიკური კვლევების ფარგლებში ყველა მოხალისეს ჩამოუყალიბდა Т-უჯრედული იმუნიტეტი, წარმოდგენილი როგორც CD4+, ისე CD8+ უჯრედებით. ეს უჯრედები უზრუნველყოფენ SARS-CoV-2-ით დაავადებული უჯრედების ამოცნობასა და განადგურებას და ქმნიან გრძელვადიანი იმუნიტეტის საფუძველს.

3.  გამალეის სახ. ეპიდემიოლოგიური კვლევითი ცენტრის სპეციალისტებმა შეძლეს ადამიანის ადენოვირუსული ვექტორების პლატფორმის გამოყენების ეფექტურობის დამტკიცება, მიუხედავად ეჭვისა, რომ აცრილებს ადამიანის ადენოვირუსებისადმი იმუნიტეტი აღმოაჩნდებოდათ.  შეირჩა ისეთი უსაფრთხო ოპტიმალური დოზა, რომელიც აცრილთა 100 პროცენტში ეფექტური იმუნური პასუხის მიღწევის შესაძლებლობას იძლევა. ადენოვირუსული ინფექციების მიმართ იმუნიტეტთან დაკავშირებული ეჭვი იყო ერთ-ერთი მთავარი მიზეზი ალტერნატიული მეთოდების გამოჩენისა, როგორიცაა პლატფორმა მაიმუნის ადენოვირუსის ვექტორის ან ი-რნმ-ის საფუძველზე, რომლებიც არ შესწავლილა და არ შემოწმებულა მრავალი წლის განმავლობაში. „სპუტნიკ V“-ის დამტკიცებული ეფექტურობა ამცირებს ამ პლატფორმების საფუძველზე, უსაფრთხოების ხარჯზე, ვაქცინის დაჩქარებული შემუშავების აუცილებლობას.

4. ადამიანის ადენოვირუსის საფუძველზე მე-5 და 26-ე სეროტიპების ორი სხვადასხვა ვექტორის გამოყენების წყალობით ორი აცრის შედეგად შესაძლებელია უფრო ეფექტური იმუნური პასუხის მიღწევა. ორი აცრისთვის ერთი და იმავე ვექტორის გამოყენების შემთხვევაში, იმუნური სისტემა აამუშავებს დაცვის მექანიზმებს და იწყებს პრეპარატის უარყოფას მეორე ჩხვლეტისას. ამგვარად, ორი სხვადასხვა ვექტორის გამოყენება „სპუტნიკ V“ ვაქცინაში ხელს უწყობს შესაძლო გამანეიტრალებელი ეფექტის თავიდან აცილებას და ქმნის უფრო ძლიერ და ხანგრძლივ იმუნიტეტს.

კითხვა 3. მეტისმეტად ცოტა მოხალისე ხომ არ მონაწილეობდა კლინიკური კვლევების პირველ და მეორე ფაზებში?

ზედაპირული შეფასებისას შეიძლება ვინმეს მოეჩვენოს, რომ „სპუტნიკ V“ ვაქცინის გამოცდა 76 მოხალისეზე უფრო მოკრძალებული იყო, ვიდრე, მაგალითად, კომპანია AstraZeneca-ს ვაქცინის გამოცდა 1077 ადამიანზე. ამის მიუხედავად, „სპუტნიკ V“-ის გამოცდა იყო უფრო ეფექტური და ეფუძნებოდა სწორ სამეცნიერო გათვლებს. თავდაპირველად, ცდების ჩატარებისას, AstraZeneca მხოლოდ ერთი ჩხვლეტით შემოიფარგლებოდა, რაც მცდარი გათვლა აღმოჩნდა, ვინაიდან მხოლოდ ორი ჩხვლეტის მოდელი იძლევა გრძელვადიანი იმუნიტეტის ჩამოყალიბების შესაძლებლობას. კომპანიამ თავად აღიარა ეს ცდების შემდეგ. ამ მცდარი გათვლის შედეგად, AstraZeneca-მ ხელახალი ცდები უკვე ორი ნემსით ჩაატარა მხოლოდ 10 კაცზე. ამგვარად, იმ ადამიანების საერთო რაოდენობამ, რომელთაც პირველი და მეორე ფაზების ფარგლებში ვაქცინა „სპუტნიკ V“ ორჯერ შეუყვანეს, გადააჭარბა იმ ადამიანების რაოდენობას, რომელთაც AstraZeneca-ს ვაქცინის ორი ნემსი გაუკეთეს. მასმედიის დიდმა ნაწილმა ამ მომენტს სრული იგნორირება გაუწია.

კითხვა 4. ჩატარდება თუ არა კლინიკური კვლევები მოხალისეთა მეტ რაოდენობაზე?

რეგისტრაციის შემდგომი კლინიკური კვლევები, რომელშიც 40 ათასზე მეტი მოხალისე მონაწილეობს, რუსეთში 26 აგვისტოს დაიწყო, მანამ სანამ AstraZeneca აშშ-ში 30 ათასი მოხალისის მონაწილეობით კლინიკური კვლევების მესამე ფაზას დაიწყებდა. „სპუტნიკ V“-ის კლინიკური კვლევები არაბთა გაერთიანებულ საემიროებში, საუდის არაბეთში, ფილიპინებში, ინდოეთსა და ბრაზილიაში ამ თვეს დაიწყება. მესამე ფაზის კლინიკური კვლევების შედეგები 2020 წლის ოქტომბერ-ნოემბერში გამოქვეყნდება.

კითხვა 5. რატომ დარეგისტრირდა ვაქცინა „სპუტნიკ V“ დაჩქარებული წესით?

დაჩქარებული წესით რეგისტრაცია გამოწვეული იყო კლინიკური კვლევების პირველი და მეორე ფაზების დადებითი შედეგებით და იმით, რომ ადამიანის ადენოვირუსული ვექტორების საფუძველზე შემუშავებული პლატფორმა მსოფლიოში ათწლეულების განმავლობაში ჩატარებული კვლევებით დადასტურებული ყველაზე უსაფრთხო პლატფორმაა. ამ თემაზე სამეცნიერო სამედიცინო ჟურნალებში 75 პუბლიკაციაა გამოქვეყნებული და 250-ზე მეტი კლინიკური კვლევაა ჩატარებული.

მეცნიერებმა ადამიანის ადენოვირუსის ბაზაზე 1953 წლიდან მთელ მსოფლიოში მიმდინარე კვლევების საფუძველზე წარმოადგინეს ვაქცინისა და წამლების უსაფრთხოების დამაჯერებელი მონაცემები. მონაცემთა თანახმად, 1971 წლიდან აშშ-ის ჯარის ათ მილიონზე მეტი სამხედრო მოსამსახურე აიცრა ვაქცინებით, რომლებიც ადამიანის ადენოვირუსის საფუძველზე მზადდება. კიბოს სამკურნალო პრეპარატ Gendicine-ით, რომელიც ეფუძნება ადამიანის ადენოვირუსულ ვექტორებს, ჩინეთში 15 წლის განმავლობაში უმკურნალეს 30 ათასზე მეტ პაციენტს. ადამიანის ადენოვირუსული ვექტორების ტექნოლოგიის საფუძველზე დამზადებული ვაქცინების კლინიკურ კვლევებში (იმავე ვექტორების გამოყენებით, რომლებიც „სპუტნიკ V“-შია გამოყენებული) მთელ მსოფლიოში 25 ათასზე მეტმა ადამიანმა მიიღო მონაწილეობა. 2015 წლიდან სამი ათასამდე ადამიანი აიცრა ებოლას ციებასა და ახლო აღმოსავლურ რესპირატორულ სინდრომზე (MERS) ვაქცინებით, რომლებიც გამალეის სახ. ეპიდემიოლოგიურ კვლევით ცენტრში ადამიანის ადენოვირუსული ვექტორის საფუძველზე შეიქმნა.

ვაქცინა დარეგისტრირდა რუსეთში, რადგან მას საფუძვლად უდევს ადამიანის ადენოვირუსული ვექტორების პლატფორმა, რომელმაც თავისი უსაფრთხოება და  ეფექტურობა დიდი ხნის წინ დაამტკიცა. ვაქცინა „სპუტნიკ V“-ის რეგისტრაციის შემდეგ სხვა ქვეყნებმაც გამოაცხადეს, რომ აპირებდნენ რუსეთის მაგალითისთვის მიებაძათ და თავიანთი ვაქცინები დაჩქარებული წესით დაერეგისტრირებინათ. კომპანია Sinovac Biotech-ის ვაქცინამ მოწონება დაიმსახურა მიდგომით, რომელიც რუსულს ჰგავს. დიდი ბრიტანეთის მთავრობამ და აშშ-ის საკვები პროდუქტებისა და წამლების ხარისხის კონტროლის სამმართველოს ხელმძღვანელმა სტივენ ჰანმა შეცვალეს თავიანთი პოზიცია და განაცხადეს, რომ მზად არიან განიხილონ ამერიკული და ბრიტანული კომპანიების ვაქცინების დაჩქარებული წესით რეგისტრაციის საკითხი.

კითხვა 6. კიდევ ვინმე თუ იყენებს მსგავს ტექნოლოგიას ვაქცინის დასამზადებლად?

ზოგიერთი სხვა კომპანია იყენებს პლატფორმას ადამიანის ადენოვირუსული ვექტორების საფუძველზე კორონავირუსის საწინააღმდეგო ვაქცინის შესაქმნელად. მაგალითად, კომპანია Johnson & Johnson იყენებს მხოლოდ 26-ე სეროტიპის ვექტორს, ჩინური კომპანია CanSino კი იყენებს მხოლოდ მე-5 სეროტიპის ვექტორს. „სპუტნიკ V“ იყენებს ორივე ვექტორს. Johnson & Johnson-ისა და CanSino-ს მუშაობა ადასტურებს რუსეთის მიდგომის სისწორეს, მაგრამ ამასთანავე აჩვენებს „სპუტნიკ V“-ის უპირატესობას, ვინაიდან კვლევებმა ნათელყო, რომ ორი ვექტორის გამოყენება უკეთეს შედეგს იძლევა, ვიდრე მხოლოდ ერთი ვექტორის გამოყენება.

რუსეთის კითხვები

ზემოთქმულის გათვალისწინებით, რუსეთი, როგორც თვალსაჩინო და აღიარებული ლიდერი ვაქცინის შექმნაში, და ქვეყანა, რომელმაც შექმნა ყველაზე უსაფრთხო და ეფექტური ვაქცინა კორონავირუსის წინააღმდეგ, ასევე ისურვებდა კითხვების დასმას ვაქცინების დასავლელი შემქმნელებისთვის, რომლებიც იყენებენ მაიმუნის ადენოვირუსის ვექტორისა და ი-რნმ-ის საფუძველზე დამზადებულ პლატფორმებს. კრიტიკოსების მისამართით კითხვა ასეთია: „რატომ ეძებთ სხვის თვალში ბეწვს, როდესაც საკუთარ თვალში დირეს ვერ ამჩნევთ?“

კითხვა 1. ჩატარდა თუ არა მაიმუნების ადენოვირუსული ვექტორებისა და ი-რნმ-ის საფუძველზე ტექნოლოგიების ონკოლოგიურ დაავადებათა წარმოქმნისა და ფექრტილობაზე ზეგავლენის რისკების გრძელვადიანი კვლევები“ (მინიშნება - არა)

კითხვა 2. მათი არარსებობა ხომ არ არის მიზეზი იმისა, რომ ზოგიერთი წამყვანი ფარმაცევტული კომპანია, რომელიც ამ ტექნოლოგიების საფუძველზე ვაქცინის შექმნაზე მუშაობს, სახელმწიფოსთან - ამ ვაქცინის შემსყიდველთან - იხილავს შეთანხმების პუნქტებს, რომლებიც სერიოზული არასასურველი ეფექტების წარმოქმნის შემთხვევაში მათ იურიდიული შედეგებისგან დაიცავს?

კითხვა 3. რატომ არ საუბრობენ დასავლური მედიის წარმომადგენლები მაიმუნის ადენოვირუსული ვექტორისა და ი-რნმ-ის ტექნოლოგიის საფუძველზე დამზადებული ვაქცინის გრძელვადიანი კვლევების არარსებობაზე?

ადამიანის ვაქცინა თუ მაიმუნის ვაქცინა

მაიმუნის ადენოვირუსული ვექტორებისა და ი-რნმ-ის ტექნოლოგიის საფუძველზე ვაქცინა ადრე გამოყენებული არ ყოფილა და არასდროს დაუმსახურებია მარეგულირებლების დადებითი შეფასება. მათი ეფექტურობის კვლევები ჩამორჩება ადამიანის ადენოვირუსული ვექტორების პლატფორმების ანალოგიურ კვლევებს, სულ მცირე, 20 წლით. ამის მიუხედავად, მწარმოებლებმა უკვე დაიბევეს მილიარდობით დოლარის ოდენობის კონტრაქტები დასავლეთის მთავრობებისგან და შეუძლიათ მიმართონ დაჩქარებულ რეგისტრაციას ისე, რომ წინასწარ დაიცვან თავი შესაძლო იურიდიული შედეგებისგან. ი-რნმ-ის ტექნოლოგიის საფუძველზე დამზადებულ ვაქცინას მრავალი ღირსება გააჩნია, რომელმაც მნიშვნელოვანი როლი შეიძლება შეასრულოს მომავალში, მაგრამ გრძელვადიანი უსაფრთხოების მტკიცებულებები ჯერ არ არსებობს.

ფარმაცევტული კომპანიების ზოგიერთი ხელმძღვანელი ამაზე ღიად საუბრობს. კომპანია AstraZeneca-ს მთავარმა მენეჯერმა რუდ დობერმა განაცხადა, რომ „ვითარება არის უნიკალური და ჩვენ, როგორც კომპანიას, უბრალოდ არ შეგვიძლია საკუთარ თავზე რისკების აღება, თუ ვაქცინის გამოყენება ოთხი წლის შემდეგ ნეგატიურ შედეგებს გამოიწვევს. ჩვენს კონტრაქტებში ვითხოვთ პასუხისმგებლობისგან გათავისუფლებას“.  

მიგვაჩნია, რომ აუცილებელია ადამიანებს გავაცნოთ რისკები, რომლებიც თან სდევს ახალი შეუმოწმებელი გადაწყვეტილებების მიღებას, როგორებიცაა პლატფორმები ი-რნმ-ის და მაიმუნის ადენოვირუსული ვექტორის საფუძველზე. ჩვენ ვაფასებთ დასავლური ფარმაცევტული კომპანიების სწრაფვას, უახლოეს მომავალში გამოაქვეყნონ ე.წ. უსაფრთხოების მანიფესტი. ამასთან, ვიმედოვნებთ, რომ ასეთი მანიფესტი შეეხება არა მხოლოდ კლინიკური კვლევების ხანმოკლე შედეგებს, არამედ დაგვარწმუნებს ვაქცინის გამოყენების შემთხვევაში  გრძელვადიან პერსპექტივაში ონკოლოგიური დაავადებების წარმოქმნის რისკისა და ფერტილობაზე ზეგავლენის არარსებობაშიც. ეს ინფორმაცია დაგვეხმარება ადამიანების ჯანმრთელობის დაცვაში და მსოფლიოს გრძელვადიანი გეგმების დაწყობის შესაძლებლობას მისცემს.  

ყველა ვაქცინა თანასწორი არ არის

დასკვნის სახით უნდა აღინიშნოს, რომ პლატფორმები ვაქცინებისთვის განსხვავებულია. „სპუტნიკ V“ აგებულია ყველაზე უსაფრთხო და დამტკიცებულ პლატფორმაზე და რეგისტრირებულია, როგორც გადაუდებელ შემთხვევებში გამოსაყენებელი საშუალება რუსეთის ყველა კანონისა და პროცედურის შესაბამისად. დასავლეთის ზოგიერთი რეგულატორი ასევე იხილავს პრეპარატების დაჩქარებული წესით რეგისტრაციას გადაუდებელი შემთხვევებისთვის, თუმცა ახალი შეუმოწმებელი ტექნოლოგიების საფუძველზე შექმნილი ვაქცინების მიმართ. 

იმედია, რომ რუსული მხარის კითხვები გრძელვადიანი რისკების შესახებ პასუხგაუცემელი არ დარჩება, ისევე როგორც სხვა კითხვები შეუმოწმებელი პლატფორმების საფუძველზე შექმნილ ვაქცინებზე, რომლებიც მომავალში შეიძლება გამოჩნდეს. ასწლეულის ყველაზე ძლიერმა პანდემიამ ყველას გადაწყვეტილების ძიებისკენ უბიძგა. მაგრამ იმედია, რომ რუსული ვაქცინის კრიტიკოსები უსაფრთხოებისა და გამჭვირვალობის ისეთივე მკაცრ სტანდარტებს დაიცავენ, როგორებსაც ისინი რუსული ვაქცინის შეფასებისას იყენებენ. და მაინც - პანდემიასთან საჭიროა ერთიანი ძალებით ბრძოლა, ყოველგვარი მიკერძოების გარეშე და სრული გამჭვირვალობისა და ნდობის პირობებში.

65
თემები:
რუსეთი დღეს (935)
ამერიკელი სამხედროები ბაღდადში

მიმოხილვა: ამერიკელი სამხედროები რუსეთთან ახლოს გადასასვლელად ემზადებიან

15
(განახლებულია 14:32 28.07.2021)
შეერთებული შტატები სულ უფრო შორდება ახლო აღმოსავლეთს. ამერიკელებმა თავისი კონტინგენტი გაიყვანეს ავღანეთიდან, მთავრდება მისია ერაყშიც.

სოფია მელნიჩუკი, ქსენია მელნიკოვა

ოფიციალური პირები ირწმუნებიან, რომ ტერორიზმი დამარცხებულია, მაგრამ ეს სიტყვები შეიძლება მხოლოდ პოლიტიკური საფარველი იყოს. საით გაგზავნია ახლა ამერიკელ ჯარისკაცებს და ელის თუ არა ერაყის მოსახლეობას მშვიდობიანი ცხოვრება, ამის თაობაზე РИА Новости წერს.

მეორედ გასვლა   

„ერაყი ძალიან მნიშვნელოვანია შშ-სთვის ახლო აღმოსავლეთში, ჩვენ ღრმად ვიყავით ჩართულები  მის საქმეებში მთელი ჩემი კარიერის განმავლობაში“, — ამ სიტყვებით დაიწყო ჯო ბაიდენმა შეხევდრა ერაყის პრემიერ მუსტაფა ალ-ქადიმთან თეთრ სახლში.

ამჟამინდელი პრეზიდენტი სენატორი იყო 2003 წელს, როდესაც ამერიკული ჯარები ერაყში შევიდნენ.

პირველად ერაყში სამხედრო მოქმედებების დასრულების თაობაზე თეთრმა სახლმა 2010 წელს განაცხადა. ბაიდენი მაშინ ვიცე-პრეზიდენტი გახლდათ. მაგრამ ოთხი წლის შემდეგ „ისლამური სახელმწიფოს“ წინააღმდეგ ოპერაცია Inherent Resolve („ურყევი სიმტკიცე“) დაიწყო.

ახლა ბაიდენმა ოფიციალურად გამოაცხადა ქვეყანაში საბრძოლო მისიის დასრულება და აღნიშნა, რომ ამერიკის როლი ერაყში ქვეყნის უსაფრთხოების ძალების წვრთნები და მათი დახმარება იქნება.

ბაიდენს სხვა დეტალებზე არ უსაუბრია. ჯურნალისტების შეკითხვასაც კი არ უპასუხა, თუ რა ძალები დარცება ერაყში დეკემბრისთვის. „ეს იმ კონკრეტულ ვითარებაზეა დამოკიდებული, რომელიც იმ დროისთვის იარსებებს“, — დაზუსტებას შეეცადა თეთრი სახლის პრესსპიკერი ჯენ პსაკი.

პენტაგონში აღნიშნეს, რომ შეერთებულმა შტატებმა „ახლო აღმოსავლეთის პრობლემები კი არ უნდა უგულებელყოს, არამეს სხვაგვარად უნდა მიუდგეს მათ გადაჭრას“. ქვეყანაში მცირე რაოდენობით სამხედროს დატოვებენ. მთელი ყურადღება ამიერიდან „რუსულ და ჩინურ საფრთხეებზე“ გადამისამართდება.

ბოლო მონაცემებით, ერაყში 2,5 ათასი ამერიკელი ჯარისკაცი იმყოფება — გასული წლის ბოლოს პრეზიდენტმა დონალდ ტრამპმა უკვე შეამცირა კონტინგენტი. ერთადერთი ამერიკული ბაზა აინ ალ-ასადი ბაღდადიდან 160 კმ-ს დაშორებითაა.

ნარჩენი რისკები

მიუხედავად 2017 წელს გამოცხადებული გამარჯვებისა „ისლამურ სახელმწიფოზე“, ტერაქტები გრძელდება. გასულ კვირაში ისლამისტებმა საკუთარ თავზე აიღეს პასუხისმგებლობა ბაღდადის ერთ-ერთ ბაზართან ავტობუსის აფეთქებაზე, რა დროსაც 30-მდე კაცი დაიღუპა.

ამერიკელები ირანის მიერ მხარდაჭერილ ბოევიკების რაზმებს უტევენ. მარტში აინ ალ-ასადს რაკეტები დაუშინეს. დაღუპა ერთი ადამიანი. ასიში ბაზას ასაფეთქებლიანმა დრონმა შეუტია, ივლისში — იევ რაკეტები და სამი დაჭრილი.

მუსტაფა ალ ქადიმი ვაშინგტონის მიმართ მეგობრულად განწყობილ პრემიერაად მიიჩნევა. ის ირანთან დაკავშირებული დაჯგუფებების დაყოლიებას ცდილობდა. იმავდროულად მან ერაყის სუვერენიტეტის დარღვევად შეაფასა პროირანულ ფორმირებებზე ამერიკული ავიაციის ამასწინანდელი დარტყმები სირიასთან საზღვროს გასწვრივ.

აშშ-ში, თავის მხრივ, პრემიერის წარმატება აღნიშნეს ქვეყნის აღდგენის საქმეში. ივნისში ბაღდადში იორდანიის მეფე აბდულა II და ეგვიპტის პრეზიდენტი აბდელ ფათაჰ ალ-სისი ჩავიდნენ. ეს უკანასკნელი პირველი ეგვიპტელი ლიდერი იყო, რომელიც ქვეყანას 1990-იანების შემდეგ ეწვია.

შტატებმა ასევე საკუთარ თავზე აიღო ვალდებულება, მიაწოდოს ერაყს 500 ათასი დოზა Pfizer-ის ვაქცინა საერთაშორისო პროგრამა COVAX-ის ფარგლებში. როგორც ჯო ბაიდენმა თქვა, პრეპარატი ქვეყანაში უახლოეს ორ კვირაში ჩავა. რეგიონში დაავადებულთა რაოდენობამ იმატა, თანაც საავადმყოფოებში ხანძრებიც გახშირდა.

გარდა ამისა, ვაშინგტონი 5,2 მლნ დოლარს გამოყოფს გაეროს მისიისთვის, რომელიც ოქტომბრის საპარლამენტო არჩევნებს დააკვირდება (მანამდე რამდენჯერმე გადაიდო). ექსპერტების აზრით, ალ-ქადიმს საკმაოდ კარგი შანსები აქვს.

 „პოლიტიკური საფარველი“  

როგორც РИА Новости-ს მიერ გამოკითხული ექსპერტები ამბობენ, ერაყიდან ამერიკელების სრულ გასვლაზე საუბარი არც არის.

ასე მაგალითად, ელენა სუპონინას თქმით, ვაშინგტონი დიდი ხნის განმავლობაში იბრძოდა ამ მნიშვნელოვანი სტრატეგიული მოედნისთვის. განცხადება ჯარების გაყვანის თაობაზე, მისი აზრით, „პოლიტიკური საფარველია“, ამერიკელი ამომრჩევლებისთვის მიცემული პირობა ხომ შესრულებას მოითხოვს? მნიშვნელოავნია ერაყული საზოგადოებრივი აზრიც. „ადგილობრივი პოლიტიკოსები მისტაფა ალ-ქადიმზე ზეწოლას ახდენენ. ქვეყანაში პოლიტიკური ვითარება არც ისე მარტივია, პრემიერის მდგომარეობა კი — არც ისე მყარი“, — ამბობს ექსპერტი.

შვიდი წლის წინ, როდესაც შტატები ერაყში დაბრუნდნენ, ტერორიზმთან ომი რეალობა იყო, ამბობს აღმოსავლეთმცოდნე და პუბლიცისტი ანდრეი ონტიკოვი.  „ამერიკელებმა მნიშვნელოვანი როლი შეასრულეს „ისლამური სახელმწიფოს“ დამარცხებაში. თუმცა მათ მიერ გამოყენებული მეთოდების მიმართ , რა თქმა უნდა, კითხვები არის, მაგალითად, როდესაც ქალაქი მოსული პრაქტიკულად მთლიანად გაანადგურეს“.

ახლა კი ერაყოის ხელისუფლებამ თავად სთხოვა ამერიკელებს წასვლა. „როდესაც დონალდ ტრამპი ერაყში არსებულ ბაზაზე ჩარინდა, აშშ-ის ელჩმა ლამის უბრზანა ერაყის  პრემიერს, წასულიყო იქ და პრეზიდენტს შეხვედროდა. იმან უარი თქვა. ამ ისტორიამ მედიასაშუალებებში გაჟონა და დიდი სკანდალიც მოჰყვა“, — ამბობს ომტიკოვი. — მერე კი ამერიკელებმა ბაღდადის აეროპორტს შეუტიეს და სულეიმანი მოკლეს. და ამერიკული ჯარების გაყვანის აუცილებლობაზე ისევ ალაპარაკდნენ“.

და მაინც, ამერიკელი სამხედროები დიდი ალბათობით მაშინვე სახლებში არ დაბრუნდებიან, მიაჩნია აღმოსავლეთმცოდნეობის კვლევების ცენტრის თანამშრომელ დანილა კრილოვს. „დიდი ალბათობით, იქნება ტრადიციული ფოკუსი ართი არაბული ქვეყნიდან მეორეში გადასვლით — ამჯერად სირიაში. რუსეთის თავდაცვის სამინისტრო არაერთხელ აცხადებდა, რომ ამერიკელი სამხედროები ერაყიდან სირიის ბაზებზე გადადიან“, — განმარტავს ექსპერტი.

სრულიად მოსალოდნელია, რომ სადაზვერვო მონაცემების მომკრებს ცენტრებს ერაყში სამხედრო ბლოკიდან დიპლომატიურზე გადაიყვანენ. „დიდი ხანია ცნობილია, რომ ამერიკელები დიპლომატიურ იმუნიტეტს იყენებენ დაზვერვისა და სხვა სპეცსამსახურებისთვის“, — აღნიშნა კრილოვმა.

ყურადღება ჩინეთზე

ბევრ ამერიკელს მიაჩნია, რომ სანამ ისინი ტერორიზმს ებრძოდნენ და სხვა რეგიონებს სათანადო ყურადრებას არ აქცევდნენ, შორეულ აღმოსავლეთში ჩინეთი მომძლავრდა. ახლა ეს აშშ-სთვის მთავარი საფრთხეა და ყველა ძალა სწორედ იქით უნდა იყოს გადასროლილი. გარკვეული როიდან პრორიტეტულია არა ცენტრალური, არამედ წყნარი ოკეანის სამხედრო სადლობა.

ჩინეთთან „ველიკოდერჟავული“ დაპირისპირების ახალი ერის ლოგიკა აშშ-ს აიძულებს, გადახედოს მიზმებს და აქცენტები გადაანაცვლოს, ამვოვს მაქსიმ სუჩკოვი.

„დაპირისპირება შეიძლება ხანგრძლივი იყოს, ამიტომ რესურსების გამოყენებას შერჩევით უნდა მივუდგეთ. ახლო აღმოსავლეთი დიდი ხანია, ამძიმებდა ვაშინგტონს, მაგრამ ობამასა და ტრამპის მცდელობები, რამენაირად მოეხდინათ იქ სამხედრო ყოფნის ოპტიმიზაცია, პენტაგონის წინააღმდეგობას აწყდებოდა“, — ამბობს ის.

მაგრამ თუ მაინც დავაჯამებთ, შედეგები მაინცდამაინც წარმატებული არ იქნება: ამერიკელებმა ვერ შეძლეს დამოუკიდებლად ფინქციონირებადი თავდაცვისუნარიანი სისტემის აგება ერაყში. მათი წასვლის შემდეგ ქავეყანაში მშვიდობა არ დაისადგურებს, ტერორისტული საფრთხე არსად გამქრალა. დრო გვაჩვენებს, როგორ იმშავებენ ამერიკელი ინსტრუქტორები და მრჩევლები ახალ პირობებში.

რედაქცია შესაძლოა არ ეთანხმებოდეს მასალაში გამოთქმულ მოსაზრებებს!

15
Ил-96-400Т და Ил-114

რუსეთში „განკითხვის დღის“ თვითმფრინავებს აგებენ: მესამე თაობის  თავისებურებები

8
(განახლებულია 12:21 28.07.2021)
რუსეთის თავდაცვის სამინისტრო ახლო მომავალში მესამე თაობის მართვის პუნქტს მიიღებს, რომელიც Ил-96-400М-ის ბაზაზე აიგება.

„განკითხვის დღის“ ორი ახალი თვითმფრინავის შენება ვორონეჟის ავიაქარხანაში დაიწყო პროექტ Звено-С-ის  ფარგლებში.

მართვის საჰაერო პუნქტი საშუალებას მისცემს რუსეთის უმაღლეს მთავარსარდალსა და შეიარაღებული ძალების გენერალურ შტაბს, უხელმძღვანელოს ყველა სახის ჯარებსა და სტრატეგიულ ბირთვულ ძალებს გლობალური შეიარაღებული კონფლიქტის (ატომური ომის) პირობებში — იმ შემთხვევაშიც კი, თუ მოწინააღმდეგე ყველა სახმელეთო სასარდლო პუნქტს გაანადგურებს.

მსგავსი ტექნოლოგიური დონის საავიაციო კომპლექსის ყოლის უფლება მსოფლიოს მხოლოდ ორ სახელმწიფოს შეუძლია მისცეს თავს — აშშ-სა და რუსეთს.

ახალი რუსული საჰაერო სასარდლო პუნქტი ამერიკულისგან იმით განსხვავდება, რომ რამდენიმე „განკითხვის დღეზეა“ გათვლილი.

რა მოხდება, თუ საჰაერო სასარდლო პუნქტს ჩამოაგდებენ?

უახლესი რუსული საჰაერო სასარდლო პუნქტის აღმოჩენა და განადგურება რთულია. მაღალი ავტონომიურობა, რადიოელექტრონული ბრძოლის თანამედროვე საშუალებები, მოწინააღმდეგის თანამგზავრებისა და რადარებისთვის მცირედ შემჩნევადობის ტექნოლოგიები, რადიოაქტიური გამოსხივებისგან თავდაცვა, სისწრაფე, ფრენის სიშორე და პრაქტიკული ზღვარი საჰაერო სასარდლო პუნქტს უპირატესობას ანიჭებს ყველა სხვა სახმელეთო, მიწისქვეშა თუ წყალქვეშა საკომანდო პუნქტების მიმართ.

თვითმფრინავს ჰაერში რამდენიმე დღე-ღამის განმავლობაში შეუძლია ყოფნა საწვავით შევსების შემთხვევაში. მისი ჩამოგდება ყველაზე სახიფათოა: ასეთ ჰიპოთეტურ ვითარებაში გენშტაბის ოპერატიული ჯგუფი ვარდნის ორ-სამ წუთში მოასწრებს, მიწის პირისაგან აღგავოს ათობით მტრული სახელმწიფო.

თანამედროვე ომი — ეს არც ჰოლივუდური ბოევიკია და არც დარტყმების სარკისებური გაცვლა; კონფლიქტის მხარეებს მოქნილად შეუძლიათ სცენარის შეცვლა ყველა ბრძოლაში. უზარმაზარი მნიშვნელობა აქვს რუსეთის შეიარაღებული ძალების საერთო მდგომარეობას, დაგეგმვისა და კავშირის სისტემის, ბირთვული იარაღის საბრძოლო გამოყენების ალგორითმებს, სახელმწიფოს მეთაურისა და უმაღლესი მთავარსარდლის პოლიტიკურ ნებას. მესამე თაობის საჰაერო-სასარდლო პუნქტის შექმნა სერიოზულ საგარეო სამხედრო საფრთხეებზე მეტყველებს.

სასარდლო პუნქტი მესამე მსოფლიო ომითვის

რუსული ჯარები მართვის სულ უფრო სრულყოფილი, ავტომატიზებული სისტემებით, ხელოვნური ინტელექტის ელემენტებით აღიჭურვება. აქტიურად განახლდება სტრატეგიული ბირთვული ძალები. ვითარდება კოსმოსური დაზვერვისა და კავშირის საშუალებები. საჰაერო-სასარდლო პუნქტი დროის მოთხოვნებს უნდა პასუხობდეს.

„განკითხვის დღის“ თვითმფრინავის რადიოკომპლექსი იძლევა საშუალებას, რომ ჯარებს განკარგულებები და ბრძანებულებები 6000 კმ რადიუსში გადაეცეს — სტრატეგიული ავიაციის, ბირთვული იარაღის მზიდი სუბმარინების, მოძრავი და შახტური გამშვები მექანიზმების  ეკიპაჟების ჩათვლით.

მესამე თაობის საჰაერო-სასარდლო პუნქტები უნიკალური მახასიათებლებით, მაღალი ფუნქციონალით, სიცოცხლისუნარიანობით, ეკონომიური ენერგომოხმარებით გამოირჩევა. ბორტზე კომფორტული პირობებია შექმნილი უმაღლესი სარდლობის, გენშტაბის ოფიცერთა ოპერატიული ჯგუფის ოფიცრებისა და სპეციალური ტექნიკური ჯგუფის მრავალსაათიანი მუშაობისთვის. გლობალური კონფლიქტის შემთხვევაში რუსეთის სასარდლო პუნქტს ჰაერში ყოფნა (საწვავის შევსებით) რამდენიმე დღე-ღამის განმავლობაში მოუწევს.

ყველაფრის საფუძველი — ეს საიმედო მზიდია. თვითმფრინავი Ил-96-400 ( Ил-96-300-ის სატვირთო მოდიფიკაცია) ცნობილია თავისი უსაფრთხოებითა და სიმძლავრით. თანამედროვე მასალების წყალობით, მოხერხდა თვითმფრინავის მასის შემცირება და მისთვის სიმტკიცისა და ეკონომიურობის უზრუნველყოფა. Ил-96-300-ის სპეციალური მოდიფიკაციები რუსეთის პრეზიდენტის ბორტი №1-ად გამოიყენება, და შეიარაღებული ძალების მთავარსარდლის ფუნქციების შესრულებას არის მორგებული.

ПС-90А1-ს ძრავით აღჭურვილი და მაღალი ტვირთამწეობის  Ил-96-400 საიმედო ბაზაა საბორტე კომპლექსისთვის, რომელსაც საბრძოლო მართვის ყველა არსებულ და პერსპექტიულ ავტომატიზებულ სისტემებთან შეუძლია მუშაობა. სამოქალაქო ვერსიის Ил-96-400М 370 მგზავრის გადაყვანაზეა გათვლილი. რუსული ავიამრეწველობის ყველა მანქანას შორის Ил-96 ყველაზე შორს ფრენს, თუმცა სათადარიგო აეროდრომები და ინფრასტურქტურის შესაბამისი ობიექტების არსებობა რუსეთის შორეულ კუთხეებში მაინც აუცილებელია.

სანამ რუსეთის შეიარაღებული ძალების გენშტაბის სპეციალისტები ფართომასშტაბიანი სამხედრო კონფლიქტის კომპიუტერულ მოდელებს  ამუშავებენ, „განკითხვის დღის“ რამდენიმე თვითმფრინავი წყნარად ელოდება თავის დროს საბაზო აეროდრომზე. დღეს მოქმედი საჰაერო-სასარდლო პუნქტი თვითმფრინავ Ил-86-ის ბაზაზეა შექმნილი და Ил-80 ჰქვია. მეორე თაობის ასეთი თვითმფრინავი სულ ოთხია.

ამერიკული ანალოგები

აშშ-ის სამხედრო-საჰაერო ძალებს ოთხი თანამედრო სასარდლო პუნქტი აქვთ ქვეყნის უმაღლესი ხელმძღვანელობისთვის, რომლებიც Boeing 747-200-ის ბაზაზეა აგებული. ამ მანქანების გამოყენება მხოლოდ იმ პირობებში იგეგმება, თუ ბირთვული ომის შედეგად მართვის ყველა სახმელეთო სისტემა განადგურდება.

სამოქალაქო ვერსიის Boeing 747-200-ის მაქსიმალური ასაფრენი მასა 374,8 ტონაა, სიჩქარე — 895 კმ/სთ,  ფრენის სიმაღლე — 13 750 მ, ფრენის სიშორე — 10 670 კმ, ადგილების რაოდენობა — 490, ტვირთამწეობა — 113 ტონა.  

ამერიკული კომპლექსების ტექნოლოგიური შეფასება რამდენიმე მაგალითზე  შეიძლება.

აშშ-ის საჰაერო-სასარდლო პუნქტი, რომელიც Boeing C-32-ის ბაზაზეა აგებული, მრავალფეროვანი ამოცანების შესრულებაზეა გათვლილი ჯარების ოპერატიული განთავსების დროსა და ასევე ასრულებს საგანგებო სიტუაციების მართვის ფედერალური სააგენტოს მობილური სარდლობის (FEMA ) პუნქტის როლს.

S-32A აღჭურვილია უახლესი აპარატურით, სანავიგაციო სისტემით და კომუნიკაციის საშუალებებით. სამგზავრო კაბინა დაყოფილია რამდენიმე ნაკვეთურად. ესენია: უმაღლესი სამხედრო სარდლობის სამუშაო კაბინეტი, ოთახები თათბირების ჩასატარებლად, ოპერატიული ჯგუფის ოთახები,  კომუნიკაციის კვანძი და დასასვენებელი ოთახი.

პირველი თვითმფრინავი სიეტლის Boeing-ის ქარხანამ  1998 წლის 19 ივნისს გამოუშვა.

თვითმფრინავი E-6B Mercury  შექმნილია ტურბორეაქტიული ოთხძრავიანი Boeing 707-320-ის ბაზაზე. მისი ასაფრენი მასა 155 ტონაა, სიჩქარე — 972 კმ/სთ, ფრენის სიმაღლე — 12 000 მ.  საწვავით შევსების გარეშე 12 400 კმ-ს გაფრენა შეუძლია, საწვავით შევსების შემთხვევაში ჰაერში 72 საათის განმავლობაში შეუძლია გაჩერება. ეკიპაჟი — 14 კაცი.

აშშ-ში პირველი საჰაერო-სასარდლო პუნქტები 1965 წელს გაჩნდა. ეს სპეცსაშუალებებით აღჭურვილი КС-135А იყო, რომლებიც აშშ-ის შეიარაღებული ძალების უმაღლესი მთავარსარდლის თვითმფრინავების როლს ასრულებდა და ენდრიუსის ავიაბაზაზე (მერილენდის შტატი) იყო განლაგებული მანამ, სანამ ისინი სამმა Boeing E-4A-მა არ შეცვალა. ამასთან ასევე არსებობდა ცალკეული ვარიანტები ევროპული და წყნარი ოკეანის სამხედრო თეატრებისთვის.

8
თემები:
რუსეთი დღეს (935)
ბედნიერების შეგრძნება

რა გველოდება აგვისტოში: თვის ასტროპროგნოზი ზოდიაქოს ნიშნებისთვის

0
(განახლებულია 19:18 28.07.2021)
ასტროლოგების პროგნოზით ზოდიაქოს ზოგიერთი ნიშნის წარმომადგენლებს მოუსვენრობა შეიპყრობს, აქეთ–იქით მიაწყდება, რომ რამე გამოსავალი იპოვოს და პრობლემები გადაჭრას. რისი გაკეთება ღირს ამ დროს და რისი არა, გაეცანით ჩვენს ჰოროსკოპს.

აგვისტოს პირველი ნახევარი ძირითადად უარყოფითი მოვლენების გარეშე ჩაივლის. სიმშვიდე იქნება ოჯახებში, ასევე სტაბილურობა შენარჩუნდება მატერიალური თვალსაზრისით. საჭიროა ამ პერიოდის გამოყენება იმისთვის, რომ დავისახოთ კონკრეტული, ცხოვრებისთვის აუცილებელ მომენტებთან დაკავშირებული მიზანი. ასეთ შემთხვევაში თეთრი ლითონის ხარი გულმოწყალებას გამოიჩენს და მის რეალიზებაში დაგეხმარებათ. ფუჭი მიზნები და წამიერი სიამოვნებები ხარისგან წახალისებული არ იქნება.

აგვისტოს მეორე ნახევარი მშფოთვარე პერიოდი იქნება, დაიწყება პრობლემები, ცვლილებები. ვისაც ჩანაფიქრის რეალიზება აქვს ამ დროისთვის დაგეგმილი, უნდა მოემზადოს მოულოდნელი მოვლენებისა და ამ მოვლენებზე „აწყობისთვის“. გასათვალისწინებელი იქნება გარე ფაქტორები და საკუთარი ქცევების კორექტირება.

აგვისტოში კალეიდოსკოპივით შეიცვლება მოვლენები. ამისთვის მორალურად უნდა იყოთ მზად. თავი ხელში უნდა აიყვანოთ, არ აჩვენოთ თქვენი ნირი და ხასიათი. ასე შეძლებთ შეინარჩუნოთ ურთიერთობები, ფიზიკური და მორალური მდგომარეობა.

ფულის ხარჯვის მოყვარულებს ასტროლოგები აფრთხილებენ, რომ ფინანსების უკმარისობა გელოდებათ, თუ ფულს არაპრაქტიკულ ნივთებზე დახარჯავთ.

აგვისტო კარგ შემოსავალს ჰპირდება სასოფლო–სამეურნეო სფეროში დაკავებულებს. ცნობილია, რომ ხარი უყურადღებოდ არ დატოვებს სოფლის მცხოვრებლებს. წარმატებები ხელფასის მომატების მხრივ სხვა სფეროს წარმომადგენლებსაც ელოდებათ, თუ ისინი მუხლჩაუხრელად იმუშავებენ და პასუხისმგებლობას გამოიჩენენ.

ფინანსებთან დაკავშირებით ასევე უნდა აღინიშნოს აგვისტოს ბოლო დეკადა – ამ დროს ბევრს გაუჩნდება ფული (სხვადასხვა წყაროდან). აჯობებს, თუ თანხას რამე სასარგებლო საქმეში ჩადებთ, „შავი დღისთვის“ გადადებთ, ან რამე მნიშვნელოვან ნივთს იყიდით.

ადამიანები უფრო გულღია იქნებიან და თამამად ისაუბრებენ თავიანთ გრძნობებზე, გახდებიან უფრო ემოციური და პოზიტიური, ბევრი გამოუტყდება თავის რჩეულს სიყვარულში.

მარტოხელების უმრავლესობას მიეცემა შანსი, რომ თავისი ბედი გაიცნოს, მაგრამ გაითვალისწინეთ, რომ ურთიერთობები თავდაპირველად მეგობრული ხასიათის შეიძლება იყოს და სიყვარულის ელფერი მოგვიანებით მიეცეს.

დაოჯახებული წყვილები ჰარმონიაში იცხოვრებენ, თუ, რა თქმა უნდა, გამოძებნიან კომპრომისს, ერთმანეთს ესაუბრებიან და სატკივარს გაუზიარებენ.

ტრანზიტული პლანეტები ზოდიაქოს ნიშნებს ახალ, პირველ რიგში შესასრულებელ ამოცანებს ავალებენ. კერძოდ:

  • ვერძებს მთელი პოტენციალის მობილიზება და ამის გარშემომყოფებისთვის ჩვენება მოგიწევთ, ამით შეძლებთ, რომ დაინახონ და დააფასონ თქვენი ნიჭი.
  • კუროებმა პრობლემების გადაჭრისთვის მეგობრებს ან ნათესავებს უნდა მიმართოთ. ასე ყველაფერს დროულად გაართმევთ თავს.
  • ტყუპებმა ახალი პროექტები შემდეგ თვემდე უნდა შეაჩეროთ, წინააღმდეგ შემთხვევაში პროფესიული გამოფიტვა გელოდებათ.
  • კირჩხიბებმა სასწრაფო საკითხების გადაჭრაზე უნდა იზრუნოთ და გადახედოთ თქვენს ქმედებებს წინა პერიოდში.
  • ლომებმა ნებისყოფა უნდა გამოიჩინოთ და აჩვენოთ, რომ შეგიძლიათ ბრძოლა მოულოდნელად გამოჩენილ პრობლემებთან.
  • ქალწულებს გაგიჭირდებათ პრობლემებთან დამოუკიდებლად გამკლავება. შეინარჩუნეთ სიმტკიცე და ყველაფერი გამოგივათ.
  • სასწორებს დიდი ძალისხმევა დაგჭირდებათ, რომ პოპულარობა მოიხვეჭოთ. იღბალი თქვენ ხელშია.
  • მორიელებს წარსული აგედევნებათ შეამოწმეთ, ყველაფერს სწორად აკეთებთ?
  • მშვილდოსნებისთვის უპრიანია მედიტაცია. სწორედ რომ დროა, ითვისოთ ორგანიზმის მოდუნების ტექნიკა.
  • თხის რქები სწავლაზე უნდა დაფიქრდეთ. ეს თვე თვითსრულყოფაზე მუშაობისა და ახალი ცოდნის ათვისების გზას გთავაზობთ.
  • მერწყულები პრობლემებს თავს აარიდებთ, თუ მთელი თვე შვებულებაში იქნებით და მას ოჯახთან ან მეგობრებთან ერთად გაატარებთ.
  • თევზები ცხოვრებას თვითონ გაირთულებთ. უფრო მარტივი იქნება, თუ წვრილმანებს არ გამოეკიდებით.

ახლა კი აგვისტოს უფრო დეტალური პროგნოზი ზოდიაქოს ნიშნებისთვის.

ვერძი

ყველაზე იღბლიანები ხართ ამ თვეში. იღბალი აგვისტოს დასაწყისშივე გაგიღიმებთ ნებისმიერ წამოწყებაში – სიყვარულში, სამუშაოზე თუ სხვა სფეროებში. შეძლებთ პოტენციალის წარმოჩენას და ირგვლივ მყოფების აღიარების მოპოვებას. თვის შუა რიცხვებში სიტუაცია შეიცვლება. დაიწყება რაღაც აუხსნელი. ყველაფერი გართულდება. სჯობს, შვებულება აიღოთ და დაისვენოთ. პირადი ცხოვრება დუღს – ეს ძალიან კარგია მარტოხელებისთვის, დაოჯახებულებს კი პრობლემებს უქადის, რადგან მეორე ნახევრის მხრიდან ეჭვიანობის სცენებია მოსალოდნელი. ყურადღება მიაქციეთ ჯანმრთელობას – განსაკუთრებით ნივთიერებათა ცვლის პროცესს.

კურო

კუროებს ზომიერება გიყვართ, მაგრამ აგვისტოს დასაწყისში თქვენს ცხოვრებაში სრული ქაოსი შემოვა. განსაკუთრებული ყურადღება მართებთ მათ, ვისაც საკუთარი ბიზნესი აქვს. შესაძლებელია უსიამოვნებები კონკურენტების და ასევე პარტნიორების მხრიდანაც. ამ პრობლემებთან მარტოს გამკლავება გაგიჭირდებათ, ამიტომ მიმართეთ სანდო ადამიანებს დახმარებისთვის. სასიყვარულო სფეროში ჩამი–ჩუმი არ ისმის. პოტენციური პარტნიორი რომ გაიცნოთ კიდეც, მალე მიხვდებით, რომ მასთან ურთიერთობებს ვერ ააწყობთ. ჯანმრთელობის მხრივ ყურადღება მიაქციეთ საყრდენ–მამოძრავებელ სისტემას.

ტყუპი

საკმაოდ რთული პერიოდი გელოდებათ. პრაქტიკულად ყველა პროექტის ფინალი, რომელზეც იმუშავებთ, არაპროგნოზირებადი იქნება. გარე ფაქტორებთან ბრძოლისთვის არც დრო გექნებათ და არც ძალა. ამის გამო შეიძლება ჩამოყალიბებულ ფატალისტებად გამოჩნდეთ. ასტროლოგები გირჩევენ, საერთოდ არ წამოიწყოთ ახალი საქმეები. აქვე უნდა აღინიშნოს, რომ ეს ვერ შეგაშინებთ. თქვენი სიმშვიდე შესაშური იქნება. პრობლემები მოსალოდნელია ფინანსების მხრივ. ეს გახდება მთავარი პრობლემა ურთიერთობებში, თუმცა წყობილებიდან ვერც ეს ვერ გამოგიყვანთ. ჯანმრთელობის მხრივ საყურადღებოა იქნება არტერიული წნევა, რომელიც ხალხური საშუალებებით შეგიძლიათ მოაგვაროთ.

კირჩხიბი

საკმაოდ დაძაბული თვე გელოდებათ. მოვლენების სწრაფმა ცვლამ და ნერვულმა ვითარებებმა, შესაძლოა, კალაპოტიდან ამოგაგდოთ. ბევრი თქვენგანი გამოთქვამს უკმაყოფილებას იმის გამო, რომ მოგიწევთ საკუთარი „ნიჟარიდან“ გამოსვლა და სასწრაფო საკითხებზე გადაწყვეტილებების მიღება. მაგრამ მხოლოდ ასე შეძლებთ სამუშაოზე მიღწეულის შენარჩუნებას. ეცადეთ, უარი თქვათ ნებისმიერ ავანტიურულ წინადადებაზე – ასე შეიძლება ფული დაკარგოთ. მარტოხელები უფრო მტკიცე უნდა გახდეთ და სითამამე აჩვენოთ. პირადი ბედნიერება იმაზე იქნება დამოკიდებული, თუ როგორ ძალისხმევას გამოიჩენთ სიყვარულის ძებნისას. ეცადეთ, გონებაში ნეგატიური ფიქრები არ შეუშვათ – ასე შეიძლევა ნევროზიც დაგემართოთ.

ლომი

როგორც წესი, აგვისტო თქვენთვის იღბლიანი პერიოდია, მაგრამ არა 2021 წლის შემთხვევაში. თვე მოვლენებით სავსე იქნება, უნდა აჩვენოთ ძლიერი ხასიათი, ნებისყოფა და ებრძოლოთ ნეგატიურ გარემოებებს. თუ საბრძოლველად არ ხართ განწყობილი, მაშინ ვითარებას უნდა შეეგუოთ და დაელოდოთ, როდის შეიცვლიან ვარსკვლავები პოზიციას და შემდეგ გაუმკლავდეთ დაგროვებულ პრობლემებს. ვარსკვლავები გირჩევენ, არ გამოიჩინოთ ზედმეტი ინიციატივა სამუშაოზე, რადგან ხელმძღვანელობა მკაცრად მიადევნებს თვალს თქვენს მოქმედებებს და კრიტიკას არ დაიშურებენ. სამაგიეროდ, წყნარი და მშვიდი გარემო გელოდებათ სახლში. არაა საჭირო ეკონომიის გაწევა საკუთარ ჯანმრთელობაზე – შეუძლოდ ყოფნისას მალევე მიმართეთ ექიმს.

ქალწული

თუნდაც მაქსიმალურად ანგარიშიანი და პრაგმატული იყოთ, მაინც ვერ გაექცევით ნეგატიურ გამოვლინებებს. თუ არის საშუალება, შეაჩერეთ მიმდინარე საქმეები და შვებულება აიღეთ. ასე ზედმეტი პრობლემების თავიდან არიდებას შეძლებთ. ვინც ვერ მოახერხებს დასვენებას, მაქსიმალურად ფრთხილად უნდა იყოს, დეტალურად დაგეგმოს და გადაამოწმოს საკუთარი ქმედებები. შემოქმედებით საქმიანობაში ჩართულებს ეს არ ეხება – პირიქით, გელოდებათ წარმატებები და საზოგადოების მხრიდან აღიარება. აგვისტოში ფინანსური პრობლემები მოსალოდნელი არაა, მაგრამ გარკვეული ხარჯი მაინც გექნებათ. ეცადეთ, სკანდალებს თავი აარიდოთ ოჯახში, რადგან მეორე ნახევრის მხრიდან ეჭვიანობაა მოსალოდნელი. ჯანმრთელობის მხრივ უსიამოვნებები მოსალოდნელი არ არის.

სასწორი

საკმაოდ წარმატებული თვე გელოდებათ. შეგიძლიათ დიდი ხნის დაწყობილი გეგმები განახორციელოთ, იქნება ეს საცხოვრებელი ადგილისა თუ სამუშაოს გამოცვლა, კარდინალური ცვლილებები იმიჯში, პროფესიაში და ოჯახურ სტატუსშიც კი. ასეთ სიახლეებს თეთრი ხარი სათანადოდ დააფასებს. მაგრამ მოემზადეთ იმისთვის, რომ უდიდესი ძალისხმევა და მთელი თავისუფალი დრო დაგჭირდებათ. ვინც ბევრი იშრომა, ხელმძღვანელობისგან შესაბამის აღიარებას მიიღებს და არა მხოლოდ მორალური, არამედ მატერიალური თვალსაზრისითაც. მარტოხელა სასწორები ბევრ საინტერესო ადამიანს გაიცნობთ და ბევრი პაემანიც გელოდებათ წინ. ვისაც ჰყავს პარტნიორი, მათ, შესაძლოა, მისი გამოცვლის სურვილი გაუჩნდეს, მაგრამ ასტროლოგები ამას არ გირჩევენ. ყურადღება მიაქციეთ კვებას, რათა კუჭ–ნაწლავის სისტემა არ დაიზიანოთ.

მორიელი

შესაძლოა, კვლავ დადგეს პრობლემები, რომლებიც თითქოსდა დიდი ხნის წინ გადაწყვიტეთ. წარსული ყველა მხრიდან შეგახსენებთ თავს და საქმიანობაში შეგიშლით ხელს. გაიხსენეთ თქვენი ყველა არაკეთილმოსურნე და გათვალეთ მათი თავდასხმები როგორც სახლში, ისე სამუშაოზე. ყველაფერს აჯობებს, თუ შვებულებას აიღებთ ცოტა ხნით გაეცლებით საცხოვრებელ ადგილს. მას შემდეგ, რაც ძალასა და ენერგიას აღიდგენთ, უკვე ადვილად შეძლებთ პრობლემებთან გამკლავებას. ამასთან წარსულის „აჩრდილები“ შესაძლოა, პოზიტიურიც იყოს, მაგალითად, დაგიბრუნონ უკვე დავიწყებული ძველი ვალი. მარტოხელებს ცოტა მოთმინება გმართებთ – თქვენთვის სიმპათიურ ადამიანზე „შტურმი“ არ მიიტანოთ. აჯობებს, თავი პერიოდულად შეახსენოთ, ოღონდ დაუჟინებლად და ის თავად მოგაქცევთ ყურადღებას. ფრთხილად გამოიყენეთ სხვადასხვა ხელსაწყო, ტექნიკა – დიდია ტრავმის მიღების ალბათობა.

მშვილდოსანი

ყველაზე წარმატებული პერიოდი აგვისტოს პირველი დეკადაა თქვენთვის. სწორედ ამ დროსაა უპრიანი, რომ განახორციელოთ თქვენი გეგმები. შემდეგ უკვე იღბალი ზურგს შეგაქცევთ და ახალ–ახალი პრობლემების გადაჭრა მოგიწევთ როგორც სახლში, ისე სამსახურში. ოჯახში შესაძლებელია არაერთი ჩხუბი და აყალ–მაყალი მეორე ნახევართან, ხოლო სამუშაოზე – თანამშრომლების მიერ ჩახლართული ინტრიგები. მაქსიმალურად შეიკავეთ თავი, წინააღმდეგ შემთხვევაში შეიძლება ყველასთან იჩხუბოთ. დაეუფლეთ მედიტაციის ხელოვნებას – ასე ისწავლით მოდუნებას და იმას, რომ ყურადღება არ მიაქციოთ ირგვლივ განვითარებულ ვნებებს. უსიამოვნებები არ ეხება მატერიალურ მხარეს. მარტოხელებს ასტროლოგები ურჩევენ, ჯერ არ ეძებონ ახალი სიყვარული – დიდია ალბათობა, რომ კვლავ მარტო დარჩეთ.

თხის რქა

ის პრობლემები, რაც ზოდიაქოს ნიშნების უმრავლესობას შეაწუხებს აგვისტოში, თხის რქებს გვერდით ჩაუვლის. ეს თვე თქვენთვის ერთ–ერთი ყველაზე იღბლიანი პერიოდი იქნება ამ წელიწადში. ამასთან, გაგაჩნიათ უნარი, რომ რაღაც დაბრკოლებას დროულად გაეცალოთ, უფრო სწორად, მაშინვე, როგორც კი ის ჰორიზონტზე გამოჩნდება. მიხედეთ სწავლას, იმუშავეთ სრულყოფაზე, ისწავლეთ მაგალითად, უცხო ენა, ან აიმაღლეთ კვალიფიკაცია. ფინანსური პრობლემები მოსალოდნელი არ არის, მაგრამ გაითვალისწინეთ – ფული მხოლოდ საკუთარ თავს კი არა, ახლობლებსაც უნდა მოახმაროთ. ამასთან, ასტროლოგები თანხის გადადებასაც გირჩევენ, რომ წლის ბოლოს რაღაც ძვირფასი ნივთი შეიძინოთ. ვისაც ჰყავს პარტნიორი, ვარსკვლავები დროის მასთან ერთად გატარებას ურჩევენ. ჯანმრთელობას საფრთხე შეიძლება ავარიულმა სიტუაციებმა შეუქმნას, ამიტომ გაფრთხილდით.

მერწყული

მთელი თვე, დიდი ალბათობით, ახალ–ახალ პრობლემებთან მოგიწევთ ჭიდილი, რომლებიც თითქოს „პანდორას ყუთიდან“ ამოიყრება. მაგრამ საშიში მაინც არაფერია და ცუდი არაფერი მოხდება. უსიამოვნებების უმრავლესობა დასანანი, მაგრამ წვრილმანი აღმოჩნდება (მაგალითად, თვალწასული წინდა ან დაკარგული მანჟეტის საკინძე). ხელსაყრელი თვეა მოგზაურობის თვალსაზრისით. აიღეთ შვებულება და დაისვენეთ სახლიდან მოშორებით. არ შეგეშინდეთ ფულის ხარჯვის – მას მალე აინაზღაურებთ. თუ პარტნიორი გყავთ და ურთიერთობები ჯერ არ დაგიკანონებიათ, ამისთვის აგვისტო შესანიშნავი თვეა – ქორწინება მყარი და ბედნიერი იქნება. ასევე კარგი დროა ბავშვის ჩასახვისთვის. ჯანმრთელობის კუთხით  ყველაფერი კარგად იქნება, მხოლოდ მოერიდეთ წყალს.

თევზები

თუ ჯიუტი ბრძანდებით და თან თევზების ნიშნით დაიბადეთ, ეს თვისება აგვისტოში უსიამოვნებებს მოგიტანთ. თავად გაირთულებთ ცხოვრებას, გამოეკიდებით კოლეგებისა თუ ნათესავების სულ უბრალო წვრილმან შეცდომებს. ასე მხოლოდ გაირთულებთ ურთიერთობებს სამსახურშიცა და ოჯახშიც და მთელი თვის „ამაყად“, მაგრამ მარტოობაში გატარება მოგიწევთ. მატერიალური თვალსაზრისით ეს თვე წარმატებულია. შესაძლებელია ძველი ვალების დაბრუნება, ადრე შესრულებული სამუშაოსთვის თანხის გადახდა ან მომავალი საქმისთვის ავანსის მიღება. ასტროლოგები გირჩევენ, რომ ეს თანხა საცხოვრებლის მოწყობას მოახმაროთ. მარტოხელებს დიდი ხნის ნანატრი რომანი გელოდებათ, მაგრამ ის როპგორც მოულოდნელად აღმოცენდება, ისე მოულოდნელად გაქრება კიდეც. ჯანმრთელობის პრობლემები არ შეგაწუხებთ, თუ იაქტიურებთ და ყოველდღიურად ისეირნებთ.

0