განახლებული მოედანი პარლამენტის წინ

სკანდალები, ინტრიგები, თავდასხმები - ქართული პოლიტიკური კვირის შედეგები

80
მოულოდნელი კანდიდატები, საეჭვო თავდასხმები და გასვლა ფინიშის ხაზზე - საქართველო თამამად ჩაერთო წინასაარჩევნო რბოლაში

საქართველოში ოფიციალურად დაიწყო წინასაარჩევნო კამპანია, რამაც გასული კვირა კიდევ უფრო დატვირთა პოლიტიკური მოვლენებით.

მთელი კვირის განმავლობაში პროდასავლური ოპოზიცია მოითხოვდა „პატრიოტთა ალიანსის“ მოხსნას არჩევნებიდან მოსკოვთან კონტაქტების გამო, ამასთან ერთად ჩაცხრა საუბრები სააკაშვილის დაბრუნების შესახებ, თუმცა გაგრძელდა კანდიდატების წარდგენები და შეხვედრები ამომრჩევლებთან, სადაც უამრავი დაპირება გაისმა.

საქართველოში საპარლამენტო არჩევნები 31 ოქტომბერს გაიმართება. მოსახლეობა აირჩევს 150 დეპუტატს - 120-ს პარტიული სიით, 30-ს - მაჟორიტარულ ოლქებში კანდიდატებისთვის ხმის მიცემით. პარტიებისთვის გამსვლელი ბარიერი 1%-ს შეადგენს. ამ არჩევნებზე ხმის მიცემის უფლება აქვს 3 501 931 საქართველოს მოქალაქეს როგორც ქვეყანაში, ისე მის ფარგლებს გარეთ.

კვირის მთავარი მოვლენა

კვირის მთავარი მოვლენა გახდა დაჩქარებული წესით ცვლილებების მიღება საარჩევნო კოდექსში, რომლებიც საპარლამენტო უმრავლესობის მიერ იყო ინიცირებული.

თუმცა ოპოზიციამ ამ ცვლილებებს მხარი არ დაუჭირა, მეტიც - მონაწილეობა არ მიიღო კენჭისყრაში. მიუხედავად ამისა ქვეყანაში ამიერიდან ამომრჩევლის იძულების, დაშინებისა და ხმის მიცემის ფარულობის დარღვევის ფაქტებზე სისხლის სამართლის პასუხისმგებლობა იქნება გათვალისწინებული.

მმართველი პარტიის წარმომადგენლები ირწმუნებიან, რომ ეს არჩევნებს უფრო სამართლიანსა და დემოკრატიულს გახდის, ოპოზიცია კი ამ ინიციატივას საერთაშორისო საზოგადოებისთვის თვალში ნაცრის შეყრას უწოდეს.

ხოლო რომელი საერთაშორისო ორგანიზაციები დააკვირდებიან ყველა ნორმების და წესების დაცვას პანდემიის პირობებში, ჯერჯერობით უცნობია. თუმცა უკვე დანამდვილებით ცნობილია, რომ აშშ-ის ნაციონალური დემოკრატიული ინსტიტუტი (NDI) კორონავირუსის გამო საქართველოს საპარლამენტო არჩევნებზე სადამკვირვებლო მისიას არ გამოგზავნის, მაგრამ საარჩევნო პროცესს დისტანციურად დააკვირდება.

კვირის სკანდალი

კვირის მოულოდნელობა გახდა თავდასხმა ოპოზიციური პარტია „ლელოს“ წევრზე, გიორგი გლუნჩაძეზე.

ის ხელმძღვანელობს ლევან სამუშიას საარჩევნო შტაბს, რომელიც კენჭს დიდუბეში იყრის. სიტყვიერი დაპირისპირების შემდეგ მას ფიზიკურად გაუსწორდა სამი უცნობი პირი. შედეგად გლუნჩაძე ტვინის შერყევით სასწრაფომ ღუდუშაურის კლინიკაში გადაიყვანა.

ბიზნესმენ ხაზარაძის პარტიაში მომხდარი პოლიტიკურ მოტივებს დაუკავშირეს.

აღსანიშნავია, რომ დიდუბე-ჩუღურეთში ერთ-ერთი ყველაზე საინტერესო ბრძოლაა მოსალოდნელი: აქ კენჭს იყრიან ზურაბ „გირჩი“ ჯაფარიძე (გაერთიანებული ოპოზიციიდან), იუსტიციის საბჭოს ყოფილი წევრი ანა დოლიძე, ხოლო „ქართული ოცნებიდან“ დეპუტატის სავარძლისთვის იბრძოლებს პარლამენტის ვიცე-სპიკერი გია ვოლსკი.

კვირის კანდიდატები

კვირის სიურპრიზი გახდა „ერთიანი ნაციონალური მოძრაობის“ მიერ ყოფილი გენპროკურორის - მურთაზ ზოდელავას წარდგენა ფოთი-ხობი-სენაკის ერთმანდატიან ოლქში. ზოდელავას დროს, რომელიც თანამდებობას 2012 წელს იკავებდა, საპარლამენტო არჩევნების წინ ამოტივტივდა პატიმრების წამების სკანდალური კადრები, რამაც მნიშვნელოვანი როლი ითამაშა „ქართული ოცნების“ მაშინდელ გამარჯვებაში.

მისი მეტოქეები იქნებიან ირაკლი ხახუბია „ქართული ოცნებიდან“ და გიგა ბოკერია „ევროპული საქართველოდან“.

ასევე ცნობილი გახდა, რომ ახალქალაქი-ნინოწმინდას ოლქში დამოუკიდებელი კანდიდატის სტატუსში კენჭს იყრის ერთ-ერთი გამოცდილი დეპუტატი ენზელ მკოიანი. ის პარლამენტში ჯერ კიდევ ედუარდ შევარდნაძის დროიდან იყო, იყო პარლამენტის წევრი როგორც სააკაშვილის პერიოდში, ისე „ქართული ოცნების“ ხელისუფლებაში ყოფნის დროს.

საპარლამენტო უმრავლესობის დეპუტატმა ეს გადაწყვეტილება მას შემდეგ მიიღო, რაც მმართველმა პარტიამ ფსონი დადო სამველ მანუკიანზე და ის მაჟორიტარობის კანდიდატად დაასახელა ოლქში, რომელიც ძირითადად ეთნიკური სომხებით არის დასახლებული.

საარჩევნო საქმეები

ამასთან ცესკომ დაასრულა პარტიების რეგისტრაცია საპარლამენტო არჩევნებში მონაწილეობის მისაღებად. რეგისტრაცია გაიარა პარტიების რეკორდულმა რიცხვმა - 66.

არჩევნებში მონაწილეობის სურვილი გამოთქვა 78-მა პოლიტიკურმა გაერთიანებამ, აქედან 12-ს რეგისტრაციაზე უარი ეთქვა.

მომდევნო ეტაპი, რომელიც 1 ოქტომბრამდე გაგრძელდება, იქნება პარტიული სიების წარდგენა.

ასევე, არაუგვიანეს 1 ოქტომბრისა პარტიებმა და ბლოკებმა უნდა წარადგინონ თითო მაჟორიტარობის კანდიდატი თითოეულ ერთმანდატიან საარჩევნო ოლქში.

სუბიექტების საბოლოო სია კენჭისყრამდე 30 დღით ადრე გახდება ცნობილი.

80
თემები:
საქართველოს საპარლამენტო არჩევნები 2020 (146)
სატვირთო

საქართველოს საგარეო ვაჭრობა ვარდნას განაგრძობს

57
(განახლებულია 15:21 23.09.2020)
საქართველოდან ექსპორტი 14,7%-ით შემცირდა, იმპორტი კი 17,5%-ით. ვაჭრობის კუთხით დადებითი მაჩვენებელი მხოლოდ ჩინეთთან დაფიქსირდა.

თბილისი, 23 სექტემბერი — Sputnik. საქართველოში პანდემიის ფონზე ვაჭრობა ეცემა – 2020 წლის დასაწყისიდან საგარეო სავაჭრო ბრუნვა, გასული წლის იანვარი–აგვისტოსთან შედარებით, 16,7%-ით შემცირდა და 7 მილიარდზე მეტი შეადგინა (არაორგანიზებული ვაჭრობის გაუთვალისწინებლად), ნათქვამია სტატისტიკის ეროვნული სამსახურის „საქსტატის“ მასალებში. 

იმპორტმა 2020 წლის იანვარი–აგვისტოში დაახლოებით 5 მლრდ დოლარი შეადგინა, რაც გასული წლის ამავე პერიოდთან შედარებით 17,5%-ით ნაკლებია.

საქართველოს უარყოფითმა სავაჭრო ბალანსმა იანვარი–აგვისტოში დაახლოებით 2,9 მლრდ დოლარი შეადგინა, რაც მთლიანი საგარეო სავაჭრო ბრუნვის 41%-ია.

რით ვაჭრობს საქართველო
საქართველოდან საქონლის ფართო ასორტიმენტი გააქვთ – სპილენძის მადნები და კონცენტრატები, ფეროშენადნობები, მსუბუქი ავტომობილები, ნატურალური ღვინო, სამკურნალო საშუალებები, მინერალური წყლები, დამუშავებული ან ნახევრადდამუშავებული ოქრო, თხილი და სხვ.

2020 წლის დასაწყისიდან მხოლოდ სპილენძის მადნებისა და კონცენტრატების (7,5%), სპირტიანი სასმელების (10,9%) და ოქროს (30,7%) ექსპორტი გაიზარდა. 

ამავე დროს შემცირდა მსუბუქი ავტომობილების ექსპორტი 37,2%-ით, ფეროშენადნობების – 29,8%-ით, ნატურალური ყურძნის ღვინის – 8,6%-ით, სამკურნალო საშუალებების – 53,3%-ით, აზოტოვანი სასუქების – 10.2%-ით, მინერალური და მტკნარი წყლების – 21,1%-ით.

საქართველოში შემოდის ნავთობი და ნავთობპროდუქტები, მსუბუქი ავტომობილები, ნავთობის აირები და აირისებრი ნახშირწყალბადები, სპილენძის მადნები და კონცენტრატები, სამკურნალო საშუალებები, ხორბალი, ელექტროენერგია, სატელეფონო აპარატები და სხვ.

2020 წლის დასაწყისიდან მხოლოდ ხორბლის (13,5%) და შინაური ფრინველის ხორცისა და შინაური ფრინველის საკვები სუბპროდუქტების (3,9%) იმპორტი გაიზარდა.

ამავე დროს მსუბუქი ავტომობილების იმპორტი აღნიშნულ პერიოდში დაეცა 32,4%-ით, სპილენძის მადნებისა და კონცენტრატების – 16,9%-ით, ნავთობისა და ნავთობპროდუქტების — 31,4%-ით, სამკურნალო საშუალებების – 12,6%-ით, ნავთობის აირებისა და აირისებრი ნახშირწყალბადების – 11,5%-ით და ა.შ.

ვისთან ვაჭრობს საქართველო

საქართველოს ყველაზე დიდი სავაჭრო პარტნიორები 2020 წლის დასაწყისიდან არიან თურქეთი, რუსეთი და ჩინეთი — ამ ქვეყნებთან სავაჭრო ბრუნვამ იანვარი-აგვისტოს პერიოდში 2,5 მილიარდ დოლარს გადააჭარბა, რაც მთლიანი სავაჭრო ბრუნვის 36%-ია. 

პირველ ადგილზეა თურქეთი – მეზობელ ქვეყანასთან საგარეო სავაჭრო ბრუნვამ მიმდინარე წლის დასაწყისიდან დაახლოებით 970,4 მილიონი დოლარი შეადგინა, რაც საქართველოს მთლიანი სავაჭრო ბრუნვის 13,8%-ია. ორ ქვეყანას შორის სავაჭრო ბრუნვა, გასული წლის იანვარი–აგვისტოსთან შედარებით, 15,1%-ით შემცირდა.

2020 წლის დასაწყისიდან თურქეთში გავიდა 22,6 ათასი ტონა ფეროშენადნობები, 877,4 ტონა ტრიკოტაჟის ნაწარმი, 5,6 ათას ტონაზე მეტი თევზის ან ზღვის ძუძუმწოვრების ცხიმები, ქონები და მათი ფრაქციები და სხვა საქონელი.

აღნიშნულ პერიოდში თურქეთიდან შემოვიდა დაახლოებით 46,9 ათასი ტონა შავი ლითონების მილები, მილაკები და ღრუ პროფილები, 353,2 ტონა სამკურნალო პრეპარატები, დაახლოებით 14,9 ათასი ტონა შავი ლითონების მეტალოკონსტრუქციები და ა.შ.

მეორე ადგილზეა რუსეთი

2020 წლის დასაწყისიდან საქართველოსა და რუსეთს შორის ბრუნვა 2019 წლის ანალოგიურ პერიოდთან შედარებით შემცირდა 9,3%-ით და შეადგინა 820,6 მილიონ დოლარზე მეტი – საქართველოს მთლიანი საგარეო სავაჭრო ბრუნვის 11,7%. 

წლის დასაწყისიდან საქართველოდან რუსეთში გავიდა დაახლოებით 68,2 ათასი ტონა ფეროშენადნობები, დაახლოებით 24 ათასი ტონა ყურძნის ნატურალური ღვინო, დაახლოებით 47,6 ათასი ტონა მინერალური და მტკნარი წყალი, ოთხი ათას ტონაზე მეტი სპირტიანი სასმელი და ა.შ.

რუსეთი საქართველოში საწვავის ყველაზე მსხვილი მომწოდებელია. რუსეთიდან წლის დასაწყისიდან 239,7 ათას ტონაზე მეტი ნავთობი და ნავთობპროდუქტები შემოვიდა.

რუსეთიდან ასევე შემოვიდა დაახლოებით 314,6 ათასი ტონა ხორბალი, 82 ათას ტონაზე მეტი ნავთობის აირები, დაახლოებით 24,5 ათასი ტონა მზესუმზირის ზეთი და ა.შ.

მესამე ადგილზეა ჩინეთი

საქართველოს საგარეო ბრუნვამ ჩინეთთან 737,5 მილიონ დოლარზე მეტი შეადგინა, რაც მთლიანი საგარეო ბრუნვის 10,5%-ია. სავაჭრო ბრუნვა ორ ქვეყანას შორის, გასული წლის ამავე პერიოდთან შედარებით, 10%-ით გაიზარდა. 

წლის დასაწყისიდან საქართველოდან ჩინეთში გავიდა 164,4 ათას ტონაზე მეტი სპილენძის მადნები და კონცენტრატები, დაახლოებით 9,7 ათასი ტონა ძვირფასი ლითონები, დაახლოებით 9,7 ათასი ტონა ყურძნის ნატურალური ღვინო და ა.შ.

ჩინეთიდან შემოვიდა 22,2 ათას ტონაზე მეტი ბრტყელი ნაგლინი ნახშირბადიანი ფოლადისგან, დაახლოებით 4,5 ათასი ტონა საბურავები, 327 ტონა მზა პროდუქცია, მათ შორის ტანსაცმლის თარგები და ა.შ.

საქართველო ასევე ვაჭრობს სხვა ქვეყნებთან

საქართველოს სავაჭრო პარტნიორების ათეულში ასევე შედიან: აზერბაიჯანი – 593,8 მილიონ დოლარზე მეტი, სომხეთი – 383,6 მილიონ დოლარზე მეტი, უკრაინა – დაახლოებით 358,6 მილიონი დოლარი, აშშ – 385,6 მილიონ დოლარზე მეტი, გერმანია – 268,4 მილიონ დოლარზე მეტი, ბულგარეთი – 284,6 მილიონ დოლარზე მეტი, იტალია – 136,6 მილიონ დოლარზე მეტი.

საგარეო ვაჭრობის ვარდნის ტემპები

მიმდინარე წლის აგვისტოში საქართველოს საგარეო სავაჭრო ბრუნვა 15,9%-ით დაეცა, მათ შორის ექსპორტი 7,5%-ით, ხოლო იმპორტი – 19,3%-ით. 

ვარდნის ტემპის კლება ივნისში დაიწყო – საგარეო სავაჭრო ბრუნვა შემცირდა 16%-ით, მათ შორის ექსპორტი – 13,1%-ით, ხოლო იმპორტი – 17,2%-ით. მიმდინარე წლის მაისში საგარეო სავაჭრო ბრუნვის ვარდნის მაჩვენებელი იყო 33%, ექსპორტის – 30,6%, ხოლო იმპორტის – 34,3%.

კორონავირუსის ეპიდაფეთქებამ სერიოზული დარტყმა მიაყენა ქვეყნის მთელ ეკონომიკას – დაზარალდნენ სასტუმროები, რესტორნები, სავაჭრო ცენტრები, დასასვენებელი და გასართობი ობიექტები, ტრანსპორტი. საფრთხის ქვეშ აღმოჩნდა საფინანსო სექტორი, სამშენებლო, უძრავი ქონების, წარმოებისა და განათლების სფეროები. 

დაწესდება თუ არა ახალი შეზღუდვები?
ქვეყანაში ეპიდემიოლოგიური ვითარება გაუარესდა – ბოლო 24 საათში ინფიცირებულთა რაოდენობა 227-ით გაიზარდა. სიტუაციის შემდგომ გაურესებას კი, შესაძლოა, მორიგი მკაცრი შეზღუდვების დაწესება მოჰყვეს.

კორონავირუსის პანდემიის გამო ქვეყანაში უკვე დაზარალდა ეკონომიკის თითქმის ყველა სფერო, მათ შორის ვაჭრობა. საქართველოს მთავრობა აცხადებს, რომ ყველაფერს აკეთებს იმისთვის, რათა მკაცრი შეზღუდვების დაწესების აუცილებლობა აღარ გაჩნდეს. ამ შეზღუდვებს ქვეყნის ეკონომიკა ვეღარ გაუძლებს, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

„ყველაფერს ვაკეთებთ, რომ უფრო მეტად შემზღუდავი და მკაცრი ზომები არ გახდეს საჭირო, როგორც ეს ერთხელ უკვე გავიარეთ. ჩვენი ეკონომიკა მეორედ ასეთ დარტყმას ვერ გაუძლებს. შესაბამისად, წერტილოვანი ღონისძიებების და ასევე ჩვენი სამედიცინო პერსონალის პროფესიონალიზმის წყალობით, იმედი გვაქვს, შედარებით უმტკვივნეულოდ გავივლით ამ პროცესს“, – აღნიშნა თურნავამ.

ქვეყანაში ეკონომიკური აქტივობის შემცირებამ, რაც კორონავირუსის გავრცელების რისკის გამო შეზღუდვებმა გამოიწვია, ასევე სახელმწიფოს მხრიდან დაზარალებული ფენების მასშტაბურმა დახმარებამ ბიუჯეტის დეფიციტის თითქმის 8%-მდე ზრდა გამოიწვია.

57
თემები:
საქართველოს ეკონომიკა
თბილისი

საქართველოს ეკონომიკა ვარდნას აგრძელებს: პროგნოზები მიმდინარე წლის ბოლომდე

78
(განახლებულია 14:37 22.09.2020)
ყველაზე დიდი ვარდნა დაფიქსირდა მეცნიერებისა და ტექნიკის, ტურიზმის, მშენებლობის, დასვენებისა და გართობის სფეროებში.

თბილისი, 22 სექტემბერი — Sputnik. პანდემიის ფონზე საქართველოს ეკონომიკა ვარდნას აგრძელებს – 2020 წლის მეორე კვარტალში, გასული წლის ანალოგიურ პერიოდთან შედარებით, მშპ 12,3%-ით შემცირდა, ნათქვამია საქართველოს სტატისტიკის ეროვნული სამსახურის „საქსტატის“ მასალებში. 

2020 წლის პირველ კვარტალში, როცა პირველ ნახევარში პანდემიასთან დაკავშირებული შეზღუდვები ჯერ კიდევ არ იყო დაწესებული, გასული წლის ანალოგიურ პერიოდთან შედარებით, საქართველოს მშპ-ის ზრდა 2,2% იყო.

მეორე კვარტალში მშპ-ის მოცულობამ მიმდინარე ფასებში დაახლოებით 3,6 მლრდ დოლარი შეადგინა. 2020 წლის აღნიშნულ პერიოდში დეფლატორმა 6,3% შეადგინა.

2019 წელს საქართველოს მშპ-ის ზრდა, 2018 წელთან შედარებით, 5,1% იყო.

რომელ სფეროებში ფიქსირდება ზრდა და კლება

ყველაზე დიდი ვარდნა დაფიქსირდა ადმინისტრაციული და დამხმარე მომსახურების, განთავსების ადგილებითა და საკვები პროდუქტებით უზრუნველყოფის, პროფესიული, სამეცნიერო და ტექნიკური საქმიანობის, მშენებლობის, ხელოვნების, დასვენებისა და გართობის სფეროებში.

საქართველოს ეკონომიკის ტოპ–ხუთი სფერო, სადაც 2020 წლის II ყველაზე მეტი ზრდა დაფიქსირდა 

ეკონომიკის სფერო ვარდნა %
ადმინისტრაციული და დამხმარე მომსახურება

54,7
განთავსების ადგილებითა და საკვები პროდუქტებით უზრუნვეყოფა 40,0
პროფესიული, სამეცნიერო და ტექნიკური საქმიანობა 28,8
მშენებლობა 24,5
ხელოვნება, დასვენება და გართობა 24,1

2020 წლის მეორე კვარტალში ყველაზე დიდი ზრდა დაფიქსირდა შემდეგ სფეროებში: ჯანდაცვა, სოციალური მომსახურება (14,3%), განათლება (11,7%), სამთო-მომპოვებელი მრეწველობა (6,4%), სოფლის მეურნეობა და თევზჭერა (4,7%).

მშპ-ის სტრუქტურაში ყველაზე დიდი წილით გამოირჩევა ვაჭრობის, უძრავ ქონებასთან დაკავშირებული ოპერაციებისა და გადამამუშავებელი მრეწველობის, სახელმწიფო მმართველობის, სოფლის მეურნეობისა და თევზჭერის სფეროები.

2020 წლის II კვარტალში მშპ-ის სტრუქტურაში ყველაზე დიდი წილის მქონე ტოპ–5 დარგი 

ეკონომიკის სფერო ზრდა %
ვაჭრობა 14,2
უძრავ ქონებასთნ დაკავშირებული ოპერაციები 12,7
სოფლის მეურნეობა 10,2
გადამამუშავებელი მრეწველობა 9,9
სახელმწიფო მმართველობა 7,5

 

როგორია მიმდინარე წლის პროგნოზები

საქართველოს ეკონომიკა პანდემიისა და გლობალური კრიზისის ფონზე რთულ მდგომარეობაში აღმოჩნდა. საქართველოს სახელმწიფო ბიუჯეტში ასახული ოფიციალური პროგნოზის თანახმად, 2020 წელს ქვეყნის ეკონომიკის ვარდნა 4%-ს მიაღწევს. თუმცა, საქართველოს ეროვნული ბანკი ქვეყნის მშპ-ის 5%-იან კლებას პროგნოზირებს. 

საქართველოს ეროვნული ბანკის პროგნოზს ეთანხმება საერთაშორისო სავალუტო ფონდი, რომელმაც ეკონომიკის ვარდნის მაჩვენებელი 2020 წელს 4%-დან 5%-მდე გააუარესა. ამასთან, სსფ მომავალი წლისთვის პოზიტიურ პროგნოზს იძლევა. 

ევროპის რეკონსტრუქციისა და განვითარების ბანკის პროგნოზით, საქართველოში 2020 წელს მშპ 5,5%-ით შემცირდება, თუმცა უკვე 2021 წელს ეკონომიკა 5,5%-ით გაიზრდება.

საერთაშორისო სარეიტინგო სააგენტო S&P Global Ratings-ის ექსპერტებს მიაჩნიათ, რომ საქართველოს ეკონომიკა 2020 წელს 6%-ით შემცირდება. ამასთან, მშპ 2019 წლის დონეს მხოლოდ 2022 წელს მიაღწევს.

თუმცა, სხვა საერთაშორისო სარეიტინგო სააგენტო Fitch Ratings 2020 წელს საქართველოს ეკონომიკის შემცირებას 4,8%-ით ვარაუდობს, ხოლო 2021 წელს ქვეყნის მშპ-ის ზრდას 4,5%-იან დონეზე ელოდება.

78
თემები:
საქართველოს ეკონომიკა
„მეტრონომი“ ნიუ-იორკში

კატასტროფამდე დარჩა შვიდი წელი: ნიუ-იორკის საათი ქვეყნიერების დასასრულს აითვლის

0
(განახლებულია 16:20 23.09.2020)
ნიუ-იორკში მდებარე იდუმალი საათის, „მეტრონომის“ ფუნქცია რადიკალურად შეიცვალა - ამიერიდან ის შეუქცევადი კატასატროფის დადგომამდე დარჩენილ დროს აითვლის

თბილისი, 23 სექტემბერი — Sputnik. ოც წელზე მეტია, რაც ნიუ-იორკის იუნიონ-სკვერზე მდებარე ერთ-ერთი შენობის ფასადის ელექტრონული საათი ნიუ-იორკელებისთვის საიდუმლოდ რჩება — 15 ციფრი ციფერბლატზე, რომლებიც გაუგებარი თანმიმდევრობით იცვლება, არაფრით ჯდება დროის ათვლაში, წერს გამოცემა The New-York Times-ი.

​იყო ვერსიები, რომ საათი, როგორც „მეტრონომის“ ინსტალაციის ნაწილი, გვიჩვენებს ყველაფერს, მაგრამ არა დროს. მაგალითად, ბევრი დღესაც დარწმუნებულია, რომ ციფერბლატზე 15-ნიშნა რიცხვი — არის შეერთებული შტატების სახელმწიფო ვალი, პლანეტაზე მცხოვრები ადამიანების რაოდენობა, დამწვარი და გაჩეხილი ტყეების ფართობი და ა.შ.

ვერსიები ბევრია, მაგრამ რეალურად ეს მართლაც საათია, რომლის მარცხენა ნაწილი მიმდინარე დროს აჩვენებს წამის მეასედების სიზუსტით, ხოლო მარჯვენა მხარე —  მეორე დღის დასაწყისამდე დარჩენილ დროს.

ახლა კი „მეტრონომის“ მისია რადიკალურად შეიცვალა — ამიერიდან ის აჩვენებს, თუ რამდენი დარჩა კაცობრიობას შეუქცევადი კლიმატური კატასტროფის დაწყების მომენტამდე.

ათვლის დაწყებამდე ციფერბლატზე  გაჩნდა წარწერა The Earth has a deadline („დედამიწას ვადა აქვს“).

ეკრანზე მოცემული ციფრების თანახმად, დღევანდელი დღიდან კლიმატური კოლაფსის დადგომამდე 7 წელი და 103 დღეა დარჩენილი.

იდეის ავტორები, მხატვრები გან გოლანი და ენდრიუ ბოიდი აცხადებენ, რომ ამ გზით სურთ საზოგადოების ყურადღება გლობალური დათბობის პრობლემებს მიაპყრონ და საათის მაჩვენებლებს „დედამიწაზე ყველაზე მნიშვნელოვან ციფრებს“ უწოდებენ.

0
თემები:
მსოფლიო დღეს