ჰმეიმის ავიაბაზა სირიაში

„აქ დიდი ხნით ვართ“: როგორ გამოიყურება რუსული ავიაბაზა სირიაში

182
(განახლებულია 17:56 27.08.2020)
ეშელონირებული ჰაერსაწინააღმდეგო თავდაცვა, დაცვის რამდენიმე პერიმეტრი, თანამედროვე ტექნიკური ნაგებობები და მოწყობილი სამხედრო ქალაქი — უკვე ხუთი წელია, რაც რუსი მფრინავები სირიაში იმყოფებიან.

ნიკოლაი პროტოპოპოვი

ამ დროის განმავლობაში ჰმეიმის ავიაბაზა სანიმუშო გახდა: თავდაცვის სამინისტრო მსგავსი ობიექტების მშენებლობისთვის უცხოეთის ქვეყნების გამოცდილებას იზიარებს. ცოტა ხნის წინ დამასკი მოსკოვს კიდევ რვა ჰექტარი მიწის გადაცემას დაპირდა სამხედრო მოსამსახურეებისთვის გამაჯანსაღებელი ცენტრის ასაგებად.

ტრიალი მინდორი

უმსხვილესი რუსული ავიაბაზის აგება სირიაში 2015 წელს დაიწყო, როდესაც ქვეყანაში სამხედრო–კოსმოსური ძალების ჯგუფი გაიგზავნა სამთავრობო ძალების მხარდასაჭერად „ისლამური სახელმწიფოს“ ტერორისტებთან ბრძოლაში. მის საფუძვლად ბასილ ალ-ასადის სახელობის აეროპორტი იქცა ლატაკიიდან 25 კილომეტრში.

სამოქალაქო აეროდრომის საბრძოლო თვითმფრინავებზე მოსარგებად ახალი ინფრასტრუქტურის შექმნა, სააეროდრომო-ტექნიკური აღჭურვილობის მონტაჟი, სამხედროებისთვის საცხოვრებელი შენობების აგება გახდა საჭირო. საერთო ჯამში სირიაში ასობით ათასი ტონა ტვირთი ჩაიტანეს.

ოპერაციის საწყის ეტაპზე ოპერატიულ ჯგუფში დაახლოებით 50 საბრძოლო მანქანა ირიცხებოდა — მოიერიშე Су-25-ები, ბომბდამშენები Су-24 და Су-34, გამანადგურებლები Су-30СМ, ვერტმფრენები Ми-24 და Ми-8АМТШ. გარდა ამისა, ჰმეიმიში ოპერატიულად გადაისროლეს ათობით საწვავშემავსებელი.

მფრინავები და ტექნიკური პერსონალი მცირე ზომის მოდულურ ვაგონებში განთავსდნენ — თითოეულში ორი-ოთხი კაცი. ეს ერთგვარი საცხოვრებელი ლითონის კონტეინერებია წყალსადენით, კანალიზაციითა და კონდიციონერებით. იქვე ახლოს მობილული საცხობები, სამრეცხაოები და აბანოები დაიდგა. ოდნავ მოგვიანებით გაჩნდა სასადილო, კლუბი, სპორტული მოედნები და მინი-მუზეუმიც კი, რომელიც ავიაბაზის ისტორიას ეძღვნება.

„აქ ფაქტობრივად შიშველი აეროდრომი და საჰაერო მოძრაობის მართვის სამსახური იყო, — აცხადებს ექსპერტი ვიქტორ მურახოვსკი, რომელიც ავიაბაზაზე სამუშაო ვიზიტით იმყოფებოდა. — ფრენის მცირე დარბაზი შენარჩუნდა, მაგრამ მას უფრო დამხმარე ფუნქცია აქვს. ძირითადი ნაგებობები თავიდან აშენდა. ასაფრენ–დასაჯდომი ზოლი გარემონტდა და გაფართოვდა. ახლა აეროდრომს მძიმე კლასის თვითმფრინავების მიღება შეუძლია, სტრატეგიული ავიაციის ჩათვლით. მნიშვნელოვანია ისიც, რომ ჰმეიმი მსოფლიოს სხვა რეგიონებში, მაგალითად, აფრიკაში ფრენების შუალედურ პუნქტადაც გამოიყენება“.

მიუდგომელი სიმაგრე

განსაკუთრებული ყურადღება დაეთმო ობიექტის უსაფრთხოებას. სირიაში შორი მოქმედების საზენიტო–სარაკეტო სისტემა С-400, ახლო მოქმედების კომპლექსი Тор-М2-ები და საზენიტო სარაკეტო–საქვემეხო კომპლექსი Панцирь-С1 გადაისროლეს. ბაზის ჰაერსაწინააღმდეგო სისტემას ყველა სახის საჰაერო სამიზნეების განადგურება შეუძლია 250 კმ-მდე მანძილზე.

„ჰმეიმში შექმნილია ჰაერსაწინააღმდეგო თავდაცვის ეშელონირებული სისტემა, — განმარტავს მურახოვსკი. — გამოიყენება სხვადასხვა წვდომისა და ტიპის საშუალებები. მუდმივად საბრძოლო მორიგეობაზეა С-400, Тор და Панцирь. გარდა ამისა, არის საზენიტო–საარტილერიო დანადგარები ЗУ-23. დაზვერვაზე, მონიშვნასა და დამიზნებაზე რადიოლოკაციური სადგურები აგებს პასუხს, რომლებსაც ნებისმიერი საჰაერო სამიზნის აღმოჩენა შეუძლია — მცირე ზომის დრონებისა და რეაქტიული ჭურვების (მათ შორის, კუსტარულის) ჩათვლით“.

ავიაბაზის დაცვის სისტემაში ორი პერიმეტრია. გარე პერიმეტრს რუსი და სირიელი სამხედროები აკონტროლებენ ერთობლივად. შიდა პერიმეტრზე უცხოელებს არ უშვებენ. უსაფრთხოებას უპილოტო ავიაციაც უზრუნველყოფს: ჰმეიმის თავზე 24 საათის განმავლობაში ერთდროულად ათამდე დრონი მორიგეობს.

გარე სამყაროსთან კავშირს ყველა ხელმისაწვდომი საშუალება უზრუნველყოფს — დაწყებული რადიოსადგურებით, დასრულებული თანამგზავრული კომპლექსებით, რომლებიც ერთიან სისტემაშია ინტეგრირებული.

„დაჯგუფების სარდალი და საბრძოლო მართვის შტაბი პირდაპირ კავშირზეა მოსკოვთან. სარდალს ასევე აქვს ე.წ. დეკონფლიქტაციის ხაზი ერაყში კოალიციური დაჯგუფების წარმომადგენლებთან. ეს ამერიკელებთანაა შეთანხმებული და სირიაში ინციდენტების აღკვეთის საშუალებას იძლევა“, — ამბობს მურახოვსკი.

სირიული კურორტი

სირიაში ავიაბაზის ასაგებად ტვირთები ზღვითაც ჩადიოდა და ჰაერითაც — რამდენიმე თვის განმავლობაში ხომალდებისა და თვითმფრინავების მწკრივი არ წყდებოდა. მიუხედავად იმისა, რომ სამშენებლო სამუშაოები სასტიკი სამოქალაქო ომისა და მძიმე კლიმატურ პირობებში მიმდინარეობდა, რუსმა სპეციალისტებმა მოახერხეს მოკლე დროში აეგოთ ერთ-ერთი ყველაზე თანამედროვე და დაცული სამხედრო ობიექტი მსოფლიოში.

დღეს ავიაბაზა მზადაა ნებისმიერი ტიპის თვითმფრინავის, მათ შორის, შორი მანძილის ბომბდამშენ Ту-22М3-ის, სტრატეგიული რაკეტმზიდ Ту-95-ისა და Ту-160-ის მისაღებად. აეროდრომზე განთავსებულია საწვავით შევსების ცენტრალიზებული სისტემა, რომელსაც შეუძლია ერთდროულად ათობით საფრენ აპარატს მოემსახუროს. აგებულია დაცვის მაღალი დონის მქონე საფარები საავიაციო ტექნიკის დასაცავად.

ექსპერტების შეფასებით, ჰმეიმის იმაზე მეტი თვითმფრინავის განთავსება და მომზადება შეუძლია ბრძოლისთვის, ვიდრე ახლაა იქ ბაზირებული.

„თვითმფრინავების დამალვა საიმედო საფარებში შეიძლება. სპეცნაგებობებში ასევე ინახება საწვავის, რაკეტების, საბრძოლო მასალების მარაგი. ცნობილია, რომ სამოქალაქო ომის ყველაზე დაძაბულ მომენტებში თვითმფრინავები რამდენიმე გაფრენას ახორციელებდნენ დღე-ღამეში სრული საბრძოლო დატვირთვით“, — აღნიშნავს ექსპერტი.

ზურგის უზრუნველყოფის თვალსაზრისით რუს სამხედროებს საკმაოდ კომფორტული პირობები შეუქმნეს. ისინი ძირითადად ჩატანილი პროდუქტებით იკვებებიან, თუმცა რაციონში ასევე უმატებენ ადგილობრივ პროდუქტებსაც — მკაცრი სანიტარული კონტროლის გავლის შემდეგ.

მიწის ახალი ნაკვეთი, რომელიც სირიის მთავრობამ რუსეთს გამოუყო, უპირველესად სამედიცინო გამაჯანსაღებელი კომპლექსისთვისაა დანიშნული.

„ცენტრს დიდი ალბათობით არა მარტო სირიაში მივლინებით მყოფი სამხედროები, არამედ ზოგადად რუსეთის შეიარაღებული ძალები გამოიყენებს. ცნობილია, რომ რუსი სამხედროებისთვის უცხოეთის კურორტები დაკეტილია, ხოლო სირიის ლატაკიის სანაპირო სამოთხეს ჰგავს. აქ არაბთა საამიროებიდანაც კი ჩამოდიან. ადგილობრივები ამ კომპლექსს ალბათ არ ესტუმრებიან — მათ ისედაც აქვთ ზღვაზე დასვენების შესაძლებლობა“, — ამბობს მურახოვსკი.

ასეა თუ ისე, ხუთ წელიწადში ჰმეიმის ავიაბაზა მცირე აეროდრომიდან ნამდვილ ქალაქად იქცა — ქუჩებითა და მოედნებით, სკვერითაც კი. ქუჩებს სახელწოდებები სირიის ოპერაციების გმირების — გენერალ ვალერი ასაპოვის, მფრინავების ოლეგ პეშკოვისა და რომან ფილიპოვის, არმიის გენერალ ვასილი მარგელოვის პატივსაცემად დაარქვეს.

182
განახლებული მოესანი პარლამენტის წინ

საარჩევნო ალიანსები, პირველი დამკვირვებლები და რეიტინგები - კვირის შედეგები

82
მოულოდნელი გაერთიანებები, ყოფილი მინისტრების აჩრდილები და ბოლო მომენტში მიღებული გადაწყვეტილებები - ქვეყანამ, რომელიც ყველაფერთან ერთად აქტიურად ებრძვის კორონავირუსს, წინასაარჩევნო რბოლის კიდევ ერთი რთული კვირა გადაიტანა

გასული კვირა უხვად იყო გაჯერებული საარჩევნოდ შექმნილი კავშირებით და პოლიტიკური რეიტინგებით, რომლებიც ამ დღეებში ამომრჩევლებს ერთი მეორეს მიყოლებით მიაყარეს. ამ უამრავ რეიტინგში აქტიური წინასაარჩევნო რბოლის წინ წინასაწარი შედეგები შეჯამდა.

საპარლამენტო არჩევნები 31 ოქტომბერს გაიმართება, და, ხელისუფლება ირწმუნება, რომ კორონავირუსით ინფიცირებულთა ნებისმიერი რაოდენობის შემთხვევაში მაინც შედგება.

კორონავირუსი ხელს ვერ შეუშლის ვერც საერთაშორისო ამომრჩევლების ჩამოსვლას - პირველივე კვირაში რეგისტრაცია ექვსმა საერთაშორისო ორგანიზაციამ გაიარა. ადგილობრივი ორგანიზაციების რაოდენობა ბევრჯერ მეტი იქნება - 49-მ უკვე გაიარა რეგისტრაცია, განაცხადების მიღება კი ახალი დაწყებულია.

საარჩევნოდ თითქმის მთლიანად დაკომპლექტებულია ყველა საუბნო კომისია. ცესკომ 21 942 ვაკანტურ ადგილზე 21 894 ადამიანი უკვე შეარჩია.

კვირის მთავარი მოვლენა

ამჯერად კვირის მთავარი მოვლენა გახდა ერთბაშად ორი შერწყმა - ხუთი პარტიის კავშირი „ერთიანი ნაციონალური მოძრაობის“ მეთაურობით, ასევე „პატრიოტთა ალიანსის“ და „მემარცხენე ალიანსის“ კავშირი. ამგვარად, საქართველოში გაჩნდა ახალი წინასაარჩევნო ბლოკი, ხოლო „მემარცხენე ალიანსმა“ წინასაარჩევნო რბოლა შეწყვიტა.

ახალი წინასაარჩევნო ბლოკი ატარებს სახელწოდებას „ძალა ერთობაშია“ და მასში შევიდნენ: „ერთიანი ნაციონალური მოძრაობა“, „სახელმწიფო ხალხისათვის“, „პროგრესი და თავისუფლება“, „საქართველოს რესპუბლიკური პარტია“ და „ევროპული დემოკრატები“.

ყველაზე უჩვეულოა ამ გაერთიანებაში რესპუბლიკელების ხილვა. ჯერ კიდევ რვა წლის წინ ეს პარტია იყო კოალიციაში „ნაცმოძრაობის“ დაუძინებელ მოწინააღმდეგესა და ბლოკის ამჟამინდელ მთავარ კონკურენტებთან, მოქმედ მმართველ პარტიასთან „ქართული ოცნება - დემოკრატიულ საქართველო“, ხოლო მათ ლიდერებს მთავრობასა და პარლამენტში ხელმძღვანელი პოსტები ეკავათ.

კვირის სკანდალი

თუმცა, შექმნიდან რამდენიმე დღეში ბლოკში ნამდვილი სკანდალი აგორდა.

მიზეზი უყო ჭორები, თითქოს ბლოკის სიაში თუ მომავალ მთავრობაში ყოფილი შინაგან საქმეთა მინისტრ ვანო მერაბიშვილის გვარი წერია.

სკანდალი ააგორა პარტიის გენერალურმა მდივანმა ნიკა მელიამ, რომელმაც განაცხადა, რომ საკუთარ თავს ვერ ხედავს იმ პარტიაში, რომლის წევრი ვანო მერაბიშვილი იქნება.

აღსანიშნავია, რომ მელია ოპოზიციის ერთადერთი მაჟორიტარობის კანდიდატია, რომელსაც, რეიტინგების მიხედვით, არჩევნებზე მოგების შანსი აქვს.

კვირის აქცია

სანამ მთავარ ოპოზიციურ ძალაში სიის გამო ვნებათაღელვა არ ცხრებოდა, სხვა ოპოზიციურმა პარტიამ „ქართული მარში - ეროვნული მოძრაობა“ გააკეთა თავისი სვლა ბანკირ მამუკა ხაზარაძის პარტია „ლელოს“ წინააღმდეგ.

ვინ გახდება პრემიერი? ახალმა კვლევამ პარტიების გამარჯვების შანსები შეაფასა >>

ულტრანაციონალისტურმა „ქართულმა მარშმა“ „ლელოს“ ოფისთან საპროტესტო აქცია გამართა და მის ლიდერს ხალხის ფულის მოპარვა დასდო ბრალად. პოლიციის ჩარევის წყალობით აქციამ მშვიდობიანად ჩაიარა. თუმცა, თავად „ლელოში“ „ქართული მარშის“ უკან მმართველი პარტიის ინტერესები დაინახეს.

ოპოზიციური მხარდაჭერა

ამ კვირაში საბოლოოდ გახდა ცხადი განხეთქილება ბლოკ „ძალა ერთობაშიას“ და დანარჩენ ოპოზიციურ სპექტრს შორის.

ბოლო შტრიხი ამაში შეიტანა პარტიამ „ევროპული საქართველო - მოძრაობა თავისუფლებისთვის“, რომელმაც მცხეთა-მთიანეთის საარჩევნო ოლქში მხარი დაუჭირა არა ბლოკის კანდიდატ ცეზარ ჩოჩელს, არამედ „ლეიბორისტული პარტიის“ კანდიდატ ბექა ნათელაშვილს.

საზოგადოება გააკვირვა ოპოზიციური პარტია „ქართული დასის“ ლიდერმა ჯონდი ბაღათურიამ, რომელიც საარჩევნოდ გაერთიანდა ორ ძალასთან, რომელიც არჩევნებში მონაწილეობას საერთოდ არ იღებს. მისმა პარტიამ მიიღო გადაწყვეტილება არ წამოაყენოს კანდიდატები თბილისში და მხარი მმართველი პარტიის კანდიდატებს დაუჭიროს.

გამოკითხვები, გამოკითხვები, გამოკითხვები...

გასულ კვირას პარტიების რამდენიმე რეიტინგი დაიდო. საზოგადოებრივი აზრის გამოკითხვის შედეგები გამოაქვეყნა ერთბაშად ოთხმა ორგანიზაციამ: GORBI, Edison Research, NDI და IRI.

გამოკითხვის შედეგებით, ამომრჩეველთა უმრავლესობა მზად არის ხმა მმართველ პარტია „ქართულ ოცნებას“ მისცეს. სხვადასხვა გამოკითხვებით, მისი რეიტინგი 17%-დან 56,3%-მდე მერყეობს. მეორე ადგილზეა „ნაცმოძრაობა“ რეიტინგით 5%-დან 15%-მდე.

გამოკითხვებმა ასევე აჩვენა, რომ მოსახლეობის დიდ ნაწილს არჩევანი ჯერ არ გაუკეთებია და ის გადაწყვეტილებას ბოლო მომენტში მიიღებს.

82
თემები:
საქართველოს საპარლამენტო არჩევნები 2020
მშენებლობა

როგორ იმოქმედა იპოთეკის სუბსიდირების პროგრამამ ეროვნული ბანკის გადაწყვეტილებაზე

69
(განახლებულია 19:13 17.09.2020)
ქვეყანაში 1 აგვისტოსთვის 2,1 მილიარდი ლარის საერთო ღირებულების უძრავი ქონების იპოთეკაზე 46,6 ათასი კრედიტი გაიცა.

თბილისი, 17 სექტემბერი – Sputnik. საქართველოს ეკონომიკის სექტორებისთვის მთავრობის დახმარების პროგრამა, პირველ რიგში, იპოთეკური კრედიტის პროცენტების სუბსიდირება, ფულად-საკრედიტო პოლიტიკის შერბილების ანალოგიურია, იუწყება ეროვნული ბანკი.

საქართველოს ეროვნული ბანკის მონეტარული პოლიტიკის კომიტეტმა გუშინ რეფინანსირების განაკვეთის უცვლელად, 8%-ზე დატოვების გადაწყვეტილება მიიღო.

  • რეფინანსირების განაკვეთი არის პროცენტის მოცულობა წლიური დაანგარიშებით, რომელსაც ეროვნულ ბანკს ორგანიზაციები მათთვის გაცემული კრედიტებისთვის უხდიან. განაკვეთი არის ეროვნული ბანკის ფულად-საკრედიტო პოლიტიკის ძირითადი ინსტრუმენტი და საფინანსო სექტორში საბაზრო განაკვეთებისთვის ორიენტირად მიიჩნევა.

როგორ ეხმარება ხელისუფლება იპოთეკის მიღების მსურველებს

„ერთობლივ მოთხოვნაზე პოზიტიურად მოქმედებს მნიშვნელოვანი ფისკალური სტიმული, მათ შორის, იპოთეკური სესხების საპროცენტო ხარჯის ნაწილობრივი სუბსიდირება, რასაც, ფაქტობრივად, მონეტარული პოლიტიკის შერბილების მსგავსი ეფექტი აქვს“, – ნათქვამია ეროვნული ბანკის განცხადებაში.

გაყიდვების შემცირების პრობლემის მოსაგვარებლად ხელისუფლებამ გადაწყვიტა მოქალაქეებისთვის ბინების შეძენის პროცესის გამარტივება. მაისში მთავრობამ იპოთეკის საპროცენტო განაკვეთის სუბსიდირებისთვის 70 მილიონი ლარის გამოყოფის გადაწყვეტილება მიიღო. გარდა ამისა, 14 მილიონი ლარი გამოიყო იპოთეკური კრედიტების პორტფელის სახელმწიფო გარანტიებისთვის.

საცხოვრებელი პირობების გაუმჯობესებისა და 2020 წლის ბოლომდე ბინების შეძენის მსურველებს მთავრობა იპოთეკური კრედიტების საპროცენტო განაკვეთის დასაფარად სუბსიდიებს გამოუყოფს. 4%-იანი სუბსიდია 5 წლის განმავლობაში გავრცელდება ყველა საკრედიტო შეთანხმებაზე, რომელიც 200 ათას ლარს არ აღემატება.

გარდა ამისა, კრედიტების გასასტუმრებლად ვადამდელი შენატანების მატების, ასევე საპროცენტო განაკვეთის ზრდის თავიდან ასაცილებლად მთავრობა იძლევა 20%-ის გარანტიას ყველა კრედიტზე, რომელიც 2020 წლის ბოლომდეა აღებული. გარანტია შეეხება კრედიტებს პირველი შენატანის არანაკლებ 10%-ის მოცულობით.

რა უნდა ვიცოდეთ, სანამ ბინას ვიგირავებთ... ანუ სად იმალება ეშმაკი>>

საერთაშორისო პროგნოზებისა და კვლევების ცენტრის ვიცე-პრეზიდენტი ნიკა შენგელია ფიქრობს, რომ მთავრობა, ძირითადად, მოსახლეობის შედარებით შეძლებულ ფენებს ეხმარება.

„დღეს ბინას ყიდულობენ ისინი, ვისაც აქვს ფული ან მაღალი ხელფასი. რატომ უნდა დაუფარონ კრედიტის პროცენტი ბიუჯეტიდან იმათ, ვისაც უკვე შეუძლია თავს ამის უფლება მისცეს? აჯობებდა ამ თანხის გამოყენება სოციალური დახმარების პაკეტებში“, – განუცხადა შენგელიამ „Sputnik-საქართველოს“.

თუმცა, მისი თქმით, მეორე მხრივ, მთავრობა ცდილობს წაახალისოს არა მხოლოდ მოსახლეობის შედარებით შეძლებული ფენები, არამედ დეველოპერები და საბანკო სექტორი.

„გაიზარდა არა მხოლოდ ბინების, არამედ სამშენებლო მასალების გაყიდვების მოცულობა, გარდა ამისა, შეჩერდა ფასების ვარდნა ახალაშენებულ ფართსა და მშენებარე ბინებზე, ზოგ შემთხვევაში კი გაიზარდა კიდეც“, – აღნიშნა ექსპერტმა.

მთლიანობაში, შენგელიას აზრით, სახელმწიფოს მიერ ნებისმიერი საქონლის გაყიდვის სუბსიდირება არ იქნება შეცდომა, პირიქით, ეს სარგებელს მოუტანს ეკონომიკასაც და მოსახლეობასაც.

„მით უმეტეს, რომ სექტემბრის ბოლოდან საბაზრო მოთხოვნილება საგრძნობლად დაიწევს, რადგან ადამიანებს სულ უფრო ნაკლები ფული ექნებათ საქონლისა და მომსახურების შესაძენად“, – აღნიშნა ექსპერტმა.

რამდენი კრედიტია გაცემული საქართველოში

არასამთავრობო ორგანიზაცია „საზოგადოება და ბანკების“ მონაცემებით, 2020 წლის 1 აგვისტოსთვის საქართველოში საერთო ჯამში 6,2 მილიარდი ლარის მოცულობის 120,3 ათასი კრედიტი გაიცა. კრედიტების საერთო რაოდენობიდან მნიშვნელოვანი ნაწილის საპროცენტო განაკვეთი მიბმულია რეფინანსირების განაკვეთზე.

არასამთავრობო ორგანიზაციის ინფორმაციით, 1 აგვისტოსთვის ქვეყანაში გაცემულია 2,1 მილიარდი ლარის ოდენობის 46,6 ათასი იპოთეკური კრედიტი. მათი საშუალო საპროცენტო განაკვეთი შეადგენს 10,35%-ს.

რადგან ეროვნულმა ბანკმა რეფინანსირების განაკვეთი უცვლელი დატოვა, შესაბამისად, არ შეიცვლება საპროცენტო განაკვეთი უკვე აღებულ კრედიტებზეც.

როგორ იცვლებოდა წელს რეფინანსირების განაკვეთი

ეროვნულმა ბანკმა მონეტარული პოლიტიკის შერბილება ხანგრძლივი გამკაცრების პერიოდის შემდეგ, მიმდინარე წლის აპრილიდან დაიწყო. ეროვნული ვალუტის კურსის ვარდნით გამოწვეული ინფლაციის ზეწოლის გასანეიტრალებლად განაკვეთის აწევა რეგულატორმა 2019 წლის სექტემბრიდან დაიწყო.

სექტემბრიდან დეკემბრამდე რეფინანსირების განაკვეთი 6,5%-დან 9%-მდე გაიზარდა. საქართველოში კორონავირუსის გავრცელების საფრთხის გამო ქვეყნის ხელისუფლებამ 2020 წლის 21 მარტს კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად შეამცირა მონეტარული პოლიტიკის ძირითადი განაკვეთი 8%-მდე.

ნიკა შენგელიამ უკმაყოფილება გამოთქვა რეგულატორის ბოლო გადაწყვეტილებით – დაეტოვებინა რეფინანსირების განაკვეთი იმავე დონეზე.

„ჩვენ იმედი გვქონდა, რომ რეგულატორი შეამცირებდა განაკვეთს, ვინაიდან მთელ მსოფლიოში – ევროპაში, აშშ-ში, ჩინეთში, რუსეთშიც კი, განაკვეთი შემცირდა. უკვე დროა მონეტარული პოლიტიკა შეიცვალოს, ვგულისხმობ, რომ საჭიროა რეფინანსირების განაკვეთის ნულთან მიახლოება, რადგან ეკონომიკა რეცესიაშია და საჭიროა მისი წამოწევა“, – აღნიშნა შენგელიამ „Sputnik-საქართველოსთან“ საუბრისას.

ექსპერტის აზრით, ეროვნული ბანკის გადაწყვეტილება ნამდვილად არ იმოქმედებს პოზიტიურად ეკონომიკაზე, უბრალოდ არ ჩაძირავს მას.

როგორ იცვლებოდა ინფლაცია წლის დასაწყისიდან

ინფლაციის დონის რეგულირება საქართველოს ეროვნული ბანკის საქმიანობის ერთ-ერთი მთავარი მიმართულებაა.

უფრო იაფად, ვიდრე გუშინ, ანუ შეიძინე ბინა და გადმოდი დღესვე!>>

„ბოლო თვეებში ფასების დინამიკა ეროვნული ბანკის პროგნოზებს შეესაბამება. როგორც მოსალოდნელი იყო, წლიური ინფლაცია შემცირებას განაგრძობს და მან აგვისტოში 4.8 პროცენტი შეადგინა“, – აღნიშნულია რეგულატორის განცხადებაში.

წლიურმა ინფლაციამ 2019 წელს 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. რეფინანსირების განაკვეთი ამ პერიოდში 6,5%-დან 9%-მდე გაიზარდა, ბოლოს – 2019 წლის დეკემბერში.

წლის დასაწყისიდან ინფლაციის დონემ კლება დაიწყო – იანვარსა და თებერვალში მან 6,4%, მარტში – 6,1% შეადგინა.

ეროვნული ბანკის მიმდინარე პროგნოზით, სხვა თანაბარ პირობებში, წლიური ინფლაციის შემცირების ტენდენცია წლის ბოლომდე შენარჩუნდება, ხოლო მიზნობრივ 3%-იან დონეზე დაბლა ინფლაციის დონე 2021 წლის პირველ ნახევარში ჩამოვა.

„ინფლაციის მოსალოდნელ ცვლილებას, ძირითადად, სუსტი ერთობლივი, მეტწილად, საგარეო მოთხოვნა განსაზღვრავს. თუმცა კომიტეტმა ასევე გაითვალისწინა ინფლაციის მოლოდინების კუთხით არსებული რისკები, რომლებიც სავალუტო ბაზრებზე გაზრდილ მერყეობასა და მიზნობრივზე მაღალი ინფლაციის მაჩვენებლის ხანგრძლივად შენარჩუნებას თან ახლავს“, – ნათქვამია განცხადებაში.

ნიკა შენგელია არ იზიარებს ეროვნული ბანკის პროგნოზს ინფლაციის შემცირებასთან დაკავშირებით.

პანდემია და არჩევნები საქართველოში: რა ხდება ლარის კურსთან დაკავშირებით>>

„ჩვენ ველით ინფლაციის მნიშვნელოვან ზრდას, ძირითადად, ოქტომბრის ბოლოდან, რადგან ამ პერიოდიდან კვლავ მოსალოდნელია საქონლისა და მომსახურების გაძვირება. ვინაიდან ამ დროისთვის ადგილობრივი სასოფლო-სამეურნეო პროდუქტის მარაგი უკვე ამოწურულია, ჩვენ კვლავ დამოკიდებული ვიქნებით იმპორტირებულ საქონელზე“, – განუცხადა შენგელიამ „Sputnik-საქართველოს“.

მისი თქმით, ქვეყანას სასურსათო კალათის 80%-მდე კვების პროდუქტების შემოტანა მოუწევს.

69
თემები:
საქართველოს ეკონომიკა
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0