კალაშნიკოვის ტყვიამფრქვევი

მიმოხილვა: აერომობილური ჯავშნოსანი „სტრელა“

145
(განახლებულია 20:28 17.07.2020)
რუსეთის არმიის უნიკალური ჯავშანმობილების ხაზი უახლესი „სტრელით“ შეივსო, რომელიც  ჯავშნოსნისთვის წარმოუდგენელ სიჩქარეს — 155 კმ/სთ–ს ავითარებს.

მობილურობა ყველაზე შესამჩნევი, თუმცა არა ერთადერთი უპირატესობაა, რომელიც რუსეთისა და მისი მოკავშირეების თავდაცვისუნარიანობასა და ასევე რუსული იარაღის აღმატებულებას განამტკიცებს თანამედროვე შეიარაღებულ კონფლიქტებში.

„სამხედრო–სამრეწველო კომპანიის“ გენერალურმა დირექტორმა ალექსანდრ კრასოვიცკიმ РИА Новости-ს უამბო, რომ მსუბუქ ჯავშანმანქანა Стрела-ს ანალოგი არ აქვს. ის აღჭურვილია ბალისტიკური დაცვით, აქვს ავტომატ АК-74-დან, АКМ-დან და სნაიპერული შაშხანიდან სროლის უნარი. ნაღმსაწინააღმდეგო დაცვა ეკიპაჟის სიცოცხლეს უზრუნველყოფს ნაღმის ან ორ კილოგრამამდე ტროტილის ეკვივალენტის მქონე სხვა მოწყობილობის აფეთქებისას. მანქანა 4,7 ტონას იწონის და გარე საკიდურზე ვერტმფრენ Ми-8-ს ზიდვა შეუძლია ტაქტიკური საჰაერო დესანტის შემადგენლობაში. შედარებისთვის, ჯავშანავტომობილი Тигр ორჯერ მძიმეა და 600 გრამამდე ტროტილის ეკვივალენტის აფეთქებას უძლებს.

გარედან Стрела თანამედროვე ჯავშნითა და კორპუსის გეომეტრიითაა დაცული, შიგნით დამონტაჟებულია აფეთქების ტალღის მაკომპენსირებელი სავარძლები. უახლესი რუსული ჯავშანავტომობილების ასეთმა კორპუსმა სირიაში საიმედოობა აჩვენა — აფეთქებისას ადამიანები არ იღუპებოდნენ.

Стрела-ს დანიშნულება — სპეცდანიშნულების დანაყოფების ოპერატიულ–სამსახურებრივი საქმიანობის უზრუნველყოფა, ხალხისა და სხვადასხვა სახის ტვირთების გადაზიდვაა მაღალი დონის ბალისტიკური დაცვით. სალონში რვა ადამიანი თავსდება — მძღოლის ჩათვლით. გათვალისწინებულია შეიარაღებისა და სპეცაღჭურვილობის მოდულური კომპლექსების დაყენების შესაძლებლობა. საბრძოლო მანქანა მხოლოდ რუსული მასალებითაა დამზადებული. მწარმოებელი კომპანიის ავტორიტეტი შეიარაღების სფეროში მაღალი ხარისხის გარანტიას იძლევა საერთაშორისო ბაზარზე.

Стрела აუცილებლად მოეწონებათ სამხედროებს — მაღალი მობილურობა ხომ დანაყოფების საბრძოლო სტაბილურობის საფუძველია. თუ მანქანის კონსტრუქციაში ჩადებულ პერსპექტიულ კვანძებსა და აგრეგატებს სამოქალაქო ავტომრეწველობაც აითვისებს, მაშინ რუსეთში გამოჩნდება ყველაზე მაღალი გამავლობის კროსოვერი — გეოლოგების, ტურისტებისა თუ მეთევზეების ოცნება.

სპეცდანიშნულების ბოლიდები

ჯავშანავტომობილების ფართო სპექტრის მნიშვნელობა ბრძოლის ველზე სრულიად აშკარაა. სხვადასხვა კლასისა და შესაძლებლობების მანქანები ჯარს დასახული ამოცანის დიფერენცირებულად გადაჭრის, სიტუაციის იუველირულად ფლობის, მოწინააღმდეგის ცეცხლითა და მანევრებით დათრგუნვის საშუალებას აძლევს.  

შემთხვევითი არ არის, რომ შეიარაღების თანამედროვე საერთაშორისო ბაზარი გადავსებულია ჯავშანტრანსპორტიორებით – Stryker (აშშ), LAV (კანადა, შვეიცარია), VBCI (საფრანგეთი), Boxer (გერმანია–ჰოლანდია), Pandur (ავსტრია), Pars (თურქეთი). ამ სექტორში ყოველწლიურად ტრიალებს მილიარდობით დოლარი და რუსული თავდაცვითი სამრეწველო კომპლექსი დამაჯერებლად ლიდერობს უკვე რამდენიმე ათეული წელია. მარტო 2010-2017 წლებში 1206 რუსული მანქანა გაიყიდა — საერთო ღირებულებით 1,48 მლრდ დოლარი.

Стрела-ს უახლოესი კონკურენტების სია არც ისე დიდია. შესადარებლად რამდენიმე, ანალოგიური დაცულობის მქონე, ყველაზე სწრაფი მსუბუქი ჯავშანავტომობილი განვიხილოთ.

ტაქტიკური ავტომობილი Renault Sherpa II – მისი დანიშნულება უგზოობაში მისიების შესრულებაა. აღჭურვილია სხვადასხვა სახის საბრძოლო მოდულებით (ტყვიამფრქვევებითა და ყუმბარმტყორცნებით). აქვს 4,7 ლიტრიანი ტურბოდიზელის მძლავრი ძრავი და 120 კმ/სთ სიჩქარეს ავითარებს.

ჯავშოსანი SandCat, ისრაელის კომპანია Plasan-ის ნაწარმი — არის ნაღმგამძლე, მსუბუქი საპატრულო ავტომობილი ამორტიზაციული სავარძლებით, რომლებიც დამატებით დაცვას უზრუნველყოფს ნაღმების აფეთქებისას. კორპუსში არსებული ექვსი პორტი დესანტს მოძრაობისას სროლის საშუალებას აძლევს. SandCat-ს აქვს 6,7-ლიტრიანი რვაცილინდრიანი ძრავი 330 ცხენის ძალის სიმძლავრით და საათში 120 კმ სიჩქარეს ავითარებს. დსთ-ის სივრცეში ასეთი ჯავშნოსნები ჰყავთ აზერბაიჯანს, ყაზახეთსა და თურქმენეთს.

ავსტრალიური ჯავშანავტომობილი Hawkei — აქვს ბალისტიკური დაცვის მაღალი დონე, V-ს მსგავსი ძირი და აფეთქების მშთანთქმელი სისტემა, ნაღმებისგან დაცვას უზრუნველყოფს. მანქანაზე დამაგრებულია დისტანციურად მართვადი შეიარაღება (5,56 მმ, 7,62 მმ და 12,7 მმ კალიბრის ტყვიამფრქვევები, ავტომატური 40-მილიმეტრიანი ყუმბარმტყორცნები და რაკეტსაწინაღმდეგო რაკეტები). Hawkei აღჭურვილია ექვსცილინდრიანი დიზელის ძრავით და საათში 130 კმ სიჩქარეს ავითარებს.

კომპანია General Dynamics-ის მსუბუქი ჯავშანმობილი Flyer — გამოიყენება დაზვერვისთვის, რეიდებისთვის, იერიშებისთვის, ევაკუაციისა და სხვა მისიებისთვის. Flyer აღჭურვილია 360 გრადუსიანი სისტემის იარაღით. კოშკურაზე დამაგრებულია 12,7 მმ კალიბრის ტყვიამფრქვევი. აქვს 1,9-ლიტრიანი, 150 ცხენის ძალის ძრავი და საათში 135 კმ-ს ავითარებს.

სამხრეთ აფრიკული სამხედრო–სამრეწველო Paramount Group-ის მსუბუქი ჯავშანმობილი Mbombe-4 ყველაზე ახალი ნიმუშია და პირველად IDEX-2019-ზე გამოიფინა არაბთა გაერთიანებულ საამიროებში. იტევს ათ ადამიანს. აქვს სრული ამძრავობის (4X4) სისტემა. შეუძლია შეასრულოს პატრულირების ამოცანები და ასევე მონაწილეობა მიიღოს საბრძოლო ოპერაციებში. ჯავშანმობილი აღჭურვილია ექვსცილინდრიანი, 457 ცხენის ძალის მქონე ძრავით და საათში 140 კმ-ს ავითარებს.

და ეს ყველაზე სწრაფი კონკურენტია რუსული Стрела-სთვის.

აღსანიშნავია, რომ რუსი მეიარაღეები მუხლუხოვანი ჯავშანტექნიკის სფეროში ყოველთვის მოდის კანონმდებლებად მიიჩნეოდნენ. მაგრამ სამხედრო–სამრეწველო კომპლექსი დიდი ხნის განმავლობაში სპეციალიზდებოდა მხოლოდ საბურავებიან ტექნიკაზე. ასეთ სერიოზულ და წარმატებულ „ოჯახში“ ნაკლის მქონეები არ იბადებიან. და მსუბუქ ჯავშანმობილ Стрела-ს დიდი მომავალი ელის ჯარში, ბრძოლის ველზე და შეიარაღების საერთაშორისო ბაზარზე.

რედაქცია შესაძლოა არ ეთანხმებოდეს ავტორის მოსაზრებებს

145
სარაკეტო კომპლექსი „ისკანდერ M“

მოსაზრება: კარგ მოცეკვავეს „ისკანდერები“ ხელს არ უშლის - რა განაცხადა ფაშინიანმა

67
მაღალტექნოლოგიური და ზეზუსტი შეიარაღების სისტემების საბრძოლო გამოყენება სპეციალისტ-ოპერატორების შესაბამის მომზადებას მოითხოვს.

ასევე სადაზვერვო-შემტევი საიმედო კონტურის ორგანიზაციას, პოლიტიკურ სიბრძნესა და გადაწყვეტილებების მიღებაზე პასუხისმგებლობას. კოორდინატთა სხვა სისტემაში ყველაზე სრულყოფილი რაკეტები შესაძლოა „ის სისტემები“ არ გამოდგეს, სტარტი ვერ აიღოს, მიზანს ვერ მოხვდეს, ან „10 პროცენტით აფეთქდეს“.

მთიან ყარაბაღში ცოტა ხნის წინ მიმდინარე საომარი მოქმედებების შედეგების შეფასებისას გამოცემა 1in.am-სთან ინტერვიუში სომხეთის პრემიერ-მინისტრმა ნიკოლ ფაშინიანმა ეჭვები გამოთქვა რუსული იარაღის საიმედოობისა და ბრძოლისუნარიანობის მიმართ. მისი თქმით, რაკეტა „ისკანდერები“ ან საერთოდ არ ფეთქდებოდა, ან „10 პროცენტით“ ფეთქდებოდა. ამასთან სახელმწიფოს მეთაურმა განაცხადა, რომ განზრახული აქვს სამხედრო რეფორმა ჩაატაროს - სტრუქტურული და ასევე შიარაღების კუთხით.
სომხეთის თავდაცვის სამინისტროში უარი თქვეს პრემიერ-მინისტრის გამონათქვამების კომენტარზე „ისკანდერების“ შესახებ. შესაძლოა ფაშინიანი არასაკმარისად იყოს ინფორმირებული ან შეცდომაში შეყვანილი რომელიმე მრჩევლის მიერ. რუსული სარაკეტო კომპლექსების ტაქტიკურ-ტექნიკური მახასიათებლები და რეპუტაცია იმდენად მაღალია, რომ პროფანებისგან დაცვა არ სჭირდება. შემთხვევითი არ არის, რომ რუსეთი მსოფლიო შეიარაღების ბაზრის მესამედს აკონტროლებს. შეიარაღების ექსპორტმა რუსეთიდან 2020 წელს 13 მილიარდი დოლარი შეადგინა. ეს ციფრები და ფაქტები თავდაცვითი პროდუქციის ხარისხზე მეტყველებს, რომლებსაც ქვეყნების უმეტესობა იძენს.

როცა „ისკანდერი“ მცოდნე ადამიანების ხელშ ხვდება, ის წარმატებით ანადგურებს სამიზნეებს კავკასიის მთებშიცა და ზღვაზეც, როგორც ეს სირიაში და აფრიკისჩრდილეოთში იყო. ასეთი იარაღის შეძენა ათობით ქვეყანას სურს, მაგრამ მხოლოდ ცოტას აქვს შესაძლებლობა, მიიღოს „ისკანდერ Э-ს“ საექსპორტო მოდიფიკაცია. სომხეთს კი გაუმართლა.
კვაზიბალისტიკური აჩრდილი

რუსეთი მაღალტექნოლოგიურ შესაძლებლობებს ყველა ქვეყანას არ უწილადებს. ამ ფონზე ფაშინიანის ინტერვიუ მოწმენდილ ცაზე მეხის გავარდნას ჰგავდა. კომპლექსი „ისკანდერ-М“ რუსეთის არმიის შეიარაღებაში 2006 წელს შევიდა და პლანეტაზე საუკეთესოდ მიიჩნევა თავის კლასში. ამიტომ შეფასება „80-იანების იარაღი“ შეურაცხმყოფელია.

სომხეთის პრემიერის ღიად დამადანაშაულებელი განცხადება რუსული იარაღის მიმართ რამდენიმე ვარაუდისა და დასკვნის გაკეთების საშუალებას იძლევა.

არაკომპეტენტურობა ან დეზინფორმაცია შეიძლება ყველაზე უარესი სცენარი არ იყოს. რუსული იარაღის საჯარო დისკრედიტაცია შეიძლება „სტრატეგიული არჩევანის საკითხი“ იყოს, სომხეთის არმიის სტრუქტურული და ხარისხობრივი რეფორმირების რაღაც პროგრამის ნაწილი. და მაშინ ჩნდება კითხვები: რა იარაღის შეძენას აპირებს ერევანი ხილულ პერსპექტივაში? რა სტანდარტებით აპირებს თავდაცვის უნარიანობის განმტკიცებას? და რაც მთავარია, რა მიზნით იწყება სამხედრო მშენებლობის ახალი ეტაპი?

ლოგიკურია ვივარაუდოთ, რომ ყარაბაღში ბრძოლების შემდეგ დასკვნები გაკეთდა, გეგმები მოიხაზა. მაგრამ ძველი ჭეშმარიტებაღაღადებს: გამარჯვებას ბევრი მამა ჰყავს, მარცხი კი ყოველთვის ობოლია. ფაშინიანის ინტერვიუდან ირკვევა, რომ თავდაცვის სამინისტროში და გენერალურ შტაბში დიდი ანალიტიკური მუშაობა მიმდინარეობს, რათა „ომის შესახებ მთელი სიმართლე დამტკიცდეს, დადგინდეს და გამოჩნდეს“. ამასთან ათასზე მეტი სისხლის სამართლის საქმეცაა აღძრული. ძნელი გასაგებია, რა არის აქ უფრო მეტი - ჭეშმარიტების ძიება და სტრატეგიის კორექტირება თუ „დამნაშვეების დანიშვნა“ შემდგომი რეპრესიებისთვის.

ვრცელ ინტერვიუში კოლექტიური უსაფრთხოების შეთანხმების ორგანიზაცია მხოლოდ ერთხელაა ნახსენები. არადა ეს ორგანიზაცია ერთადერთი საიმედო დასაყრდენია სომხეთისთვის ომისშემდგომი ტურბულენტობისა და ყარაბაღში არამდგრადი მშვიდობის პირობებში. ხშირად გამოყენებული სიტყვები „რევოლუცია“ და „კონსტიტუცია“ თავისთავად ვერაფერს დაარეგულირებს, ქვეყნის უსაფრთხოების გარანტია ვერ იქნება. არმია არის ნებისმიერი სახელმწიფოს სტაბილურობის საფუძველი, მაგრამ მსჯელობა „არსებით რეფორმებზე“ მოქმედების კონკრეტული გეგმის გარეშე დესტრუქციულად გამოიყურება. როგორც ზედაპირული მსჯელობა რუსული იარაღის დაბალ საბრძოლო პოტენციალზე, ეროვნულ არმიაში და მის მომიჯნავე სექტორში აღმოუფხვრელ კორუფციაზე მინიშნებებით.

მოუხელთებელი და უძლეველი

სარაკეტო კომპლექს Искандер-М-ის დანიშნულება მოწინააღმდეგის კრიტიკულად მნიშვნელოვანი ობიექტების განადგურებაა 500 კმ მანძილზე, მაღალი სიზუსტით. კომპლექსის მთავარი უპირატესობებია: სტრატეგიული მობილურობა, უჩინარი მოქმედება და სარაკეტო დარტყმების მიყენება, საბრძოლო ამოცანის ავტომატური გათვლა და შეყვანა, საბრძოლო ამოცანის შესრულების მაღალი ალბათობა საცეცხლე და რადიოლექტრონული ბრძოლის პირობებში.

საბრძოლო ეფექტურობა გაზრდილია ორი ტიპის რაკეტის გამოყენების ხარჯზე - ბალისტიკური და ფრთოსანი რაკეტებისა. პირველი რაკეტის გაშვების დრო რამდენიმე წუთია, გაშვებებს შორის ინტერვალი - ერთი წუთი. რაკეტის ფრენის სიჩქარე საათში 7200 კმ-ზე მეტი (ანუ ფრენას 3-4 წუთი სჭირდება). რაკეტა სტარტსა და ფინიშზე ოთხ ტონიანი რაკეტა წამში 2000 მეტრზე მეტს ავითარებს და მანევრირებს 30g ტვირთით (რაც შეუძლებელს ხდის რაკეტის ჩაჭერას ნებისმიერ ჰაერ- და რაკეტსაწინააღმდეგო თავდაცვის სისტემებით).

„ისკანდერის“ თითოეული გამშვები დანადგარი მობილურია და ავტონომიური. შეუძლია იმოქმედოს ყველგან და ყოველთვის. დამიზნებისთვის იყენებს პროგრამას - ინერციულ სანავიგაციო სისტემას, „სგლონასის“ თანამგზავრების სისტემას. რაკეტების გადამისამართება შესაძლებელია ფრენისას, რაც მოძრავ სამიზნეებზე შეტევის შესაძლებლობას იძლევა. ფინალურ მონაკვეთზე აქტიურდება თვითდამიზნების ჭკვიანი ოპტიკა, რომელიც უნიკალურ სიზუსტეს უზრუნველყოფს. ქობინები 9М728 ან Р-500 სამიზნეს ერთ-მეტრზე მეტით არ ცდება.

„ისკანდერის“ ზეზუსტ რაკეტებს მცირედ ამრეკლი ზედაპირები და ფრენის რთული გტრაექტორიები აქვს. კონპლექსი ორი ტიპის რაკეტებითაა აღჭურვილი: აერობალისტიკური 9М723-ით – ფრინავს კვაზიბალისტიკური ტრაექტორიით 50 კმ-მდე სიმაღლეზე, და ფრთოსანი 9М728 ან Р-500.

„ისკანდერ-М“ აღემატება საუკეთესო უცხოურ კომპლექსებს სიზუსტით, რაკეტების გასაშვებად მომზადების ოპერატიულობითა და სხვა მახასიათებლებით. ყველაზე ახლოს მდგომი ანალოგი - ეს არის ისრაელის კომპლექსი LORA, რომელიც მას ფრენის სიშორითა და სიზუსტით ჩამორჩება. ავტორიტეტული რუსი სპეციალისტების პროგნოზებით, „ისკანდერის“ უცხოური ანალოგები 2025 წელზე ადრე არ გამოჩნდება არენაზე.

რედაქცია შესაძლოა არ ეთანხმებოდეს ავტორის მოსაზრებებს!

67
ამერიკული დოლარი

სტრატეგიული სვლა: რუსეთმა მილიარდები ჩადო აშშ–ის სახელმწიფო ობლიგაციებში

692
ცენტრობანკმა დეკემბერში აშშ–ის სახელმწიფო ობლიგაციებში ინვესტიციები ერთბაშად მილიარდი დოლარით გაზარდა, მიუხედავად იმისა, რომ მოსკოვი ბოლო წლებში გეგმაზომიერად იშორებდა თავიდან ამ ფასიან ქაღალდებს.

ნატალია დემბინსკაია

მათი წილი რეზერვებში ამ დროისათვის ერთ პროცენტზე ოდნავ მეტია. რისთვის დასჭირდა ამერიკული ობლიგაციები ახლა რუსეთს?

აშშ–ის ფინანსთა სამინისტროს მონაცემებით, რუსეთს ამ დროისათვის 6,011 მლრდ–ს სახელმწიფო ობლიგაციები აქვს: 1,2 მილიარდი დოლარისა გრძელვადიანი და 4,8 მილიარდისა — მოკლევადიანი. დეკემბერში ეს მარაგი კიდევ ერთი მილიარდით შეივსო.

ამ ქაღალდების რეალიზებით აშშ საბიუჯეტო დეფიციტსა და სხვახარჯებს ფარავს. ამერიკული სახელმწიფო  ვალი თითქმის 28 ტრილიონს აღწევს. 2010-2013 წლებში რუსული ინვესტიციები 170 მილიარდს აჭარბებდა. მოსკოვი ტრეჟერისების უმსხვილეს მფლობელთა რიცხვში შედიოდა. მაგრამ მას შემდეგ, რაც 2014 წელს ვაშინგტონმა სანქციები დაუწესა, რუსეთმა მათი თავიდან მოშორება დაიწყო.

2018 წელს ცენტრობანკმა მასშტაბური გაყიდვები მოაწყო, შეამცირა რა აშშ–ის ობლიგაციების პორტფელი ერთბაშად ორჯერ. ამერიკული ქაღალდების წილი საერტაშორისო რეზერვებში მინიმუმდე დავიდა. გამოთავისუფლებული სახსრები ცენტრობანკმა ოქროში, ასევე ევროსა და იუანში გადაიტანა.

დივერსიფიკაცია

ამერიკული სახელმწიფო ვალი საჯაროდ ფასაიანი ქაღალდებითაა წარმოდგენილი, რომლებსაც აშშ–ის ფინანსთა სამინისტრო უშვებს. ვექსილებისა და სახელმწიფო ობლიგაციების შეძენა ფიზიკურ და იურიდიულ პირებს, ცლკეული შტატებისა და სახელმწიფოების ხელისუფლებებებს შეუძლიათ. ამ ქაღალდებიდან მოგება მცირეა — დაახლოებით 2,5–3%. მაგრამ ევროპული და იაპონური ვალებს შემოსავლიანობა პრაქტიკულად  ნულოვანია და უარყოფითიც კი.

მაგრამ საქმე სხვა რამაა: აშშ–ის სახელმწიფო ობლიგაციები ერთ–ერთ ყველაზე მაღალფულად და ლიკვიდურ ინსტრუმენტებად მიიჩნევა მსოშლიოში. მათი ყიდვაც და გაყიდვაც ადვილია.

„დროებით თავისუფალი სახსრების აშშ–ის სახელმწიფო ვაში ჩადება მომგებიანია. წლიური 0რი–სამი პროცენტი საკმაოდ დიდი თანხაა, როცა საუბარი მილიარდებზე მიდის. ამ შემტხვევაში პოლიტიკა არ უნდა ახდენდეს გავლენას ეკონომიკურ გადაწყვეტილებებზე“, — მიაცნია სახელმ წიფო დუმის ფინანსური ბაზრის კომიტეტის წევრ დმიტრი სკრივანოვს.

ამგვარად, ტრეჟერისების მოცულობის გაზრდით, მოსკოვმა ტექნიკურად  მონიშნა თავისი არსებობა ბაზარზე. ეს საჭიროა საერთაშორისო რეზერვების დივერსიფიკაციისთვისაც. ახლა რუსეთს 590 მილიარდი დოლარი აქვს, საიდანაც ექვსი მილიარდი აშშ–ის სახელმწიფო ვალშია ჩადებული. ანალიტიკოსები განმარტავენ: მოსკოვი ზოგადმსოფლიო ტენდენციებს მისდევს. დოლარზე მოთხოვნა იზრდება, ვინაიდან ეს ვალუტა ყველაზე მდგრადია ინფლანციისა და ცვალებადობის მიმართ.

„მილიარდი დოლარი საკმაოდ დიდი თანხაა. მისი ჩადება აქტივების მეტად შეზღუდულ ნაკრებშია შესაძლებელი. ოქრო გადახურებულია, ევროსა და იუანზე კი რეზერვების ისედაც დიდი წილი მოდის. ამერიკული სახელმწიფო ობლიგაციის შეძენა — ეს დივერსიფიკაციის ელემენტია“, — აზუსტებს ექსპერტი ვიტალი მანკევიჩი.

ჩინური ვარიანტი

დეკემბრის ბოლოს მონაცემებით, აშშ–ის ფასიანი ქაღლდების უმსხვილესი მფლობელი არია იაპონია — 1,2 ტრილიონი დოლარი. მანამდე ჩინეთი ლიდერობდა, მაგრამ ახლა პეკინი ,ეორე ადგილზეა 1,06 ტრილიონი დოლარით. მესამე ადგილზე დიდი ბრიტანეთია 428,9 მილიარდით.

სავაჭრო ომის გამო ჩინელებმა გეგმაზომიერად დაიწყეს ამერიკული ქაღალდების თავიდან მოშორება და 200 მილიარდზე მეტით შემაცირეს ინვესტიციები. თუმცა ის, რაც აქვთ, ვაშინგტონზე ზეწოლის მძლავრი ბერკეტია.

კონფლიქტი გრძელდება და ეს შიშებს ამძაფრებს: ერთიც აშშ–ის ეკონომიკის რიგით მეორე უცხოელმა კრედიტორმა ტრეჟერისების მასშტაბური გაყიდვა დაიწყოს. შედეგები კატასტროფული იქნება. ამ ქაღალდების მასიური გაყიდვა ბაზარზე პანიკას გამოიწვევს.

მაგრამ ეს თავად ჩინეთს არ აწყობს. ჯერ პირველი, რომ მოკლე ვადაში 100–200 მილიარდის ობლიგაციების რეალიზება გარდაუვლად ჩამოშლის მათ ფასებს — შედეგად თავად ჩინეთის შიდა აქტივებისა და რეზერვების ღირებულება მნიშვნელოვნად შემცირდება, ისევე როგორც გაიაფებული ტრეჟერისების გაყიდვიდან მიღებული თანხებიც.

და მეორეც: ამას დაემატება ისიც, რომ დოლარი ჩამოიშლება, ეს კი პეკინს არაფერში სჭირდება — ამერიკული ვალუტის დასუსტება ჩინურ ექსპორტს გააძვირებს.

ოქროს მარაგი


უკვე რამდენიმე წელია, რაც რუსეთის ცენტრობანკი ფსონს ოქროზე დებს და დოლარს თავიდან იცილებს. 2020 წელს ძვირფასი ლითონების წილი რეზერვებში ამერიკული ვალუტის წილს აჭარბებდა, თებერვლისთვის კი მონეტარული ოქროს ღირებულებამ 136,7 მილიარდს მიაღწია. ერთ წლის განმავლობაში ქვეყნის ოქროს მარაგი თითქმის 28 ტონით გაიზარდა.

ძვირფასი ლითონები — უნივერსალური ფულადი ეკვივალენტი — აქტივებზე მიმზიდველი ხდება, რომლებსაც პროცენტული შემოსავალი მოაქვთ. ამასთან ბენისმიერი სასანქციო რისკებისგანაც აზღვევს. როგორც Bloomberg–ი წერს, რუსეთმა მთელ მსოფლიოს დაანახა, რომ მსხვილი ეკონომიკისა და დიდი ოქროს მარაგის მქონე ქვეყანაა, შეუძლია მოიშოროს დოლარი და ამასთან თავი შესანიშნავად იგრძნოს.

რედაქცია შესაძლოა არ ეთანხმებოდეს ავტორის მოსაზრებებს!

692
თემები:
რუსეთი დღეს
ალეკო ელისაშვილი

„ყველა ქართველ პოლიტოკოსს უნდა შეგვრცხვეს“ ელისაშვილი

0
(განახლებულია 15:07 25.02.2021)
ოპოზიციონერი პოლიტიკოსი მიიჩნევს, რომ პოლიტიკური ნიშნით ციხეში არავინ უნდა იჯდეს და ამ საკითხზე შეთანხმება უნდა მოხდეს

თბილისი, 25 თებერვალი - Sputnik. დეპუტატი ოპოზიციური პარტიიდან „მოქალაქეები“ ალეკო ელისაშვილი ოპოზიციის მხრიდან დაგეგმილ საპროტესტო აქციებში მონაწილეობას არ გეგმავს, თუმცა მოლაპარაკებების გაჭიანურება სამარცხვინოდ მიაჩნია.

სანქციები და პროტესტი: ოპოზიციამ თავისი გეგმების შესახებ განაცხადა>>

ოპოზიციამ ქუჩის საპროეტსტო აქციები „ნაცმოძრაობის“ ლიდერის ნიკა მელიას დაპატიმრებიდან მალევე დააანონსა. ოპოზიციის გეგმებშია მასობრივი აქცია–მსვლელობის გამართვა პარასკევს.

მელია პარტიის ოფისში სამშაბათ დილით დააკავეს. ამან დიდი რეზონანსი გამოიწვია საერთაშორისო საზოგადოებაში. საქართველოს დასავლელი პარტნიორები მხარეებს დიალოგისკენ მოუწოდებენ.

„ამ აქციებს არ შევუერთდები, მაგრამ მიმაჩნია, უბრალოდ სირცხვილია, რომ ამდენი ხანია არა და არ დაიწყო მოლაპარაკებები, ყველა მეგობარი გვეუბნება, რომ დასხედით, დაილაპარაკეთ... დეკლალირებულად ორივე მხარე ამბობს, რომ მოლაპარაკებების სივრცე დარჩა, მაგრამ მოლაპარაკება არა და არ იწყება. დღეს ყველა ქართველ პოლიტოკოსს უნდა შეგვრცხვეს ამ დაპირისპირების“, – განუცხადა ელისაშვილმა ჟურნალისტებს.

მისი თქმით, მელია პოლიტიკური ნიშნით არის დაკავებული.

„უნდა მოხდეს შეთანხმება, რომ ციხეში არ იჯდეს არავინ პოლიტიკური ნიშნით“, – აღნიშნა ელისაშვილმა.

ნიკა მელია 2019 წლის 20–21 ივნისს მასობრივი არეულობების ორგანიზების საქმეში ფიგურირებს. მან უარი განაცხადა მეორედ დანიშნული გირაოს გადახდაზე. პროკურატურამ გამოძიების პერიოდში მისი წინასწარი პატიმრობა მოითხოვა. სასამართლომ 17 თებერვალს პროკურატურის შუამდგომლობა დააკმაყოფილა.

ნიკა მელია ხელისუფლებას იმაში ადანაშაულებს, რომ ის პოლიტიკური პროცესებისგან მის იზოლირებას ცდილობს. მელიამ სასამართლოს გადაწყვეტილებას ფაქტობრივად დაუმორჩილებლობა გამოუცხადა.

0
თემები:
საქართველოს პოლიტიკური ცხოვრება