ოპოზიციის საპროტესტო აქცია. 2020 წლის 20 ივნისი.

„შევხვდებით არჩევნებზე!“ - როგორ ჩაიარა ოპოზიციის აქციამ თბილისში

283
(განახლებულია 01:28 21.06.2020)
ერთი წლის წინ ანტირუსული საპროტესტო აქცია გადაიზარდა პარლამენტის შტურმის მცდელობაში და მიტინგის სასტიკ დარბევაში - დაშავდა 240 ადამიანი

ახალგაზრდული ორგანიზაციები და ოპოზიცია კვლავ შეიკრიბნენ თბილისი ცენტრში საპროტესტო აქციაზე - 2019 წლის 20-21 ივნისის მოვლემების წლისთავზე და საარჩევნო სისტემის შეცვლის საკითხზე კენჭისყრამდე ერთი დღით ადრე.

მონაწილეების რაოდენობის შეფასება ამჟერად პროფესიონალებსაც კი გაუჭირდათ - მონაწილეები იცავდნენ ორმეტრიან დისტანციას და პარლამენტის მიმდებარე ტერიტორიაზე გადანაწილდნენ. ამიტომ მომიტინგეთა რაოდენობასთან დაკავშირებით მედიის გათვლები რამდენიმე ასეულიდან რამდენიმე ათასამდე მერყეობს.

Акция протеста оппозиции у здания парламента 20 июня 2020 года. Участникам митинга соблюдают дистанцию
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი.

ძალის და მასშტაბურობის დემონსტრირება ოპოზიციამ ვერ შეძლო. მოსახლეობა კორონავირუსმა შეაშინა, ანდა რამდენიმეთვიანი იზოლაციის შემდეგ ცხოვრებისეული პრობლემები პოლიტიკაზე მნიშვნელოვანი აღმოჩნდა.

Акция протеста оппозиции у здания парламента 20 июня 2020 года
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი.

აქციაზეც ცხადი იყო, რომ კორონავირუსი არსად არ წასულა. ახალგაზრდული მოძღაობა „სირცხვილიას“ ორრანიზატორები მონაწილეებს ტრანსპარანტების ნაცვლად პირბადეებს და ხელთათმანებს ურიგებდნენ. გარდა ამისა, აქციაზე მისულ ყველა ადამიანს ხელების სადეზინფექციო ხსნარით დამუშავება შეეძლო.

ორგანიზატორებმა შეიკავეს თავის ტრადიციული შეძახილებისგან, ხოლო ყოველი გამომსვლელის შემდეგ მიკროფონს დეზინფექცია უტარდებოდა.

ზოგადად საერთო სურათი, შარშანდელისგან განსხვავებით, როდესაც ამ ადგილას ტყვიების სროლა და სისხლისღვრა იყო, ხაზგასმით მშვიდობიანი იყო: ბევრი მივიდა ბავშვებთან ერთად, ზოგს კი შინაური ცხოველი წამოუყვანია. მომიტინგეები კი უფრო მეტად ეკონტაქტებოდნენ ერთმანეთს, ვიდრე გამომსვლელებს უსმენდნენ.

სულ სხვა სურათს ქმნიდნენ ახალგაზრდული მოძრაობების და პარტიების აქტივისტები, რომლებიც სცენასთან ახლოს შეიკრიბნენ. მათ ხელში ეკავათ საქართველოს, ევროკავშირისა და ნატოს დროშები, ასევე ტრანსპარანტები „ქართული ოცნების“ ლიდერის, ბიძინა ივანიშვილის კრიტიკით და რუსეთის ქმედებების საწინააღმდეგო წარწერებით.

Акция протеста оппозиции у здания парламента 20 июня 2020 года. Изображения окровавленных ладоней на асфальте
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი.

რუსთაველის გამზირზე აქციის პარალელურად ახალგაზრდა აქტივისტებმა ლოკალური აქციების სერია პარლამენტის ირგვლივ ჩაატარეს. ასე, მაგალითად, ერთ-ერთ შესასვლელთან ასფალტზე გაჩნდა სისხლით მოსვრილი ხელის მტევნები, როგორც სიმბოლო იმისა, რომ ხელისუფლებას სისხლში აქვს ხელები დასვრილი ერთი წლის წინ მომხდარი აქციის სასტიკი დაშლის შემდეგ.

მთავარი გზავნილები

ძირითადად სცენაზე იდგნენ ახალგაზრდული მოძრაობა „სირცხვილიას“ ლიდერები, რომლებსაც ერთი წლის განმავლობაში - საზაფხულო და სასემოდგომო პროტესტის დროს აქციების ჩატარების დიდი გამოცდილება დაუგროვდათ. ისინი 2019 წლის მოვლენებს იხსენებდნენ და აქტუალური ამბებიც არ ავიწყდებოდათ.

Акция протеста оппозиции у здания парламента 20 июня 2020 года
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი. შოთა დიღმელაშვილი.

„სირცხვილიას“ ერთ-ერთმა ლიდერმა შოთა დიღმელაშვილმა შეკრებილების სახელით მიმართა ოპოზიციურ პარტიებს და მომავალი გამარჯვების გამო ერთიანობის შენარჩუნებისკენ მოუწოდა.

გამომსვლელებში „ზრდასრულებიც“ გამოჩნდნენ. განსაკუთრებული სითბოთი შეხვდნენ ექს-პრეზიდენტ გიორგი მარგველაშვილს, რომელიც 2018 წლის დეკემბერში დიდი პოლიტიკიდან წავიდა და ოპოზიციურად განწყობილი მოქალაქეების სიმპათიები იმის გამო დაიმსახურა, რომ „ქართული ოცნებისთვის“ არახელსაყრელი პრეზიდენტი აღმოჩნდა.

Акция протеста оппозиции у здания парламента 20 июня 2020 года. Георгий Маргвелашвили
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი. გიორგი მარგველაშვილი.

„ჩვენ, საქართველოს მოქალაქეებმა, არაერთხელ ვაჩვენეთ, რომ თავისუფლების, ღირსების, ჩვენი სამშობლოს და მათ შორის, სახელმწიფოს მშენებლობა ჩვენთვის უმნშვნელოვანესი მიზანია. შესაბამისად, ასეთ ხელისუფლებას მიღებული აქვს ქართველი ხალხის ვერდიქტი, ასეთ ხელისუფლებას მიღებული აქვს პარტნიორების ვერდიქტი. ასეთი ხელისუფლება მიუხედავად იმისა, რომ დღეს ისინი კაბინეტებში სხედან, უკვე წარსული ხელისუფლებაა საქართველოსთვის“, - განაცხადა მარგველაშვილმა, რომლის სიტყვებს ხმამაღალი აპლოდისმენტები მოყვა.

ტრიბუნიდან ჩასულმა მარგველაშვილმა უამბო ჟურნალისტებს, რომ პოლიტიკაში ბრუნდება და ამჟამად პოლიტიკურ ძალებთან კონსულტაციებს მართავს.

Акция протеста оппозиции у здания парламента 20 июня 2020 года. Давид Бакрадзе
© Sputnik / Vladimir Umikashvili.
ოპოზიციის საპროტესტო აქცია. 2020 წლის 20 ივნისი. დავით ბაქრაძე.

აქციაზე გამოჩნდნენ ოპოზიციის სხვა წარმომადგენლებიც, რომლებიც აკრიტიკებდნენ ხელისუფლებას, ადანაშაულებდნენ სახელმწიფო და პროდასავლური ღირებულებებისადმი ხალატში. თუმცა სცენაზე არ გამოსულა არცერთი იმ ლიდერთაგანი, რომლებიც 2019 წელს პარლამენტის შტურმისკენ მოუწოდებდნენ.

აქცია დასრულდა პლაკატების დარიგებით, წარწერით „შევხვდებით არჩევნებზე!“ და საქართველოს ჰიმნით.

პროტესტის მეორე მხარე

მმართველი პარტიის ლიდერები აცხადებდნენ, რომ პარლამენტთან შეიკრიბება „ნაციონალების“ ჯგუფი და მათ პროტესტს ქვეყნისთვის არანაირი მნიშვნელობა არ გააჩნია.

აქციის დაწყებამდე მმართველმა პარტიამ გაავრცელა საგანგებო განცხადება, რომელიხ გასული წლის მოვლენებს მიეძღვნა, რომელშიც ოპოზიცია ღიად დაადანაშაულა.

„გასული ერთი წლის განმავლობაში, ოპონენტებმა არაერთხელ, პირდაპირ თუ ირიბად, დაადასტურეს, რომ 2019 წლის 20-21 ივნისს, მშვიდობიანი საპროტესტო აქციის პარლამენტის შენობაზე მიტანილ შტურმში გადაზრდა, მათ მიერ სპეციალურად დაგეგმილი ოპერაცია იყო, რომლის მიზანს პოლიციის მხრიდან ძალის გამოყენების პროვოცირება წარმოადგენდა, რათა ხელოვნურად შექმნილიყო ხელისუფლების დამხობის საბაბი“, - ნათქვამია პარტიის განცხადებაში.

ამასთან „ქართულმა ოცნებამ“ პირდაპირ მიუთითა, რომ ამის უკან იდგა „ნაციონალური მოძღაობა“, რომელმაც თავის დროზე მკაცრად არბევდა განსხვავებულად მოაზროვნე ადამიანების გამოსვლებს.

„2007 წლის 7 ნოემბრის და 2011 წლის 26 მაისის სისხლიანი დარბევების ავტორთა გათვლა ცინიკური და ამორალური იყო - მათ კარგად უწყოდნენ, რომ ქართული საზოგადოება უკიდურესად მტკივნეულად რეაგირებს პოლიციის მიერ თუნდაც ლეგიტიმურად გამოყენებულ ძალაზე“, - ნათქვამია განცხადებაში.

გავრილოვის თვალსაზრისი

მოვლენებთან დაკავშირებით კომენტარი გააკეთა რუსეთის სათათბიროს დეპუტატმა სერგეი გავრილოვმაც, რომლის ჩამოსვლა თბილისში 2019 წლის ზაფხულში პროტესტის საბაბი გახდა.

მან ჩაწერა ვიდეომიმართვა Facebook-ში, რომელშიც გამოთქვა მოსაზრება იმის შესახებ, რომ ქართული მხარის ოფიციალური ბოდიში 2019 წლის 20 ივნისის მოვლენების გამო ორ ქვეყანას შორის პოლიტიკური ურთიერთობების აღდგენის მნიშვნელოვანი საწინდარი შეიძლება გახდეს.

გავრილოვის თქმით, 2019 წლის 20 ივნისს თბილისში მოხდა „ბინძური მეთოდებით შიდაპოლიტიკური პრობლემების გადაჭრის მცდელობა, საქართველოსთვის უნიკალური მოვლენის - მართლმადიდებლობის პარლამენტთაშორისი ასამბლეის გამოყენებით“.

„ჩვენ დაჟინებით კი არ მოვითხოვთ ბოდიშებს, ჩვენ მიგვაჩნია, რომ მომხდარის გამო ბოდიშის მოხდა მართლმადიდებელი ევროპელი დეპუტატების მიმართ, ძმების მიმართ, რომლებსაც საქართველოსთვის მხოლოდ კარგი სურთ, ბოდიში რუსეთის წინაშე რუსეთის პრეზიდენტის და დეპუტატების შეურაცხყოფისთვის, რომელიც საერთოდ არაფერთან არ იყო კავშირში, ჩვენი საერთო ისტორიის მიმართ - ეს ჩვენი პოლიტიკური ურთიერთობების აღდგენის მნიშვნელოვანი პირობაა“, - განაცხადა გავრილოვმა.

გარდა ამისა, რუსი დეპუტატი მიიჩნევს, რომ საქართველოს საზოგადოებამ და ხელისუფლებამ თბილისში მომხდარ მოვლენებს „სამართლიანი შეფასება“ დღემდე ვერ მისცა. ამასთან გავრილოვი იმედოვნებს, რომ ქართული მთავრობა შეძლებს „საბოლოოდ დაამსხვრიოს რევანშისტი-გადამტრიალებლების გეგმები“ და „შეაჩეროს ისინი, ვინც იმ წელს გაბედა და სცდადა მკრეხელობა, სახელმწიფო გადატრიალება აშკარა ანტიმართლმადიდებლური, ანტიქრისტიანული ლოზუნგებით“.

რთული წელიწადი

აქციიდან აქციამდე გასული დრო საქართველოსთვის ძალიან რთული გამოდგა.

ანტირუსული გამოსვლების და განცხადებების ფონზე რუსეთმა საქართველოსთან ავიამიმოსვლა შეწყვიტა და ქვეყანამ რუსი ტურისტების უდიდესი ნაწილი დაკარგა.

შემდეგ პოლიტიკური კრიზისი იყო შემოდგომაზე - ნოემბერში მმართველმა პარტიამ ჩააგდო შეპირებული საკონსტიტუციო ცვლილებები 2020 წელს პროპორციულ საპარლამენტო არჩევნებზე გადასვლის შესახებ.

ქვეყანა პროტესტის ახალმა ტალღამ მოიცვა. ამასთან ერთად ოპოზიციამ გაერთიანება შეძლო.

პოლიტიკური ვნებათაღელვის ფონზე სწრაფად ეცემოდა ლარის გაცვლითი კურსი, რომელმაც რამდენჯერმე ანტირეკორდი დაამყარა.

თებერვალში კი საქართველომდე მოაღწია კორონავირუსმა და დაიწყო ლოკდაუნი - ეკონომიკაში ზარალის მასშთაბები ჯერ კიდევ ბოლომდე არ შეფასებულა.

სამაგიეროდ მარტში ოპოზიცია და ხელისუფლება მომავალი საპარლამენტო არჩევნების ჩატარების სისტემაზე შეთანხმდნენ. მაგრამ, როგორც გაირკვე, ბოლომდე არა - ოპოზიცია მიიჩნევს, რომ ხელისუფლებამ არ შეასრულა დაკავებული ოპოზიციონერების გათავისუფლების შესახებ შეთანხმება. საუბარია გიორგი რურუაზე, რომელიც ტელეარხ „მთავარი არხის“ თანამფლობელია.

ამის გამო ოპოზიცია ბოლო მომენტამდე უარს ამბობდა ხმა მიეცა იმ ცვლილებებისთვის, რომლებსაც გასული წლის ზაფხულიდან მოითხოვდა. ფაქტობრივად, კენჭისყრამდე 24 საათით ადრე ცნობილი გახდა, რომ პარტია „ევროპული საქართველო“ და მისი 13 დეპუტატი კენჭისყრაში მონაწილეობას მიიღებს.

კვირას პარლამენტი კიდევ ერთხელ შეეცდება შეცვალოს საარჩევო სისტემა არჩევნებისთვის - პროექტს პირველი მოსმენით კენჭს უყრიან.

საპარლამენტო არჩევნებამდე ხუთ თვეზე ნაკლები დარჩა.

283
თემები:
საქართველოს პოლიტიკური ცხოვრება (102)
ვალუტის კურსი

რა უჯდება ეროვნულ ბანკს ეროვნული ვალუტის სტაბილურობა

183
(განახლებულია 20:13 13.07.2020)
კორონავირუსის პანდემიამ ეკონომიკის იმ სფეროებს, საიდანაც ქვეყანაში უცხოური ვალუტის შემოდინება ხდება, სერიოზული დარტყმა მიაყენა.

ტურიზმის გაჩერებამ, უცხოეთიდან ფულადი გზავნილებისა და პირდაპირი უცხოური ინვესტიცების კლებამ ისედაც გაუფასურებული ლარი კიდევ უფრო მეტად გაუფასურების საფრთხის წინაშე დააყენა.

ლარის კურსმა ვარდნა 9 მარტიდან დაიწყო, როდესაც კორონავირუსის პანდემიასთან დაკავშირებულ გაურკვევლობას მსოფლიო ბაზრებზე ნავთობის ფასების მკვეთრი ვარდნა დაემატა. 25 მარტისთვის ლარი უკვე 24%-ით იყო გაუფასურებული და 3,45 ნიშნულამდე იყო მისული.

სავალუტო ბაზრის სტაბილიზების მიზნით ეროვნულმა ბანკმა მარტიდან მოყოლებული სამ თვეში რვა აუქციონი გამართა, რომლებზეც ჯამში 230 მილიონი დოლარი გაყიდა.

მიმდინარე წლის 30 ივნისის მდგომარეობით, ეროვნული ბანკის სავალუტო რეზერვი უკვე 3 616 მილიონი აშშ დოლარია.

ეკონომისტი ნიკა შენგელია მიიჩნევს, რომ წლის ბოლომდე ეროვნულ ბანკს ლარის სტაბილურობის შესანარჩუნებლად საკუთარი რეზერვების დახარჯვა კიდევ ბევრჯერ მოუწევს.

„ეროვნულს ბანკს აქვს საკმარისი სავალუტო რეზერვი, რათა ლარის კურსის სტაბილურობა 3-იან ნიშნულთან ახლოს შეინარჩუნოს, ვფიქრობთ, რომ წლის ბოლომდე ეროვნული ვალუტის კურსის მითითებულ ნიშნულთან სიახლოვეს შენარჩუნება ეროვნულ ბანკს დამატებით 250-300 მილიონი დოლარი დაუჯდება“, – აღნიშნა ნიკა შენგელიამ „Sputnik–საქართველოსთან“ საუბრისას.

საქართველოში მცურავი გაცვლითი კურსის რეჟიმი მოქმედებს, რაც იმას ნიშნავს, რომ ის მთლიანად განისაზღვრება სავალუტო ბაზრის მიერ, რომელიც შედგება კომერციული ბანკებისგან, საინვესტიციო ფონდებისგან და იმ კორპორაციებისა თუ ინდივიდებისგან, რომელთა ინტერესში უცხოური ვალუტის ყიდვა–გაყიდვა შედის.

თუმცა ქვეყანაში, სადაც იმპორტს დიდი წილი უჭირავს, არასტაბილური და გაუფასუფრებული ეროვნული ვალუტა საფრთხეს ფასების სტაბილურობასაც უქმნის, რაც, თავის მხრივ, უკვე ეროვნული ბანკის რეგულირების სფეროა.

სავალუტო აუქციონების გარდა ეროვნული ბანკი რყევების შესამცირებლად ყოველდღიურ ინტერვენციებს იყენებს. კერძოდ, როდესაც დღის განმავლობაში გაცვლითი კურსის რყევები აჭარბებს წინასწარ განსაზღვრულ ნიშნულს, ეროვნული ბანკი უცხოური ვალუტით ვაჭრობაში გარკვეული თანხით ერთვება.

13 ივლისის მდგომარეობით, საქართველოს ეროვნული ვალუტა აშშ დოლარის მიმართ 3,0624 GEL/$1 ნიშნულზეა.

ნიკა შენგელიას აზრით, მიუხედავად იმისა, რომ ეროვნული ბანკი ბაზარზე სავალუტო ინტერვენციებს ისევ გააგრძელებს, ლარის კურსის მერყეობა თვალშისაცემი სექტემბრის მეორე ნახევრიდან გახდება და ამის მიზეზი იმპორტის ზრდა იქნება.

„რაც შეეხება ინფლაციას, რომელიც თარგეთირებულთან შედარებით 3,1%-ით მეტია, ვფიქრობთ, ივლისი-აგვისტოს თვეში ამ მაჩვენებლის მნიშვნელოვანი ცვლილება მოსალოდნელი არ არის“, – აღნიშნა ნიკა შენგელიამ.

„საქსტატის“ ცნობით, წლიური ინფლაცია (2020 წლის ივნისი 2019 წლის ივნისთან შედარებით) კვლავ მაღალ დონეზე რჩება – 6,1%.

ეკონომისტი ვეფხია გიორგაძე კი თვლის, რომ ეროვნული ბანკი რეზერვების გაყიდვით ლარის კურსის სტაბილურობას დიდხანს ვერ უზრუნველყოფს. 

„ეროვნული ბანკი თუ არ შეამცირებს რეალურად ფულის მასას ეკონომიკაში და მის რაოდენობას ეკონომიკის ადეკვატურს არ გახდის, მაშინ მას მოუწევს ქარის წისქვილებთან ბრძოლა, ლარის კურსიც მეტად გაუფასურდება, ვერც ინფლაციას გაართმევს თავს და ეს რეზერვიც შემოელევა გზადაგზა“, – აღნიშნა ვეფხია გიორგაძემ „Sputnik–საქართველოსთან“ საუბრისას.

როგორც ვეფხია გიორგაძემ განმარტა, ეროვნულ ბანკს ეკონომიკაში ფულის მასის შემცირება რეზერვების გამოყენების გარეშეც შეუძლია რეფინანსირების სესხების შემცირების ხარჯზე.

„რეფინანსირების სესხი ის ინსტრუმენტია, რომლითაც ეროვნული ბანკი ახდენს კომერციული ბანკებისთვის მოკლევადიანი ლიკვიდობის მიწოდებას, აქ დავამატებდი, რომ ეროვნული ბანკი ვერ აკონტროლებს რეალურად – აქვს თუ არა მოკლევადიანი ლიკვიდობის პრობლემა კომერციულ ბანკს, ის ენდობა კომერციული ბანკებისგან შემოსულ მოთხოვნას, რის შემდეგაც ფული უკვე ეკონომიკაში ხვდება“, – აღნიშნა ვეფხია გიორგაძემ.

ვეფხია გიორგაძის თქმით, დღეს საქართველოს სავალუტო რეზერვების მოცულობა ისედაც ნაკლებია საერთაშორისო ორგანიზაციების მიერ განსაზღვრულ მინიმალურ მაჩვენებელზე. რეზერვები კი ქვეყნის მხრიდან საგარეო ვალდებულებების შესრულების – უცხოური ვალუტით გადახდების შეუფერხებლად განხორციელების ერთგვარი გარანტია და ერთ-ერთი მთავარი ფაქტორია, რომელსაც საერთაშორისო დონორი ორგანიზაციები ქვეყნისთვის სესხების გაცემისას ითვალისწინებენ.

ნატა პატარაია

 

183
ავტოგასამართი სადგური

უხარისხო ბენზინისთვის ციხე საქართველოში საწვავის ხარისხის კონტროლი მკაცრდება

84
(განახლებულია 18:44 13.07.2020)
საკანონმდებლო ცვლილებების თანახმად, საქართველოში უხარისხო საწვავის შემოტანა და გაყიდვა შეიძლება არა მხოლოდ ჯარიმით, არამედ სამ წლამდე თავისუფლების აღკვეთითაც დაისაჯოს.

თბილისი, 13 ივლისი – Sputnik. საქართველოს ხელისუფლება საწვავის ხარისხის კონტროლს ამკაცრებს – შესაბამის საკანონმდებლო ცვლილებებს დაჩქარებული რეჟიმით ორშაბათს რიგგარეშე სესიაზე განიხილავენ.

გარემოს დაცვის საპარლამენტო კომიტეტის ინიციატივით სანქციები გამკაცრდება უხარისხო ბენზინის ან დიზელის საწვავის საქართველოში იმპორტზე, წარმოებასა და რეალიზაციაზე.

ცვლილებების პაკეტი ითვალისწინებს არა მხოლოდ ჯარიმების გაზრდას, არამედ სისხლის სამართლის პასუხისმგებლობის დაწესებასაც.

საქართველოს სისხლის სამართლის კოდექსს ემატება ახალი მუხლი: „საქართველოს ტერიტორიაზე ისეთი საავტომობილო ბენზინის ან/და დიზელის საწვავის იმპორტი, წარმოება ან/და მიწოდება, რომლის ხარისხიც ვერ აკმაყოფილებს საქართველოს მთავრობის დადგენილებით განსაზღვრულ საავტომობილო ბენზინის ხარისხობრივ ნორმებს ან/და დიზელის საწვავის შემადგენლობის ნორმებს“.

რისთვისაა საჭირო სანქციები?

საყოველთაოდ აღიარებული ფაქტია, რომ ატმოსფეროს დაბინძურების ერთ-ერთ მთავარ მიზეზს ავტომობილების გამონაბოლქვი და საწვავის ხარისხის მაჩვენებელი წარმოადგენს – ერთ-ერთი უმნიშვნელოვანესი პარამეტრი ეკოლოგიური სიტუაციის შეფასებისას, განუცხადა საქართველოს ნავთობპროდუქტების იმპორტიორთა კავშირის თავმჯდომარემ ვანო მთვრალაშვილმა „Sputnik-საქართველოს“.

მისი სიტყვებით, გარემოს დაცვისა და სოფლის მეურნეობის სამინისტრომ წელს ავტოგასამართ სადგურებზე აიღო საწვავის სინჯები და ყოველი მესამე არ შეესაბამებოდა ხარისხის სტანდარტებს.

„ეს იმის მაჩვენებელია, რომ ავტოგასამართი სადგურების ზოგიერთი ოპერატორი სისტემატურად ყიდის უხარისხო პროდუქტს“, – აღნიშნა მთვრალაშვილმა.

მსოფლიო ბაზრებზე ნავთობი გაიაფდა, რა ღირს საწვავი  საქართველოში>>

საქართველოში ამჟამად ხუთი მსხვილი კომპანია ოპერირებს, რომელთაც მთელ ქვეყანაში დაახლოებით 600 ავტოგასამართი სადგური ეკუთვნით. გარდა ამისა, ფუნქციონირებს ათობით წვრილი და საშუალო არაბრენდირებული კომპანია, რომელთაც ჯამში ასევე დაახლოებით 600 ავტოგასამართი სადგური ეკუთვნით.

„განსაკუთრებულ შეშფოთებას იწვევს ის, რომ დიზელის საწვავის სინჯებში გოგირდის შემცველობა მნიშვნელოვნად აღემატება ხარისხის ნორმას, რომელიც საქართველოს მთავრობის დადგენილებითაა გათვალისწინებული. რაც შეეხება ბენზინს, მასში ოქტანობის რიცხვი კანონმდებლობით გათვალისწინებულ მაჩვენებელზე ნაკლებია“, – აღნიშნა მთვრალაშვილმა.

ამასთან მან დასძინა, რომ უხარისხო საწვავი შეიძლება იყოს როგორც შემოტანილი, ისე ადგილობრივი.

„ეს ყველაფერი ატმოსფერული ჰაერის დაბინძურების და, აქედან გამომდინარე, ჩვენი ჯანმრთელობის, ჩვენი შვილების ჯანმრთელობის გაუარესების მიზეზია. აუცილებელია იმპორტირებული თუ ადგილობრივი წარმოების ნავთობპროდუქტების ხარისხი მუდმივად კონტროლდებოდეს შესაბამისი ორგანოების მიერ, რაც ერთმნიშვნელოვნად შეუწყობს ხელს საქართველოში ეკოლოგიური ვითარების გაუმჯობესებას“, – განაცხადა მთვრალაშვილმა.

სახელმწიფოს პასუხი ადეკვატური იქნება

სახელმწიფოს პასუხი ყოველ დარღვევაზე ადეკვატური და პრინციპული უნდა იყოს, განაცხადა გარემოს დაცვის საპარლამენტო კომიტეტის თავმჯდომარემ ნინო წილოსანმა.

„ბოლო წლების სტატისტიკა შეშფოთებას იწვევს, ვინაიდან შემოწმების შედეგად არაერთხელ დაფიქსირდა საწვავში გოგირდის მაღალი შემცველობა, ხოლო ოქტანობის რიცხვი არ შეესაბამებოდა დადგენილ ნორმებს. ზოგიერთ შემთხვევაში საწვავში გოგირდის დონე 10-ჯერ აღემატებოდა დასაშვებ ზღვარს. ეს ყველაფერი ხდება იმის პარალელურად, რომ სახელმწიფო, ადამიანის ჯანმრთელობისთვის საუკეთესო მიზნებიდან გამომდინარე, მაქსიმალურად უახლოვდება საწვავის ხარისხით ევროპულ სტანდარტს. ამიტომ სახელმწიფოს პასუხი ყოველ დარღვევაზე უნდა იყოს ადეკვატური და პრინციპული“, – განუცხადა წილოსანმა ჟურნალისტებს.

საპარლამენტო კომიტეტმა წარმოადგინა სტატისტიკა, რომელმაც უბიძგა დეპუტატებს საკანონმდებლო შესწორებების მომზადებისკენ: 2019 წლის ივნისში 88 ობიექტზე აღებული 120 სინჯის შემოწმებისას გამოვლინდა 33 დარღვევა; 2019 წლის დეკემბერში 100 ობიექტზე აღებული 150 ნიმუშის შემოწმების შედეგად გამოვლინდა 31 დარღვევა; 2020 წლის აპრილში 23 ობიექტიდან აღებული სინჯების შემოწმებისას კი გამოვლინდა 14 დარღვევა დიზელის საწვავის შემთხვევაში და 18 დარღვევა ბენზინის შემთხვევაში.

ჯარიმები იზრდება

ადმინისტრაციულ სამართალდარღვევათა კოდექსში ახალი შესწორებები ითვალისწინებს 30 ათასი ლარის ოდენობით ჯარიმას საქართველოში ისეთი საავტომობილო ბენზინის ან დიზელის საწვავის იმპორტზე, რომლის ხარისხიც არ შეესაბამება მთავრობის დადგენილებით განსაზღვრულ ნორმებს.

ამას გარდა დამრღვევი იმპორტიორი იხდის უხარისხო საწვავის ფაქტობრივი რაოდენობის (ლიტრებში) თვითღირებულებაზე 15-ჯერ მეტ ჯარიმასაც.

რაც შეეხება უხარისხო საწვავის გამყიდველს, საქართველოს ტერიტორიაზე უხარისხო საავტომობილო ბენზინის ან დიზელის საწვავის გაყიდვის გამო დამრღვევები დაჯარიმდებიან 20 ათასი ლარით. ამასთან ერთად დამრღვევი გადაიხდის ავტოგასამართ სადგურში/საცავში საწვავის ფაქტობრივი რაოდენობის ფასის ათმაგი ოდენობის ჯარიმას.

ცვლილებების შესაბამისად, საქართველოს სისხლის სამართლის კოდექსს კი ემატება ახალი მუხლი: „საქართველოს ტერიტორიაზე ისეთი საავტომობილო ბენზინის ან/და დიზელის საწვავის იმპორტი, წარმოება ან/და მიწოდება, რომლის ხარისხიც ვერ აკმაყოფილებს საქართველოს მთავრობის დადგენილებით განსაზღვრულ საავტომობილო ბენზინის ხარისხობრივ ნორმებს ან/და დიზელის საწვავის შემადგენლობის ნორმებს“.

ახალი მუხლის თანახმად, ასეთი ქმედება, ადმინისტრაციული სახდელის დადების შემდეგ, ისჯება ჯარიმით და გამასწორებელი სამუშაოთი ვადით ორ წლამდე ანდა თავისუფლების აღკვეთით ვადით სამ წლამდე.

აღნიშნული მუხლით გათვალისწინებული ქმედებისთვის იურიდიული პირი ისჯება ჯარიმით, საქმიანობის უფლების შეზღუდვით ან ლიკვიდაციით და ჯარიმით.

როდის გადადის საქართველო „ევრო-5“ სტანდარტზე?

საქართველოს მთავრობის დადგენილების თანახმად, „ევრო-5“ დიზელის საწვავის სტანდარტების ამოქმედება დაგეგმილია 2021 წლის 1 იანვრიდან.

ახალი სტანდარტების ამოქმედება ჯერ 2020 წლის 1 იანვრიდან იგეგმებოდა, თუმცა ბიზნეს-გაერთიანებების წარმომადგენლებმა მისი გადავადება ითხოვეს.

სპეციალისტების თქმით, „ევრო-5“ სტანდარტების ამოქმედების შემდეგ საწვავის შემოტანა აზერბაიჯანიდან შეწყდება და მისი იმპორტი მხოლოდ რუსეთიდან იქნება შესაძლებელი.

ამასთან, აზერბაიჯანში უკვე მიმდინარეობს ნავთობგადამამუშავებელი ქარხნის მოდერნიზება, რის შემდეგაც დიზელის საწვავის წარმოება დაიწყება. 

ნავთობპროდუქტების იმპორტი

რუსეთი ტრადიციულად ნავთობპროდუქტების ყველაზე მსხვილ მომწოდებლად რჩება – იანვარი-მაისში რუსეთიდან 136,6 ათასი ტონა ნავთობპროდუქტი შემოვიდა, რაც მთელი იმპორტის 34,2%-ს შეადგენს.

სულ 2020 წლის დასაწყისიდან საქართველოში 398,9 ათასი ტონა ნავთობპროდუქტი შემოვიდა, რაც 1,3%-ით ნაკლებია ერთი წლის წინანდელ მაჩვენებელზე.

საქართველოში საწვავი შემოაქვთ ასევე რუმინეთიდან, აზერბაიჯანიდან, თურქმენეთიდან, ბულგარეთიდან, საბერძნეთიდან, ყაზახეთიდან და თურქეთიდან. ნავთობპროდუქტები ქვეყანაში შემოდის როგორც სარკინიგზო გზით, ისე ზღვით.

2020 წლის მაისში საქართველოში 86 ათასი ტონა ნავთობპროდუქტი შემოვიდა, რაც 25,5%-ით აღემატება მიმდინარე წლის აპრილის მაჩვენებელს და 0,9%-ით – 2019 წლის იმავე თვის მაჩვენებელს. ამის შესახებ საქართველოს ნავთობპროდუქტების იმპორტიორთა კავშირში განაცხადეს.

ბენზინის იმპორტმა 2020 წლის მაისში 41,1 ათასი ტონა შეადგინა, დიზელის საწვავის იმპორტმა – 44,8 ათასი ტონა. ბენზინის იმპორტი 2019 წლის მაისთან შედარებით 3,5%-ით გაიზარდა, დიზელის საწვავისა კი 1,5%-ით შემცირდა, აღნიშნეს კავშირში.

საწვავის ფასი

ერთი ლიტრი საწვავის ფასი მარტიდან ივნისამდე საშუალოდ 70-80 თეთრით შემცირდა.

„პანდემიის დაწყებას ემთხვევა ნავთობის ფასის ვარდნა გლობალურ ბაზრებზე, მათ შორის, მნიშვნელოვნად მცირდება ნავთობპროდუქტების საერთაშორისო ფასები Platts-ის მიხედვით. სწორედ ამ პერიოდში, დაახლოებით 3-3,5 თვე საქართველოში ყველა სახის საწვავის ფასი საშუალოდ 70-80 თეთრით შემცირდა“, – განაცხადა ვანო მთვრალაშვილმა.

ნავთობპროდუქტების იმპორტი: რატომ შემცირდა საწვავის შემოტანა საქართველოში>>

როგორც მან აღნიშნა, ამ პერიოდში დოლარის მიმართ ლარი რომ არ გაუფასურებულიყო, საწვავი ბევრად უფრო გაიაფდებოდა.

ამასთან, მისი სიტყვებით, ბრენდირებული ავტოგასამართი სადგურების ქსელებში საშუალო ფასი შეადგენს: პრემიუმი – 1,88-1,99 ლარი; რეგულარი – 1,77-1,86 ლარი; ევროდიზელი – 1,89-2,04 ლარი.

84
თემები:
გარემოს დაცვა და ეკოლოგია
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0