ევროპის მოედანი თბილისში

მაჟორიტარობის კანდიდატები უთანხმოების საბაბია - მოხდება თუ არა განხეთქილება ოპოზიციაში?

155
წინასაარჩევნო პერიოდის მოახლოებასთან ერთად ოპოზიციაში, რომელიც ბოლო ნახევარი წლის განმავლობაში შესაშური ერთობის დემონსტრირებას ახდენს, კონფლიქტის ახალი საბაბი შეინიშნება - ერთმანდატიანი ოლქების კანდიდატები

დღესდღეობით მმართველი პარტიის წინააღმდეგ ერთობლივ თამაშს 30-მდე პარტია თამაშობს და შესაშურ ერთობას ავლენს, მიუხედავად განსხვავებული პოლიტიკური შეხედულებებისა.

თუმცა არჩევნებისა და წინასაარჩევნო კამპანიის მოახლოებასთან ერთად, რომელიც კანონის თანახმად, ოფიციალურად კენჭისყრამდე 60 დღით ადრე, ანუ სექტემბრის პირველ რიცხვებში უნდა დაიწყოს, ოპოზიციურ ერთობაში დავის ახალი საბაბი გამოჩნდა.

ახლა ოპოზიციამ, რომელსაც ნებისმიერ ფასად სურს ქვეყნის სათავეში მოსვლა, უნდა გადაწყვიტოს ერთმანდატიან ოლქებში წარსადგენი კანდიდატების საკითხი, კერძოდ, შეარჩიოს ისეთი კანდიდატები, რომლებიც, ერთი მხრივ, ყველა პარტიისთვის მისაღები იქნება და, მეორე მხრივ, არ დააფრთხობს ამომრჩეველს.

იმის გათვალისწინებით, რომ კანდიდატების რიცხვი 30-დან 73-მდე უნდა იყოს, რაც არჩევნების სისტემაზეა დამოკიდებული, შიდაპარტიული დიალოგი უკვე დაიწყო.

„ორი კვირის განმავლობაში ყველა პოლიტიკურმა ძალამ უნდა ჩამოაყალიბოს თავისი პოზიცია მაჟორიტარულ ოლქებში თანამშრომლობასთან დაკავშირებით“, - განაცხადა ოპოზიციური გაერთიანების ერთ-ერთმა ლიდერმა, პარტია „ახალი საქართველოს“ თავმჯდომარე გიორგი ვაშაძემ.

ოპოზიციის პოლიტიკური ჯგუფები

ამჟამად, მიუხედავად გარეგნული ერთობისა, ოპოზიციის შიგნით არის რამდენიმე ჯგუფი, რომლებმაც უკვე ღიად განაცხადეს თანამშრომლობაზე უახლოეს საპარლამენტო არჩევნებზე.

პირველი ბლოკია - „ძალა ერთობაშია“, რომელშიც შედიან ვაშაძის პარტია „ახალი საქართველო“, ყოფილი მმართველი პარტია „ერთიანი ნაციონალური მოძრაობა“ და შვიდი მცირე პარტია. ეს ბლოკი 2018 წელს საპრეზიდენტო არჩევნებისთვის ჩამოყალიბდა და ერთიანი საპრეზიდენტო კანდიდატი - გრიგოლ ვაშაძე წარადგინა.

მეორე ბლოკია - პარტია „ევროპული საქართველო - მოძრაობა თავისუფლებისთვის“, შექმნილი „ნაცმოძრაობის“ ყოფილი წევრებისა და „თავისუფალი დემოკრატების“ მიერ. მათაც აქვთ არჩევნებზე თანამშრომლობის გამოცდილება, როდესაც მთაწმინდის ერთმანდატიან ოლქში ადგილის მიღებას ცდილობდნენ.

მესამე ბლოკი ახლახან ჩამოყალიბდა - ის შექმნეს ბანკირ მამუკა ხაზარაძის პარტიამ „ლელო საქართველოსთვის“, პარლამენტის ექსსპიკერის დავით უსუფაშვილის პარტიამ „შენების მოძრაობა“ და „ახალი მემარჯვენეების“ პარტიამ.

გარდა ამისა, ცნობილია, რომ „ევროპული საქართველო“ და „თავისუფალი დემოკრატები“ მოლაპარაკებას აწარმოებენ შესაძლო თანამშრომლობაზე ისეთ ლიბერალურ ოპოზიციურ პარტიებთან, როგორიცაა „ახალი პოლიტიკური ცენტრი გირჩი“, ალეკო ელისაშვილის პარტია „სამოქალაქო მოძრაობა“ და სხვები.

ამ ჯგუფების გარდა არსებობენ პარტიები, როგორებიცაა ნინო ბურჯანაძის „ერთიანი საქართველო - დემოკრატიული მოძრაობა“, შალვა ნათელაშვილის „ლეიბორისტული პარტია“ და კიდევ ათამდე პარტია, რომლებიც ჯერჯერობით სხვა პარტიებთან თანამშრომლობის საკითხს იხილავენ და იდეოლოგიურ მხარდამჭერებს ეძებენ.

არსებობს თუ არა შეთანხმების შანსი

დღესდღეობით, ვიდრე კონსტიტუცია შეიცვლება, უცნობია მთავარი საკითხი - რამდენი კანდიდატი უნდა შეარჩიოს ოპოზიციამ ერთმანდატიან ოლქებში.

საქმე ისაა, რომ არსებული მოდელით პარლამენტში 73 მაჟორიტარი აირჩევა, ახალი სისტემით კი, რომელიც ჯერ პროექტის სახით მხოლოდ ქაღალდზე არსებობს - 30 დეპუტატი.

ამ მომენტისთვის ახალი სისტემის მიღების საკითხი კითხვის ნიშნის ქვეშ დარჩა მმართველ პარტიასა და ოპოზიციას შორის უთანხმოების გამო, თუმცა სავარაუდო მაჟორიტარების სახელები უკვე ისმის.

ერთმანდატიან ოლქში კენჭისყრის გეგმებზე უკვე საუბრობენ პრეზიდენტის მიერ ახლახან შეწყალებული „ევროპული საქართველოს“ ერთ-ერთი ლიდერი გიგი უგულავა და პარტია „გამარჯვებული საქართველოს“ ლიდერი ირაკლი ოქრუაშვილი.

ამასთან, „ევროპულ საქართველოში“ აცხადებენ, რომ ერთმანდატიან ოლქებში კანდიდატების სახით წარადგენენ ცნობილ ადამიანებს, მათი რიცხვი კი დამოკიდებული იქნება საკონსტიტუციო რეფორმის შედეგებზე.

„კონსულტაციები ჯერ მიმდინარეობს, მაგრამ კონკრეტული რიცხვის დასახელებას ვერ შევძლებ, ეს არაკორექტული იქნება. „ევროპულ საქართველოს“ არა აქვს პრობლემები, რადგან ჩვენ გვყავს ცნობილი ლიდერები და ამიტომ, ვფიქრობ, ოპოზიცია დაგვთანხმდება იმაზე, რომ სწორედ ეს ადამიანები წარვადგინოთ კანდიდატების სახით. მოდით დაველოდოთ კონსულტაციების შედეგებს და, რაც ყველაზე მთავარია, ინფორმაციას, როგორი სისტემა გვექნება - 30 მაჟორიტარით თუ 73-ით“, - განაცხადა „ევროპული საქართველოს“ მეორე ლიდერმა დავით ბაქრაძემ.

თუ „ევროპული საქართველო“ და მისი კანდიდატები მეტ-ნაკლებად მისაღები არიან ოპოზიციისთვის, „ერთიანი ნაციონალური მოძრაობის“ კანდიდატების დომინირება ბევრი ოპოზიციური პარტიისთვის დაუშვებელია.

ამის შესახებ უკვე განაცხადა ზოგიერთმა ოპოზიციურმა პარტიამ, რომელიც არ შედის გაერთიანებაში „ძალა ერთობაშია“. მეტიც, პარტიებმა „ლელო საქართველოსთვის“ და „სამოქალაქო მოძრაობამ“ არ გამორიცხეს კოალიციიდან გამოსვლის შესაძლებლობა, თუ ეს მოხდებოდა.

ამასობაში პოლიტოლოგები ვარაუდობენ, რომ ოპოზიცია ერთობას ვერ შეინარჩუნებს.

„მეჩვენება, მათ (ოპოზიციას) ძალიან ჭრელი პუბლიკა ჰყავთ, ასე რომ რთული იქნება თანხმობის მიღწევა. ამიტომ განხეთქილება გარდაუვალია. მათ აბსოლუტურად განსხვავებული შეხედულებები აქვთ ყველა პროცესზე და იდეოლოგიურადაც განსხვავებულად უდგებიან ამ ყველაფერს“, - განუცხადა პოლიტოლოგმა თამარ კიკნაძემ „Sputnik-საქართველოს“.

ამასთან, მისი თქმით, რაიმე სახის ერთობას მხოლოდ ოპოზიციის ნაწილი თუ შეინარჩუნებს, საყოველთაო ერთობა კი არჩევნებამდე ვერ მიაღწევს.

155
ალექსანდრ მიასნიკოვი

მოსაზრება: რატომაა COVID-19-ის სიკვდილიანობის მაჩვენებელი დაბალი პოსტსაბჭოთა ქვეყნებში

12
(განახლებულია 17:46 03.06.2020)
საინფორმაციო სააგენტო Sputnik–მა სპეციალური ვიდეოხიდი გამართა მოსკოვის №71 საავადმყოფოს ექიმთან, პოპულარულ ტელეწამყვანთან და COVID-19-ის მონიტორინგის საინფორმაციო ცენტრის წარმომადგენელ  ალექსანდრ მიასნიკოვთან.

ექიმმა ვიდეოხიდისას Sputnik–ს მოუთხრო, რეალურად როგორ ვითარდება დაავადება და რატომ არ განმეორდა პოსტსაბჭოთა სივრცეში იტალიის, ესპანეთისა და აშშ–ის მსგავსად ტრაგიკული მოვლენები. 

შველის თუ არა ტუბერკულოზის ვაქცინა?

ბევრ მე ცნიერსა და ექიმს აკვირვებს ის ფაქტი, რომ კორონავირუსით გამოწვეული სიკვდილიანობა ყოფილ საბჭოთა ქვეყნებში მნიშვნელოვნად დაბალია, ვიდრე საშუალოდ მთელ მსოფლიოში. სერვის coronavirus-monitior.ru–ს მონაცემებით, ი ივნისისთვის ამ ქვეყნებში ლეტალური შემთხვევების რაოდენობა 0,4%-დან (უზბეკეთი) 4,23%-მდე (ლიეტუვა) მერყეობს. და ეს იმ დროს, როდესაც სიკვდილიანობის მაჩვენებელი  იტალიასა და დიდ ბრიტანეთში 14%-ია, საფრანგეთში —15%, ხოლო ბელგიაში — 16%. 

ალექსანდრ მიასნიკოვი ამ ვითარებას „საბჭოთა სასწაულს“ უწოდებს.

„პოლიტიკოსები და სერიოზული ექიმები ახლა ერკვევიან ამაში, აკვირდებიან ყოფილი საჭოთა კავშირის ქვეყნებს. ეს სწორედაც რომ საბჭოთა სასწაულია. მძიმედ დაავადებულთა და გარდაცვლილთა რაოდენობა ეპიდემიის ნამდვილ მდგომარეობას ასახავს. სსრკ–ს ყველა ქვეყანას ბევრად ნაკლები სიკვდილიანობა აქვს. უნდა დადგინდეს, რატომ. შესაძლოა ეს მართლაც ტუბერკულოზის საწინააღმდეგო ვაქცინა იყოს (რომელსაც მასიურად იყენებდნენ სსრკ–ში, — რედ. ). სხვათა შორის, უკვე არსებობს კვლევა — ამერიკელებმა BCG–ს გაკეთება დაუწყეს მცირე ჯგუფებს. ჯანმოც ამბობს, რომ „შესაძლოა საქმე BCG–ზე იმუნურ პასუხში იყოს, თუმცა ჯერჯერობით რეკომენდაციას ვერ გავცემთო“, — განაცხადა მიასნიკოვმა.

ექიმის ვარაუდით,  პოსტსაბჭოტა სივრცის მოსახლეობის იმუნიტეტის სიმტკიცე კორონავირუსის მიმართ შესაძლოა ასევე აიხსნას წარსულში ტუბერკულოზით ინფიცირების მაღალი მაჩვენებლითაც.

„ზოგი მე ცნიერი ფრთხილად ვარაუდობს, რომ ლეტალური ტუბერკულოზის ფართო გავრცელება იმუნური სისტემის იმგვარ ცვლილებას იწვევს, რომ კორონავირუსი დიდ წინააღმდეგობას აწყდება. მაგრამ ჩვენ არ შეგვიძლია ზურგი ვაქციოთ ფაქტს: რატომ იღუპებიან რუსები, ბელორუსები, უკრაინელები თუ ყაზახები ათჯერ უფრო ნაკლებად, ვიდრე ამერიკელები, ფრანგები თუ იტალიელები? ამაში უნდა გავერკვეთ“, — აზუსტებს სპეციალისტი. 

რა საჭიროა კარანტინი?

არსებობს მცდარი მოსაზრება, რომ თითქოს კარანტინს შეუძლია სამუდამოდ გაანადგუროს კორონავირუსი ან სხვა დაავადება.

„კარანტინი იმისთვისაა საჭირო, რომ ყველა ერთად არ დაავადდეს, თორემ ჯანდაცვის სისტემა მომენტალურად ჩამოიშლება. გადაიტენება საავადმყოფოები და სასწრაფო დახმარებები, ადამიანები მარტო COVID-19–სგან კი არა, ინფარქტებისგან, ინსულტებისგან დაზოგადად სამედიცინო დახმარების გაუწევლობისგან დაიღუპებიან. ამიტომ თითოეული სახელმწიფო თავად აგებს მოდელს, რომლითაც ჯანდაცვის სისტემა პრობლემას თავს გაართმევს. კარანტინი არ კურნავს, მას შეუძლია დაავადების მატება შეანელოს, რათა ხალხი ეტაპობრივად დაავადდეს და დახმარების მიღება მოასწროს. კარანტინი — ეს არის გათვლა და ქცევის მოდელი“, — განმარტა მიასნიკოვმა.

 ვირუსის მკვლელი ულტრაიისფერი სხივები და ზღვა

არსებობს მოსაზრება, რომ სიცხეს შეუძლია მოკლას  ვირუსი. ალექსანდრ მიასნიკოვი დარწმუნებული არ არის, რომ სითბო მართლაც მოახდენს გავლენას ვირუსის გავრცელებაზე, თუმცა, მისი თქმით, მზის რადიაცია საკმაოდ აქტიურად  კლავს ვირუსს.

ბელარუსის გამოცდილება 

ცნობილია, რომ ბელარუსი და შვედეთი ერთადერთი ქვეყნებია, რომლებმაც კარანტინის დაწესებაზე უარი თქვეს. მაგრამ მიასნიკოვი ირწმუნება, რომ ამის გამო ბელორუსში არაფერი უჩვეულო არ ხდება.

„თითოეული ქვეყანა ამოდიოდა მათემატიკური გათვლებიდან. ითვლებოდა სცენარები — როგორც ხელსაყრელი, ისე არახელსაყრელი, ეკონომიკური დანაკარგები და სხვა ყველაფერი. ბელარუსში ჯანდაცვის სისტემა საბჭოეთის დროინდელია — ინფექციური საავადმყოფოებით, ექიმი ინფექციონისტებით. ეს გათვლის შედეგებია, ლუკაშენკომ კი არ გადაწყვიტა, იცით, რა გავრისკავო. ბელარუსის გათვლამ გაამართლა. საბჭოთა სასწაულმა ყველგან იმუშავა, — თქვა ექიმმა.

როგორ ვრცელდება კორონავირუსი რეალურად?

ალექსანდრ მიასნიკოვი უარყოფს თეორიას, რომ თითო დაავადებული სამ სხვას აინფიცირებს. ექიმის თქმით, ნებისმიერი ვირუსული ინფექცია აქტიური გავრცელებიდან 1,5–2 თვეში ქრება.

ამის მაგალითად მან „ისპანკას“ მაგალითი მოიყვანა, რომლისგანაც 1918 წელს პირველსავე თვეებში 30 მლნ ადამიანი დაიღუპა. 

„ახალი ვირუსი, გადადის რა ცხოველიდან ადამიანზე, აგრესიულია. ის უცნობია, ბოროტი, ხოცავს ადამიანებს, მაგრამ ყოველი გადამტანის შემდეგ დაავადება სუსტდება. თქვენ ისუნთქვათ ვირუსს, უკან კი მის „შვილთაშვილს“ ამოისუნთქავთ, რომელიც ბევრად სუსტია. ამის შემდეგ ის სხვა ადამიანზე გადადის და ისიც ასუსტებს მას. ეს იმას ჰგავს, ტალღამ რომ სანაპიროს შეუტიოს, ჯერ სასტუმრო  ხეები გადარეცხოს, მერე კი დასუსტდეს და გუბედ იქცეს. ასეა ინფექციაც. თავიდან იმატებს, მერე კი ქრება“, — ხსნის ექიმი.

მიასნიკოვი დარწმნებულია, რომ კორონავირუსის მეორე ტალღა ისეთი ძლიერი აღარ იქნება, როგორიც პირველი იყო.

რატომაა უაზრობა დაავადებულების თვლა?

ექიმმა მიასნიკოვმა განსაკუთრებული ყურადღება დაუთმო დაავადებულთა საერთო რაოდენობას, რომელიც საკმაოდ საშიშად გამოიყურება. მაგრამ სინამდვილეში მხოლოდ ინფიცირებულების რაოდენობაზე დაყრდნობით დასკვნების გაკეთება მთლად გამართლებული არ არის, ირწმუნება სპეციალისტი.

„ჩვენ ვახმოვანებთ ციფრებს, ვპედალირებთ მათით:  ხუთი მილიონი! ეს უბრალოდ არიან ადამიანები, რომლებსაც დადებითი ტესტები აქვთ. რეალურად მათი რაოდენობა ათჯერ მეტია. მოდით მაშინ და ვითვალოთ ჩვეულებრივი პნევმონია, რომლისგანაც მსოფლიოში ყოველწლირად 3 მილიონი ადამიანი იღუპება. ჩვენ რას ვითვლით იანვრიდან? რეალურად ავად ის ადამიანები არიან, რომლებიც ორი კვირის წინ დაინფიცირდნენ. დანარჩენები დიდი ხანია, რაც განიკურნენ და თავიანთ საქმეებს დაუბრუნდნენ. ორიენტირად სიკვილიანობის მაჩვენებელი უნდა ავიღოთ“, — აცხადებს ექიმი.

 

12
გაერთიანებული ოპოზიციის საპროტესტო აქცია

ქართული პოლიტიკის წინასაარჩევნო პერიპეტიები: ძველი სკანდალი ახალი ძალით

73
(განახლებულია 17:44 03.06.2020)
საქართველოში კორონავირუსის გამო მიჩუმებული პოლიტიკური ცხოვრება ახალი ძალით ახმაურდა: სცენაზე ნელ-ნელა გამოჩნდნენ ახალი მოთამაშეები, ყველა ერთად კი საშემოდგომო არჩევნებისთვის ემზადება.

პარლამენტისთვის ბრძოლა სულ უფრო ახლოვდება, წინასაარჩევნო კამპანიაც, პრაქტიკულად, დაიწყო, თუმცა კენჭისყრის დღემდე ხუთი თვეა დარჩენილი.

მმართველ პარტია „ქართულ ოცნებას“ ხელისუფლებაში მესამე ვადით დარჩენის იმედი აქვს. გამარჯვების შემთხვევაში ის რეკორდს დაამყარებს, რადგან პირველი პარტია იქნება საქართველოში, რომელიც ზედიზედ სამჯერ მიიღებს უმრავლესობას პარლამენტში.

დღეისათვის „ქართული ოცნების“ წინააღმდეგ იბრძვიან როგორც ცალკეული ოპოზიციური პარტიები, ისე მსხვილი ოპოზიციური გაერთიანება. ყოველი მათგანი გამარჯვების საკუთარი რეცეპტის პოვნას ცდილობს.

თუმცა, ბოლო დროს ოპოზიციურ გაერთიანებაში ყველაფერი დალაგებული არ არის. 30-ზე მეტი პარტიის გაერთიანების განხეთქილების მთავარი მიზეზი შეიძლება გახდნენ დეპუტატობის კანდიდატები ერთმანდატიან ოლქებში.

საქართველოს საპარლამენტო არჩევნები შერეული სისტემით ტარდება – დეპუტატობის კანდიდატთა ნაწილი პარტიული სიებით აირჩევა, ნაწილი კი – ერთმანდატიან ოლქებში. სულ 73 ოლქია, თუმცა ახლა პარლამენტი მათი 30-მდე შემცირების შესაძლებლობას იხილავს.

ოპოზიცია რთულ მდგომარეობაშია, რადგან არ აპირებს საკონსტიტუციო ცვლილებების მხარდაჭერას, ვიდრე ციხეში იმყოფება „მთავარი არხის“ თანამესაკუთრე გიორგი რურუა.

ხოლო თუ კანონპროექტი ჩავარდება, მას მოუწევს 73 კანდიდატის წარდგენა, რომლებიც მმართველი პარტიისა და ოპოზიციის მეორე ნაწილის კანდიდატებს უნდა დაუპირისპირდნენ და გამარჯვებისთვის ამომრჩეველთა ხმების ნახევარზე მეტი მოიპოვონ.

მაჟორიტარობის კანდიდატები უთანხმოების საბაბია - მოხდება თუ არა განხეთქილება ოპოზიციაში?>>

მიუხედავად იმისა, რომ კანდიდატების წარსადგენად დრო ჯერ კიდევ არის, ოპოზიციაში უკვე იჩინა თავი პრობლემებმა.

გაერთიანებულ ოპოზიციას გამოეთიშა შედარებით ახალი პოლიტიკური წარმონაქმნი „ლელო საქართველოსთვის“, რომელშიც შედიან ბანკირ მამუკა ხაზარაძის პარტია „ლელო“, დავით უსუფაშვილის პარტია „შენების მოძრაობა“ და ფიქრია ჩიხრაძის პარტია „ახალი მემარჯვენეები“.

„ლელოს“ 30 საარჩევნო ოლქში 30 მაჟორიტარი ეყოლება. ჩვენ დღეს აქტიურად ვემზადებით ამისთვის, გვყავს საკმარისი კანდიდატები, რათა არჩევნებზე ვიბრძოლოთ“, – განაცხადა მოძრაობის გენერალურმა მდივანმა ბადრი ჯაფარიძემ.

ყოფილი მმართველი პარტია „ნაციონალური მოძრაობა“ კი, რომელიც ოპოზიციურ პარტიებს შორის რეიტინგით პირველ ადგილზეა, ჯერჯერობით ოპოზიციის თამაშის ორ ვარიანტზე საუბრობს.

„ერთიან მაჟორიტარულ ოლქებში ჩვენი როლი მნიშვნელოვანი და, დარწმუნებული ვარ, პოზიტიური იქნება. მაგრამ შესაძლოა ცალკეულ ოლქებში ოპოზიციას ჰყავდეს არა ერთიანი კანდიდატი, არამედ რამდენიმე, სხვაგან კი – ერთი. „ერთიანი ნაციონალური მოძრაობა“ გადაწყვეტილებას მხოლოდ სხვა პარტიებთან კონსულტაციების შემდეგ კონსენსუსის საფუძველზე მიიღებს“, – აღნიშნა „ნაციონალური მოძრაობის“ ერთ-ერთმა ლიდერმა ნიკა მელიამ.

მელიას ეთანხმება კიდევ ერთი წამყვანი ოპოზიციური პარტიის „ევროპული საქართველო - მოძრაობა თავისუფლებისთვის“ ერთ-ერთი ლიდერი გიგა ბოკერია.

„ცალკეულ ოლქებში, განსაკუთრებით თბილისში, ერთიანი კანდიდატების წარდგენა საკვანძოდ მიმაჩნია. ის, ვინც მუშაობს ან იმუშავებს ამის წინააღმდეგ, ტაქტიკურ შეცდომას დაუშვებს და რიგ შემთხვევაში, შესაძლოა, ადგილი ჰქონდეს ძალიან სახიფათო პოლიტიკურ სიხარბეს“, – განაცხადა ბოკერიამ.

რატომ შეიძლება თქვას უარი „ქართულმა ოცნებამ“ წინასაარჩევნო აგიტაციაზე>>

ამასთან, ოპოზიციის კონსულტაციები კვლავ გრძელდება. საბოლოო გადაწყვეტილებას პარტიები წინასაარჩევნო კამპანიის დაწყების წინ გამოაცხადებენ, როდესაც საჭირო იქნება განაცხადების შეტანა. სწორედ მაშინ გაირკვევა, რა უფრო მნიშვნელოვანია – შედეგი თუ პოლიტიკური ამბიციები. მით უფრო, რომ საქართველოს პოლიტიკურ სპექტრში გამოჩნდა ახალი პარტიები, რომლებსაც ძველი კონკურენტებისთვის ხმების წართმევის შანსი გაუჩნდათ.

ლიზა შელია

73
დაკავებული

„ლავასოღლის“ მეგობრებმა პროტესტის ნიშნად პირები ამოიკერეს

0
ცნობილი კრიმინალური ავტორიტეტის გარემოცვა მისი თურქეთიდან საქართველოში ექსტრადიციის მოთხოვნით ბათუმში პერმანენტულ აქციებს მართავს

თბილისი, 3 ივნისი - Sputnik. ცნობილი კანონიერი ქურდის, მინდია გორაძის, მეტსახელად „ლავასოღლის“ ოთხმა ნათესავმა პროტესტის ნიშნად პირები ამოიკერა და ბათუმის იუსტიციის სახლთან შიმშილობა გამოაცხადა, იუწყება „რუსთავი 2“.

თურქეთიდან საქართველოში ან მესამე ქვეყანაში „ლავასოღლის“ ექსტრადირების მოთხოვნით სახელმწიფო დაწესებულებების რამდენიმედღიანი პიკეტირების შემდეგ ორმა ათეულმა ადამიანმა იუსტიციის სახლთან კარვები გაშალა და ხელისუფლებას ულტიმატუმი წამოუყენა.

აქციის მონაწილეთა სიტყვებით, დღეს, 15:00 საათზე, ულტიმატუმის ვადა ამოიწურა, მაგრამ ოფიციალური პასუხი მოთხოვნებზე მათ არ მიუღიათ. მათ გადადეს სარფის საბაჟო პუნქტის დაგეგმილი პიკეტირება და განაცხადეს, რომ მთავრობას „ლავასოღლის“ ექსტრადიციისთვის კიდევ ერთ დღეს აძლევდნენ.

კრიმინალური ავტორიტეტის ნათესავების მეორე, 15-კაციანმა ჯგუფმა აჭარის პროკურატურასთან კარვები გაშალა და შიმშილობა გამოაცხადა.

ამ მომენტისთვის მინდია გორაძე თურქეთში ექსტრადიციულ პატიმრობაში იმყოფება. „ლავასოღლი“, რომელსაც საქართველოს ხელისუფლება ინტერპოლის ხაზით ეძებდა, 2018 წლის ოქტომბერში ტრაპიზონში დააკავეს.

2019 წლის აპრილში ბათუმის საქალაქო სასამართლომ გორაძეს დაუსწრებლად  შეუფარდა 10 წლით პატიმრობა ქურდულ სამყაროსთან კავშირის გამო. კიდევ უფრო ადრე, 2018 წლის ივლისში, ბათუმის საქალაქო სასამართლომ გორაძე დაუსწრებლად ცნო დამნაშავედ მუხლებით: „კანონიერი ქურდობა“, „ჯგუფურად გამოძალვის ორგანიზება“ და „ძალადობის მუქარით ჟურნალისტისთვის პროფესიულ საქმიანობაში ხელის შეშლა“ და 12 წლით პატიმრობა მიუსაჯა. 2019 წლის თებერვალში ქუთაისის სააპელაციო სასამართლომ განაჩენი ძალაში დატოვა.

პროკურატურის მონაცემებით, 2014-2015 წლებში „ლავასოღლის“ კავშირი ჰქონდა საქართველოში მყოფ კრიმინალურ ავტორიტეტებთან, იღებდა მათგან ინფორმაციას კრიმინალურ სამყაროში არსებულ ვითარებაზე და აძლევდა მითითებებს თავისი გავლენის გასაძლიერებლად. იგი მონაწილეობდა ასევე ქურდული „ობშჩიაკის“ შეგროვებაში.

შსს „კანონიერ ქურდზე“ ძებნას გამოაცხადებს >>

გამოძიების მონაცემებით, 2015 წლის 24 თებერვალს ლავასოღლი მობილური ტელეფონით დაუკავშირდა ტელეკომპანია „რუსთავი 2“-ის გადაცემა „განსხვავებული აქცენტების" ავტორსა და წამყვანს ეკა კვესიტაძეს, გამოთქვა უკმაყოფილება მის საქმიანობასთან დაკავშირებით გასული უარყოფითი სიუჟეტის გამო და დაემუქრა მას, რომ შემდგომში თავი შეეკავებინა ანალოგიური ინფორმაციის გავრცელებისგან.

0
თემები:
კრიმინალი საქართველოში