აშშ-ის დროშა

მიმოხილვა: რუსეთმა უარი თქვა აშშ-ის ობლიგაციებზე

98
(განახლებულია 18:59 19.05.2020)
მარტში რუსეთმა სამჯერ შეამცირა ამერიკულ სახელმწიფო ობლიგაციებში ინვესტიციები — 12,58 მლრდ დოლარიდან 3,8 მლრდ-მდე ჩამოვიდა. ეს საერთაშორისო რეზერვების ერთ პროცენტზე ნაკლებია.

ნატალია დემბინსკაია

აშშ-ის ფასიან ქაღალდებზე უარს ამბობენ მსოფლიოს სხვა ცენტრალური ბანკებიც. რატომ გარბიან ინვესტორები ტრეჟერისის ბაზრიდან, ნატალია დემბენსკაია მიმოიხილავს. 

თითქმის ნულამდე

იმ ამერიკულ სახელმწიფო ობლიგაციებს შორის, რომლებიც რუსეთს დარჩა, აშშ-ის ფინანსთა სამინისტროს ცნობით, 3,381 მლრდ დოლარი გრძელვადიან ფასიან ქაღალდებზე მოდის, 473 მილიონი კი — მოკლევადიანზე.

როგორც ვაშინგტონში აღნიშნეს, ეს რუსეთის ინვესტიციების პირველი არსებითი შემცირებაა ბოლო თვეებში. ჯერ კიდევ ორი წლის წინ რუსეთის ცენტრობანკმა გაყიდა ტრეჟერისის პრაქტიკულად სრული პორტფელი, ვინაიდან სანქციების ფარგლებში მათი გაყინვისა შეეშინდა. 

2010-2013 წლებში რუსეთის ინვესტიციები ამერიკის სახელმწიფო ვალდებულებებში 170 მლრდ დოლარს აჭარბებდა. მოსკოვი ტრეჟერისების უმსხვილეს მფლობელთა რიგებში შედიოდა, მაგრამ მას შემდეგ, რაც 2014 წლის აპრილში ვაშინგტონმა სანქციები დააწესა, ამ ქაღალდების თავიდან მოშორება დაიწყო.

2018 წელს ცენტრობანკმა მასშტაბური გაყიდვა მოაწყო, რითიც აშშ-ის სახელმწიფო ვალდებულებების პორტფელი ორჯერ შეამცირა. ამერიკული ფასიანი ქაღალდების წილი საერთაშორისო რეზერვებში მინიმუმამდე დავიდა. ცენტრობანკმა გამოთავისუფლებული სახსრები ოქროში, ევროსა და იუანში გადაიტანა.

ოქროს მსოფლიო საბჭოს (WGC) ანგარიშით, ძვირფასი ლითონის მოცულობა მსოფლიოს ცენტრობანკების ბალანსზე 651 ტონით გაიზარდა. ეს მაქსიმუმია 1971 წლის შემდეგ, როდესაც შეერთებულმა შტატებმა უარი თქვა ოქროს სტანდარტზე. 2019 წელს ძვირფასი ლითონის უმსხვილესი შემძენი რუსეთი იყო. ცენტრობანკმა მონეტარული ოქროს მარაგები 159 ტონით გაზარდა — 2270,56 ტონამდე.

გაყიდა ყველამ

ამერიკულ ვალდებულებებზე უარი მარტო რუსეთს არ უთქვამს. როგორც შეერთებული შტატების ფინანსთა სამინისტროს სტატისტიკიდან ჩანს, მარტში უცხოელი ინვესტორების გაქცევამ — როგორც კერძო, ისე სახელმწიფო — უპრეცედენტო მასშტაბებს მიაღწია.

ერთი თვის განმავლობაში ტრეჟერისების უცხოელმა მფლობელებმა 256 მლრდ დოლარის ფასიანი ქაღალდები მოიშორეს თავიდან და საერთო პორტფელი 6,81 ტრილიონ დოლარამდე შეამცირეს. 

ამერიკული ეკონომიკის უმსხვილესი 33 კრედიტორი ქვეყნიდან ინვესტიციები გაზარდეს: იაპონიამ (3,4 მლრდ დოლარით), შვეიცარიამ (1,3), ტაივანმა (4,1), ფილიპინებმა (1,3) და ავსტრალიამ (1,8). აშშ-ის სახელმწიფო ობლიგაციებს აქტიურად ჰყიდდნენ განითარებადი ქვეყნების ცენტრობანკები — მათ დოლარები კორონავირუსული კრიზისის ფონზე საკუთარი ეროვნული ვალუტების კურსის გასამყარებლად სჭირდებოდათ.

რუსეთის ბანკმა მარტის დასაწყისში ასევე გაყიდა მოსკოვის ბირჟაზე 6,6 მლრდ დოლარი, რათა ბიუჯეტიდან ამოვარდნილი ნავთობ–გაზის შემოსავლებისა და Urals-ის კოტირებების დაწევის კომპენსაცია მოეხდინა. როგორც სტატისტიკიდან ჩანს, ცენტრალური ბანკი პირველ რიგში თავიდან იშორებდა მოკლევადიან ამერიკულ ობლიგაციებს - მათში ინვესტიციები 17-ზე მეტჯერ შემცირდა.

უმსხვილესი გამყიდველი გამოდგა საუდის არაბეთი — სამეფომ 25,3 მლრდ დოლარის ტრეჟერისები მოიშორა თავიდან. ბრაზილიასა და ინდოეთში მაჩვენებელი ცოტა დაბალი იყო — 21,5 და 21 მლრდ, შესაბამისად.

ეს ვაშინგტონს არაფერს კარგს არ უქადის, ვინაიდან აშშ-ის 1,5 ტრილიონიანი საბიუჯეტო დეფიციტი ძირითადად სახელმწიფო ობლიგაციების რეალიზაციით იფარება. ანალიტიკოსების თქმით, ამერიკული ვალდებულებების გაყიდვა რეკორდული და მოულოდნელი გამოდგა. წინა კრიზისებისას, მაგალითად, 2008 წელს მოთხოვნა ტრეჟერისებზე, პირიქით, იზრდებოდა.

„არის კი მზად რუსეთის ბანკი, დაე, ჯერჯერობით ნაკლებად სარწმუნო, მაგრამ შესაძლებელი სცენარისთვის ამერიკულ ბონდებში რიგი ქვეყნების ინვესტიციების გაყინვასთან დაკავშირებით და, შესაბამისად, დოლარის სტატუსზე — როგორც სარეზერვო ვალუტაზე უძლიერესი დარტყმისთვის? ერთმნიშვნელოვნად დიახ. ასეთ შემთხვევაში ერთადერთ თავშესაფარ–ატქივად ოქრო დარჩება“, — აღნიშნა ანალიტიკოსმა ალექსანდ რაზუვაევმა.

საბეჭდი დაზგა 

უცხოელი ინვესტორების გადინებასთან გასამკლავებლად და ბიუჯეტის დეფიციტის შესავსებად ფედერალურმა რეზერვმა უკვე მთელი სიმძლავრით აამუშავა საბეჭდი დაზგა: რეგულატორმა შეუზღუდავი რაოდენობის ფასიანი ქაღალდების შესყიდვა გამოაცხადა და ორ თვეში ბალანსი 2,9 ტრილიონი დოლარით გაზარდა.

აქამდე გაურკვეველია, როგორ აისახება ამერიკულ ვალუტაზე ეკონომიკაში მასშტაბური თანხის შეტანა. ანტიკრიზისული ღონისძიებებისთვის ფედერალური რეზერვი არაფრით უზრუნველყოფილ დოლარებს ბეჭდავს და გასცემს მათ, თავად კი არანაირ ფასიან აქტივს არ იღებს — მხოლოდ ვალდებულებებს იზრდის. ფედერალური სარეზერვო სისტემის ბალანსი 6,42 ტრილიონი დოლარით გაიზარდა — ეს კრიზისამდელი ამერიკული მთლიანი შიდა პროდუქტის თითქმის 30 პროცენტია.

უმსხვილესი ბანკების გათვლებით, 2020 წლისთვის აშშ-ის ბიუჯეტის დეფიციტი ოთხ ტრილიონს მიაღწევს — ეს მაქსიმუმია მეორე მსოფლიო ომის შემდეგ. ხოლო ფედერალური სარეზერვო სისტემის ბალანსი კორონავირუსული კრიზისის დასრულების მომენტისთვის, ანალიტიკოსების შეფასებით, ათამდე ტრილიონით გაიბერება. გამომდინარე იქიდან, რომ ეს სახსრები, თავისი არსით, საბეჭდი დაზგის მუშაობის ნაყოფია, ინვესტორები ზურგს შეაქცევენ არაფრით უზრუნველყოფილ ვალუტას.

რედაქცია შესაძლოა არ ეთანხმებოდეს ავტორის მოსაზრებებს

98
ნიურნბერგის პროცესი 1945-46 წლები

„ნიურნბერგის გაკვეთილები“ - სამი მთავარი მითი მეორე მსოფლიო ომზე

59
(განახლებულია 11:28 23.11.2020)
რატომ ითვისებს აშშ სულ უფრო ხშირად ჰიტლერზე გამარჯვებას, როდის გამოჩნდა პირველი ფეიკი ომის თემატიკაზე და როგორ შეიძლება ამასთან ბრძოლა?

დიანა კურმანოვა

მოსკოვში, Россия сегодня–ს ორგანიზებით საერთაშორისო სამეცნიერო–პრაქტიკული ფორუმი ტარდება სახელწოდებით „ნიურნბერგის გაკვეთილები“. განხილვის მთავარი თემაა, რატომ გაჩნდა ესოდენ დიდი რაოდენობით ფეიკი თანამედროვე საზოგადოებაში მეორე მსოფლიო ომზე და რეალურია თუ არა ამისთვის წინააღმდეგობის გაწევა? საქმე ისაა, რომ ის პუბლიკაციები, რომლებიც ისტორიას ამახინჯებს და ნაციზმზე გამარჯვებაში საბჭოთა ჯარისკაცების წვლილს აკნინებს, ძირითადად სოციალურ ქსელებში ქვეყნდება, რომელთა გაკონტროლებაც ძალიან ძნელია.

და მაინც, ამასთან ბრძოლა შესაძლებელია, მიაჩნიათ მედიის სფეროს ექსპერტებს. თუმცა მანამდე ომის თემაზე სამი მთავარი მითი უნდა განვიხილოთ.

მითი, რომ ომში გამარჯვება აშშ–ის დამსახურებაა

„ფალსიფიცირების მცდელობები, საუბრები, რომ ომი ამერიკამ მოიგო, ადრეც მიდიოდა, მაგრამ მაშინ თავხედობა იყო ნაკლები, — მიაჩნია გერმანელ მწერალს, საიტ Antispiegel–ის ხელმძღვანელ ტომას რიოპერს. — ადრე იმას მაინც ამბობდნენ, რომ სსრკ და აშშ მოკავშირეები იყვნენო, რომ ყველაზე მეტი დანაკარგი სწორედ აღმოსავლეთის ფრონტზე იყოვო. ახლა კი საბჭოთა ჯარისკაცებს სულ უფრო ხშირად უწოდებენ ოკუპანტებს, ამერიკელები კი ეტყობა შოკოლადებით მოვიდნენ გერმანიაში“.

რიოპერის თქმით, ისტორიის გადაწერას ხელს ბევრად უწყობს ევროპული მედია, მათ შორის, გერმანული გამოცემები. მან გაიხსენა, როგორ გამოაქვეყნა გერმანულმა ჟურნალმა Der Spiegel–მა სოციალურ ქსელებში პოსტი იმის შესახებ, რომ ოსვენციმის საკონცენტრაციო ბანაკი ამერიკელებმა გაათავისუფლეს. მოგვიანებით, მას შემდეგ, რაც კრიტიკის ქარცეცხლი დაატყდა თავს, გამოცემამ განაცხადა, რომ „შეცდომა“ დაუშვა და პუბლიკაცია შეასწორა: ახლა მასში ნათქვამია, რომ „აუშვიცი“ წითელმა არმიამ გაათავისუფლა.

სპეციალისტების აზრით, საჭიროა დაიგმს ისტორიის დამახინჯების ნებისმიერი მცდელობა. ასე მოხდა Der Spiegel–ის პოსტის შემთხვევაში, რომელმაც გერმანულენოვანი მომხმარებლების განრისხებული კომენტარები დაიმსახურა, ვინაიდან მათა მიაჩნდათ, რომ ამით უბრალოდ ფაქტს კი არ იცავდნენ, არამედ აუშვიცში დაღუპული 1,4 მილიონი ადამიანის ხსოვნას მიაგებდნენ პატივს.

მითი, რომ ახალი თაობა გულგრილია იმ ომის მიმართ

არსებობს მოსაზრება, რომ ახალგაზრდობა სულ უფრო ნაკლებად ინტერესდება მეორე მსოფლიო ომის თემით. მაგრამ ეს ასე არ არის, მიაჩნია Russia Today–ს ჟურნალისტ მარია ბუტინას და ამის მაგალითად „უკვდავი პოლკის“მსვლელობა მოჰყავს: თუ მანამდე ამ აქციაში რუსეთის ფარგლებს გარეთ მხოლოდ 39 ქვეყანა მონაწილეობდა, რამდენიმე წელიწადში მათი რაოდენობა 115–მდე გაიზარდა.

იმ ადამიანების რაოდენობა, რომლებსაც მეორე მსოფლიო ომზე სიმართლის დაცვა სურთ, სულ უფრო იზრდება ახლო საზღვარგარეთის ქვეყნებშიც, მიაჩნიათ ფორუმის სპიკერებს. ამის მტკიცებულებაა სეგეი მიროშნიჩენკოს მოხალისური საქმიანობა, რომელიც ტავისუფალ დროს ნიურნბერგის პროცესის სტენოგრამებსა და მეორე მსოფლიო ომთან დაკავშირებულ სხვა დოკუმენტებს თარგმნის. ცოტა ხნის წინ ინტერნეტში გაჩნდა ახალი პორტალი Nuremberg Media, რომელიც ნიურნბერგის ტრიბუნალს აშუქებს. პროექტი მედიაჯგუფმა Россия сегодня–მ და სააგენტო Sputnik–მა დააარსეს.

ომზე საუბრისას ფაქტებით ოპერირებაა საჭირო, დარწმუნებულები არიან ფორუმ „ნიურნბერგის გაკვეთილების“ მონაწილეები. ადამიანები, რომლებიც კომუნიზმსა და ნაციზმს აიგივებდნენ, ყველა არგუმენტი ეკარგებათ, როდესაც მასობრივი სტერილიზაციის იდეას ეცნობიან. ამ პროექტის იდეა გერმანელ ექიმ ადოლფ პოკორნის ეკუთვნის, რომელიც 1941 წლის ოქტომბრის წერილში ირწმუნებოდა, რომ „მტერი არა მარტო უნდა დამარცხდეს, არამედ უნდა განადგურდეს“. ამისათვის პოკორნიმ სამი მილიონი პატიმარი ბოლშევიკის სტერილიზაციის იდეა წამოაყენა, რათა „მათ გამრავლების შესაძლებლობა მოსპობოდათ“. ამასთან, ექიმის აზრით, ტყვეები სიცოცხლის  ბოლომდე შეიძლებოდა გამოეყენებინათ მუშა ძალად. ჰიტლერის გამარჯვების შემთხვევაში, ისინი ზუსტად ასე აპირებდნენ მოპყრობოდნენ სსრკ–ს დანარჩენ მოსახლეობასაც.

ფეიკები ინტერნეტის დამსახურებაა?

სინამდვილეში ყალბი ახალი ამბები ყოველთვის არსებობდა, აცხადებს YouTube-არხ „ციფრული ისტორიის“ ვტორი ეგორ იაკოვლევი. მიუხედავად იმისა, რომინტერნეტის წყალობით ფეიკები სწრაფად ვრცელდება საინფორმაციო სივრცეში, მათი დონე ძალიან დაეცა. მაგალითად, XIX საუკუნეში ისტორიულ სიყალბეებს ბევრად შემოქმედებითად ქმნიდნენ.

1817 წელს ჩეხმა პოეტმა ვაცლავ განკამ განაცხადა, რომ ქალაქ კრალე დვურის ძველ კოსტიოლში (კათოლიკური ტაძარი, — რედ.) ხელნაწერი იპოვა — უძველესი ეპოსი იმის შესახებ, თუ როგორ გაანადგურეს ჩეხებმა 1242 წელს... თათარ–მონღოლები. ეს ლეგენდა ბევრმა ჩეხმა დაიჯერა. პოეტის მხილება სასამართლოს გზით მ ხოლოდ 70 წლის შემდეგ მოხერხდა.

კიდევ ერთი ცნობილი ფეიკი გამოქვეყნდა 1939 წელს ფრანგულ საინფორმაციო სააგენტო „გავასმა“. ის ირწმუნებოდა, რომ იოსებ სტალინს პოლონეთის დაპყრობა სურდა და ის სიტყვაც კი გაავრცელა, რომელიც თითქოს გერმანიის მხარდასაჭერად წარმოთქვა სტალინმა მეორე მსოფლიო ომის წინ პოლიტბიუროში. იმის დამტკიცება, რომ „გავასის“ მიერ გამოქვეყნებული სტატია ფეიკი იყო, მხოლოდ ომის დასრულების შემდეგღა შეძლეს ბრიტანელმა და გერმანელმა მეცნიერებმა.

59
თემები:
რუსეთი დღეს
რუსი სამშვიდობოები

მიმოხილვა: სამშვიდობო ოპერაციების რეიტინგი მთიან ყარაბაღში

28
(განახლებულია 22:44 20.11.2020)
მთიან ყარაბაღში რუსი სამშვიდობოების ყოფნა კონფლიქტის სამხედრო გზით გადაჭრის ალბათობას პრაქტიკულად ნულამდე ამცირებს.

ის აზერბაიჯანისა და სომხეთის ხელმძღვანელებს მოლაპარაკებათა მაგიდასთან დაბრუნების შესაძლებლობას აძლევს, ხოლო ადგილობრივ მოსახლეობას — სახლებში დაბრუნებისა. ეს რუსეთის საგარეო პოლიტიკის ეფექტურობის, შეიარაღებული ძალების უზადო ორგანიზაციისა და საბრძოლო მზადყოფნის მაღალი დონის დემონსტრაციაა.

სამშვიდობო ძალები კონფლიქტის ზონაში მოქმედებებით გამორიცხავს დაპირისპირებულ მხარეებს შორის შეიარაღებულ შეტაკებას. რუსეთის სამხედრო–კოსმოსური ძალების სამხედრო–სატრანსპორტო ავიაციის თვითმფრინავები განაგრძობენ მე–15 მოტომსროლელი ბრიგადის ქვედანაყოფებისა და ტექნიკის გადასროლას, რომლებიც საიმედო გარანტი ხდება სამხრეთ კავკასიაში სტაბილურობისთვის. ოპერაციის დაწყების შემდეგ სტეპანაკერტსა და მთიანი ყარაბაღის სხვა დასახლებულ პუნქტებში სომხეთის ტერიტორიიდან ოთხი ათასზე მეტი ლტოლვილი დაბრუნდა. მარტო 19 ნოემბერს, სამშვიდობოების დაცვით, 27 ავტობუსით 1200–ზე მეტი კაცი დაბრუნდა.

ურთულესი ჰუმანიტარული ამოცანების გადასაჭრელად მთიან ყარაბაღში, რეაგირების უწყებათშორისი ცენტრის შემადგენლობაში, რუსეთის საგანგებო სიტუაციების სამინისტროს რაზმი და ასევე ხუთი სპეციალიზებული — ჰუმანიტარული განაღმვის, სამედიცინო, სატრანსპორტო და სავაჭრო–საყოფაცხოვრებო უზრუნველყოფისა და დაპირისპირებული მხარეების შერიგების სტრუქტურა მოქმედებს.

მონიტორინგის პოსტები, პატრულირება და საპოლიციო ფუნქციები უსაფრთხოების ზონებში „ჩრდილოეთი“ და „სამხრეთი“ შეუიარაღებელი თვალითაც ჩანს. რუსი სამშვიდობოები სამოქალაქო ავტოტრანსპორტის უსაფრთხო მოძრაობას უზრუნველყოფენ ლაჩინის დერეფანში, ამოწმებენ ავტომობილებს, რათა იარაღის შეტანა აღკვეთონ. რუსეთის ოპერაციის ბევრი ამოცანა, სტრუქტურა, მექანიზმი და ალგორითმი  ყარაბაღში ესოდენ ხილული არ არის. ყარაბაღის სიტუაციას ისტორიაში ანალოგი არ აქვს და სამხედრო მოსამსახურეებს უმკაცრეს მოთხოვნებს უყენებს. რუსეთის უსაფრთხოების ფედერალური სამსახური გააკონტროლებს, თუ როგორ უზრუნველყოფს სომხეთი სატრანსპორტო კავშირს აზერბაიჯანის დასავლეთ რაიონებსა და ნახჭევანის ავტონომიას შორის. რუსეთის მთავრობა სამშვიდობოების საქმიანობისთვის გაწეულ ფინანსურ ხარჯებს თავად დაფარავს. ასეთი ოპერაციის ფასი ასობით მილიონი დოლარია წელიწადში, მაგრამ სამხრეთ კავკასიის უსაფრთხოება ფულით არ იზომება.

ოპერაციას უზარმაზარი მნიშვნელობა აქვს, რეიტინგი — უმაღლესი. რუსეთის მისია ყარაბაღში მრავალრიცხოვანი არ არის (გაეროს საზომით), მაგრამ უკიდურესად მნიშვნელოვანია სამხრეთ კავკასიასა და კასპიის რეგიონში სტაბილურობის შენარჩუნებისთვის.

ახლო საზღვარგარეთი

ცოტა ხნის წინ მთიან ყარაბაღში მომხდარმა ტრაგიკულმა მოვლენებმა დაადასტურა, რომ დსთ–ს ქვეყნებს შორის შეიარაღებული კონფლიქტების პოტენციალი ნარჩუნდება. ამის სამაგალითოდ შორს წასვლა საჭირო არ არის.

დღეს მოლდოვის არცეულმა პრეზიდენტმა მაია სანდუმ საპროგრამო განცხადება გაავრცელა დნესტრისპირეთიდან რუსი სამხედროების გაყვანის აუცილებლობის შესახებ. შესაძლოა მას დაავიწყდა, რომ ეს ერთადერთი რეგიონია აღმოსავლეთ ევროპის ტერიტორიაზე, სადაც სამშვიდობო კონტინგენტის შეყვანის შემდეგ 1992 წელს, შესაბამისი შეთანხმების საფუძველზე, საოამრი მოქმედებები შეწყდა და უკვე 28 წელია, აღარ განახლებულა.

დნესტრისპირეთში რუსეთის ჯარების ოპერატიული ჯგუფია განთავსებული. მისი ერთ–ერთი მტავარი ამოცანა — ეს ძველი საბღძოლო მასალების უზარმაზარი და უკიდურესად საშიში არსენალის დაცვაა (20 ათას ტონაზე მეტი) დასახლებულ პუნქტ კოლბასნას სიახლოვეს (1990-იანების დასაწყისში სწორედ იქ ეზიდებოდნენ საბჭოთა არმიის საბრძოლო მასალებს გერმანიიდან, უნგრეთიდან პოლონეთიდან). ადგილზე არსენალების განადგურება შეუძლებელია, გატანაც პრობლემატურია — საჭიროა დაახლოებით 2500 ვაგონი, მაგრამ საბრძოლო მასალების დაახლოებით 57% უკვე არატრანსპორტაბელურია. თუ რუსები იქიდან წავლენ, მოლდოვაში ვითარება ფეთქებადსაშიში გახდება — პირდაპირი მნიშვნელობით.

სამშვიდობოების ეფექტურობის მაგალითად ცენტრალური აზიის მიმართულება შეიძლება მოვიყვანოთ. შეგახსენებთ, რუსეთმა, ყაზახეთმა, უზბეკეთმა და ყირგიზთმა 1993 წელს ხელი მოაწერეს კოლექტიური სამშვიდობო ძალების შექმნის შესახებ გადაწყვეტილებას, რომლებიც რეგიონული სტაბილურობის საფუძვლად იქცა. იმავე წელს სამშვიდობოების კოლექტიური ძალისხმევით შიარაღებული კონფლიქტის ჩაქრობა მოხერხდა ტაჯიკეთში. რესპუბლიკაში რუსეთის უსაფრთხობის ფედერალური სამსახურის სასაზღვრო ძალების ოპერატიული ჯგუფი დარჩა, ხოლო 2005 წელს რუსეთის 201–ბაზა დაარსდა, რომელიც არსით სამშვიდობოა.

იუგოსლავიიდან ანგოლამდე

რუს სამშვიდობოებს მნიშვნელოვანი გამოცდილება აქვთ და შემთხვევითი არ არის, რომ სამხედრო დამკვირვებლების რაოდენობით, გაეროში რუსეთი პირველ ათეულში შედის.

რუსმა სამხედროებმა გამოცდილების მიღება 1992 წლიდან დაიწყეს გაეროს ოპერაციებში იუგოსლავიაში, სადაც რუსული კონტიგენტი 1600 კაცით იყო წარმოდგენილი. ანალოგიური ამოცანები მოგვიანებით შესრულდა ანგოლაში, ლიბერიაში, მოზამბიკში, რუანდაში, კოტ–დ’ივუარში, ბურუნდიში, ეთიოპიაში, სუდანში, ჩადის რესპუბლიკაში და ცენტრალური აფრიკის რესპუბლიკაში.

სამშვიდობო ძალების როტაცია ექვს თვეში ერთხელ  ხდება და ეს სამხედროების სულიერი ძალისა და ფიზიკური ამტანობის მკაცრი გამოცდაა. სადამკვირვებლო მისიები თითქმის შეუიარაღებელია, სამშვიდობო ძალების ოეპრაციები უპირატესად მსუბუქად არიან შეიარაღებული.

რუსი სამშვიდობოები წელს გაეროს ცხრა მისიაში მონაწილეობენ: დასავლეთ საჰარაში (MINURSO), ცენტრალური აფრიკის რესპუბლიკაში (MINUSCA), კონგოში (MONUSCO), კვიპროსზე (UNFICYP), в სუდანში (UNISFA), კოსოვოში (UNMIK), სამხრეთ სუდანში (UNMISS), ახლო აღმოსავლეთში (UNTSO), კოლუმბიაში (UNVMC).

უმსხვილესად მიიჩნევა გაეროსა და აფრიკის კავშირის  სამშვიდობო მისი, რომელიც სუდანშია განთავსებული (20 ათასზე მეტი სამხედრო). მიუხედავად ეგზოტიკური გეოგრაფიისა, ეს მძიმე სამუშაოა, რომელსაც გამუდმებით ახლავს სიცოცხლისთვის რისკი. პლანეტაზე ყოველწლიურად ასამდე სამშვიდობო იღუპება და უმეტეს შემტხვევაში, მიზანმიმართული თავდასხმების შედეგად.

რედაქცია შესაძლოა არ ეთანხმებოდეს ავტორის მოსაზრებებს!

28
ბახმარო ზამთარში

ბახმაროს გზა გაიხსნა

0
ორასზე მეტი დამსვენებლისთვის, რომლებიც ინტენსიური თოვის გამო მაღალმთიან კურორტ ბახმაროში ჩარჩნენ, „თოვლის ტყვეობა“ დასრულდა – გზა გაწმენდილია

თბილისი, 24 ნოემბერი – Sputnik. ტრანსპორტის მოძრაობა კურორტ ბახმაროს მიმართულებით აღდგენილია –თოვლისგან გზის გაწმენდის სამუშაოები ღამით დასრულდა, ნათქვამია გურიის ადმინისტრაციის განცხადებაში.

დიდთოვლობისა და ლიპყინულის გამო ჩოხატაური–ბახმაროს საავტომობილო გზის 34–56–ე კილომეტრზე მოძრაობა 18 ნოემბრიდან აკრძალული იყო.

ჩოხატაურის მერის ირაკლი კუჭავას განცხადებით, ბახმაროში დაახლოებით 200 ადამიანი იმყოფებოდა, რომლებიც ასეთი ვითარების გამო უკან ვერ ბრუნდებოდა.

კუჭავას განცხადებით, სამუშაოები უწყვეტ რეჟიმში მიმდინარეობდა. გზა უკვე გაწმენდილია და გადაადგილების პრობლემა აღარ არის. ბახმაროში ჩარჩენილებს კურორტიდან წასვლა უკვე შეუძლიათ.

ადგილობრივ ხელმძღვანელობასთან ერთად ადგილზე იმყოფებოდნენ საავტომობილო დეპარტამენტის, შსს–ს საგანგებო სიტუაციის მართვის სამსახურისა და გურიის პოლიციის სამმართველოს წარმომადგენლები.

0
თემები:
უამინდობა საქართველოში