ლევან დავითაშვილი

როგორ დაეხმარება საქართველოს ხელისუფლება სოფელს: ახალი პროგრამები და შეღავათები

271
(განახლებულია 14:19 13.05.2020)
საქართველოს მთავრობამ სოფლის მეურნეობის დასახმარებლად ახალი პროგრამა შეიმუშავა, რომლის წყალობითაც 200 ათასამდე ფერმერი 20 მაისიდან დამატებით შეღავათებს მიიღებს.

თბილისი, 13 მაისი - Sputnik. საქართველოში კორონავირუსის პანდემიამ სხვადასხვა სფეროში სერიოზული კორექტივები შეიტანა, რომელიც ყველაზე ნათლად სოფლის მეურნეობის სექტორში გამოვლინდა, განსაკუთრებით, ქვეყნის პროდუქტებით მომარაგების კუთხით. 

„ჩვენი პოლიტიკა ორიენტირებულია სოფლის მეურნეობის დახმარებაზე, კერძოდ, ყველა მიმართულებით კერძო წარმოების დახმარებაზე“, – განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

როგორც მან აღნიშნა, საქართველოს მთავრობის ძალისხმევა მიმართულია სოფლის მეურნეობაში დასაქმებულ პირთა მხარდაჭერისკენ.

„ჩვენს ქვეყანაში ფერმერების ახალი კატეგორია ყალიბდება. ეს ადამიანები დასაქმებული არიან სოფლის მეურნეობის სფეროში. თუმცა, მათ აქვთ კონკრეტული გეგმები და მიზნები და ამ მიზნების მიღწევაში მათ სახელმწიფო უნდა დაეხმაროს“, - განაცხადა დავითაშვილმა.

მისი სიტყვებით, მთავრობის პროგრამა, პირველ რიგში, მიმართული იქნება ფერმერების დახმარებისკენ და გათვლილი იქნება როგორც დიდ მეურნეობებზე, ისე მცირე მეურნეობებზე, რომლებიც საჯარო რეესტრში რეგისტრირებულ მიწებს ფლობენ.

ფულადი დახმარება

მთავრობის გეგმის მიხედვით, პროგრამით გათვალისწინებული სუბსიდიის მისაღებად საჭიროა ფიზიკურ და იურიდიულ პირებს საკუთრებაში ჰქონდეთ საჯარო რეესტრში რეგისტრირებული 0,25 ჰექტრიდან 10 ჰექტრამდე სასოფლო-სამეურნეო დანიშნულების მიწის ნაკვეთი. სუბსიდიის მოცულობა ერთ ჰექტარ მიწაზე განისაზღვრა 200 ლარით (აგრობარათზე დარიცხული 200 ქულით). ამისათვის 37 მილიონი ლარი გამოიყოფა. 

მიწის ნაკვეთის მესაკუთრეს შესაძლებლობა ექნება, ბარათზე დარიცხული ქულები გამოიყენოს შემდეგი სასოფლო-სამეურნეო საქონლის შესაძენად: სასუქები და მცენარეთა დაცვის ქიმიური/ბიოლოგიური საშუალებები; მცენარეთა მოვლის ქიმიური/ბიოლოგიური საშუალებები; სათესლე და სარგავი მასალები.

ამ დახმარებით, რომელიც 20 მაისიდან გაიცემა, 200 ათასამდე ფერმერი ისარგებლებს.

ამასთან, დახმარებით სარგებლობას ის ფერმერიც შეძლებს, რომელიც ნაკვეთს საჯარო რეესტრში წლის ბოლომდე დაარეგისტრირებს.

„იმედი გვაქვს, ასეთი დახმარება ფერმერებისთვის ყოველწლიურად გაიცემა“, - განაცხადა დავითაშვილმა.

იაფი საწვავი

მთავრობის ახალი პროგრამის თანახმად, ყველა ფერმერისთვის, რომელიც 0,25 ჰექტრიდან 100 ჰექტამდე მიწის ნაკვეთს ფლობს, აგროტექნიკური სამუშაოებისთვის აუცილებელი დიზელის საწვავი საბაზრო ღირებულებაზე 1 ლარით ნაკლები ეღირება. ამასთან, ლიმიტი წელიწადში 1 ჰექტარზე 150 ლიტრი იქნება. 

„ეს პროექტი იმოქმედებს არა მხოლოდ პოსტკრიზისულ პერიოდში, არამედ მომდევნო პერიოდშიც“, - აღნიშნა დავითაშვილმა.

მისი თქმით, პროექტი დიდი ხანია იხილებოდა. ხელისუფლებამ მოახერხა დიზელის საწვავის მსხვილ იმპორტიორებთან მოლაპარაკება და ახლა ფერმერები ამ შეღავათით ისარგებლებენ.

გადასახადებისგან გათავისუფლება

ფულადი დახმარების გარდა, საქართველოს მთავრობამ გადაწყვიტა 42 ათას ფიზიკურ და იურიდიულ პირს ჩამოაწეროს „საქართველოს მელიორაციის“ დავალიანება, რომელიც დაახლოებით 8 მილიონ ლარს შეადგენს. ამასთან, 2020 წელს სამელიორაციო მომსახურების საფასურისგან სრულად გათავისუფლდება 10 ჰექტრამდე მიწის ნაკვეთის მესაკუთრე 42 ათასზე მეტი ფერმერი.  

გადასახადი ერთ ჰექტარზე 75 ლარს შეადგენს.

„ეს შეღავათი ფერმერებს საქმიანობის სუფთა ფურცლიდან დაწყების შესაძლებლობას მისცემს და განვითარებისთვის სახსრებს გამოათავისუფლებს“, - განაცხადა დავითაშვილმა.

გრანტები აგროსექტორისთვის

კიდევ ერთი პროგრამა ფერმერული მეურნეობების გასავითარებლად გრანტები იქნება. 

სახელმწიფო სასოფლო-სამეურნეო ტექნიკის, მოწყობილობების, ან სათბურების მოდერნიზების, ასევე ერთწლიანი კულტურებისთვის სარწყავი სისტემების შეძენისა და მონტაჟის ღირებულების 50%-ს აანაზღაურებს.

ამასთან, თანადაფინანსების მოცულობა არ გადააჭარბებს 50 ათას ლარს.

„ეს გრანტები ფერმერებს შესაძლებლობას მისცემს, განვითარდნენ და უფრო კონკურენტუნარიანები გახდნენ“, - განაცხადა დავითაშვილმა.

აგროკრედიტის ახალი პროგრამა

კრიზისის გამო შეიცვალა აგროკრედიტის პროგრამაც, რომელიც ქვეყანაში 2012 წლიდან მოქმედებს.

სახელმწიფო სრულად გადაიხდის ერთწლოვანი კულტურების წარმოების გასავითარებლად აღებული 5 ათასიდან 100 ათას ლარამდე მოცულობის სესხის პროცენტებს. სესხი ნახევარი წლის განმავლობაში გაიცემა. 

„შეღავათიანი აგროკრედიტის“ ძირითადი საშუალებების კომპონენტში იზრდება თანადაფინანსების პროცენტი. არსებული წლიური 8 პროცენტის ნაცვლად სახელმწიფო ფერმერს 48 თვის განმავლობაში დაუფინანსებს 11 პროცენტს. იზრდება ლიზინგის თანადაფინანსების პროცენტიც - ნაცვლად არსებული 9 პროცენტისა, იქნება 12 პროცენტი.

სასურსათო მრეწველობის ხელშეწყობის მიზნით თანადაფინანსება სახელმწიფოს მხრიდან 1,5 მილიონიდან 5 მილიონ ლარამდე სესხზე 24 თვის ვადით 10% იქნება.

„ეს შიდა მრეწველობის განვითარებისა და თვითუზრუნველყოფის პერსპექტივებზე საუბრის დაწყების შესაძლებლობას მოგვცემს“, - აღნიშნა დავითაშვილმა.

მისი თქმით, სესხები ძირითადად მოქმედი საწარმოების განვითარებას, ასევე ახლის შექმნას მოხმარდება, მაგალითად, მაკარონის წარმოების.

პროდუქციის ხარისხი და კოოპერატივების დახმარება

კიდევ ერთი მიმართულება, რომელსაც ხელისუფლება ყურადღებას მიაქცევს, პროდუქციის ხარისხის გაუმჯობესება იქნება.

მთავრობა გეგმავს პროდუქტების უსაფრთხოების საერთაშორისო სტანდარტების დანერგვის თანადაფინანსებას.

გარდა ამისა, ისინი კოოპერატივებს საბუღალტრო აღრიცხვასა და აღჭურვაში დაეხმარებიან.

სტიქიებისგან დაზღვევა

სიახლეები იგეგმება აგროდაზღვევის პროგრამაშიც. 20 მაისიდან შესაძლებელი იქნება მრავალწლოვანი კულტურების სეტყვისგან, წყალდიდობისგან, ქარიშხლისა და შემოდგომის ყინვებისგან 3 წლის ვადით დაზღვევა.

გარდა ამისა, სახელმწიფო მონაწილეობას მიიღებს კულტურის სახეობის მიხედვით სხვადასხვა მოცულობის სადაზღვევო პრემიების თანადაფინანსებაში.

მეცხოველეობა

საქართველოს ხელისუფლება მეცხოველეობის განვითარებაშიც მიიღებს მონაწილეობას. ამჯერად განსაკუთრებული ყურადღება რძისა და რძის პროდუქტების წარმოებაზე გაკეთდება.

გათვალისწინებულია ასევე სახელმწიფოს მონაწილეობა წარმოების სახეობების მიხედვით. 

პირველად წარმოებას სახელმწიფო დააფინანსებს 80%-ით, ისევე, როგორც რძის მიმღებ საგაზაფხულო პუნქტებსა და რძის გადამამუშავებელ მცირე საწარმოებს.

წარმოების დანარჩენი სახეობები, როგორებიცაა რძის მსხვილი ქარხნები და საკვების საწარმოები, სახელმწიფოს მხრიდან 40-დან 60%-მდე თანადაფინანსებას მიიღებენ.

271
თემები:
საქართველოს სოფლის მეურნეობა (191)
ვაქცინა „ეპივაკკორონა“

რას უნდა ველოდოთ „ეპივაკკორონისგან“: ყველაფერი COVID-19-ის პეპტიდური ვაქცინის შესახებ

19
(განახლებულია 13:44 23.01.2021)
„პივაკკორონას“ ასპროცენტიანი იმუნოლოგიური ეფექტურობა აქვს, ირწმუნებიან მისი შემქმნელები ნოვოსიბირსკის ცენტრ „ცექტორიდან“.

ტატიანა პიჩუგინა

ეს სინთეტიკური პრეპარატია, რომელიც SARS-CoV-2-ის ცილა-საცეცის პატარა ფრაგმენტებისგან შედგება. ახლა ვაქცინას სამი ათასზე მეტ მოხალისეზე ცდიან. ამავდროულად ის სამოქალაქო ბრუნვაშიც გავიდა. აღინიშნება, რომ მას ძალიან ცოტა გვერდითი ეფექტი აქვს, ამიტომ ვაქცინა უფროსი ასაკის ადამიანებისთვისაცაა გამოსადეგი.

რისგან შედგება „ეპივაკკორონა?“

ვაქცინა SARS-CoV-2-ის ცილა-საცეცის სამი მოკლე ფრაგმენტისგან შედგება, რომლებიც მზიდავ ცილაზეა დამიზნებული. ამ ფრაგმენტებს პეპტიდები ეწოდება, აქედან წარმოდგემა ვაქცინის სახელი - პეპტიდური.

რომელი პეპტიდები შედის ვაქცინაში?

„ვექტორის“ განცხადებით, ვაქცინური პეპტიდები შეიცავს В-უჯრედულ ეპიტოპებს, Т-ჰელპერული ეპიტოპების წყარო მზიდავი ცილაა.

ცილა-საცეცი ეხმარება ვირუსულ ნაწილაკს, მიემაგროს ადამიანის უჯრედს და შეაღწიოს მის შიგნით. მრავალრიცხოვანი კვლევებით დადასტურებულია, რომ ეს საცეცები ორგანიზმის უფრო მეტ იმუნურ პასიხს იწვევს. ბიოლოგების ტერმინოლოგიით, ცილა-საცეცი — ეს ანტიგენია.

ამ ცილის მოლეკულა ძალიან დიდია და მასში განსაკუთრებული უბნები — ეპიტოპებია. მათ იმუნური სისტემის უჯრედები ამოიცნობს და ინფექციასთან ბრძოლის მექანიზმს ააქტიურებს.

„არსებობს В და Т ეპიტოპები. მათან პირველს ანტიგენური დეტერმინანტები ჰქვია. ეს არის ანტიგენის მოლეკულის უბნები, რომლებიც ანტისხეულებს უკავშირდებიან. მაგრამ მანამდე ეს უბნები В ლიმფოციტების რეცეპტორებს უკავშირდებიან და მათი პლაზმურ ჯრედებად გადაქცევის პროცესს იწყებენ, რომლებსაც ანტისხეულების გამომუშავების უნარი აქვთ“, — ამბობს პროფესორი ეკატერინა კოლესანოვა.

როგორ მუშაობს ვაქცინა?

აცრის შედეგად მზიდავი ცილა სამივე პეპტიდს ადამიანის В ლიმფოციტს აწვდის, ააქტიურებენ მას და დამცავი ანტისხეულების — იმუნოგლობულინების გამომუშავება იწყება.

„ვექტორში“ ადასტურებენ, რომ აცრის შედეგად წარმოქმნილი ანტისხეულები სპეციფიკურია კორონავირუსის ცილა-საცეცის მიმართ. იმუნოზირებული მოხალისეებისგან აღებული სისხლის შრატი ვირუსის გამანეიტრალებელ აქტიურობას ავლენს. ეს იმას ნიშნავს, რომ ანტისხეულებს არა მარტო კორონავირუსის ამოცნობის, არამედ მისი განადგურების უნარიც აქვს.

შეიცავს თუ არა „ეპივაკკორონა“ კორონავირუსს ან რომელიმე სხვა ვირუსს?

არანაირი ვირუსი და მათი ნაწილები მასში არ არის. ამით განსხვავდება ის „სპუტნიკ V-სგან“, რომელშიც ადენოვირუსები შედის. „ეპივაკკორონაში“ არ არის რნმ, დნმ, არანაირი ცოცხალი კომპონენტი, კონსერვანტები და ანტიბიოტიკები. შემადგენლობა დეტალურად არის აღწერილი „როსპოტრებნადზორის“ საიტზე და ასევე ვაქცინის ინსტრუქციაში, რომელიც ხელმისაწვდომია ინტერნეტში.

როგორ იქმნება პეპტიდური ვაქცინა?

ვაქცინა ეპივაკკორონა
photo : press-service of Russian Federal Service for Surveillance on Consumer Rights Protection and Human Wellbeing (Rospotrebnadzor)

პეპტიდების ქიმიური სინთეზით — ცალკეული ამინომჟავური ნარჩენების ჯაჭვის თანმიმდევრული ზრდის პროცესით.
აინთეტიკურ პეპტიდებს აერთიანებენ მზიდავ ცილასთან. ეს საჭიროა მდგრადი მოლეკულების მისაღებადაც. რაც უფრო მოკლეს პეპტიდი, მით მალე ირღვევა ისინი.

როგორ კეთდება აცრა?

ვაქცინა სუსპენზიის სახით გამოდის და ინექციით შეჰყავთ მხრის კუნთში. პეპტიდური პრეპარატები არ იძლევა იმუნიტეტის სწრაფ და მძლავრ პასუხს, ამიტომ „ეპივაკკორონა“ ორჯერ შეჰყავთ თანაბარი დოზებით 21 დღიანი შუალედით.

გვერდითი ეფექტები

I-II ფაზაში მონაწილე მოხალისეები ამბობდნენ, რომ ჰქონდათ მცირე ტკივილი ნანემსარზე, რომელიც მალე ქრებოდა. სხვა უსიამოვნო შეგრძნებები არ აღუწერიათ.

ვაქცინა „ეპივაკკორონა“
photo: press-service of Russian Federal Service for Surveillance on Consumer Rights Protection and Human Wellbeing (Rospotrebnadzor)

„ეპივაკკორონას“ არაოფიციალურ Telegram-არხზე, რომელიც პოსტრეგისტრაციული გამოცდების (მესამე ფაზა) მონაწილეებმა შექმნეს, მინიმალური გვერდითი ეფექტების შესახებ საუბრობენ: დისკომფორტი, ნანემსრის შეწითლება ერთი დღე-ღამის განმავლობაში, ძლიერი ტკივილი მხარში. მაღალი ტემპერატურა და სხეულში მტვრევა არავის გამოვლენია, ან აცრასთან მკისი კავშირი არ დადასტურებულა.

როგორია „ეპივაკკორონას“ ეფექტურობა?

„არსებობს იმუნოლოგიური და პროფილაქტიკური ეფექტურობა. პირველი — ეს სპეციფიკური ანტისხეულების გამომუშავებაა. კლინიკური გამოცდების I და II ფაზებისას სპეციფიკური ანტისხეულები ყველა მოხალისეს გამოუმუშავდა. პროფილაქტიკური ეფექტურობა — ეს აცრილების დაავადებისგან დაცვაა. კვლევები პოსტრეგისტრაციული გამოცდების მსვლელობისას გრძელდება, მონაცემები თებერვალში გვექნება“, — აცხადებენ „როსპოტრებნადზორის“ პრესსამსახურში.

როგორ შეიძლება თავად შევამოწმოთ ვაქცინის მოქმედება?

უნდა გაიკეთოთ სისხლის ანალიზი კორონავირუსის S-ცილის მიმართ IgG-ის კლასის ანტისხეულებზე არა უადრეს 35-42 დღისა ვაქცინის პირველი დოზის შეყვანიდან. მაგრამ ყველა ტესტ-სისტემა ვერ ხედავს „ეპივაკკორონას“ მიერ გამომუშავებულ ანტისხეულებს.

„როპოტრებნადზორში“ აცხადებენ, რომ ამისთვის მხოლოდ ტესტ-სისტემა SARS-CoV-2-IgG-ვექტორია გამოსადეგი.

გარდა ამისა, ვაქცინის შემქმნელების თქმით, „ეპივაკკორონას“ მიერ გამომუშავებულ ანტისხეულებს კარგად „ხედავს“ ფირმა Biopharmaceuticals-ის მიერ წარმოებული რეკომბინირებული ცილა S1.

მესამე ფაზის მონაწილე მოხალისეების დაკვირვებით, რომლებმაც საკუთარი ნებით ჩააბარეს ტესტები, IgG-ანტისხეულები სამს აღმოაჩნდა. პირველი ვაქცინა მათ გასული წლის დეკემბერში მიიღეს.

კიდევ ვინ ქმნის პეპტიდურ ვაქცინებს კორონავირუსის წინააღმდეგ?

პეპტიდური ვაქცინები მთელ მსოფლიოში ექსპერიმენტულ სტადიაზეა. მათი შექმნა და შემოწმება დიდ შრომას მოითხოვს, ამიტომაც ჩამორჩებიან ისინი Mრნმ, ვექტორულ და ინაქტივირებულ ვაქცინებს.

ჯანმოს სიაში 19 იანვრისთვის, „ეპივაკკორონას“ გარდა, კიდევ ორი პეპტიდური ვაქცინა-კანდიდატი იყო. მათ ადამიანებზე ცდიან.
მულტიპეპტიდურ კოქტეილს pVAC-SARS-CoV-2-ს, რომელიც ტიუბინგენის (გერმანია) უნივერსიტეტში შეიქმნა, ახლა გამოცდების პირველ ფაზას გადის.

პრეპარატი UB-612, რომელიც ტაივანურმა კომპანია United Biomedical Inc., Asia-მ შექმნა ამერიკულ COVAXX-თან ერთად, გამოცდების II-III ფაზაზეა.

19
თემები:
რუსეთი დღეს
საქართველოს ეროვნული ოლიმპიური კომიტეტი

რას უნდა ველოდოთ ქართული სპორტისგან: 2021 სპორტული მოვლენებით აღსავსე წელი

155
(განახლებულია 17:39 22.01.2021)
გულშემატკივრები ტოკიოში ქართველი ოლიმპიელების გამოსვლას ელოდებიან. საინტერესო წელი იქნება ქართული რაგბისთვისაც. პარალელურად ფეხბურთელები განაწყენებული ქომაგის გულის მოგებას კიდევ ერთხელ შეეცდებიან.

მსოფლიოში გავრცელებული პანდემიის გამო გადაიდო ან სულაც ჩაიშალა 2020 წელს დაგეგმილი უამრავი სპორტული ღონისძიება. გულშემატკივართათვის განსაკუთრებით მტკივნეული იყო გასულ წელს დაგეგმილი ოლიმპიური თამაშებისა და ევროპის საფეხბურთო ჩემპიონატის გადადება. კორონავირუსთან ვაქცინაციით დაწყებულ ბრძოლას მსოფლიო საზოგადოება იმედის თვალით შეჰყურებს, რაც ჩვენც იმედს გვაძლევს, რომ 2021 წელი სპორტული თვალსაზრისით ბევრად საინტერესო და მრავალფეროვანი იქნება.

იმედიანად არის განწყობილი ქართველი ქომაგიც, რადგან ქართულ სპორტს საინტერესო წელი ელოდება და ფედერაციები გარკვეულ სახეობებში მსოფლიო ტურნირებზე უმაღლესი სინჯის მედლების მოპოვებას გეგმავენ.

მიმდინარე წლის მთავარი მოვლენა, რა თქმა უნდა, ტოკიოს ოლიმპიური თამაშებია, რომელიც შარშან უნდა გამართულიყო. ოლიმპიადის ლიცენზიები ქართველი სპორტსმენების ნაწილს უკვე მოპოვებული აქვს, დანარჩენები კი ოლიმპიადამდე დაგეგმილ ტურნირებზე იბრძოლებენ ლიცენზიების მოსაპოვებლად. რთული წელი ექნებათ ქართველ ფეხბურთელებს, რომლებმაც ჩრდილოეთ მაკედონიასთან ფინალში განცდილი მარცხით გულშემატკივრებს გული დასწყვიტეს. საფეხბურთო ნაკრები 2022 წლის მუნდიალისთვის შესარჩევ ეტაპს გაივლის, სადაც უძლიერეს მეტოქეებთან მოუწევს გაჯიბრება. რაც შეეხება კალათბურთელთა ეროვნულ გუნდს, ისინი ევრობასკეტის ბოლო საკვალიფიკაციო ფანჯრის (ბაბლის) მასპინძლები იქნებიან. მოუთმენლად ველით UFC-ში ჩვენი მებრძოლების გამოსვლებსაც, მიუხედავად პანდემიისა, მათ 2020-ში უამრავი სიხარული გვაჩუქეს. ასევე წინ გველის ძიუდოში თბილისის გრანდ-სლემი და უამრავი სხვა სპორტული ღონისძიება.

ტოკიოს ოლიმპიური თამაშები 2021 წლის 23 ივლისიდან 8 აგვისტოს ჩათვლით გაიმართება

იაპონიის დედაქალაქმა ზაფხულის 32-ე ოლიმპიურ თამაშებს, რომელშიც 200-ზე მეტი ქვეყნის 12,5 ათასზე მეტი სპორტსმენის გამოსვლას ელოდებიან, ერთი წლის დაგვიანებით - 2021 წლის ზაფხულში უნდა უმასპინძლოს.

ოლიმპიადის ხსენებაზე ქართველ გულშემატკივარს პირველი ალბათ ლაშა ტალახაძე გაახსენდება. ჩვენი გოლიათის მარცხს სხვა ქვეყნის სპორტის ქომაგები და წარმომადგენლებიც კი არ განიხილავენ და მით უფრო მის გამარჯვებაში ეჭვი არ ეპარება ქართველ ქომაგს. ტალახაძის უსაზღვრო შესაძლებლობებიდან და არაამქვეყნიური ძალიდან გამომდინარე შეგვიძლია ვთქვათ, რომ საქართველოს ერთი ოლიმპიური ოქროს იმედი ამ სახეობაში ნამდვილად უნდა ჰქონდეს. თუმცა ბოლო ხანს, ტალახაძის გარდა, არაერთმა ქართველმა ძალოსანმა მიაღწია წარმატებას საერთაშორისო ტურნირებზე და არ არის გამორიცხული, ფედერაციას კიდევ ჰქონდეს დაგეგმილი ოლიმპიური მედლები.

ტრადიციულად საქართველოს მედლების მოპოვების დიდი შანსი ექნება საჭიდაო სპორტის სახეობებში. საინტერესო იქნება ქართველი ძიუდოისტების ასპარეზობა, სადაც უამრავი ახალი სახე გამოჩნდა. აღსანიშნავია, რომ წელი წარმატებით დაიწყეს ტატო გრიგალაშვილმა და ვარლამ ლიპარტელიანმა, რომლებმაც დოჰას მასტერსზე გამოსვლა ოქროს მედლებით დაასრულეს. არ უნდა დაგვავიწყდეს თავისუფალი სტილით ჭიდაობა, სადაც ყველაზე მეტად გენო პეტრიაშვილის იმედი გვაქვს.

რა თქმა უნდა, ცალკე უნდა აღინიშნოს მსოფლიო სპორტში ისეთი ფენომენალური მოვლენა, როგორიც ჩვენი მსროლელი ნინო სალუქვაძეა, რომელიც თავის მე-9 (!) ოლიმპიადაზე მიდის. წარმატებები ვუსურვოთ ნინოს და იმედი ვიქონიოთ, რომ მასთან ერთად ქართველი სპორტსმენები სპორტის სხვა სახეობებშიც მოუტანენ ქვეყანას ჯილდოებს.

დიდი იმედგაცრუების შემდეგ საფეხბურთო ნაკრები მუნდიალის შესარჩევისთვის ემზადება

კარგი იქნება, თუ კორონავირუსთან და მასთან დაკავშირებულ პრობლემებთან ერთად დავიწყებას მიეცემა 2020 წლის ქართული ფეხბურთის წარუმატებლობაც. ევროპის ჩემპიონატის საკვალიფიკაციო ეტაპზე ბოლო მარცხის შემდეგ ბევრმა ადამიანმა კიდევ ერთხელ აიცრუა გული ქართულ ფეხბურთზე.

საქართველოს ეროვნული ნაკრები წელს 2022 წლის მსოფლიო ჩემპიონატის შესარჩევ ეტაპში ჩაერთვება. მუნდიალის შესარჩევ ეტაპზე ქართველ ფეხბურთელებს ნამდვილად რთული გზა აქვთ გასავლელი. ჩვენი ნაკრები საკვალიფიკაციო ეტაპის B ჯგუფში ესპანეთთან, შვედეთთან, საბერძნეთთან და კოსოვოსთან ერთად მოხვდა.

მუნდიალის შესარჩევზე საქართველო პირველ შეხვედრას 2021 წლის 25 მარტს სტუმრად გამართავს შვედეთის წინააღმდეგ, 11 ნოემბერს კი საკვალიფიკაციო ეტაპის ბოლო მატჩში კვლავ შვედებთან მოგვიწევს დაპირისპირება.

ნაკრების სხვა პრობლემებს ახლა ისიც დაემატა, რომ სლოვაკი სპეციალისტის ვლადიმერ ვაისის წასვლის შემდეგ ფედერაცია ისევ ნაკრების ახალი მწვრთნელის ძიებაშია.

არ უნდა დაგვავიწყდეს ქართული კლუბებიც. ევროსარბიელზე, მსგავსად წინა სეზონებისა, კვლავ ოთხი გუნდი იასპარეზებს. ეროვნული ლიგის ჩემპიონი თბილისის „დინამო“ ჩემპიონთა ლიგის საკვალიფიკაციო ეტაპიდან დაიწყებს, ხოლო ბათუმის „დინამო“, გორის „დილა“ და „გაგრა“ (თასის გამარჯვებული) უეფას ახალ საკლუბო ტურნირზე – კონფერენს ლიგაზე გასვლას შეეცდებიან.

ქართველი მორაგბეებისთვის წელი რუსეთთან შეხვედრით იწყება

„ბორჯღალოსნები“ 2021 წლის პირველ შეხვვედრას რუსეთის ეროვნულ ნაკრებთან 6 თებერვალს გამართავენ. მიუხედავად იმისა, რომ სატურნირო თვალსაზრისით ჩვენი ნაკრებისთვის აღნიშნული შეხვედრა არაფერს წყვეტს, მაყურებელი ქართველ მორაგბეთა მატჩებს ყოველთვის სულმოუთქმელად ელოდება. „დათვებს“ ჯერ კიდევ გასული წლის გაზაფხულზე უნდა შევხვედროდით, თუმცა ამ შემთხვევაშიც კორონავირუსის პანდემიის გამო შეხვედრა გადაიდო.

შემდეგ კი ლევან მაისაშვილის შეგირდებს წინ რაგბი ევროპის 2021 წლის ჩემპიონატი ელით, რომელიც მსოფლიოს თასის საკვალიფიკაციო ეტაპიცაა. საუბარია ასევე ზაფხულში გასამართ ტესტ-მატჩებზე, რომლებიც "ბორჯღალოსნებმა" შესაძლოა არგენტინისა და შოტლანდიის ნაკრებების წინააღმდეგ გამართონ.

კალათბურთელები ევრობასკეტისთვის გახურდებიან

საქართველოს საკალათბურთო ნაკრები წელს ევრობასკეტის შესარჩევი ეტაპის ბოლო ოთხ შეხვედრას, ე.წ. „ბაბლს“ უმასპინძლებს. 2021 წლის თებერვალში ჩვენი ნაკრები ჯერ სერბეთის დამარცხებას შეეცდება, შემდეგ კი ფინეთის ნაკრებს შეხვდება.

ილიას ზუროსის შეგირდებმა „ბაბლის“ პრინციპით ფინეთში გამართულ ნოემბრის ფანჯარაში წარმატებულად იასპარეზეს. ქართველმა კალათბურთელებმა მასპინძელ ფინეთთან გამარჯვების შემდეგ შვეიცარიაც დაამარცხეს და ჯგუფში ლიდერობა შეინარჩუნეს.

საქართველო ევრობასკეტი-2022-ის ერთ-ერთი მასპინძელია და ფინალურ ეტაპზე თამაში გარანტირებული აქვს. მიუხედავად ამისა, ქართველ კალათბურთელებს თავი არ დაუზოგავთ და შესარჩევი ეტაპის აქამდე გამართული ყველა მატჩი მოიგეს, თანაც უმეტესი მათგანი – სერიოზული საკადრო დანაკლისების პირობებში. მეორე მხრივ, ძირითადი შემადგენლობის დანაკლისმა გამოავლინა პერსპექტიული ახალგაზრდები, რომლებიც ნაკრებს მომავალში უდავოდ გამოადგებიან.

2021 წლის ზაფხულში საქართველო 20 წლამდე კალათბურთელთა ევროპის ჩემპიონატის B დივიზიონსაც მიიღებს.

შერეულ ორთაბრძოლებში ქართველი სპორტსმენები თანდათან სახელს იხვეჭენ

ბოლო პერიოდში საქართველოში, ისევე, როგორც მთელ მსოფლიოში, შერეული ორთაბრძოლები პოპულარული გახდა. ჩვენი განსაკუთრებული ინტერესი UFC-სკენ არის მიმართული, სადაც ექვსი ქართველი სპორტსმენი გამოდის.

ლიანა ჯოჯუა, მერაბ დვალიშვილი, გიგა ჭიკაძე, რომან დოლიძე, ილია თოფურია და გურამ ქუთათელაძე – ეს იმ მებრძოლთა ჩამონათვალია, რომლებმაც გასულ წელს თავი ყველაზე მეტად დაგვამახსოვრეს, და არ არის გამორიცხული, რომ ქართველ მონაწილეთა რიცხვი მიმდინარე სეზონისთვის კიდევ გაიზარდოს.

აღნიშნული ექვსი მებრძოლისგან 2021 წელს ქართველი გულშემატკივარი მაქსიმალურ თავდადებასა და წარმატებებს ელოდება. UFC-ში ქართველთა მომავალი მეტოქეების ვინაობა წლის განმავლობაში ეტაპობრივად გახდება ცნობილი.

ასე რომ, წელს საინტერესო სპორტული 2021 გველოდება, წარმატებების იმედით დაველოდოთ წლის ბოლოს შეჯამებას.

 

155
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

0
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

0
თემები:
რუსეთი დღეს