ვერტმფრენი Ка-52 „ალიგატორი“ სამხედრო სწავლებებზე

„მისტრალების“ პასუხად: როგორი ვერტმფრენმზიდების აგებას აპირებს რუსეთი

175
(განახლებულია 17:31 05.12.2019)
სამხედრო მიმომხილველი ნიკოლაი პროტოპოპოვი რუსული ფლოტის ახალ გეგმებზე, საბჭოთა პერიოდის გამოცდილებასა და ამერიკულ უნივერსალურ სადესანტო ხომალდებზე საუბრობს.

თბილისი, 5 დეკემბერი — Sputnik. რუსეთის ფლოტი 2020-იანი წლების შუა პერიოდიდან პრინციპულად ახალი კლასის, უნივერსალურ სადესანტო საზღვაო ხომალდებს მიიღებს, გემთმშენებლები, კონსტრუქტორები და სამხედროები უკვე ათანხმებენ პროექტის დეტალებსა და ამოცანებს, იუწყება საინფორმაციო სააგენტო РИА Новости. 

სააგენტოს სამხედრო მიმომხილველი ნიკოლაი პროტოპოპოვი რუსული ფლოტის ახალ გეგმებზე, საბჭოთა პერიოდის გამოცდილებასა და ამერიკულ უნივერსალურ სადესანტო ხომალდებზე საუბრობს.   

დიდი გეგმები

ვერტმფრენმზიდები ქერჩის გემთმშენებელ ქარხანა „ზალივში“ აიგება. ორი უნივერსალური ხომალდ-დოკისთვის საძირკვლის ჩაყრა 2020 წლისთვის იგეგმება, ხოლო რუსეთის სამხედრო-საზღვაო ფლოტისთვის გადაცემა — 2025 და 2026 წლებში.

ჯერჯერობით უცნობია, სახელდობრ რომელი პროექტით აიგება ხომალდები. საფრანგეთთან „მისტრალების“ მიწოდების შესახებ კონტრაქტის ჩაშლის შემდეგ რუსეთის საკონსტრუქტორო ბიუროებმა რამდენიმე ვარიანტი მოამზადეს.

2015 წელს ნევის საპროექტო-საკონსტრუქტორო ბიურომ წარმოადგინა კონცეფცია „პრიბოი“ — 14 ათასი ტონა წყალწყვის ხომალდი, რომელსაც ავტომატურ რეჟიმში ცურვა ორი თვის განმავლობაში შეუძლია. ამასთან, მისი მარშრუტის სიშორე 11 ათასი კილომეტრია. „პრიბოი“ 8 ვერტმფრენისა და 6 სადესანტო კატარღის დატევაზეა გათვლილი. გარდა ამისა, შეუძლია 500 მედესანტისა და 60 ერთეული ჯავშანტექნიკის გადაზიდვა. 

სადესანტო ხომალდ „პრიბოის“ მაკეტი
© photo: Sputnik / Alexander Vilf
სადესანტო ხომალდ „პრიბოის“ მაკეტი

კრილოვის სახელმწიფო სამეცნიერო ცენტრმა ვერტმფრენმზიდის საკუთარი პროექტი წარმოადგინა. ეს ნახევრად ტრიმარანია, 24 ათასი ტონა წყალწყვით. მის გემბანსა და ტრიუმებში 16 მოიერიშე ვერტმფრენი და 50 საბრძოლო ტექნიკა თავსდება და აქვს 500 მედესანტის გადაყვანის უნარი. ცურვის სიშორე „პრიბოის“ მსგავსი აქვს, ავტომატური ცურვის უნარი კი შედარებით დაბალი — ერთი თვე.

რუსეთის სამხედრო-სამრეწველო კომპლექსებს უკვე აქვთ ამგვარი ხომალდების მშენებლობის გამოცდილება. თუმცა სამხედრო დოქტრინის თავისებურებები გულისხმობდა, რომ საბჭოთა ვერტმფრენმზიდები უცხოური ანალოგებისგან მნიშვნელოვნად განსხვავებული უნდა ყოფილიყო როგორც გარეგნულად, ისე გადასაჭრელი ამოცანების სპექტრის მიხედვით.

ნადირობა წყალქვეშა ნავებზე

საბჭოთა ადმირალებს უფრო სავარაუდო მოწინააღმდეგის ატომური წყალქვეშა ნავები აინტერესებდათ. 1960 წელს გემთმშენებლებმა მიიღეს დავალება, შეექმნათ სუბმარინებთან მებრძოლი კრეისერი-ვერტმფრენმზიდი, რომელსაც ექნებოდა უნარი, აღმოეჩინა, კვალში ჩადგომოდა და გაენადგურებინა ბაზებიდან საკმაოდ შორს მყოფი მოწინააღმდეგის წყალქვეშა ნავები.

საბჭოთა კრეისერი „ლენინგრადი“
საბჭოთა კრეისერი „ლენინგრადი“

რამდენიმე წლის შემდეგ შავი ზღვის ფლოტი პროექტ „კონდორის“ ორი ასეთი კრეისერით აღჭურვეს, სახელწოდებით „მოსკოვი“ და „ლენინგრადი“. მათ, შეიძლება ითქვას, რომ უჩვეულო კონსტრუქცია ჰქონდათ: წინა ნაწილი სრულიად ჩვეულებრივად გამოიყურებოდა, ლათინური V-ს მსგავსად, მაგრამ მიდელში, ანუ შუა ნაწილში მნიშვნელოვნად ფართოვდებოდა. ზემოდან კი ხომალდი მსხალს ჰგავდა. ამგვარმა გადაწყვეტილებამ შესაძლებელი გახადა, ასაფრენი გემბანის ფართობი მეტად გაეზარდათ.

ხომალდზე 14 ანტისუბმარინული ვერტმფრენი ეტეოდა, რომლებიც რიგ-რიგობით მიფრინავდნენ საბრძოლო პატრულირებაზე, ზღვაში ჰიდროაკუსტიკურ ტივტივებს ყრიდნენ და დაზვერვას აწარმოებდნენ.

„კონდორებს“ ბორტზე მძლავრი რადიოლოკაციური აღჭურვილობა და შეიარაღება ჰქონდათ. კრეისერები აღჭურვილი იყო ანტისუბმარინული სარაკეტო დანადგარით, რომელიც სხვადასხვა სახის ჭურვებს ისროდა, მათ შორის, ბირთვულქობინიანს.

თუმცა, ხომალდებს ნაკლიც ჰქონდა. მაგალითად, არასტანდარტული ფორმის გამო კრეისერი შტორმისას ტალღაში ეფლობოდა და გემბანზე გადავლილ წყალს იოლად შეეძლო წყობიდან გამოეყვანა დანადგარები. გარდა ამისა, ხომალდის მართვასა და მისი სისტემების მომსახურებას ძალიან ბევრი ხელი სჭირდებოდა — ეკიპაჟის რაოდენობა 800 მეზღვაურსა და ოფიცერს აღწევდა.

საბჭოთა კრეისერი „მოსკოვი“
საბჭოთა კრეისერი „მოსკოვი“

მიუხედავად ამისა, ვერტმფრენმზიდები წარმატებით ასრულებდნენ დავალებებს ხმელთაშუა ზღვასა და ატლანტიკის ოკეანეში — არა მარტო საბრძოლო დავალებებს, არამედ მონაწილეობდნენ სამაშველო და სამძებრო ოპერაციებშიც.

კრეისერი „მოსკოვი“ სამსახურიდან 1991 ჩამოწერეს და ჯართად მიჰყიდეს ინდურ კომპანიას, ხოლო „ლენინგრადს“ იგივე ბედი ოდნავ მოგვიანებით, 1993 წელს ეწია, რის შემდეგაც ის მცურავი ყაზარმის როლს ასრულებდა. 1997 წელს კი ისიც „ნემსებად“ გაიყიდა.

საერთო იდეა

დასავლეთის ქვეყნებს ვერტფრენმზიდების აგების ბევრად დიდი გამოცდილება აქვთ. განსაკუთრებით წარმატებულები ამ მხრივ ამერიკელები არიან. 1970-იანი წლებიდან აშშ-ის სამხედრო-საზღვაო ძალების შეიარაღებაში უკვე იყო უნივერსალური სადესანტო ხომალდი „ტარავა“. ეს უზარმაზარი საექსპედიციო ხომალდებია, რომლებსაც სადესანტო ოპერაციის ადგილამდე ორი ათასი საზღვაო ქვეითის, ათობით ჯავშანტექნიკისა და ვერტმფრენების გადაყვანა შეუძლია.

„ამერიკის“ ტიპის უნივერსალური სადესანტო ხომალდი
„ამერიკის“ ტიპის უნივერსალური სადესანტო ხომალდი

„ტარავებმა“ ამერიკულ ფლოტში 2015 წლამდე იმსახურეს, რის შემდეგაც ისინი ბევრად თანამედროვე „უოსპებმა“ ჩაანაცვლა.

გარდა ამისა, აშშ-ში უკვე აგებულია და ფლოტის შემადგენლობაში ჩართულია სადესანტო ხომალდების ახალი სერიის ფლაგმანი გემი „ამერიკა“.

აღსანიშნავია, რომ საბჭოთა კავშირში არსებობდა ამერიკულის მსგავსი სადესანტო ხომალდების აგების გეგმა. 1980-იანების შუა წლებში კონსტრუქტორებმა შეიმუშავეს უნივერსალური სადესანტო ხომალდის პროექტი შიფრით „11780“. ის იმდენად ჰგავდა ამერიკულ ანალოგს, რომ არაოფიციალურად „ივან ტარავა“ შეარქვეს.

30 ათას ტონაზე მეტი წყალწყვის უზარმაზარი მცურავი დოკის გემბანზე დაჯდომა შეეძლო როგორც ვერტმფრენს, ისე საზღვაო ბაზირების თვითმფრინავ Як-38-ს. უნივერსალური სადესანტო ხომალდი ათასზე მეტ მეზღვაურს, 40 ტანკსა და 15 ჯავშანტრანსპორტიორს იტევდა. მაგრამ უმაღლესი სამხედრო სარდლობის შიგნით მომხდარი უთანხმოების გამო პროექტის რეალიზება ვერ მოხერხდა. ხოლო საბჭოთა კავშირის დაშლის შემდეგ მასზე საბოლოოდ შეწყდა საუბარი.

175
ევროპის მსოფლიო ჩემპიონატი, რომი - სტადიონი ოლიმპიკო

მონატრებული ევროპის ჩემპიონატი საფეხბურთო დღესასწაული რომიდან იწყება

54
(განახლებულია 14:30 11.06.2021)
კონტინენტის საუკეთესოს ტიტულისთვის ევროპის 11 სხვადასხვა ქალაქში ექვს ჯგუფში გადანაწილებული 24 საფეხბურთო ნაკრები იბრძოლებს.

ჩემპიონატის პირველი შეხვედრა და სანახაობრივი ფეხბურთის მოლოდინი

ევროპის ჩემპიონატის პირველი შეხვედრა 11 ივნისს, თბილისის დროით 23:00 საათზე თურქეთისა და იტალიის ნაკრებებს შორის გაიმართება. სავარაუდოა, რომ გულშემატკივარი ტურნირის სტარტზევე სანახაობრივ და ლაღ ფეხბურთს იხილავს. თურქეთის ნაკრები ბოლო პერიოდში უხვგოლიანი მატჩებით გამოირჩევა და მათი შეტევის ხაზი ფრანგული „ლილის“ გოლეადორ ბურაკ ილმაზის მეთაურობით ნებისმიერი ნაკრებისთვის სახიფათოა. უდიდესი ისტორიის მქონე იტალიის ნაკრებს რაც შეეხება, „სკუადრა აძურას“ ზედმეტი შექება ნამდვილად არ სჭირდება, იტალიელებს ნებისმიერ კონდიციაში და ნებისმიერ სათამაშო ფორმაში შეუძლიათ თამაშის მოგება.

იტალია და თურქეთი ერთმანეთს რომში „სტადიო ოლიმპიკოზე“ დაუპირისპირდებიან. აღსანიშნავია, რომ UEFA-მ იტალიის მთავრობას ნება დართო მატჩს მაყურებელთა 25% პროცენტი დაესწროს. “სტადიო ოლიმპიკოზე” 72.700 ადამიანი ეტევა, შესაბამისად, გახსნით შეხვედრაზე დასწრების უფლება 18.100 გულშემტკივარს ექნება.

ამ ორი გუნდის გარდა A ჯგუფში უელსი და შვეიცარია მოხვდნენ, რომელთა შეხვედრა 12 ივნისის 17:00 საათზე დაიწყება.

ე.წ. სიკვდილის ჯგუფი და იღბლიანი ესპანელები

როდესაც ევროპის ჩემპიონატზე ჯგუფებში მეტოქეთა ვინაობა გახდა ცნობილი, ყველაზე მეტად გულშემატკივრის ყურადღება ბოლო, F ჯგუფმა მიიპყრო, სადაც ნამდვილი საფეხბურთო „მონსტრები“ შეიკრიბნენ. გერმანია, საფრანგეთი, პორტუგალია და უნგრეთი – სწორედ ეს გუნდები შეეცდებიან გაიყონ მერვედფინალური ეტაპის საგზურები. უნგრელებს ჯგუფში რა ბედიც ელით, ეს ცალკე საკითხია, თუმცა ცხადია, რომ ისინი ნამდვილად დიდ საფეხბურთო გამოცდილებას შეიძენენ. რაც შეეხება გერმანიას, საფრანგეთსა და პორტუგალიას, ამ სამი ნაკრებიდან გადაჭრით აშკარა ფავორიტის დასახელება წინასწარ შეუძლებელია და ისღა დაგვრჩენია ტელეეკრანებთან ლამაზ სანახაობას დაველოდოთ.

ერთი შეხედვით მარტივი ჯგუფი შეხვდათ ესპანელებს, რომლებსაც წარმატების მისაღწევად შვედეთის, სლოვაკეთისა და პოლონეთის ბარიერის დაძლევა მოუწევთ. „ფურია როხას“ ბოლო დროს კარგი პერიოდი ნამდვილად არ უდგას. გუნდი, რომლის ცენტრალურ ზონასაც ერთ დროს ჩავი-ინიესტას ლეგენდარული დუეტი ამაგრებდა, ნახევარდაცვაში ახლა „მოხუცებული“ სერხიო ბუსკეტსისა და კოკეს იმედზეა. ესპანელებს არც შეტევის ხაზში აქვთ საქმე იდეალურად, სადაც მომენტების რეალიზებას ძირითადად ფერან ტორესი, ალვარო მორატა და დანი ოლმო შეეცდებიან. დაცვით ხაზსა და მეკარის პოზიციას რაც შეეხება, ამაზე პასუხს ალბათ ხვიჩა კვარაცხელია უკეთ გაგცემდათ.

პოლონელები, თავის მხრივ, ცხადია, რობერტ ლევანდოვსკის იმედზე იქნებიან. მასთან ერთად შეიძლება კრიშტოფ პიონტეკმაც თქვას თავისი სიტყვა და რამდენჯერმე გაისროლოს. რაც შეეხება შვედეთის ნაკრებს, მათ ევროპის ჩემპიონატამდე რამდენიმე კვირით ადრე დაბრუნებული ზლატან იბრაჰიმოვიჩი ტრავმის გამო გამოაკლდათ, რომელიც, მიუხედავად თავისი ასაკისა, საოცარ ფიზიკურ კონდიციაში იმყოფებოდა და გოლების გასატანადაც მზად იყო.

ქართული საფეხბურთო ოცნების დამანგრეველი, ანუ ჩრდილოეთ მაკედონია კონტინენტის პირველობაზე

ყველას კარგად გვახსოვს საქართველოსა და ჩრდილოეთ მაკედონიის დაპირისპირება ერთა ლიგის ფინალში, სადაც გამარჯვებულს ევროპის ჩემპიონატის საგზური უნდა მიეღო. და რამდენად სამწუხაროც არ უნდა იყოს, ახლა არა საქართველოს ნაკრებზე, არამედ ბალკანელებზე გვიწევს საუბარი.

ჩრდილოეთ მაკედონია C ჯგუფში ნიდერლანდის, უკრაინისა და ავსტრიის ნაკრებებთან ერთად იასპარეზებს. აღნიშნულ ჯგუფში ნათელია, თუ ვინ შეითავსებს ფავორიტის როლს, თუმცა გამოკვეთილ აუტსაიდერზე საუბარი ძალიან რთულია. ნიდერლანდის ნაკრები, რომლის შესაძლებლობებიც ჩვენმა ნაკრებმა რამდენიმე დღის წინ საკუთარ თავზე გამოსცადა, ჯგუფის უპირობო ლიდერია. დანარჩენ გუნდებს კი ალბათ ჯგუფის დაძლევის თანაბარი შანსები ექნებათ. თავისი საქმის ბოლომდე მიყვანას შეეცდება „მილანის“ ლეგენდარული ფორვარდი ანდრეი შევჩენკო, რომელიც მშობლიურ უკრაინის ნაკრებს რამდენიმე წელია უდგას სათავეში და საკმაოდ კარგი შედეგებითაც გამოირჩევა. შევჩენკო ბოლო დროს საკუთარ კარიერაზე ალაპარაკდა და დიდია იმის ალბათობა, რომ ის ევროპის ჩემპიონატის შემდეგ რომელიმე საფეხბურთო კლუბშიც ვიხილოთ. თავის მხრივ, კარგი და დაბალანსებული ნაკრებია ავსტრიაც, რომელმაც შესაძლოა პრაგმატული და ტაქტიკურად გამართული ფეხბურთის ხარჯზე მერვედფინალის საგზურიც მოიპოვოს. რაც შეეხება ჩრდილოეთ მაკედონიას, ბალკანელები ძირითადად ალიოსკის, ელმასისა და „ბებერი“ გორან პანდევის „ბოლო ამოსუნთქვის“ იმედად იქნებიან.

ბელგიის ნაკრები პირველ გამოცდას რუსეთთან ჩააბარებს. B ჯგუფი ფავორიტების ჯახით იწყება

ევროპის ჩემპიონატის B ჯგუფი დანიისა და ფინეთის ნაკრებების მატჩით 12 ივნისს, თბილისის დროით 20:00 საათზე აიღებს სტარტს, თუმცა მაყურებელი უფრო საინტერესო შეხვედრას მოგვიანებით იხილავს. ამავე დღეს, 23:00 საათზე ერთმანეთს ბელგიისა და რუსეთის გუნდები შეხვდებიან, სადაც გამარჯვებული მომდევნო ეტაპისკენ დიდ ნაბიჯს გადადგამს. ბელგიელები ბოლო დროს რობერტო მარტინეზის ხელში გახსნილ და დამანგრეველ ფეხბურთს თამაშობენ, რაც ბოლო სანაკრებო შეხვედრებშიც დაამტკიცეს. მიუხედავად არცთუ კარგი სტატისტიკისა, რუსეთის ნაკრების ჩამოწერაც უსამართლობა იქნება, რადგან ამ გუნდმა ბევრჯერ დაამტკიცა, რომ ნებისმიერი მოწინააღმდეგისთვის ანგარიშგასაწევი ძალაა. თავის მხრივ არც დანიის ნაკრები იქნება უსაქმოდ, სადაც ბოლო დროს ბევრმა გამოცდილმა ფეხბურთელმა მოიყარა თავი. დანიელები კარგი მოთამაშეების დეფიციტს პრაქტიკულად არც ერთ პოზიციაზე არ უჩივიან. დაცვის ბურჯი სიმონ კიაერი იქნება, ნახევარდაცვას გამოცდილი კრისტიან ერიქსენი გაამაგრებს, ხოლო მეტოქეთა კარის აღებაზე პოულსენი, ბრაიტვაითი და დოლბერგი იზრუნებენ. ფინელებს რაც შეეხება, ისინი ჯგუფში აუტსაიდერებად ითვლებიან და ქულების მოსაგროვებლად სამივე მატჩში თავის გადადება მოუწევთ.

ინგლისი და ხორვატია, ანუ D ჯგუფის ორი ფავორიტი ნაკრები

წილისყრის შედეგად ევროპის ჩემპიონატის D ჯგუფში ინგლისის, ხორვატიის, ჩეხეთისა და შოტლანდიის ნაკრებები მოხვდნენ. პირველი შეხვედრა 13 ივნისს ინგლისისა და ხორვატიის გუნდებს შორის გაიმართება, სადაც ჯგუფის ფავორიტები პირველი ქულების მოგროვებას შეეცდებიან. 14 ივნისს უკვე თავიანთ მატჩს ჩაატარებენ ჩეხეთისა და შოტლანდიის ნაკრებები.

ინგლისელებს ევროპის ჩემპიონატებზე კარგი მოგონებები არ უნდა აკავშირებდეთ, რადგან აღნიშნულ ტურნირზე მათი ერთადერთი წარმატება 1968 წლით თარიღდება. მაშინ ბრიტანელებმა მესამე ადგილის დაკავება შეძლეს და მას შემდეგ მათი საუკეთესო მიღწევა ნახევარფინალურ ეტაპზე თამაშია. აღსანიშნავია, რომ ინგლისის ნაკრები ყოველი ჩემპიონატის წინ უძლიერესი შემადგენლობით გვევლინება, თუმცა ეს შედეგებზე ნაკლებად ისახება. არც ახლაა ამ მხრივ გამონაკლისი – გუნდში ბევრი კარგი ფეხბურთელია თავმოყრილი. განსაკუთრებით გამოსარჩევია გამოცდილი თავდამსხმელი ჰარი კეინი, რომელსაც ტურნირის ბომბარდირობასაც კი უწინასწარმეტყველებენ. საინტერესოა, შეძლებს თუ არა ინგლისი ნავსის გატეხვას და ევროპის ჩემპიონატის წარმატებით დასრულებას. ხორვატებს რაც შეეხება, მათ თავიანთი ძალა 2018 წლის მსოფლიო ჩემპიონატზე გამოავლინეს, როდესაც სენსაციურად მუნდიალის ფინალურ ეტაპზე გააღწიეს. აღსანიშნავია, რომ მაშინ ნახევარფინალურ ეტაპზე ხორვატიის ნაკრებმა სწორედ ინგლისს აჯობა ანგარიშით 2:1.

ჩემპიონატის ფორმატი და ფინალი ლეგენდარულ „უემბლის“ სტადიონზე

ევროპის ჩემპიონატზე თითოეული ჯგუფიდან მერვედფინალურ ეტაპზე ორი საუკეთესო ნაკრები გავა. ჯგუფში თანაბარი ქულების დაგროვების შემთხვევაში უპირატესობა ურთიერთშეხვედრებს მიენიჭება. ამასთან, მერვედფინალური მატჩების დამატებით ოთხ საგზურს საუკეთესო მესამე ადგილოსნები გაიყოფენ, ამ შემთხვევაში კი უპირატესობა გუნდების შედეგიანობას მიენიჭება. მესამე ადგილოსან ნაკრებებს შორის გატანილი და გაშვებული გოლების რაოდენობა დაითვლება, შედეგად პირველ ეტაპზე 16 საუკეთესო ნაკრები გამოვლინდება.

რაც შეეხება ევროპის ჩემპიონატის მთავარ მოვლენას, ანუ ფინალურ მატჩს, ის ლონდონში „უემბლის“ სტადიონზე გაიმართება, რომელიც 90,000 ადამიანს იტევს და ამ მაჩვენებლით რიგით მეორე სტადიონია ევროპაში. ფინალურ შეხვედრას მაყურებელი აქაც შეზღუდული რაოდენობით დაესწრება.

ევროპის ჩემპიონატი 2020 წლის ზაფხულში უნდა გამართულიყო, თუმცა მსოფლიოში არსებული კორონავირუსის პანდემიის გამო ერთი წლით გადაიდო. კონტინენტის პირველობა 2021 წლის 11 ივნისს დაიწყება და 11 ივლისამდე გაგრძელდება.

 

54
ვლადიმირ პუტინი

„პუტინის წითელი ხაზი“ - ექსპერტები რუსეთის პრეზიდენტის „უკრაინულ“ ინტერვიუს აფასებენ

75
(განახლებულია 22:37 10.06.2021)
უკრაინა რუსეთის პრეზიდენტ ვლადიმირ პუტინის ინტერვიუს მთავრი თემა გახდა, რომელიც მან ნატოს სამიტისა და ჯო ბაიდენთან შეხვედრის წინ მისცა ტელეარხს

Sputnik. ნიკიტა ჩიკუნოვი, მარია ნაუმენკო

ექსპერტების აზრით, რუსეთის ლიდერმა კიევის ხელისუფლებისა და ნატოსთვის წითელი ხაზი შემოხაზა, რომლის გადაკვეთაც სერიოზულ შედეგებს გამოიწვევს არა მარტო პოლიტიკურ სფეროში.

გარდაუვალი საფრთხე

უკრაინის შესვლა ჩრდილოატლანტიკურ ალიანსში იქნება რუსეთის უსაფრთხოებისთვის პირდაპირ საფრთხე, „წითელი ხაზის“ გადაკვეთა. ეს მოსაზრება იყო ერთ-ერთი მთავარი, რომელიც ვლადიმირ პუტინმა Россия 1-თან ინტერვიუში გაახმოვანა.

რუსეთის ლიდერის თქმით, პოლონეთისა და რუმინეთის ნატოში შესვლა ამ ქვეყნებში ამერიკული რაკეტსაწინაარმდეგო თავდაცვის სისტემების განთავსებით დასრულდა, რომლებიც მოიერიშე კონპლექსებადაც შეიძლება გამოდგეს. ასეთ შემთხვევაში რაკეტები მოსკოვამდე 15 წუთში მიფრინდება. 

„წარმოვიდგინოთ, რომ უკრაინა ნატოს წევრი გახდეს. ხარკოვიდან, ვთქვათ, დნეპტოპეტროვსკამდე - რუსეთის ცენტრალურ ნაწილამდე, მოსკოვამდე მიფრენის დრო 7-10 წუთამდე შემცირდება. არის თუ არა ეს ჩვენთვის „წითელი ხაზი“, - რიტორიკულად იკითხა მან.

არანაირი გარანტია იმისა, რომ უკრაინა ალიანსში არ შევა, დღეისათვის არ არსებობს, აღნიშნა პუტინმა. მისი თქმით, ნატოს გაფართოების პროცესი არ არის დამოკიდებული რუსეთსა და დასავლეთს შორის ურთიერთობების გაცივებასა თუ დათბობაზე, რაც ტალღისებურად მიმდინარეობს 1999 წლიდან.

„ეს ხდებოდა მაშინაც, როცა არ იყო ყირიმი, არ იყო არანაირი მოვლენა უკრაინაში სახელმწიფო გადატრიალების შემდეგ. რუსეთსა და კოლექტიურ დასავლეთს, აშშ-ს შორის, იყო თანაბარი, აბსოლუტურად მისაღები, რომ არ ვთქვათ პარტნიორული. და მაინც, ყველა ჩვენი ეგრეთ წოდებული შეშფოთებები იგნორირებული იყო“, - ხაზი გაუსვა პრეზიდენტმა.

მისი თქმით, ნატოსა და უკრაინას უნდა ახსოვდეთ მოსკოვის რეაქციის შესახებ, რომელიც საკუთარ უსაფრთხოებას შესაბამისად აგებს.

ვლადიმირ პუტინმა ასევე კომენტარი გააკეთა თეთრი სახლის განცხადებაზე, რომ კიევმა არასწორად გაიგო აშშ-ის პრეზიდენტ ჯო ბაიდენის სიტყვები უკრაინის ალიანსში შესვლის იდეაზე მის ლიდერთან საუბრის დროს.

„რაზე საუბრობდნენ, რაზე შეთანხმდნენ? ჩვენ არ ვიცით. ეს შემოძახილი ოკეანის გაღმიდან უკრაინის პრეზიდენტის მიმართ, ჩემი აზრით, არაფერს არ ნიშნავს. მაგრამ ჩვენ ეს მხედველობაშ უნდა გვქონდეს. და, რა თქმა უნდა, შესაბამისად ავაგოთ ურთიერთობები უსაფრთხოების სფეროში ჩვენს პარტნირებთან“, - დაამატა რუსეთის ლიდერმა.

სამხედრო ექსპერტ ალექსეი ლეონკოვის აზრით, პუტინის სიტყვებმა უნდა „გამოაფხიზლოს“ დასავლეთი, ვინაიდან მათში ჩანს, როგორ ელევა რუსეთს მოთმინება.

„მოსკოვი უკვე აღარ დაკვირდება ჩუმად ნატოს წინ მოძრაობას. ეს დრო წავიდა. დათმობების პერიოდი დასრულდა, ვინაიდან უკან დასახევი გზა აღარ არის. წინააღმდეგ შემთხვევაში ყველაფერი ჩვენი სუვერენიტეტის დაკარგვით დამთავრდება. ახლა სიტუაცია უკვე წითელ ხაზამდე მივიდა. პუტინის სიტყვები რუსეტის უკანასკნელ გაფრთხილებად უნდა იყოს აღქმული“, - მიაჩნია ექსპერტს.

კიევის ნატოსკენ ბიძგება

ინტერვიუში პუტინმა აღიარა, რომ უკრაინის ჩრდილოატლანტიკურ ალიანსში შესვლის შესახებ საუბარი ფუჭ ხმებად არ მიაჩნია. ორგანიზაციის გაფართოების ალბათობა კიევის ხარჯზე ნამდვილად არსებობს, მიაჩნია დსთ-ს ქვეყნების ინსტიტუტის ხელმძღვანელის მოადგილე ვლადიმირ ჟარიხინს.

„მთავარი პრობლემა თავად ალიანსი კი არ არის, არამედ ის, რომ აშშ მარტო ცდილობს უკრაინის ნატოში ბიძგებას ისე, რომ მას უსაფრთხოების არანაირ გარანტიას არ აძლევს. ამ კუთხით კიევი ამერიკის საშიში პლაცდარმია, რაზეც საუბრობდა კიდეც ვლადიმირ პუტინი“, - განმატა მან.

უკრაინის ნატოში შესვლა გარდაუვლად შეიტანს დამატებით დაძაბულობას ალიანსისა და რუსეთის ურთიერთობებში. მაგრამ კონფრონტაციის გაძლიერება არ პასუხობს დასავლეთის ამჟამინდელ ინტერესებს, ამბობს ლეონკოვი.

„კიევი რუსეთთან ომის შესახებ საუბრობს. იმავდროულად ნატოში ვაშინგტონის შეთანხმება მოქმედებს, რომლის მეხუთე პუნქტიც საპასუხო მოქმედებებს ითვალისწინებს იმ სახელმწიფოს წინააღმდეგ, რომელიც ორგანიზაციის ერთ-ერთ წევრს ესხმის თავს. გამოდის, რომ უკრაინის ალიანსში შესვლის შემთხვევაში იძულებული იქნება შეუერთდეს ომს. მოვლენების ასეთი განვითარება არავის არ სურს“, - ირწმუნება სპეციალისტი.

ალიანსის უკრაინის ხარჯზე გაფართოებით გამოწვეული პოტენციური ზარალი მოგებებზდე მეტია, აღნიშნავს პოლიტანალიტიკოსი როსტისლავ იშჩენკო.

„უკრაინის ალიანსში მისაღებად უნდა დაემთხვეს სხვადასხვა და პრაქტიკულად შეუძლებელი მოვლენები. ამ იდეის მომხრეები, როგორც მინიმუმ, ერთდროულად უნდა მოვიდნენ ხელისუფლებებში აშშ-ში, საფრანგეთსა და გერმანიაში. მაშინ არსებობს შანსი, რომ შესვლა მოხდება“, - ამბობს იშჩენკო.

ამასთან პოლიტოლოგი მიუთითებს, რომ მიუხედავად გავრცელებული მოსაზრებისა, ვაშინგტონის შეთანხმებაში არ არის ნორმა, რომელიც ალიანსში იმ ქვეყნების შესვლას დაბლოკავდა, რომლებსაც მოუგვარებელი ტერიტორიული კონფლიქტები აქვთ. ამის მაგალითია ეგეოსის ზღვაში არსებული კუნძულები, რომელთა გამო რეგულარულად დავობენ ნატოში 1952 წელს გაწევრიანებული საბერძნეთი და თურქეთი. 

რუსული საზოგადოებების გეგმაზომიერი განადგურება

მეორე მნიშვნელოვანი თემა, რომელსაც რუსეთის პრეზიდენტი შეეხო, ეს რეზონანსული კანონპროექტია „უკრაინის მკვიდრი ხალხების“ შესახებ, რომელიც ვლადიმირ ზელენსკიმ მიმდინარე წლის მაისში შეიტანა რადაში.

დოკუმენტის თანახმად, მკვიდრ ხალხებს მიეკუთვნება ისეთი საზოგადოებები, რომლებსაც უკრაინის ფარგლებს გარეთ სახელმწიფოებრივი წარმონაქმნი არ გააჩნიათ. მაგალითად, ყირიმელი თათრები, ყარაიტები და კრიმჩაკები. რუსები, რომლებიც 2001 წლის აღწერის თანახმად, ქვეყნის მოსახლეობის 17,2%-ს შეადგენენ, ამ სიაში ვერ მოხვდებიან.

უკრაინელი კოლეგის ინიციატივის კომენტირებისას ვლადიმირ პუტინმა მას რუს ხალხზე მძლავრი დარტყმა უწოდა. მან აღნიშნა, რომ ქვეყნის მოქალაქეთა მსგავსად დაყოფა ნაცისტური გერმანიის პრაქტიკას ჰგავს. 

„არავინ არ მოისურვებს, იყოს მეორე ხარისხის ადამიანი, აღარაფერს ვამბობ დისკრიმინაციას ენისა და ნორმალური ცხოვრებისთვის საჭირო სხვა შემადგენლების მიხედვით, მაგრამ ეს იქამდე მიგვიყვანს, რომ ასობით ათასი ადამიანი, შესაძლოა მილიონებიც, იძულებული გახდებიან, წავიდნენ ან სხვაგვარად გადაეწერონ“, - ივარაუდა მან.

სხვათა შორის, უკრაინის სხვადასხვა სოციოლოგიურმა სტრუქტურებმა დამოუკიდებლობის წლებში მოსახლეობის იდენტიფიკაციის შეცვლა დააფიქსირეს „რუსიდან“ „უკრაინელზე“.

პოლიტიკური მიმომხილველის, ალექსანდრ ასაფოვის აზრით, ზელენსკის კანონპროექტი ბაზად იქცევა შემდგომი დოკუმენტების მისაღებად, რომლებიც რუსების უფლებებს შეზღუდავს უკრაინაში.

დარწმუნებული ვარ, ეს აქტები უკვე დაგეგმილია მისაღებად. რას შეეხება ისინი? უპირველესად, სახელმწიფო ხელისუფლების ორგანოებში მუშაობას. რუსებს იქ არ დაუშვებენ. უფრო მეტიც - დაიწყებენ ფუნდამენტურ უფლებებში შეზღუდვას. ამ კუთხით კიევს მასწავლებლად ბალტიისპირეთი ჰყავს, სადაც „უცხოების“ პასპორტები დაარიგეს. იქ სამართლებრივ სივრცეში ფაქტობრივად დადგენილია „მეორე ხარისხის“ ადამიანების სტატუსი, უკრაინაც ამ მიმართულებით მოძრაობს“, - ამბობს ექსპერტი.

ამასთან უკრაინის ზელისუფლება სრულებით არ უწევს ანგარიშს კანონპროექტის შედეგებს, დარწმუნებულია ასაფოვი: „ვაშინგტონის ეს მითითება დიდი გულმოდგინებით შესრულდება. ეს საკითხი, მოსკოვის გარდა, არავის არ აღელვებს, უკრაინის ხელისუფლება მთავარ ამოცანას ასრულებს - რუსეთთან ყველა კავშირს არღვევს, იქნება ეს ნათესაური, საქმიანი თუ ისტორიული“. 

კანონპროექტის მიღება დააჩქარებს რუსული საზოგადოების განადგურებას უკრაინაში, ვარაუდობს რუსეტის პრეზიდენტთან არსებული ეროვნებათშორისი ურთიერთობების საბჭოს წევრი ბოგდან ბეზპალკო.

„ავტომატურად ეს დოკუმენტი იმ მოქალაქეებს, რომლებიც თავს რუსებად აიდენტიფიცირებენ, არამკვიდრ ხალხად რაცხს. ეს ნიშნავს ნაკლებ უფლებებსა და მათი დაცვის ნაკლებ შესაძლებლობებს. არსობრივად სახელმწიფო ზურგს აქცევს ასეთ ადამიანებს. ყოველივე ეს დააჩქარებს რუსი ეთნოსის განადგურებას უკრაინაში. თანაც არა ეთნოსის, არამედ საზოგადოებისა. რუსებსა და უკრაინელებს შორის არანაირი ეთნიკური სხვაობა არ არსებობს - ისევე როგორც ანთროპოლოგიური, კულტურული თუ მენტალური. განსხვავება მხოლოდ პოლიტიკურია, უბრალოდ იდენტიფიკაციაშია, რომელიც ადამიანებს ჯერ კიდევ საბჭოეთის დროს მოახვიეს თავს“, - აღნიშნა მან.

ბეზპალკოს აზრით, ასეთი დისკრიმინაციული კანონები რუსულენოვან მოქალაქეებს აძულებს, დატოვონ ქვეყანა.

75
თემები:
რუსეთი დღეს

მოულოდნელი ხიფათი: ბაიკერი ცოცხლად დაწვას გადაურჩა - ვიდეო

0
(განახლებულია 23:31 12.06.2021)
ქუჩის სათვალთვალო კამერამ ავტოსაგზაო შემთხვევა დააფიქსირა, რა დროსაც ბაიკერი ცოცხლად დაწვას გადაურჩა. იხილეთ კადრები შემთხვევის ადგილიდან  

ვოლგოგრადის ტრასაზე  საკმაოდ დაბალი სისწრაფით მოძრავმა ბაიკერმა მოულოდნელად კონტროლი დაკარგა, გზაზე მოსრიალდა და გადაყირავდა. ვარდნა აშკარად არ იყო მძიმე და ახალგაზრდა არც დაშავდებოდა, რომ არა მოტოციკლისთვის მოულოდნელად გაჩენილი ცეცხლი, რომელიც მყისიერად გადაედო ბაიკერსაც.

მან ჯერ თავად სცადა ტანსაცმელზე წაკიდებული ცეცხლის ჩაქრობა, მაგრამ არაფერი გამოუვიდა. ბაიკერის საბედნიეროდ, გამვლელებმა მანქანები გააჩერეს და ახალგაზრდა კაცს დახმარება აღმოუჩინეს.   

 

0