ბათუმის პორტი

ქიმიური ტერმინალი ბათუმში აქვს თუ არა მოსახლეობას შეშფოთების საფუძველი

195
(განახლებულია 20:39 10.09.2019)
ბათუმის ნავსადგურის ტერიოტორიაზე დაგეგმილი მინერალური სასუქების ტერმინალის მშენებლობის შესახებ ინფორმაციამ ქალაქში მოსახლეობის დიდი ნაწილის შეშფოთება გამოიწვია, რასაც მოჰყვა კიდეც 20 იანვრის, 30 მარტისა და 1 სექტემბრის საპროტესტო აქციები ლოზუნგით „არა ქიმიურ ტერმინალს“.

ნატა პატარაია

რამდენიმე ადამიანმა პროტესტის უკიდურეს ფორმასაც მიმართა და ბათუმის პორტის ადმინისტრაციის შენობასთან შიშილობა გამოაცხადა. ერთ-ერთი მათგანი საზოგადოებრივი მოძრაობის „მწვანე მომავალი საქართველოსთვის“ დამფუძნებელი ვატო ნებუნიშვილი იყო.  

ვატო ნებუნიშვილი ქიმიური ტერმინალის აშენების წინააღმდეგ ბრძოლას აგრძელებს, რადგან დარწმუნებულია, რომ ბათუმში ქიმიური ტერმინალის აშენება ქალაქისთვის სარგებელზე მეტად ზიანის მომტანი იქნება.

„ეს არის მავნებელი პროექტი მთელი ბათუმისთვის, როგორც გარემოს დაცვის, ასევე უსაფრთხოების თვალსაზრისით და მას არანაირი პლუსი არ აქვს, მათ შორის არც ეკონომიკური თვალსაზრისით. ეს იქნება უბრალოდ დერეფანი, რომელშიც ტვირთები გაივლის. გარდა ამისა თვითონ პორტი ყაზახურ კომპანიას აქვს 49-წლიანი იჯარით აღებული და, შესაბამისად, სარგებელსაც ძირითადად ის მიიღებს“, – განუცხადა ვატო ნებუნიშვილმა „Sputnik-საქართველოს”.

გავრცელებული ინფორმაციით, ტერმინალში წელიწადში 1,2 მლნ ტონაზე მეტი სხვადასხვა ქიმიური ნივთიერება უნდა გადაზიდონ. ყველაფერს ახლავს თავისი მტვერი, რომელიც ტვირთების ჩატვირთვისას გაიფრქვევა. მართალია, ამ ეტაპზე მხოლოდ მინერალურ სასუქ კარბამიდზეა საუბარი, მაგრამ მომავალში მხოლოდ ამ ერთი სახეობით ტერმინალი არ შემოიფარგლება.

„ჯანმრთელობას რომ თავი დავანებოთ და უსაფრთხოებაზე ვისაუბროთ, ჩვენ ქართულ რეალობაში ამხელა ტერმინალში რაიმე ავარია რომ მოხდეს, წარმოიდგინეთ, რამხელა კატასტროფასთან გვექნება საქმე“, – თქვა ნებუნიშვილმა.

გარდა ამისა, ქალაქში მდებარე ქიმიური ტერმინალი პრობლემებს ტურიზმსაც შეუქმნის და იმ ბიზნესმენებსაც დააზარალებს, რომელთა სასტუმროები და სხვა ბიზნეს-ობიექტები ტერმინალთან ახლოს იქნება.

გარემოს ეროვნული სააგენტოს უფროსის ყოფილი მოადგილე და „ეკონომიკური ტრანსფორმაციის ცენტრის“ პრეზიდენტი რამაზ გერლიანი მიიჩნევს, რომ ეკოლოგიისა და უსაფრთხოების თვალსაზრისით ადგილობრივ მოსახლეობას შეშფოთების საფუძველი ნამდვილად აქვს. რაც შეეხება ეკონომიკურ ნაწილს, რა თქმა უნდა, ეს ტერმინალი ქვეყანას ფინანსურ სარგებელს მოუტანს.

„არც ერთ ქვეყანას, რომელსაც ამ ტიპის ტერმინალები აქვს, უსაფრთხოების ასპროცენტიანი გარანტია არ აქვს და შემთხვევითობისგანაც არავინაა დაზღვეული, ამიტომ ადგილობრივ მოსახლეობას ამ მხრივ, რა თქმა უნდა, შეშფოთების საფუძველი აქვს. თუმცა, ამავე დროს ისიც სრულიად შესაძლებელია, რომ არასდროს არაფერი მოხდეს“, – აღნიშნა რამაზ გერლიანმა „Sputnik-საქართველოსთან“ საუბრისას.

რამაზ გერლიანი დარწმუნებულია, რომ  ქიმიური ტერმინალი, რომელიც აჭარაში უნდა აშენდეს, საერთაშორისო სტანდარტებთან სრულ შესაბამისობაში იქნება, მაგრამ მაინც საჭიროა მოსალოდნელი საფრთხეები მინიმუმამდე იქნეს დაყვანილი. აუცილებელია ასევე ადგილობრივ მოსახლეობასთან ამ საკითხზე საუბარი.

„მათ უნდა ესმოდეთ რის სანაცვლოდ რას იღებს ჯერ მათი ქალაქი და მერე ქვეყანა, მაგრამ ეკონომიკური შედეგი ეკოლოგიური საფრთხით არ უნდა იყოს გადაფარული. თუმცა, როგორც წესი, მსოფლიოში არსებობს ტექნოლოგიები, რომლებიც ამ რისკის მინიმალიზებას ახდენენ“, – აღნიშნა რამაზ გერლიანმა.

რაც შეეხება ტურიზმს, ექსპერტის აზრით, ბიზნეს-სექტორის შეშფოთება ამ მხრივ ლოგიკურია, რადგან როდესაც ასეთ ობიექტთან არის ახლოს მათი სასტუმრო, მისი ღირებულება და შემოსავალი ტურიზმზე ორიენტირების შემთხვევაში ეცემა.

„როგორც წესი, ასეთი ტიპის ტერმინალები დასახლებული პუნქტების შედარებით იზოლირებულ ნაწილში კეთდება ხოლმე და ეს ნამდვილად გასათვალისწინებელი წინადადებაა მოსახლეობის მხრიდან, და ამ ნაწილში მათ უნდა დავეთანხმოთ“, – აღნიშნა რამაზ გერლიანმა.

ბათუმის პორტში მინერალური სასუქების ტერმინალის მშენებლობის საინვესტიციო ხელშეკრულებას ხელი გასულ წელს მოეწერა.

ხელშეკრულების თანახმად, ამერიკული კომპანია Trammo გახდება Wondernet Express Investment Group-ის ერთ-ერთი დამფუძნებელი და პროექტის ინვესტორი.

ტერმინალის მშენებლობის პროექტს კომპანია Wondernet Express-ი განახორციელებს, რომელიც სხვადასხვა სახის ტვირთების ლოჯისტიკისა და ტრანსპორტირების მომსახურების სფეროში წარმატებით საქმიანობს ევროკავშირის, დსთ-ისა და ბალტიის ქვეყნებში, ასევე ჩინეთში, კორეასა და თურქეთში.

კომპანია ტერმინალის ასაშენებლად 20 მილიონი დოლარის ოდენობის ინვესტირებას გეგმავს.

პროექტი გულისხმობს ცენტრალური აზიის ქვეყნებიდან შავი ზღვის ნავსადგურებში, აზერბაიჯანისა და საქართველოს გავლით ლოჯისტიკური დერეფნის შექმნას.

კომპანია Wondernet Express Investment Group-მა მინერალური სასუქების ახალი ლოჯისტიკური დერეფნის შექმნასთან დაკავშირებით უკვე გააფორმა შეთანხმებები ძირითად პარტნიორებთან. ესენია: „საქართველოს რკინიგზა“, ბათუმის პორტი, აზერბაიჯანის რკინიგზა, ბაქოს ნავსადგური. ტერმინალი აღჭურვილი იქნება მინერალური სასუქების გადატვირთვისთვის საჭირო თანამედროვე დანადგარებით. სასაწყობე ობიექტები განკუთვნილია 60 000 ტონა ჯამური მოცულობის სასუქის შესანახად.  ტერმინალის დაგეგმილი საწარმოო სიმძლავრე წელიწადში 1,2 მლნ ტონამდე მინერალური სასუქის გადამუშავების საშუალებას იძლევა.

195
ბაზრის მოვაჭრეები და მყიდველები პირბადეებით ბაზარში

საქართველოში სურსათი გაიაფდა: ივნისში დაფიქსირდა დეფლაცია

123
(განახლებულია 11:00 04.07.2020)
საქართველოში წლიური ინფლაცია (2020 წლის ივნისი 2019 წლის ივნისთან შედარებით) კვლავ მაღალ დონეზე რჩება - 6,1%. მიზნობრივი მაჩვენებელი 3%-ს შეადგენს

თბილისი, 4 ივლისი — Sputnik. ივნისში, მაისთან შედარებით, ინფლაციის დონე უარყოფითი აღმოჩნდა - დეფლაციამ 1,4% შეადგინა, ნათქვამია „საქსტატის“ პრესრელიზში.

უწყების მონაცემებით, ყველაზე შესამჩნევად გაიაფდა კვების პროდუქტები - 4,8%-ით, მათ შორის ბოსტნეული, ხილი, რძის პროდუქტები და თევზი.

თუმცა წლიური ინფლაცია (2020 წლის ივნისი 2019 წლის ივნისთან შედარებით) კვლავ მაღალ დონეზე რჩება - 6,1%. მიზნობრივი მაჩვენებელი 3%-ს შეადგენს.

როგორ იცვლებოდა ინფლაცია წლის დასაწყისიდან

წლიურმა ინფლაციამ 2019 წელს 7% შეადგინა. მის შესაკავებლად ეროვნულმა ბანკმა 2019 წლის მონეტარული პოლიტიკის გამკაცრება დაიწყო. რეფინანსირების განაკვეთი ამ პერიოდში 6,5%-დან 9%-მდე გაიზარდა, ბოლოჯერ ის 2019 წლის დეკემბერში გაიზარდა.

წლის დასაწყისიდან ინფლაციის წლიურმა დონემ კლება დაიწყო - იანვარსა და თებერვალში მან 6,4% შეადგინა, მარტში - 6,1%. კორონავირუსის გავრცელების საფრთხის გამო ხელისუფლებამ 21 მარტიდან საგანგებო მდგომარეობა და კომენდანტის საათი გამოაცხადა. ეკონომიკური სტიმულირებისთვის ეროვნულმა ბანკმა აპრილსა და ივნისში მონეტარული პოლიტიკის განაკვეთი 8,25%-მდე შეამცირა.

თუმცაღა, ივნისში სურსათზე ფასები 13,6%-ით გაიზარდა, მათ შორის ხილზე - 45,5%-ით, რძეზე, ყველასა და კვერცხზე - 17,2%-ით, ხორცზე - 13,1%-ით, პურპროდუქტებზე - 10%-ით. პანდემიის გამო შექმნილი სიტუაციის გათვალისწინებით, 7,5%-ით გაძვირდა ჯანდაცვის მომსახურების ფასები, მათ შორის ამბულატორიულ მომსახურებაზე - 11,6%-ით.

ეროვნული ბანკი დარწმუნებულია, რომ წლის ბოლოსთვის ინფლაციის დონე შემცირდება

მაისში წლიურმა ინფლაციამ 6,5% შეადგინა, ივნისში - 6,1%. ეროვნული ბანკის პროგნოზებით, ინფლაცია განაგრძობს კლებას წლის დანარჩენ თვეებშიც და თავის მიზნობრივ დონეს (3%) 2021 წლის პირველ ნახევარში მიაღწევს.

„ინფლაციის მოსალოდნელი დინამიკა განისაზღვრება როგორც მოთხოვნის, ისე მოწოდების მხრივ არსებული ფაქტორების ურთიერთქმედებით“, - აღნიშნავენ ეროვნულ ბანკში.

კერძოდ, ვირუსის გავრცელების პრევენციულმა ღონისძიებებმა ზოგიერთი საქონლის მიწოდების ღირებულების და მომსახურების გაძვირება გამოიწვია, თუმცა ეს ინფლაციაზე მხოლოდ ხანმოკლე გავლენას ახდენს.

მეორეს მხრივ, ინფლაციაზე როგორც გარე, ისე შიდა მოთხოვნის მნიშვნელოვანი შესუსტების გავლენა მაჩვენებლის პროგნოზების შემცირებას გამოიწვევს. იმავე დროს, ეროვნული ბანკის ანალიტიკოსების თვალსაზრისით, ხანგრძლივი დროით მიზნობრივთან შედარებით უფრო მაღალ დონეზე ინფლაციის შენარჩუნება ინფლაციური მოლოდინების გაზრდის რისკებს უკავშირდება.

მოთხოვნის კლება ფასების კლებას გამოიწვევს

ექსპერტი ეკონომიკურ საკითხებში სოსო არჩვაძე მიიჩნევს, რომ ზოგადი სიტუაციის შეფასებისას ცხადად ჩანს, რომ ახლა მოსახლეობაში მსყიდველუნარიანი მოთხოვნა გაცილებით დაბალია, ვიდრე ერთი წლის წინ იყო.

„ეს ყველაფერი უკავშირდება კორონავირუსული პანდემიის შედეგებს, რადგან ორ თვეზე მეტია ძირითადი დარგები და საქმიანობის სახეები იყო გაჩერებული, ეკონომიკა იმყოფებოდა წარმოების განახლებაზე ნებართვის მოლოდინის მდგომარეობაში, ეს კი მოსახლეობის ერთობლივ შემოსავლებზე აისახა“, - განაცხადა არჩვაძემ Sputnik-საქართველოსთან ინტერვიუში.

მისი თქმით, მოთხოვნის შემცირება ნიშნავს, რომ ზეგავლენა ბაზარზე, მათ შორის კომერციის სფეროში, გაცილებით ნაკლებია. ანუ საქართველოს ეკონომიკაში ადრინდელთან შედარებით გაცილებით ნაკლები ფულადი სახსრები ცირკულირებს.

კორონავირუსი და ფასები: ყველაფერი გაძვირდა, ეს – გაიაფდა >>

„ეს, ერთის მხრივ, ნიშნავს, რომ სამომხმარებლო მოთხოვნის თვალსაზრისით ინფლაციის ზრდა ნაკლებად მოსალოდნელია. როდესაც საფრთხე გაივლის, შესაძლებელია კვლავ რეგულირების წესების შერბილება და საკრედიტო რესურსების მეტნაკლებად გაიაფება, რასაც გამოიწვევს კიდევაც რეფინანსირების განაკვეთის ამჟამინდელი შემცირება“, - აღნიშნა არჩვაძემ.

ლარის კურსი როგორც ინფლაციური ფაქტორი

სავალუტო ბაზრის სტაბილიზების მიზნით ეროვნულმა ბანკმა სამ თვეში უკვე რვა აუქციონი გამართა რომლებზეც 229,65 მილიონი დოლარი გაყიდა.

უფრო ადრე ეროვნულმა ბანკმა აღნიშნა, რომ ფასების სტაბილურობის უზრუნველსაყოფად გამოიყენებს მის ხელთ არსებულ ყველა ინსტრუმენტს, მათ შორის, სავალუტო ინტერვენციებს და პოლიტიკის განაკვეთს.

სავალუტო აუქციონების გარდა ეროვნული ბანკი რყევების შესამცირებლად ყოველდღიურ ინტერვენციებს იყენებს. კერძოდ, როდესაც დღის განმავლობაში გაცვლითი კურსის რყევები აჭარბებს წინასწარ განსაზღვრულ ნიშნულს, ეროვნული ბანკი უცხოური ვალუტით ვაჭრობაში გარკვეული თანხით ერთვება.

გარდა ამისა, წელს ეროვნული ბანკი ინტერვენციებისთვის გამოიყენებს ვალუტას, რომელსაც ქვეყანა კრედიტების ან გრანტების სახით საერთაშორისო საფინანსო ინსტიტუტებისგან იღებს.

123
თემები:
საქართველოს ეკონომიკა
თბილისის ერთ-ერთი ისტორიული რაიონი

როგორია COVID-19-ის გავლენა ეკონომიკაზე? ანუ რეალობა და პერსპექტივა

1104
(განახლებულია 16:51 03.07.2020)
ბოლო ოთხი თვის განმავლობაში 22%-ით გაუფასურებული ლარი, მზარდი ინფლაცია, ფასების კატასტროფულად ზრდა, დაკარგული სამუშაო ადგილები, გაჩერებული ტურისტული ინდუსტრია, უცხოეთიდან შემცირებული ფულადი გზავნილები და ა.შ. ეკონომიკური სტაგნაცია ციფრებში და მომავლის პროგნოზი...

სამსონ ხონელი

წინამდებარე სტატიას ერთი, უკვე ძალზე ბანალური ჭეშმარიტების შეხსენებით დავიწყებ – კორონავირუსი არსად წასულა, ის აქ არის, ჩვენს გვერდით. დარწმუნებული ვარ, მკითხველს არც მომდევნო ფრაზა გააკვირვებს: უნდა ვისწავლოთ COVID-19-თან თანაცხოვრება, უნდა შევეგუოთ ამ მოცემულობას! სიტყვათა ეს წყობა დღეს ჩვენი დროების მთავარი მოწოდებაა.

მერე რა, რომ არავინ იცის, რამდენ ხანს გასტანს უხილავ მტერთან თანაცხოვრება. ეს მედლის მხოლოდ ერთი მხარეა. სავარაუდოდ, დროა, ბოლომდე გავაცნობიეროთ და, გვინდა თუ არ გვინდა, შევეგუოთ, რომ ახალი კორონავირუსის პანდემიით გამოწვეული ეკონომიკური შოკი ჩვენს ისედაც „გალაღებულ“ ცხოვრებას უმძიმეს დაღს დაასვამს. ყველაფერი სწორედ ამაზე მეტყველებს.

ბოლო ოთხი თვის განმავლობაში 22 პროცენტით გაუფასურებული ეროვნული ვალუტა, მზარდი ინფლაცია, ფასების კატასტროფულად ზრდა სურსათსა და პირველადი მოხმარების საგნებზე, ჰიგიენურ საშუალებებსა და მედიკამენტებზე, დაკარგული სამუშაო ადგილები, გაჩერებული ტურისტული ინდუსტრია, უცხოეთიდან შემცირებული ფულადი გზავნილები და ა.შ. ერთი სიტყვით, ეკონომიკური სტაგნაცია.

„საქსტატის“ მონაცემებით, მიმდინარე წლის პირველ ხუთ თვეში, გასული წლის ანალოგიურ პერიოდთან შედარებით, მთლიანი შიდა პროდუქტის მოცულობა 5.4 პროცენტით შემცირდა. კლების ტენდენცია კი უკლებლივ ყველა სექტორში გამოვლინდა. ქვეყნის ეკონომიკაში არსებულ მძიმე რეალობას ასახავს „თიბისი კაპიტალის“ მორიგი კვლევაც, რომელიც ეკონომიკაზე COVID-19-ის გავლენას აფასებს. კვლევაში მოცემულია მიმდინარე მდგომარეობის, ძირითადი მაკროპარამეტრების დინამიკის ანალიზი და უახლოესი მომავლის პროგნოზი. თანმიმდევრულად მივყვეთ.

„თიბისი კაპიტალის“ ანალიტიკოსთა მონაცემებით, შეზღუდვების ეტაპობრივად შერბილების შემდეგ უნაღდო ანგარიშსწორებით ხარჯვაში ზრდა დაფიქსირდა. ამავე დროს საგრძნობლად შემცირდა ხელფასებზე გაცემული თანხის მოცულობა. საქართველოში 2020 წლის მაისში, თებერვალი-მარტის პერიოდთან შედარებით, 91 ათასით ნაკლებმა მოქალაქემ აიღო ხელფასი, აპრილთან შედარებით ხელფასის ამღებთა რაოდენობა 11.7 ათასით შემცირდა. პროცენტულად ხელფასის მიმღებთა ყველაზე მკვეთრი შემცირება რესტორნების, სასტუმროების და კვების ინდუსტრიაში შეინიშნება. რაოდენობრივად კი ხელფასის გაცემა ყველაზე მეტად ვაჭრობის სექტორში შემცირდა. დიდია ნეგატიური ეფექტი უძრავი ქონების, გართობა/ხელოვნების, მშენებლობის, პროფესული და სხვა მომსახურების სფეროებში. უნდა აღინიშნოს, რომ კლება მეტწილად ხელფასის დაბალ (<1200 ლარი) და საშუალო კატეგორიებში (1200–2400 ლარი) შეინიშნებოდა, შესაბამისად, 48 ათასი და 24 ათასი ადამიანით.

საანგარიშო პერიოდში, მაისის თვის განმავლობაში სახელმწიფო ბიუჯეტის შემოსავალმა საშემოსავლო გადასახადიდან 234.1 მილიონი ლარი შეადგინა, რაც გასული წლის ამავე პერიოდთან შედარებით 39.9 მილიონი ლარით, ანუ 14.6 პროცენტით ნაკლებია. შესაბამისად, საშემოსავლო გადასახადების სახით ბიუჯეტში შესული თანხის კლება ქვეყანაში გაცემული ხელფასების მოცულობის შემცირებაზე მიანიშნებს. კონკრეტულად კი ეს კლება გაცემული ხელფასების თითქმის 200 მილიონი ლარით შემცირებაზე მეტყველებს. გავკადნიერდები და მკითხველის ყურადღებას ერთ გარემოებას მივაპყრობ: ხელფასების მკვეთრი შემცირების მთავარი არგუმენტია საშემოსავლო გადასახადების კლების დინამიკა. კვლევაში არსად ჩანს, გათვალისწინებულია თუ არა სამთავრობო პროგრამის ის დებულება, რომლის თანახმადაც, ყოველ შენარჩუნებულ სამუშაო ადგილზე დამსაქმებელი სახელმწიფო სუბსიდიას იღებს. შეგახსენებთ, 750 ლარის ოდენობის ხელფასი ნახევარი წლის განმავლობაში საშემოსავლო გადასახადისგან სრულიად თავისუფლდება, ხოლო 1500 ლარამდე ხელფასის შემთხვევაში დამსაქმებელი 750 ლარის ოდენობაზე თავისუფლდება საშემოსავლო გადასახადისგან, რაც ამ მოცულობის თანხაზე 150 ლარს შეადგენს. ეს ისე, რეპლიკის სახით, თორემ საკამათო არ არის, რომ განსაკუთრებით კერძო სექტორში დასაქმებულთა საკმაოდ დიდ ნაწილს შემოსავალი შეუმცირდა. ბევრმა დასაქმებულმა სამსახური და, შესაბამისად, შემოსავალიც დაკარგა, რასაც დასაქმების ხელშეწყობის სახელმწიფო სააგენტოს ინფორმაციაც ადასტურებს. ამ უწყების ცნობით, 1 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ კომპენსაციის მიმღები თვითდასაქმებული 165 626 პირი დარეგისტრირდა. მათგან 104 547 პირმა მიიღო 300-ლარიანი კომპენსაცია – სულ 31.364 მილიონი ლარი. რაც შეეხება დასაქმებულებს, რომლებიც პანდემიის გამო დაზარალდნენ, 200 ლარის ოდენობით კომპენსაცია ჩაერიცხა 125 165 პირს. გადარიცხული თანხა 25.033 მილიონ ლარს შეადგენს.

კვლევის შედეგებს დავუბრუნდეთ... როგორია პროგნოზი? კვლევის თანახმად, 2020 წელს ეკონომიკის კვლავ 4.5-5.5 პროცენტიანი კლებაა ნავარაუდევი. გაუარესებულია მიმდინარე წლის ტურისტული შემოდინებების და პირდაპირი უცხოური ინვესტიციების საპროგნოზო მაჩვენებელიც. თუმცა გაუმჯობესებულია საგარეო ვაჭრობის და გზავნილების მოლოდინი. „თიბისი კაპიტალის“ პროგნოზით, ლარის მკვეთრი გაუფასურება ნაკლებად არის სავარაუდო. წლის ბოლოსთვის ეროვნული ვალუტა 3.0 ნიშნულზე დასტაბილურდება. ამავე პერიოდისთვის მოსალოდნელია ინფლაციის 5 პროცენტიდან 4.5 პროცენტამდე შემცირება. კვლევის ავტორები ვარაუდობენ, რომ წლის ბოლოსთვის რეფინანსირების განაკვეთი 7.75 პროცენტამდე დაიკლებს. რამდენად გამართლდება „თიბისი კაპიტალის“ ანალიტიკოსთა ეს პროგნოზი – დრო გვიჩვენებს...

ამასობაში საქართველოს ეკონომიკაზე COVID-19-ის გავლენის შესარბილებლად მსოფლიო ბანკის აღმასრულებელ დირექტორთა საბჭომ საქართველოსთვის „ეკონომიკური მართვისა და კონკურენტუნარიანობის განვითარების პოლიტიკის ღონისძიებებისათვის“ დამატებით 45 მილიონი ევროს ოდენობის დაფინანსება დაამტკიცა. ეს თანხა მთავრობას COVID-19-ის პანდემიის ზემოქმედებით გამოწვეული მოულოდნელი ფინანსური დეფიციტის შევსებაში დაეხმარება.

მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი: „რთულ პერიოდში ჩვენ, როგორც ძლიერი პარტნიორი, გვერდში ვუდგავართ საქართველოს და მხარს ვუჭერთ მთავრობის მიერ განხორციელებულ სწრაფ და ეფექტურ ანტიკრიზისულ ზომებს, რომელთა მიზანიც არის − ადამიანების სიცოცხლის გადარჩენა, მათი საარსებო საშუალებების დაცვა, COVID-19-ის ეკონომიკური შედეგების შემსუბუქება და ეკონომიკური რეფორმების მძლავრი ტენდენციის შენარჩუნება“. 

ქვეყნის პირველი ფინანსისტის შეფასებით, მსოფლიო ბანკის მიერ საქართველოსთვის გამოყოფილი დამატებითი ფინანსური სახსრები კრიტიკულად დროული და აუცილებელი დახმარებაა.

საქართველოს ფინანსთა მინისტრი ივანე მაჭავარიანი: „მაშინ, როდესაც საქართველოს მიერ დაწესებულმა შეზღუდვებმა ვირუსის გავრცელება წარმატებით შეაკავა, ქვეყანას, სხვა ბევრი სახელმწიფოს მსგავსად, ფისკალური და ეკონომიკური ხარჯების გაღება მოუწია. მსოფლიო ბანკის მხარდაჭერა ჩვენი ქვეყნისთვის ძალიან მნიშვნელოვანია, რადგან ის კონკრეტულად COVID-19-ით გამოწვეული პრობლემების მოგვარებისკენ არის მიმართული. ხოლო საერთო მიზანი რეფორმების ხელშეწყობაა, რომლებიც სამუშაო ადგილების შექმნას, ეკონომიკური ინკლუზიურობის ზრდას უზრუნველყოფს... ყურადღება გამახვილებულია სახელმწიფო რესურსების გამოყენების ეფექტურობის გაუმჯობესებაზე, უფრო კონკურენტული ბაზრების ხელშეწყობაზე, ფინანსური სექტორის დივერსიფიკაციაზე, მასწავლებლის მუშაობისა და ანაზღაურების გაუმჯობესებაზე და ინვესტიციების ხელშეწყობის გაძლიერებაზე“.

რამდენად ეფექტურად შეძლებს მთავრობა საერთაშორისო საფინანსო ინსტიტუტებიდან და დონორი ორგანიზაციებიდან მიღებული ამ და სხვა დახმარებისა თუ საკრედიტო რესურსის გამოყენებას, ამას დრო გვიჩვენებს. დარწმუნებული ვარ, მკითხველი იმაშიც დამეთანხმება, რომ პასუხი ამ კითხვაზე დიდწილად განსაზღვრავს სახელისუფლებო გუნდის რეიტინგსა და, შესაბამისად, ელექტორალურ მხარდაჭერას...  

 

1104
მოსამართლის ჩაქუჩი

სასტიკი მკვლელობა პოლიციელების მონაწილეობით: სასამართლომ განაჩენი გამოიტანა

0
სასამართლომ ექვსიდან ხუთი ბრალდებული დამნაშავედ ცნო და სხვადასხვა ვადით პატიმრობა შეუფარდა. მეექვსე ბრალდებულის გამამართლებელ განაჩენს ბრალდების მხარე გაასაჩივრებს

თბილისი, 4 ივლისი — Sputnik. რუსთავის საქალაქო სასამართლომ დაასრულა საქმის განხილვა, რომელიც ეხება 35 წლის დავით მუმლაძის სასტიკ მკვლელობას და ექვსიდან ხუთ ბრალდებულს გამამტყუნებელი განაჩენი გამოუტანა, ნათქვამია გენერალური პროკურატურის განცხადებაში.

როდის მიიღებს საქართველო პოლიტიკურ გადაწყვეტილებას ხანგოშვილის მკვლელობის საქმეზე >>

დავით მუმლაძის ცხედარი მტკვარმა რუსთავში 2019 წლის 5 ოქტომბერს გამორიყა. გამოძიებამ დაადგინა, რომ ის 1 ოქტომბერს მოკლეს და მისი ცხედარი წყალში ხუთი დღე იყო.

ხუთმა ბრალდებულს 9-დან 20 წლამდე ვადით პატიმრობა მიესაჯათ. ყველაზე მკაცრი ზომა - 30 წელი ციხეში - შეეხო ზურაბ ჯღარკავას, ხოლო გიორგი ასათიანი სასამართლომ გაამართლა. პროკურატურა აპირებს გაასაჩივროს გამამართლებელი განაჩენი სააპელაციო სასამართლოში.

გამოძიების მონაცემებით, ერთ-ერთმა ბრალდებულმა მოტყუებით გამოიყვანა მუმლაძე საცხოვრებელი ბინიდან და ავტომანქანით მიიყვანა გლდანში, სადაც მათ დახვდათ პოლიციის ფორმაში გამოწყობილი სამი მამაკაცი - შსს-ს მოქმედი ორი თანამშრომელი და ერთი ყოფილი. პოლიციის ფორმიანებმა ჩაისვეს მუმლაძე თავის მანქანაში და იძულებით წაიყვანეს რუსთავში.

იქ მუმლაძე გადასცეს პირებს, რომლებმაც მისი მკვლელობა შურისძიების მიზნით ძველი კონფლიქტის გამო დაგეგმეს - წარსულში ნასამართლევ გიორგი ასათიანსა და ზურაბ ჯღარკავას. მათ მუმლაძე მტკვრის ნაპირზე წაიყვანეს, სადაც ცივი იარაღით 30 ჭრილობა მიაყენეს, შემდეგ კი ცხედარი მდინარეში ჩააგდეს.

0
თემები:
კრიმინალი საქართველოში