გიორგი გახარია

გახარიას გამოსვლა პარლამენტში - პრემიერ-მინისტრობის კანდიდატის მთავარი გზავნილები

114
(განახლებულია 16:24 08.09.2019)
საქართველოს პრემიერ-მინისტრობის კანდიდატი გიორგი გახარია სიტყვით გამოვიდა პარლამენტის დეპუტატების წინაშე, რომლებსაც მომავალი მთავრობისთვის კენჭისყრა მოუწევთ

საქართველოს პრემიერ-მინისტრობის კანდიდატმა გიორგი გახარიამ მოსახლეობას პირობა მისცა, რომ ილაპარაკებს მხოლოდ სიმართლეს და დაასახელებს პრობლემების გადაჭრის კონკრეტულ ვადებს და არ ისაუბრებს მხოლოდ ხელისუფლების კეთილ ზრახვებზე.

საქართველოს პარლამენტში კვირას გახარიას მეთაურობით ახალი მთავრობისა და სამთავრობო პროგრამის დამტკიცების პროცედურა მიმდინარეობს.

„ჩვენს მოქალაქეს, სადაც არ უნდა ცხოვრობდეს ის, ქალაქში თუ სოფელში, არ აინტერესებს ჩვენი პროგრამები, ინიციატივები, რეფორმები და გეგმები. მისთვის სახელმწიფოს განსახიერება არის რიგითი სახელმწიფო მოხელე, რომელიც ვერ ასრულებს, ხშირ შემთხვევაში, ან ასრულებს მის დაკვეთას, უგვარებს მას ყოველდღიურ პრობლემებს", - განაცხადა გახარიამ გამოსვლის დასაწყისში.

მისი თქმით, მოსახლეობას კონკრეტული პასუხები სჭირდება იმ საკითხებზე, რომლებიც აწუხებს.

ჩვენ ბევრი შეგვიძლია ვისაუბროთ ჩვენს კეთილ განზრახვებზე, მაგრამ დღეს დადგა დრო, როცა ჩვენს მოქალაქეებს უკვე კონკრეტულ შედეგებზე უნდა ვესაუბროთ, აღნიშნა გახარიამ. რაზეც არ უნდა ვილაპარაკოთ, საბოლოოდ ჩვენი მოქალაქეების პრობლემა სამუშაო ადგილებია. ყველაფერი უნდა გავაკეთოთ იმისთვის, რომ დასაქმების პრობლემა გონივრულ ვადებში გადაწყდეს. ყველას უნდა გვესმოდეს და უნდა ვგრძნობდეთ პასუხისმგებლობას, რომ არ უნდა მივცეთ უპასუხისმგებლო პირობა, არ უნდა ვისაუბროთ, რომ ეს პრობლემა გადაწყდება ხვალ, მაგრამ უნდა ვუთხრათ მოქალაქეებს, როდის დადგება ეს გონივრული ვადები, განაცხადა გახარიამ.

მხოლოდ თავისუფლება საკმარისი არაა

მომავალი მთავრობის მთავარ პრინციპად გახარიამ დაასახელა ეფექტურობა, კეთილსინდისიერება და სამუშაოს შესრულების გონივრული ვადები, ასევე კორუფციასთან ბრძოლა.

პარლამენტი მთავრობას ამტკიცებს, ქუჩაში კი საპროტესტო აქცია იმართება>>

„ჩვენი მთავრობისთვის ყველა სახის კორუფციასთან ბრძოლა იქნება. ეს არ არის გასაკვირი იმიტომ, რომ ჩვენს მსგავს ეკონომიკებში, გარდამავალ ეკონომიკებში, სუსტი ინსტიტუციებით, კორუფციასთან ბრძოლა უნდა იყოს მუდმივი პროცესი და შემდგომი 10-20 წელი ეს პრიორიტეტი ყოველდღიურად უნდა იდგეს ჩვენს წინაშე", - აღნიშნა გახარიამ.

ამასთან მთავრობის მუშაობის საწყისი წერტილი სიმართლე უნდა გახდეს.

ჩვენ მხოლოდ და მხოლოდ სიმართლით უნდა დავუპირისპირდეთ ამ აგრესიულ რიტორიკას, ამ აგრესიულ მოდელირებულ რეალობას, განაცხადა გახარიამ.

„ეს სიმართლე ჩვენთვისაც არის გამოწვევა. სიმართლე, პირველ რიგში, გამოწვევა არის ხელისუფლებისთვის. მაგრამ ჩვენ ამ სიმართლის არ გვეშინია, არ გვეშინია იმიტომ, რომ ის საბაზისო ფასეულობები, რომლებიც 2012 წლის შემდეგ დამკვიდრდა ამ ქვეყანაში, რომელმაც ადამიანებს მოუტანა ძირითადი თავისუფლებები, გაათავისუფლა ისინი ძალადობისგან, მათ მოუტანა საკუთრების უფლების დაცვა, ელემენტარული სოციალური პირობების დაცვა და ა.შ., ეს უკვე საკმარისი არ არის და ჩვენ ეს ფასეულობები უნდა გავაფართოოთ", - აღნიშნა გახარიამ.

უსაფრთხოება

გახარია მთავრობის განვითარების ძირითად პრინციპებსაც შეეხო. მთავრობის მეთაურობის კანდიდატმა მთავარ პრინციპად უსაფრთხოება დაასახელა.

ადა მარშანია კვიციანზე : მისი ემოცია მესმის, მაგრამ პასუხს არ ვუწონებ>>

გახარიას განცხადებით, უსაფრთხოება ის საფუძველია, რომელზეც სხვადასხვა მიმართულებით ქვეყნის პოზიტიური განვითარება დგას. უსაფრთხო ქვეყანა ის საფუძველია, რომელზეც უნდა განვითარდეს განათლება, კულტურამ სპორტი, სოციალური მიმართულებები და ჩვენი მიზანია შემცირდეს ჩვენი უსაფრთხოების რისკები, რომლებიც რეალურია, განაცხადა გახარიამ.

მან ასევე დაასახელა მთავარი გამოწვევა საქართველოს უსაფრთხოებისთვის

„როდესაც ჩვენ ვამბობთ, რომ საქართველოს ტერიტორიის 20% არის ოკუპირებული, აქვე ხაზგასმით უნდა აღვნიშნოთ, რომ საქართველოს ეკონომიკის 20%-ია ოკუპირებული, რომ საქართველოს განვითარების, ქვეყნის განვითარების პოტენციალის 20%-ია ოკუპირებული, რომ ქვეყნის ადამიანური კაპიტალის 20%-ია ოკუპირებული და ამაში არის ყველაზე დიდი გამოწვევა ჩვენი უსაფრთხოების. ეს არის ყველაზე დიდი მუხრუჭი საერთოდ ჩვენი ქვეყნის განვითარებისთვის", - განაცხადა გახარიამ.

მისი თქმით, ამ პრობლემის გადასაჭრელად საქართველომ რუსეთთან მოლაპარაკებების ყველა ფორმატი უნდა გამოიყენოს, რომელიც ჭკვიანურად და „ცივი გონებით" უნდა აეწყოს.

„რუსეთის ფედერაციასთან ვსაუბრობთ და სანამ მაქსიმალურად არ ამოვწურავთ ყველა იმ შესაძლებლობას, რომელსაც დღეს არსებული ფორმატები - ჟენევის იქნება თუ აბაშიძე-კარასინის ფორმატია, სხვა ახალ ფორმატებზე საუბარი, ალბათ ჯერ ნაადრევია", განაცხადა გახარიამ.

მისი თქმით, პრობლემის გადაჭრისთვის ყველა შესაძლებლობა უნდა იქნეს გამოყენებული, გარდა ომისა.

პრემიერობის კანდიდატი დარწმუნებულია, რომ საქართველოს უსაფრთხოების განმსაზღვრელი მისი საგარეო პოლიტიკაა.

ევროკავშირთან მიმართებით, გახარიას განცხადებით ერთი რამის თქმაა საჭირო: დიდხანს შეიძლება საუბარი, რომ მივაღწიეთ უვიზო რეჟიმს, თავისუფალი ვაჭრობის შესახებ შეთანხმებას და ა. შ. მაგრამ ეს უკვე მიღწეულია, შემდეგი ნაბიჯი უნდა გახდეს სწრაფი და ეფექტური ნაბიჯები ერთობლივი ინსტიტუტებისა და კანონმდებლობისკენ. ეს მოგვცემს საშუალებას, ხვალ პარტნიორებს მეტი მოთხოვნა წავუყენოთ, აღნიშნა გახარიამ.

მან ასევე აღნიშნა, რომ საქართველოს წინსვლა აქვს ნატოსკენ მიმავალ გზაზე.

„დღეს ნატოსთან თანამშრომლობა უმაღლეს წერტილზეა. ჩვენი ერთობლივი წვრთნები გრძელდება და ჩვენი მთავარი მიზანია, გავხდეთ ნატოს სრულუფლებიანი წევრი", - განაცხადა გახარიამ.

რაც შეეხება შიდა უსაფრთხოებას, გახარიას თქმით, მთავარი გამოწვევაა რადიკალიზაციის მაღალი დონე. აქ 20-21 ივნისის მოვლენები იგულისხმება, როდესაც მომიტინგეებმა პარლამენტის შენობაში შეჭრა სცადეს. ამას პოლიციის მხრიდან აქციის დაშლა მოჰყვა.

„მაგარი ხარ, მეამაყები...“ - „ფეისბუქ“-რეაქციები ემზარ კვიციანის ქმედებაზე>>

პრემიერობის კანდიდატმა აღნიშნა, რომ საქართველოში ხელისუფლება არასდროს აღარ უნდა შეიცვალოს ძალადობრივი გზით. მისი თქმით, მიუღებელია, როდესაც ოპოზიცია პარლამენტის შტურმის მცდელობას თავისუფლების გამოხატვას უწოდებს.

„როდესაც ქვეყანაში არის პოლიტიკური გადაწყვეტილება მიღებული, რომელზეც არის პოლიტიკური კონსენსუსი ყველა პოლიტიკური ძალის, რომ შემდეგი საპარლამენტი არჩევნები უნდა იყოს პროპორციული, ისიც უნდა გვესმოდეს, რომ საპარლამენტო დემოკრატია რადიკალიზაციის ასეთ მაღალ დონესთან უბრალოდ არ არის თავსებადი. რადიკალიზაციის ასეთი მაღალი ხარისხით საპარლამენტო დემოკრატიაში განსაკუთრებით პროპორციულ სისტემაზე დაფუძნებულზე, ძალზე რთული იქნება შევთავაზოთ ჩვენს მოქალაქეებს პოზიტიური დღის წესრიგი", - განაცხადა გახარიამ.

ეკონომიკის განვითარება

ჩვენი ეკონომიკის ფუნდამენტია თავისუფალი ბაზარი და ამ ფუნდამენტის ერთადერთი საფუძველი ეფექტური, ძლიერი ბიზნესია, რომელსაც სახელმწიფო უნდა დაეხმაროს სამუშაო ადგილების შექმნით, გააძლიეროს, რომ მან ეფექტურად შეასრულოს საკუთარ თავზე დასაქმებულების მიმართ აღებული სოციალური პასუხისმგებლობა. ეს იქნება ძირითადი ფორმულა და პრინციპი, რომლითაც ვიხელმძღვანელებთ, აღნიშნა გახარიამ.

მან ასევე აღნიშნა ხელისუფლების მიღწევები.

„ბოლო წლების მუშაობის შედეგი არის ის, რომ წელს პირველი წელია, როდესაც თვითდასაქმებულების რაოდენობა 1 პროცენტით ნაკლებია ოფიციალურად დასაქმებულ ადამიანებზე. ოფიციალურად დასაქმებული ადამიანების რაოდენობა 2018 წელს პირველად იყო 51 პროცენტი", - განაცხადა გახარიამ.

მთავრობის ძალისხმევა, მისი თქმით, მიმართული იქნება იმპორტის შემცირებასა და ექსპორტის გაზრდაზე.

გახარიას განცხადებით საქართველოს პატარა და ღია ეკონომიკა აქვს, ამიტომ ბიზნესის განვითარებას მაქსიმალურად უნდა დავეხმაროთ. ყველაფერი უნდა გაკეთდეს იმისთვის, რომ კომუნიკაცია ბიზნესსა და სახელმწიფოს შორის ეფექტური იყოს და ჩვენი ქვეყნის განვითარებას ემსახურებოდეს. აღნიშნა გახარიამ.

ამასთან, მთავრობა გააგრძელებს გზებისა და ინფრასტრუქტურის მოწესრიგებას. მან ასევე დააანონსა სახელმწიფო ქონების პრივატიზება.

ადამიანური კაპიტალი

ადამიანური კაპიტალი დიდი რესურსია, რომლის განვითარება ერთ წელიწადში შეუძლებელია. მთავარი პრობლემა ამ მიმართულებით განათლებაა. მაგრამ ჩვენ მუშაობა დღეს უნდა დავიწყოთ, რათა ჩვენმა შვილებმა მაქსიმალურად გამოიყენონ ეს რესურსი, განაცხადა გახარიამ.

მან აღნიშნა, რომ განათლების რეფორმა გაგრძელდება - დაიწყება სასკოლო განათლებიდან და მასწავლებლებზე ზრუნვით.

გახარიამ ასევე პირობა დადო, რომ გაგრძელდება ჯანდაცვის, საპენსიო რეფორმა და სხვა პროექტები, რომლებიც მისმა წინამორბედებმა დაიწყეს.

114
თხევადი გაზის გადამზიდი ტანკერი

მიმოხილვა: ევროპა და აზია ამერიკულ გაზზე უარს ამბობენ

139
(განახლებულია 19:10 09.07.2020)
ევროპასა და აზიაში ცისფერი აირის ფასები მრავალწლიან მინიმუმამდეა დაცემული. აშშ-ის ენერგეტიკის სამინისტროშიც კი აღიარეს, რომ ამერიკული გათხევადებული ბუნებრივი აირის შეძენას არანაირი აზრი არ აქვს.

ნატალია დემბინსკაია

კლიენტებმა ზაფხულში დაგეგმილ ასზე მეტ მიწოდებაზე თქვეს უარი. შედეგად – ექსპორტი თითქმის 63,6%-მდე დაეცა. რატომ არ სჭირდება არავის ოკეანისგაღმური გაზი?

ფასები დაეცა

გასულ წელს აშშ-ში ბუნებრივი გაზის ნეტო–ექსპორტმა 54,7 მლრდ კუბომეტრს მიაღწია — 20,7 მილიარდით მეტს, ვიდრე 2018 წელს. გათხევადებული ბუნებრივი აირის უმსხვილესი მწარმოებლის Cheniere Energy-ს მონაცემებით, პირველ კვარტალში მსოფლიო გაყიდვების მოცულობამ 100 მლ ტონას მიაღწია — 10 მილიონით მეტს, ვიდრე 2019 წელს. ზრდა ძირითადად ამერიკელებმა უზრუნველყვეს.

გეგმები ამბიციური იყო: 2020 წელს 67,2 მლრდ კუბომეტრი, 2021 წელს კი — 79,5 მლრდ. ეს მაჩვენებლები იანვარში აშშ-ის ენერგეტიკის სამინისტროს ინფორმაციის სამმართველომ (EIA) გაახმოვანა. მაგრამ უკვე ნათელია, რომ ეს არ მოხდება.

თბილი ზამთრისა და კორონავირუსის პანდემიის გამო ევროპასა და აზიაში გაზის ბაზრები ჩამოიშალა. მაგალითად, ჰოლანდიურ ჰაბ TTF-ზე ფასები პირველად ოთხი თვის განმავლობაში ორჯერ დაეცა გასული წლის ანალოგიურ პერიოდთან შედარებით, ხოლო სპოტური მიწოდებები იაპონიაში 44%-ით შემცირდა.

უკვე აპრილში ამერიკული თხევადი გაზის ექსპორტი ევროპაში ეკონომიკურად მიზანშეუწონელი გახდა. მსხვილმა ევროპულმა და აზიურმა კომპანიებმა ივნისი–ივლისის კონტრაქტები გააუქმეს.

Bloomberg-ის მონაცემებით, აშშ-ში თხევადი გაზის ქარხნების განტვირთვა აპრილში თითქმის 30%-ით შემცირდა, მაისში ექსპორტმა მესამედზე მეტით დაიკლო, მათ შორის, კორონავირუსული შეზღუდვების გამოც.

ეკონომიკურად არასიცოცხლისუნარიანი

აშშ-ის ენერგეტიკის სამინისტროს ენერგეტიკული ინფორმაციის სამმართველოს ივნისის პროგნოზი მეტად პესიმისტურია. ევროპელმა და აზიელმა კლიენტებმა უარი თქვეს თხევადი გაზის 110 პარტიაზე. გაზის მიწოდება ამერიკულ საზღვაო ტერმინალებზე მარტის შემდეგ ორჯერ შემცირდა.

„დაბალმა სპოტურმა ფასებმა ბუნებრივ აირსა და გათხევადებულ გაზზე ევროპასა და აზიაში შეასუსტა აშშ-დან ექსპორტის სიცოცხლისუნარიანობა, რომელიც მეტად მგრძნობიარეა ფასების მიმართ“, — აცხადებენ EIA-ს ანალიტიკოსები.

მათი შეფასებით, ივნისში აშშ-დან ევროპასა და აზიაში საშუალოდ 101 მლნ კუბომეტრია გაგზავნილი დღე-ღამეში, ხოლო ივლისსა და აგვისტოში 62 მლნ იქნება. ეს კი საექსპორტო პოტენციალის 25%-ზე მეტი არ არის.

განაგრძობს დაცემას

დადასტურდა ექსპერტების გაფრთხილება იმასთან დაკავშირებით, რომ კლიენტები ოკეანისგაღმურ გაზზე უარს მინიმუმ ზაფხულის ბოლომდე იტყვიან: აშშ-ში ფიუჩერსული ფასები ევროპულს სექტემბრამდე აჭარბებს.

„ვინაიდან ფასობრივი უპირატესობა პრაქტიკულად გაქრა, ამერიკულ მიწოდებებზე უარის თქმა მხოლოდ დროის ამბავი იყო“, — განაცხადა აშშ-ის სტრატეგიული და საერთაშორისო კვლევების ცენტრის ექსპერტმა ნიკოს ცაფოსმა.

როგორც ეროვნული ენერგეტიკული უსაფრთხოების ფონდის წამყვანი ანალიტიკოსი იგორ იუშკოვი განმარტავს, ახლა მყიდველები მზად არიან გადაიხადონ ამერიკულ გათხევადებულ გაზში იმდენი, რამდენიც გათხევადებისა და ტრანსპორტირების საოპერაციო ხარჯებსაც კი ვერ დაფარავს. მთავარი დაზარალებული — პირველი და უმსხვილესი ამერიკული ტერმინალი Sabine Pass-ია: ქარხანა 2016 წლიდან მხოლოდ წაგებაზე მუშაობს.

ენერგეტიკის სამინისტროს ინფორმაციით, აშშ-დან გათხევადებული აირის ექსპორტმა 2020 წლის პირველ ოთხ თვეში საშუალოდ 218 მლნ კუბომეტრი შეადგინა დღე-ღამეში, მაგრამ 17%-ით დაეცა აპრილიდან მაისამდე პერიოდში. EIA-ში ელოდებიან, რომ მიწოდებები სექტემბერში დაიწყებს ზრდას, ვინაიდან მსოფლიო მოთხოვნა ბუნებრივ აირზე თანდათანობით აღდგება.

ჭარბი გაზი

მაგრამ უმსხილესი საინვესტიციო ბანკები ასე ოპტიმისტურად არ არიან განწყობილი. როგორც ანალიტიკოსები განმარტავენ, მსოფლიოში საწვავის უზარმაზარი მარაგი დაგროვდა. გათხევადებული ბუნებრივი აირის საერთაშორისო ვაჭრობა ჩამოიშალა, გადაიკეტა რა მნიშვნელოვანი არხები ამერიკელი მეფიქალეებისთვის. ხოლო რამდენადაც ნავთობი ისევ გაძვირდა ერთ ბარელზე 40 დოლარამდე, მენავთობეებმა მოპოვება განაახლეს და გვერდითი პროდუქტის სახით ბაზარზე ბევრ იაფ გაზს უშვებენ.

ევროპაში ფასების ვარდნის გამო ამერიკულ თხევად გაზზე მოთხოვნა აღარ არის. ახლა საზღვარგარეთ გაყიდვის ნაცვლად მას რეზერვუარებსა და საცავებში ქაჩავენ.

Goldman Sachs-ის დათვლით, ექსპორტის გაუქმების გამო ამერიკული მარაგები 21,52 მლრდ კუბომეტრით გაიზრდება. ერთი წლის წინ დაფიქსირებული დონე უკვე თითქმის მესამედითაა გაზრდილი, ხოლო ბოლო ხუთი წლის საშუალო მაჩვენებელს 18%-ით აღემატება. ოქტომბრისთვის ქვეყნის შესაძლებლობები გაზის შენახვასთან დაკავშირებით შესაძლოა ამოიწუროს, რაც გათხევადებული აირის მოპოვებასა და წარმოებას რეკორდულად შეამცირებს.

რედაქცია შესაძლოა არ ეთანხმებოდეს ავტორის მოსაზრებებს

139
უპილოტო საფრენი აპარატი

მიმოხილვა: რუსეთმა ახალი „იდეალური იარაღი“ შექმნა

227
(განახლებულია 16:23 07.07.2020)
რუსეთი წარმატებით ცდის მოიერიშე უპილოტო აპარატებს, ხელოვნური ინტელექტის მქონე ჯავშანტექნიკას, პოტენციური მოწინააღმდეგის მაღალტექნოლოგიური საბრძოლო სისტემებისა და რობოტების გამანადგურებელ დიდი რადიუსის მქონე საშუალებებს.

რუსეთის სამხედრო-სამრეწველო კომპლექსში არსებული წყაროების თქმით, რუსეთის ელექტრომაგნიტური ქვემეხების საცდელი ნიმუშების მიერ სამიზნის დაზიანების სიშორე 10 კმ-ს აღწევს. ეს იმას ნიშნავს, რომ პირდაპირი ხედვის ზონაში მოწინააღმდეგის მაღალტექნოლოგიური საჰაერო და სახმელეთო შეიარაღება მყისიერად შეიძლება ლითონის გროვად იქცეს. უხმაურო გასროლას მილიწამი სჭირდება, რასაც არ ახლავს ცეცხლი, კვამლი და უკუდარტყმა. ელექტრომაგნიტური ქვემეხის პოზიციის გამოვლენა რადიოლოკაციის ან თანამგზავრული დაზვერვის სტანდარტული საშუალებებით შეუძლებელია.

მანამდე ელექტრომაგნიტური ქვემეხის მოქმედების სიშორე სამი კილომეტრი იყო. ახალი ტიპის შეიარაღების გამოცდა 2015 წლიდან მიმდინარეობს, ქვემეხები წარმატებით „წვავს“ უპილოტო აპარატებს ჰაერში და სხვადასხვა დანადგარებს ხმელეთზე.

ახალი ელექტრომაგნიტური ქვემეხების შეიარაღებაში შეტანის ვადა მონიშნული არ არის, თუმცა რუსეთი უკვე მჭიდროდ მიუახლოვდა მას — წარმატება ხილულია. დღეს საცდელ ნიმუშებს უკვე აქვთ უნარი, მნიშვნელოვან მანძილზე დააზიანონ მოწინააღმდეგის უპილოტო საფრენი აპარატები, ვერტმფრენები და ფრთოსანი რაკეტები. ახალმა ქვემეხმა რეკორდი სწორედ ჰაერსაწინააღმდეგო საშუალების სახით დაამყარა: „დაწვა“ 10 კმ დაშორებით განთავსებული სასწავლო საჰაერო სამიზნე. თუ მოქმედების სიშორის გაზრდა 20 კილომეტრამდე იქნება შესაძლებელი, მაშინ სამიზნეებს შორის აღმოჩნდება თანამედროვე საბრძოლო თვითმფრინავებიც. სავარაუდოდ, რუსულ სამხედრო-სამრეწველო კომპლექსს ამ კუთხით დიდი დრო არ დასჭირდება.

ელექტრომაგნიტური ქვემეხები მოწინავე ხაზზე

იარაღი, რომელიც ელექტრომაგნიტური გამოსხივების ტექნოლოგიას ეყრდნობა, მოქმედების პრინციპით ახლოსაა რადიოელექტრონულ საბრძოლო სისტემებთან. დენთისა და ლითონის ნაცვლად, რუსული ელექტრომაგნიტური ქვემეხი მაღალი სიხშირის გამოსხივებას იყენებს, რომელიც სინათლის სისწრაფით მოძრაობს. ჯერჯერობით პრობლემად რჩება უზარმაზარი ენერგოდანახარჯები თითოეულ გასროლაზე, მაგრამ ტექნოლოგია გამუდმებით იხვეწება.

პერსპექტივაში ელექტრომაგნიტური ქვემეხების დადგმა შესაძლებელი გახდება მეექვსე თაობის მძიმე გამანადგურებელ უპილოტო აპარატებზე, ქვეითი ჯარების ტექნიკასა და სამხედრო-საზღვაო ფლოტის ხომალდებზე. თუ ერთ დღეს ბრძოლის ველზე მოწინააღმდეგის თვითმფრინავებმა და ვერტმფრენებმა, უპილოტო აპარატებმა, ფრთოსანმა რაკეტებმა, ტანკებმა და სხვა ჯავშანტექნიკამ „უმიზეზოდ გაჭედა“, ე.ი. ისინი ახალ ტექნოლოგიას აქვს მიზანში ამოღებული.  

ელექტრომაგნიტური ქვემეხი არალეტალურ იარაღად მიიჩნევა — ანადგურებს ელექტრონიკას, მაგრამ ინდობს ცოცხალ ძალას. ძლიერი ელექტრომაგნიტური გამოსხივება სახიფათოა ადამიანის ჯანმრთელობისთვის, შეუძლია დააზიანოს ნერვული, იმუნური და სხვა სისტემები. და მაინც, თუ ელექტრომაგნიტური იმპულსი „დაწვავს“ მიკროსქემებს და პილოტირებულ საფრენ აპარატს გააჩერებს, მაშინ პილოტი განწირულია — კატაპულტა ასევე არ იმუშავებს.  

ელექტრომაგნიტური იარაღი — ეს კონკრეტულ სექტორებში მუშაობისთვის გამიზნული ინსტრუმენტების მთელი სპექტრია. მაგნიტური ველი შესაძლოა გამოყენებული იყოს ჭურვისთვის საწყისი სიჩქარის მისანიჭებლად, როგორც დენთის ალტერნატივა.

რუსეთში პრიორიტეტულად ვითარდება რადიოელექტრონული ბრძოლის სისტემები, ელექტრომაგნიტურ ბომბებს აქვთ უნარი, გათიშონ მოწინააღმდეგის მთელი ელექტრონული და რადიოაპარატურა 4 კმ რადიუსში; ანუ დატოვონ მოწინააღმდეგის ჯარი კავშირისა და მართვის გარეშე, გადააქციონ მათი ქვედანაყოფები არაორგანიზებულ ბრბოდ.

საინტერესოა, რომ ელექტრომაგნიტური ქვემეხის შექმნის იდეა ერთდროულად გაჩნდა რუსეთსა და საფრანგეთში პირველი მსოფლიო ომის დროს. მას საფუძვლად დაედო გერმანელი მკვლევარის იოჰან კარლ ფრიდრიხ ჰაუსის, ელექტრომაგნეტიზმის თეორიის ავტორის ნაშრომები. იდეამ დროს გაუსწრო და ამიტომ სამხედრო ტექნიკაში გამოყენება ვერ ჰპოვა: ფრანგულმა მოდელმა 50-გრამიანი ჭურვი 200 მილიწამამდე ააჩქარა და ღიად დამარცხდა ჩვეულებრივ არტილერიასთან. „მაგნიტო-ფუგალური“ ქვემეხის რუსული პროექტი კი ნახაზებად დარჩა.

ელექტრომაგნიტური იარაღის იდეის რენესანსი 21-ე საუკუნის დასაწყისში დადგა. 2011 წელს არციმოვიჩის რელსოტრონმა წარმატებით ჩააბარა გამოცდა რუსეთის მეცნიერებათა აკადემიის მაღალი ტემპერატურის ლაბორატორიაში. ელექტრომაგნიტური ქვემეხი ძალიან პატარა ჭურვებს ისროდა, მაგრამ ელექტრომაგნიტური აჩქარების მქონე ეს „მარცვლები“ ფოლადის დაფებს პლაზმად აქცევდა. ხუთი წლის შემდეგ რუსმა სპეციალისტებმა მასალა პრაქტიკულად პირველ კოსმოსურ სისწრაფემდე ააჩქარეს.

პარტნიორები ჩამორჩებიან

ელექტრომაგნიტური ქვემეხების პროექტებზე მუშაობენ აშშ-ში, ისრაელში, თურქეთში, საფრანგეთსა და ჩინეთში. მაგრამ არც ერთ ამ ქვეყანას არ მიუღწევია „მაღალი ხარისხის ცეცხლის“ სიშორის ათკილომეტრიანი ეფექტისთვის. მაგალითად, აშშ-ის სამხედრო-საზღვაო ძალებმა გასულ წელს რელსოტრონული ქვემეხი გამოსცადა, რომლის ჭურვის გაშვების სიჩქარე დაახლოებით 2041 მ/წამი იყო. შევნიშნავ, რომ ეს მყარსხეულიანი საბრძოლო მასალა (არა ელექტრომაგნიტური იმპულსი) მაინც ვერ აჭარბებდა თანამედროვე არტილერიის მაქსიმალურ სიჩქარეს — 2500 მ/წამს. მომავლის ომებისთვის ეს აჩქარება აშკარად არ არის საკმარისი.

რელსოტრონი — ეს ელექტრომაგნიტური ქვემეხის სახეობაა, რომლის ძირითადი ელემენტებია კვების წყარო, კომუტაციური აპარატურა და ერთიდან ხუთ მეტრამდე სიგრძის ორი ელექტროგამტარი რელსი. გასროლა მაღალი ძაბვის მიწოდების მომენტში ხდება პლაზმისა და ელექტრომაგნიტური ველის ენერგიების ხარჯზე.

ამერიკელები 475 მმ-იანი რელსოტრონული ქვემეხის გამოცდას 2000-იანი წლების დასაწყისიდან აწარმოებენ, მაგრამ წარუმატებლად. 23 კილოგრამიანი ჭურვი, რომელიც ლულიდან დაახლოებით 2200 მ/წმ სიჩქარით ფრინდება, საშინელ ნგრევას იწვევს. უცნობია, საით და რამდენად შორს მიფრინავს იგი.

ამერიკული რელსოტრონული ქვემეხის მოწინავე ამერიკულ ესკადრონულ ნაღმმზიდ Zumwalt-ზე განთავსების იდეაზე საბოლოოდ უარი თქვეს იმის გამო, რომ ის უზარმაზარი რაოდენობის ენერგიას ხარჯავდა რამდენიმე ათეულ გასროლაზე. ხომალდი არ შეიძლება იყოს საკუთარი შეიარაღების მსხვერპლი, ხოლო ელექტრომაგნიტური ქვემეხის გამოყენება ნაღმმზიდის თითქმის მთელი ელექტრონიკის გათიშვას მოიაზრებდა, ჰაერსაწინააღმდეგო და რაკეტსაწინააღმდეგო სისტემების ჩათვლით. აშშ-ის სამხედრო-საზღვაო ინსტიტუტის სპეციალისტებმა Zumwalt-ის ტიპის ნაღმმზიდების საკომანდო ხომალდებად გამოყენების წინადადება დააყენეს. კვლევები გრძელდება. მაღალტექნოლოგიური შეიარაღების სფეროში მოწინავე ქვეყნები აშკარად ჩამორჩებიან რუსეთს.

რედაქცია შესაძლოა არ ეთანხმებოდეს ავტორის მოსაზრებებს

227
სტუდენტები ლექციაზე

სკანდალი ქუთაისის უნივერსიტეტში: კათედრის მდივანი ქრთამის აღების ფაქტზე დააკავეს

0
ვის და რისთვის გამოართვა ქრთამი უნივერსიტეტის თანამშრომელმა - ჯერჯერობით უცნობია. გამოძიება გრძელდება.

თბილისი, 11 ივლისი - Sputnik. ქუთაისის აკაკი წერეთლის სახელობის სახელმწიფო უნივერსიტეტის ერთ-ერთი კათედრის მდივანი ქრთამის აღების ფაქტზე დააკავეს, იუწყება პირველი არხი.

ტელეარხის მონაცემებით, უნივერსიტეტის თანამშრომელი  ქრთამის აღების ფაქტზე გუშინ დააკავეს.

დანაშაულის დეტალები ჯერჯერობით უცნობია.

ასევე თანამდებობა დატოვა რექტორის მოადგილემ, გიგა ღავთაძემ. უნივერსიტეტის რექტორი როლანდ კოპალიანი ღავთაძის თანამდებობიდან წასვლის ფაქტს ადასტურებს, თუმცა აცხადებს, რომ ღავთაძე პირადი განცხადების საფუძველზე გადადგა.

„რაც შეეხება მდივნის დაკავების ფაქტს, არ მაქვს ინფორმაცია, რადგან არ ვარ ქუთაისში. ორშაბათს გავაკეთებ შესაბამის განცხადებას”, – განაცხადა კოპალიანმა.

 

0
თემები:
კრიმინალი საქართველოში