თვითმფრინავი

საქართველოსა და რუსეთს შორის პირდაპირი ავიამიმოსვლა შეწყდა

82
(განახლებულია 16:16 08.07.2019)
8 ივლისს როგორც რუსული, ისე ქართული ავიაკომპანიებისთვის ძალაში შევიდა რუსეთის პრეზიდენტ ვლადიმირ პუტინის ბრძანებულება საქართველოსა და რუსეთს შორის ავიამიმოსვლების დროებით შეწყვეტის შესახებ.

რუსეთის პრეზიდენტმა ვლადიმირ პუტინმა 21 ივნისს ხელი მოაწერა ბრძანებულებას, რომლის თანახმად, 2019 წლის 8 ივლისიდან დროებით იკრძალება რუსული ავიაკომპანიების ფრენები რუსეთიდან საქართველოს მიმართულებით. 22 ივნისს კი იქნა მიღებული გადაწყვეტილება, რომლის თანახმად, აიკრძალა ქართული ავიაკომპანიების მიერ პირდაპირი ფრენების განხორციელებაც. მანამდე ტურისტულ ოპერატორებსა და სააგენტოებს რეკომენდაცია მიეცათ, არ გაყიდონ საქართველოში საგზურები.

რუსეთიდან საქართველოში ფრენებს ასრულებდნენ რუსული ავიაკომპანიები „ურალის ავიახაზები", „პობედა“, „აეროფლოტი“, S7 Airlines, Red Wings Airlines, Smartavia, ასევე ქართული ავიაკომპანიები Georgian Airways და MyWay Airlines-ი. ფრენები ხორციელდებოდა მოსკოვიდან, სანკტ-პეტერბურგიდან, ყაზანიდან, როსტოვიდან, ირკუტსკიდან, ულან-უდედან, ჩიტადან, პერმიდან, ეკატერინბურგიდან, კრასნოდარიდან, სოჭიდან, ნოვოსიბირსკიდან და ა.შ. ფრენები ასევე ხორციელდებოდა თბილისიდან, ბათუმიდან და ქუთაისიდან.

ეს არ არის საქართველოსა და რუსეთს შორის პირდაპირი ავიამიმოსვლის შეწყვეტის პირველი შემთხვევა.

პირველად რეისები 2006 წელს, საქართველოსა და რუსეთს შორის ურთიერთობების დაძაბვის შემდეგ აიკრძალა. რაღაც დროით აღდგა 2008 წელს, თუმცა 2008 წლის აგვისტოს მოვლენების შემდეგ კვლავ აიკრძალა. ქვეყნებს შორის პირველი ჩარტერული რეისები 2010 წლის აგვისტოდან ხორციელდებოდა, რეგულარული ავიამიმოსვლა კი 2014 წლის 27 ოქტომბრიდან აღდგა.

ახლა კი, ოთხი წლის, რვა თვისა და ცხრა დღის შემდეგ ავიამიმოსვლა კვლავ შეწყდა. თუმცა, უნდა აღინიშნოს, რომ ქვეყნებს შორის საზღვაო და სახმელეთო გზა ღიაა.

რუსეთის ხელისუფლებაში აღნიშნავენ, რომ ეს დროებითია. რუსეთის პრეზიდენტის პრეს-სპიკერმა დმიტრი პესკოვმა რუსული ავიაკომპანიებისთვის საქართველოში ფრენების აკრძალვის გაუქმების პირობად ქვეყანაში ვითარების ნორმალიზება დაასახელა.

ამასთან ერთად პესკოვმა აღნიშნა, რომ რუსეთის ხელისუფლებას არ შეუძლია საკუთარ მოქალაქეებს საქართველოში მოგზაურობა აუკრძალოს.

„საუბარი იმაზე, რომ ხალხი საქართველოში აღარ იმოგზაურებს – ამის თქმა შეუძლებელია. ასევე შეუძლებელია ხალხისთვის საქართველოში ჩასვლის აკრძალვა, ამის გაკეთებას არავინ აპირებს. ჩვენ მარტო შეგვიძლია მოქალაქეებს რეკომენდაცია მივცეთ, ყურადღება მიაქციონ იმ საფრთხეებს, რომლებიც ამ პერიოდში შეიძლება საქართველოში წარმოიშვას. ჩვენ შეგვიძლია მივიღოთ ზომები ჩვენი მოქალაქეების უსაფრთხოების ინტერესებიდან გამომდინარე ტურისტული ნაკადის შემცირების შესახებ“, – განაცხადა პესკოვმა.

ქართულ-რუსული ურთიერთობები თბილისში მიმდინარე საპროტესტო აქციის ფონზე მკვეთრად გამწვავდა. საპროტესტო ტალღა  საქართველოში რუსეთის სახელმწიფო სათათბიროს დეპუტატ სერგეი გავრილოვის თბილისში ვიზიტისა და მისი პარლამენტში სიტყვით გამოსვლის საპასუხოდ დაიწყო. 20-21 ივნისის ღამეს ანტირუსული აქცია არეულობასა და ანტისახელმწიფოებრივ გამოსვლებში გადაიზარდა.

პოლიციამ 300-ზე მეტი ადამიანი დააკავდა, დაშავდა 240 ადამიანი, აქციის დაშლას მსხვერპლი არ მოჰყოლია, მაგრამ რეზინის ტყვიის მოხვედრის შედეგად ორმა ადამიანმა თვალი დაკარგა.

საქართველოს მთავრობას რუსი ტურისტებისა და რუსეთთან სავაჭრო ურთიერთობების შენარჩუნება სურს>>>

თბილისის ცენტრში მომხდარი არეულობის ფაქტზე გამოძიება მიმდინარეობს სსკ-ის 315-ე მუხლით – „შეთქმულება ან ამბოხება საქართველოს კონსტიტუციური წყობილების ძალადობით შესაცვლელად“. პარალელურად გამოძიება მიმდინარეობს პოლიციის ცალკეული თანამშრომლის მხრიდან ძალის შესაძლო გადამეტების ფაქტებზე.

პარალელურად საქართველოს საგარეო საქმეთა სამინისტრომ განაცხადა, რომ სახელმწიფო უწყებები სრულად უზრუნველყოფენ ქვეყანაში წესრიგსა და უსაფრთხოებას.

რიგითი მოქალაქეების შიშები

ტურისტებს შორის, რომლებიც საქართველოს სტუმრობენ, რუსი ტურისტები პირველ ადგილზე არიან. 2019 წლის იანვრიდან მაისის ჩათვლით რუსეთის მოქალაქეებმა საქართველოში დაახლოებით 540 ათასი ვიზიტი განახორციელეს, რაც 2018 წლის ანალოგიური პერიოდის მონაცემზე 31%-ით მეტია.

საქართველოსა და რუსეთს შორის პირდაპირი ავიამიმოსვლის აკრძალვა ერთგვარ კატასტროფად შეაფასა ბევრმა მოქალაქემ, რომელთა ძირითადი შემოსავლის წყარო ტურიზმია.

საქართველოს გიდების ასოციაციის წევრმა ეკატერინე ლომაძემ აღნიშნული აკრძალვის გამო ქართველი გიდების შესაძლო ფინანსურ დანაკარგზე ისაუბრა.

„ჩვენთან რუსულენოვანი და ინგლისურენოვანი გიდების რაოდენობა 50/50-ზეა. ახალგაზრდობა, ძირითადად, ინგლისურენოვანია და მათ ვერც იგრძნეს ის, რაც ახლა მოხდა. ისინი, ვინც რუსულენოვანი იყვნენ, ყოფილი საბჭოთა კავშირის იმ ტურისტებთან რჩებიან, რომლებიც რუსულ ენაზე საუბრობენ. მე მთელი აგვისტო დაჯავშნული მქონდა და მთელი აგვისტო უკვე დავკარგე და დავზარალდი... მარტო ამ თვეში დავკარგე 1-დან 1,5 ათასამდე დოლარი“, – განაცხადა ლომაძემ „Sputnik საქართველოსთვის“ მიცემულ ინტერვიუში.

საკუთარ უკმაყოფილებას ასევე გამოხატავენ მცირე სასტუმროების მეპატრონეებიც.

საქართველოს სასტუმროებისა და რესტორნების ფედერაციაში განაცხადეს, რომ ზარალმა შეიძლება 2,1 მლრდ ლარს მიაღწიოს.

რუსეთიდან ტურისტების ნაკადის შენარჩუნების მნიშვნელობაზე ისაუბრა საქართველოს პრემიერ-მინისტრმა მამუკა ბახტაძემ. მისი სიტყვებით, ხელისუფლება ყველა მიმართულებით მუშაობს. „ჩვენი მიზანია ეკონომიკური ინტერესების დაცვა და თითოეული მოქალაქის ეკონომიკური ინტერესი", – აღნიშნა პრემიერმა პრესკონფერენციაზე.

რუსი ტურისტები, ისევე, როგორც სხვა ქვეყნების ტურისტები, მნიშვნელოვან როლს ასრულებენ ჰუმანიტარული კავშირების გავრცელებასა და განმტკიცებაში, განაცხადა რუსეთთან ურთიერთობის საკითხში საქართველოს პრემიერის სპეცწარმომადგენელმა ზურაბ აბაშიძემ.

ექსპერტების მოსაზრება

საქართველოს საგარეო საქმეთა ყოფილი მინისტრი ირაკლი მენაღარიშვილი მიიჩნევს, რომ საქართველოსა და რუსეთს შორის საპროტესტო ტალღის ფონზე წარმოქმნილი დაძაბულობა მალე მოიხსნება.

„არსებული ვითარება, ალბათ, საკმაოდ სწრაფად მოგვარდება, რამდენადაც რაიმე სახის ანტირუსული საფუძველი ამ მოვლენებს არ აქვს. ეს უფრო მეტად საქართველოს შიდა პოლიტიკური დისპუტია. რაც შეეხება ქართულ-რუსულ გაუგებრობებს, მათ უფრო ღრმა ფესვები აქვთ, მათ სულ სხვა მასშტაბი აქვთ და მათი გადაწყვეტა ახლო მომავალში, არა მგონია, შესაძლებელი იყოს“, – განაცხადა მენაღარიშვილმა „Sputnik–საქართველოსთან“.

მისი სიტყვებით, რუსი ტურისტები საქართველოში საკმაოდ მალე დაბრუნდებიან და ამასთან ერთად ავიამიმოსვლაც აღდგება. სხვა შეზღუდვებიც, რომლებიც შეიძლება ვაჭრობის დარგში წარმოიშვას, ისინიც მოიხსნება, დარწმუნებულია ექს-მინისტრი.

პოლიტიკურ მეცნიერებათა დოქტორი, პროფესორი თამარ კიკნაძე კი მიიჩნევს, რომ ავიამიმოსვლის აკრძალვა საქართველოზე უარყოფითად იმოქმედებს.

„შედეგი მძიმე იქნება, რადგან რუსი ტურისტები არ ჩამოვლენ და ეს ეკონომიკასა და ფინანსურ მდგომარეობაზე მტკივნეულად აისახება. ვფიქრობ, პოლიტიკისთვისაც ცუდია, რადგან ხალხში გაჩნდა ერთგვარი შეხების წერტილები, ხიდი გაიდო და ტურიზმმა ჩვენი ხალხების დაახლოებას ხელი შეუწყო“, – განაცხადა კიკნაძემ „Sputnik–საქართველოსთან“ ინტერვიუში.

82
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
ფულის კუპიურები

დაცემა და ზრდა? რა გავლენა მოახდინა COVID-19–მა რუსეთიდან ფულად გადარიცხვებზე

38
(განახლებულია 15:00 30.05.2020)
ფულადი გადარიცხვების სისტემები მიმდინარე გაზაფხულზე ტრანსსასაზღვრო ნაკადების მოცულობის შემცირებას აფიქსირებს. რუსეთიდან ახლო საზღვარგარეთის ქვეყნებში გადარიცხვები ზოგ კომპანიაში 50%-ით შემცირდა.

მარია ნაუმენკო

ასეთი მაჩვენებლები იმითაა განპირობებული, რომ შრომითი მიგრანტების ნაწილი პანდემიის გამო სამშობლოში დაბრუნდა, ან უმუშევარი დარცა რუსეთში. რა ხდება ახლა ფულადი გადარიცხვების ბაზარზე და როგორია საკვანძო მოთამაშეების პროგნოზები სფეროს აღსადგენად? 

აპრილში გადარიცხვების მოცულობა განახევრდა

აპრილში ბაზარმა რუსეთიდან მეზობელ ქვეყნებში სტრანსსასაზღვრო გადარიცხვების არსებითი დაცემა განიცადა. თუ მიმდინარე წლის მარტში, გასული წლის ანალოგიურ პერიოდთან შედარებით, შემცირება მხოლოდ 5-10%–ს შეადგენდა, უკვე აპრილში, სერვის „ოქროს გვირგვინი – ფულადი გარაიცხვების“ დირექტორის, ივან სიტნოვის თქმით, 50%-ს მიაღწია. მაისის მაჩვენებლები კი უკვე აღწევს 25-30%-ს.

მსგავსი ტენდეცია დააფიქსირა „ ოინისტრიმმაც“. როგორც საერთაშორისო ფულადი გადარიცხვების საერთაშორისო სისტემის პრეზიდენტმა ქსენია ჩერნიშევამ აცნობა Sputnik–ს, 2020 წლის აპრილში ფულადი გადარიცხვების მოცულობა, მარტის მაჩვენებლებთან შედარებით, 34%-ით დაეცა. მაისში კი, აპრილთან შედარებით, მოცულობის დაახლოებით 10%-ით ზრდა შეინიშნებოდა.

„რუსეთიდან ახლო საზღვარგარეთის ქვეყნებში ტრანსსასაზღვრო გადარიცხვების ლომის წილი — ეს არის ფული, რომელსაც მიგრანტები გამოიმუშავებენ და ოჯახებს უგზავნიან სამშობლოში. მარტში კორონავირუსთან დაკავშირებული ვითარება ისეტი მწვავე არ იყო, საწარმოების მნიშვნელოვანი ნაწილი ფუნქციონირებდა, აპრილში კი მუშაობა შეწყვიტეს. ბევრი უცხოელი იძულებული გახდა, ან თავის ქვეყანაში დაბრუნებულიყო, ან ერთ ადგილას მჯდარიყო და დალოდებოდა.  ანუ მათ სახლებში გასაგზავნი არაფერი ჰქონდათ“, — განმარტა კომპანია „ფინამის“ ანალიტიკოსმა ალექსეი კორენევმა.

Western Union–ის პრესამსახურში კი აღნიშნეს, რომ აპრილში, მართთან შედარებით, გადარიცხვების შემცირება შეინიშნებოდა და ეს პროცესი ახლაც გრძელდება.

„ფიზიკური პირების მიერ ერთმანეთისთვის გადარიცხვების მოცულობა COVID-19–ის გამო 21%-ით შემცირდა, მარტში ეს მაჩვენებელი 30% იყო.  სიტუაციის გაუმჯობესება აპრილში გამოწვეულია პოზიტიური ტრენდებით რიტეილურ ქსელში და ასევე  ციფრული ფულადი გადარიცხვების 77%-იანი ზრდით. მასიში Western Union–ი კვლავინდებურად აფიქსირებს პოზიტიურ დინამიკას ფიზიკური პირების გადარიცხვების მხრივ“, — აცხადებენ კომპანიაში. 

დარტყმა ქვეყნების ეკონომიკაზე

„დსთ–ის ქვეყნების უმეტესობისთვის რუსეთიდან ფულადი სახსრების მიღება — ეს  ბიუჯეტის არსებითი შევსებაა. ეს ვალუტა ეხმარება მათ, კვლავაც განახორციელონ რაღაც სახის სავაჭრო ოპერაციები. ამიტომ ქვეყნებისთვის, რომლებითვისაც ფულადი გზავნილები დიდ როლს ასრულებს (პირველ რიგში, ყირგიზეთისა და ტაჯიკეთისთვის), მოსალოდნელი სახსრების შეჩერება დიდი დარტყმაა ეკონომიკისთვის“, — ასკვნის სიტნოვი. 

რუსეთი ეკონომიკაზე კი, მისი თქმით, ტრანსსასაზღვრო გადარიცხვების მოცულობის შემცირებას პრაქტიკულად არ მოუხდენია გავლენა. 

რა აღადგენს სფეროს

ივან სიტნოვის აზრით, ფულადი გადარიცხვების ბაზრის აღდგენაზე ორი ფაქტორი მოახდენს გავლენას: ფიზიკური პირების მომსახურების პუნქტების გახსნა და საერთაშორისო ავიაფრენების აღდგენა.

„ჩვენ ვხედავთ, რომ მაისში მოსკოვში ზოგი საკარანტინო შეზღუდვა იხსნება, სულ უფრო მეტი პუნქტი იწყებს მუშაობას, შეინიშნება გარკვეული ზრდა. რაც შეეხება საზღვრებს ისინი ი მ სეზონის დასაწისში ჩაიკეტა, როცა ხალხი რუსეთში უნდა ჩამოსულიყო სამუშაოდ. როგორც კი საზღვრები გაიხსნება, სიტუაცია გაუმჯობესდება. როდის მოხდება ეს — ერთი თუ ორი თვის შემდეგ — ამის თქმა ძნელია. ყველაფერი დამოკიდებულია კორონავირუსზე“, — მიაჩნია „ოქროს გვირგვინის“ წარმომადგენელს. 

ალექსეი კორენევის ვარაუდით, „ფულადი გადარიცხვების სეგმენტი საკმაოდ სწრაფად შეძლებს ძველ მაჩვენებლებზე დაბრუნებას, როგორც კი შრომის ბაზარი აღდგენას დაიწყებს“.

„ახლა სრულად ამოქმედდება მშენებლობები, გზების რემონტები. მუშახელი საჭიროა. და რახან ისინი საჭიროა, მიგრანტები ისევ დაბრუნდებიან რუსეთში. თუმცა შრომის ბაზარი შესაძლოა შესამჩნევად შეიცვალოს“, — ამბობს ანალიტიკოსი.

მისი აზრით, თუ პანდემიამდე რუსეთის მოქალაქეებისთვის მძიმე ფიზიკურ შრომასთან დაკავშირებული პროფესიები არაპოპულარული იყო, და ეს სამუშაო ადგილები უცხოელებს ხვდებოდა, ახლა ჩამოსულები შეიძლება კონკურენციას შეეჯახნენ — რუსეთის მოქალაქეები იმ ვაკანსიების მიღებას მოისურვებენ, რომლებზე მოთხოვნაც მანამდე მხოლოდ შრომით მიგრანტებს შორის არსებობდა. 

38

რუსეთმა უახლესი ჰაუბიცის გამოცდა დაიწყო: უფრო მობილური და მძლავრი

39
(განახლებულია 14:13 30.05.2020)
ნიჟეგოროდის ოლქის პოლიგონზე ავტომობილ КамАЗ-6550–ის ბაზაზე აგებული თვითმავალი საარტილერიო დანადგარის გამოცდა დაიწყო.

ალექსანდრ ხროლენკო

უახლესი ჰაუბიცა Коалиция-СВ–ის საცდელი ვერსია მაისის ბოლოს შევიდა რუსეთის არმიაში. დანადგარი Т-90–ის ბაზაზეა შექმნილი და მისი დანიშნულება 70 კმ რადიუსში სახმელეთო სამიზნეების განადგურებაა: მოწინააღმდეგის საკომანდო პუნქტების, ჯავშანტექნიკის, რაკეტსაწინააღმდეგო და ჰაერსაწინაამდეგო სისტემებისა და ასევე ცოცხალი ძალისა. დღეს ამ ჰაუბიცას მოსფლიოში ანალოგი არ აქვს. თითქმის იმავდოულად დაიწყო КамАЗ-6550–ის ბაზაზე აგებული თვითმავალი საარტილერიო დნადგარის საცეცხლე გამოცდაც. 

ტესტირების დასრულება მიმდინარე წელს იგეგმება, რის შემდეგაც მიიღებენ გადაწყვეტილებას ჰაუბიცის  ბორბლებიანი მოდიფიკაციის სერიული წარმოების შესახებ.

ბორბლებიანი Коалиция-СВ–ის მსგავსი დღეს რუსეთის ჯარში არ არის. მუხლუხოებიან ანალოგებთან შედარებით, მას აქვს ისე თი უპირატესობები, როგორებიცაა  მობილურობა, საერთო დანიშნულების ავტოსატრანსპორტო მაგისტრალებზე გამოყენება გზის საფარველის და ზიანების გარეშე, სიარულის მარაგის დიდი რესურსი.

დამამზადებელი საწარმოს გენერალური დირექტორის, დმიტრი სემიზოროვის თქმით, „კოალიცია — ეს მომავლის მანქანაა. ის დროს უსწრებს“.

ბორბლებიანი დანადგარი ნამდვილად დააინტერესებს უცხოელ კლიენტებს. მაგალითად, თვითმავალი ჰაუბიცის წინა თაობის საექსპორტო მოდიფიკაცია Мста-С (155 მმ კალიბრით), რომელსაც აქვ უნარი, გამოიყენოს როგორც ადგილობრივი, ისე იმავე კალიბრის დასავლური საბრძოლო მასალები, 1,6 მლნ დოლარი ღირს. 

აბუ–დაბიში გამართულ IDEX-93–ის გამოფენაზე Мста-С–მა წარმოაჩინა არაერთი უპირატესობა: 15 კმ დისტან ციაზე სროლისას 40–დან 38 სამიზნე დააზიანა. გამომდინარე იქიდან, რომ Коалиция-СВ კიდევ უფრო სრულყოფილია, მას დიდი მომავალი აქვს გარანტირებული რუსეთის არმიაშიც და შეიარაღების საერთაშორისო ბაზარზეც. 

ახალი თაობა

საარტილერიო სისტემა Коалиция-СВ–მ წინა თაობის Мста-С–სგან მემკვიდრეობით მიიღო უზარმაზარი საცეცხლე სიმძლავრე.  Коалиции-СВ–ს 152 მმკალიბრის ქვემეხს წუთშ 10 გასროლის უნარი აქვს, რაც ანალოგიური საარტილერიო სისტემების სროლის სიჩქარეს აჭარბებს. — მათ შორის, უცხოურს. მაგალიტად, ამერიკულ М109А6 Paladin–ს ექვსი გასროლის წარმოება შეუძლია წუთში. Коалиции-СВ–ს სროლის მაღალი ტემპი უზრუნველყოფილია სრულად ავტომატური დატენვით. მნიშვნელოვან როლს ასრულებს მთელი დენთის ერთდროული წვის მიკროტალღური სისტემა.

ახალ ჰაუბიცას სამი სპეციალისტი ემსახურება: მძროლ–მექანიკოსი, მეთაური და მემიზნე ოპერატორი. ამასთან, საარტილერიო კოშკურა თავისუფალია, მთეილ ეკიპაჟი დაჯავშნულ კაფსულაშია განთავსებული.

უახლეს საარტილერიო სისტემის ბორბლებიან და მუხლუხოვან ვარიანტებს აქვს უნიფიცირებული საბრძოლო ნაკვეთური — სრულად მბრუნავი კოშკურა და 152 მმ ჰაუბიცა 2А88. მის შეიარაღებაში ასევე შედის დისტანციურად მართვადი ტურელური დანადგარი 12, 7 მმ კალიბრის ტყვიამფრქვევით.

მეთაურისა და მემიზნის სამუშაო ადგილები ციფრული დისპლეებითაა აღჭურვილი და ტაქტიკური რგოლის ავტომატიზირებულ ერთიან სისტემაშია ინტეგრირებული.

ეს ეკიპაჟს საშუალებას აძლევს, ეფექტურად იმოქმედოს, სხვადასხვა წყაროებიდან ციფრული არხებით მიიღოს სამიზნე–მითითებები, აწარმოოს ადგილზე სადღეღამისო დაკვირვება, ასევე ავტომატური გათვლები სროლისთვის და ნებისმიერ ამინდში ცეცხლის კორექტირებაც მოახდინოს. 

გარე მონაცემებს ამუშავებს ბორტის საინფორმაციო–სამეთაურო სისტემა, რომელიც იძლევა მონაცემებს სროლისა და საბრძოლო მასალების მართვის შესახებ.

საცეცხლე მახასიათებლებით Коалиция-СВ სამამულო და უცხოური წარმოების ყველა თვითმავალ საარტილერიო დანადგარს აღემატება. ამგვარი პოტენციალით უახლესი ჰაუბიცა პერსპექტივაში ყველა თვითმავალ დანადგარს ჩაანაცვლებს რუსეთის სახმელეთო ჯარებში.

Коалиция-СВ ნიჟეგოროდის ცენტრალურ სამეცნიერო კვლევით ინსტიტუტში დამუშავდა. ფართო პუბლიკას ის პირველად 2015 წლის 9 მაისს წარუდგინეს გამარჯვების აღლუმზე მოსკოვში. 2017 წლის სექტემბერში რუსეთის თავდაცვის სამინისტრომ ხელი მოაწერა კონტრაქტს Коалиция-СВ–ის საცდელი პარტიის მიწოდებაზე, რაც 2020 წლისთვის სერიულ მიწოდებას ითვალისწინებდა.

უახლესი ჰაუბიცა Коалиция-СВ–ს ორი მოდიფიკაცია — ეს მომვლის იარაღია, რომლის ფლობაც უკვე დღესაა მიზანშეწონილი. ხვალ შესაძლოა მესამე – სახომალდე ვერსიაც გამოჩნდეს.

ზეზუსტი საბრძოლო მასალები

სროლის სიშორით Коалиция-СВ ორჯერ აღემატება ანალოგებს ( დაახლოებით 70 კმ). მაგალითად, შეიარაღებაში 2012 წელს შესულ რუსულ Мста-С - 2С19М2–ს სამიზნის დაზიანება 30 კმ მანძილზე შეუძლია. გერმანულმა ჰაუბიცა PZH 2000–მა კი სამხრეთ აფრიკაში ერთხელ გაგზავნა სპეციალური ჭურვი V-LAP–ი 56 კმ მანძილზე, მაგრამ ჩვეულებრივ რეჟიმში სროლის სიშორე 30 კმ–ს არ აღემატება.

დიდ მანძილზე სროლისას მნიშვნელოვანია მაღალი სიზუსტე. უახლესი მართვადი ჭურვების წყალობით, რუსეთის არმიის პირველი ზეზუსტი საარტილერიო სისტემა იქნება. საშტატო საბრძოლო მასალების გამოცდები 2021 წელს დასრულდება. 

ტულის საკონსტრუქტორო ბიურომ ძალიან ზუსტი და მძლავრი ფუგასური საბრძოლო მასალა შექმნა „ერთი სროლისთვის“. თითო ასეთი 152-მმ ჭურვი დაახლოებით 50 ათასი დოლარი ღირს, სამაგიეროდ, მოწინააღმდეგის ბუნკერზე თუ სხვა გამაგრებულ ობიექტზე ერთი მოხვედრის შემდეგ მეორე სროლა საჭირო აღარააა. დამიზნებას ლაზერის სხივით ახდენს ოპერატორი ან უპილოტო აპარატი.

კიდევ ერთი „ჭკვიანი“ საბრძოლო მასალა შექმნეს ,ოსკოვის საკონსტრუქტორო  ბიურო „კომპასში“. ახასიათებს სამიზნის ზუსტი განადგურება წიონასწარ ცნობილი კოორდინატებით. სამიზნიდან გადახრის ალბათობა 10 მეტრს არ აჭარბებს. მისი ფასი დაახლოებით ათასი დოლარია, როცა ერთი ამერიკული Excalibur–ი 80 ატასი დოლარი ჯდება.

საარტილერიო სისტემა Коалиция-СВ მოწინავე უცხოური ანალოგების პასუხად შეიქმნა — მხოლოდ და მხოლოდ მშვიდობისა და საერთაშორისო სტაბილურობის განმტკიცების მიზნით.

P.S. რედაქცია შესაძლოა არ ეთანხმებოდეს ავტორის მოსაზრებებს!

39
ნიკოლ ფაშინიანი

ფაშინიანი: სომხეთი საქართველოს დახმარებისთვის საჭიროების შემთხვევაში მიმართავს

0
(განახლებულია 09:54 31.05.2020)
სომხეთის მთავრობა მადლიერია თბილისის COVID-19-თან ბრძოლაში დახმარების მზადყოფნისთვის, მაგრამ ხელისუფლებსა სიტუაციას საკუთარი ძალებით გამკლავების იმედი აქვს

თბილისი, 31 მაისი — Sputnik. სომხეთი კორონავირუსის ბრძოლაში საქართველოს საჭიროების შემთხვევაში მიმართავს, თუმცა ქვეყნის ხელისუფლებას იმედი აქვს, რომ ამის საჭიროება არ დადგება, განაცხადა სომხეთის პრემიერ-მინისტრმა ნიკოლ ფაშინიანმა ბრიფინგზე, იუწყება Sputnik-სომხეთი.

რამდენიმე დღის წინ საქართველოს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ აღნიშნა, რომ თუ სომხეთს რაიმე დახმარება დასჭირდება, მათ შორის კორონავირუსით დაავადებული პაციენტების მკურნალობის კუთხით, საქართველო მზად არის დახმარება აღმოუჩინოს.

„ეპიდემიის პირველივე დღიდან ჩვენ მჭიდროდ ვითანამშრომლეთ საქართველოს ხელისუფლებასთან, დაწყებული პრემიერ-მინისტრით, დამთავრებული სპეციალისტებით. ჩვენ ამ თანამშრომლობას ეფექტურად მივიჩნევთ“, - განაცხადა ფაშინიანმა.

მან აღნიშნა, რომ საქართველო სომხეთისთვის მოძმე ქვეყანაა და დახმარებისთვის მზადყოფნა ურთიერთობებს კიდევ უფრო ათბობს.

მან გაიხსენა, რომ 2019 წელს, როდესაც საქართველოში იყო წითელას აფეთქება, სომხეთი საქართველოს 30 000 ვაქცინით დაეხმარა. მან აღნიშნა, რომ ასეთ დროს მხარეები ერთმანეთის გვერდით უნდა იყონ.

პრემიერმა აღნიშნა, რომ ეპიდემიის საკითხი სომხეთის ორმხრივი ურთიერთობების დღის წესრიგში ყველა მეზობელთან დგას - საქართველოსთან, ირანთან და საერთაშორისო პარტნიორებთან.

„ბოდიში უნდა მოიხადოს“ - თენგიზ ცერცვაძე სომხეთის ჯანდაცვის მინისტრის განცხადებამ შეაშფოთა >>

30 მაისის მდგომარეობით, სომხეთში COVID-19-ით ინფიცირების დადასტურებული შემთხვევების რაოდენობა 8927-ს აღწევს. სულ გამოჯანმრთელდა 3317 ადამიანი, მკურნალობას 5435 პაციენტი გადის. ქვეყანაში მთლიანობაში 57081 ტესტი ჩატარდა. დაავადებამ 127 ადამიანის სიცოცხლე იმსხვერპლა, კიდევ 48 პაციენტი სხვა დაავადებების გართულებებისგან დაიღუპნენ.

0
თემები:
COVID-19-ის პანდემია მსოფლიოში