ლომბარდი

ლომბარდებისთვის ახალი რეგულაციები ამოქმედდება სესხზე ხელმისაწვდომობა იზღუდება

308
(განახლებულია 19:04 01.07.2019)
იმ ფონზე, როდესაც ლარის კურსი ლამის ყოველდღიურად უფასურდება, მოსახლეობისთვის სულ უფრო აქტუალური ხდება ფულის სესხების პრობლემა. ამ დროს ხელისუფლება მაქსიმალურად ცდილობს, ხალხს სესხის აღება გაურთულოს - მთავრობა ასე „ჭარბვალიანობას“ ებრძვის.

თემურ იოსელიანი

მორიგი რეგულაცია, რაც, ექსპერტების თქმით, სესხების გაძვირებას შეუწყობს ხელს, ლომბარდებს ეხება. ეროვნული ბანკის პრეზიდენტის ბრძანებით, ლომბარდებს გირაოს სახით ჩადებული ქონების განკარგვა შეეზღუდათ, მიმდინარე წლის 1 ივლისიდან კი მომხმარებლის მიერ დაგირავებული ქონების გადაგირავებაც უნდა აკრძალულიყო, თუმცა ეს ნორმა გადაავადეს და ის 1 ნოემბრიდან შევა ძალაში.

მიზანი ერთი, შედეგი - მეორე

ერთია გაცხადებული მიზანი და მეორე - მიღებული შედეგი. მას შემდეგ, რაც ონლაინ-სესხები შეიზღუდა და საბანკო სესხების აღება გართულდა, ვადაგადაცილებული სესხები მაინც იზრდება.

საქართველოს ეროვნული ბანკის ინფორმაციით, მაისში ვადაგადაცილებული სესხები 5.6 მლნ ლარით გაიზარდა და 499.3 მლნ ლარს გაუტოლდა. მათი წილი კომერციული ბანკების საკრედიტო პორტფელში 1.8%-ია. ვადაგადაცილებული სესხების 42.2% ლარშია გაცემული.

რაც შეეხება ლომბარდებს, ისინი უკვე ლიცენზირების ქვეშ მოექცნენ და ვალდებული გახდნენ სესხის გამცემ სუბიექტებად დარეგისტრირებულიყვნენ. ახლა კი, როგორც უკვე აღვნიშნეთ, გირაოს სახით ჩადებული ქონების განკარგვა ეზღუდებათ.

როგორც საქართველოს ეროვნული ბანკის პრეზიდენტის ბრძანება №89/04-ში ვკითხულობთ, „სესხის გამცემ სუბიექტს ეკრძალება გაცემული სესხის უზრუნველსაყოფად მიღებული ქონების, მის მიერ აღებული ნებისმიერი სახის ვალდებულების უზრუნველყოფის საგნად გამოყენება“.

ასევე, „სესხის გამცემ სუბიექტს… ეკრძალება გამოთავისუფლებული ქონების ჩანაცვლება იმ ქონებით, რომელიც მიღებულია გაცემული სესხის უზრუნველსაყოფად. აღნიშნული აკრძალვა ასევე მოქმედებს საკრედიტო ხაზის ლიმიტის აუთვისებელ ნაწილზეც“.

მარეგულირებელში აცხადებენ, რომ ცვლილების ძირითად მიზანს წარმოადგენს მომხმარებელთა უფლებების დაცვა, რადგან დაგირავებული ქონების გადაგირავება ზრდიდა აღნიშნული ქონების დაკარგვის რისკს და აჭიანურებდა სესხის გადახდის შემდეგ ქონების დაბრუნების პროცესს.

სესხის გამცემი სუბიექტებისთვის მორიგი რეგულაციის დაწესებას მიესალმება მიკროსაფინანსო ორგანიზაცია „რიკო კრედიტის“ სამეთვალყურეო საბჭოს თავმჯდომარე ლაშა ნიკოლაიშვილი. მისი თქმით, დღეს სალომბარდო ბაზარზე ქაოსური მდგომარეობაა გამომდინარე იქიდან, რომ უამრავი მცირე ზომის ლომბარდია, რომლებიც სრულიად გაუმჭვირვალედ ოპერირებენ და მომხმარებლებს პრობლემებს უქმნიან.

„ჩვენთან, მაგალითად, პოლიციამ ამოიღო პატარა ლომბარდის მეპატრონის მიერ (დააგირავა როგორც კერძო პირმა) დაგირავებული 20 000 ლარის ნივთები, იმიტომ რომ სისხლის სამართლის საქმეა აღძრული. გაირკვა, რომ ამ ადამიანმა თავის ლომბარდში მოსახლეობისგან ჩაიბარა ნივთები, ჩვენთან გადააგირავა და, საბოლოოდ, თანხა არ გადაიხადა. აღნიშნულ ქეისში ისევ მოსახლეობაა დაზარალებული“, - აღნიშნავს ნიკოლაიშვილი.

ნიკოლაიშვილი ამბობს, რომ ლომბარდების 70%-ს „შავი ბუღალტერია“ აქვს, რაც ეკონომიკისთვის უზარმაზარი შავი ხვრელია.

ლომბარდებზე გარკვეული ტიპის რეგულაციები წლის დასაწყისიდან უკვე გავრცელდა. მათ შორისაა ლიცენზიების აღება და ამაში 10 000 ლარის გადახდა, ფართთან დაკავშირებული საკითხები. მაშინდელი რეგულაციის მიხედვით, სესხის გამცემი სუბიექტის ფილიალის საოპერაციო ფართი უნდა იყოს არანაკლებ 15-20 მ2. სავალდებულო გახდა ფართის გადატიხვრა, რემონტი, ვიდეოკამერები, ცეცხლგამძლე სეიფები და ა.შ., რაც საბოლოოდ ლომბარდის მფლობელებს ათი ათასობით ლარი დაუჯდათ.

სტატისტიკის მიხედვით, 2017 წლის ბოლოსათვის საქართველოში სალომბარდო საქმიანობაში 875 მოქმედი ორგანიზაცია იყო. ლომბარდების სალაროში არსებული ნაღდი ფულის მოცულობამ 2017 წლის ბოლოსთვის 23,8 მლნ ლარი შეადგინა. მათ შორის 79,8% გამოსახული იყო ლარში, ხოლო დანარჩენი 20,2% - უცხოურ ვალუტაში.

რაც შეეხება საბანკო სესხების შეზღუდვას, რაც სრულად 1 იანვრიდან ამოქმედდა, ის რამდენიმე მიმართულებას ითვალისწინებს, მათ შორის, შემოსავლის მიხედვით დადგენილ ლიმიტებს. ვისაც შემოსავალი ბანკში არ ერიცხება, იანვრიდან ამოქმედებული რეგულაციებით, სესხის აღების შენსი პრაქტიკულად აღარ დაუტოვეს. მაგრამ ბაზარმა მაინც ნახა ერთგვარი გამოსავალი და იმ ადამიანებისთვის, ვისაც შემოსავალი აქვს, მაგრამ ბანკში არ ერიცხება, სესხის გაცემა შესაძლებელი გახდა. მაგალითად, ძიძა, ტაქსის მძღოლი, რეპეტიტორი, ხელოსანი და ა.შ. ბანკის წარმომადგენლისვე მიტანილ ფურცელს შეავსებს, რაც უკვე შემოსავლის დადასტურების ტოლფასია. ბანკიც, თუ დარწმუნდა, რომ შემოსავალი რეალურად აქვს სესხის მსურველს, უკვე ფულსაც ასესხებს. ასე რომ, თავისთავად, „ჭარბვალიანობასთან“ ბრძოლა ამ კატეგორიის ხალხის მიმართ თან გაუაზრებელი იყო, თან არათანმიმდევრული.

ხელისუფლების და სებ-ის პოზიცია

ხელისუფლება რომ ლომბარდების საქმიანობაში გარკვეულ შეზღუდვებს აპირებდა, შარშან გახდა ცნობილი. მაისში მაშინ ჯერ კიდევ ფინანსთა მინისტრმა მამუკა ბახტაძემ თქვა, რომ ავტომობილების თუ უძრავი ქონების დალომბარდება უნდა აკრძალულიყო, რაც ხელს შეუწყობდა ჭარბვალიანობასთან ბრძოლას.

„პირადად ჩემი განწყობაა, რომ ეს უნდა მოხდეს მიმდინარე თვეს, მაისშივე. ლომბარდები საქართველოში გარკვეულწილად გადაიქცა ჭარბვალიანობის მთავარ პრობლემად. მეტიც, არის შემთხვევები, როდესაც ის გახდა კრიმინალის წამახალისებელი წყაროც. აქედან გამომდინარე, რა თქმა უნდა, ის თამაშის წესები, რომელზეც ვისაუბრეთ, აუცილებლად გავრცელდება ლომბარდებზე. ამასთან ერთად, ჩვენ გვაქვს კონსულტაციები და ჩვენი მოსაზრებაა, რომ ლომბარდებში უნდა აიკრძალოს როგორც ავტომობილების, ასევე უძრავი ქონების ე.წ. დალომბარდება“, - აღნიშნა მამუკა ბახტაძემ.

შარშან, აგვისტოში უკვე გავრცელდა ინფორმაცია, რომ ავტომობილების დალომბარდება მართლაც აიკრძალა. მაგრამ თუ ხელისუფლება ჭარბვალიანობას ებრძვის და, მაგალითად, ავტომობილების დალომბარდებით სესხის გაცემა ჭარბვალიანობის ხელშემწყობად მიაჩნია, მაშინ ლოგიკური იქნებოდა, რომ ავტომობილის უზრუნველყოფით სესხის გაცემა საერთოდ აკრძალულიყო. არადა, დღეს არაერთი ბანკიდან თუ სხვა ორგანიზაციიდან კვლავ შეიძლება ავტომობილის უზრუნველყოფით სესხის აღება.

ჩვენ მივმართეთ ეროვნულ ბანკს შეკითხვით, რეალურად ვის აეკრძალა ავტომობილების უზრუნველყოფით სესხის გაცემა, რაზეც წერილობით ასე გვიპასუხეს:

„2018 წლის აგვისტოს თვეში საქართველოს სამოქალაქო კოდექსში განხორციელდა ცვლილება (მუხლი 254), რომლის თანახმადაც ფიზიკურ პირზე (მათ შორის, ინდივიდუალურ მეწარმეზე) გასაცემი/გაცემული სესხის/კრედიტის ხელშეკრულებიდან გამომდინარე მოთხოვნის უზრუნველყოფის საშუალებად არ შეიძლება გამოყენებულ იქნეს „საგზაო მოძრაობის შესახებ“ საქართველოს კანონის 53-ე მუხლის პირველი პუნქტით განსაზღვრული სატრანსპორტო საშუალება ან/და სასოფლო-სამეურნეო მანქანის დამხმარე ტექნიკური საშუალება, აგრეთვე სარკინიგზო სატრანსპორტო საშუალება.

აღნიშნული შეზღუდვა არ ვრცელდება „საქართველოს ეროვნული ბანკის შესახებ“ საქართველოს ორგანული კანონის შესაბამისად საქართველოს ეროვნული ბანკის ზედამხედველობისადმი დაქვემდებარებული კომერციული ბანკის, მიკროსაფინანსო ორგანიზაციის, არასაბანკო სადეპოზიტო დაწესებულების საკრედიტო კავშირის და სესხის გამცემი სუბიექტის მიერ დასადები/დადებული სესხის/კრედიტის ხელშეკრულებიდან გამომდინარე მოთხოვნის უზრუნველყოფაზე“.

ასე რომ, საკითხავია - ჭარბვალიანობას ებრძვიან მთავრობა და ეროვნული ბანკი თუ სესხების გამცემ ორგანიზაციებს?

კომენტარები

გაზეთი „რეზონანსი“ წერს, რომ ლომბარდების წარმომადგენლები ღია კომენტარს ერიდებიან, პირად საუბრებში კი სებ-ის გადაწყვეტილებას არ ეთანხმებიან და ამბობენ, რომ ამ პირობებში ბაზარზე მხოლოდ მსხვილი ბიზნესი დარჩება, ისიც შეზღუდული აქტივებით.

სალომბარდო ბიზნესის რეგულირების აუცილებლობას ადასტურებს ფინანსისტი დავით წიქარიძე, თუმცა იმასაც ეთანხმება, რომ ახალი ნორმებით ფულზე ხელმისაწვდომობა კიდევ უფრო რთულდება.

„ერთი მხრივ რეგულაციები კარგია, ამდენი ლომბარდი ნამდვილად არ უნდა იყოს, მაგრამ გაჭირვებული ხალხისათვის, რომელსაც მხოლოდ წვდომა შეეზღუდა ფულზე, ძალიან ძნელი გადასატანი იქნება. ისინი მევახშეებთან წავლენ, სადაც კიდევ უფრო მძიმე პირობები დახვდებათ“, - აცხადებს წიქარიძე „რეზონანსთან“.

სალომბარდო ბიზნესს სხვა სიახლეც ელის წინ. შესაძლოა შემოსავლების დადასტურების გარეშე სალომბარდე სესხიც აღარ გაიცეს. ეს საკითხი ჯერ ბოლომდე გადაწყვეტილი არ არის, თუმცა მისი განხილვა აქტიურად მიმდინარეობს.

სხვადასხვა რეგულაციების შემოღება რომ ეკონომიკისთვის სახარბიელო შედეგებს არ იძლევა, ხშირად ისმის. შეზღუდვების უარყოფით გავლენაზე  უკვე თბილისის მერიც ალაპარაკდა. კახა კალაძის თქმით, საბანკო რეგულაციები ეკონომიკურ ზრდას აფერხებს, განსაკუთრებით კი სამშენებლო სექტორს.

„დარწმუნებული ვარ, რომ უახლოეს მომავალში საბანკო რეგულაციები შეიცვლება, იმიტომ რომ ცვლილებები, რომლებიც განხორციელდა, აშკარაა, სტატისტიკაც აჩვენებს, რომ პრობლემა არის ამ მიმართულებით“, - ამბობს თბილისის მერი.

ამ პირობებში ძალიან ძნელია მთავრობის ეკონომიკურ კურსზე მსჯელობა. გვახსოვს არაერთი რეგულაცია, რომელიც ჯერ ამოქმედდა, შემდეგ შეიცვალა. რაც შეეხება სესხის გამცემი სუბიექტებისთვის მომზადებული შეზღუდვების ამოქმედებას, ალბათ ისიც არ არის გამორიცხული, რომ გარკვეული დროის შემდეგ იმავე ეროვნულმა ბანკმა თავისივე მოწონებული და დამტკიცებული რეგულაცია კვლავ შეცვალოს. მანამდე კი ეკონომიკა, ცხადია, დამატებით სირთულეებს აწყდება. სესხის აღების მსურველები კი, მთავრობის არათანმიმდევრული პოლიტიკის წყალობით, უკვე დაზარალდნენ.

 

308
ლუგარის ლაბორატორია

ამერიკული ბიოლაბორატორიები ცენტრალურ აზიასა და კავკასიაში: რა საჭიროა?

12
(განახლებულია 15:01 29.05.2020)
ყაზახეთში, სომხეთსა და ტაჯიკეთში ამერიკელებმა დააარსეს ბიოლაბორატორიების ქსელი, რაც ბევრ კითხვას უჩენს რუსეთს.

გალია იბრაგიმოვა 

„შეერთებული შტატები მთელ მსოფლიოში ახორციელებენ სამხედრო–ბიოლოგიურ საქმიანობას, მათ შორის, ჩვენს საზღვრებთანაც“, — განაცხადა რუსეთის საგარეო საქმეთა მინისტრმა სერგეი ლავროვმა. მოსკოვი დიდი ხანია შეშფოთებულია მეზობელი ქვეყნების ბიოლოგიური უსაფრთხოებით. 

წინასწარგანზრახული გაჟონვა 

ყაზახეთში კორონავირუსით ინფიცირების პირველი შემთხვევა მარტის დასაწყისში დაფიქსირდა. ხელისუფლებამ ჩაკეტა საზღვრები და საგანგებო მდგომარეობა გამოაცხადა. ინტერნეტში გაჩნდა ხმები, რომ ვირუსი შესაძლოა  იმ ბიოლაბორატორიასთმ ყოფილიყო კავშირში, რომელიც ამერიკელებმა 2016 წელს ააგეს რესპუბლიკის სამხრეთ–აღმოსავლეთში. 

ალმათის ცენტრალური რეფერანს–ლაბორატორია (ცრლ) ყაზახეთისთვის დამახასიათებელი ვირუსების შტამების შესწავლაზე სპეციალიზდება და რესპუბლიკის ჯანდაცვის სამინისტროს ექვემდებარება. მიიჩნევა ყაზახეთის საკუთრებად, მიუხედავად იმისა, რომ პენტაგონის ხარჯებითაა აგებული. ამ ობიექტისთვის აშშ–მა 108 მლნ დოლარი გამოყო.

ვაშინგტონმა განმარტა: რეგიონში იმყოფებიან ამერიკელი სამხედროები და კვლევები დაეხმარება მათ, ტავი დაიცვან უცნობი  ვირუსული ინფექციებისგან.

მოსკოვის წარმომადგენლები არაერთხელ აცხადებდნენ, რომ ამერიკელებს ამ ლაბორატორიის რუსული ინტერესების წინააღდეგ გამოყენება შეეძლოთ, მაგრამ ყაზახეთის ხელისუფლება ირწმუნებოდა, რომ ადგილობრივი ბიოლოგების მუშაობაში არავინ ერეოდა.

„უცხოელი მეცნიერების მუშაობა დასაშვებია მხოლოდ იმ შემთხვევაში, თუ ერთობლივი კვლევები ტარდება და საგრანტო პროექტები რეალიზდება“, — განმარტეს  ცენტრალურ რეფერანს ლაბორატორიაში.

2018 წელს ყაზახეშთი შესამჩნევად გაიზარდა მენინგიტით დაავადების რაოდენობა და ალმათში ლაბორატორიიდან მენინგიტური ინფექციის შტამის გაჟონვაზე ალაპარაკდნენ. ჟურნალისტები და ბლოგერები სერიოზულად წერდნენ, რომ ამერიკელებმა განზრახ დაუშვეს ვირუსის გავრცელება — თითქოს მათ ამ გზით სურდათ შეე მოწმებინათ ლაბორატორიაში შექმნილი ბაქტეოროლოგიური იარაღის ეფექტურობა.

ყაზახეთის ჯანდაცვის სამინისტრო ირწმუნებოდა, არანაირ  ეპიდემიას ადგიი არ ჰქონდა.

„ყაზახეთში მენინგიტის 58 შემთხვევა დაფიქსირდა, აქედან 32 — ალმათში, რაც ჯანდაცვის მსოფლიო ორგანიზაციის საზომებით, დაბალი მაჩვენებელია“, — აცხადებდნენ უწყებაში.

კრონავირუსთან დაკავშირებითაც მსგავსი ისტორია განმეორდა. ხელისუფლებამ უარყო კონსპირალოგია და საზოგადოებას მოუწოდა, თავი შეეკავებინათ პანიკის თესვისგან.

მუშაობის დახურული რეჟიმი 

საბჭოთა პერიოდში სომხეთის მიკრობიოლოგიის ინსტიტუტი დარგის უმსხვილესად ცენტრად მიიჩნეოდა. 90–იან წლებში ინსტიტუტის სამეცნიერო კვლევებით აშშ და დიდ ბრიტანეთი დაინტერესდნენ. სომეხ სპეციალისტებს დასავლეთში იწვევდნენ სტაჟირებაზე.

2000–ანებში ამერიკელები დაეხმარნენ სომხეთს, გაეხსნათ რამდენიმე ბიოლაბორატორია. თანხები, ყაზახეთის მსგავსად, იქაც პენტაგონმა გამოყო. სომხეთის დაავადებათა კონტროლისა და პროფილაქტიკის ცენტრის მოდერნიზაციაზე 10 მლნ დოლარი დაიხარჯა.

ერევანში, გიურმიში, ვინაძორში, მარტუნისა და იჯევანში აგებული სამეცნიერო ცენტრები კავკასიის რეგიონისთვის დამახასიათებელ ვირუსებსა და შტამებს სწავლობს. ლაბორატორიები სომხეთის  ჯანდაცვის სისტემაში შედის, მაგრამ აშშ–ის თავდაცვის სამინისტროსთან არსებული საფრთხეების შემცირების სააგენტოს თანამშრომლებს იქ შესვლის უფლება აქვთ. ადგილობრივი სპეციალისტების გარდა, იქ ამერიკელებიც მუშაობენ.

სომხეთის ბიოლაბორატორიების დახურულობა მოსკოვის კრიტიკას იწვევს. ეჭვების გასაფანტად პრემიერი ნიკოლ ფაშინიანი გასულ შემოდგომაზე დათანხმდა რუს სპეციალისტებთან თანამშრომლობაზე მემორანდუმის გაფორმებას. დეტალები შეთანხმდა, მაგრამ სომხურმა მხარემ ბოლო მომენტში უარი თქვა დოკუმენტზე.

საშიში ეპიდემიოლოგია

2010-იამ წლებში ამერიკელმა ბიოლოგებმა ყურადღება ტაჯიკეთზე გაამახვილეს. მათ არახელსაყრელი ეპიდემიოლოგიური ვითარება აშფოთებდა, რასაც ინფექციური დაავადებების აფეთქების გამოწვევა შეეძლო. დასავლეთის რამდენიმე ფონდმა სახსრები გამოყო ქვეყანაში კვლევითი ცენტრების შესაქმნელად.

2013 წელს დუშანბეს გასტროენტეროლოგიური ინსტიტუტის ბაზაზე  ბიოლოგიური უსაფრთხოების ლაბორატორია გაიხსნა. პროექტი ფრანგულმა საქველმოქმედო მერიოს ფონდმა დააფინანსა, რომელსაც მსგავსი ობიექტები აგებული აქვს ჩინეთში, მიანმაში, ბანგლადეშსა და აფრიკის ქვეყნებში.

ფრანგებს, როგორც წესი, დაეხმარნენ გაერო და აშშის საერთაშორისო განვითარების სააგენტო USAID–ი. ინვესტიციებმა სამ მილიონ დოლარს გადააჭარბა.

2019 წელს შეიქმნა ტუბერკულოზთან ბრძოლის რესპუბლიკურ ცენტრთან არსებული ლაბორატორია. სპონსორები იყვნენ USAID–ი და პენტაგონი. ადგილობრივი ბიოლოგები უცხოელ კოლეგებთან ერთად სწავლობენ ცენტრალური აზიისთვის დამახასიათებელ ისეთ დაავადებებს, როგორებიცაა ტუბერკულოზი, მალარია, ჰეპატიტი და ქოლერა.

გასულ წელს ტაჯიკეთის ჩრდილოეთში, ქალაქ ისფარაში კიდევ ერთი ობიექტი გაიხსნა. ინფომაცია მის შესახებ მწირია. დამფინანსებლები კვლავაც ამერიკელები არიან.

„ცენტრალურ აზიაში კორონავირუსამდე ეპიდემიოლოგიური ვითარება რთული იყო. რეგიონს ახასიათებ ჰეპატიტის, ქოლერის, ტუბერკულოზის აფეთქებები, ამიტომ ახალი ბიოლაბორატორიები აუცილებელია. ამისთვის საჭიროა სახსრები. უცხოური დახმარების გარეშე ფონს ვერ გავალთ“,  —  განმარტა დუშანბეს პოლიტოლოგიურ კვლევათა ცენტრის დირექტორმა აბდუგანი მამადაზიმოვმა.

ტაჯიკი ექსპერტი ვერაფერ საეჭვოს ვერ ხედავს ამერიკელების აქტიურობაში.

„უბრალოდ, ისინი ყოველთვის პირველები გვეხმაურებიან. თუ კორონავირუსის შემდეგ რუსეთი, ჩინეთი ან ევროკავშირი უფრო აქტიურად დაეხმარებიან რეგიონს  ვირუსებთან ბრძოლაში, რესპუბლიკის ხელისუფლება ამას მხარს დაუჭერს“, — დარწმუნებულია ექსპერტი.

12
ამწე სამშენებლო მოედანზე

ასობით მილიონი ლარი მშენებლობის დასახმარებლად: საქართველოს ხელისუფლების ახალი გეგმა

58
(განახლებულია 22:52 28.05.2020)
დეველოპერული სექტორის დასახმარებლად, რომელიც კორონავირუსის პანდემიის გამო სერიოზულად დაზარალდა, საქართველოს ხელისუფლება 434 მილიონ ლარს გამოყოფს

კორონავირუსის პანდემიის ფონზე სამშენებლო სფერო დიდ ზარალს განიცდის - გაძვირდა სამშენებლო მასალები, ხოლო მოქალაქეთა გადახდისუნარიანობა შემცირდა. მსხვილი სამშენებლო კომპანიები თანამშრომლების შტატის შეკვეცაზე ფიქრობენ.

სექტორის და მასში დასაქმებული მოქალაქეების დასახმარებლად ხელისუფლებამ ანტიკრიზისული გეგმა შეიმუშავა.

საბანკო რეგულაციები მარტივდება – რა იცვლება სესხის აღების მსურველებისთვის >>

ეროვნულ ბანკთან კონსულტაციების შედეგად ხელისუფლებამ დეველოპერულ სექტორში 4 ძირითადი გამოწვევა განსაზღვრა: გაყიდვების მოცულობების შემცირება, მშენებლობის დასრულების რისკების გაზრდა, რაც ყველა კრიზისისთვის არის დამახასიათებელი, მესამე არის ფასების მერყეობა და მეოთხე - სამშენებლო კომპანიებისთვის ფინანსების ხელმისაწვდომობა.

გეგმის მიხედვით, მთავრობა იპოთეკაზე საპროცენტო განაკვეთის სუბსიდირებაზე 70 მილიონ ლარს გამოყოფს; იპოთეკური კრედიტების პორტფელზე სახელმწიფო გარანტიებისთვის  - 14 მილიონ ლარს; 150 მილიონ ლარს - დევნილების ბინებით უზრუნველსაყოფად; 200 მილიონ ლარს - საცხოვრებელი მშენებლობების დასრულებისთვის სახელმწიფო გარანტიების პროგრამაზე.

იპოთეკური კრედიტების სუბსიდირება

გაყიდვების შემცირების პრობლემის გადასაჭრელად ხელისუფლებამ მოქალაქეებისთვის ბინების შეძენის პროცესის გამარტივება გადაწყვიტა. 2020 წლის ბოლომდე საცხოვრებელი პირობების გაუმჯობესების და ბინების შეძენის მსურველთათვის მთავრობა იპოთეკურ სესხებზე საპროცენტო განაკვეთს დაასუბსიდირებს. 4%-იანი სუბსიდია 5 წლის განმავლობაში 200 ათას ლარამდე მოცულობის ყველა სასესხო შეთანხმებაზე გავრცელდება.

„ეს ნიშნავს, რომ დაახლოებით საპროცენტო განაკვეთი იპოთეკურ სესხზე ლარში შემცირდება 7%-მდე და ეს არის ისტორიული მინიმუმი. არასოდეს ლარში აღებულ სესხებზე მსგავსად დაბალი საპროცენტო განაკვეთი არ ყოფილა“, - განაცხადა პრემიერ-მინისტრის მრჩეველმა ეკონომიკურ საკითხებში ბექა ლილუაშვილმა დეველოპერული სექტორის მხარდაჭერის ანტიკრიზისული გეგმის პრეზენტაციაზე.

გარდა ამისა, სესხების დასაფარად წინსწრებით შენატანების და საპროცენტო განაკვეთის ზრდის პრევენციისთვის, მთავრობა 2020 წლის ბოლომდე აღებული ყველა სესხის 20%-ის გარანტიას საკუთარ თავზე აიღებს. გარანტია გავრცელდება სესხებზე, სადაც პირველადი შენატანის მოცულობა იქნება არანაკლებ 10 პროცენტისა.

დეველოპერების დასახმარებლად შემუშავებული ანტიკრიზისული გეგმის ფარგლებში, დევნილებისთვის ბინების გადაცემის პროცესი დაჩქარდება. მთავრობა წლის ბოლომდე აუქციონზე 150 მილიონი ლარის ღირებულების დაახლოებით 1800 ბინის შეძენას გეგმავს.

ამგვარად, იძულებით გადაადგილებული დაახლოებით 1800 ოჯახი დაგეგმილზე სამი წლით ადრე საცხოვრებელ ბინებს მიიღებს.

ხელისუფლება ასევე მშენებლობის დასრულების რისკებს დაფარავს. გარანტიების გაცემის პროგრამის განსახორციელებლად ბიუჯეტიდან 200 მილიონი ლარი გამოიყოფა. იმ შემთხვევაში, თუ მშენებლები პროექტით გათვალისწინებული ბინების 30%-ს ვერ გაყიდიან, მათ მთავრობა დევნილების დასაკმაყოფილებლად შეიძენს.

„ეს არის ის გარანტია, რომელიც ერთი მხრივ, ჩვენ მოქალაქეებს საშუალებას აძლევს, რომ მათ შეუფერხებლად განახორციელონ მუშაობა და მეორე მხრივ, სექტორს იმის გარანტიას აძლევს, რომ ის ნებისმიერ შემთხვევაში მოახდენს საპროექტო პროცესში სამშენებლო ფართების 30%-ის რეალიზაციას სახელმწიფოზე და შესაბამისად მას უადვილდება ფინანსურ რესურსებზე წვდომა“, - განაცხადა ლილუაშვილმა.

დაუმთავრებელი მშენებლობების პრობლემის გადაჭრა თბილისში

თბილისის მერია განაგრძობს დახმარების გაწევას 2013 წლამდე დაუმთავრებელი მშენებლობების დასრულების კუთხით. ამჟამად მერია განიხილავს 30 განაცხადს, რომელთა დაკმაყოფილების შემდეგ ბინებს მიიღებს დაახლოებით 4 000 ადამიანი, რომელიც დაუმთავრებელი მშენებლობის შედეგად დაზარალდა.

9 მილიონის გრანტები სოფლად ბიზნესის განვითარებისთვის – როგორ მოვიპოვოთ >>

„გადავწყვიტეთ, რომ ამ დროებითი ღონისძიებების სარგებლობისთვის განაცხადის შეტანის ვადა გახანგრძლივდეს ერთი წლის განმავლობაში და მეორე ჩვენ, ვმუშაობთ იმისთვის, რომ ეს პროგრამა გაგრძელდეს არამხოლოდ თბილისის მუნიციპალიტეტის ფარგლებში, არამედ საქართველოს მთელ ტერიტორიაზე და ამისთვის პარლამენტის მხარდაჭერა იქნება აუცილებელი, იმიტომ, რომ ეს ინიციატივა მოითხოვს საკანონმდებლო ცვლილებებს“, - განაცხადა ბექა ლილუაშვილმა.

სიახლე დეველოპერებისათვის

დეველოპერული კომპანიების საქმიანობაში Escrow-ანგარიშების გამოყენება იგეგმება. 2020-2021 წლებიდან ამ საბანკო ანგარიშის გამოყენება სავალდებულო გახდება, გარკვეული პირობების გათვალისწინებით.

„ამ Escrow-ანგარიშის მიხედვით, მსესხებლის მიერ გადახდილი თანხები გროვდება ამ ანგარიშზე და მშენებელს მხოლოდ სამშენებლო პროცესის პარალელურად ან დასრულების შემდეგ შეუძლია ამ ანგარიშის გამოყენება. ეს არის სისტემური ნაბიჯი, რომელიც გამოყენებულია მრავალ ევროპულ განვითარებულ ქვეყანაში და არის იმისი წინაპირობა, რომ შევქმნით სტანდარტს, რომელიც გააჯანსაღებს სექტორს“, - აღნიშნა ლილუაშვილმა.

მისი თქმით, სიახლე შეეხება მხოლოდ გარკვეული კატეგორიის კომპანიებს გაყიდვების მოცულობიდან გამომდინარე, ხოლო რეფორმა ეტაპობრივად განხორციელდება.

საქართველოს მშპ-ში სამშენებლო სექტორის წილი დაახლოებით 9%-ს შეადგენს, ხოლო მასში დასაქმებული მოქალაქეების რაოდენობა - თითქმის 120 ათასს. ამდენივეა დასაქმებული სამშენებლო სექტორთან დაკავშირებულ სფეროებში. ხელისუფლების წარმომადგენლების განცხადებით, სექტორის გაჯანსაღება და კრიზისიდან გამოყვანა პოსტკრიზისულ პერიოდში ქვეყნის ეკონომიკის განვითარებისთვის უმნიშვნელოვანეს წინაპირობას წარმოადგენს.

58
თემები:
საქართველოს ეკონომიკა
შორენა ბეგაშვილი

შორენა ბეგაშვილი საკუთარ საძინებელში უსექსუალურესი ღამის პერანგით პოზირებს - ვიდეო

0
(განახლებულია 12:22 29.05.2020)
მსახიობმა ფეშენებელური საძინებლიდან უახლესი ვიდეო გამოაქვეყნა. როგორ გამოიყურება სექს-სიმბოლო სახლის პირობებში?

შორენა ბეგაშვილის ექსტრავაგანტული და თამამი ცხოვრება ბევრი ადამიანისთვის მიუღებელი იყო. ვარსკვლავი არა ერთხელ აღმოჩნდა კრიტიკის ქარცეცხლში. მისი ცხოვრება ბაგრატიონების შთამომავალთან ფარულმა ურთიერთობამ უფრო მეტად არია. თუმცა, ამის ფაქტის შემდეგ ბეგაშვილი მეტად საინტერესო და განხილვად პერსონად იქცა. სექს-სიმბოლო თვითიზოლაციის პირობებში გარეთ მხოლოდ სამსახურის გამო ჩნდება. მისმა დღის რუტინამ სახლში გადაინაცვლა. რით ერთობა შორენა სახლის პირობებში? ქალიშვილი, ძაღლი, გადაღებები, კომპანიებში ახალი იდეების განხილვა- შორენა ბეგაშვილის ყოველდღიურობა შემსუბუქდა.

ცეცხლოვანი მსახიობი  ქალაქ რუსთავში დაიბადა და გაიზარდა. დაოჯახებისა და გაყრის შემდეგ ევასთან ერთად საცხოვრებლად თბილისში გადმოვიდა. ცნობილ ქართველ მსახიობს მამა წლების წინ გარდაეცვალა, დედასთან კი, სკანდალების მიუხედავად, საუკეთესო ურთიერთობა აკავშირებს. შორენა ინტერვიუებში აღნიშნავს, რომ დედის გახსენებაზე გული სითბოთი ევსება და ის ერთადერთი ადამიანია, რომელიც ცხოვრების ყველა სირთულისას გვერდში უდგას. ქალს ტელეეკრანებზე გამოჩენა არ უყვარს, მაგრამ შორენას ერთ-ერთ იუბილეზე მისმა გამოჩენამ დიდი გამოხმაურება გამოიწვია და ფოტოგრაფების ობიექტივში მოექცა. შორენას ევას მიმართ ისეთი დამოკიდებულება შეექმნა, როგორსაც ბავშვობიდან დედასგან იყო მიჩვეული.

View this post on Instagram

A post shared by Shorena Begashvili (@shorenabegashviliofficial) on

შორენას ერთგული თაყვანისმცემლები ბიზნესმენ ირაკლი ნანაძესთან დაშორების შემდეგ მეტად გააქტიურდნენ. ტელეწამყვანს უზარმაზარი თაიგული უსახსოვრეს. უცნაური და განსაკუთრებული ის არის, რომ სახლის სადარბაზოში სამმა მამაკაცმა ყვავილებით გალამაზებული ყუთი ძლივს შემოიტანეს. თავის მხრივ, შორენამ თაიგულთან ულამაზესი სურათი სამახსოვროდ გადაიღო და დააწერა- „ერთი კარი იხურება, მეორე კი- იღება.“ ტელესახე საკუთარ სახლში დიდ დროს ატარებს. ევა მეგობრებთან ერთად ნებივრობს, ხოლო შორენა თავს უვლის. ამსახველ ვიდეოებს კი, სოციალურ ქსელში აქტიურად აქვეყნებს. უკანასკნელმა ვიდეომ სექს-სიმბოლო სხვა რაკურსით წარმოაჩინა. მისი ნაზი მანერები ეკრანებს მიგაჯაჭვავთ.

0
თემები:
სელებრითების ცხოვრება