არჩევნები მთაწმინდაზე

რატომ იქცა თბილისის ერთი ოლქის არჩევნები ასეთ მნიშვნელოვან მოვლენად

102
კვირას საქართველოში შუალედური საპარლამენტო არჩევნების მეორე ტური ჩატარდა. მიუხედავად იმისა, რომ ვაკანტური მხოლოდ ერთი დეპუტატის ადგილი იყო, ამ არჩევნებმა სერიოზული ვნებათაღელვა გამოიწვია.

მეორე ტურში გადამწყვეტ ბრძოლაში ერთმანეთს ორი კანდიდატი დაუპირისპირდა - ექიმი ვლადიმერ კახაძე, რომელიც მმართველმა პარტია „ქართულმა ოცნებამ - დემოკრატიულმა საქართველომ“ წამოაყენა, და ორი ოპოზიციური პარტიის - „ევროპული საქართველოსა“ და „თავისუფალი დემოკრატების“ კანდიდატი - ადვოკატი შალვა შავგულიძე.

ვინ და როგორ გაიმარჯვა?

პირველ ტურში, რომელიც 19 მაისს შედგა, კახაძემ გამარჯვებისთვის ხმათა აუცილებელი რაოდენობა (50% + 1 ხმა) ვერ მოაგროვა, კონკურენტს კი მხოლოდ 614 ხმით გაუსწრო.

შალვა შავგულიძე ლადო კახაძეს გამარჯვებას არ ულოცავს >>

არჩევნების პირველ ტურში საარჩევნო უბნებზე ამომრჩეველთა 34% გამოცხადდა. მაგრამ მეორე ტურისთვის ამომრჩეველთა აქტივობა მნიშვნელოვნად გაიზარდა და 41,23% შეადგინა - უბნებზე 18 ათასზე მეტი ამომრჩეველი მივიდა.

შედეგად, კახაძემ მეორე ტურში მთაწმინდის საარჩევნო ოლქში ხმათა 61,83%-ით გაიმარჯვა. ამგვარად, იგი საქართველოს პარლამენტის 150-ე დეპუტატი გახდა.

როგორც ადრე, ამჯერადაც მთაწმინდის რაიონში არჩევნებმა ინციდენტების გარეშე ჩაიარა. კენჭისყრაც და ხმების დათვლის პროცესიც მშვიდობიან გარემოში მიმდინარეობდა, აღნიშნეს საქართველოს ცენტრალურ საარჩევნო კომისიაში.

სად ჩატარდა არჩევნები და ვინ მივიდა საარჩევნო უბნებზე

სულ მთაწმინდის რაიონში დაახლოებით 44 ათასი ამომრჩეველია რეგისტრირებული. ძირითადად, აქ ძირძველი თბილისელები ცხოვრობენ. ქალაქის სწორედ ამ ისტორიულ ნაწილშია თავმოყრილი ყველაზე მეტი ლამაზი და ღირსშესანიშნავი შენობა, რომელიც ტურისტებს იზიდავს.

Дом в Сололаки
© Sputnik / Ekaterina Mikaridze
სახლი სოლოლაკში

სწორედ მთაწმინდის რაიონში მეორე ტურამდე რამდენიმე დღით ადრე პომპეზურად აღინიშნა მასშტაბური პროექტის - ორბელიანის მოედნისა და მიმდებარე ტერიტორიის რესტავრაციის დასრულება. პროექტისთვის ადგილობრივი ბიუჯეტიდან დაახლოებით 70 მილიონი ლარი დაიხარჯა.

მთაწმინდის რაიონში მდებარეობს საქართველოს მოქმედი პრეზიდენტის სალომე ზურაბიშვილის სასახლეც. სწორედ ზურაბიშვილის პრეზიდენტად არჩევის შედეგად გათავისუფლებული დეპუტატის ადგილის დასაკავებლად დაუპირისპირდნენ ერთმანეთს კახაძე და შავგულიძე.

ზურაბიშვილის გარდა, მთაწმინდის ელექტორატია ასევე მმართველი პარტიის თავმჯდომარე, ყოფილი პრემიერი, მილიარდერი ბიძინა ივანიშვილი, ასევე ექსპრეზიდენტი გიორგი მარგველაშვილი.

დასკვნები

კენჭისყრის დასრულებიდან მეორე დღესვე „ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. წინა დღეს ჩატარებული არჩევნები და სამომავლო გეგმები შეხვედრის მთავარი განსახილველი თემები იყო. შეკრებას მმართველი პარტიის თავმჯდომარე ბიძინა ივანიშვილი უძღვებოდა.

„ჩვენმა გუნდმა ბიძინა ივანიშვილის ხელმძღვანელობით კიდევ ერთხელ დაამტკიცა, რომ საზოგადოების ნდობით სარგებლობს. ამას არჩევნების მეორე ტურის შედეგებიც ცხადყოფს. კიდევ ერთხელ ვულოცავ ბატონ ლადოს და მთაწმინდის მოსახლეობას გამარჯვებას“, - აღნიშნა უმრავლესობის დეპუტატმა სოფო კილაძემ.

2020 წლის დამდეგ საპარლამენტო არჩევნებს „ქართული ოცნება“ განახლებული გუნდით და კიდევ უფრო ძლიერი პოზიციებით შეხვდება, განაცხადა, თავის მხრივ, საპარლამენტო უმრავლესობის ლიდერმა არჩილ თალაკვაძემ.

„ჩვენ უკვე დავიწყეთ ახალ პოლიტიკურ პროგრამაზე მუშაობა. დავიწყეთ ასევე კონსულტაციები, რომლებიც, ბუნებრივია, 2020 წლისთვის ისეთ შედეგს მოგვცემს, რომ „ქართული ოცნება“ საზოგადოების წინაშე განახლებული პოლიტიკური პროგრამითა და განახლებული გუნდით წარდგება... 2020 წლის არჩევნებს კიდევ უფრო ძლიერი პოზიციებით შევხვდებით“, - აღნიშნა თალაკვაძემ.

ბურჯანაძე აქცენტებს ცვლის და საპარლამენტო არჩევნებისთვის ემზადება >>

არჩევნების შედეგი გაკვეთილი აღმოჩნდა ოპოზიციისთვის, რომელიც იძულებული გახდა, ეღიარებინა, რომ მიზნის მისაღწევად მეტი ძალისხმევა უნდა დაეხარჯა.

„ჩვენ ნამდვილად ვერ შევძელით, მოგვეპოვებინა საზოგადოების საკმარისი ნდობა, რომელიც აუცილებელია, რათა „ოცნება“ სახლში გავუშვათ. მაგრამ წინ სხვა არჩევნებია. და ამ არჩევნებისთვის ჩვენ უკეთ მოვემზადებით“, - განაცხადა პარტია „ევროპული საქართველოს“ დეპუტატმა ოთარ კახიძემ.

თავდაცვითი რეაქცია

„ქართულმა ოცნებამ“ მოახერხა ძალების მობილიზება იმისათვის, რომ მოწინააღმდეგეს მეორე ტურში ვერ გაემარჯვა, მიიჩნევს ექსპერტი რამაზ საყვარელიძე.

„გამარჯვების შემთხვევაში ოპოზიცია იწყებს პროპაგანდას, რომ - თუ ამ შემთხვევაში გავიმარჯვეთ, ესე იგი „ქართული ოცნების“ დამარცხება შესაძლებელია და გადმოდით ჩვენს მხარეზე. ანუ შემდგომში ეს ნამდვილ ელექტორატზე იქონიებს გავლენას. ამიტომ მნიშვნელოვანია ნებისმიერი ბრძოლა“, - განუცხადა საყვარელიძემ „Sputnik-საქართველოს“.

ექსპერტის აზრით, კახაძის გამარჯვება არჩევნების მეორე ტურში სავსებით მოსალოდნელი იყო.

„შავგულიძემ და მისმა თანამებრძოლებმა ძალიან ბევრი შეცდომა დაუშვეს... შავგულიძეს თავისი კანდიდატურა დამოუკიდებელ კანდიდატად რომ წამოეყენებინა, შესაძლოა, მას მეტი წარმატებისთვის მიეღწია. ის კი შეუერთდა პარტიას, თანაც ისეთ პარტიას, რომელიც ფაქტობრივად გაიგივებულია „ერთიან ნაციონალურ მოძრაობასთან“. ქართველ ამომრჩეველს კი არ სურს „ნაციონალური მოძრაობა“. ამიტომ არ უნდა ისინიც, ვინც ადრე მასთან ერთად იყო, დღეს კი სახელწოდება შეიცვალეს“, - ხაზი გაუსვა საყვარელიძემ.

ვის მისცეს ხმა

შავგულიძე ორი ოპოზიციური პარტიის - „ევროპული საქართველოსა“ და „თავისუფალი დემოკრატების“ სახელით იყრიდა კენჭს.

პარტია „ევროპული საქართველო“ დააფუძნეს ავტორიტეტულმა პოლიტიკოსებმა, რომლებიც რამდენიმე წლის წინ ყოფილ მმართველ პარტია „ერთიან ნაციონალურ მოძრაობას“ გამოეყვნენ. „თავისუფალი დემოკრატები“ კი ადრე „ქართული ოცნების“ წევრები იყვნენ. მათ კოალიცია მის გაუქმებამდე რამდენიმე წლით ადრე დატოვეს. 2016 წლიდან ქვეყანას მართავს პარტია, რომელიც თავის დროზე კოალიციის ღერძს წარმოადგენდა.

Лидер Сбободных демократов Шалва Шавгулидзе
შალვა შავგულიძე

61 წლის შალვა შავგულიძისთვის ეს არჩევნები პირველი საპარლამენტო არჩევნები არ ყოფილა, თუმცა პირველი იყო, როგორც ოპოზიციონერისთვის.

2012 წელს შავგულიძე, როგორც „ქართული ოცნების“ კოალიციის წევრი, დეპუტატად ვაკის რაიონში აირჩიეს. იგი კენჭს იყრიდა „თავისუფალი დემოკრატების“ კვოტით. პარტიამ კოალიცია 2013 წელს დატოვა და ოპოზიციაში გადავიდა.

65 წლის ვლადიმერ კახაძისთვის ეს არჩევნები საქართველოს პარლამენტში მოსახვედრად რიგით მეორე მცდელობა იყო, რომელიც ამჯერად წარმატებით დაგვირგვინდა. 2016 წლის საპარლამენტო არჩევნებზე იგი კენჭს იყრიდა მთაწმინდის რაიონში, როგორც „სახელმწიფო ხალხისათვის“ პარტიის წარმომადგენელი, თუმცა მოსახლეობის საჭირო მხარდაჭერა ვერ მოიპოვა.

კახაძეს დიდი გამოცდილება აქვს მედიცინაში და ცოტაოდენი - პოლიტიკაში.

Ладо Кахадзе
ლადო კახაძე

ცოტას თუ ახსოვს, რომ კახაძე 1998-დან 2002 წლამდე თბილისის პირველი მოწვევის საკრებულოს თავმჯდომარე იყო. სამაგიეროდ კახაძეს კარგად იცნობენ, როგორც გამოცდილ ექიმს.

მთელი მისი ცხოვრება მედიცინას უკავშირდება. იგი ექიმად მუშაობდა სხვადასხვა კლინიკაში. ბოლო დროს იყო კონსულტანტი ოფთალმოლოგიურ კლინიკა „მზერაში“, მანამდე მუშაობდა კონსულტანტად სადაზღვევო კომპანია „ალდაგში“ და სამედიცინო კომპანია Oxford Medical Georgia-ში.

კახაძე „საქართველოს კრიმინოლოგიური აკადემიის“ საპატიო აკადემიკოსი და ეკოლოგიურ მეცნიერებათა აკადემიის წევრ-კორესპონდენტია.

2018 წელს კახაძე თბილისის საპატიო მოქალაქე გახდა.

102
თემები:
შუალედური და რიგგარეშე არჩევნები საქართველოში (105)
სახელმწიფო დეპარტამენტი

მიმოხილვა: რა წერია აშშ-ის გლობალური ურთიერთქმდების ცენტრის მოხსენებაში

328
(განახლებულია 15:55 07.08.2020)
ამერიკელებმა ფარდა ახადეს მსოფლიო სადეზინფორმაციო კამპანიის რუსულ ტაქტიკას. მაგრამ ეს „ფარდის ახდა“ სახელმწიფო დეპარტამენტის მხრიდან ამერიკელების დეზინფორმირებისა და ამასთან, მთავრობისთვის უფრო მეტი ფულის „გამოძალვის“ მცდელობაა.

გევორქ მირზაიანი

ამ დღეებში აშშ–ს სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსული პროპაგანდისა და დეზინფორმაციის ეკოსისტემის საფუძვლები“. ავტორების მიზანი „რუსეთის მოქმედების ტაქტიკის მხილება იყო, რათა ჩვენმა პარტნიორებმა, მოკავშირე მთავრობებმა, სამოქალაქო საზოგადოების ორგანიზაციებმა, მეცნიერებმა, პრესამ და საზოგადოებამ მთელ მსოფლიოში შეძლონ დეზინფორმაციასა და პროპაგანდაზე შემდგომი ანალიზის ჩატარება და კოლექტიური პასუხის გაძლიერება“.

სიურპრიზი სიურპრიზზე 

ერთი შეხედვით ყველაფერი სოლიდურად გამოიყურება — ტექსტის 75 გვერდი, 313 ბმული, გრაფიკები და ცხრილები. მისი მიხედვით, რუსეთის ხელისუფლება ცდილობს გამოიყენოს მედიასაშუალებები თავისი თვალსაზრისით გასატარებლად (!) — და, რა თქმა უნდა, ეს კრემლის გენიალური გამოგონებაა, სხვა ქვეყნებმა უნდა ისწავლონ, როგორ მოიქცნენ. 

კიდევ ერთი „აღმოჩენა“ ისაა, რომ რუსეთის სახელმწიფო მედიის მიერ გამოქვეყნებულ ინფორმაციებს სხვა გამოცემები იტაცებემ და შემდეგ მთელ ინტერნეტში ვრცელდება. ავტორებმა, როგორც ჩანს, მხოლოდ ახლა აღმოაჩინეს ინტერნეტის თავისეურებები და ინფორმაციის გადაცემის ამჟამინდელი გარემო.

მოხსენებაში რუსეთის ძირითადი მედიასაშუალებებისა და მათი მფლობელების აღწერა ასევე წარმოადგენს კოლოსალურ ფასეულობას ნებისმიერი ანალიტიკოსისთვის — რატომღაც ხომ ისე გამოდის, რომ პროსახელმწიფოებრივ არხებს, გამოცემებსა და ინტერნეტსაიტებს ისეთი ადამიანები ხელმძღვანელობენ, რომლებიც პროსახელმწიფოებრივ იდეოლოგიას იზიარებენ?!

გარდა ამისა, მკვლევარებისთვის ასევე დიდი ფასეულობაა მოხსენების ცენტრალური აზრი: მოსკოვის ნებისმიერი თვალსაზრისი მსოფლიო პრობლემებზე, მის შესახებ ნებისმიერი პუბლიკაცია არის არა სიტყვის თავისუფლების გამოვლენა, არამედ რუსული პროპაგანდისა და სიცრუის ბოროტი მაგალითი, რომელიც გონებას უბინდავს დასავლეთის უცოდველ მოსახლეობას.

რა თქმა უნდა, შეიძლება ითქვას, რომ ამ  მოხსენების მეცნიერულ ღირებულებას მარტო ეს აზრიც კი აუფასურებს, მაგრამ მას ღირებულება უბრალოდ არ გააჩნია. არსებითად ეს 75 გვერდი არის ბანალური აზრების ჩამონათვალი, რომლის მიზანიც არა საფარველის ჩამოგლეჯაა, არამედ სახელმწიფო მდივან მაიკ პომპეოს თხოვნის მატერიალური გამყარებაა გლობალური ურთიერთქმედების ცენტრის დაფინანსების ორჯერ გაზრდის თაობაზე. სწორედ რუსეთისა და სხვა ქვეყნების დეზინფორმაციასთან ბრძოლის სახელით.

ბედნიერება ფულშია  

გასაკვირი არ არის, რომ რუსი პოლიტიკოსებისა და ექსპერტების რეაქცია ამ მოხსენებაზე იყო რაღაც საშუალო დაცინვასა და ზიზღს შორის. მასში მოყვანილი არგუმენტები მათ სერიოზულად არ აღიქვეს და მორიგ რუსოფობიულ თითხვნად შეაფასეს. თუმცა იმავდროულად არიარეს, რომ მოხსენების ავტორებს მის გამოსაქვეყნებლად სრულიად მართებული საფუძველი ჰქონდათ.

„სახელმწიფო დეპარტამენტის რუსოფობების ანტირუსული ბოდვის მორიგი ულუფა მოხსენების ფორმით, ხილულად წარმოაჩენს ამერიკელი პოლიტიკოსების პანიკურ შიშს ქვეყნის შიგნით და მსოფლიოში მიმდინარე მოვლენებზე ალტერნატიული თვალსაზრისის წინაშე“, — ამბობს რუსი დეპუტატი სერგეი ჟელეზნიაკი.

RT–სა და Spputnik–ს იმაზე ნაკლები ფული აქვთ, ვიდრე მსხვილ დასავლურ მედიას, მაგრამ მათ სწორედ ის ალტერნატიული თვალსაზრისი გააჩნიათ.

ვირაცას შესაძლოა აქამდე ეჩვენებოდეს, რომ დასავლეთში სიტყვის თავისუფლებაა, მაგრამ ეს ასე არაა. მთელ რიგ საკითხებზე ამერიკული მედია საბჭოთა გაზეთებს ჩამოჰგავს — ისინი ერთიან, პოლიტიკურად კორექტულ თვალსაზრისს ტრანსლირებენ.

და ეს თვალსაზრისი — შავკანიანებისა და მემარცხენეების მიერ ამერიკაში მოწყობილი არეულობა, ამერიკული ისტორიული მემკვიდრეობის რღვევის სისწორე, უდანაშაულობის პრეზუმფციის მიმართ ზიზღი და ასევე რუსეთის დემონიზაცია — დასავლელ მკითხველს ბეზრდება და ალტერნა ტიულ თვალსაზრისს ისინი რუსეთის ინგლისურენოვან მედიაში ნახულობენ.

ეს კი უკვე სერიოზული პრობლემაა აშშ–სთვის, ვინაიდან მსოფლიო საინფორმაციო სფეროზე კონტროლი არის კიდევ ამერიკული დომინირების საფუძველი. სწორედ ამიტომაც, როგორც რუსეთის საგარეო საქმეთა სამინისტროში აღნიშნავენ, „ვაშინგტონი აკრიტიკებს ნებისმიერ საინფორმაციო წყაროს, რომლებიც ალტერნატიულ თვალსაზრისს ავრცელებენ, და ცდილობს ჩაახშოს ნებისმიერი ხმა, რომელიც ეწინააღმდეგება ამერიკულ მიდგომებს“. ხოლო როცა კრიტიკა არ შველის, სანქციებს აწესებენ.

ამგვარი დევნა რეალურად ასუსტებს აშშ–ის გეოპოლიტიკურ შესაძლებლობებს. მაგალითად, რუსეთის გამოყენების მხრივ ჩინეთის შესაკავებლად, და ასევე სხვა გლობალური საკითხების გადასაჭრელად. სულ უფრო მეტი ამერიკელი ექსპერტი მოუწოდებს ვაშინგტონს, უფრო პრაგმატულად მიუდგეს მოსკოვთან დიალოგს. ამის მაგალითია 103 გამოჩენილი ამერიკელი ექსპერტის ღია წერილი Politiko–ში, რომელთა შორის არიან ყოფილი დიპლომატები და პოლიტიკოსები.

„მაგრამ ოკეანისგაღმელი ოპონენტების ისეთი დოკუმენტებს, როგორიცაა გლობალური ურთიერთქმედების ცენტრის მოხსენება, შეუძლია მხოლოს ერთ მიზანს მიაღწიოს — ბოლო მახვილი ჩასცეს რუსულ–ამერიკულ დიალოგს გლობალურ საკითხებზე და წლების განმავლობაში გამორიცხოს უნდობლობის კრიზისის გადალახვა ჩვენს ქვეყნებს შორის“, — აღნიშნავს ჟელეზნიაკი.

რედაქცია შესაძლოა არ ეთანხმებოდეს ავტორის მოსაზრებებს!

328
კომპიუტერთან მუშაობა

სომხეთი ინტერნეტის გარეშე დარჩება? Caucasus Online-ის აქციები ბაქოს ხელშია

1138
(განახლებულია 16:43 07.08.2020)
აზერბაიჯანის მხარეს არაერთხელ უცდია Caucasus Online-ის აქციების ხელში ჩაგდება, მაგრამ წინა წლებში საკითხი პოლიტიკურ დონეზე წყდებოდა. ამჯერად კი შეთანხმება ხელისუფლების გარეშე შედგა.

თბილისი, 7 აგვისტო - Sputnik. ინტერნეტ-კავშირის კომპანია Caucasus Online-ის მაგისტრალური არხის აქციების 49%-ის მიყიდვამ აზერბაიჯანელი მეწარმისთვის სომხეთში შეშფოთება გამოიწვია. ექსპერტების შეფასებით, გარიგება ბაქოს რეგიონულ ჰაბად აქცევს, რისკენაც ის არაერთი წელია ისწრაფვის. მეტიც, ეს აზერბაიჯანის მხარეს სომხეთის ინტერნეტ-ტრაფიკის მონიტორინგის თუ არა, სულ მცირე, გაანალიზების შესაძლებლობას მისცემს.

„Sputnik-სომხეთთან“ საუბრისას ექსპერტმა საინფორმაციო უსაფრთხოებისა და ტექნოლოგიების სფეროში, რომელმაც ანონიმად დარჩენა ისურვა, აღნიშნა, რომ Caucasus Online-ის შეძენა აზერბაიჯანს სტრატეგიული თვალსაზრისით მრავალ შესაძლებლობას აძლევს, უხეშად რომ ვთქვათ, ბაქოს ხელ-ფეხს უხსნის.

ამ მოსაზრებას ეთანხმებიან ქართველი ექსპერტებიც. ინტერნეტ-კომუნიკატორის მისამართით უკვე გაისმა არაერთი კრიტიკული შეფასება. ამასთან, ერევანში უკვე ცდილობენ ქართულ მხარესთან თანამშრომლობის გზით შესაძლო რისკების მინიმუმამდე შემცირებას.

რა მოხდა?

ქართული კომპანია Caucasus Online – ოპტიკური კაბელის ოპერატორია, რომელიც ბულგარეთიდან საქართველოს მიმართულებით შავი ზღვის ფსკერზე გადის. ესაა ევროპასა და სამხრეთ კავკასიას შორის უმსხვილესი ინტერნეტ-არხი. კომპანიის მთავარი აქციონერები არიან ქართველი ინვესტორები, რომელთა ნაწილი ევროპაშია რეგისტრირებული.

17 ივლისს საქართველოს პარლამენტმა 88 ხმით მიიღო მთავრობისა და კომუნიკაციების ეროვნული კომისიის მიერ ინიცირებული შესწორებები კანონში „ელექტრონული კომუნიკაციების შესახებ“. ცვლილებები მარეგულირებელს უფლებას აძლევს, დანიშნოს სპეციალური მმართველები კომპანიებში, რომლებიც მის მოთხოვნებს არ ასრულებენ.

ქართულ მასმედიაში ამას მოჰყვა ინფორმაციის „გაჟონვა“ მარეგულირებლის გვერდის ავლით გარიგების, კერძოდ, ინტერნეტ-კომპანია Caucasus Online-ის აქციების 49%-ის აზერბაიჯანისთვის მიყიდვის შესახებ. მეტიც, აზერბაიჯანში აშშ-ის ყოფილი ელჩის მეტიუ ბრაიზას ინფორმაციით, აქციები 61 მილიონ აშშ დოლარად გაიყიდა.

იმავე მასმედიის ცნობით, აქციები შეიძინა აზერბაიჯანის ხელისუფლებასთან დაახლოებულმა მეწარმე ნასიმ ჰასანოვმა. იგი არის ასევე ნავთობის ბიზნესში უმსხვილესი ჰოლდინგის – კომპანია NEQSOL-ის მფლობელი. ქართული მხარის ინფორმაციით, ინტერნეტ-კომპანიის საკუთარი წილი გაყიდა საქართველოს ყოფილ ხელისუფლებასთან („ნაციონალურ მოძრაობასთან“) დაახლოებულმა ბიზნესმენმა ხვიჩა მაქაცარიამ.

ამასთან, Caucasus Online-ის გაყიდვის შესახებ არ აცნობეს მარეგულირებელს – საქართველოს კომუნიკაციების ეროვნულ კომისიას, რაც „ელექტრონული კომუნიკაციების შესახებ“ კანონის დარღვევაა. კანონის თანახმად, აქციების 5 ან მეტი პროცენტის გაყიდვის შემთხვევაში ამის თაობაზე კომისიას უნდა ეცნობოს. 

Caucasus Online ერთხელ უკვე დაჯარიმდა დარღვევის გამო, როდესაც კომპანიამ „რკინიგზის ტელეკომში“ თავისი წილი გაყიდა. კომპანიამ „საქართველოს რკინიგზის ტელეკომი“ 2010 წელს შეიძინა. ამან მას მისცა შესაძლებლობა, შემოსულიყო სამხრეთ კავკასიის რეგიონში, ასევე გასულიყო ირანსა და ერაყში.

საქართველოში წინააღმდეგი არიან

მთელ ამ ისტორიას ქართველი ექსპერტების შეუმჩნევლად არ ჩაუვლია. ისინი აქტივების გაყიდვის გადაწყვეტილებას მკაცრად აკრიტიკებენ. ბევრი საუბრობს ბაქოს გეგმებზე – ხელში ჩაიგდოს ინტერნეტ-კომუნიკაციები და ერთადერთი კაბელი, რომლითაც ევროპიდან საქართველოს, სომხეთსა და აზერბაიჯანს 2016 წლიდან ინტერნეტი მოეწოდება. კაბელი შავი ზღვის ფსკერზე გადის.

იმ დროს გაყიდვის საკითხი პოლიტიკურ დონეზე დაიხურა საქართველოს ყოფილი პრემიერ-მინისტრის გიორგი კვირიკაშვილის განცხადების შემდეგ იმის შესახებ, რომ კაბელი და კომპანია არ იყიდება, რადგან საქართველოსთვის სტრატეგიული მნიშვნელობა აქვს.

პოლიტიკურ მეცნიერებათა დოქტორმა ვახტანგ მაისაიამ „Sputnik-სომხეთის“ კორესპონდენტთან საუბრისას აღნიშნა, რომ ამით ბაქო ცდილობს საკუთარ თავზე მოირგოს რეგიონში ინტერნეტ-ჰაბის როლი.

რაც შეეხება საინფორმაციო უსაფრთხოების სფეროში შესაძლო რისკებს, მან აღნიშნა, რომ რისკები შესაძლოა არსებობდეს, თუმცა დასაწყისისთვის აუცილებელია გაგება, რამდენად გაფართოვდა აზერბაიჯანული მხარის უფლებამოსილება.

ზოგიერთი ქართველი ექსპერტი შიშობს, რომ ეს აზერბაიჯანს ხელ-ფეხს გაუხსნის და იგი რეგიონში თამაშის წესების კარნახს დაიწყებს.

Caucasus Online-ის ყოფილმა მფლობელმა მამია სანადირაძემ ტელეარხ „იმედის“ ეთერში აღნიშნა, რომ საქართველოსთვის სასიცოცხლოდ მნიშვნელოვანია, ფლობდეს დამოუკიდებელ კაბელს ევროპაში და ამას აქსიომა უწოდა. მისი შეფასებით, ინტერნეტის უსაფრთხოდ მიღებას ქვეყნისთვის სტრატეგიული მნიშვნელობა აქვს.

რა საფრთხეს შეიძლება უქმნიდეს ეს სომხეთს?

გარიგების შესახებ ცნობამ, ბუნებრივია, მეზობელ სომხეთში შეშფოთება გამოიწვია. როგორც ინტერნეტ-კომუნიკაციების სფეროში სომეხმა ექსპერტმა „Sputnik-სომხეთთან“ საუბრისას აღნიშნა, აქციების გაყიდვა არ ნიშნავს, რომ აზერბაიჯანის მხარე სომხეთს ინტერნეტს გამოურთავს.

„ჯერ ერთი, ესაა 49% და არა საკონტროლო პაკეტი, მეორეც, Caucasus Online საქართველოს ტერიტორიაზე მდებარეობს და ნაკლებ მოსალოდნელია, რომ საქართველოს ხელისუფლებამ ვინმეს ხაზების ბლოკირების ნება დართოს“, – აღნიშნა მან.

თუმცა, ტექნიკურ დონეზე ეს აზერბაიჯანელ პარტნიორებს ტრაფიკის გაანალიზების, გარკვეული კანონზომიერების პოვნისა და ამის საფუძველზე დასკვნების გაკეთების შესაძლებლობას მისცემს. ეს მათთვის ერთმნიშვნელოვნად ხელსაყრელია.

„ისინი ნამდვილად გამოიყენებენ ტელესაკომუნიკაციო ინფრასტრუქტურას, რათა თავიანთი პროექტები განავითარონ და ჩვენები „ჩაძირონ“, – აღნიშნა მან.

სომეხი ექსპერტის შეფასებით, Caucasus Online-ის აქციების შეძენა აზერბაიჯანს საშუალებას მისცემს, დააჩქაროს TASIM-ის პროექტის რეალიზება (ტელესაკომუნიკაციო ტრანზიტი დასავლეთ ევროპიდან აღმოსავლეთ აზიის მიმართულებით). იგი აერთიანებს ევროპის, საქართველოს, აზერბაიჯანის, თურქმენეთის, ყაზახეთის ტელეკომუნიკაციებს მომავალში აზიასა და ჩინეთში გასვლის პერსპექტივით.

ამგვარად, ამ ნაწილის გაძლიერებამ შესაძლოა ხელი შეუშალოს სომხეთის გეგმებს, გააფართოოს თავისი სატრანზიტო ფუნქციები ახლო აღმოსავლეთისა და ცენტრალური აზიისკენ.

ექსპერტის თქმით, ამ მიზნით სომხეთში უკვე შექმნილია არაოფიციალური ჯგუფი, რომელიც სომხური კომპანიების რეგიონული ტელეკომ-ინფრასტრუქტურის განვითარებისა და გავრცელების გეგმაზე იმუშავებს.

იგი სომხეთს ურჩევს, გამოიყენოს უკმაყოფილება საქართველოში და შექმნას კოოპერაციები. მნიშვნელოვანია საკუთარი ინტერესების, რეგიონული გეგმების ხორცშესხმა.

„ამასთან, ჩვენ ქართველ მარეგულირებელთან და სამინისტროსთან, ინტერნეტის განვითარების სტრატეგიის ფარგლებში, უნდა შევთანხმდეთ კონსოლიდირებულ მოქმედებაზე რეგიონული ინფრასტრუქტურის შესაქმნელად, რომელიც სომხეთსა და საქართველოს გააერთიანებს“, – განაცხადა მან.

როგორც ცნობილია, 2019 წლის ნოემბერში საქართველოს ეკონომიკისა და მდგრადი განვითარების მინისტრის მოადგილემ ნიკოლოზ ალავიძემ განაცხადა, რომ Caucasus Online არ გაიყიდება ყოველმხრივი განხილვის გარეშე.

საქართველოზე, სხვადასხვა შეფასებით, მოდის სომხეთის საგარეო ინტერნეტ-ტრაფიკის 80%. გარდა ამისა, სომხეთი იყენებს კიდევ ორ კაბელს რუსეთში – შავი ზღვისას და სახმელეთოს. ტრაფიკის 20% მოდის ირანისკენ გამავალ კაბელებზე.

სომხეთის ოპერატორები ასრულებენ ირანში, ავღანეთსა და კატარში ინტერნეტის ტრანზიტის ფუნქციას.

1138
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0