საქართველოს პარლამენტის შენობა

„ოცნება VS ნაცები“: 2020-ის საპარლამენტო არჩევნების გენერალური რეპეტიცია

166
(განახლებულია 15:18 13.05.2019)
ერთი კვირაც აღარ გვაშორებს იმ დღეს, როცა შუალედური არჩევნების შედეგები გაირკვევა.

ხელისუფლებამ ამჯერდაც მოახერხა, ყველაზე კონკურენტული კანდიდატი დაეყენებინა თბილისში, მთაწმინდის რაიონის საპარლამენტო არჩევნებში. სავარაუდოდ, მთაწმინდაზე მეორე ტური ლადო კახაძესა და შალვა შავგულიძეს შორის გაიმართება. ამასთან ხელისუფლება ყველაფერს გააკეთებს იმისათვის, რომ რაიმე გაუთვალისწინებელი არ მოხდეს და მისი უძლეველობის მითი არ დაინგრეს.

მეორე ლოკაცია, სადაც არა მხოლოდ დაძაბულობა და ფიზიკური დაპირისპირებაა მოსალოდნელი, არამედ მეორე ტურიც და სიურპრიზებიც – ზუგდიდია, სადაც სახელისუფლებო კანდიდატს საქართველოს მესამე პრეზიდენტის მიხეილ სააკაშვილის მეუღლე სანდრა რულოვსი შეერკინება.

ყოფილი დეპუტატი კახა კუკავა უკმაყოფილოა იმით, რომ ოპოზიციამ ვერც ამჯერად მოახერხა გაერთიანება კონკურენტუნარიანი კანდიდატის გარშემო. ის თვლის, რომ, მაგალითად, ზესტაფონის მერის არჩევნებში გამარჯვების რეალური შანსი აქვს მისი პარტიის წარმომადგენელ გოგი წულაიას, ოპოზიცია კი ყველაფერს აკეთებს ხმების დასაქსაქსად.

ამასობაში დასავლური ორგანიზაციების მხრიდან გახშირდა ხელისუფლების კრიტიკა არჩევნებზე გამოვლენილი დარღვევების გამო. ევროსაბჭოს რეკომენდაციებში პირდაპირაა ნათქვამი, რომ 2020 წლის საპარლამენტო არჩევნებისათვის საარჩევნო კოდექსი უნდა შეიცვალოს, რაც ასევე ნაკლებადაა მოსალოდნელი, რადგან არსებული კოდექსის ჩამოყალიბებას და 2020-ის არჩევნების დაგეგმვას საკმაოდ დიდი ხანი შეალია სახელისუფლებო პარტიამ და რეგულაციების ნაწილი კონსტიტუციაშიც ასახა.

ამასობაში ხელისუფლება ახალ კადრებს ეძებს 2020 წლის არჩევნებისთვის. მოსალოდნელია, რომ ქართული ოცნება ამჯერად აქცენტს განათლებასა და პედაგოგებზე გააკეთებს და ეს ნამდვილად საშური საქმეა. ახალი სახეების გამოჩენა დაანონსა პარტიის გენერალურმა მდივანმა კახი კალაძემ გუშინ ტელეკომპანია „იმედის“ ეთერში. კალაძეს ამ არჩევნებში საკუთარი გუნდი ეყოლება.

ზოგადად, ძალიან მნიშვნელოვანია, რომ არჩევნები სახელისუფლებო კანდიდატებმა მოიგონ, განსაკუთრებით, ადგილობრივ დონეზე, რათა მათ შემდეგ საპარლამენტო არჩევნებში ხალხის მხარდაჭერა უზრუნველყონ.

ხელისუფლებას საპარლამენტო სიის შედგენაზე საუბარი და ფიქრი დაწყებული აქვს. ბუნებრივია, ძირითად შემადგენლობას პარტიის თავმჯდომარე ბიძინა ივანიშვილი განსაზღვრავს, მაგრამ საკუთარი კვოტები ექნებათ ირაკლი ღარიბაშვილს, რომელიც, თუ რაიმე არ შეიცვალა, პარლამენტის თავმჯდომარედ მოიაზრება; კახი კალაძეს, რომელიც პარტიის ერთ-ერთი მთავარი დამფინანსებელია; გიორგი გახარიას, რომელიც, შესაძლოა, სწორედ არჩევნების წინ გახდეს პრემიერ-მინისტრი (თუმცა გახარიას იმდენი მტერი ჰყავს სახელისუფლებო გუნდში, ყველაფერს ეცდებიან, რომ ეს არ მოხდეს) და, ბუნებრივია, საკუთარ კვოტას მოითხოვს ირაკლი კობახიძე, რომელსაც დღეს მთლიანად მიჰყავს პარლამენტის მუშაობა. საუბარი იყო ასევე სალომე ზურაბიშვილის ფრაქციაზე, თუმცა ბესელიასა და კვაჭანტირაძის უმრავლესობიდან გასვლის შემდეგ მათ, მაქსიმუმ, 3-პროცენტიანი ბარიერის გადალახვა შეძლონ.

მოკლედ, მაისიდან მოყოლებული ქართული პოლიტიკა 2020-ის არჩევნებით იქნება დაღდასმული და იმედია, ეს ქართულ საზოგადოებაზე დადებითად აისახება.

166

მიმოხილვა: ბალისტიკური რაკეტა „სარმატი“ საფრენად ემზადება

60
(განახლებულია 12:36 24.05.2020)
რუსეთის სტრატეგიული ბირთვული ძალები სულ უფრო სრულყოფილი და ეფექტური ხდება. ახალი მძიმე კონტინენტთშორისი ბალისტიკური რაკეტა „სარმატი“ ფინალურ გამოცდებს გადის შეიარაღებაში შესვლის წინ

ალექსანდრ ხროლენკო

რუსეთის ვიცე–პრემიერმა იური ბორისოვმა 21 მაისს განაცხადა, რომ COVID-19–ის პანდემიას გავლენა არ მოუხდენია კონტინენტთშორისი ბალისტიკური რაკეტა „სარმატის“ ზაფხულში გამოცდაზე — ის თავდაცვის სამინისტროს გენერალური კონსტრუქტორის მიერ განსაზღვრულ ვადებში ჩატარდება.    

„სარმატის“ გამტყორცნი გამოცდები 2018 წელს დასრულდა. კომპლექსი საბრძოლო ბლოკების ფართო სპექტრს მიიღებს, მათ შორის, ახალო თაობის ჰიპერბგერითს და სტრატეგიული დანიშნულების სარაკეტო ძალების შეიარაღებაში 2021 წელს შევა.  

ახალი რაკეტა მსოფლიოში უყველაზე ძლიერ Р-36М2 „Воевода–ს“ შეცვლის (ნატოს კლასიფიკაციით – SS-18 Satana). „სარმატს“ აქვს უნარი, იფრინოს რაკეტსაწინააღმდეგო თავდაცვის გვერდის ავლით, წინასწარ გაუთვლელი ტრაექტორიით, რაც პირობითი მოწინააღმდეგის მხრიდან მის ჩაჭერას გამორიცხავს.

„სარმატას“ პრინციპული განსხვავება „ვოევოდასგან“ არის შემდეგი: ახალი კონტინენტშორისი ბალისტიკური რაკეტა, Ю-71 ტიპის ჰიპერბგერითი ბლოკებით, შეიძლება გამოყენებული იყოს როგორც ზეზუსტი იარაღი არაბირთვულ აღჭურვილობაში. ატმოსფეროში დაახლოებით 15 Max (7 კმ/წმ) სიჩქარის დროს ბლოკის კინეტიკური ენერგია გარანტირებულს ხდის ბირთვული დარტყმისთვის სახასიათო ნგრევას, მაგრამ ადგილის რადიოაქტიური დაბინძურების გარეშე. ჰიპერბგერითი მანევრირებადი ბოეგოლოვკების არსებითი უპირატესობა — ეს ტრაექტორიის ძალია ზუსტად კორექტირების უნარია.

დასრულებულია მრეწველობის მოდერნიზაცია ახალი რაკეტის სერიული წარმოებისთვის, რომელიც კრასნოიარსკის მხარესა და ორენბურგის ოლქში განთავსდება. ამ გზით რუსეთი შეკავების პოტენციალს ზრდის.

ორივე პოლუსის გავლით

მსოფლიოს ყველა ტექნოლოგიურად განვითარებული ქვეყანა ცდილობს, გადაუსწროს კონკურენტს მძიმე კონტინენტთშორისი რაკეტების წარმოების სფეროში, მაგრამ რუსეთი ძალიან წინაა. შახტში ბაზირების სარაკეტო კომპლექსი „სარმატი“ ყველა პარამეტრით აღემატება დანარჩენებს.

ანალოგი სიშორის, სისწრაფისა თუ დამანგრეველი სიმძლავრის მხრივ, არ არსებობს. ფრენის სიშორით — 18.000 კმ/სთ — „სარმატი“ ერთნახევარჯერ  სჯობნის „ვოევოდას“, რომელიც თავის მხრივ ყველა უცხოურ კონკურენტზე წინაა. 10 ტონამდეა გაზრდილი სასარგებლო დატვირთვა. თავის ნაწილი ინდივიდუალური დამიზნების ათი ბლოკისგან შედგება. ახალი რაკეტის სასტარტო მასა 208 ტონას შეადგენს (აქედან 178 ტონა — საწვავია).რაკეტის საერთო სიგრძე 35,5 მეტრია, ხოლო დიამეტრი — 3 მეტრი. 

საბრძოლო სიმძლაცრით „სარმატი“ და „ვოევოდა“ ერთნაირია. კონტინენტთშორის რაკეტას აუცილებლად წარმატებით უნდა შეეძლოს ანტისარაკეტო და ჰაერსაწინააღმდეგო სისტემების გადალახვა, დროულად და ზუსტად მოარტყას მიზანში. „ვოევოდას“ საბრძოლო ბლოკებიც კი მიფრინავდა ცრუ ელემენტების ღრუბელში (რაკეტის თავის ნაწილი ათი საბრძოლო ბლოკისგან შედგება, რომელტაგან თითოეულის სიმძლავრე 800 კილოტონაა და რაკეტსაწინააღმდეგო თავდაცვის სისტემის გარღვევის განვითარებული სისტემითაა აღჭურვილი). ლოგიკურია ვივარაუსოთ, რომ „სარმატს“ ფრენისას დაცვისა და შენიღბვის პრინციპულად ახალი საშუალებები ექნება.  სხვადასხვა სიმძლავრისა და დანიშნულების ბლოკების ხაზში კი ნამდვილად იარსებებს მოწინააღმდეგის რადიოლოკაციური სადგურების საწინააღმდეგო საშუალებები და სხვა ინოვაციური კომპონენტები.

როგორ მუშაობს ეს ყველაფერი?

გაყოფის შემდეგ მანევრირებადი ბლოკი დაახლოებით 15 Max–ის  (7 კმ/წმ) სიჩქარით მოძრაობს 100 კმ სიმაღლეზე და ატმოსფეროს მკვრივ ფენებში შესვლის წინ რთულ მანევრს ასრულებს მოწინააღმდეგის რაკეტსაწინააღმდეგო თავდაცვის გადასალახავად. როგორც ზემოთ უკვე აღინიშნა, ამგვარი საბრძოლო  ბლოკებით წქერტილოვანი არაბირთვული დარტყმების მიტანაა შესაძლებელი მსოფლიოს ნებისმიერ წერტილში მიმდინარე ლოკალურ კონფლიქტებში.

ახალი მძიმე „სარმატის“ შექმნისას ორი ძირითადი ორიენტირი იყო რაკეტსაწინააღმდეგო თავდაცვის სისტემებისადმი მოუწყვლადობა და მიფრენის მინიმალური დრო – რამაც შესაძლებელი გახადა მიეღოთ რეკორდული სიჩქარე, სიშორე, ტვირთამწეობა და 60 წამიანი საბრძოლო მზადყოფნა — მოწინააღმდეგის თავდასხმის შემთხვევაში ელვისებური რეაქცია.

პირობითი მოწინააღმდეგის ტერიტორიის „ორბიტული დაბომბვის“ ტექნოლოგია სამხრეთ პოლუსის ტრაექტორიის გავლით (რაკეტსაწინააღმდეგო თავდაცვის არსებული და პერსპექტიული სისტემების გვერდის ავლით), „სარმატს“ საშუალებას აძლევს, სამოქალაქო დანიშნულების კოსმოსური აპარატებიც გაუშვას. 

საკვანძო პარამეტრები

რამდენ ახალ მძიმე რაკეტას მიირებს რუსეთის სტრატეგიული დანიშნულების სარაკეტო ძალები? მანამდე ამერიკულმა ტელეარხმა CNBC–მ, აშშ–ის დაზვერვაზე დაყრდნობით, 60 „სარმატის“ თაობაზე განაცხადა, რაც დაახლოებით შეესაბამება „ვოევოდების“ რაოდენობას ორ დივიზიაში.

მაგრამ რუსეთის თავდაცვის სამინისტროს შესაძლოა სხვა გეგმებიც ჰქონდეს. ღია ინფორმაცია არსებობს მხოლოდ კონტინეტშორისი ბალისტიკური რაკეტებისა და საბრძოლო ბლოკების ზღვრულ რაოდენობაზე, რომელიც СНВ-3–ის შეთანხმებითაა განსაზღვრული. ეს 700 გამშვები დანადგარი და 1550 საბრძოლო ბლოკია.

რუსეთის სტრატეგიული დანიშნულების სარაკეტო ჯარების პერსპექტივების განვითარებაში მნიშვნელობა აქვს აშშ–ის სარაკეტო–ბირთვულ პოტენციალსა და მის საგარეო პოლიტიკას, ვა შინგტონის გასვლას მცირე და საშუალო სიშორის რაკეტების ლიკვიდაციის შეთანხმებიდან გასვლას, ამერიკული საშუალო სიშორის რაკეტების სავარაუდო განთავსებას ევროპაში — რუსეთთან ახლოს. ასე მაგალითად, პოლონეთსა და რუმინეთში პენტაგონის ანტისარაკეტო კომპლექსებია განთავსებული — უნივერსალური გამშვები დანადგარებითა და მზადყოფნის სხვადასხვა ხარისხით.  იქიდან საშუალო სიშორის ანტისარაკეტო „სტანდარტ–3–ისა“ და ფრთოსანი რაკეტა „ტომაგავკების“ გაშვებაა შესაძლებელი.  გარდა ამისა, პოლონეთსა და რუმინეთში ბაზირებული ამერიკული მოიერიშე უპილოტო საფრენი აპარატები შესაძლოა ბირთვული საბრძოლო მასალებით იყოს აღჭურვილი. რა თქმა უნდა, რუსეთის წინააღმდეგ საშუალო სიშორის მოიერიშე კომპონენტების გამოყენების შემთხვევაში, საპასუხო დარტყმის ზონაში აღმოჩნდება შეერთებული შტატებიცა და სასტარტო მოედნის ქვეყნებიც“. ამის ტაობაზე პირდაპირ განაცხადა რუსეთის სტრატეგიული დანიშნულების სარაკეტო ჯარების სარდალმა სერგეი კარაკაევმა.

სტრატეგიული დანიშნულების სარაკეტო ჯარების 2020 წლის გეგმებში შედის ორასზე მეტი სხვადასხვა დონის სწავლება და კონტინენტშორისი ბალისტიკური რაკეტების ექვსი გაშვება. გასულ წელს დაახლოებით ამდენივე სწავლება სარაკეტო გაშვება გაიმართა, რამაც სარაკეტო კომპლექსების მაღალი საიმედოობა და ეფექტურობა დაადასტურა.

თანამედროვე სტრატეგიული დანიშნულების სარაკეტო ჯარები — ეს სამი სარაკეტო არმია, 12 სარაკეტო შენაერთი (მათ შორის, სტაციონარული ბაზირების ოთხი და რვა მობილური დივიზია). ობიექტები საიმედოდაა დაფარული საჰაერო თავდასხმისგან. ბირთვულ სამეულში სტრატეგიული დანიშნულების სარაკეტო ჯარები მთავარ როლს ასრულებს. ახალი მძიმე კონტინენტშორისი ბალისტიკური რაკეტა „სარმატი“ ამ ჯარებსა და ბირთვული შეკავების სისტემაში საკვანძო პოზიციებს დაიკავებს.

60
ბოსტანი

დასვენების სეზონი კარანტინში: ვისთვის გახდა მებაღეობა და მებოსტნეობა ახალი ჰობი?

278
(განახლებულია 14:24 22.05.2020)
კორონავირუსმა ცვლილებები პრაქტიკულად ყველა სფეროში გამოიწვია. COVID-19-ის პანდემია კარანტინის გამოცხადების მიზეზი გახდა და ამან ბევრს სააგარაკო სეზონის დროზე ადრე გახსნისკენ უბიძგა.

აგარაკი ამ რთულ პერიოდში ბევრისთვის ერთგვარ თავშესაფრად იქცა, სადაც გაცილებით იოლი აღმოჩნდა კარანტინის რეჟიმისა და თვითიზოლაციის გადატანა. აქ ყოველთვის არის საქმე, ხალხი ცოტაა, ე.ი. ინფიცირების ალბათობაც ნაკლებია. ამ ყველაფერთან ერთად გაცილებით სასიამოვნო და სასარგებლოა იზოლაცია სუფთა ჰაერზე, ვიდრე ოთხ კედელში.

„Sputnik-საქართველო“ მკითხველს კარანტინის პირობებში მოუთხრობს სააგარაკო სეზონზე, იმაზე, თუ როგორ გახდა ზოგიერთისთვის მებაღეობა და მებოსტნეობა ახალი ჰობი.

სააგარაკო სეზონი კარანტინში

ბუნებაში ნებაყოფლობითი თვითიზოლაცია აირჩიეს სხვადასხვა ასაკისა და პროფესიის ადამიანებმა, მათ შორის, მოსწავლეების მშობლებმა, რომლებიც კორონავირუსის საფრთხის გამო დისტანციური სწავლების რეჟიმზე გადავიდნენ. 

ვინაიდან საზაფხულო შვებულების პერსპექტივა ჯერ კიდევ ბუნდოვანია, აგარაკები ახლა განიხილება, როგორც ოჯახის დასასვენებლად შესაფერისი ადგილი.

აქ ბავშვებიც სუფთა ჰაერზე იქნებიან და შინაური ცხოველებიც.

ამიტომ ქალაქგარეთ მდებარე სახლებსაც, რომლებიც წლების განმავლობაში იყო მიტოვებული, წელს პატრონები გამოუჩნდნენ.

ამასთან, როგორც ჩანს, კრიზისის დროს გონიერ ადამიანში მიწათმოქმედის გენები იღვიძებს და მებაღეობისა და მებოსტნეობის სურვილი უჩნდება.

ბევრი ფიქრობს, რომ საკუთარი ხელით მოყვანილი ბოსტნეული ზედმეტი არ იქნება ამ რთულ დროებაში. ზოგს კი მიაჩნია, რომ ყიდვა უფრო იაფი ჯდება და მებაღეობასა და მებოსტნეობას მხოლოდ გასართობად ჰკიდებს ხელს.

ეს დარგები ასე იქცა ახალ გატაცებად კარანტინში დასვენების სეზონზე.

ვისთვის გახდა მებაღეობა და მებოსტნეობა ახალი ჰობი

ბევრმა, ვინც პანდემიას ქალაქიდან გაექცა, მშობლიურ სოფელს მიაშურა, რომელსაც უკანასკნელ წლებში ძალიან იშვიათად სტუმრობდა. ერთ-ერთი მათგანი არის დიასახლისი ნინო რ., რომელიც ოთხ მეგობართან ერთად გურიაში გაემგზავრა, როგორც კი სკოლები დისტანციური სწავლების რეჟიმზე გადავიდნენ.  

„ეს გადაწყვეტილება ყველაზე ჭკვიანური იყო. ეს ყველაზე იზოლირებული და უსაფრთხო ტერიტორიაა, - ჰყვება ნინო, - ახალი ჰობი კი სტრესებისა და თანამედროვე ცხოვრების სხვა საფრთხეების თავიდან არიდებაში გვეხმარება“, - ამბობს იგი.

ახალი ჰობი ნინოსთვის მებაღეობა გახდა. თავის ამ გატაცებაში იგი ხედავს ორმაგ სარგებელს - ორგანიზმის აღდგენას და სულიერად დასვენებას.

„არაფერია საკუთარი ხელით გახარებული ნაყოფის დანახვაზე სასიამოვნო, - ამბობს ქალი, - გარდა ამისა, ქიმიის საუკუნეში მებაღეობა გეხმარება, გაანებივრო ბავშვები ნატურალური პროდუქტებით და თანდათანობით აღადგინო ორგანიზმი“.

ბუღალტრობიდან ფერმერობამდე

მებოსტნეობა ახალი გატაცებაა რამაზისთვის, რომელიც პროფესიით ბუღალტერია და რომელმაც კარანტინის აგარაკზე გატარება გადაწყვიტა.

მისი თქმით, ჩვეულებრივ დროს აგარაკზე სიარულს ხშირად ვერ ახერხებს.

„საათობით მიწაზე მუშაობა ძალიან სასიამოვნოა. ბარვა, დარგვა ან გადარგვა, - ჰყვება რამაზი. - ეს პროცესი თითქოს ამშვიდებს და დაძაბულობას გიხსნის. ბოსტანში მუშაობის შემდეგ დაღლაც კი სასიამოვნოა“. 

ამასთან, მისი თქმით, როდესაც ადამიანი სიყვარულით უვლის მცენარეს, შედეგიც არ აყოვნებს, მაგრამ ძალით რამის გახარება არ გამოდის.

„საიდუმლო ის არის, რომ მცენარეები გრძნობენ ადამიანის დამოკიდებულებას და თუ ისინი ნამდვილად უყვართ და ესაუბრებიან კიდეც, მწვანე მეგობრები ძალიან სწრაფად იზრდებიან“, - ამბობს რამაზი.

მსგავსი მაგალითი ბევრია. ასე რომ, მებაღეობა და მებოსტნეობა - ძალიან სასიამოვნო საქმეა, რომელმაც ადამიანი შეიძლება მთელი არსებით და დიდი ხნითაც ჩაითრიოს.

278
კვირიონი

კვირის ასტროპროგნოზი: რას გვიმზადებენ ვარსკვლავები 25–31 მაისის პერიოდში

0
(განახლებულია 18:07 24.05.2020)
დგება მაისისა და გაზაფხულის ბოლო კვირა. ვარსკვლავები და პლანეტები დისონანსში იქნებიან, ეს არ ნიშნავს, რომ ყველა ჩვენგანს პრობლემები ელის, მაგრამ ეს ნიშნავს, რომ საჭიროა მეტი სიფრთხილე და წინდახედულება გამოვიჩინოთ

ეცადეთ, მიჰყვეთ ასტროლოგების რჩევებს, რათა ზაფხულს მომზადებული შეხვდეთ და ყველა მნიშვნელოვანი საქმე გართულებების გარეშე დაასრულოთ.

ვერძი

ვერძებისთვის ამ კვირაში სერიოზული ცვლილებებია მოსალოდნელი ცხოვრების ყველა სფეროში. სამწუხაროდ, იმის გარკვევა, დადებითი იქნება ეს ცვლილებები თუ უარყოფითი, შეუძლებელია. მოგიწევთ ყელაფერში საკუთარ სიბრძნეს, ლოგიკას დაეყრდნოთ, არ ენდოთ ინტუიცია, რომელიც ამ კვირაში შესუსტებული იქნება. ასევე არ ენდოთ უცნობებს.

ვარსკვლავები და პლანეტები გააძლიერებენ თქვენს ემპათიას. გახდებით მეტად მგრძნობიარე, უფრო კარგად გაუგებთ სხვა ადამიანებს. ეს შეგიძლიათ საკუთარი მიზნებისთვის გამოიყენოთ. მთლიანობაში, კვირა საკმაოდ პროდუქტიული იქნება, ამიტომ არ იზარმაცოთ.

კურო

ყველაზე წარუმატებელი დღეები 26 და 27 მაისი იქნება. მოგაკლდებათ თავდაჯერებულობა, არ არის გამორიცხული სამომავლო გეგმების ჩაშლა. მთვარემ, შესაძლოა, თქვენში განგაშის გრძნობა გამოიწვიოს. ეცადეთ, განწყობა აიმაღლოთ და პოზიტიურად იფიქროთ.

კვირის მეორე ნახევარი გამარჯვებებისა და წარმატებების დრო იქნება. დიდი ალბათობით, მაისი თქვენთვის პოზიტიურად და იღბლიანად დასრულდება, მოახერხებთ მნიშვნელოვანი პრობლემების გადაჭრას. დადგა პროდუქტიული მუშაობისა და ძალების მთლიანად დახარჯვის დრო.

ტყუპი

ვარსკვლავები და პლანეტები თქვენთვის ამ კვირაში ძალზე პოზიტიურად იქნებიან განწყობილი, რაც ნიშნავს, რომ მოახერხებთ წარმატებების მიღწევას ცხოვრების სხვადასხვა სფეროში. მთავარია, არ აჩქარდეთ და ერთდროულად ორ კურდღელს არ გამოედევნოთ.

ყველაზე მნიშვნელოვანი კი პოზიტიური განწყობა და რწმენაა, რომ ყველაფერი შესაძლებელია. თუ საკუთარი ძალების რწმენა არ გექნებათ, პრობლემები და გაუგებრობები შეიძლება წარმოიშვას. პარაკევა და შაბათს, ასტროლოგების რჩევით, მარტოობაში ნუ გაატარებთ დროს.

კირჩხიბი

კირჩხიბებს ამ კვირაში, შესაძლოა, სამუშაოსა და ბიზნესში გარვეული პრობლემები შეგექმნათ. მნიშვნელოვანია, რომ გქონდეთ მოტივაცია, ენთუზიაზმი და შემოქმედებითი ენერგია. სწორად მოიქეცით კოლეგებთან თუ კლიენტებთან. იყავით მაქსიმალურად დიპლომატიური, გულღია, უარი არ თქვათ სხვების დახმარებაზე.

თუ ამ კვირაში რამე ახლის წამოწყებას აპირებთ, ღამის მანათობლები დაგეხმარებიან, მაგრამ მაინც სჯობს, წინასწარ განჭვრიტოთ სვლები, დაგეგმოთ საქმეები და გარშემომყოფებს გეგმები არ გაუზიაროთ. ყველაზე მნიშვნელოვანი საიდუმლოდ შეინახეთ.

ლომი

ამ კვირაში აჯობებს, თუ უარყოფითი თვისებებისგან გათავისუფლდებით, იგივე ეხება სხვადასხვა უსარგებლო ნივთს. არ ღირს ფულის დახარჯვა. ასტროლოგები გირჩევენ, ჩაატაროთ ე.წ. შინაგანი რევიზია და დაძლიოთ შიშები და მერყეობა.

ვარსკვლავები პოზიტიური იქნებიან ორშაბათს, ოთხშაბათსა და კვირას. შესაძლოა, სხვა დღეებში გაგიჭირდეთ საჭირო განწყობის შენარჩუნება, მაგრამ ეცადეთ, ეს მოახერხოთ. უქმეებზე რელაქსაციისა და სიაზრმაცის დრო არ იქნება. მნიშვნელოვანია საოჯახო საქმეების გაკეთება, საფუძვლიანი დალაგება, რათა სახლში პოზიტიური ენერგია მოიზიდოთ.

ქალწული

საკმაოდ პროდუქტიული, მაგრამ ნერვული და ზოგიერთ საკითხში უსიამოვნო კვირა გელოდებათ.ატროლოგები გირჩევენ, რომ პირველ რიგში, პოზიტიურ და ოპტიმისტურ  ტალღაზე აეწყოთ. ეცადეთ გაუმკლავდეთ შფოთვასა და განგაშის შეგრძნებას, თუ ასეთი გაჩნდა. წაგადგებათ დროული დასვენება.

ენერგეტიკის თვალსაზრისით კვირის საუკეთესო დღეებია პარასკევი და შაბათი. ვარსკვლავები იღბალს შეგმატებენ. იდეალური დროა სიყვარულისა და რომანტიკული თავგადასავლებისთვის, ფლირტის, ახალი ურთიერთობების ძებნისთვის. გელოდებათ უამრავი პოზიტივი და წარმატება.

სასწორი

სწორად უნდა შეარჩიოთ გარემოცვა. რაც შეიძლება ნაკლები ურთიერთობაიქონიეთ ბოროტ და ენერგოვამპირ ადამიანებთან. ასეთ ადამიანებს შეუძლიათ თქვენი ნეგატიურად დამუხტვა და ზიანის მოყენება, თუნდაც ამის სურვილი არ ჰქონდეთ. ეს არ ნიშნავს, რომ რომელიმე მეგობარს ან ნაცნობს უარი უთხრათ ურთიერთობებზე. უბრალოდ, სჯობს, არ მიაქციოთ ყურადღება მათ კრიტიკას და შეზღუდოთ შეხვედრები.

ამ კვირაში მეტა ყურადღება დაგჭირდებათ დეტალების მიმართ. მნიშვნელოვანია, რომ არანაირი წვრილმანი არ გამოგეპაროთ მხედველობიდან, რადგან მას შეიძლება დიდი დატვირთვა ჰქონდეს. ყოველი ახალი დღე მოგიტანთ რაღაც ახალს. არ ღირს წარსულით ცხოვრება.

მორიელი

მაისისა და გაზაფხულის ბოლო კვირა მორიელებს ახალ შეგრძნებებს, პოზიტივსა და კაშკაშა ემოციებს გაჩუქებთ. ძალზე სახარბიელო დროა სასიყვარულო ძიებებისთვის, ურთიერთობებისა და რომანტიკისთვის.

საქმეებსა და ფინანსურ სფეროში სიფრთხილე სჯობს. ყველაზე ნეგატიური დღე ამ კვირაში ორშაბათია. სამშაბათიდან ვარკვლავებისა და პლანეტების ენერგეტიკა გაიზრდება და ბევრად ოპტიმისტური გახდება. დადგება კარგი დრო ფინანსური ინვესტიციების, გარიგებებისთვის. კვირის ბოლო ხელსაყრელი დროა შენაძენებისთვის, საჩუქრებისთვის.

მშვილდოსანი

შესაძლოა, უკვე კვირის დასაწყისში გარკვეულ სირთულეებს წააწყდეთ, გაგიჩნდეთ შეგრძნება, რომ ცხოვრებაში ცუდი პერიოდი დაგიდგათ. განწყობის გაუმჯობესებაში ფიზიკური სავარჯიშოები და სეირნობა დაგეხმარებათ.

მაისის ბოლო კვირა საყვარელ ადამიანებთან გაატარეთ. იდეალური დროა ერთობლივი საქმიანობისთვის, თავგადასავლების, მგზავრობისთვის. ასევე წაგადგებათ ცოტა ხნით განმარტოებაც – ამისთვის კვირის ერთი–ორი საღამო გამოყავით.

თხის რქა

თხის რქებისთვის იდეალურიდ დრო დგება დამოუკიდებელი წინსვლისთვის. არ ღირს დახმარების თხოვნა – ყველაფერი თავად უნდა გააკეთოთ. ასტროლოგები არ გირჩევენ უფლებამოსილების გადანაწილებას, პასუხისმგებლობის გარშემომყოფებზე დაკისრებას – ასეთ შემთხვევაში, შესაძლოა, იღბალმა ზურგი გაქციოთ.ასევე სასურველია, რომ თავი დაიცვათ სხვების ნეგატიური ენერგიისგან.

საუბარია ტოქსიკურ ადამიანებზე, ენერგეტიკულ ვამპირებსა და მტრებზე. სკეპტიციზმი, შესაძლოა, ახლობელმა ადამიანებმაც კი გამოამჟღავნონ. უნდა იყოთ ძალზე ფრთხილი და წინდახედული. იდეალური დროა მნიშვნელოვანი საქმეების დაწყებისა და დამთავრებისთვის, ინტელექტუალური განვითარებისთვის.

მერწყული

ეს კვირა მერწყულებისთვის, შესაძლოა, უკიდურესად სტრესული და რთული აღმოჩნდეს. უნდა ეცადოთ, რომ მოიხსნათ დაღლილობის შეგრძნება, გათავისუფლდეთ განგაშის გრძნობისგან. ბევრი იფიქრეთ კარგზე, წარმოიდგინეთ ნათელი მომავალი, განეწყვეთ ოპტიმისტურად.

კვირის ბოლოს გამაფრდება ინტუიცია, გაიზრდება შემოქმედებითი შესაძლებლობები. ყველაზე მეტად გაუმათლებს მათ, ვისი პროფესიაც ამოცანების გადასაწყვეტად კრეატიულ დამოკიდებულებას მოითხოვს. სასურველია არ გადადოთ სამომავლოდ ის, რისი გაკეთებაც ახლა შეგიძლიათ.

თევზები

დგება სიყვარულის, კაშკაშა ემოციების, ახალი ურთიერთობების დაწყებისა და ნაცნობობის დრო. ასტროლოგები გირჩევენ აქტიურობას სოციალურ ქსელებში, მეგობრებთან, ახლობლებთან, საყვარელ ადამიანთან ურთიერთობებს.

ამავე დროს, ძალზე მნიშვნელოვანია, რომ არ დაივიწყოთ თქვენი მოვალეობები. არ ღირს გარისკვა და ავანტიურებში ჩართვა. სჯობს, არსებული პრობლემები მშვიდად გადაჭრათ და საოჯახო საქმეებს მიხედოთ. სიყვარულის საქმეებში ყური დაუგდეთ ახლობლების რჩევებსა და საკუთარ ინტუიციას.

0