რუსთავი 2-ის მიკროფონი

რატომ არ იხდის ტელეკომპანია „რუსთავი 2“ გადასახადებს?

59
„რუსთავი 2“-ის გენერალური დირექტორი ნიკა გვარამია საქართველოს ფინანსთა სამინისტროსა და ტელეკომპანია „იმედს“ წინააღმდეგ

საქართველოს ფინანსთა მინისტრმა დიმიტრი ქუმსიშვილმა განაცხადა, რომ „რუსთავი 2“-ს აქვს საგადასახადო დავალიანება, რამაც ამ ოპოზიციურად განწყობილი ტელევიზიის გენერალური დირექტორის აღშფოთება გამოიწვია.

„ტელეკომპანია „რუსთავი 2“-ს აქვს საგასახადო დავალიანება, ამჟამად მიდის აქტიური მოლაპარაკება რათა ვალი დაიფაროს. ჩემი აზრით ეს კონკურენტული გარემოა. ამას ვამბობ  არა როგორც მინისტრი, რომლის უშალო მოვალეობაცაა გადასახადების აკრეფა, არამედ როგორც ადამიანი რომლის პასუხისმგებლობაცაა ეკონომიკის განვითარება… უნდა აღვნიშნო, რომ გადასახადი ყველამ უნდა გადაიხადოს“, —  თქვა ქუმსიშვილმა ტელეარხ „იმედის“ ეთერში.

მისი თქმით, როდესაც ერთი კომპანია არ იხდის გადასახადებს, ხოლო დანარჩენები იხდიან, ვიღებთ არაკონკურენტულ გარემოს, ვინაიდან არგადამხდელს მეტი ფინანსები რჩება.

„აქედან გამომდინარე მას აქვს საშუალება დაიქირაოს უკეთესი თანამშრომლები, შეიძინოს უკეთესი ტექნიკა და დაამზადოს უკეთესი გადაცემები. სწორედ ეს ქმნის არაკონკურენტულ გარემოს“ — განაცხადა ქუმსიშვილმა.

ქუმსიშვილის განცხადებამ „რუსთავი 2“-ის გენერალური დირექტორის ნიკა გვარამიას აღშფოთება გამოიწვია.

„მინისტრმა უხეშად დაარღვია კანონმდებლობა, ვინაიდან გაასაჯაროა ინფორმაცია, რომელიც იყო კონფიდენციალური. ეს არის ცუდი სიგნალი არა მხოლოდ მეწარმეთა  შიდა წრისთვის, არამედ ზოგადად ბიზნესისთვის“- განაცხადა გვარამიამ ბრიფინგზე.

მისი სიტყვებით, გადასახადების გადახდა შეფერხებულია, ტელეკომპანიის ძველი და ახალი მფლობელების დავის გამო.

„თუ „რუსთავი 2“-ის ანგარიშს საგადასახადო ინკასოს დაადებენ ეს ტელეკომპანიის დახურვის ტოლფასია და სახელმწიფო მიაღწევს იმას რასაც აქამდე ვერ მიაღწია. „რუსთავი 2“ ისევ საფრთხეშია, მას ეთერის გათიშვა ემუქრება“- თქვა გვარამიამ.

გვარამიამ ასევე დაადანაშაულა ტელეკომპანია  „იმედი“ არაჯანსაღ კონკურენციაში.

„სხვადასხვა არხებიდან, მათ შორის „რუსთავი 2“-დან  თანამშრომლების გადაბირებამ, ეტყობა ტელეკომპანიის ხარჯები გაზარდა და მათ გადაწყვიტეს არაკოლეგიალური და არაკორექტული გზით დაუპირისპირდნენ „რუსთავი 2-ს“ —ხაზი გაუსვა გვარამიამ.

საქართველოს ფინანსთა სამინისტრომ გვარამიას განცხადებას სიცრუე უწოდა.

„საქართველოს ფინანსთა სამინისტროს შემოსავლების სამსახური აცხადებს, რომ კანონის შესაბამისი პუნქტების მიხედვით, ინფორმაცია საგადასახადო დავალიანებების შესახებ არის საჯარო და არანაირ საიდუმლოს არ წარმოადგენს. შესაბამისად, ფინანსთა მინისტრის კომენტარი, რომ ტელეკომპანიას აქვს დავალიანება, არ წარმოადგენს საგადასახადო საიდუმლოს. აქედან გამომდინარე ტელეკომპანია „რუსთავი 2“-ის გენ. დირექტორის შეფასება სრული სიცრუე და საზოგადოების შეცდომაში შეყვანის მცდელობაა“ — ნათქვამია ფინანსთა სამინისტროს პასუხში. 

ვნებათაღელვა „რუსთავი 2“-ის გარშემო

ტელეკომპანიის ანგარიშების ნაწილი დაყადაღებულია სასამართლო გარჩევების გამო, სადაც უნდა გადაწყდეს თუ ვისი საკუთრებაა ეს კომპანია. ტელეკომპანიაზე თავის უფლებებს ითხოვს ყოფილი მფლობელი ბიზნესმენი ქიბარ ხალვაში, რომელმაც სასამართლოს სხვადასხვა ინსტანციებში  შეძლო თავისი სიმართლის დამტკიცება.

საქართველოს უმაღლესმა სასამართლომ მარტში დაადგინა, რომ კომპანია ხალვაშს უნდა გადაეცეს. თუმცა, ეს გადაწყვეტილება ჯერ ვერ სრულდება. ადამიანის უფლებათა ევროპულმა სასამართლომ, სადაც ტელევიზიის იურისტებმა იჩივლეს, შეაჩერა აღსრულების ღონისძიება. სტრასბურგის სასამართლომ უნდა გადაწყვიტოს ხომ არ დაირღვა ადამიანის უფლებები სასამართლო პროცესების მიმდინარეობისას.

ზოგიერთები, ხალვაშის ახლად გაღვიძებულ ინტერესს „რუსთავი 2“-ის მიმართ, ტელევიზიის ოპოზიციური პოლიტიკით ხსნიან. ბიზნესმენი არ მალავს თავის სიმპათიებს არსებული ხელისუფლების მიმართ.

„რუსთავი2“-ის რეიტინგის დაგდებას ცდილობს მედიაჰოლდინგი „იმედი“, რომელიც აწ განსვენებულ მილიარდერ ბადრი პატარკაციშვილის ოჯახს ეკუთვნის. თავად ეს მედიაჰოლდინგი განსვენებულის ოჯახს დაუბრუნდა 2012 წელს საქართველოში ხელისუფლების შეცვლის შემდეგ. 

არეალის გაფართოების მიზნით მათ უკვე შეიძინეს ორი ტელეკომპანია GDS და „მაესტრო“.

სარეკლამო შემოსავლებით „რუსთავი 2“ ამ ეტაპზე პირველ ადგილზეა — 12,2 მილიონი ლარი(5 მილიონ დოლარზე მეტი). მეორეა „იმედი“ — 9 მილიონი ლარი (დაახლოებით 3, 7 მილიონი დოლარი).  


59
განახლებული მოესანი პარლამენტის წინ

საარჩევნო ალიანსები, პირველი დამკვირვებლები და რეიტინგები - კვირის შედეგები

51
მოულოდნელი გაერთიანებები, ყოფილი მინისტრების აჩრდილები და ბოლო მომენტში მიღებული გადაწყვეტილებები - ქვეყანამ, რომელიც ყველაფერთან ერთად აქტიურად ებრძვის კორონავირუსს, წინასაარჩევნო რბოლის კიდევ ერთი რთული კვირა გადაიტანა

გასული კვირა უხვად იყო გაჯერებული საარჩევნოდ შექმნილი კავშირებით და პოლიტიკური რეიტინგებით, რომლებიც ამ დღეებში ამომრჩევლებს ერთი მეორეს მიყოლებით მიაყარეს. ამ უამრავ რეიტინგში აქტიური წინასაარჩევნო რბოლის წინ წინასაწარი შედეგები შეჯამდა.

საპარლამენტო არჩევნები 31 ოქტომბერს გაიმართება, და, ხელისუფლება ირწმუნება, რომ კორონავირუსით ინფიცირებულთა ნებისმიერი რაოდენობის შემთხვევაში მაინც შედგება.

კორონავირუსი ხელს ვერ შეუშლის ვერც საერთაშორისო ამომრჩევლების ჩამოსვლას - პირველივე კვირაში რეგისტრაცია ექვსმა საერთაშორისო ორგანიზაციამ გაიარა. ადგილობრივი ორგანიზაციების რაოდენობა ბევრჯერ მეტი იქნება - 49-მ უკვე გაიარა რეგისტრაცია, განაცხადების მიღება კი ახალი დაწყებულია.

საარჩევნოდ თითქმის მთლიანად დაკომპლექტებულია ყველა საუბნო კომისია. ცესკომ 21 942 ვაკანტურ ადგილზე 21 894 ადამიანი უკვე შეარჩია.

კვირის მთავარი მოვლენა

ამჯერად კვირის მთავარი მოვლენა გახდა ერთბაშად ორი შერწყმა - ხუთი პარტიის კავშირი „ერთიანი ნაციონალური მოძრაობის“ მეთაურობით, ასევე „პატრიოტთა ალიანსის“ და „მემარცხენე ალიანსის“ კავშირი. ამგვარად, საქართველოში გაჩნდა ახალი წინასაარჩევნო ბლოკი, ხოლო „მემარცხენე ალიანსმა“ წინასაარჩევნო რბოლა შეწყვიტა.

ახალი წინასაარჩევნო ბლოკი ატარებს სახელწოდებას „ძალა ერთობაშია“ და მასში შევიდნენ: „ერთიანი ნაციონალური მოძრაობა“, „სახელმწიფო ხალხისათვის“, „პროგრესი და თავისუფლება“, „საქართველოს რესპუბლიკური პარტია“ და „ევროპული დემოკრატები“.

ყველაზე უჩვეულოა ამ გაერთიანებაში რესპუბლიკელების ხილვა. ჯერ კიდევ რვა წლის წინ ეს პარტია იყო კოალიციაში „ნაცმოძრაობის“ დაუძინებელ მოწინააღმდეგესა და ბლოკის ამჟამინდელ მთავარ კონკურენტებთან, მოქმედ მმართველ პარტიასთან „ქართული ოცნება - დემოკრატიულ საქართველო“, ხოლო მათ ლიდერებს მთავრობასა და პარლამენტში ხელმძღვანელი პოსტები ეკავათ.

კვირის სკანდალი

თუმცა, შექმნიდან რამდენიმე დღეში ბლოკში ნამდვილი სკანდალი აგორდა.

მიზეზი უყო ჭორები, თითქოს ბლოკის სიაში თუ მომავალ მთავრობაში ყოფილი შინაგან საქმეთა მინისტრ ვანო მერაბიშვილის გვარი წერია.

სკანდალი ააგორა პარტიის გენერალურმა მდივანმა ნიკა მელიამ, რომელმაც განაცხადა, რომ საკუთარ თავს ვერ ხედავს იმ პარტიაში, რომლის წევრი ვანო მერაბიშვილი იქნება.

აღსანიშნავია, რომ მელია ოპოზიციის ერთადერთი მაჟორიტარობის კანდიდატია, რომელსაც, რეიტინგების მიხედვით, არჩევნებზე მოგების შანსი აქვს.

კვირის აქცია

სანამ მთავარ ოპოზიციურ ძალაში სიის გამო ვნებათაღელვა არ ცხრებოდა, სხვა ოპოზიციურმა პარტიამ „ქართული მარში - ეროვნული მოძრაობა“ გააკეთა თავისი სვლა ბანკირ მამუკა ხაზარაძის პარტია „ლელოს“ წინააღმდეგ.

ვინ გახდება პრემიერი? ახალმა კვლევამ პარტიების გამარჯვების შანსები შეაფასა >>

ულტრანაციონალისტურმა „ქართულმა მარშმა“ „ლელოს“ ოფისთან საპროტესტო აქცია გამართა და მის ლიდერს ხალხის ფულის მოპარვა დასდო ბრალად. პოლიციის ჩარევის წყალობით აქციამ მშვიდობიანად ჩაიარა. თუმცა, თავად „ლელოში“ „ქართული მარშის“ უკან მმართველი პარტიის ინტერესები დაინახეს.

ოპოზიციური მხარდაჭერა

ამ კვირაში საბოლოოდ გახდა ცხადი განხეთქილება ბლოკ „ძალა ერთობაშიას“ და დანარჩენ ოპოზიციურ სპექტრს შორის.

ბოლო შტრიხი ამაში შეიტანა პარტიამ „ევროპული საქართველო - მოძრაობა თავისუფლებისთვის“, რომელმაც მცხეთა-მთიანეთის საარჩევნო ოლქში მხარი დაუჭირა არა ბლოკის კანდიდატ ცეზარ ჩოჩელს, არამედ „ლეიბორისტული პარტიის“ კანდიდატ ბექა ნათელაშვილს.

საზოგადოება გააკვირვა ოპოზიციური პარტია „ქართული დასის“ ლიდერმა ჯონდი ბაღათურიამ, რომელიც საარჩევნოდ გაერთიანდა ორ ძალასთან, რომელიც არჩევნებში მონაწილეობას საერთოდ არ იღებს. მისმა პარტიამ მიიღო გადაწყვეტილება არ წამოაყენოს კანდიდატები თბილისში და მხარი მმართველი პარტიის კანდიდატებს დაუჭიროს.

გამოკითხვები, გამოკითხვები, გამოკითხვები...

გასულ კვირას პარტიების რამდენიმე რეიტინგი დაიდო. საზოგადოებრივი აზრის გამოკითხვის შედეგები გამოაქვეყნა ერთბაშად ოთხმა ორგანიზაციამ: GORBI, Edison Research, NDI და IRI.

გამოკითხვის შედეგებით, ამომრჩეველთა უმრავლესობა მზად არის ხმა მმართველ პარტია „ქართულ ოცნებას“ მისცეს. სხვადასხვა გამოკითხვებით, მისი რეიტინგი 17%-დან 56,3%-მდე მერყეობს. მეორე ადგილზეა „ნაცმოძრაობა“ რეიტინგით 5%-დან 15%-მდე.

გამოკითხვებმა ასევე აჩვენა, რომ მოსახლეობის დიდ ნაწილს არჩევანი ჯერ არ გაუკეთებია და ის გადაწყვეტილებას ბოლო მომენტში მიიღებს.

51
თემები:
საქართველოს საპარლამენტო არჩევნები 2020
მშენებლობა

როგორ იმოქმედა იპოთეკის სუბსიდირების პროგრამამ ეროვნული ბანკის გადაწყვეტილებაზე

68
(განახლებულია 19:13 17.09.2020)
ქვეყანაში 1 აგვისტოსთვის 2,1 მილიარდი ლარის საერთო ღირებულების უძრავი ქონების იპოთეკაზე 46,6 ათასი კრედიტი გაიცა.

თბილისი, 17 სექტემბერი – Sputnik. საქართველოს ეკონომიკის სექტორებისთვის მთავრობის დახმარების პროგრამა, პირველ რიგში, იპოთეკური კრედიტის პროცენტების სუბსიდირება, ფულად-საკრედიტო პოლიტიკის შერბილების ანალოგიურია, იუწყება ეროვნული ბანკი.

საქართველოს ეროვნული ბანკის მონეტარული პოლიტიკის კომიტეტმა გუშინ რეფინანსირების განაკვეთის უცვლელად, 8%-ზე დატოვების გადაწყვეტილება მიიღო.

  • რეფინანსირების განაკვეთი არის პროცენტის მოცულობა წლიური დაანგარიშებით, რომელსაც ეროვნულ ბანკს ორგანიზაციები მათთვის გაცემული კრედიტებისთვის უხდიან. განაკვეთი არის ეროვნული ბანკის ფულად-საკრედიტო პოლიტიკის ძირითადი ინსტრუმენტი და საფინანსო სექტორში საბაზრო განაკვეთებისთვის ორიენტირად მიიჩნევა.

როგორ ეხმარება ხელისუფლება იპოთეკის მიღების მსურველებს

„ერთობლივ მოთხოვნაზე პოზიტიურად მოქმედებს მნიშვნელოვანი ფისკალური სტიმული, მათ შორის, იპოთეკური სესხების საპროცენტო ხარჯის ნაწილობრივი სუბსიდირება, რასაც, ფაქტობრივად, მონეტარული პოლიტიკის შერბილების მსგავსი ეფექტი აქვს“, – ნათქვამია ეროვნული ბანკის განცხადებაში.

გაყიდვების შემცირების პრობლემის მოსაგვარებლად ხელისუფლებამ გადაწყვიტა მოქალაქეებისთვის ბინების შეძენის პროცესის გამარტივება. მაისში მთავრობამ იპოთეკის საპროცენტო განაკვეთის სუბსიდირებისთვის 70 მილიონი ლარის გამოყოფის გადაწყვეტილება მიიღო. გარდა ამისა, 14 მილიონი ლარი გამოიყო იპოთეკური კრედიტების პორტფელის სახელმწიფო გარანტიებისთვის.

საცხოვრებელი პირობების გაუმჯობესებისა და 2020 წლის ბოლომდე ბინების შეძენის მსურველებს მთავრობა იპოთეკური კრედიტების საპროცენტო განაკვეთის დასაფარად სუბსიდიებს გამოუყოფს. 4%-იანი სუბსიდია 5 წლის განმავლობაში გავრცელდება ყველა საკრედიტო შეთანხმებაზე, რომელიც 200 ათას ლარს არ აღემატება.

გარდა ამისა, კრედიტების გასასტუმრებლად ვადამდელი შენატანების მატების, ასევე საპროცენტო განაკვეთის ზრდის თავიდან ასაცილებლად მთავრობა იძლევა 20%-ის გარანტიას ყველა კრედიტზე, რომელიც 2020 წლის ბოლომდეა აღებული. გარანტია შეეხება კრედიტებს პირველი შენატანის არანაკლებ 10%-ის მოცულობით.

რა უნდა ვიცოდეთ, სანამ ბინას ვიგირავებთ... ანუ სად იმალება ეშმაკი>>

საერთაშორისო პროგნოზებისა და კვლევების ცენტრის ვიცე-პრეზიდენტი ნიკა შენგელია ფიქრობს, რომ მთავრობა, ძირითადად, მოსახლეობის შედარებით შეძლებულ ფენებს ეხმარება.

„დღეს ბინას ყიდულობენ ისინი, ვისაც აქვს ფული ან მაღალი ხელფასი. რატომ უნდა დაუფარონ კრედიტის პროცენტი ბიუჯეტიდან იმათ, ვისაც უკვე შეუძლია თავს ამის უფლება მისცეს? აჯობებდა ამ თანხის გამოყენება სოციალური დახმარების პაკეტებში“, – განუცხადა შენგელიამ „Sputnik-საქართველოს“.

თუმცა, მისი თქმით, მეორე მხრივ, მთავრობა ცდილობს წაახალისოს არა მხოლოდ მოსახლეობის შედარებით შეძლებული ფენები, არამედ დეველოპერები და საბანკო სექტორი.

„გაიზარდა არა მხოლოდ ბინების, არამედ სამშენებლო მასალების გაყიდვების მოცულობა, გარდა ამისა, შეჩერდა ფასების ვარდნა ახალაშენებულ ფართსა და მშენებარე ბინებზე, ზოგ შემთხვევაში კი გაიზარდა კიდეც“, – აღნიშნა ექსპერტმა.

მთლიანობაში, შენგელიას აზრით, სახელმწიფოს მიერ ნებისმიერი საქონლის გაყიდვის სუბსიდირება არ იქნება შეცდომა, პირიქით, ეს სარგებელს მოუტანს ეკონომიკასაც და მოსახლეობასაც.

„მით უმეტეს, რომ სექტემბრის ბოლოდან საბაზრო მოთხოვნილება საგრძნობლად დაიწევს, რადგან ადამიანებს სულ უფრო ნაკლები ფული ექნებათ საქონლისა და მომსახურების შესაძენად“, – აღნიშნა ექსპერტმა.

რამდენი კრედიტია გაცემული საქართველოში

არასამთავრობო ორგანიზაცია „საზოგადოება და ბანკების“ მონაცემებით, 2020 წლის 1 აგვისტოსთვის საქართველოში საერთო ჯამში 6,2 მილიარდი ლარის მოცულობის 120,3 ათასი კრედიტი გაიცა. კრედიტების საერთო რაოდენობიდან მნიშვნელოვანი ნაწილის საპროცენტო განაკვეთი მიბმულია რეფინანსირების განაკვეთზე.

არასამთავრობო ორგანიზაციის ინფორმაციით, 1 აგვისტოსთვის ქვეყანაში გაცემულია 2,1 მილიარდი ლარის ოდენობის 46,6 ათასი იპოთეკური კრედიტი. მათი საშუალო საპროცენტო განაკვეთი შეადგენს 10,35%-ს.

რადგან ეროვნულმა ბანკმა რეფინანსირების განაკვეთი უცვლელი დატოვა, შესაბამისად, არ შეიცვლება საპროცენტო განაკვეთი უკვე აღებულ კრედიტებზეც.

როგორ იცვლებოდა წელს რეფინანსირების განაკვეთი

ეროვნულმა ბანკმა მონეტარული პოლიტიკის შერბილება ხანგრძლივი გამკაცრების პერიოდის შემდეგ, მიმდინარე წლის აპრილიდან დაიწყო. ეროვნული ვალუტის კურსის ვარდნით გამოწვეული ინფლაციის ზეწოლის გასანეიტრალებლად განაკვეთის აწევა რეგულატორმა 2019 წლის სექტემბრიდან დაიწყო.

სექტემბრიდან დეკემბრამდე რეფინანსირების განაკვეთი 6,5%-დან 9%-მდე გაიზარდა. საქართველოში კორონავირუსის გავრცელების საფრთხის გამო ქვეყნის ხელისუფლებამ 2020 წლის 21 მარტს კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად შეამცირა მონეტარული პოლიტიკის ძირითადი განაკვეთი 8%-მდე.

ნიკა შენგელიამ უკმაყოფილება გამოთქვა რეგულატორის ბოლო გადაწყვეტილებით – დაეტოვებინა რეფინანსირების განაკვეთი იმავე დონეზე.

„ჩვენ იმედი გვქონდა, რომ რეგულატორი შეამცირებდა განაკვეთს, ვინაიდან მთელ მსოფლიოში – ევროპაში, აშშ-ში, ჩინეთში, რუსეთშიც კი, განაკვეთი შემცირდა. უკვე დროა მონეტარული პოლიტიკა შეიცვალოს, ვგულისხმობ, რომ საჭიროა რეფინანსირების განაკვეთის ნულთან მიახლოება, რადგან ეკონომიკა რეცესიაშია და საჭიროა მისი წამოწევა“, – აღნიშნა შენგელიამ „Sputnik-საქართველოსთან“ საუბრისას.

ექსპერტის აზრით, ეროვნული ბანკის გადაწყვეტილება ნამდვილად არ იმოქმედებს პოზიტიურად ეკონომიკაზე, უბრალოდ არ ჩაძირავს მას.

როგორ იცვლებოდა ინფლაცია წლის დასაწყისიდან

ინფლაციის დონის რეგულირება საქართველოს ეროვნული ბანკის საქმიანობის ერთ-ერთი მთავარი მიმართულებაა.

უფრო იაფად, ვიდრე გუშინ, ანუ შეიძინე ბინა და გადმოდი დღესვე!>>

„ბოლო თვეებში ფასების დინამიკა ეროვნული ბანკის პროგნოზებს შეესაბამება. როგორც მოსალოდნელი იყო, წლიური ინფლაცია შემცირებას განაგრძობს და მან აგვისტოში 4.8 პროცენტი შეადგინა“, – აღნიშნულია რეგულატორის განცხადებაში.

წლიურმა ინფლაციამ 2019 წელს 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. რეფინანსირების განაკვეთი ამ პერიოდში 6,5%-დან 9%-მდე გაიზარდა, ბოლოს – 2019 წლის დეკემბერში.

წლის დასაწყისიდან ინფლაციის დონემ კლება დაიწყო – იანვარსა და თებერვალში მან 6,4%, მარტში – 6,1% შეადგინა.

ეროვნული ბანკის მიმდინარე პროგნოზით, სხვა თანაბარ პირობებში, წლიური ინფლაციის შემცირების ტენდენცია წლის ბოლომდე შენარჩუნდება, ხოლო მიზნობრივ 3%-იან დონეზე დაბლა ინფლაციის დონე 2021 წლის პირველ ნახევარში ჩამოვა.

„ინფლაციის მოსალოდნელ ცვლილებას, ძირითადად, სუსტი ერთობლივი, მეტწილად, საგარეო მოთხოვნა განსაზღვრავს. თუმცა კომიტეტმა ასევე გაითვალისწინა ინფლაციის მოლოდინების კუთხით არსებული რისკები, რომლებიც სავალუტო ბაზრებზე გაზრდილ მერყეობასა და მიზნობრივზე მაღალი ინფლაციის მაჩვენებლის ხანგრძლივად შენარჩუნებას თან ახლავს“, – ნათქვამია განცხადებაში.

ნიკა შენგელია არ იზიარებს ეროვნული ბანკის პროგნოზს ინფლაციის შემცირებასთან დაკავშირებით.

პანდემია და არჩევნები საქართველოში: რა ხდება ლარის კურსთან დაკავშირებით>>

„ჩვენ ველით ინფლაციის მნიშვნელოვან ზრდას, ძირითადად, ოქტომბრის ბოლოდან, რადგან ამ პერიოდიდან კვლავ მოსალოდნელია საქონლისა და მომსახურების გაძვირება. ვინაიდან ამ დროისთვის ადგილობრივი სასოფლო-სამეურნეო პროდუქტის მარაგი უკვე ამოწურულია, ჩვენ კვლავ დამოკიდებული ვიქნებით იმპორტირებულ საქონელზე“, – განუცხადა შენგელიამ „Sputnik-საქართველოს“.

მისი თქმით, ქვეყანას სასურსათო კალათის 80%-მდე კვების პროდუქტების შემოტანა მოუწევს.

68
თემები:
საქართველოს ეკონომიკა
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0