ქართული ყველის ასორტი

ტენილი, ჩოგი, კალტი... რვა ათასი წლის ისტორია და ჭაჭაში დამალული ყველი

10441
(განახლებულია 15:44 19.05.2016)
საქართველო არა მხოლოდ ღვინის, არამედ ყველის სამშობლოცაა. თუმცა ის ფაქტი, რომ ყველის დამზადების ტრადიცია ჩვენს ქვეყანაში ათასწლეულებს ითვლის, ცოტამ თუ იცის.

ლიზა შელია
„ყველის სახლის“ დამფუძნებელი ანა ჩიკვაიძე–მიქაძისა ყველის  უიშვიათესი სახეობების აღორძინებითაა დაკავებული. ამის შესახებ ის Sputnik–ს ესაუბრა.

„ყველის წარმოების ისტორია მსოფლიოს სხვა ქვეყნებში ოთხი ათას წელს ითვლის, ჩვენში კი 8 ათასი წლის წინანდელი ყველის შესანახი ჭურჭელია შემონახული. გამომდინარე აქედან, მიმაჩნია, რომ უფლება გვაქვს  საქართველოს არა მხოლოდ ღვინის, არამედ ყველის სამშობლოც ვუწოდოთ“, — ამბობს „ყველის სახლის“ დამფუძნებელი.

ქალბატონი ანა ერთადერთი ქალია საქართველოში, რომელიც ყველის წარმოების ისტორიას სწავლობს. ხუთი წლის განმავლობაში მან მთელი საქართველო მოიარა, მაღალმთიან რეგიონებში უხუცეს ადამიანებს შეხვდა და მათგან ყველის უძველესი სახეობების რეცეპტები ისწავლა. ასეთი ყველი უკვე არცკი ახსოვდა ვინმეს.

თბილისში ყველის სახლის დამაარსებელი ანა ჩიკვაიძე-მიქელაძისა
ანა ჩიკვაიძე-მიქაძისა
თბილისში "ყველის სახლის" დამაარსებელი ანა ჩიკვაიძე-მიქელაძისა

„მაგალითად, ერთმა 95 წლის ქალბატონმა, რომელიც სამეგრელოს სოფელ კოლხიდაში ცხოვრობდა, თაფლში შენახული ყველის რეცეპტი  გამანდო. მეც აღვადგინე ეს სახეობა და ახლა დიდი პოპულარობით სარგებლობს“, — აღნიშნავს ანა ჩიკვაიძე–მიქელაძისა.

ქართული ყველის სახეობები

შეუძლებელია ზუსტად თქვა, ქართული ყველის რამდენი სახეობა არსებობს. ქალბატონი ანა სოფელ–სოფელ სიარულს განაგრძობს და ყოველ წასვლაზე ახალ რეცეპტებს აგნებს.
დღეისათვის ჩვენში ოფიციალურად ყველის 14 სახეობაა დარეგისტრირებული: დამბალხაჭო, ჩოგი, ტენილი ყველი, კალტი, კობი, აჭარული ჩეჩილი, მესხური ჩეჩილი, სულგუნი, მეგრული სულგუნი, სვანური სულგუნი, გუდის ყველი, თუშური გუდა, იმერული და ქართული.

ქართველებში ყველაზე დიდი პოპულარობით მაინც იმერული ყველი და სულგუნი სარგებლობს.

ქართული ყველის ასორტი
Levan Avlabreli
ქართული ყველის ასორტი

 

რაც შეეხება ყველის ნაკლებად ცნობილ სახეობებს:

ჩოგი — თუშური ყველი, როგორც წესი, მზადდება ივლისსა და აგვისტოში ცხვრის მოუხდელი რძისგან.

ტენილი ყველი — სამცხე–ჯავახური ყველი. ეს სახეობა იუნენსკოს კულტურული მემკვიდრეობის ნუსხაშიც კია შესული. ძალზე ცხიმიანი ტენილი ყველი ურთულესი ტექნოლოგიით მზადდება და ვიზუალურად გრძელ და წვრილ ძაფს მოგაგონებთ.

კალტი — ეს სახეობა მთიან რეგიონებშია გავრცელებული. გამხმარი კალტი ძირითადად მწყემსების საკვებს წარმოადგენს და გარდა იმისა, რომ შესანიშნავად კლავს შიმშილს, არაჩვეულებრივი ანტისეპტიკური საშუალებაცაა. კალტს ნადუღისგან ამზადებენ და რაღაცით პარმეზანს ჩამოჰგავს.

კობი — მზადდება ძროხის ნახევრად მოხდილი ან მოხდილი რძით, რომელსაც ცხვრის რძესაც ურევენ. ეს უგემრიელესი ყველი საოცრად უხდება კახურ თონის პურს.

ქართული სუფრის ერთ-ერთი  -  ყველი და მჭადი
ფრედ გრინბერგი
ქართული სუფრის ერთ-ერთი - ყველი და მჭადი

აჭარული ჩეჩილი (დაჩეჩილი) — გარეგნულად დიდ თოკს ჰგავს, მზადდება ზაფხულში, ძროხის მოხდილი რძით. ასეთივე მეთოდი გამოიყენება მესხური ჩეჩილის დამზადებისასაც.

ქართული ყველი — კეთდება როგორც ძროხის, ისე ცხვრის, თხის, კამეჩის რძის ან მათი ნარევისგან. ოღონდ ნარევის შემთხვევაში ძროხის რძის რაოდენობა 50%-ზე ნაკლები არ უნდა იყოს.

გუდის ყველი — სპეციფიური ქართული ყველი, რომლის სამშობლოც თუშეთია. კეთდება ცხვრის რძისგან და ინახება გუდაში 20 დღის განმავლობაში.

ყველი კალტი
Levan Avlabreli
ყველი კალტი

 
თხის ყველი — ყველაზე სასარგებლო ყველია, რომლის ტექნოლოგიის  აღორძინებაზეც ახლა მუშაობს „ყველის სახლის“ დიასახლისი.

ყველის „მუზეუმი“

ქალბატონმა ანამ ყველის მაღაზია გახსნა. ოღონდ არა ჩვეულებრივი, არამედ მუზეუმი–მაღაზია, სადაც არაერთ „საყველე“ ნივთს მოუყარა თავი, როგორც არქეოლოგიურ მტკიცებულებას, რომ ყველი საქართველოში ოდითგან იწარმოებოდა.

„სადღვებელი, დერგები, რძისა თუ ხაჭოს შესანახი ჭურჭელი… ექსპოზიციური გარემო შევქმენით. სტუმრებს ყველის სხვადასხვა სახეობასაც დავაგემოვნებინებთ, მათი  წარმოების ისტორიასაც  ვუამბობთ და თვალსაჩინო მასალასაც ვანახებთ“, — ამბობს ანა ჩიკვაიძე–მიქაძისა.

აჭარული ჩეჩილი (დაჩეჩილი) ყველი
Levan Avlabreli
აჭარული ჩეჩილი (დაჩეჩილი) ყველი

ჰო, მართლა, ყველის გარდა ამ მაღაზიაში ღვინის ყიდვაც შეიძლება, სუნელ–სანელებლებისაც, ჩურჩხელისაც, ქართული ჩაისაც, ნამდვილი კახური შოთისაც და თონეში გამომშრალი პურისაც.

დავიწყებული სახეობებიდან აღსანიშნავია სვანური ყველი ნარჩვი და ქართლური დო–მხალი. ეს უკანასკნელი მაწვნისგან კეთდება.

„მარტყოფში შემთხვევით გადავაწყდი ადამიანს, რომელიც დო–მხალს ამზადებს. ეს ყველი შეგიძლიათ პურზე კარაქივით წაისვათ და ისე მიირთვათ, შეგიძლიათ ხახვი ჩააშუშოთ და წვნიანში გამოიყენოთ. უგემრიელესი სუპი გამოდის“, — ირწმუნება ქალბატონი ანა.

დამბალხაჭო — ეს ყველაზე ძვირი ყველია ქართული სახეობებიდან და ერთი კგ–ს ფასი 12–18 დოლარს აღწევს. მისი სამშობლო მთიულეთი და ფშავია. დამბალხაჭო ობიანი ყველის სახეობაა და პენიცილინის სოკოს შეიცავს. თუმცა ევროპული ობიანი ყველისგან იმით განსხვავდება, რომ ევროპელები ყველს სპეციალურად სოკოს ბაქტერიებით აობებენ, დამბალხაჭოს კი ბუნებრივი გზით.

ყველის შესანახი ჭურჭელი
ანა ჩიკვაიძე-მიქაძისა
ყველის შესანახი ჭურჭელი

დამპალი ყველი — კიდევ ერთი იშვიათი სახეობა, რომელსაც ქალბატონმა ანამ მიაგნო. ეს ობმოკიდებული თეთრი ყველია, კარაქის შიგთავსით.

„ზუსტად ფრანგული „კამამბერის“ მსგავსია. შემთხვევით აღმოვაჩინე აჭარაში. ერთ–ერთ პატარა, ოჯახურ სასტუმროში მომართვეს საუზმეზე — როგორც გაირკვა, შეცდომით. დიასახლისს ეს ყველი თურმე ოჯახის წევრებისთვის ჰქონდა გადანახული. სწორედ მისგან ვისწავლე რეცეპტი“, — ამბობს ანა ჩიკვაიძე–მიქაძისა.

„ყველის სახლის“ დიასახლისი, გარდა იმისა, რომ ძველებური რეცეპტების მოძიება–აღდგენითაა დაკავებული, თავადაც იგონებს ახალ–ახალ სახეობებს. მაგალითად, ჭაჭაში შენახული ყველი.

„ამ ყველის დამზადების ტექნოლოგია მე შევიმუშავე, მაგრამ მერე ჩემი ვაჟის მეგობარმა მითხრა, ბაბუაჩემს ასეთი ყველის ისტორიაც კი ახსოვსო. თურმე ჯერ კიდევ თურქობისას მეგრელები სულგუნს ჭაჭის კასრებში მალავდნენ, რომ მომხდურებისგან დაეცვათ. მუსლიმები ხომ სპირტიან სასმელებს არ ეკარებოდნენ და არცკი ჩაიხედავდნენ ჭაჭიან ჭურჭელში. ასეთია ლეგენდა, ოღონდ, რამდენად მართალია, არ ვიცი“, — გვითხრა ქალბატონმა ანამ.

ახლა ის ოჯახთან ერთად თელეთში ცხოვრობს და წალკის ერთ–ერთ ყველის ქარხანაში ტექნოლოგიურ პროცესს წარმართავს. ამ ქარხანაში 53 დასახელების ყველი იწარმოება — ქართულიცა და ევროპულიც.

ქართული ყველი
Levan Avlabreli
ქართული ყველი

 

„ათი წელია ამ სფეროში ვმუშაობ. მანამდე საინფორმაციო ტექნოლოგიების პოპულარიზაციის კუთხით ვმუშაობდი, მაგრამ სააკაშვილის მთავრობა რომ მოვიდა, უმუშევარი დავრჩი. სწორედ მაშინ მივყავი ხელი ამ საქმეს. მალე აღმოვაჩინე, რომ ყველის თემა ბოლომდე შესწავლილი არ იყო. დავიწყე შესაბამისი ლიტერატურის კითხვა და გაოგნებული დავრჩი იმით, რომ თურმე ყველის ამდენი სახეობა არსებობდა. ამის დაჯერებაც კი გამიჭირდა“, — იხსენებს ქალბატონი ანა.

დღეს „ყველის სახლთან“ მსხვილი მწარმოებლებიც თანამშრომლობენ და კერძო მეწარმეებიც. არსებობს აუცილებელი პირობა: სტერილურობა და სისუფთავე.

„უნდა ჩამოვუარო და ვნახო, რა პირობებში ამზადებენ ყველს. რძეც აუცილებლად უნდა მოწმდებოდეს და ყველიც, ლაბორატორია უნდა გასცემდეს ფურცელს, რომელშიც ცხიმების შემადგენლობა, კალორიულობა და სხვა მაჩვენებლები იქნება აღწერილი. წინააღმდეგ შემთხვევაში მწარმოებელთან თანამშრომლობას შევწყვეტ“, —  ხაზგასმით აღნიშნა  ანა ჩიკვაიძე–მიქაძისამ.

მისი თქმით, არსად ისე არ მიირთმევენ ყველს, როგორც საქართველოში. ჩვენ საუზმეზეც ვჭამთ ყველს, სადილზეც და ვახშამზეც. შეგვიძლია პურსაც შევატანოთ, საცივსაც მივაყოლოთ, სალათსაც და ჩაისთან ერთადაც მივირთვათ…

ქართული ყველი
Levan Avlabreli
ქართული ყველი

„განსაკუთრებით გამორჩეული სახეობა არ მაქვს, ყველანაირი ყველი მიყვარს. იმიტომ რომ ყველანაირ კერძს უხდება“, — ამბობს ქალბატონი ანა.

ახლა ანა ჩიკვაიძე–მიქელაძისა მუშაობს წიგნზე „ყველის ისტორია“, რომელშიც ყველაფერ იმას აღწერს, რაც ქართულ ყველზე შეიტყო და გაარკვია: რეცეპტებს, ტექნოლოგიებს, უძველესი ქართული ყველის სახეობების დამზადების საიდუმლოს… ანუ შექმნის ერთგვარ გზამკვლევს, რომელიც ნებისმიერს დაეხმარება ქართული ყველის წარმოებაში.

10441

„პოსეიდონის გამოცდა“: მზადდება უპილოტო ტორპედოს პირველი გაშვება

66
(განახლებულია 17:28 27.05.2020)
მოწინააღმდეგის თავდასხმის შემთხვევაში უნიკალური რუსული უპილოტო წყალქვეშა კომპლექსი გარანტირებულს ხდის საპასუხო დარტყმას. მსოფლიოს ტექნოლოგიურად ყველაზე მეტად განვითარებულ ქვეყნებს შორის ასეთი იარაღი მხოლოდ რუსეთს აქვს, ირწმუნება სამხედრო მიმომხილველი.

ალექსანდრ ხროლენკო

სააგენტო РИА Новости-ს წყარომ რუსეთის თავდაცვით-სამრეწველო კომპლექსში 26 მაისს განუცხადა, რომ უპილოტო წყალქვეშა აპარატის „პოსეიდონის“ პირველი გაშვება 2020 წლის შემოდგომისთვის იგეგმება. მანამდე კი უახლესი სისტემის ცალკეული კვანძები და აგრეგატები გამოიცდება. გაშვება წყალქვეშა მრავალმიზნობრივი ატომური ნავიდან „ბელგოროდიდან“ მოხდება, რომელიც უახლესი უპილოტო აპარატების პირველი საცდელი მატარებელია.

ექსპერიმენტული ხომალდი სპეციალურად „პოსეიდონისთვის“ გადაკეთდა და ის წყალში 2019 წლის აპრილში ჩაუშვეს. თავად სუბმარინის გამოცდა 2021 წლამდე გაგრძელდება და, წარმატების შემთხვევაში, „პოსეიდონებთან“ ერთად შევა რუსეთის სამხედრო-საზღვაო ფლოტის შემადგენლობაში. 

საკონტინენტთშორისო უპილოტო აპარატების პირველი საშტატო მატარებელი მომავალში ატომური წყალქვეშა ნავი „ხაბაროვსკი“ გახდება, რომლის წყალში ჩაშვებაც ზაფხულის დასაწყისში იგეგმება, რის შემდეგაც ტესტირება დაახლოებით ორი წლის განმავლობაში გაგრძელდება.

მსოფლიოს არც ერთ ქვეყანას არ აქვს „პოსეიდონისგან“ თავდაცვის სისტემები თუ საშუალებები. მრავალმიზნობრივი საოკეანო სისტემა „პოსეიდონი“ არის რუსეთის ასიმეტრიული პასუხი აღმოსავლეთ ევროპაში პენტაგონისა და ნატოს შემტევი პოტენციალის სახიფათო კონცენტრაციაზე, და ასევე აშშ-ის რაკეტსაწინააღმდეგო თავდაცვის ფორმირებაზე, რაც რუსეთის თავდაცვითი პოტენციალის გასანადგურებლად შეიძლება იყოს გამოყენებული.

რუსეთის წინდახედულება ზედმეტი არ გამოდგა — 2019 წელს აშშ გამოგონილი მიზეზით გავიდა საშუალო და მცირე სიშორის რაკეტების ლიკვიდაციის შესახებ შეთანხმებიდან, რითიც სტრატეგიული შემტევი შეიარაღების შესახებ შეთანხმების დასანგრევად პრეცედენტი შექმნა. ამასთან, შეერთებულმა შტატებმა 2020 წლისთვის სამხედრო ბიუჯეტი 750 მლრ დოლარამდე გაზარდა.

გამაოგნებელი უპილოტო აპარატი

„პოსეიდონი“ — ეს სტრატეგიული საკონტინენტთაშორისო ღრმაწყლოვანი აპარატია ატომური ენერგეტიკული დანადგარებით, რომელსაც 1000 მ სიღრმეზე 10 ათასი კილომეტრის გავლა შეუძლია 100 კვანძის სიჩქარით (185 კმ/სთ). „პოსეიდონის“ გამოცდებმა დაადასტურა მისი უნიკალური მახასიათებლები და უპილოტო ცურვის პრაქტიკულად შეუზღუდავი მანძილი.

24 მეტრი სიგრძისა და დაახლოებით 1,6 მ დიამეტრის მქონე აპარატი შესაძლოა აღჭურვილი იყოს ჩვეულებრივი ან მეგატონური თერმობირთვული საბრძოლო მასალებით, რომლის დანიშნულებაც ავიამზიდების დაჯგუფების განადგურებაა. ოკეანეში ამგვარი ტორპედოს მოძებნა მარტივი არ არის, დაბალ სიჩქარეზე ის ძალიან ჩუმად მოძრაობს, თუმცა ჰიდროაკუსტიკური კონტაქტის (აღმოჩენის) შემთხვევაშიც კი მისგან თავდაცვა შეუძლებელია. უპილოტო რეჟიმში „პოსეიდონს“ შეუძლია იმოძრაოს ისეთ სიღრმეებსა და ისეთი სიჩქარით, რომლებიც მიუწვდომელია მოწინააღმდეგის ყველა არსებული თუ პერსპექტიული სუბმარინისთვის, ტორპედოებისა თუ რაკეტებისთვის. 

მართვის ავტონომიური სისტემა ანტისუბმარინული სისტემების აღმოჩენისა და გადალახვის საშუალებას იძლევა, რაც არის კიდეც დაცულობის და წარმოუდგენელი გამანადგურებელი ეფექტის გარანტია. ეს შეკავების ძალიან სერიოზული ინსტრუმენტია.

რუსულმა პროექტმა ამერიკული სტრატეგიული სარდლობა (STRATCOM) ჯერ კიდევ მისი გამოცდების ეტაპზე შეაშფოთა. კონგრესის მოსმენებზე თებერვალში STRATCOM-ის ხელმძღვანელმა ჯონ ჰაიტენმა აღნიშნა, რომ „პოსეიდონი“, როგორც შეიარაღების პრინციპულად ახალი სისტემა, არ ხვდება СНВ-III-ის შეზღუდვებში, ხოლო აშშ-ში მისი ანალოგი არ მუშავდება. ამერიკული მხარე მაშინ ახალი შეთანხმებით დაინტერესდა, რომელიც ბირთვული აღჭურვილობის წყალქვეშა აპარატებისა და სხვა სისტემების რეგლამენტაციას მოახდენდა. მანამდე აშშ-ში გაჩნდა პუბლიკაცია–პროგნოზები, თითქოს გლობალური კონფლიქტის შემთხვევაში წყალქვეშა მატარებელი აშშ-ის სანაპიროებთან 100-მეგატონიან თერმობირთვულ ტორპედოს მიიტანდა, რომელიც ცუნამის გამოიწვევდა და ოკეანეში ჩარეცხავდა მთელ სანაპირო ინფრასტრუქტურას ავიამზიდებთან, თავდაცვით ქარხნებთან და მთელ ქალაქებთან ერთად. ამგვარად, უპილოტო „პოსეიდონმა“ ჯერ კიდევ შეიარაღებაში შესვლამდე მოახდინა გავლენა საერთაშორისო მდგომარეობაზე და ნაწილობრივ რუსეთის მიმართ არამეგობრულად განწყობილი ქვეყნების სამხედრო ხელმძღვანელობის გადაწყვეტილებებზეც. მაგრამ „პოსეიდონი“ არასდროს იღებს სტარტს წონადი მიზეზის გარეშე.

იდუმალი „ხაბაროვსკი“  

უახლესი სუბმარინა „ხაბაროვსკი“ დღეისათვის რუსეთის ერთ-ერთი ყველაზე დიდი სამხედრო საიდუმლოა. ღია წყაროებიდან ცნობილია, რომ ხომალდი აღჭურვილია პრინციპულად ახალი ატომური ენერგეტიკული დანადგარით და აქვს უნარი, გადაიტანოს ექვსი „პოსეიდონი“, რომლებსაც დასავლეთში „განკითხვის დღის ტორპედოებს“ უწოდებენ.

ხომალდის წყალწყვა დაახლოებით 10 ათასი ტონაა, სიჩქარე — 32 კვანძი, ჩაყვინთვის სიღრმე — 500 მეტრი, ავტონომიურობა — 12 დღე-ღამე, ეკიპაჟი — არანაკლებ 100 კაცისა. სუბმარინის კორპუსი უახლეს სტრატეგიულ რაკეტმზიდ „ბორეის“ ჰგავს. „ხაბაროვსკის“ ძირითადი მახასიათებლები გასაიდუმლოებულია. რუსეთის სამხედრო–საზღვაო ფლოტი ჩრდილოეთისა და წყნარი ოკეანის ფლოტებში „პოსეიდონების“ მატარებელი ორ–ორი სუბმარინის ყოლას გეგმავს.

ეს რუსეთის წყალქვეშა სტრატეგიული შეიარაღების პრინციპულად ახალი სისტემებია. ატომური სუბმარინ-მატარებლებისა და „განკითხვის დღის ტორპედოების“ „ორმაგი იდუმალება“ გარანტირებულად საიმედოს ხდის საპასუხო-შემხვედრ ბირთვულ დარტრყმას იმ შემთხვევაშიც კი, თუ აშშ და ნატო „გაურღვეველ“ ანტისარაკეტო თავდაცვის სისტემებს შექმნიან ხმელეთზე, ზღვასა თუ კოსმოსში.

თუმცა რუსეთის ფედერაცია არ მიისწრაფვის საფრთხეების მანიაკალური გენერირებისკენ. უფრო მეტიც, მსოფლიოში სტრატეგიული სტაბილურობის განმტკიცებისთვის მოსკოვი მზადაა იმსჯელოს დასავლელ პარტნიორებთან ერთად.

 

66
ნიკა შენგელია

ნიკა შენგელია: ემიგრანტები საქართველოში სულ უფრო ნაკლებს გადმორიცხავენ

401
(განახლებულია 20:11 26.05.2020)
კორონავირუსის პანდემია ნეგატიურ გავლენას საქართველოში ელექტრონული სისტემებით გადმორიცხული ფულის მოცულობაზეც ახდენს. უცხოეთიდან უფრო ნაკლები ვალუტის შემოდინება კი  უარყოფითად მოქმედებს როგორც მოსახლეობის შემოსავლებზე, ასევე ლარის სტაბილურობაზე.

საქართველოს ეროვნული ბანკის მონაცემებით, 2020 წლის აპრილში ქართულ კომერციულ ბანკებში ქვეყანაში შემოსული ფულადი გზავნილების ნაკადების მოცულობა, წინა წელთან შედარებით, 42,3%-ით შემცირდა და დაახლოებით 79,1 მლნ დოლარი შეადგინა.

როგორც არასამთავრობო ორგანიზაცია „საერთაშორისი კველევებისა და პროგნოზირების ცენტრის“ ვიცე-პრეზიდენტი ნიკა შენგელია აღნიშნავს, აპრილის თვეში რომ ემიგრანტების მიერ განხორციელებული ტრანზაქციების მოცულობა 40-45%-ით დაეცემოდა, სპეციალისტები ამაზე ჯერ კიდევ მარტის თვეში საუბრობდნენ და ამ მხრივ არც შემდეგი თვეების პროგნოზია კეთილსაიმედო.

„ფულადი გადმორიცხვების კლებას მაისის თვეშიც ველოდებით, ვვარაუდობთ, რომ ემიგრანტების მხრიდან ტრანზაქციების მოცულობა წინა წლის ანალოგიურ პერიოდთან შედარებით 45-50%-ით იქნება შემცირებული, ხოლო წლიურ ჭრილში ეს მაჩვენებელი 38-47%-ის ფარგლებში იქნება“, – განაცხადა ნიკა შენგელიამ „Sputnik- საქართველოსთან“ საუბრისას.

ფულადი გზავნილების მოცულობის შემცირება, რა თქმა უნდა, მსოფლიო ფინანსურ კრიზისს უკავშირდება, რომელსაც კორონავირუსის პანდემიის გამო ქვეყნების ეკონომიკების რეცესია მოჰყვა. 

„ექნება თუ არა გავლენა ამას ლარის კურსზე? ვიტყოდი რომ არა. იმიტომ რომ ეროვნული ბანკი აქტიურად  ახორციელებს ბაზარზე სავალუტო ინტერვენციებს, რადგან რეგულატორს კარგად ესმის, რომ დღევანდელ სიტუაციაში ლარის კურსის გაუფასურება 3,3 ნიშნულზე მეტად პროდუქტებსა და სხვა საქონელზე ფასების 8-15%-ით მატებას გამოიწვევს, ეს კი ინფლაციის 3%-იანი მიზნობრივი მაჩვენებლის პირობებში მოსახლეობის ჯიბეზე ნეგატიურად აისახება“, – აღნიშნა ნიკა შენგელიამ.

აქედან გამომდინარე, ეკონომისტის პროგნოზით, ლარის კურსი დოლარის მიმართ მაისის თვეში 3,30-ის ფარგლებში იქნება. ეს ნიშნული ეროვნულმა ვალუტამ შეიძლება წლის ბოლომდეც კი შეინარჩუნოს.

„თუ გავითვალისწინებთ იმას, რომ რეგულატორმა მარტის შემდგომი პერიოდიდან დღემდე ლარის კურსის გაუფასურების შესაჩერებლად რეზერვებიდან 120 მილიონი დოლარი გახარჯა, და იმასაც, რომ საერთაშორისო დახმარებებიც ნელ-ნელა შემოდის, რეგულატორის სწორი მოქმედების შედეგად სრულებით არის შესაძლებელი წლის ბოლოსთვის ლარის კურსის 3,0 ნიშნულიან მაჩვენებელთან მიახლოებაც კი“, – აღნიშნა ნიკა შენგელიამ.

ეროვნული ბანკმა უკვე განაცხადა, რომ უწყება მიმდინარე წელს სავალუტო ინტერვენციებს უფრო აქტიურად განახორციელებს. მათი მიზანი სავალუტო ბაზარზე ჭარბი მერყეობის შემცირება და ერთჯერადი მსხვილი ტრანზაქციების შედეგად ბაზრის მოლოდინებზე შესაძლო უარყოფითი გავლენის თავიდან არიდებაა.

გარდა ამისა, ეროვნული ბანკი მიმდინარე წელს ინტერვენციებს გამოიყენებს საერთაშორისო საფინანსო ინსტიტუტებიდან სესხებისა თუ გრანტების სახით მისაღები სავალუტო შემოდინებების ნაწილის ბაზრისთვის მისაწოდებლად.

ქართულ კომერციულ ბანკებში ელექტრონული სისტემების მეშვეობით 2020 წლის იანვარ–აპრილში, გასული წლის ანალოგიურ პერიოდთან შედარებით, ფულადი გზავნილები 9,4%-ით შემცირდა და დაახლოებით 467,9 მლნ დოლარი შეადგინა.

ფულადი გადმორიცხვების მოცულობით ლიდერობს რუსეთი. ლიდერი ქვეყნების ექვსეულში ასევე შედიან იტალია, საბერძნეთი, აშშ, ისრაელი და თურქეთი.

ნატა პატარაია

 

401
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 28 მაისს

0
(განახლებულია 19:16 27.05.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 28 მაისი — Sputnik. სააქციო საზოგადოება „თელასი" იუწყება, რომ 28 მაისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: გურამიშვილის გამზირის მაცხოვრებლებს.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისის მერია