გერგეტის სამება, ყაზბეგი

საეკლესიო კალენდარი: 29 მაისი

176
(განახლებულია 18:11 28.05.2021)
საქართელოს მართლმადიდებელი ეკლესია 29 მაისს ღირსი თეოდორე განწმედილის, მღვდელმოწამისა ალექსანდრე იერუსალიმელი ეპისკოპოსის, მოწამეების: ვიტეს, მოდესტიოსის და კრისკენტიას, ნეტარისა მუზა ქალწულის, გიორგი II-ს, მიტილენელი ეპისკოპოსის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს წმინდანები და რატომ არიან მოხსენიებულები საეკლესიო კალენდარში.

თეოდორე განწმედილი

ღირსი თეოდორე განწმენდილი ქრისტეს შობიდან 368 წელს ეგვიპტეში დაიბადა მისი მშობლები მდიდარი და ცნობილი ქრისტიანები იყვნენ, რამაც თეოდორეში სულ პატარაობიდანვე გააღვიძა ბერობის სურვილი. 14 წლის თეოდორემ სახლიდან გაპარვის შემდეგ ერთ-ერთ მონასტერში განაგრძო ცხოვრება. მოგვიანებით იგი ღირსი მამა პახუმის შესახებ შეიტყობ და მასთან წავიდა.   ღირსი პახუმის გარდაცვალების შემდეგ, წმინდა თეოდორე განაგებდა ტაბენისის მონასტერს, შემდეგ კი სათავეში ჩაუდგა თებოდის ყველა სავანეს. ღირს მამას სასწაულთქმედების ნიჭი მიემადლა. 368 წელს იგი ღრმად მოხუცებული გარდაიცვალა.

ალექსანდრე, იერუსალიმელი ეპისკოპოსი 

მღვდელმოწამე ალექსანდრე, იერუსალიმელი ეპისკოპოსი წმიდა კლიმენტი ალექსანდრიელის (+დაახლ. 217) მოწაფე იყო. III საუკუნის დასაწყისში იგი კაბადოკიის ფლაბიის ეპისკოპოსად აირჩიეს. სეპტიმიუს სევერუსის (193-211) ზეობისას მღვდელმთავარი საპყრობილეში ჩააგდეს, სადაც სამი წელი დაჰყო. განთავისუფლების შემდეგ უფლის რჩეული იერუსალიმში გაემგზავრა წმიდა ადგილების მოსალოცად, სადაც 212 წელს პატრიარქ ნარკისის თანამოსაყდრედ აირჩიეს. ეს ძველი ეკლესიის პრაქტიკაში მეტად იშვიათი შემთხვევა იყო. ჯერ პატრიარქის თანამოსაყდრე, შემდეგ კი პატრიარქად ხელდასხმული წმიდა ალექსანდრე 38 წელი მართავდა ეკლესიას და ფრიად დაშვრა სამწყსოს ქრისტიანული განათლებისათვის. უფლის რჩეულმა იერუსალიმში ქრისტიანი მწერლების თხზულებათა მდიდარი ბიბლიოთეკა შექმნა. იგი იმპერატორ დეკიუსის (249-251) მიერ ქრისტიანთა დევნის დროს გარდაიცვალა საპყრობილეში.

მოწამენი: ვიტე, მოდესტო და კრისკენტია

წმიდა მოწამენი ვიტე, მოდესტო და კრისკენტია (+303) ქრისტესთვის აღესრულნენ იმპერატორ დიოკლეტიანეს (284-305) მეფობის დროს. მათი წმიდა ნაწილები გადაასვენეს პრაღაში. წმიდა კეთილმსახურმა მთავარმა ვიაჩესლავ ჩეხმა ააშენა წმიდა ვიტეს სახელობის ტაძარი, სადაც შემდგომ დაასვენეს წმიდა მოწამეთა ნაწილები.

მუზა ქალწული

ნეტარი მუზა ქალწული (V) ზნეკეთილობით გამოირჩეოდა. წმიდა გრიგოლ დიოლოღოსმა მის შესახებ არქიდიაკონ პეტრეს მოუთხრო ის, რაც წმიდანის ძმისგან, პროვასგან გაეგონა. ერთხელ ნეტარს ძილში გამოეცხადა ყრმებით გარშემორტყმული ყოვლადწმიდა ღვთისმშობელი და ჰკითხა: „გსურს ჩემთან წამოხვიდე და ამათ გვერდით იცხოვრო?“ „მსურს“, - უპასუხა გოგონამ. „ცუდი არაფერი ჩაიდინო, თავი აარიდე მხიარულებას და საბავშვო თამაშობებს. 30-ე დღეს მოვალ და წაგიყვან“. ამ გამოცხადების შემდეგ მუზა ძალიან დასერიოზულდა, მთელ დღეებს ლოცვასა და მარხვაში ატარებდა, მისი საქციელით გაკვირვებულ მშობლებს ნეტარმა მოუთხრო თავისი ხილვის შესახებ. 25-ე დღეს მუზა დასნეულდა, 30-ე დღეს კი კვლავ იხილა ღვთისმშობელი. „მოვდივარ, დედოფალო“, - დაიძახა გოგონამ და მიიცვალა.

ღირსი გიორგი აღმსარებელი, მიტილენელი ეპისკოპოსი

ღირსი გიორგი აღმსარებელი, მიტილენელი ეპისკოპოსი (IX) - სიყრმიდან მონაზვნურად ცხოვრობდა. ლეონ ისავრიელის მეფობის (716-741) დროს მან დაითმინა დევნა ხატმბრძოლთაგან და აღმსარებლის სახელი მიიღო.

კონსტანტინე პორფიროგენეტის (780-797) ზეობის წლებში წმიდა გიორგის ხელი დაასხეს ქალაქ მელიტინის ეპისკოპოსად კუნძულ ლესბოსზე. წმიდა გიორგის ცხოვრება გაბრწყინებული იყო უბიწოებით, სიწმიდით და ანგელოზთა ცხოვრებას ემსგავსებოდა. 815 წელს, ლეონ სომეხის (813-820) დროს, მოხუცი ეპისკოპოსი ხატმბრძოლებმა განდევნეს კათედრიდან და გადაასახლეს ხერსონესში, სადაც გარდაიცვალა 820 წლის შემდეგ. მისი გარდაცვალების დროს მელიტინის ცაზე ახალი ვარსკვლავი გამოჩნდა.

 

მასალა მომზადებულია ღია წყაროებზე დაყრდნობით.

176
თემები:
საეკლესიო კალენდარი (243)
ანჩისხატის ეკლესია

საეკლესიო კალენდარი: 21 ივნისი

161
(განახლებულია 17:59 20.06.2021)
21 ივნისს მართლმადიდებელი ეკლესია შემდეგ წმინდანებსს მოიხსენიებს: ღირსი ეფრემ, ანტიოქიის პატრიარქი, ღირსი ზოსიმე ფინიკიელი, წმიდა დიდი მოწამე თეოდორე სტრატილატი, ღირსი ნავკრატიუსი, ღირსი მელანია, ღირსი აფრე, წმიდა მოწამე თევდორე მღვდელი.

Sputnik საქართველო მოგითხრობთ ვინ იყვნენ ეს ადამიანები და რატომ არიან მოხსენიებულნი წმინდანთა რანგში. 

წმიდა მოწამე თევდორე მღვდელი (კველთელი) (+1609)

წმიდა მოწამე თევდორე მღვდელი (კველთელი) XVII საუკუნის დასაწყისში მოღვაწეობდა. ეს ის პერიოდი იყო, როდესაც ირანი და ოსმალეთი ერთმანეთს სამკვდრო-სასიცოცხლოდ იყვნენ გადაკიდებულნი ქალაქ ბაღდადის გამო. 1609 წლის დასაწყისში ოსმალეთმა იძალა სპარსეთზე, წაართვა ბაღდადი, შემდგომ მიიტაცა სამცხე-საათაბაგო და იმავე წლის ივნისში ახალციხიდან შემოესია საქართველოს.

ამ დროს საქართველოში მეფობდა ახალგაზრდა მეფე წმიდა ლუარსაბ II (ხს. 21 ივნისს). ის მცირე ამალით ცხირეთის ციხეში, თავის საზაფხულო რეზიდენციაში იმყოფებოდა. ოსმალებმა, რომლებმაც მეფის სამყოფელი იცოდნენ, გადაწყვიტეს უმოკლესი გზით შეჭრილიყვნენ შიდა ქართლში, ცხირეთის ციხეს თავს დასხმოდნენ, შეეპყროთ ლუარსაბი და ამ გზით მთელი საქართველო დაემორჩილებინათ.

ოსმალებმა სწრაფად გადმოლახეს თრიალეთი, ქართლში შემოსასვლელი გზების მცველი ქართველები ამოხოცეს და მოულოდნელად მოადგნენ მანგლისს. მანგლისის ღვთისმშობლის ეკლესია დარბევას სასწაულებრივად გადაურჩა. მემატიანე წერს: „ესევითარმა ღრუბელმა ზრქელმა და ნისლმა დაფარა იგი, ვიდრეღა პირისპირ მისა ჩავლეს ესოდენმა სიმრავლემან მეომართამან და ეკლესია იგი სოფლითურთ ვერ იხილეს“. წმიდა ლუარსაბმა არაფერი იცოდა თავდასხმის შესახებ, მტერს კი ცხირეთამდე სულ ხუთიოდე საათის სავალი რჩებოდა. მანგლისიდან მეფის საზაფხულო რეზიდენციამდე რამდენიმე გზა მიდიოდა. ოსმალებს ვერ გადაეწყვიტათ, რომელ გზას დასდგომოდნენ.

მანგლისის ახლოს, სოფელ კველთაში, თათრებმა შეიპყრეს ქართველი მღვდელი, „სახელად თევდორე, პატიოსანი და მოშიში ღვთისა და ერთგული მეფისა თვისისა“. მღვდელი თურმე ეკლესიას კეტავდა, სხვებთან ერთად ტყეში გაქცევა ვერ მოესწრო, რადგან ეკლესიის განძეულობა გადამალა მტრის ხელყოფისგან. მამა თევდორეს ოსმალებმა მეგზურობის გაწევა მოსთხოვეს, წინააღმდეგ შემთხვევაში მას წამებით სიკვდილი ელოდა. „ხოლო მან, ნეტარმან ხუცესმან, აღირჩია სიკვდილი, ვიდრე განცემა მეფისა და გაწირვა საქართველოჲსა“. მღვდელმა ლაშქარი გზას ააცდინა და ცხირეთს დააშორა. დასავლეთით მიმავალი ოსმალთა ჯარი ფიქრობდა, საცაა ჩრდილოეთით გავუხვევთ და მეფეს იდუმალ დავადგებითო თავს. უგზოზე დიდი ხნის სიარულის მერე, როცა „გზასა ძნელთა და იწროთა და კლდოვანთა და სხვათა მათსა ცხენნი მრავალნი და კაცნი შთაცვივნეს კლდეთა და კაპანთა და მოსწყდეს“, ოსმალები მიხვდნენ, რომ მოტყუვდნენ. „იხილეს რა თავნი თვისნი ესრე მოცთომილნი და შეიწრებულნი, კაცთა მათ სახელოვანთა შეიპყრეს ხუცესი იგი და თავი წარკვეთეს“.

თევდორეს თავდადებამ ნაყოფი გამოიღო. წმიდა მეფე ლუარსაბმა ციხეში გამაგრება მოასწრო, შემდეგ კი ქართველთა ლაშქარმა მოთარეშეებს მუსრი გაავლო.

ღირსი ნავკრატიუსი (+747)

ღირსი ნავკრატიუსი წმიდა თეოდორე სტუდიელის (ხს. 11 ნოემბერს) მოწაფე იყო. მართლმადიდებლობის მხნე აღსარებისთვის და წმიდა ხატთა თაყვანისცემისთვის ნეტარმა მამამ ხატმებრძოლთაგან დევნა და შევიწროება დაითმინა. ამ მწვალებლობის დაგმობის შემდეგ კი პატრიარქმა მეთოდემ გადასახლებიდან გამოიწვია იგი და სტუდიონის მონასტრის იღუმენად დაადგინა. წმიდანი აღესრულა 848 წელს.

წმიდა დიდი მოწამე თეოდორე სტრატილატი (ნაწილთა გადასვენება, 319)

წმიდა დიდმოწამე თეოდორე სტრატილატი ჰერაკლიაში ეწამა ქრისტესთვის 319 წლის 8 თებერვალს. წამების დროს წმიდანმა მსახურს - უარს სთხოვა, რომ მისი ცხედარი მშობლების მამულში დაეკრძალა. უარმა შეუსრულა ბატონს უკანასკნელი სურვილი - იმავე წლის 8 ივნისს პატივით გადაასვენა მისი წმიდა ნაწილები ევესიტში.

ამავე დღეს იხსენიება დიდმოწამის წმიდა ხატის მიერ აღსრულებული ერთი სასწაული, რომელიც მისივე სახელობის ტაძარში მოხდა. საყდარი, რომელიც დამასკის მახლობლად, დაბა კარსატაში მდებარეობდა, სარკინოზებს საცხოვრებლად გაეხადათ. ერთმა მათგანმა ისარი სტყორცნა წმიდა თეოდორეს ხატს და მხარში მოარტყა. უეცრად ამ ადგილიდან სისხლმა იფეთქა. მალე ტაძარში დამკვიდრებული ურჯულოები ერთმანეთის მიყოლებით დაიხოცნენ. ამ სასწაულის შესახებ მოგვითხრობენ ანტიოქიის წმიდა პატრიარქი ანასტასი (+599, ხს. 20 აპრილს) და ღირსი იოანე დამასკელი (+დაახლ. 780. ხს. 4 დეკემბერს) (ცნობები წმიდა თეოდორე სტრატილატზე იხილეთ 8 თებერვლის საკითხავებში).

ღირსი ზოსიმე ფინიკიელი

ღირსი ზოსიმე ფინიკიელი (VI) დაიბადა სირიის სოფელ სინადში, ტვირის მახლობლად. ის სრულიად ახალგაზრდა აღკვეცეს ბერად. ზოსიმე მარხვით, ლოცვით, ფიზიკური შრომით და სხვა კეთილი საქმეებით განადიდებდა უფალს. ღირსმა მამამ ღვთისგან განჭვრეტის მადლი მიიღო. მან იწინასწარმეტყველა ანტიოქიაში 526 წელს მომხდარი საშინელი მიწისძვრა.

ერთხელ წმიდანს პატრიციუს არქესილაოსი ესტუმრა. მალე სტუმარს მდევარიც მოჰყვა და აუწყა, რომ მის ცოლს თვალში ჩხირი გაერჭო და საშინლად იტანჯებოდა. ღირსმა მამამ დაამშვიდა არქესილაოსი: კესარიელმა მღვდელმთავარმა იოანე ქოზიბელმა (ხს. 3 ოქტომბერს) თქვენი მეუღლე უკვე განკურნაო.

ღირსმა ზოსიმემ სულიერი სრულყოფილების ისეთ საფეხურს მიაღწია, რომ მას მხეცებიც ემორჩილებოდნენ. ერთხელ, კესარიისკენ მიმავალი წმიდანის სახედარი მშიერმა ლომმა გაიტაცა და შეჭამა. ღირსმა მამამ მოძებნა მხეცი და უთხრა: „მეგობარო, მოხუცი ვარ და არ შემიძლია სიმძიმის ზიდვა. წამიღე ტვირთი, შემდეგ კი უდაბნოში დაბრუნდი და კვლავ იმძვინვარე შენი ბუნების წესისამებრ“. ლომმა მორჩილად მიიტანა ტვირთი კესარიამდე, აქ კი ზოსიმემ იგი გაათავისუფლა.

ღირსი ეფრემ, ანტიოქიის პატრიარქი (+545)

ღირსი ეფრემი, ანტიოქიის პატრიარქი (+545). ეფრემი მხედართმთავარი იყო ანასტასი (491-518) და იუსტინე (518-527) იმპერატორების დროს. სირიელი ჭაბუკი გამოირჩეოდა სიკეთით, კეთილმსახურებითა და გულმოწყალებით.

526 წელს უფალმა სასჯელი დაატეხა თავს ანტიოქიას ნესტორისა და ევტიქის ერესებისაკენ გადადრეკისათვის: მიწისძვრამ ნანგრევებად აქცია ეს დიდებული ქალაქი. უამრავი მცხოვრები დაიღუპა. პატრიარქი ევფრასიუსი ჩამოქცეულმა სვეტმა იმსხვერპლა.

იმპერატორმა ეფრემი გაგზავნა ქალაქის აღსადგენად. მუშებს შორის იყო ერთი ეპისკოპოსი, რომელსაც ფარული ღვაწლის სურვილით დაეტოვებინა კათედრა. მან წმიდანს პატრიარქობა უწინასწარმეტყველა და სთხოვა, ხელი არ აეღო ქველმოქმედებაზე და მტკიცედ ებრძოლა ერეტიკოსებთან. 527 წელს წმიდა ეფრემი პატრიარქად აკურთხეს. იგი მტკიცედ და ბრძნულად მართავდა სამწყსოს და საკუთარი ცხოვრების წესით, ქადაგებითა და ეპისტოლეებით იცავდა მას მწვალებლურ სწავლებათაგან.

მისი რწმენის სიძლიერეზე მეტყვველებს ერთი შემთხვევა: იეროპოლის მახლობლად მოსაგრეობდა ერთი მესვეტე, რომელიც მწვალებლობაში ჩავარდა. ეს რომ შეიტყო, წმიდა ეფრემი მივიდა ბერთან და მოუწოდებდა, დაბრუნებოდა მართლმადიდებლობას. მესვეტე უარზე იყო. მან პატრიარქის დაშინებაც კი სცადა და შესთავაზა, დიდი კოცონი დაენთოთ და ერთად შესულიყვნენ ცეცხლში. კოცონი დაანთეს, მაგრამ ერეტიკოსმა ბერმა ვერ გაბედა შიგ შესვლა. მაშინ პატრიარქი მხურვალედ ევედრა უფალს, დაემოწმებინა, ვისი სარწმუნოება იყო უცდომელი, მოიხსნა ომოფორი და ცეცხლს მისცა. სამი საათის შემდეგ შეშა დაიფერფლა, ომოფორი კი უვნებლად დარჩა. ამ სასწაულის მხილველმა მესვეტემ უარყო ერესი და მართლმადიდებლებს შეუერთდა.

წმიდა პატრიარქი მშვიდობით მიიცვალა 545 წელს.

თავის ნაშრომებში ღირსი ეფრემი იცავდა მართლმადიდებლურ სწავლებას ქრისტეს ორბუნებოვნების შესახებ.

 

161
ნინოწმინდის პანსიონი

ფოთისა და ხობის მიტროპოლიტი ნინოწმინდის პანსიონში მეუფე იაკობის საქმიანობას აფასებს

48
მეუფე გრიგოლი იმედს გამოთქვამს, რომ სინოდი აუცილებლად იმსჯელებს ყველა იმ პრობლემაზე, რომელიც დღეისათვის დაგროვდა.

თბილისი, 20 ივნისი – Sputnik. ფოთისა და ხობის მიტროპოლიტმა, მეუფე გრიგოლმა ნინოწმინდის ბავშვთა პანსიონის ახლადდანიშნული დირექტორის გეგმები და საქმიანობა დადებითად შეაფასა.

მისი თქმით, ნინოწმინდის პანსიონიდან ზოგიერთი აღმზრდელის გათავისუფლება ადრეც უნდა მომხდარიყო.

„ის რაც მეუფე იაკობმა აღასრულა, ეს რომ მეუფე სპირიდონს გაეკეთებინა, ალბათ უკეთესი იქნებოდა და არ გახდებოდა მსოფლიოს სალაპარაკო ეს პრობლემები“, - განაცხადა მეუფე გრიგოლმა.

მისი განცხადებით, ყველა ინსტიტუციაში არსებობს პრობლემა, მაგრამ ამას აღიარება და დაძლევა სჭირდება.

„არ მეგულება ინსტიტუცია, სადაც არ იყოს პრობლემა და სირთულე, უბრალოდ ამას სჭირდება თვალის გასწორება, დაძლევა, გადალახვა, ამას სჭირდება აღიარება, იდენტიფიკაცია იმ პრობლემებისა, რომელიც შენს ორგანიზმში არის. სხვა გზა ცხოვრების გაგრძელებისა და გადარჩენისა არ არსებობს“, - განაცხადა მეუფე გრიგოლმა.

ფოთისა და ხობის ეპარქიის მმართველმა კითხვაზე, ხომ არ აპირებს საპატრიარქო მის დაქვემდებარებაში მყოფი ბავშვთა სახლების მონიტორინგს, მიტროპოლიტმა აღნიშნა, რომ ამ კუთხით ცოტა მეტია გასაკეთებელი.

„მე ვფიქრობ, რომ მონიტორინგი ერთგვარი საზედამხედველო ფუნქციაა, ყოველთვის ჰქონდა საპატრიარქოს და მეტ-ნაკლებად ახორციელებდა კიდევაც. როგორც ჩანს, ცოტა მეტია გასაკეთებელი“, - განაცხადა მიტროპოლიტმა გრიგოლმა.

მეუფე გრიგოლს თქმით, როცა სინოდი შეიკრიბება, უნდა იმსჯელოს ყველა მნიშვნელოვან საკითხზე, რაც დღეისთვის დაგროვდა.

„სინოდი როდესაც შეიკრიბება იმედი მაქვს იმსჯელებს ყველა მნიშვნელოვან საკითხზე რაც დღემდე არის დაგროვილი, თუმცა ჩვენ არ ვიცით როდის შეიკრიბება სინოდი“, - განაცხადა მეუფე გრიგოლმა.

პანსიონის ახალმა ხელმძღვანელმა, ბოდბელმა ეპისკოპოსმა მეუფე იაკობმა განაცხდადა, რომ ნინოწმინდის პანსიონში მზოლოდ ის აღმზრდელები დარჩებიან, ვის მიმართაც პანსიონის აღსაზღდელებს პრეტენზიები არ ჰქონდათ. მისი თქმით, 40 თანამშრომლიდან მუშაობას მხოლოდ 19 გააგრძელებს.

მეუფის განმარტებით, პანსიონში ძალზე სწრაფად და ხარისხიანად მოხდება სასიკეთო ცვლილებები. პანსიონის ადგილზე დღის ცენტრი გაიხსნება, ბავშვებისთვის კი ნინოწმინდაშივე, მაგრამ სხვა ადგილზე მოეწყობა საერთაშორისო სტანდარტის შესაფერისი ბავშვთა სახლები და თითოეულში მსოფლიო სტანდარტების შესაბამისად ექვსი ბავშვი განთავსდება. დიდი პანსიონების არსებობა მიუღებელია, დასძინა მეუფე იაკობმა.

წმინდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონი, რომელიც საპატრიარქოს პატრონაჟის ქვეშაა, ფართო საზოგადოებისა და სახელმწიფო სტრუქტურების ყურადღების ცენტრში სახალხო დამცველის განცხადების შემდეგ მოექცა. როგორც ნინო ლომჯარიამ განაცხადა, პანსიონში ბავშვებზე ფსიქოლოგიური და ფიზიკური ზეწოლა ხორციელდება, ხოლო დაწესებულების ტერიტორიაზე მის წარმომადგენლებს შესვლის უფლებას არ აძლევენ. აღნიშნული განცხადების საფუძველზე საქართველოს შსს-მ გამოძიება დაიწყო.

ნინოწმინდის პანსიონში ჩარიცხული შეზღუდული შესაძლებლობის მქონე ბავშვების სახელმწიფო მზრუნველობის სხვა დაწესებულებაში (მინდობით აღზრდა, მცირე საოჯახო, ან რეინტეგრაცია) გადაყვანა საქართველოს ჯანდაცვის სამინისტროსა და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დაევალათ.

 

ნიკა ლატარია

48

„ბაიდენი“ უშარვლოდ, ტეხასელი ჩირლიდერები და მექსიკის კატასტროფა - კვირის საუკეთესო ფოტოები

0
(განახლებულია 12:05 21.06.2021)
  • ანტისამთავრობო პროტესტო ბოგოტაში
  • ჯაზ-ბენდ „ტუტსი როლერსის“ წევრები
  • რაკეტა Long March-2F Y12 კოსოსური ხომალდით Shenzhou-12  და სამი ასტრონავტით ფრინდება ცზიუციუანის კოსმოდრომიდან ჩინეთის პირველი პილოტირებადი მისიის დროს  საკუთარი კოსმოსური სადგურის მშენებლობიათვის
  • გოგონები მარმარილოს ზღვის სანაპიროზე თურქეთში
  • ეკოაქტივისტები Extinction Rebellion პოზირებენ G7 ლიდერების სახეებით G7 სამიტის მსვლელობისას გამართულ დემონსტრაციაზე დიდ ბრიტანეთში
  • აშშ-ის პრეზიდენტი ჯო ბაიდენი და პირველი ლედი ჯილ ბაიდენი ჰითროუს აეროპორტში G7 სამიტის შემდეგ
  • მამაკაცი ველოსიპედით მატარებლის მახლობლად, რომელიც ლიანდაგიდან გადავიდა, მექსიკა
  • Dallas Cowboy-ს ჩირლიდერები ავტოდრომ Texas Motor Speedway-ზე რბოლის დროს
  • ბელარუსი გიმნაზისტი ანასტასია სალოსი ევროპის ჩემპიონატზე ბულგარეთში
  • ევროპის საფეხბურთო ჩემპიონატის გახსნის ცერემონია რომში
  • საფრანგეთის ნაკრების გულშემატკივრები მიუნხენის სტადიონთან
  • მესაფლავეები კორონავირუსის მსხვერპლის დაკრძალვის შემდეგ ინდონეზიაში
  • მაროკოს სამეფო შეიარაღებული ძალების წევრები აგადირის პორტში
  • ადგილობრივები ანგრევენ საკუთარ სახლებს მდინარე ტონლესაპზე მას შემდეგ, რაც კამბოჯის მთავრობამ ერთი კვირის განმავლობაში ქალაქის დატოვების ბრძანება გასცა
  • ეკოაქტივისტებმა სენტ-აივსის ქუჩაში საპროტესტო აქცია გამართეს G7 სამიტის მსვლელობისას
Sputnik-საქართველოს ფოტოლენტაში იხილავთ გასულ კვირაში მსოფლიოში მიმდინარე მოვლენების ამსახველ საუკეთესო ფოტოებს წამყვანი საინფორმაციო სააგენტოებისგან
0
  • ანტისამთავრობო პროტესტო ბოგოტაში
    © AFP / Juan Barreto

    ანტისამთავრობო პროტესტო ბოგოტაში

  • ჯაზ-ბენდ „ტუტსი როლერსის“ წევრები
    © AFP / Daniel Leal-Olivas

    ჯაზ-ბენდ „ტუტსი როლერსის“ წევრები

  • რაკეტა Long March-2F Y12 კოსოსური ხომალდით Shenzhou-12  და სამი ასტრონავტით ფრინდება ცზიუციუანის კოსმოდრომიდან ჩინეთის პირველი პილოტირებადი მისიის დროს  საკუთარი კოსმოსური სადგურის მშენებლობიათვის
    © REUTERS / Carlos Garcia Rawlins

    რაკეტა Long March-2F Y12 კოსოსური ხომალდით Shenzhou-12 და სამი ასტრონავტით ფრინდება ცზიუციუანის კოსმოდრომიდან ჩინეთის პირველი პილოტირებადი მისიის დროს საკუთარი კოსმოსური სადგურის მშენებლობიათვის

  • გოგონები მარმარილოს ზღვის სანაპიროზე თურქეთში
    © AFP / Yasin Akgul

    გოგონები მარმარილოს ზღვის სანაპიროზე თურქეთში

  • ეკოაქტივისტები Extinction Rebellion პოზირებენ G7 ლიდერების სახეებით G7 სამიტის მსვლელობისას გამართულ დემონსტრაციაზე დიდ ბრიტანეთში
    © AFP / Daniel Leal-Olivas

    ეკოაქტივისტები Extinction Rebellion პოზირებენ G7 ლიდერების სახეებით G7 სამიტის მსვლელობისას გამართულ დემონსტრაციაზე დიდ ბრიტანეთში

  • აშშ-ის პრეზიდენტი ჯო ბაიდენი და პირველი ლედი ჯილ ბაიდენი ჰითროუს აეროპორტში G7 სამიტის შემდეგ
    © AFP / Brendan Smialowski

    აშშ-ის პრეზიდენტი ჯო ბაიდენი და პირველი ლედი ჯილ ბაიდენი ჰითროუს აეროპორტში G7 სამიტის შემდეგ

  • მამაკაცი ველოსიპედით მატარებლის მახლობლად, რომელიც ლიანდაგიდან გადავიდა, მექსიკა
    © AFP / Ulises Ruiz

    მამაკაცი ველოსიპედით მატარებლის მახლობლად, რომელიც ლიანდაგიდან გადავიდა, მექსიკა

  • Dallas Cowboy-ს ჩირლიდერები ავტოდრომ Texas Motor Speedway-ზე რბოლის დროს
    © REUTERS / Jerome Miron

    Dallas Cowboy-ს ჩირლიდერები ავტოდრომ Texas Motor Speedway-ზე რბოლის დროს

  • ბელარუსი გიმნაზისტი ანასტასია სალოსი ევროპის ჩემპიონატზე ბულგარეთში
    © REUTERS / Spasiyana Sergieva

    ბელარუსი გიმნაზისტი ანასტასია სალოსი ევროპის ჩემპიონატზე ბულგარეთში

  • ევროპის საფეხბურთო ჩემპიონატის გახსნის ცერემონია რომში
    © AFP / Alberto Pizzoli

    ევროპის საფეხბურთო ჩემპიონატის გახსნის ცერემონია რომში

  • საფრანგეთის ნაკრების გულშემატკივრები მიუნხენის სტადიონთან
    © REUTERS / Alexander Hassenstein

    საფრანგეთის ნაკრების გულშემატკივრები მიუნხენის სტადიონთან

  • მესაფლავეები კორონავირუსის მსხვერპლის დაკრძალვის შემდეგ ინდონეზიაში
    © REUTERS / Antara Foto / Raisan Al Farisi

    მესაფლავეები კორონავირუსის მსხვერპლის დაკრძალვის შემდეგ ინდონეზიაში

  • მაროკოს სამეფო შეიარაღებული ძალების წევრები აგადირის პორტში
    © AFP / Fadel Senna

    მაროკოს სამეფო შეიარაღებული ძალების წევრები აგადირის პორტში

  • ადგილობრივები ანგრევენ საკუთარ სახლებს მდინარე ტონლესაპზე მას შემდეგ, რაც კამბოჯის მთავრობამ ერთი კვირის განმავლობაში ქალაქის დატოვების ბრძანება გასცა
    © REUTERS / Cindy Liu

    ადგილობრივები ანგრევენ საკუთარ სახლებს მდინარე ტონლესაპზე მას შემდეგ, რაც კამბოჯის მთავრობამ ერთი კვირის განმავლობაში ქალაქის დატოვების ბრძანება გასცა

  • ეკოაქტივისტებმა სენტ-აივსის ქუჩაში საპროტესტო აქცია გამართეს G7 სამიტის მსვლელობისას
    © AFP / Daniel Leal-Olivas

    ეკოაქტივისტებმა სენტ-აივსის ქუჩაში საპროტესტო აქცია გამართეს G7 სამიტის მსვლელობისას