ზესტაფონი

საეკლესიო კალენდარი: 29 ივნისი

103
(განახლებულია 08:53 29.06.2020)
საქართველოს მართლმადიდებელი ეკლესია 29 ივნისს მოწამე ქაიხოსრო ქართველის, წმიდა ტიხონის, ამათუნტელი ეპისკოპოსის, მღვდელმოწამე ტიგროს ხუცისა და მოწამე ევტროპიოს წიგნისმკითხველის ხსენების დღეს აღნიშნავს.

Sputnik-საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

წმიდა მამა ქაიხოსრო ქართველი

ცნობა წმინდა ქაიხოსრო ქართველის შესახებ, XVIII საუკუნის ცნობილი საეკლესიო მოღვაწისა და მწერლის, ტიმოთე გაბაშვილის „მიმოსვლაში“ გვხვდება. ტიმოთე გაბაშვილი აღწერს იერუსალიმის სიწმინდეებს, ჯვრის ქართველთა მონასტრის აღაპებს და ფრესკებს. ის აღნიშნავს, რომ  ჩამოთვლილია წმინდანთა სახელები და მათ შორის „წმიდა მოწამე ქაიხოსრო ქართველი, რომელიც აწამა ყეენმან შაჰ-აბაზ წმიდათა ხატთათვის, ქორონიკონსა ტ“ (1612).

წმიდა და საკვირველთმოქმედი ტიხონი

წმიდა ტიხონი, კვიპროსის ქალაქ ამათუნტში დაიბადა. მშობლები ქრისტიანული ღვთისმოშიშებით ზრდიდნენ შვილს და საფუძვლიანად ასწავლიდნენ წმიდა წერილს.  უფალმა წმიდანს სიყმაწვილეშივე მიმადლა სასწაულთქმედების ნიჭი.

კეთილმსახური ჭაბუკი ღვთისმსახურთა დასში ჩარიცხეს და მედავითნედ დაადგინეს, შემდეგ კი ამათუნტელმა მღვდელმთავარმა მემნონმა დიაკვნადაც დაასხა ხელი. მემნონის სიკვდილის შემდეგ მის კათედრაზე წმიდა ტიხონი აირჩიეს. ხიროტონია კვიპრელმა ეპისკოპოსმა ეპიფანემ აღასრულა.

წმიდა მღვდელმთავარი დაუცხრომლად იღვწოდა კვიპროსზე წარმართობის ნაშთების აღმოსაფხვრელად. მას არ ეშინოდა არავითარი მუქარისა და ახოვნად აღიარებდა ქრისტეს უსჯულოთა წინაშე. წმიდა მღვდელმთავარი საოცრად გულმოწყალეც იყო. მისი სახლის კარები მუდამ ღია იყო მნახველებისთვის.

ამათუნტის საკვირველთმოქმედი ეპისკოპოსის სული 425 წელს მშვიდობით შეივედრა უფალმა.

მღვდელმოწამე ტიგროს ხუცი და ევტროპიოს წიგნის მკითხველი

მღვდელმოწამე ტიგროს ხუცი და ევტროპიოს წიგნის მკითხველი წმიდა მწყემსმთავრის, იოანე ოქროპირის ანამედროვეები და ღვთისმსახურთა მისი დასის წევრები იყვნენ. ტიგროსი, თავმდაბალი და გულმოწყალე მამა, ერთგულად განაგებდა სამწყსოს, ევტროპი კი - სიწმიდითა და კეთილგონიერებით გამორჩეული ქრისტიანი - კეთილმსახური ცხოვრების მაგალითს აძლევდა მრევლს. 404 წელს, როცა იოანე ოქროპირი კონსტანტინეპოლიდან განდევნეს, ტიგროს ხუცი და ევტროპიოს წიგნის მკითხველი, როგორც მისი მიმდევრები, შეიპყრეს და წმიდა მღვდელმთავრის მოწინააღმდეგეთა კუთვნილი ტაძრებისა და შენობების დაწვაში დასდეს ბრალი. ნეტარი ტიგროსი აწამეს, შემდეგ კი მესოპოტამიაში გაგზავნეს, სადაც პყრობილებაში აღმოხდა სული. წმიდა ევტროპიოსიც წამების შემდგომ დილეგში ჩააგდეს, სადაც აღესრულა კიდეც.

მასალა მომზადებულია ღია წყარიებზე დაყრდნობით.

103
თემები:
საეკლესიო კალენდარი (201)
წმინდა გიორგის სახელობის ეკლესია მრავალძალში

საეკლესიო კალენდარი: 29 სექტემბერი

118
(განახლებულია 08:12 29.09.2020)
საქართველოს მართლმადიდებელი ეკლესია 29 სექტემბერს ისააკ და იოსებ ქართველთა, კარნუ ქალაქში წამებულთა, დიდმოწამე ეფემია ყოვლადქებულის, მოწამეთა სებასტიანას, მელიტინას, ღირსი დოროთესი, მეგვიპტელი მეუდაბნოის, და მოწამე ლუდმილას, ჩეხეთის დედოფლის ხსენების დღეს აღნიშნავს.

Sputnik -საქართველო გიამბობთ ვინ იყვნენ ეს ადამაინები და რატომ არიან მოხსენიებულნი საეკლესიო კალენდარში.

წმიდა მოწამენი ქართველნი ისააკი და იოსები, კარნუ-ქალაქში წამებულნი

წმიდა მოწამენი ისააკი და იოსები დედით მართლმორწმუნენი იყვნენ, მამა კი მაჰმადის სჯულის მიმდევარი ჰყავდათ. დედა შვილებს ფარულად ქრისტეს მცნებებით ზრდიდა. იმდენად დიდი იყო ძმებში ქრისტიანულად ცხოვრების სურვილი, რომ მათ ბიზანტიაში წასვლა და იქ ცხოვრება გადაწყვიტეს. ამ დროს ბიზანტიას კეთილსმსახური მეფე ნიკიფორე ფოკა (802-811) განაგებდა. ძმებმა ფარულად წერილი მისწერეს კეისარს და თავშესაფარი სთხოვეს.

ნიკიფორემ პატივით მიიწვია მთელ თეოდოსიპოლელ (კარნუელ) დიდგვაროვანთა წრეში გამორჩეული და პატივცემული ძმები. ერთი ძმა მაშინვე გაემგზავრა, წვრილშვილიანი იოსები კი მოუცლელობის გამო თეოდოსიპოლში დარჩა და წმიდა ისააკიც თავისთან დატოვა.

თეოდოსიპოლის ამირამ შეიტყო ძმების განზრახვა და სახლიკაცის კონსტანტინეპოლში წასვლის მიზეზი გამოჰკითხა ისააკს და იოსებს. ძმები მიხვდნენ, რომ ჭეშმარიტების აღიარების ჟამი დადგა და ამირას გამოგაზავნილებს მიუგეს, რომ ძმათაგან ერთის ბიზანტიაში წასვლის მიზეზი მათი ქრისტიანობა იყო. ჭაბუკთა კადნიერებამ ამირა განარისხა და ბრძანა, მახვილით განეგმირათ წმიდა ისააკი და იოსები.

ქალაქის ეპისკოპოსმა და სამღვდელოებამ პატივით მიაბარეს წმიდათა გვამები მიწას.  (+808)

წმიდა დიდმოწამე ეფემია

წმიდა დიდმოწამე ეფემია ყოვლადქებული კეთილმსახური ქრისტიანების - სენატორ ფილოფრონისა და თეოდოსიას ასული იყო. ის 304 წელს ეწამა ქრისტესთვის ბოსფორის სანაპიროზე მდებარე ქალაქ ქალკედონში.

წმიდა მოწამე სებასტიანა 

წმიდა მოწამე სებასტიანა პავლე მოციქულის მოწაფე იყო. იმპერატორ დომიციანეს (81-96) მიერ მართლმორწმუნეთა დევნისას იგი მმართველ გიორგის სამსჯავროზე წარადგინეს მიზიის ოლქის ქალაქ მარკიანოპოლში. ქრისტეს მხნე აღსარებისთვის წმიდანი ჯერ აწამეს, ხოლო შემდეგ მმართველის ბრძანებით,  თავი მოჰკვეთეს.
წმიდა მოწამე მელიტინა

წმიდა მოწამე მელიტინა ქალაქ მარკიანოპოლში ცხოვრობდა იმპერატორ ანტონინუს პიუსის (138-161) ზეობისას. იგი კეთილმორწმუნე ქრისტიანი იყო . ლოცვის ძალით ნეტარმა შემუსრა აპოლონისა და ჰერკულესის კერპები. მისმა მხურვალე ქადაგებამ მრავალი წარმართი მოაქცია ქრისტეს სჯულზე, მათ შორის - ქალაქ მარკიანოპოლის განმგებლის მეუღლეც. როცა მმართველმა ამის შესახებ შეიტყო, სამსჯავროზე წარადგინა წმიდა მელიტინა და თავის მოკვეთა მიუსაჯა.

ღირსი დოროთე, მეგვიპტელი მეუდაბნოე

ღირსი დოროთე, მეგვიპტელი მეუდაბნოე, ეგვიპტეში, თებაიდის ოლქში დაიბადა. იგი სამოც წელზე მეტ ხანს მოღვაწეობდა მდინარე ნილოსის დასავლეთ სანაპიროზე, სკიტის უდაბნოში. მამა დოროთე მკაცრი ასკეტური ცხოვრებით ცხოვრობდა. ლოცვის შემდეგ, შუადღის პაპანაქებაში იგი ზღვის ნაპირას ჩადიოდა და ლოდებს აგროვებდა სხვა მეუდაბნოეებისთვის სენაკების ასაშენებლად. ღამღამობით ნეტარი კალათებს წნავდა და მისი გაყიდვით მოიპოვებდა არსობის პურს. ნეტარი მეუდაბნოე მშვიდობით მიიცვალა ღრმა მოხუცებულობაში (IV).

წმიდა მოწამე ლუდმილა

წმიდა მოწამე ლუდმილა მთავარ ბორევოის ცოლი იყო. მეუღლეები მონათლა მორავიელმა ეპისკოპოსმა, სლავთა განმანათლებელმა მეთოდემ. გაქრისტიანების შემდეგ ისინი დაუცხრომლად იღვწოდნენ ქვეშევრდომთა გასანათლებლად. მთავარი ბორევოი, ოცდათექვსმეტი წლის ასაკში გარდაიცვალა. დაქვრივების შემდეგ წმიდა ლუდმილა მკაცრი, კეთილმსახური ცხოვრებით ცხოვრობდა და თავისი ძის, ბრატისლავის მმართველობის დროსაც განაგრძობდა ზრუნვას წმიდა ეკლესიაზე. ბრატისლავი დრაგომირაზე იყო დაქორწინებული და მისგან ჰყავდა ძე - ვიაჩესლავი. მამის ოცდაცამეტ წლიანი მმართველობის შემდეგ სწორედ თვრამეტი წლის ვიაჩესლავი ავიდა ტახტზე. დრაგომირამ ისარგებლა შვილის გამოუცდელობით და ქვეყანაში წარმართული წეს-ჩვეულებების გავრცელება დაიწყო. წმიდა ლუდმილა წინ აღუდგა ამ უსჯულოებას. დრაგომირას შესძულდა დედამთილი და ცდილობდა, დაეღუპა იგი. ერთხელ, როცა ლუდმილა ქალაქ ტეჩინში იმყოფებოდა, უღმრთო სძალმა ორი ბოიარი გაგზავნა მის მოსაკლავად. როცა წმიდანი ლოცვად იდგა, მკვლელები სასახლეში შეიპარნენ და ნეტარი მხეცურად გამოასალმეს სიცოცხლეს (+927).

მასალა მომზადებულია ღია წყაროებზე დაყრდნობით.

118
თემები:
საეკლესიო კალენდარი (201)
წმინდა გიორგის სახელობის ეკლესია მრავალძალში

საეკლესიო კალენდარი: 28 სექტემბერი

117
(განახლებულია 22:30 27.09.2020)
საქართველოს მართლმადიდებელი ეკლესია 28 სექტემბერს ღირსი ამბა იოსებ ალავერდელის, დიდმოწამისა ნიკიტას, მოწამეთა: მაქსიმეს, თეოდოტეს და ასკლიადის, პორფირიოსის, ღირსი ფილოთეოსის, მცირე აზიელი ხუცისა ხსენების დღეს აღნიშნავს.

Sputnik -საქართველო გიამბობთ ვინ იყვნენ ეს ადამაინები და რატომ არიან მოხსენიებულნი საეკლესიო კალენდარში.

ღირსი აბბა იოსებ ალავერდელი, ათცამეტ სირიელ მამათაგანი

წმიდა მამა იოსებ ალავერდელი იყო მოწაფე წმიდა იოანე ზედაზნელისა რომელიც VI საუკუნეში თორმეტი მოწაფის თანხლებით სირიიდან საქართველოში ჩამოვიდა ქრისტიანობის და ქვეყანაში ბერმონაზვნობის ასაღორძინებლად. ამ დროს, მართალია, საქართველოს სამოციქულო ეკლესიას რამდენიმე საუკუნის ისტორია ჰქონდა, მაგრამ ურწმუნოება კვლავ მძლავრობდა.

აბბა იოსები ღვთის ნებით და ცხოველმყოფელი ჯვრის წინამძღოლობით დაემკვიდრა კახეთს, იმ ადგილას, სადაც დღეს ალავარდის ტაძარია. გადმოცემით, აბბა იოსები განუშორებლად თან ატარებდა ჯვარს, გამოთლილს იმ ჯვრის ხისგან, რომელზეც აწამეს უფლი და მაცხოვარი ჩვენი იესო ქრისტე.

მალე ხალხმა გაიგო წმიდა ბერის ამბავი და აქ სიარული იწყო, რათა ეხილა საკვირველი მამა და მოესმინა მისი სწავლება. წმიდა იოსებიც დაუცხრომლად ქადაგებდა, იძლეოდა რჩევა-დარიგებებს. მისი მოუკლებელი ღვაწლით ამ მხარეში აღმოიფხვრა ურწმუნოება და განმტკიცდა ღვთისმსახურება. იმ ადამიანთაგან, რომელთაც ბერის წმიდა ცხოვრება, სიყვარული და სასწაულები იზიდავდა უდაბნოში, ბევრი იქვე რჩებოდა სამოღვაწეოდ. თანდათან მეუდაბნოეთა რიცხვი გაიზარდა და დიდი კრებული შეადგინა. წმიდა მამა იოსებ ალავერდელი იყო საძმოს პირველი წინამძვარის და მოძღვარიც.

დიდი ხნის მოღვაწეობითა და შრომით ხორციელად მოუძლურებულმა წმინდანმა აღსასრულის მოახლოება იგრძნო, მოწაფეები შეკრიბა, დაარიგა, აკურთხა, წინამძღვარი დაუდგინა და მშვიდად მიიცვალა.
მოწაფეებმა დიდი პატივით დაკრძალეს წმიდა იოსების ცხედარი მის მიერ აშენებულ ალავერდის ტაძარში.

წმიდა დიდმოწამე ნიკიტა

წმიდა დიდმოწამე ნიკიტა, გუთი მხედარი, ცხოვრობდა IV საუკუნეში, დუნაის ნაპირას.   ქრისტიანობის დამკვიდრებას ქვეყანაში წინ აღუდგნენ წარმართი გუთები, რასაც შედეგად შინაბრძოლები მოჰყვა.

მას შემდეგ, რაც ქრისტიანთა ლაშქრის წინამძღოლმა, ფრიტიგერნმა წარმართი ათანარიხი დაამარცხა, ბარბაროსთა შორის მაცხოვნებელი სწავლების ქადაგება სულ უფრო და უფრო მზარდი წარმატებით ხორციელდებოდა. მაგრამ ათანარიხმა დამარცხების შემდეგ შეძლო ძალების აღდგენა, სამშობლოში დაბრუნდა და კვლავ ძველებური ძლევამოსილებით შეიმოსა. ათანარიხმა შეიპყრო უფლის რჩეული და საშინელი წამების შემდეგ ცეცხლში შეაგდო. ასე დაასრულა ცხოვრება დიდმოწამე ნიკიტამ დაახლოებით 372 წელს.

წმიდა მოწამენი: მაქსიმე, თეოდოტე და ასკლიადა 

წმიდა მოწამენი: მაქსიმე, თეოდოტე და ასკლიადა (ასკლიპიოდოტა) IV საუკუნის დასაწყისში ეწამნენ, იმპერატორ მაქსიმიანე გალერიუსის (305-311) ზეობისას.

წმიდა მოწამე პორფირე 

წმიდა მოწამე პორფირე იულიანე განდგომილის (361-363) ზეობისას ეწამა.

ღირსი ფილოთეოს ხუცესი - მცირე აზიელი

ღირსი ფილოთეოს ხუცესი მცირე აზიის სოფელ მრავინოდან იყო. იგი სასწაულთქმედების ნიჭით იყო დაჯილდოებული ღვთისაგან. მიიცვალა არა უგვიანეს X საუკუნისა.

აღმოყვანება ნაწილთა აკაკი აღმსარებელისა, მელიტინელი ეპისკოპოსისა

აღმოყვანება ნაწილთა წმიდისა აკაკი აღმსარებელისა, მელიტინელი ეპისკოპოსისა, აღესრულა იმპერატორ დეკიუსის (249-251) დროს. ქრისტეს აღსარებისთვის წმიდა აკაკი საშინლად აწამეს და საპყრობილეში ჩააგდეს, საიდანაც მოგვიანებით გაათავისუფლეს. მან მრავალი უღმრთო მოაქცია ჭეშმარიტ სარწმუნოებაზე, სახელი გაითქვა შთაგონებული ქადაგებებითა და სასწაულებით, რის შემდეგაც მშვიდობით შეჰვედრა სული უფალს.

 

მასალა მომზადებულია ღია წყაროებზე დაყრდნობით.

117
თემები:
საეკლესიო კალენდარი (201)
შემოდგომა

ოქტომბრის ასტროლოგიური პროგნოზი ზოდიაქოს ნიშნებისთვის

0
(განახლებულია 17:42 29.09.2020)
ოქტომბერში ვარსკვლავები შეეცდებიან, მხარი დაგვიჭირონ, რათა საკუთარი თავის რეალიზება შევძლოთ. საჭიროა აქტიურობა – გახსოვდეთ, რომ ყველაფერი ჩვენ ხელთაა.

ოქტომბერი უფრო მეტ სტაბილურობას გვპირდება, ვიდრე ეს სექტემბერში იყო. ვარსკვლავები და პლანეტები ხელსაყრელ განლაგებაში იქნებიან და განწყობას ხშირად არ შეიცვლიან.

ვერძი

ვერძებისთვის ძალზე მნიშვნელოვანი პერიოდი იწყება. ეს განსაკუთრებით მათ ეხება, ვინც მარტოა და მეორე ნახევრის პოვნა სურს. ვარსკვლავები დაგეხმარებიან, გაზრდიან თქვენს მომხიბვლელობასა და ქარიზმას. ეს უკვე ოქტომბრის პირველ რიცხვებში გახდება შესამჩნევი.

რაც შეეხება მუშაობას, ამ სფეროში ასევე წარმატებები გელოდებათ. განსაკუთრებით გაუმართლებს იმ ვერძებს, რომელთა საქმიანობა ურთიერთობებთან არის დაკავშირებული.

კურო

კუროებისთვის ძალზე მნიშვნელოვანი იქნება სახლის ენერგეტიკული გაწმენდა. პირველივე დღეებში გადაყარეთ უსარგებლო ნივთები და ძველმანები, დაასუფთავეთ სახლი საფუძვლიანად და გადააადგილეთ ავეჯი. ეს ყველაფერი შესანიშნავად აისახება თქვენს განწყობასა და იღბალზე.

ოქტომბერი თქვენთვის წარმატებების მომტანი თვე იქნება. ასტროლოგები გირჩევენ, არ ჩაებათ კონფლიქტებში, განსაკუთრებით თვის მესამე დეკადაში. მშვიდად შეხვდით კრიტიკას. ოქტომბერში მეტი ყურადღება დაუთმეთ ოჯახსა და ნათესავებს.

ტყუპი

ამურულ სფეროში ყველაფერი წესრიგშია. ოქტომბერში მარტოხელებს საინტერესო ადამიანთან შეხვედრის დიდი შანსი გაქვთ. ვისაც ჰყავს პარტნიორი, მათ ასტროლოგები გირჩევენ, მეტი დრო გაატაროთ საყვარელ ადამიანთან.

ოქტომბრის პირველ თვეში ძალზე მნიშვნელოვანია, რომ ტოქსიკურ ადამიანებსა და მტრებს მოერიდოთ, გამოიჩინოთ სიფრთხილე. არ ღირს ვინმესთან საკუთარ სამომავლო გეგმებზე, მიზნებსა და ამბიციებზე საუბარი.

კირჩხიბი

კირჩხიბები ოქტომბერში ერთ–ერთი ყველაზე იღბლიანი და ბედნიერი ადამიანები გახდებით. ერთადერთი, რასაც უნდა მოერიდოთ, ეს ძვირადღირებული რამის შეძენაა. სამსახურში დიდი წარმატებები გელოდებათ, თუ საქმეებს მთლიანად მიუძღვნით თავს. ახლა თქვენი მთავარი მტერი სიზარმაცე და საქმეების სამომავლოდ გადადებაა.

იღბალი თქვენ გვერდით იქნება, რომ გარკვეული ყურადღება უნდა მიაქციოთ ჯანმრთელობას. საუბარია ცხოვრების ჯანსაღ წესზე. ასევე ასტროლოგები გირჩევენ, არ გაცივდეთ და საჭესთან ფრთხილად იყოთ.

ლომი

ლომებისთვის ოქტომბერში უმთავრესი სიყვარული და ურთიერთობები გახდება. ამ თვეში არ შეიძლება დიდხანს მარტო დარჩენა, ამიტომ იაქტიურეთ და ხშირად იქონიეთ კონტაქტი ახლობლებთან. ექსპერტები გირჩევენ, რომ ენდოთ საყვარელ ადამიანს, რომელიც სასარგებლო რჩევებს მოგცემთ.

ლომებს 4 ოქტომბრიდან ფინანსური მდგომარეობა გამოგისწორდებათ. გაჩნდება ახალი შესაძლებლობები ბიზნესსა და სამუშაოზე. დიდი წარმატებები გელოდებათ მომსახურების სფეროსთან დაკავშირებული პროფესიების მქონე მშვილდოსნებს. თვის მეორე ნახევარში შეგიძლიათ იმოგზაუროთ, ეწვიოთ სავაჭრო ცენტრებს. შოპინგი განწყობას აგიმაღლებთ.

ქალწული

ქალწულებმა ჯანმრთელობასა და ენერგიის დონეს უნდა მიხედოთ. ამაში ძალიან წაგადგებათ სხვაგან გადასვლა, მოგზაურობა ან საქმიანი მივლინება. გარემოს გამოცვლა სასარგებლოა ენერგეტიკისტვის და განწყობასა და იღბალზე კარგად აისახება. თვის ბოლოს ვარსკვლავები სიმხნევეს შეგმატებენ, მანამდე კი ამაზე თავად უნდა იზრუნოთ.

ოქტომბერში ნებისმიერი შესაძლებლობა უნდა გამოიყენოთ, რომ შეურიგდეთ ნათესავებს, მეგობრებს, საყვარელ ადამიანს. ექსპერტები გირჩევენ, არ ჩაიდოთ გულში წყენა. უნდა დაივიწყოთ ყველაფერი ცუდი, რათა პოზიტიური ემოციებისთვის ადგილი გაათავისუფლოთ.

სასწორი

პრიორიტეტების თვალსაზრისით ფინანსური სფერო სასწორებისთვის პირველი ნომერი უნდა გახდეს. დაასრულკეთ დაწყებული საქმეები და გამოავლინეთ მაქსიმალური პასუხისმგებლობა.13 ოქტომბრიდან იღბალი გაგიღიმებთ. გაძლიერდება თქვენი ინტუიცია.

აჯობს, უარი თქვათ ურთიერთობების გამორკვევაზე, მით უმეტეს – სახალხოდ. სამუშაოზეცა და სახლშიც ყველაფერი თავსთავად მოგვარდება, თქვენ მხოლოდ მოთმინება გჭირდებათ. პროვოკაციებს არ უპასუხოთ აგრესიით, ეს ძალზე ნეგატიურ შედეგებს მოიტანს. ოქტომბერში იაქტიურეთ ფიზიკურად, მაგრამ ზედმეტად არ დაიტვირთოთ თავი.

მორიელი

ოქტომბერში დასვენება თქვენთვის უპრიანი იქნება. ეს თქვენს იღბალსა და ენერგეტიკას წაადგება. თუ დაღლას იგრძნობთ, მაშინვე თავი გაანებეთ ყველაფერს და მოდუნდით. შეგიძლიათ წახვიდეთ სადმე და ბუნების პეიზაჟებით დატკბეთ.

თუნდაც მცირევადიანი შვებულება მოგიწესრიგებთ ფიქრებს, გრძნობებს, სამყაროზე სხვაგვარად შეხედვაში დაგეხმარებათ. შესანიშნავი დროა ნიჭის განვითარებისთვის, თვალსაწიერის გაფართოებისთვის, ახალი ცოდნის, უნარების თვისებისა და ახალი ემოციების მიღებისთვის. თუ გეგმები ჩაგეშალათ, საპანიკო არაფერია.

მშვილდოსანი

მშვილდოსნებს ოქტომბრის დასაწყისში სიფრთხილე გმართებთ, რადგან, შესაძლოა, წინა პლანზე გამოვიდეს თქვენი (და ასევე ზოდიაქოს სხვა ნიშნების) ხასიათის ცუდი თვისებები. ეს რთული დღეები იქნება, რადგან საკუთარ თავთან მოგიწევთ ბრძოლა, შინაგანი ბარიერების გადალახვა.

თვის მეორე დეკადიდან უკვე დიდი წარმატებებისა და გამარჯვებების პერიოდი გეწყებათ. ეს შეეხება მუშაობასაც, სწავლასაც და სიყვარულსაც. შეგიძლიათ რამდენიმე საქმეს ერთდროულად შეეჭიდოთ, მაგრამ მოვლენების არ დააჩქაროთ. ვარსკვლავები გირჩევენ, არ „ჩაიციკლოთ“ წყენებზე და წვრილმანების გამო არ განაწყენდეთ.

თხის რქა

თუ თქვენი გეგმები მოულოდნელად ჩაიშალა, არ ინერვიულოთ. აუცილებელია საკუთარი თავის რწმენა და წინსვლა. ძალიან დაგეხმარებათ ინტუიცია. პოზიტიურ განწყობას დაგაკარგვინებთ არა მხოლოდ უარყოფითი აზრები, არამედ ზოგიერთი მავნე ჩვევაც.

ოქტომბრის ბოლო კვირა ძალზე პროდუქტიული და დადებითი იქნება. ფინანსური საკითხები და პრობლემები სამუშაოზე სწრაფად გადაწყდება. ასტროლოგები გირჩევენ, მოერიდოთ არასაჭირო ხარჯებს, ებრძოლოთ ცდუნებებს. თვის მეორე ნახევარში ბევრად იოლი იქნება საერთო ენის გამონახვა გარშემომყოფებთან.

მერწყული

ოქტომბერი იდეალური დროა ფიზიკური აქტიურობისთვის, მგზავრობისა და გარემოს შეცვლისთვის. ეს ყველაფერი შესანიშნავად აისახება თქვენს იღბალსა და ენერგეტიკაზე. ოქტომბრის შუა რიცხვები იდეალური დროა საკუთარ გარეგნობასა და სტილზე ზრუნვისთვის, გარდერობის განახლებისთვის.

ასტროლოგები გირჩევენ, მოერიდოთ ტოქსიკურ ადამიანებს და იმათ, ვინც არ მოგწონთ. იქნებიან ფარული არაკეთილმოსურნეებიც, რომელთა ამოცნობაში ინტუიცია დაგეხმარებათ. ოქტომბერში მარტოხელებს ძალიან დიდი შანსი გაქვთ, რომ საყვარელ ადამიანს შეხვდეთ და ბედნიერი ურთიერთობები დაიწყოთ.

თევზები

თევზებისთვის იდუმალებით მოცული და უცნაური დრო დგება. ვარსკვლავები და პლანეტები თქვენგან ზოგიერთ მნიშვნელოვან რამეს დამალავენ და მხოლოდ მინიშნებებს მოგცემენ. მეორე მხრივ, მათ ზოგიერთ საბედისწერო და უაღრესად მნიშვნელოვან კითხვებზე პასუხი შეიძლება მოგცენ.

მოგზაურობისა და სავაჭრო ცენტრებში სტუმრობისთვის საუკეთესო პერიოდია 10–დან 25 ოქტომბრამდე პერიოდი. ვინც ახლა იწყებს ურთიერთობებს, სჯობს, არ დააჩქაროთ მოვლენები. სიყვარული თქვენზე დადებითად იმოქმედებს – გააძლიერებს სიმხნევესა და შემოქმედებით პოტენციალს.

0