სიონის საკათედრო ტაძარი

საეკლესიო კალენდარი: 26 აპრილი

297
(განახლებულია 23:38 25.04.2020)
საქართველოს მართლმადიდებელი ეკლესია 26 აპრილს წმ. დიმიტრი სამშობლოსათვის წამებულის (ყიფიანი); მღვდელმოწამე არტემონის, ლაოდიკიელი ხუცის , მოწამე თომაიდა ეგვიპტელის ხსენების დღეს აღნიშნავს.

Sputnik საქართველო მოგითხრობთ ვინ იყვნენ ეს წმინდანები და რატომ არიან მოხსენიებულნი საეკლესიო კალენდარში.
დიმიტრი ყიფიანი

დაიბადა 1814 წლის 14 (27) აპრილს გორის მაზრის სოფელ მერეთში

1830 წელს დაამთავრა კეთილშობილთა სასწავლებელი და იქვე დაინიშნა მასწავლებლად. 1832 წლის შეთქმულებაში მონაწილეობის გამო ვოლოგდაში გადაასახლეს. აქ გუბერნატორის კანცელარიაში განაწესეს (1835), 1837 წელს საქართველოში დაბრუნდა. ამ დროიდან 1864 წლამდე იყო მთავარმართლებლის კანცელარიაში სხვადასხვა თანამდებობაზე.  1886 წელს თბილისის სასულიერო სემინარიის რექტორის ჩუდეცკის მკვლელობასთან დაკავშირებით საქართველოს ეგზარქოსმა პავლემ (ლებედევი) ქართველი ერი დაწყევლა. ყიფიანმა მას საქართველოს დატოვება მოსთხოვა. ამის გამო თანამდებობიდან გადააყენეს და იმავე წელს სტავროპოლში გადაასახლეს, სადაც მეფის აგენტებმა ვერაგულად მოკლეს. 

დიმიტრი ყიფიანის თანადგომითა და უშუალო მონაწილეობით იქნა დაარსებული: საჯარო ბიბლიოთეკა, პროფესიული ქართული თეატრი, ეროვნული ჟურნალისტიკა, ტფილისის სათავადაზნაურო-საადგილმამულო ბანკი, „ქართველთა შორის წერა-კითხვის გამავრცელებელი საზოგადოება“ და მრავალი სხვა.

საქართველოს საპატრიარქომ დიმიტრი ყიფიანი, ერის წინაშე გაწეული უდუდესი ღვაწლის გამო წმინდანად შერაცხა.

მღვდელმოწამე არტემონი, ლაოდიკიელი ხუცი

მღვდელმოწამე არტემონი დაიბადა სირიის ლაოდიკიაში ქრისტიანულ ოჯახში. 16 წლისა მედავითნედ აკურთხეს. 18 წლის მანძილზე იყო მედავითნე, შემდეგ ეპისკოპოსმა სისინმა დიაკვნად დაასხა ხელი. 33 წელი ქადაგებდა წარმართთა შორის ქრისტიანობას. წმინდა მამა მოხუცი იყო, როცა იმპერატორმა დეოკლიტიანემ ქრისტიანებს აიძულა მსხვერპლის შეეწირვა.

იმპერატორი ლაოდიკიაში გზავნიდა მხედარმთავარს. ეს რომ შეიტყო ეპისკოპოსმა სისინმა წმინდა არტემონტან ერთად შეიპარა სამსხვერპლოში და კერპები დაამსხვრია. სამწყსო კი გაამხნევა და განამტკიცა რწმენაში.

ლაოდიკიაში ჩასულმა მხედარმთავარმა პატრიკიოსმა შეიტყო, ვინც შემუსრა კერპები. შეიპყრო. არტემონი, რომელიც უშიშრად გაჰყვა.

პატრიკიოსმა როცა ვერ შეძლო არტემონის გადაბირება  გადაწყვიტა წმინდანი ეწამებინა. ადუღებულ ფისში აპირებდა წმინდანის წამებას, მაგრამ ორმა არწივის სახიანმა ანგელოზმა პატრიკიოსი აიტაცა და ქვაბში ჩააგდო.

შემდეგ წმინდა მამა არტემონი ასიაში წავიდა ქრისტეს რჯულს საქადაგებლად.გზაში უფლის ანგელოზმა აიტაცა და სოფელ ვულში დასვა, სადაც მრავალი მოაქცია.

წმინდა მამა წარმართებმა შეიპყრეს და თავი მოკვეთეს.

მოწამე თომაიდა ეგვიპტელი

წმიდა მოწამე თომაიდა მეგვიპტელი (+476) - ცხოვრობდა ალექსანდრიაში, ქრისტიანულ ოჯახში.  თხუთმეტი წლის თომაიდა ქრისტიან მეთევზეზე გაათხოვეს. ყოველგვარი სათნოებით შემკული ქალი ყველას ძალიან უყვარდა.

ეშმაკის ჩაგონებით წმიდა თომაიდას მამამთილი მისი სილამაზით მოხიბლა და, როდესაც შვილი სათევზაოდ იყო წასული, თავისი ყოვლადბილწი განზრახვის განხორციელება მოინდომა. წმიდანი საშინელ სამსჯავროს და ცოდვილთა დასჯას მოაგონებდა ვნებისაგან გონდაკარგულ მოხუცს, მაგრამ ვერაფერს გაჭრა.

რძლის სიმტკიცით გამძვინვარებულმა მახვილს დასტაცა ხელი და ქალს დაემუქრა. წმიდანმა უპასუხა: „ორადაც რომ გამაპო, ღვთის მცნებას არ დავარღვევ“. ვნებით დაბრმავებულმა მამამთილმა მახვილით განგმირა წმიდანი. წმიდა თომაიდა ღვთის მცნების დაცვისთვის მოწამეობრივად აღესრულა 476 წელს.

მკვლელს საშინელი სასჯელი დაატყდა თავს - დაბრმავდა და კარებს ვერ მიაგნო. დილით, როცა ქმრის მეგობრები მოვიდნენ, სახლში იპოვეს წმიდა მოწამის გაცივებული გვამი და გასისხლიანებული, დაბრმავებული მამამთილი.

 მასალა მომზადებულია ღია წყაროებზე დაყრდნობით

297
მთავარი ტაძრისკენ მიმავალ ბილიკს ლავანდებისა და ვარდების არშია ამშენებს

საეკლესიო კალენდარი: 22 ოქტომბერი

52
(განახლებულია 07:45 22.10.2020)
საქართველოს მართლმადიდებელი ეკლესია 22 ოქტომბერს წმიდა მოციქულ იაკობ ალფესის, ღირსი ანდრონიკეს და ათანასიას, მართალი აბრაამ მამამთავრის და მისი ძმისწულის, წმიდა მოწამეების ებენტის და მაქსიმეს, წმიდა აღმსარებელ პოპლიას, ღირსი პეტრე გალატიელისხსენების დღეს აღნიშნავს

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

წმიდა მოციქული იაკობ ალფესი

წმიდა მოციქული იაკობ ალფესი კაპერნაუმელი მეზვერის, ალფესის ძე და წმიდა მოციქულისა და მახარებლის, მათეს (ხს. 16 ნოემბერს) ძმა იყო. იაკობს, ისევე, როგორც მათეს, თავად მაცხოვარმა მოუწოდა ათორმეტ ურჩეულეს მოწაფეთა შორის და სახარების საქადაგებლად გაგზავნა
სულიწმიდის გარდამოსვლის შემდეგ ნეტარი მოციქული ერთხანს იერუსალიმში იმყოფებოდა შემდეგ კი წმიდა ანდრია პირველწოდებულთან ერთად ქრისტეს სწავლებას ავრცელებდა ედესაში, ღაზაში, ელეფთეროპოლში და მიმდებარე ადგილებში. აქედან იგი ეგვიპტეში გაემგზავრა და პალესტინის მოსაზღვრე ზღვისპირა ქალაქ ოსტარცინში ჯვარცმით დაასრულა მოციქულებრივი ღვაწლი (სხვა ცნობით, უფლის რჩეულს მრავალგვარი წამების შემდეგ კვერთხების ცემით ამოხადეს სული).

ღირსი ანდრონიკე და ცოლი მისი ათანასია

ღირსი ანდრონიკე და ცოლი მისი ათანასია ანტიოქიაში ცხოვრობდნენ V საუკუნეში. წმიდა ანდრონიკე ხელოსანი იყო და თავის გასამრჯელოს სამ ნაწილად ყოფდა: ერთ ნაწილს ტაძარს სწირავდა, მეორეს - გლახაკებს ურიგებდა, მესამე კი - ოჯახის სარჩენად ჰქონდა გადადებული. როცა კეთილმსახურ მეუღლეებს ქალ-ვაჟი გარდაეცვალათ, მათ გადაწყვიტეს, მთლიანად უფლის მსახურებისთვის მიეძღვნათ თავი და დაუზარლად ეხმარებოდნენ გლახაკებსა და სნეულებს. შემდეგ ორივემ ბერმონაზვნური ღვაწლი იტვირთა: ანდრონიკე ეგვიპტის ერთ-ერთ სკიტში ამბა დანიელს დაემოწაფა, ათანასია კი ტაბენისის დედათა სავანეში დამკვიდრდა. თორმეტი წლის მოსაგრე ცხოვრების შემდგომ ანდრონიკე წმიდა ადგილთა მოსალოცად იერუსალიმში გაემგზავრა. გზაში მას დაემგზავრა „ბერი ათანასე“ - წმიდა ათანასია, რომელსაც მოგზაურობისას მოსალოდნელი განსაცდელების თავიდან ასარიდებლად მამაკაცის სამოსი გადაეცვა. ანდრონიკემ ვერ იცნო ხანგრძლივი ღვაწლით სახეშეცვლილი მეუღლე. იერუსალიმიდან დაბრუნებული წმიდანები ერთ სენაკში დამკვიდრდნენ და მდუმარების ღვაწლს შეუდგნენ. ღირსმა ანდრონიკემ მხოლოდ ათანასიას მიცვალების შემდეგ, წმიდა დედის მიერ დატოვებული წერილიდან შეიტყო თანამოსაგრის ვინაობა. მალე მან თვითონაც მშვიდობით შეჰვედრა სული უფალს.

მართალი აბრაამ მამამთავარი და ძმისწული მისი ლოთი 

მართალი აბრაამ მამამთავარი და ძმისწული მისი ლოთი ქრისტეს შობამდე ორი ათასი წლის წინ ცხოვრობდნენ. აბრამი, თარას ძე, დაიბადა ქალდეველთა ქვეყანაში, სადაც ძალიან იყო გავრცელებული კერპთმსახურება. ღმერთმა იგი გამოარჩია ჭეშმარიტ მორწმუნეთა მამად, წინაპრად იმ ერისა, რომლისგანაც უნდა დაბადებულიყო ქრისტე და უთხრა: „გამოვედ ქუეყანისაგან შენისა და ნათესავისაგან შენისა და სახლისაგან მამისა შენისა და მოვედ ქუეყანად, რომელიცა გიჩუენო შენ და გყო შენ ნათესავად დიდად და გაკურთხო შენ“. აბრამი, რომელიც ამ დროს სამოცდათხუთმეტი წლისა იყო, დაემორჩილა ზეციურ კურთხევას და თან მთელი თავისი სახლეულითა და ძმისწული ლოთით სამხრეთისკენ გაეშურა.

ქანაანში უფალი კვლავ გამოუჩნდა ნეტარს და ამცნო: „თესლსა შენსა მივსცე ქუეყანა ესე“, და ღვთის რჩეულმაც სამადლობელი მსხვერპლი აღავლინა (ქანაანს, დღევანდელ პალესტინას, ამის შემდგომ ეწოდა აღთქმული ქვეყანა).

ქანაანის ქვეყანაში ცხოვრების დროს აბრამი და მისი ძმისწული ლოთი გამდიდრდნენ. მათ ისე მრავლად ჰყავდათ ცხვარ-ძროხა, რომ საძოვრები საქონელს ვერ იტევდა და აბრამისა და ლოთის მწყემსები ერთმანეთში ხშირად ჩხუბობდნენ. უსიამოვნება თავიდან რომ აერიდებინათ, აბრამმა ძმისწულს შესთავაზა, გაყრილიყვნენ: ლოთი აღმოსავლეთით წავიდა და იორდანის ნაპირას, სოდომ-გომორთან ახლოს დაემკვიდრა; აბრამი კი, უფლის მინიშნებით, ქებრონში გადავიდა და მამბრეს მუხასთან დასახლდა. ბიძა-ძმისწულის განშორების შემდეგ დიდ ხანს არ გაუვლია, რომ სენაარის ქვეყნის მოკავშირე მეფეები თავს დაესხნენ სოდომის მეფეს, სძლიეს იგი, დაარბიეს და სხვებთან ერთად ლოთიც ტყვედ ჩაიგდეს. ეს რომ აბრამმა შეიტყო, შეკრიბა თავისი სამას თვრამეტი მოსამსახურე, მოიხმარა მეზობლად მცხოვრებნი და ყველა ტყვე და გატაცებული საქონელი გამოიხსნა.

გამარჯვებით მობრუნებულ უფლის რჩეულს სოდომის მეფე წინ მიეგება. სალიმის მეფე მელქისედეკიც, რომელიც იყო „მღვდელი ღმრთისა მაღლისა“, პურითა და ღვინით შეეგება და აკურთხა იგი. აბრამმა ნადავლის მეათედი შესწირა მელქისედეკს, როგორც მღვდელს.

როცა აბრამი ოთხმოცდაცხრამეტი წლისა იყო, ღმერთმა მას ყველა უწინდელი აღთქმა გაუმეორა და სახელი აბრამი - მამა დიდი - აბრაამად შეუცვალა, რაც ნიშნავს: მამა მრავალთა.

ერთი წლის შემდეგ უფალი სამი ანგელოზის სახით გამოეცხადა მამბრეს მუხასთან, კარვის კარებთან მჯდარ მამამთავარს. სტუმართმოყვარე აბრაამმა უცნობი მგზავრები რომ იხილა, „მირბიოდა შემთხუევად მათდა“, თაყვანი სცა და მდაბლად იწვია შინ. მათაც მიიღეს მიწვევა და ტაბლას მიუსხდნენ. შემდეგ ერთმა მათგანმა მასპინძლის ცოლი, სარა მოიკითხა და თქვა: „შემოქცეული მოვიდე შენდა ჟამსავე ამას და ესუას ძე სარრას, ცოლსა შენსა“. კარებთან მდგომ სარას, რომელსაც უკვე ოთხმოცდაათი წელი შესრულებოდა, გაეცინა, უფალმა კი აბრაამს უთხრა: „რად განიცინნა სარა თავსა შორის თჳსსა. ნუ შეუძლებელ არს ღმრთისა მიერ ყოველი სიტყუაჲ?“ შემდეგ ღმერთმა აბრაამს უთხრა, რომ სოდომ-გომორის მცხოვრებთა ცოდვებმა შეაწუხა, შეუძლებელი გახდა მათი სიბილწის ატანა, და უნდა აღმოვხოცო ისინიო. აბრაამი შეევედრა ღმერთს: თუ „სოდომთა ქალაქში“ ორმოცდაათი მართალი აღმოჩნდა, გაანადგურებო მას? უფალმა მიუგო: თუ ორმოცდაათი მართალი ვპოვე „დაუტეო ყოველი ადგილი მათთჳს “. შემდეგ ორმოცდახუთი მართლისათვის შეევედრა აბრაამი ღმერთს ქალაქის პატიებას.უფალმა ათი მართლისთვისაც აღუთქვა ქალაქს შეწყნარება.

საღამო ჟამს ორი ანგელოზი მიეახლა სოდომს. ქალაქის ბჭეებთან მჯდარი ლოთი მიეგება მათ, მიწამდე თაყვანი სცა და შინ ისტუმრა. ეს რომ სოდომელებმა შეიტყვეს, ყველანი, „ჭაბუკითგან ვიდრე მოხუცებულადმდე“ გარს შემოერტყნენ მის სახლს და ღრიალებდნენ: „სადა არიან კაცნი, მოსრულნი შენდა ღამით? გამოიყვანენ იგინი ჩუენდა, რამეთუ თანა-ვეყვნეთ მათ“. ლოთი გამოვიდა „წინაშე კართა“, გონდაკარგულ ბრბოს მიმართა: „ნუსადა, ძმანო, ნუ უკეთურობთ!“ და თავისი ორი უბიწო ასული შესთავაზა მის ჭერს შემოვედრებული მგზავრების სანაცვლოდ, მაგრამ მომხდურები მაინც არ დაცხრნენ. მაშინ სტუმრებმა ლოთი სახლში შეიყვანეს და კარები დახშეს, შემოჯარული უსჯულოები კი დაბრმავდნენ.

მეორე დღეს, განთიადისას, ანგელოზებმა ლოთს უბრძანეს, სახლეულითურთ განრიდებოდა უსჯულო ქალაქს, რომელსაც განადგურება ელოდა; მაგრამ რადგან უფლის რჩეული იგვიანებდა, თავად მოჰკიდეს მას ხელი, ცოლითა და ასულებითურთ გაიყვანეს სოდომიდან და უთხრეს: „განირინე თავი შენი და ნუ გარეუკუნ იხილავ“. ლოთის ცოლი, რომელმაც ვერ გაუძლო ცდუნებას და უკან მიიხედა, დაისაჯა - მარილის სვეტად იქცა.
მალე უფლის წინასწარმეტყველება ახდა: სიბერის ჟამს სარამ მუცლად-იღო და შვა ძე - ისააკი. საზღვარი არ ჰქონდა ასი წლის მამამთავრის სიხარულს, მაგრამ მას წინ დიდი გამოცდა ელოდა: უფალმა უბრძანა, მხოლოდშობილი ყრმა მისთვის შეეწირა ყოვლად დასაწველ მსხვერპლად. აბრაამის სარწმუნოება არ შერყეულა: მესამე დღეს მიეახლა სამსხვერპლოდ მინიშნებულ ადგილს, შეშა ისააკს აჰკიდა, თავად კი ცეცხლი და მახვილი იპყრა ხელთ და მთის კალთებს აუყვა. ბოლოს აბრაამი შედგა; საკურთხეველი ააგო, ზედ შეშა დააწყო, შეშაზე შებოჭილი ისააკი დააწვინა და მახვილი აღმართა მის დასაკლავად, ამ დროს ზეგარდამო ესმა ხმა: „აბრაამ! აბრაამ!. ნუ მიჰყოფ ჴელსა შენსა ყრმისა ზედა, ნუცა უყოფ მას ნურარას, რამეთუ აწ მიცნობიეს, ვითარმედ გეშინის შენ ღმრთისა და არა ჰრიდე ძესა შენსა საყუარელსა ჩემთჳს“. მართალმა მამამთავარმა მიმოიხედა, ბუჩქებში რქებით გახლართული ვერძი იხილა, მიიყვანა და მადლიერებით აღსავსემ ისააკის ნაცვლად ის შესწირა უფალს. ღმერთმა თავისი ერთგული მონა ასე აკურთხა: „ვინაითგან ჰყავ სიტყუაჲ ესე და არა ჰრიდე ძესა შენსა საყუარელსა ჩემთჳს, კურთხევით გაკურთხო შენ და განმრავლებით განვამრავლო თესლი შენი, ვითარცა ვარსკულავნი ცისანი და ვითარცა ქჳშა ზღჳსკიდისა და დაიმკჳდრნეს თესლმან შენმან ქალაქნი წინააღმდგომთანი და იკურთხეოდიან თესლისა მიმართ შენისა ყოველნი ნათესავნი ქუეყანისანი, მით რომელ ისმინე ჴმისა ჩემისა“.

ამის შემდეგ აბრაამმა კიდევ დიდხანს იცოცხლა. ცოლი - სარა საკუთარი ხელით დაკრძალა ქებრონში, მამბრეს მუხის სიახლოვეს მდებარე გამოქვაბულში, ისააკიც დააქორწინა, ბოლოს კი, ასსამოცდათხუამეტი წლის ასაკში მშვიდობით შეჰვედრა სული უფალს. მართალი მამამთავარი მეუღლის, სარას გვერდით დაფლეს.

წმიდა მოწამენი ებენტი და მაქსიმე

წმიდა მოწამენი ებენტი (იუვენტინე) და მაქსიმე იმპერატორ იულიანე განდგომილის (361-363) პირადი მცველები იყვნენ. ანტიოქიაში ჩასულმა უსჯულო თვითმპყრობელმა სასმელი წყლების და ბაზარში გასაყიდად გამოტანილი საკვები პროდუქტების ნაკერპავი სისხლით შერყვნა ბრძანა. მხედრებმა უარი განაცხადეს ამ განკარგულების შესრულებაზე, რისთვისაც სიკვდილით დასაჯეს. წმიდა მარტვილებს ეკლესია 5 სექტემბერსაც იხსენიებს.

წმიდა აღმსარებელი პოპლია

წმიდა აღმსარებელი პოპლია (პუბლია), ანტიოქიელი დიაკონისა ადრე დაქვრივდა, რის შემდეგაც მთელ ძალებს ვაჟიშვილის, იოანეს ქრისტიანული ღვთისმოშიშებით აღზრდას ახმარდა. მოგვიანებით იოანეს ხუცესად დაასხეს ხელი, პოპლია კი კეთილგონიერებისა და მოსაგრე ცხოვრებისათვის დიაკონისად აკურთხეს. მან თავის ირგვლივ შემოიკრიბა დედები, რომლებსაც ცხოვრების ღვთისმსახურებისთვის მიძღვნა ჰქონდათ გადაწყვეტილი და საკუთარ სახლში მონასტერი მოაწყო. იმპერატორ იულიანე განდგომილის (361-363) ზეობისას პოპლიამ და მისმა დებმა ამხილეს უსჯულო ხელისუფალი. როცა იმპერატორმა პოპლიას სახლის წინ ჩაიარა, დედებმა ხმამაღლა დაიწყეს კერპთაყვანისმცემლობის მამხილებელი 113-ე ფსალმუნის გალობა, რისთვისაც იულიანეს ბრძანებით მხცოვანი დიაკონისა სასტიკად გვემეს. ამის შემდეგ ნეტარს დიდხანს არ უცოცხლია: მალე მშვიდობით შეჰვედრა სული უფალს.

ღირსი პეტრე გალატიელი

ღირსი პეტრე გალატიელი თავდაპირველად იმპერატორ თეოფილეს ლაშქარში მსახურობდა, მაგრამ შემდეგ განერიდა ამსოფელს და სირიის ანტიოქიის მახლობლად, დაფნეონის სავანეში ბერად აღიკვეცა. ხანგრძლივი, ღვთივსათნო ღვაწლი ახოვანმა მოსაგრემ კონსტანტინოპოლში, წმიდა ფოკას სახელობის მონასტერში დაასრულა. იგი მშვიდობით მიიცვალა IX საუკუნეში, იმპერატორ ბასილი მაკედონელის (867-886) ზეობისას.

მასალა მომზადებულია ღია წყაროებზე დაყრდნობით.

 

52
გიორგი გამთენაძის და გიორგი ყვავაძის მიერ მოხატული ტყიბულის წმინდა გიორგის სახელობის ეკლესია

საეკლესიო კალენდარი: 21 ოქტომბერი

132
(განახლებულია 02:22 21.10.2020)
საქართველოს მართლმადიდებელი ეკლესია 21 ოქტომბერს ღირსი პელაგიას, ღირსი ტაისიას და წმიდა მოწამე პელაგია ქალწულის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

ღირსი პელაგია

ღირსი პელაგია ედესელმა ეპისკოპოსმა ნონემ მოაქცია ქრისტიანობაზე. ნათლისღებამდე იგი პალესტინის ანტიოქიის მოცეკვავეებს ხელმძღვანელობდა, ძალიან მდიდარი იყო და თავაშვებულად ცხოვრობდა.
ერთხელ მდიდრულად ჩაცმულმა პელაგიამ ჭაბუკებისა და ყმაწვილქალების გუნდთან ერთად ჩაიარა ტაძრის წინ, რომლის კარებთანაც მღვდელმთავარი ნონე იჯდა და ხალხს მოძღვრავდა. მორწმუნეებმა თვალი აარიდეს ქალაქში ცნობილ მეძავს, ნონე კი დიდხანს გასცქეროდა მას. წმიდანმა შემოკრებილებს მიანიშნა იმაზე, თუ როგორ გულმოდგინედ ზრუნავდა ეს ქალი საკუთარ გარეგნობაზე და სხეულის მორთვა-მოკაზმვაზე, თან მწუხარედ დაამატა, ჩვენ, ქრისტიანები ნაკლებად ვესწრაფვით ჩვენი სულების სინანულის ცრემლებით განბანას და სათნოებებით შემკობასო.

ნონემ შეიცნო პელაგიას სულის სიმაღლე და შემდგომ თავის სენაკში დიდხანს ლოცულობდა წარწყმედისაგან მის დასახსნელად.

მეორე დღეს, როცა მღვდელმთავარი ამბიონიდან საშინელ სამსჯავროსა და ცოდვილთა და მართალთა სულების საუკუნო მისაგებელზე ქადაგებდა, ტაძარში პელაგია შევიდა. ნონეს სიტყვებმა ნეტარი ღვთის შიშით აღავსო, გულშემუსვრილი და აცრემლებული მიეახლა მას და ნათლისღება სთხოვა. მონანულის გულწრფელობაში დარწმუნებულმა ეპისკოპოსმა მონათლა პელაგია და თან იმ საცთურებისა და ბრძოლების შესახებაც ესაუბრა რომელიც წინ ელოდება სიწმინდისაკენ მიმავალ ყოველ ადამიანს.

ღამით დემონი წარსდგა პელაგიას წინაშე და ცდილობდა, იგი უწინდელი ცხოვრებისკენ მიბრუნებაზე დაეყოლიებინა, მაგრამ წმიდანმა ილოცა, პირჯვარი გადაისახა და ეშმაკიც გაქრა. ნეტარმა დედამ მთელი თავისი ქონება შეკრიბა და მღვდელმთავარს მიუტანა, ამ უკანასკნელმა კი ურჩია, საუნჯე გლახაკებისთვის დაერიგებინა: „გონივრულად დაიხარჯოს ავად მოხვეჭილი“. ამის შემდეგ პელაგიამ იერუსალიმს მიაშურა და ელეონის მთაზე დამკვიდრდა. აქ წმიდანი დაყუდებით მოღვაწეობდა ბერი პელაგიუსის სახელით და მშვიდობით მიიცვალა დაახლოებით 457 წელს.

ღირსი ტაისია

ღირსი ტაისია მეძავის შვილი იყო და თვითონაც სიყმაწვილიდანვე ჩაეფლო გარყვნილებაში. საოცრად მომხიბლავი გარეგნობის წყალობით იგი მრავალს აცდუნებდა. ამ დროს ეგვიპტეში, ჰერაკლიის მონასტერში ცხოვრობდა ბერი პაფნუტი, რომელიც ბევრ შეცდომილს აყენებდა ცხონების გზაზე. როცა მან ტაისიას შესახებ შეიტყო, საერო ტანსაცმელი შეიმოსა, მივიდა მეძავთან და სთხოვა, ისეთ განკრძალულ ადგილას დაენიშნა მისთვის შეხვედრა, სადაც ვერც კაცი ნახავდა მათ და ვერც ღმერთი. ტაისიამ, რომლის სულში ჯერაც არ მინავლებულიყო ფიქრები უფალზე, ღიმილით უპასუხა, ეს შეუძლებელია, რადგან ღმერთი ყველგან არის და ყველაფერს ხედავსო. მაშინ ღირსმა მამამ გააცხადა თავისი ვინაობა, უფლის რჩეულს ცხადად წარმოუდგინა მისი ცოდვების სიმძიმე და ის აუტანელი სატანჯველები, რომელიც საუკუნო ცხოვრებაში მოელოდა მის მიერ ცდუნებული და წარწყმედილი ყოველი ადამიანის სულის სანაცვლოდ. ბერის სიტყვებმა შეძრა ცოდვილი ქალის სული, მის გულს კი ზეციური ნათელი მოეფინა. მან თავი მოუყარა მთელ თავის სიმდიდრეს, ქალაქის მოედანზე დაახვავა და საკუთარი ხელით დაწვა ნიშნად იმისა, რომ საჯაროდ აღიარებდა თავისი უწინდელი ცხოვრების სისაძაგლეს და ეს საუნჯე, როგორც გარყვნილების გზით მოგებული, გლახაკთათვის დარიგების ღირსადაც არ მიაჩნდა.

ღირსმა პაფნუტიმ წმიდანი დედათა მონასტერში მიიყვანა, სადაც იგი ვიწრო სენაკში დასახლდა და ყოველდღიურად მცირე სარკმლიდან აწვდიდნენ პურის ნატეხსა და მცირეოდენ წყალს. სამი წელი დაჰყო აქ ნეტარმა დედამ სრულ მარტოობაში. მკაცრი მარხვით გალეული უფლის რჩეული დაუდუმებლად იმეორებდა მოკლე ლოცვას: „შემოქმედო ჩემო, შემიწყალე მე“! ამასობაში პაფნუტიმ საოცარი სიბრალული იგრძნო მის მიმართ და ღირს ანტონი დიდს (ხს. 17 იანვარს) მიაშურა, რომ შეეტყო, შეუნდო თუ არა უფალმა ტაისიას. წმიდა ანტონიმ შეჰყარა თავისი მოწაფეები და მთელი ღამე მათთან ერთად ლოცვად იდგა. ბოლოს ერთ მათგანს - ღირს პავლეს (ხს. 7 მარტს და 4 ოქტომბერს) სასწაულებრივი ხილვით განეცხადა, რომ ტაისიას ცოდვები აღხოცილი იყო. პაფნუტი ჩავიდა სავანეში, სადაც წმიდა დედა მოსაგრეობდა და მას სენაკის კარები გაუღო. ტაისიამ მდაბლად წარმოთქვა, დაყუდებაში მინდა დავრჩეო, მაგრამ ნეტარმა ბერმა გამოსვლა უბრძანა. წმიდანი დამორჩილდა, თან თქვა: „ღმერთია მოწმე, იმ წუთიდან, როცა სენაკში შევედი, ჩემი ყველა ცოდვა თვალწინ მედგა და ცრემლად ვიღვრებოდი მათი შემყურე“. პაფნუტიმ უპასუხა: „სწორედ ამიტომ, და არა შენი დაყუდების სიმკაცრის გამო შეგიწყალა გულმოწყალე უფალმა“. ამის შემდეგ ტაისიამ მხოლოდ თხუთმეტი დღე იცოცხლა. იგი მშვიდობით შეერთო სასუფეველს დაახლოებით 340 წელს. ღირსი დედა უნდა განვასხვაოთ ნეტარი ტაისიასგან რომლის ხსენებას წმინდა ეკლესია 10 მაისს აღნიშნავს.

წმიდა მოწამე პელაგია ქალწული

წმიდა მოწამე პელაგია ქალწული, დიდებული გვარის ჩამომავალი, ანტიოქიაში ცხოვრობდა და მღვდელმოწამე ლუკიანეს (ხს. 15 ოქტომბერს) მოწაფე იყო. როცა, ქრისტიანთა დევნის დროს, მხედრები წმიდანის შესაპყრობად მივიდნენ, იგი მხოლოდ თხუთმეტი წლისა იყო. ნეტარმა მათ სთხოვა, ცოტა ედროვათ, თავად კი ლოცვად დადგა, უსჯულოთა ხელყოფისაგან დაცვა გამოითხოვა უფლისგან, შემდეგ კი სახლის ერდოდან გადმოეშვა და ადგილზევე განუტევა სული. ეს მოხდა IV საუკუნეში, როგორც ვარაუდობენ, 303 წელს.


მასალა მომზადებულია ღია წყაროებზე დაყრდნობით.

 

 

132

მძევლების გათავისუფლება ზუგდიდში: ასეთი ფოტოები ჯერ არ გინახავთ

0
  • „საქართველოს ბანკის“ ფილიალში ბოროტმოქმედის შეჭრის შემდეგ, ადგილზე ოპერატიულად მივიდა სპეცრაზმი
  • სნაიპერები მზად იყვნენ შენობის შტურმისათვის და მხოლოდ ბრძანებას ელოდნენ
  • ასევე სპეცრაზმის ქვედანაყოფები იდგნენ შენობასთანაც, რომლებიც შესვლისათვის მზად იყვნენ
  • ზუგდიდის ცენტრში გადაიტყორცნა ჯავშანტექნიკა
  • აუცილებლობის შემთხვევაში შტურმისათვის მზადება დაუყოვნებლივ დაიწყო
  • თუმცა მოლაპარაკებების განმავლობაში შესაძლებელი გახდა მძევლების ნაწილის გათავისუფლება
  • ადამიანების ჯანმრთელობისა და სიცოცხლის შესანარჩუნებლად, შს სამინისტრომ თავი შეიკავა მწვავე ზომების მიღებისგან
  • ბანკის მიმდებარე ტერიტორიას პოლიციამ ალყა შემოარტყა. ეს თავდასხმა საპარლამენტო არჩევნებამდე რამდენიმე დღით ადრე მოხდა
  • სამართალდამცავები, უსაფრთხოების მიზნით, არავის უშვებდნენ ბანკის მიმდებარედ
  • თავდასხმის მომენტში ბანკში 43 ადამიანი იმყოფებოდა, ნაწილმა მოასწრო გამოქცევა, ნაწილი თავად ბოროტმოქმედმა გაათავისუფლა მოლაპარაკებების შემდეგ
  • მძარცველთან მოლარაპაკებებს პირადად შს მინისტრი ვახტანგ გომელაური აწარმოებდა, ხოლო სამეგრელო - ზემო სვანეთის პოლიციის დეპარტამენტის ხელმძღვანელმა ავთანდილ გალდავამ თავი რამდენიმე მძევალზე გაცვალა
  • შესაძლებელი იყო შენობის შტურმით აღებაც, თუმცა ხელყუმბარის აფეთქების შემთხვევაში, ბანკის შენობაში ადამიანები დაიხოცებოდნენ
  • სოციალურ ქსელებში კამათობენ თემაზე, საიჭორ იყო თუ არა დამნაშავესთან მოლაპარაკებები
  • თუმცა შედეგი სახეზეა - არცერთი მძევალი არ დაშავებულა და ყველა მათგანი თავისუფალია
  • საგანგებო სიტუაცია განსაკუთრებულ ზომებს მოითხოვს. ამ შემთხვევაში შს სამინისტრო პასუხისმგებელი იყო მოსახლეობის წინაშეც - ზუგდიდის ცენტრში თავი მოიყარეს მძევლების ახლობლებმა, რომლებიც სპეცოპერაციის დასრულებას და მძევლების გათავისუფლებას ელოდებოდნენ
ზუგდიდში შუა დღეს ათობით ადამიანი აიყავნეს მძევლად. შინაგან საქმეთა სამინისტროს წარმომადგენლებს შვიდი საათი დაჭირდათ ყველა მძევლის გასათავისუფლებლად. როგორ განვითარდა მოვლენები - იხილეთ Sputnik-საქართველოს ფოტოლენტაში

ზუგდიდში „საქართველოს ბანკის“ ფილიალზე თავდასხმა მოხდა. ბოროტმოქმედმა ავტომატური ცეცხლსასროლი იარაღითა და ხელყუმბარით ათობით ადამიანი შვიდი საათის განმავლობაში დაატყვევა. თავდასხმის მომენტში ბანკში 43 ადამიანი იმყოფებოდა. მათმა ნაწილმა შენობიდან გამოქცევა მოახერხა. რამდენიმე საათის განმავლობაში დაახლოებით 20 ადამიანს თავდამსხმელთან ერთად მოუწია ბანკის შენობაში ყოფნამ.

სპეცოპერაცია წარმატებით დასრულდა - ყველა მძევალი თავისუფალია, მომხდარს მსხვერპლი არ მოყოლია. თუმცა ბოროტმოქმედს მიუტანეს მოთხოვნილი თანხა - 500 ათასი დოლარი და შენობის დატოვების საშუალება მისცეს. ახლა ის ძებნაშია. შინაგან საქმეთა სამინისტორი განაცხადეს, რომ შტურმის ჩატარების შემთხვევაში მძევლების სიცოცხლეს საფრთხე დაემუქრებოდა.

0
  • „საქართველოს ბანკის“ ფილიალში ბოროტმოქმედის შეჭრის შემდეგ, ადგილზე ოპერატიულად მივიდა სპეცრაზმი
    © Sputnik / STRINGER

    „საქართველოს ბანკის“ ფილიალში ბოროტმოქმედის შეჭრის შემდეგ, ადგილზე ოპერატიულად მივიდა სპეცრაზმი

  • სნაიპერები მზად იყვნენ შენობის შტურმისათვის და მხოლოდ ბრძანებას ელოდნენ
    © Sputnik / STRINGER

    სნაიპერები მზად იყვნენ შენობის შტურმისათვის და მხოლოდ ბრძანებას ელოდნენ

  • ასევე სპეცრაზმის ქვედანაყოფები იდგნენ შენობასთანაც, რომლებიც შესვლისათვის მზად იყვნენ
    © Sputnik / STRINGER

    ასევე სპეცრაზმის ქვედანაყოფები იდგნენ შენობასთანაც, რომლებიც შესვლისათვის მზად იყვნენ

  • ზუგდიდის ცენტრში გადაიტყორცნა ჯავშანტექნიკა
    © AP Photo / Zurab Tsertsvadze

    ზუგდიდის ცენტრში გადაიტყორცნა ჯავშანტექნიკა

  • აუცილებლობის შემთხვევაში შტურმისათვის მზადება დაუყოვნებლივ დაიწყო
    © AP Photo / Zurab Tsertsvadze

    აუცილებლობის შემთხვევაში შტურმისათვის მზადება დაუყოვნებლივ დაიწყო

  • თუმცა მოლაპარაკებების განმავლობაში შესაძლებელი გახდა მძევლების ნაწილის გათავისუფლება
    © Sputnik / STRINGER

    თუმცა მოლაპარაკებების განმავლობაში შესაძლებელი გახდა მძევლების ნაწილის გათავისუფლება

  • ადამიანების ჯანმრთელობისა და სიცოცხლის შესანარჩუნებლად, შს სამინისტრომ თავი შეიკავა მწვავე ზომების მიღებისგან
    © AP Photo / Zurab Tsertsvadze

    ადამიანების ჯანმრთელობისა და სიცოცხლის შესანარჩუნებლად, შს სამინისტრომ თავი შეიკავა მწვავე ზომების მიღებისგან

  • ბანკის მიმდებარე ტერიტორიას პოლიციამ ალყა შემოარტყა. ეს თავდასხმა საპარლამენტო არჩევნებამდე რამდენიმე დღით ადრე მოხდა
    © Sputnik / STRINGER

    ბანკის მიმდებარე ტერიტორიას პოლიციამ ალყა შემოარტყა. ეს თავდასხმა საპარლამენტო არჩევნებამდე რამდენიმე დღით ადრე მოხდა

  • სამართალდამცავები, უსაფრთხოების მიზნით, არავის უშვებდნენ ბანკის მიმდებარედ
    © Sputnik / STRINGER

    სამართალდამცავები, უსაფრთხოების მიზნით, არავის უშვებდნენ ბანკის მიმდებარედ

  • თავდასხმის მომენტში ბანკში 43 ადამიანი იმყოფებოდა, ნაწილმა მოასწრო გამოქცევა, ნაწილი თავად ბოროტმოქმედმა გაათავისუფლა მოლაპარაკებების შემდეგ
    © AP Photo / Zurab Tsertsvadze

    თავდასხმის მომენტში ბანკში 43 ადამიანი იმყოფებოდა, ნაწილმა მოასწრო გამოქცევა, ნაწილი თავად ბოროტმოქმედმა გაათავისუფლა მოლაპარაკებების შემდეგ

  • მძარცველთან მოლარაპაკებებს პირადად შს მინისტრი ვახტანგ გომელაური აწარმოებდა, ხოლო სამეგრელო - ზემო სვანეთის პოლიციის დეპარტამენტის ხელმძღვანელმა ავთანდილ გალდავამ თავი რამდენიმე მძევალზე გაცვალა
    © Sputnik / STRINGER

    მძარცველთან მოლარაპაკებებს პირადად შს მინისტრი ვახტანგ გომელაური აწარმოებდა, ხოლო სამეგრელო - ზემო სვანეთის პოლიციის დეპარტამენტის ხელმძღვანელმა ავთანდილ გალდავამ თავი რამდენიმე მძევალზე გაცვალა

  • შესაძლებელი იყო შენობის შტურმით აღებაც, თუმცა ხელყუმბარის აფეთქების შემთხვევაში, ბანკის შენობაში ადამიანები დაიხოცებოდნენ
    © AP Photo / Zurab Tsertsvadze

    შესაძლებელი იყო შენობის შტურმით აღებაც, თუმცა ხელყუმბარის აფეთქების შემთხვევაში, ბანკის შენობაში ადამიანები დაიხოცებოდნენ

  • სოციალურ ქსელებში კამათობენ თემაზე, საიჭორ იყო თუ არა დამნაშავესთან მოლაპარაკებები
    © Sputnik / STRINGER

    სოციალურ ქსელებში კამათობენ თემაზე, საიჭორ იყო თუ არა დამნაშავესთან მოლაპარაკებები

  • თუმცა შედეგი სახეზეა - არცერთი მძევალი არ დაშავებულა და ყველა მათგანი თავისუფალია
    © Sputnik / STRINGER

    თუმცა შედეგი სახეზეა - არცერთი მძევალი არ დაშავებულა და ყველა მათგანი თავისუფალია

  • საგანგებო სიტუაცია განსაკუთრებულ ზომებს მოითხოვს. ამ შემთხვევაში შს სამინისტრო პასუხისმგებელი იყო მოსახლეობის წინაშეც - ზუგდიდის ცენტრში თავი მოიყარეს მძევლების ახლობლებმა, რომლებიც სპეცოპერაციის დასრულებას და მძევლების გათავისუფლებას ელოდებოდნენ
    © Sputnik / STRINGER

    საგანგებო სიტუაცია განსაკუთრებულ ზომებს მოითხოვს. ამ შემთხვევაში შს სამინისტრო პასუხისმგებელი იყო მოსახლეობის წინაშეც - ზუგდიდის ცენტრში თავი მოიყარეს მძევლების ახლობლებმა, რომლებიც სპეცოპერაციის დასრულებას და მძევლების გათავისუფლებას ელოდებოდნენ