მორწმუნეები ტაძარში

ქართული ეკლესიის დასავლეთ ევროპული ეპარქია ღვთისმსახურებას მრევლის გარეშე ჩაატარებს

68
ადამიანების უსაფრთხოება ყველაფერზე მნიშვნელოვანია, ლოცვა სახლშიც შესაძლებელია - ასეთი გადაწყვეტილება მიიღეს საქართველოს მართლმადიდებელი ეკლესიის დასავლეთ ევროპის ეპარქიაში

თბილისი, 24 მარტი - Sputnik. საქართველოს მართლმადიდებელი ეკლესიის დასავლეთ ევროპის ეპარქიაში, რომელიც ევროპის ექვს ქვეყანას: იტალიას, საფრანგეთს, შვეიცარიას, ესპანეთს, პორტუგალიასა და მალტას მოიცავს და 57 სამრევლოს აერთიანებს, ლიტურგია და სხვა ლიტურგიული მსახურებები მღვდელმსახურების მიერ, საზოგადოების (მორწმუნე ერისკაცების) მონაწილეობის გარეშე ჩატარდება, იუწყება პირველი არხი.

საქართველოში კორონავირუსით ინფიცირებულების რაოდენობა 70-მდე გაიზარდა >>

ეპარქიაში შემავალი სამრევლოს წევრებს შეეძლებათ თვალი ადევნონ ლიტურგიას და სხვა მსახურებებს სამრევლოების „ფეისბუქის“ გვერდებზე.

არსებული შეზღუდვების მიუხედავად, დასავლეთ ევროპის ეპარქიამ მორწმუნეებს აცნობა, რომ სამრევლოს ტაძრები შაბათ-კვირასა და სადღესასწაულო დღეებში ღია იქნება ინდივიდუალური ლოცვისთვის და მრევლს ტაძრების მოლოცვის საშუალება მიეცემა.

„ქვეყნების მთავრობების მიღებული საგანგებო ზომები ჩვენი და ჩვენს გარშემო მყოფთა ჯანმრთელობის დაცვისკენაა მიმართული. სიცოცხლე და ჯანმრთელობა ღვთის საჩუქარია და ჩვენ ვალდებული ვართ, დავიცვათ იგი და გავუფრთხილდეთ ერთმანეთის სიცოცხლეს“, – აღნიშნულია ეპარქიის განცხადებაში.

შეზღუდვა შეეხო დიდი ბრიტანეთისა და ირლანდიის სამრევლოებსაც.

მიუნხენის ქართული მართლმადიდებელი ეკლესიის წინამძღვარმა, დეკანოზმა თამაზ ლომიძემ მიუნხენის მრევლს აცნობა, რომ ადგილობრივი ხელისუფლების მიერ დაწესებული კომენდანტის გამო მიუნხენის ეკლესიაში წირვა არ ჩატარდება 3 აპრილამდე. მან მრევლს მოუწოდა, ილოცონ სახლებში და სიცოცხლეს გაუფრთხილდნენ.

ვირუსული პანდემიის გამო და მოქალაქეთა ერთმანეთთან კონტაქტის შესამცირებლად, ბელგიის სამეფოს სახელმწიფო უშიშროების საბჭოს რეგულაციების შესაბამისად, ბელგიისა და ჰოლანდიის ეპარქიაში საზოგადო რელიგიურ მსახურებებზე შეკრებები 3 აპრილამდე შეჩერებულია.

ვიდეომიმართვა გაავრცელა ჩრდილოეთ ამერიკის ეპისკოპოსმა საბამ (ინწკირველი). ეპარქიის საგანგებო გადაწყვეტილებით, ჩრდილოეთ ამერიკის ეპარქიის დაქვემდებარებაში არსებულ სამრევლოებში წირვა-ლოცვა მრევლის გარეშე ჩატარდება.

საპატრიარქო: ზიარების წესში ეჭვის შეტანა გამორიცხულია >>

რაც შეეხება ტაძრებს საქართველოს ტერიტორიაზე, საპატრიარქოს გადაწყვეტილებით, ღვთისმსახურების წესები არ შეიცვლება. შეზღუდვა შეეხება მხოლოდ მრევლის წევრებს შორის დისტანციის დაცვას ეკლესიებში. მორწმუნეებს არ ეკრძალებათ ეკლესიებში მისვლა, მაგრამ ურჩევენ დისტანციის დაცვას, ასევე რადიოფიცირებული მსახურების მოსმენას ტაძრის ეზოში.

საქართველოს ეკლესიების მთავარეპისკოპოსების ნაწილმა ასევე უარი თქვა ღვთისმსახურების ჩატარებაზე მრევლის თანდასწრებით და განაცხადა, რომ მორწმუნეთათვის თავად ილოცებდა. 

ამჟამად საქართველოში კორონავირუსით ინფიცირების 70 შემთხვევაა დაფიქსირებული.

68
თემები:
COVID-19-ის პანდემია მსოფლიოში (1076)
გვიანი შემოდგომა სამების ბაღში

საეკლესიო კალენდარი: 2020 წლის 13 აგვისტო

148
(განახლებულია 16:16 12.08.2020)
საქართველოს მართლმადიდებელი ეკლესია 2020 წლის 13 აგვისტოს ცხოველსმყოფელი ჯვარის პატიოსან ძელთა შემოყვანების წინადღესასწაულს ზეიმობს და ასევევ იხსენიებს ღირს არსენს, ნინოწმიდელ ეპისკოპოსს, მართლ ევდოკიმე კაბადოკიელს და მოწამე ივლიტას.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში

ცხოველსმყოფელი ჯვარის პატიოსან ძელთა შემოყვანების წინადღესასწაული.

კონსტანტინეპოლში უძველესი დროიდან არსებობდა ჩვეულება ქალაქის ქუჩებში უფლის პატიოსანი ჯვრის შემოტარებისა, რისი მიზეზიც იყო აგვისტოს თვეში ადგილობრივ მკვიდრთა შორის სნეულებათა ხშირი გავრცელება. წინა დღეს, სიწმიდეს პატივით გამოაბრძანებდნენ ხოლმე ბიზანტიის იმპერატორთა კარის ეკლესიიდან, სადაც იგი ინახებოდა და წმიდა სოფიას ტაძრის ტრაპეზზე დაასვენებდნენ; სრულდებოდა აიაზმა. შემდეგ, მეორე დილით, პატიოსანი ჯვარი ქალაქის ქუჩებში გამოჰქონდათ და ორი კვირის მანძილზე უბნებში დაატარებდნენ ადგილთა საკურთხებლად და სნეულებათა თავიდან ასაცილებლად.

ღირსი არსენი

წმიდა არსენ ნინოწმინდელი XI საუკუნის სასულიერო მოღვაწე, მთარგმნელი, მწიგნობარი და ერთ-ერთი საუკეთესო კალიგრაფი იყო. ის მონაზვნად იერუსალიმში აღიკვეცა, შემდეგ კი საქართველოში მოიწვიეს და ნინოწმინდის ეპისკოპოსად დაასხეს ხელი. წმიდა არსენმა დატოვა ეპისკოპოსობა და დავით კურაპალატთან მივიდა, რომელმაც ის ოთხთა ეკლესიაში წარგზავნა. იმ ხანებში ოთხთა ეკლესიაში ცხოვრობდა ბერი იოანე გრძელისძე. არსენი და იოანე დიდად დამეგობრებულან.

მამები იოანე და ექვთიმე მთაწმინდელებს, რომელნიც იმ დროს ახლად დაარსებულ ათონის ქართველთა მონასტერში მოღვაწეობდნენ  თავისთან მიუწვევიათ  და არსენი და იოანეც წასულან ათონზე და მხარში ამოსდგომოიან ექვთიმეს, რომელსაც .მამის გარდაცვალების შემდეგ წინამძღვრობის მთელი სიმძიმე დააწვა. არსენი ათონის მთაზე გარდაიცვალა.

მართალი ევდოკიმე კაბადოკიელი

 ევდოკიმ მართალი ცხოვრობდა კაბადოკიაში. ის იყო პატიოსანი ქრისტიანების ვასილისა და ევდაკის შვილი. ევდოკი მთელი გულით ილტვოდა უფლისაკენ და ეხმარებოდა ხალხს. მან დადო აღთქმა, რომ არ მოიყვანდა ცოლს. მისი ჩადენილი კეთილი საქმეები მხოლოდ უფალმა იცოდა. ევდოკიმმა მთელი თავისი სიცოცხლე უფალს შესწირა. 33 წლის ასაკში კი იგრძნო სიკვდილის მოახლოება. ევდოკის სურვილი იყო  რომ დაეკრძალათ იმ სამოსით, რომელიც მას გარდაცვალების ჟამს ეცვა. როდესაც ევდოკიმე ჩასასვენებელში ჩაასვენეს,  მოხდა სასწაული, იქ მყოფი ავადმყოფები გამოჯამრთელდნენ.

18 თვის შემდეგ მისი მშობლები საცხოვრებლად კონსტანტინოპოლში გადავიდნენ. ევდოკის დედას სურდა შვილის ცხედარი გადაესვენებინა. საფლავის გახსნის შემდეგ ყველამ დაინახა, რომ ევდოკიმეს გვამი უხრწნელი იყო. ხალხმა ევდოკიმეს დედას არ მისცა უფლება გვამის გადასვენებისა. რამდენიმე ხნის შემდეგ, იოსების დახმარებით, მოხდა ცხედრის გადასვენება კონსტანტინოპოლში, ღვთისმშობლის სახელობის ტაძარში. ეს ტაძარი ევდოკიმეს მშობლებმა ააგეს.

მოწამე ივლიტა

წმიდა მოწამე ივლიტა ცხოვრობდა კაბადოკიის კესარიაში იმპერატორ დიოკლეტიანეს (284-305) დროს. ერთ-ერთმა წარმართმა მიითვისა მისი მამული და, როცა წმიდანმა სასამართლოს ძალით მოინდომა კუთვნილი ქონების დაბრუნება, უღმრთომ განაცხადა, ივლიტა ქრისტიანია და ვერანაირი კანონი მას ვერ დაიცავსო.

მსაჯულმა ნეტარს შესთავაზა, ჯერ კერპებისთვის შეეწირა მსხვერპლი, შემდეგ კი სამართლიანობის აღდგენაზეც ეზრუნათ. მაგრამ წმიდა ივლიტამ მტკიცე უარი განაცხადა მზაკვრული პირობის შესრულებაზე. ქრისტეს ერთგულებისთვის ნეტარი დედა 304 (ან 305) წელს კოცონზე დაწვეს. მოწამეობრივი აღსასრულიდან სამოცდაათი წლის შემდეგ წმიდა მღვდელმთავარმა, ბასილი დიდმა შექმნა სახოტბო სიტყვა წმიდანის განსადიდებლად.

მასალა მომზადებულია ღია წყაროებზე დაყრდნობით.

148
თემები:
საეკლესიო კალენდარი
ქაშუეთის ეკლესია

საეკლესიო კალენდარი: 2020 წლის 12 აგვისტო

278
(განახლებულია 16:16 12.08.2020)
საქართველოს მართლმადიდებელი ეკლესია 2019 წლის 12 აგვისტოს  ცოტნე დადიანის, მოციქულთა: შილას, სილუანეს, კრისკენტის, ეპენეტოსის და ანდრონიკეს, მოწამე იოანე მხედრის, და სხვა მოწამეთა ხსენების დღეს აღნიშნავს.

Sputnik საქართველო გიამბობთ, ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში

ცოტნე დადიანი

ცოტნე დადიანი იყო დიდგვაროვანი ქართველი ფეოდალი, რომელიც ცხოვრობდა და მოღვაწეობდა XIII საუკუნის პირველ ნახევარში.

ცოტნე დადიანი მონღოლთა ბატონობის წინააღმდეგ კოხტასთავის შეთქმულებაში 1245 წელს. მონღოლებმა შეთქმულების შესახებ შეიტყვეს, მისი მონაწილეები დააპატიმრეს და ანისში მონღოლთა ნოინს მიჰგვარეს. ცოტნე დადიანი შემთხვევით გადაურჩა დაპატიმრებას (აჯანყებისთვის ჯარს აგროვებდა დასავლეთ საქართველოში).ანისში დაპატიმრებული ქართველი დიდებულები აჯანყების გეგმას უარყოფდნენ და კოხტასთავს შეკრებას მონღოლთათვის ხარკის შეგროვების მოწესრიგების მიზეზით ხსნიდნენ. გამოტეხის მიზნით მათ ხელ-ფეხი შეუკრეს, გააშიშვლეს, ტანზე თაფლი წაუსვეს და მზეზე დაყარეს. როდესაც დადიანმა შეთქმულების მონაწილეთა ამბავი გაიგო, ანისში ჩავიდა და ნებაყოფლობით გაიზიარა თანამებრძოლების ხვედრი — ტანზე გაიხადა და მეგობრებთან ერთად დაჯდა. ცოტნე დადიანის გმირულმა საქციელმა მონღოლები დაარწმუნა ქართველთა სიმართლეში და ყველანი გაათავისუფლეს.

წმიდა მოციქულნი: შილა, სილუანე, კრისკენტი, ეპენეტი და ანდრონიკე

წმიდა სამოცდაათთაგანნი: შილა, სალუანე, კრისკენტი, ეპენეტი და ანდრონიკე მაცხოვრის მოწაფეები იყვნენ.

შილამ  პავლესთან ერთად  იმოგზაურა სირიაში, კილიკიაში, მაკედონიაში.  ქალაქ ფილიპედან პავლე და შილა ამფიპოლში გაემგზავრნენ, მოვლეს აპოლონია და თესალონიკე, მრავალი წარმართი მოაქციეს და ეკლესიები განამტკიცეს. კორინთოში შილას ეპისკოპოსად დაასხეს ხელი. იგი კეთილად განაგებდა სამწყსოს, მრავალი სასწაულიც აღასრულა, შემდეგ კი მშვიდობით შეჰვედრა სული უფალს.

წმიდა მოციქული სილუანე თავთა მოციქულთა, პეტრესა და პავლესთან ერთად ქადაგებდა ღვთის სიტყვას. წმიდა სილუანე თესალონიკის ეპისკოპოსად იქნა ხელდასხმული, მრავალი ჭირი და განსაცდელი დაითმინა, ბოლოს კი მოწამეობრივად აღესრულა.

წმიდა მოციქულ კრისკენტის პავლე მოციქული იხსენიებს ტიმოთეს მიმართ მეორე ეპისტოლეში, სადაც აღნიშნავს, რომ იგი გალატიაში წავიდა საქადაგებლად. აქ წმიდანი ეპისკოპოსად იქნა ნაკურთხი, შემდეგ გალიაშიც ავრცელებდა სახარების სწავლებას. ქალაქ ვინეაში მან თავისი მოწაფე, ზაქარია დაადგინა მღვდელმთავრად, გალატიაში დაბრუნებული კი მოწამეობრივად აღესრულა იმპერატორ ტრაიანეს (98-117) ზეობისას.

წმიდა მოციქული ეპენეტი კართაგენის ეპისკოპოსად იქნა ხელდასხმული.

წმიდა მოციქული ანდრონიკე  კი პანონიის ეპისკოპოსი იყო.

წმიდა იონე მხედარი

წმიდა მოწამე იოანე მხედარი იულიანე განდგომილის ლაშქარში მსახურობდა.  ის ფარული ქრისტიანი იყო. იოანე  უსჯულო იმპერატორის ბრძანებით სხვებთან ერთად გაგზავნეს ქვეყნის ერთ-ერთ ოლქში ქრისტიანთა შესაპყრობად. დევნის ნაცვლად იოანე ყოველმხრივ მფარველობდა ქრისტიანებს, როცა ამის შესახებ შეიტყო, განრისხებულმა იულიანემ ბრძანა, შეეპყროთ და დაუყოვნებლივ ჩაეყვანათ კონსტანტინოპოლში სიკვდილით დასასჯელად. როცა იოანე  სამეფო ქალაქში ჩაიყვანეს, იმპერატორი სპარსელებთან საომრად იყო გასული. 363 წელს, იულიანე განდგომილი სპარსელებთან ბრძოლაში დაიღუპა. ტახტზე ავიდა კეთილმორწმუნე ქრისტიანი იობიანე, რომელმაც წინამორბედის მიერ მართლმადიდებელთა წინააღმდეგ გაცემული ყველა განკარგულება გააუქმა: ქრისტეს აღსარებისთვის ტყვექმნილები გაათავისუფლა. თავისუფლება ჰპოვა იოანემაც. ამის შემდეგ სატანჯველებით გამობრძმედილმა წმიდანმა ღვთისა და მოყვასის მსახურებას უძღვნა თავი. ნეტარი იოანე მშვიდობით მიიცვალა, ღრმა მოხუცებულობაში.

მღვდელმოწამე პოლიქრონიოსი - ბაბილონელი ეპისკოპოსი, პარმენი, ელიმე და ქრისოტელე ხუცესნი, ლუკა და მუკო დიაკონნი, აბდონი და სენისი - სპარსეთის მთავარნი და მოწამენი: ოლიმპიოსი და მაქსიმე

მღვდელმოწამე პოლიქრონიოსი - ბაბილონელი ეპისკოპოსი, პარმენი, ელიმე და ქრისოტელი ხუცესნი, ლუკა და მუკო დიაკონნი, აბდონ და სენისი - სპარსეთის მთავარნი და წმიდა მოწამენი: ოლიმპიოსი და მაქსიმე ეწამნენ III საუკუნეში ღვთისმოძულე იმპერატორ დეკიუსის (249-251) ზეობისას.

მღვდელმოწამე ვალენტინე ეპისკოპოსი და სამნი მოწაფენი მისნი - მოწამენი: პროკული, ეფიბი და აპოლონი და მართალი აბუნდი

მღვდელმოწამე ვალენტინე ეპისკოპოსი, სამნი მოწაფენი მისნი - წმიდა მოწამენი: პროკული, ეფიბი და აპოლონი და მართალი აბუნდი ცხოვრობდნენ III საუკუნეში.

წმიდა ვალენტინე ქალაქ ინტერმანის (იტალია) ეპისკოპოსი იყო. ღვთივსათნო მოღვაწეობისათვის მას სნეულებათა კურნების ნიჭი ჰქონდა მიმადლებული. იმ ხანებში ათონიდან რომში სასწავლებლად ჩავიდა სამი წარმართი ჭაბუკი: პროკული, ეფიბი და აპოლონი. მათ მოძღვარიც ჰპოვეს, სახელად კრატონი და მის სახლში დამკვიდრდნენ. მოხდა ისე, რომ კრატონის ძე, ქერიმონი მძიმედ დასნეულდა: სასოწარკვეთილმა მამამ ეპისკოპოს ვალენტინეს თხოვა დახმარება. ღვთისმოყვარე მღვდელმთავარმა თხოვნა უპასუხოდ არ დატოვა: რომში ჩავიდა, ავადმყოფ ჭაბუკთან ერთად ოთახში გამოიკეტა და მთელი ღამე ლოცულობდა. დილით ბედნიერმა მშობლებმა იხილეს, რომ მათ შვილს ძველი სნეულების კვალიც არ ეტყობოდა, ირწმუნეს ქრისტე და მთელ სახლეულთან ერთად მოინათლნენ. ნათელიღეს პროკულმა, ეფიბიმ და აპოლონმაც და ქერიმონთან ერთად ვალენტინეს დაემოწაფნენ. საკვირველ მოძღვარს მალე გაუვარდა სახელი, და მის მიერ ბევრი ჭაბუკი და ყრმა შეუდგა ქრისტეს. მათ შორის იყო ქალაქის თავის ძე, აბუნდიც, რომელმაც ნათლისღების შემდეგ ყველას წინაშე აღიარა ჭეშმარიტი სარწმუნოება. ვალენტინეს  ხელისუფალთა რისხვა დაატყდა თავს. იგი შეიპყრეს, კერპებისთვის მსხვერპლის შეწირვა მოსთხოვეს და მრავალგვარი წამების შემდეგ საპყრობილეში გამოამწყვდიეს. მოწაფეები არ დაერიდნენ საფრთხეს და აქაც აკითხავდნენ მოძღვარს. მალე წმიდა მღვდელმთავარს თავი მოკვეთეს. პროკულმა, ეფიბიმ და აპოლონმა სულიერი მამის წმიდა ცხედარი ქალაქ ინტერმანაში წაასვენეს და პატივით დაფლეს. ყმაწვილები შეიპყრეს და ღამით, ფარულად, თავები მოკვეთეს. როცა ქალაქის თავის ძემ, აბუნდიმ შეიტყო, რომ მისი მეგობრები დატუსაღებულნი იყვნენ, მათ მოსანახულებლად გაეშურა, მაგრამ უფლის რჩეულთა გაციებული ცხედრებიღა იხილა. ძლიერ დამწუხრებულმა ჭაბუკმა უკანასკნელი პატივი მიაგო წმიდა მოწამეებს: მათი პატიოსანი ნეშტი მოძღვრის, მღვდელმთავარ ვალენტინეს საფლავის გვერდით დაკრძალა.

მასალა მომზადებულია ღია წყაროებზე დაყრდნობით.

278
თემები:
საეკლესიო კალენდარი
ვაშლი ხის ტოტზე

ყურძნის შემდეგ ვაშლი: მთავრობამ ვაშლის შესყიდვის სუბსიდირება გადაწყვიტა

0
(განახლებულია 12:15 13.08.2020)
პრემიერის განცხადებით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა

თბილისი, 13 აგვისტო - Sputnik. ყველა ის კომპანია, რომელიც ჩაერთვება სპეციალურად ვაშლის დაბინავების მიზნით შექმნილ შემსყიდველ შტაბში, სუბსიდირებას მიიღებს დამატებითი 10 თეთრის რაოდენობით, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

„რქაწითელი" და „კახური მწვანე": მთავრობა რთვლის სუბსიდირებას გეგმავს>>

პრემიერის  განცხადებით, ეკონომიკური კრიზისის ფარგლებში მთავრობა  სექტორულად ეხმარება სხვადასხვა დარგს და, მათ შორის, განსაკუთრებულ ყურადღებას სოფლის მეურნეობას აქცევს.

„ძირითადი მიზანი გახლავთ, რომ ჩვენი ფერმერების არც ერთი გრამი პროდუქტი ​დაუბინავებელი არ უნდა დარჩეს. ამ მოტივით იყო განპირობებული ჩვენი დახმარება მევენახეებისთვის და მოგეხსენებათ, მთავრობა ასუბსიდირებს ყურძნის შესყიდვას წელს და შემდეგი ნაბიჯი, რომელსაც ჩვენ გადავდგამთ, ეს იქნება ვაშლი“, - აღნიშნა გახარიამ.

მისი განმარტებით,  საერთაშორისო ბაზრებზე წელს ვაშლის ფასი საკმაოდ დაეცა და ამიტომ, სოფლის მეურნეობის სამინისტროს რეკომენდაციით, მთავრობამ მიიღო გადაწყვეტილება არასტანდარტული ვაშლის შესყიდვის 10 თეთრით სუბსიდირების შესახებ. საბოლოოდ, ფერმერებისთვის ვაშლის ფასი იქნება არანაკლებ 22 თეთრისა.

„ეს ძალზე მნიშვნელოვანია რეგიონისთვის, ამიტომ აქ გვმართებს სწორი და ეფექტური მუშაობა. ეს პროგრამა გაგრძელდება 2020 წლის დეკემბრამდე“, – განაცხადა გიორგი გახარიამ.

ივლისში ცნობილი გახდა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

0
თემები:
საქართველოს სოფლის მეურნეობა