საპატრიარქო

რატომ ჩამოართვეს მიტროპოლიტ პეტრეს წოდება - საპატრიარქოს განცხადება

182
(განახლებულია 09:02 01.11.2019)
წმიდა სინოდის წევრებმა კათოლიკოს-პატრიარქის არაერთგზის შეურაცხყოფის გამო მეუფე პეტრეს სინანულისაკენ მოუწოდეს, მაგრამ მან უარი განაცხადა

თბილისი, 31 ოქტომბერი - Sputnik. წმინდა სინოდმა პეტრე ცაავას ჭყონდიდის მიტროპოლიტის წოდება საქართველოს კათოლიკოს-პატრიარქის, ილია მეორის და თავად სინოდის შეურაცხყოფის გამო ჩამოართვა, ნათქვამია საპატრიარქოს ვებგვერდზე გავრცელებულ სხდომის ოქმში.

მეუფე პეტრე პატრიარქს უყვიროდა - სამღვდელოებამ სინოდზე მომხდარის შესახებ ისაუბრა >>

როგორც ჟურნალისტებს თავად მღვდელმსახურმა განუცხადა, მან კათოლიკოს-პატრიარქს მამათმავლობა დააბრალა. პეტრე ცაავას თქმით, მან მოითხოვა დრო იმისათის, რომ წარმოადგინოს მოწმეები, მაგრამ მას უარი ეთქვა.

„წმინდა სინოდის წევრებმა აღნიშნეს, რომ  ეკლესიის ისტორიაში ჩვენ ვერ ვნახავთ პატრიარქის შეურაცხყოფის მსგავს მაგალითს. უწმიდნესმა ბრძანა, რომ მეუფე პეტრე იყო გამორჩეული მღვდელმთავარი, იგი იყო ახალშექმნილი ხევის პირველი ეპისკოპოსი და მეტად სამწუხაროა მისი ამგვარი ცვლილება“, - ნათქვამია დოკუმენტში.

წმინდა სინოდის მღვდელმთავრებმა კათოლიკოს-პატრიარქის არაერთგზის შეურაცხყოფის, დაუსაბუთებელი ბრალდებების, ხშირ შემთხვევაში ცილისწამებებისა და სხვა კანონიკური დარღვევების გამო, ერთხმად მოუწოდეს მეუფე პეტრეს სინანულისაკენ. მაგრამ მან ბრალი არ აღიარა და არ შეინანა.

ამიტომ წმინდა სინოდმა მიიღო გადაწყვეტილება მეუფე პეტრეს აეკრძალოს მღვდელმოქმედება, გათავისუფლდეს ეპარქიის მმართველობისა და წმინდა სინოდის წევრობისაგან და გამწესებულ იქნას მონასტერში მოსანანიებლად.

ვინ არის მეუფე პეტრე ცაავა >>

ამიერიდან პეტრეს არ აქვს უფლება ჩაატაროს საღვთო მსახურება და აღასრულოს საიდუმლოება.

182
თემები:
საეკლესიო სკანდალი საქართველოში (30)