საპატრიარქო

მეუფე პეტრე პატრიარქს უყვიროდა - სამღვდელოებამ სინოდზე მომხდარის შესახებ ისაუბრა

516
(განახლებულია 22:56 31.10.2019)
წმინდა სინოდის წევრებმა ისაუბრეს დღევანდელი სხდომის დეტალებზე, რომლებმაც მთელი საქართველო შოკში ჩააგდო

თბილისი, 31 ოქტომბერი - Sputnik. მეუფე პეტრე (ცაავა) კათოლიკოს-პატრიარქ ილია მეორეს აყენებდა შეურაცხყოფას და დაუსაბუთებელ ბრალდებებს უყენებდა, განაცხადეს წმინდა სინოდის წევრებმა რიგგარეშე სხდომის შემდეგ.

ჭყონდიდის მიტროპოლიტის, მეუფე პეტრეს მოლოდინში – რა ხდება ამ წუთებში ეპარქიაში >>

ამ სხდომაზე მეუფე პეტრეს ჭყონდიდის მიტროპოლიტის წოდება ჩამოერთვა და სინოდიდან გარიცხეს. მიზეზი კი გახდა მამათმავლობის ბრალდება, რომელიც მან კათოლიკოს-პატრიარქს წაუყენა. პეტრე ცაავას თქმით, მან მოითხოვა დრო იმისათვის, რომ მოწმეები წარმოადგინოს, მაგრამ მას უარი ეთქვა.

„მეუფე პეტრე არაერთხელ, წლების განმავლობაში აყენებდა შეურაცხყობას კათოლიკოს-პატრიარქს, და ახლა ეს სინოდის სხდომის მთავარი თემა გახდა“, - უამბო ჟურნალისტებს ახალციხისა და ტაო-კლარჯეთის მიტროპოლიტმა თეოდორემ.

ჩრდილოეთ ამერიკის ეპისკოპოსმა საბამ თქვა, რომ თავდაპირველად სინოდი არ აპირებდა პეტრე ცაავსთვის წოდების ჩამორთმევას.

„მან დაარღვია კანონიკური კანონი - წამოაყენა დაუსაბუთებული ბრალდებები. ჩვენ ვთხოვეთ, რომ მოინანიოს, მაგრამ მან ყველა გზა მოგვიჭრა“, - ბრძანა ეპისკოპოსმა საბამ.

წმინდა სინოდის სხდომაზე მომხდარი მოვლენების შესახებ უფრო დეტალურად ისაუბრა ცაგერისა და ლენტეხის მიტრიპოლიტმა სტეფანემ.

„როდესაც უწმინდესმა უთხრა, რატომ მაყენებ შეურაცხყოფას, მას არ გაუცია პასუხი. ეს იყო მისი მხრიდან შანტაჟი. რაღაც წერილით აშანტაჟებდა. მისი პოზიცია იყო, რომ მამალაძე არის როგორც გმირი და არაფერშია დამნაშავე, რომ ეკლესია მის წინააღმდეგ იბრძვის, ეს ყველაფერი არის სიცრუე და ამის საპირწონედ მეუფე პეტრეს უნდოდა ეთქვა - თუ ვინმე რამეს მეტყვის, მე წერილს გამოვაქვეყნებ. რაც შეეხება იმას, თუ რა წერია წერილში, მეუფე დიმიტრიმ თქვა, რომ მამალაძემ საზღვარგარეთ გააგზავნა წერილი, თუმცა არ ვიცით რა შინაარსის“, - განაცხადა მეუფე სტეფანემ.

დეკანოზი გიორგი მამალაძე 2017 წლის დასაწყისიდან პატიმრობაშია. კათოლიკოს-პატრიარქის მდივან-რეფერენტის, შორენა თეთრუაშვილის მკვლელობის მცდელობისთვის მას 9 წლით პატიმრობა აქვს მისჯილი. მეუფე პეტრე თავდაპირველად მამალაძის უდანაშაულობაზე აკეთებდა განცხადებებს.

რაც შეეხება დღევანდელ სინოდს, მიღებული გადაწყვეტილების გამოცხადების შემდეგ მეუფე პეტრე მწყობრიდან გამოვიდა.

„როდესაც მეუფე პეტრემ დაინახა, როგორი იყო სინოდის განჩინება, ისტერიკაში ჩავარდა, მივარდა პატრიარქს და დაუწყო თითების ქნევა და რაღაც უაზრობების ყვირილი. მე მაგ სიტყვებს ვერ გავიმეორებ, რას იძახდა. მამაოები გადაეფარნენ პატრიარქს და პეტრე დარბაზიდან გაიყვანეს“, - განაცხადა მეუფე სტეფანემ.

გახარია: ეს არის შეტევა ქვეყანაზე, ჩვენს სახელმწიფოებრიობასა და ეკლესიაზე >>

ახალციხისა და ტაო-კლარჯეთის მიტროპოლიტმა თეოდორემ მეუფე პეტრეს საქციელს უხამსობა უწოდა.

„მეუფე პეტრემ არ დაგვოიტოვა არავითარი საშუალება ასეთი მძიმე გადაწყვეტილება არ მიგვეღო და ისე მოიქცა სინოდის სხდომაზე, ისე უხამსად მოიქცა, რომ ჩვენ იძულებულები გავხდით ხელით გაგვეყვანა წმიდა სინოდის სხდომიდან. უხამს სიტყვებს იძახდა, დეტალებზე ვერ ვისაუბრებ“, - ბრძანა მეუფე თეოდორემ.

მისი თქმით, როდესაც ადამიანის მხილება გსურს, თავიდან არგუმენტები უნდა წარმოადგინო, მერე კი ბრალდებები წაუყენო.

მეუფე თეოდორემ ასევე განმარტა, რომ პეტრე ცაავას ჩამოერთვა მაღალი სასულიერო წოდება, აეკრძალა მსახურება ტაძარში, მაგრამ ის მაინც მღვდლად რჩება.

სინოდმა ის მოსანანიებლად მონასტერში გაგზავნა.

რაც შეეხება ჭყონდიდის ეპარქიას, მას წარუძღვება მეუფე გრიგოლი (კაცია), რომელიც წალკელი ეპისკოპოსი იყო.

516
თემები:
საეკლესიო სკანდალი საქართველოში (31)
წმინდა გიორგის სახელობის ეკლესია მრავალძალში

საეკლესიო კალენდარი: 13 ივნისი

102
(განახლებულია 08:52 13.06.2021)
საქართველოს მართლმადიდებელი ეკლესია 13 ივნისს მოციქული ერმის, 70-თაგანის, მოწამე ერმეიოსის და  მოწამე ფილოსოფოსის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

წმიდა მოციქული ერმი - სამეოცდაათთაგანი 

წმიდა მოციქული ერმი - სამეოცდაათთაგანი (I) იყო ფილიპოპოლის ეპისკოპოსი. მას წმიდა პავლე მოციქული მოიხსენიებს რომაელთა მიმართ ეპისტოლეში (რომ. 16,14). ქრისტეს აღსარებისათვის მოციქულმა მრავალი დევნა დაითმინა წარმართებისაგან. აღესრულა მშვიდობით.

წმიდა მოწამე ერმეიოსი

წმიდა მოწამე ერმეიოსი (II) კომანში აღესრულა იმპერატორ ანტონინე პიუსის (138-161) დროს. კაბადოკიაში ჩასულმა იმპერატორის მოხელემ, სებასტიანმა მას კერპთა თაყვანისცემა მოსთხოვა და სანაცვლოდ დიდება და პატივი აღუთქვა. მხცოვანმა მხედარმა თამამად აღიარა ქრისტიანობა, განრისხებულმა სებასტიანმა დანით გამოჭრა ყელი ქრისტეს აღმსარებელს. ქრისტიანებმა მალულად დამარხეს წმიდა მოწამის ნეშტი.

წმიდა მოწამე ფილოსოფოსი

წმიდა მოწამე ფილოსოფოსი (III) ქრისტესთვის აღესრულა ალექსანდრიაში იმპერატორ დეკიუსის (249-251) დროს. მას აიძულებდნენ ქრისტეს უარყოფას და როცა ვერაფერს გახდნენ, გადაწყვიტეს სიძვის ცოდვაში ჩაეგდოთ ჭაბუკი: აყვავებულ ბაღში შებორკილი დატოვეს როსკიპ ქალთან ერთად. ცოდვით რომ არ დაცემულიყო, წმიდანმა ენა მოიკვნიტა და აუტანელი ტკივილით დაიცვა თავი ხორციელი ვნებისგან, შემდეგ გასისხლიანებული ენა სახეში შეაფურთხა მეძავს. მოწამის უშიშრობით და მხნეობით განრისხებულმა ჯალათებმა წმიდა ფილოსოფოსს თავი მოჰკვეთეს.

მასალა მომზადებულია ღია წყაროებზე დაყრდნობით.

102
ატენის სიონი

საეკლესიო კალენდარი: 12 ივნისი

108
(განახლებულია 04:52 12.06.2021)
საქართველოს მართლმადიდებელი ეკლესია 2020 წლის 12 ივნისს ღირსი ისააკ, დალმატის მონასტრის იღუმენის, წმიდა ევპლის,  წმიდა მოწამების ნატალიას და სალონეს ხსენების დღეს აღნიშნავს.

Sputnik -საქართველო გიამბობთ ვინ იყვნენ ეს ადამინები და რატომ არიან მოხსენიებული საეკლესიო კალენდარში.

ღირსი ისააკ, დალმატის მონასტრის იღუმენი

ღირსი ისააკი ახალგაზრდობაშივე აღიკვეცა ბერად და უდაბნოში განმარტოვდა. არიანელი იმპერატორის ვალენტის (364-378) დროს მართლმადიდებელთა დევნისას ღირსმა ისააკმა უდაბნო დატოვა და კონსტანტინეპოლში ჩავიდა მართლმადიდებელთა ნუგეშინისსაცემლად და განსამტკიცებლად. ამ დროს იმპერიას შემოესივნენ დუნაის ნაპირზე მცხოვრები ბარბაროსი გუთები. მათ დაიპყრეს თრაკია და კონსტანტინეპოლისაკენ გაემართნენ. როდესაც იმპერატორი ვალენტინი ლაშქართან ერთად დედაქალაქიდან გადიოდა, ღირსმა ისააკმა უთხრა: „მეუფეო, განახვენ კარნი მართლმადიდებელისა ტაძრისანი, მაშინ წყალობა უფლისა იქნება შენ ზედა! თუ არ დამიჯერებ, ცოცხალი ვერ დაბრუნდები, ცეცხლში დაიწვები“. იმპერატორს გაუკვირდა ბერის გამბედაობა და თავის თანხმლებლებს – სატურნისა და ბიქტორს უბრძანა, მის დაბრუნებამდე ღირსი მამა დაეტყვევებინათ. მალე წმიდანის წინასწარმეტყველება ახდა: იმპერატორმა არიანელ მხედართმთავართან ერთად ისლით დახურულ ქოხს შეაფარა თავი და შიგ დაიწვა. ვალენტინის გარდაცვალების შემდეგ ღირსი ისააკი გაანთავისუფლეს და დიდ პატივს მიაგებდნენ. როცა ტახტზე ავიდა წმიდა თეოდოსი დიდი (+379-395) სატურნინისა და ბიქტორის რჩევით აღასრულა: კონსტანტინეპოლიდან განდევნა არიანელები და მართლმადიდებლებს ტაძრები დაუბრუნა. ღირს ისააკს სურდა, უდაბნოს დაბრუნებოდა, მაგრამ სატურნინმა და ბიქტორმა სთხოვეს, დარჩენილიყო ქალაქში და ლოცვით დაეფარა იგი. კონსტანტინეპოლის გარეუბანში წმიდა მამას საცხოვრებელი აუშენეს, სადაც ბერები შეიკრიბნენ. ასე შეიქმნა სავანე, რომლის იღუმენი და სულიერი მოძღვარი გახდა ღირსი ისააკი. ღრმა სიბერეს მიღწეულმა ისააკმა იღუმენად აკურთხა ღირსი დალმატი.
ღირსი ისააკი გარდაიცვალა 383 წელს.

წმიდა ევპლი

წმიდა ევპლი ქრისტესმოძულეებმა ხარის ტყავში ჩაკერეს და მცხუნვარე მზის ქვეშ დააგდეს. ტანჯვით აღსრულებულმა უფლის რჩეულმა საუკუნო ნეტარება დაიმკვიდრა.

წმიდა მოწამენი ნატალია და სალონე

წმიდა მოწამენი ნატალია და სალონე ქრისტეს აღსარებისთვის აღესრულნენ არაუგვიანეს IV საუკუნისა. მტარვალებმა მათ თავები მოჰკვეთეს.

მასალა მომზადებულია ღია წყაროებზე დაყრდნობთ.

108
სასწრაფო დახმარება

COVID-19 საქართველოში 13 ივნისის მონაცემები

0
ამ დროისათვის სულ გამოჯანმრთელდა 339.392  ადამიანი (ბოლო 24 საათში – 1074), გარდაიცვალა – 5.048  (ბოლო 24 საათში – 14), კარანტინის რეჟიმშია 41, სტაციონარებში ექიმების დაკვირვების ქვეშ 3.155 პაციენტი, ხოლო კოვიდ–სასტუმროებში 610 ადამიანი იმყოფება.

თბილისი, 13 ივნისი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 339.392  ადამიანი (ბოლო 24 საათში – 1074), გარდაიცვალა – 5.048  (ბოლო 24 საათში – 14), კარანტინის რეჟიმშია 41, სტაციონარებში ექიმების დაკვირვების ქვეშ 3.155 პაციენტი, ხოლო კოვიდ–სასტუმროებში 610 ადამიანი იმყოფება.

ბოლო 24 საათში ჩატარებულია 21.922 კვლევა ტესტით, მათ შორის ანტიგენის სწრაფი ტესტით - 11.016, PCR ტესტით - 10.906.

დადებითობის მაჩვენებელი: დღიური – 2,38%, ბოლო 14 დღის - 2,61%, ბოლო 7 დღის - 2,29%.

სულ აცრილია 206.742 პირი, ერთ დღეში აცრილია 4.425 ადამიანი.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0