საქართველოს კათოლიკოს-პატრიარქი ილია მეორე

ილია მეორემ მრევლს მართლმადიდებლობის ზეიმი მიულოცა

109
(განახლებულია 16:46 17.03.2019)
დიდმარხვის პირველ კვირას ეკლესია აღნიშნავს „მართლმადიდებლობის ზეიმს“

თბილისი, 17 მარტი — Sputnik. საკვირაო წირვა-ლოცვაზე საქართველოს კათოლიკოს-პატრიარქმა ილია მეორემ მართლმადიდებელ ხალხს მართლმადიდებლობის ზეიმი მიულოცა, იუწყება საზოგადოებრივი მაუწყებლის პირველი არხი.
ილია მეორემ პური აკურთხა და მრევლს დაურიგა.


„გილოცავთ დიდებულ დღესასწაულს, მართლმადიდებლობის ზეიმს. დღეს აქტუალურია ეს საკითხი, მართლმადიდებლობა. ჩვენ ყველაფერი უნდა გავაკეთოთ იმისთვის რომ მართლმადიდებლობა შევინარჩუნოთ. ეს დღესასწაული დაარსდა მაშინ როცა კრებამ მიიღო საეკლესიო დადგენილება ხატების თაყვანისცემაზე. ბევრი შემთხვევაა, როცა ზოგიერთს არ ესმის რა არის მართლმადიდებლობა და ჩვენ შევთხოვთ უფალს, რომ უფალმა გაუხსნას გონება და გული, რათა ირწმუნონ ჭეშმარიტება. ჭეშმარიტება გადაარჩენს ქვეყანას, კაცობრიობას“, - ბრძანა ილია მეორემ.
დიდმარხვის პირველ კვირას ეკლესია აღნიშნავს „მართლმადიდებლობის ზეიმს“. ეს ტრადიცია დასაბამს იღებს IX საუკუნიდან. როგორც ცნობილია, მეშვიდე მსოფლიო კრებამ (787 წ.) დაამტკიცა ხატებისა და სხვა საეკლესიო სიწმიდეების თაყვანისცემის ჭეშმარიტება.

109
თემები:
საქართველოს საპატრიარქო (27)