გიორგი ღოღობერიძე

ღოღობერიძე: თუ თქვენ გაწუხებთ ოფლიანობა, ასე უნდა მოიქცეთ

115
(განახლებულია 21:13 12.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ოფლიანობისგან და ამაზე საზოგადოებას რჩევებს აძლევს.
ღოღობერიძე: თუ თქვენ გაწუხებთ ოფლიანობა, ასე უნდა მოიქცეთ

„დეოდორანტები ხელს არ უშლიან ოფლის წარმოქმნას, ისინი ხელს უშლიან, რომ ოფლს სუნი არ ჰქონდეს, ანტიპერსპირანტი კი ბლოკავს ფორებს და აჩერებს ოფლის გამოყოფას. თუ თქვენ გაწუხებთ ოფლიანობა, ასე უნდა მოიქცეთ: დაბანის შემდეგ იღლიის მიდამო კარგად შეიმშრალეთ, რომ გაშრება 100%-ით, შემდეგ მიისხურეთ ანტიპერსპირანტი, მთელი ღამის განმავლობაში დაიტოვეთ. თუ ძალიან მიდრეკილი ხართ ოფლიანობისკენ, დილით შეგიძლიათ თხელი ფენა დაამატოთ ზემოდან. ამ ყველაფერს 24 საათის განმავლობაში ექნება ძალიან კარგი ეფექტი“, – ამბობს ღოღობერიძე.

ექიმი-რეზიდენტის რჩევით, ტანსაცმელი მხოლოდ მას შემდეგ უნდა ჩავიცვათ, როდესაც ანტიპერსპირანტი თუ დეოდორანტი ბოლომდე გაშრება, რათა ტანსაცმელმა არ შეიწოვოს და მათი ეფექტურობა არ დააქვეითოს.

115
კახა კალაძე

კახა კალაძე: დედაქალაქის იერსახის დამახინჯება დასჯადი ქმედებაა

27
(განახლებულია 23:23 28.07.2021)
თბილისის ქუჩები და მისი შენობება-ნაგებობები ქმნის ამ ქალაქის სახეს, მის იმიჯს. ამდენად, დედაქალაქის იერსახის დამახინჯება არის კანონდარღვევა და იგი დასჯადი ქმედებაა, განაცხადა დედაქალაქის მერმა კახა კალაძემ  დედაქალაქის მთავრობის სხდომაზე.
კახა კალაძე: დედაქალაქის იერსახის დამახინჯება დასჯადი ქმედებაა
„ჩვენს ქვეყანაში ნებისმიერ ადამიანს აქვს გამოხატვის და სიტყვის თავისუფლება, რისთვისაც არსებობს უამრავი საშუალება და ფორმა. ეს არის ის საკითხი, რომელსაც ჩვენ 2012 წელს ყველამ ერთად მივაღწიეთ, მაგრამ დაუშვებელია, რომ კანონისა და წესების სრული უგულებელყოფით ქუჩებსა და შენობებზე გამოვაკრათ რაც მოგვესურვება, შევღებოთ, საღებავი შევასხათ ან წარწერები გავაკეთოთ“, – თქვა კალაძემ.

კახა კალაძის განცხადებით, ქალაქის იერსახის დამახინჯების ნებისმიერ ფაქტზე თბილისის მერიას შესაბამისი რეაგირება ექნება.

27
მიკროფონი

ეპიდემიოლოგი კორონავირუსის სტატისტიკაზე: მე ამას დავარქმევდი SOS მდგომარეობას

40
(განახლებულია 23:10 28.07.2021)
ეპიდემიოლოგი დევი ტაბიძე ქვეყანაში კორონავირუსის შემთხვევების მკვეთრ მატებას ეხმაურება და მოსახლეობას კორონავირუსის პრევენციის მიზნით შემოღებული რეკომენდაციების დაცვისკენ მოუწოდებს.
ეპიდემიოლოგი კორონავირუსის სტატისტიკაზე: მე ამას დავარქმევდი SOS მდგომარეობას
„მე ამ მდგომარეობას დავარქმევდი კატასტროფულს, SOS მდგომარეობას. ძალიან სერიოზულ პრობლემამდე მივალთ! ეს არის სტარტი იმ ცუდი პოზიციისა, რომელსაც ჩვენ, ექსპერტები და სპეციალისტები ველოდებით. მე არ ვამბობ იმას, რომ „ლოკდაუნია“ აუცილებელი. „ლოკდაუნს“ ჩვენ ვეღარ გავუძლებთ, უბრალოდ აუცილებელია ის, რომ თავი შეიკავოს ყველამ სხვადასხვა ტიპის ღონისძიებებისგან“, – განაცხადა ეპიდემიოლოგმა დევი ტაბიძემ „რუსთავი 2“-ის ეთერში.

საქართველოში ახალი კორონავირუსით დაავადებულთა რაოდენობა ბოლო დღე-ღამის განმავლობაში 3.141-ით გაიზარდა და ინფიცირებულთა საერთო რიცხვმა 410.830-ს მიაღწია.

ამ დროისათვის სულ გამოჯანმრთელდა 377.597 ადამიანი (ბოლო 24 საათში – 1.509), გარდაიცვალა – 5.751 (ბოლო 24 საათში – 20), კარანტინის რეჟიმშია 64, სტაციონარებში ექიმების დაკვირვების ქვეშ 5.256 პაციენტი, ხოლო კოვიდ–სასტუმროებში 1.798 ადამიანი იმყოფება.

40
ვაქცინაცია

ვაქცინაციის პროცესში ჩართულობა იმატებს - აცრებისთვის განკუთვნილი ზონები ფართოვდება

0
სპეციალისტები ქვეყანაში მიმდინარე ვაქცინაციის პროცესში მოქალაქეთა ჩართულობას დადებითად აფასებენ და ფიქრობენ, რომ ქვეყანა იმუნიზაციის დაგეგმილ ნიშნულს უახლოეს მომავალში მიაღწევს.

თბილისი, 29 ივლისი - Sputnik. ბოლო პერიოდში საქართველოში იმუნიზაციის პროცესში ჩართული მოქალაქეების რაოდენობა საგრძნობლად იმატებს, ქვეყანაში მიმდინარე ვაქცინაციის პროცესს სპეციალისტები დადებითად აფასებენ.

ეპიდემიოლოგების მიიჩნევენ, რომ საქართველოში კორონავირუსის დასამარცხებლად მოსახლეობის 70% უნდა აიცრას. ამ დროისთვის ორჯერადად აცრილია საქართველოს მოსახლეობის დაახლოებით 4%. 29 ივლისის დილის მონაცემებით, საქართველოს მასშტაბით აიცრა 17.133 ადამიანი.

ვაქცინაციის ტემპის ზრდასთან დაკავშირებით, ნიკოლოზ ყიფშიძის სახელობის ცენტრალურ საუნივერსიტეტო (ყოფილი რესპუბლიკური კლინიკა) და ვახტანგ ბოჭორიშვილის კლინიკამ აცრებისთვის განკუთვნილი შესაბამისი ზონები გამოყო. ვაქცინირებული პირებისთვის კლინიკებმა ასევე ეზოში განათავსეს კარვები.

როგორც რესპუბლიკური საავადმყოფოს დირექტორის მოადგილე ჯავარა უგრეხელიძე აცხადებს, ბოლო 24 საათში იმუნიზაციის პროცესში ჩართული მოქალაქეების რაოდენობა საკმაოდ მაღალი იყო და ქვეყანა დაგეგმილ ნიშნულს ძალიან მალე მიაღწევს.

„გუშინ, საერთო რაოდენობა დღიურად აცრილებისა იყო 2500-ზე მეტი. 15 კაბინეტი 12 საათიან რეჟიმში Pfizer-ზე მუშაობს. Pfizer-ზე კვლავ განსაკუთრებით დიდი მოთხოვნაა. იცით, რომ დამატებით ჯავშნებიც დაემატა გუშინ საღამოს და მოქალაქეები თავისუფლად ახერხებენ დაჯავშნას“, - აცხადებს ჯავარა უგრეხელიძე.

ქვეყანაში ვაქცინაციის ტემპის ბოლოდროინდელ ზრდაზე საუბრობს იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძეც. ის იმუნიზაციის პროცესში მოქალაქეების აქტიურ ჩართულობას დადებითად აფასებს.

„აგვისტოსთვის ჩვენ უფრო მეტი ადამიანი დაგვიგროვდება ქვეყანაში ორჯერადად ვაქცინირებული. „დელტა“ ვარიანტის გავრცელების შეჩერების ერთადერთი რესურსი ორჯერადად ვაქცინირებული ადამიანების რაოდენობის გაზრდაა“, - აცხადებს ივანე ჩხაიძე.  

საქართველოში მოსახლეობის მასობრივი ვაქცინაცია 5 ივლისიდან დაიწყო, ხოლო მასობრივი ხასიათი ვაქცინაციის კამპანიამ 5 ივლისიდან მიიღო. ამ მომენტისთვის საქართველოში ვაქცინაცია მიმდინარეობს Pfizer-ის, AstraZeneca-ს, Sinovac-ისა და Sinopharm-ის პრეპარატებით. ამ დროისთვის, რეგისტრაცია ამავე ვაქცინებზე მიმდინარეობს.

29 ივლისის მონაცემებით, საქართველოში ამ დროისათვის სულ აცრილია 450.026 პირი, აქედან სრულად, ანუ ორი დოზით – 148.972 ადამიანი.

0