ხათუნა ჟორდანია

ხათუნა ჟორდანია: უმძიმესი პერიოდები გავიარეთ, ჩემი და ზურას ქორწინება სასწორზე იდო

55
(განახლებულია 23:23 31.05.2021)
მუსიკოსი და საზოგადოებაში კარგად ცნობილი სახე ხათუნა ჟორდანია პირად ცხოვრებაზე და მეუღლეზე – მომღერალ ზურა ხაჩიძეზე საუბრობს.
ჟორდანია: უმძიმესი პერიოდები გავიარეთ, ჩემი და ზურას ქორწინება სასწორზე იყო
„დღემდე საქართველოში სალაპარაკო თემაა ჩვენ შორის არსებული ასაკობრივი სხვაობა. როცა ვიღაცას უნდა წამკბინოს, ამას მახსენებს, მაგრამ ამით არაფერი იცვლება. არ არსებობს ოჯახი, სადაც პრობლემები არ არის. ცხოვრებაში უმძიმესი პერიოდები გვაქვს გავლილი მე და ზურას, ბევრჯერ იდო ჩვენი ქორწინება სასწორზე, მაგრამ გადავლახეთ ეს პერიოდები“, – ამბობს ჟორდანია.

ხათუნა ჟორდანია თვეებია მძიმე სენს ებრძვის. როგორც მუსიკოსი აცხადებს, ახლა მისი და ზურას ცხოვრებაში ახალი ეტაპი დგას, რის გამოც დღეს ზურასგან მოზღვავებულ სიყვარულს და ყურადღებას გრძნობს.

55
თერმოსკრინინგი

საქართველოში „ინდური შტამის“ შემთხვევებმა იმატა

21
(განახლებულია 16:12 16.06.2021)
აკადემიკოს ვახტანგ ბოჭორიშვილის კლინიკის ინფექციონისტი მეგი კობახიძე საქართველოში „ინდური შტამის“ გავრცელების მხრივ არსებული მდგომარეობაზე საუბრობს.

 

მეგი კობახიძე

„მნიშვნელოვანია, რომ შედარებით მოიმატა „ინდური შტამის“ დადასტურებულმა შემთხვევებმა. ახლა მთავარია არ მოხდეს მისი უფრო მეტად გავრცელება. თუ როგორი იქნება ვირუსის გავრცელება და საჭირო გახდება თუ არა ქვეყანაში კოვიდ-რეგულაციების გამკაცრება, ამას მომავალი კვირები გვიჩვენებს“, - განაცხადა კობახიძემ Rustavi2-ის ეთერში.

ბოლო მონაცემებით, საქართველოში ახალი შტამის 18 შემთხვევაა ოფიციალურად დადასტურებული. ინფიცირებულები, ძირითადად, საქართველოს მოქალაქეები არიან, რომლებიც მსოფლიოს სხვადასხვა ქვეყნიდან დაბრუნდნენ.

21
მიკროფონი

ირაკლი კოვზანაძე: სახელმწიფო ვალი კრიტიკულ ზღვარზეა

15
(განახლებულია 15:55 16.06.2021)
პარლამენტის საფინანსო-საბიუჯეტო კომიტეტის თავმჯდომარის ირაკლი კოვზანაძის განცხადებით, წელს ხელისუფლების ამოცანა სახელმწიფო ვალის და ბიუჯეტის დეფიციტის შემცირებაა.

 

კოვზანაძე

„მოგეხსენებათ, რომ 2020 წელი ძალზე რთული წელი იყო, საქართველოს ეკონომიკის 6.2%-იანი ვარდნა გვქონდა. გარდა ამისა, გასული წელი რთული იყო იმ თვალსაზრისითაც, რომ ბიუჯეტის დეფიციტმა 9.3%-ს მიაღწია. წელს ჩვენი ამოცანაა, რომ შევამციროთ საგარეო ვალი, რომელიც კრიტიკულ ზღვარზეა და ასევე ბიუჯეტის დეფიციტი დავწიოთ 7%-ზე ქვემოთ“, -განაცხადა კოვზანაძემ „პირველი არხის" ეთერში.

დღეს საქართველოს პარლამენტის საფინანსო საბიუჯეტო კომიტეტს 2020 წლის ბიუჯეტის შემაჯამებელი ანგარიშს ფინანსთა მინისტრის პირველი მოადგილე წარუდგენს.

15
თემები:
საქართველოს ეკონომიკა
ვლადიმი8რ პუტინი

რატომ შეხვდნენ ერთმანეთს რუსეთის და აშშ-ის პრეზიდენტები: პუტინმა 9 წლის გოგონას უპასუხა

0
რუსეთის პრეზიდენტის თქმით, ორი ქვეყნის ლიდერები იმისათვის ხვდებიან, რომ სამყარო ჩვენი პლანეტის ყველა მცხოვრებისთვის აყვავებულ სახლად აქციონ.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა კანადელი ჟურნალისტის ცხრა წლის ქალიშვილის კითხვას იმაზე, თუ რისთვისაა საჭირო მისი და აშშ-ის პრეზიდენტის, ჯო ბაიდენის შეხვედრა და რატომაა ის ასეთი მნიშვნელოვანი.

„პასუხი მარტივია. საჭიროა ირგვლივ მიმოიხედო და თქვა: „ხედავ, როგორი მშვენიერია ეს სამყარო?! და ზრდასრული ადამიანები, ორი ქვეყნის, უმსხვილესი სახელმწიფოების ხელმძღვანელები ერთმანეთს ხვდებიან იმისათვის, რომ ეს სამყარო აქციონ უსაფრთხო, საიმედო, აყვავებულ სახლად ჩვენი პლანეტის ყველა მცხოვრებისთვის. ისინი ისაუბრებენ საშიშ იარაღთან დაკავშირებულ საკითხებზე, რომელიც უნდა შეიზღუდოს, და შეიმუშავებენ მისი არგამოყენების საერთო წესებს. ისინი ისაუბრებენ გარემოს დაცვაზე, იმაზე, რომ მდინარეები და ზღვები იყოს სუფთა, რათა არ მოხდეს წყალდიდობები, გვალვები, რათა საკმარისი სურსათი იყოს პლანეტის ყველა ბინადარისთვის, სადაც არ უნდა იმყოფებოდნენ ისინი. ისაუბრებენ ჯანდაცვის საკითხებზე, რათა როდესაც ბავშვები იზრდებიან, მათ ნაკლებად იავადმყოფონ, შეძლონ სწავლა და მომავლის არ შეეშინდეთ“. ვისურვებდი, ჩვენი დღევანდელი შეხვედრა, პატივცემულო ქალბატონებო და ბატონებო (მიმართა ჟურნალისტებს, - რედ.), გააშუქოთ სწორედ ამ მოსაზრებებიდან გამომდინარე“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

0