ლიზა გოდერძიშვილი

რა შემთხვევაში აჩვენებს კოვიდ-ტესტი ცრუ შედეგს და როგორ უნდა მოიქცეს პაციენტი

123
(განახლებულია 20:49 30.04.2021)
ექიმი თერაპევტი ლიზა გოდერძიშვილი გადაცემაში „პირადი ექიმი მარი მალაზონია“ იმ პაციენტებზე საუბრობს, რომელთაც აქვთ საეჭვო სიმპტომები, თუმცა კორონავირუსი არ უდასტურდებათ.
რა შემთხვევაში აჩვენებს კოვიდტესტი ცრუ შედეგს და როგორ უნდა მოიქცეს პაციენტი - ექიმის რჩევა
„ტესტირებას, როგორც სწრაფ ანტიგენზე დაყრდნობით დამყარებულს, ასევე PCR-ს აქვს თავისი ცრუ უარყოფითი შედეგის უფლება. შესაძლოა არ მოხვდა აღებულ ნაცხში ის ნაწილი რნმ-ისა, რომელიც უნდა ამოიცნოს ტესტმა, რაც დაახლოებით 30% შემთხვევაში ხდება. მეორე შემთხვევა, რატომაც შეიძლება იყოს ცრუ უარყოფითი შედეგი, არის, რომ ორგანიზმი ერევა ვირუსს და შლის მის რმნ-ს. ამ შემთხვევაში ბევრჯერ აღებული ტესტითაც კი შეიძლება ნაცხის ნაწილი ვერ მოხვდეს პორციაში და ვერ ამოიცნოს ტესტმა“, – განაცხადა ლიზა გოდერძიშვილმა.

თუ ვირუსი მსუბუქად მიმდინარეობს, პაციენტმა უნდა დაიცვას ყველა ის რეკომენდაცია, რომელიც სახლში ყოფნის დროსაა აუცილებელი. მაგრამ თუ არის კოვიდ-ინფიცირების ძალიან მაღალი ალბათობა და ამის სარწმუნო ნიშნებიც არსებობს, მით უმეტეს პანდემიის დროს განიხილება, რომ ეს კოვიდ-დაავადებაა. ამ დროს პაციენტმა ყველა შემთხვევაში უნდა მიაკითხოს ცხელების ცენტრს, სადაც განისაზღვრება, დგინდება თუ არა კორონავირუსი და თუ მაინც რჩება ეჭვი ამასთან დაკავშირებით, ასეთ პაციენტებს საიზოლაციო სივრცეში ათავსებენ, აღნიშნა გოდერძიშვილმა.

ექიმი განმარტავს, რომ ყველა სტაციონარს აქვს საიზოლაციო სივრცე, სადაც საეჭვო პაციენტებს მკურნალობენ და აკვირდებიან. მათ ყოველ 72 საათში ტესტი უტარდებათ, როგორც სიმპტომურ პაციენტებს, რომელთაც არ დაუდასტურდათ კორონავირუსი.

 

123
რუსუდან კერვალიშვილი

კერვალიშვილი: როცა საპატიმროში შევედი, მაია დავინახე, კუთხეში იჯდა

49
(განახლებულია 17:02 06.05.2021)
ყოფილი დეპუტატი, სამშენებლო კომპანია „ცენტრ პოინტ გრუპის“ ერთ-ერთი დამფუძნებელი რუსუდან კერვალიშვილი იხსენებს საპატიმროში დასთან, მაია რჩეულიშვილთან შეხვედრის მომენტს.
კერვალიშვილი: როცა საპატიმროში შევედი, მაია დავინახე, კუთხეში იჯდა
„საპატიმროში შესვლა ჩემთვის განსაკუთრებული განცდა იყო -  ჩვენი ოთახის კუთხეში იჯდა მაია. როდესაც კარები დაიხურა, მომეცა საშუალება, მასთან მივსულიყავი. ამას ვნატრობდი მთელი 9 თვის განმავლობაში. მაიას წინაშე დანაშულის შეგრძნება მქონდა, რადგან ჩვენ ერთად ვაკეთებდით საქმეს. პირველი შეგრძნება მქონდა ასეთი - „მაია, მე მოვედი, ჩვენ ერთად ვართ“. მაია დაფეთებული დამხვდა, მოულოდნელი იყო მისთვის ჩემი დაკავება“, -ამბობს კერვალიშვილი.

დებს – სამშენებლო კომპანია „ცენტრ პოინტ გრუპის“ დამფუძნებლებს რუსუდან კერვალიშვილსა და მაია რჩეულიშვილს  2004–2009 წლებში ამხანაგობა „თაბუკაშვილი 88"-ის მენაშენეთა თანხებიდან 11 მლნ ლარის მითვისებისთვის  4–4 წლით თავისუფლების აღკვეთა შეეფარდათ. კერვალიშვილი 2017 წლის 31 მარტს სასამართლო დარბაზში დააკავეს. რჩეულიშვილი კი იმ დროისთვის უკვე პატიმრობაში იმყოფებოდა სხვა საქმეზე – აჭარაში საცხოვრებელი კომპლექსის მშენებლობისას თანხების მითვისებაზე.

კერვალიშვილმა ოთხწლიანი სასჯელი სრულად მოიხადა და პენიტენციური დაწესებულება მიმდინარე წლის 30 მარტს დატოვა.

49
ირაკლი ღარიბაშვილი

ღარიბაშვილი: დავით-გარეჯის საკითხი გადაწყდება ისე, როგორც ჩვენ ძმობას შეეფერება

32
(განახლებულია 15:28 06.05.2021)
საქართველოს პრემიერ-მინისტრი ირაკლი ღარიბაშვილი აზერბაიჯანის პრეზიდენტთან ილჰამ ალიევთან შეხვედრის დეტალებზე საუბრობს.
ღარიბაშვილი: დავით-გარეჯის საკითხი გადაწყდება ისე, როგორც ჩვენს ძმობას შეეფერება
„შეხვედრაზე განვიხილეთ დავით-გარეჯის საკითხიც და შევთანხმდით, რომ დიალოგი გაგრძელდება, დაჩქარდება და ძალიან მალე გადაწყდება ისე, როგორც ჩვენ ძმობას და მეგობრობას შეეფერება. კომისიები გააგრძელებენ მუშაობას ძალიან მალე, კონკრეტულად კი მოგვიანებით გახდება ცნობილი", – ამბობს ღარიბაშვილი.

საქართველოსა და აზერბაიჯანს 440 კილომეტრის სიგრძის საერთო სახელმწიფო საზღვარი აქვთ, რომლის მესამედი ჯერჯერობით არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით-გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

32
ვაქცინა Sinovac-ი

აშშ მხარს უჭერს: კოვიდვაქცინებზე პატენტები შესაძლოა დროებით გაუქმდეს

0
(განახლებულია 20:06 06.05.2021)
პატენტებზე უარის თქმა საშუალებას აძლევს ნებისმიერ ფარმაკომპანიას, აწარმოოს ნებისმიერი კოვიდვაქცინის ზუსტი ასლი ისე, რომ სასამართლო დავების შიში არ ჰქონდეს

თბილისი, 6 მაისი — Sputnik. აშშ−ის პრეზიდენტის ადმინისტრაციამ მხარი დაუჭირა გადაწყვეტილებას, დროებით შეჩერდეს COVID−19−ის ვაქცინებზე საპატენტო უფლებები, იუწყება CNBC აშშ−ის სავაჭრო წარმომადგენელ კეტრინ ტაისა და უშუალოდ პრეზიდენტ ჯო ბაიდენის განცხადებებზე დაყრდნობით.  

მანამდე კოვიდვაქცინების საპატენტო უფლებების დროებით გაუქმების აუცილებლობაზე ჯანდაცვის მსოფლიო ორგანიზაციამ (ჯანმო) და ასევე ვაჭრობის მსოფლიო ორგანიზაციამ (ვმო) განაცხადეს. ჯანმოს გენერალურმა დირექტორმა ტედროს ადანომ გებრეისუსმა მაღალი შეფასება მისცა ჯო ბაიდენის ადინისტრაციის მხარდაჭერას ინტელექტუალურ საკუთრებაზე უარის თქმასთან დაკავშირებით და განაცხადა, რომ ამ ნაბიჯით აშშ თავის ლიდერობას ადასტურებს ჯანდაცვის გლობალური პრობლემების გადაჭრაში.

ვმო−ს ლიდერებმა მოუწოდეს ორგანიზაციის წევრ ქვეყნებს, კვირის ბოლომდე აცნობონ ვაქცინებზე ინტელექტუალური საკუთრების წესების დროებით შესუსტებაზე შეთანხმების დეტალები. მათი თქმით, სამხრეთ აფრიკისა და ინდოეთის მიერ შეთავაზებული ინიციატივა საპატენტო დაცვაზე უარის თქმის შესახებ, დაეხმარება განვითარებად ქვეყნებს, გაზარდონ ვაქცინების წარმოება.

როგორც აშშ−ის სავაჭრო წარმომადგენელი კეტრინ ტაი აცხადებს, „COVID−19−ის პანდემიასთან დაკავშირებული საგანგებო მდგომარეობა საგანგებო ზომებს მოითხოვს.

 „ადმინისტრაციას მტკიცედ სჯერა, რომ ინტელექტუალური საკუთრება დაცული უნდა იყოს. მაგრამ იმისათვის, რომ ამ პანდემიას ბოლო მოეღოს, მხარს ვუჭერთ COVID-19−ის ვაქცინებზე ამ დაცვის გაუქმებას“, — განაცხადა ტაიმ.

როგორც მსოფლიო სავაჭრო ორგანიზაციაში არსებულმა ანონიმმა წყარომ განაცხადა, ვმო−ში აღნიშნული საკითხის განხილვას გარკვეული დრო დასჭირდება. გამომდინარე იქიდან, რომ ორგანიზაცია გადაწყვეტილებებს კონსენსუსის საფუძველზე იღებს, მისი წევრი 164−ვე ქვეყნის თანხმობა იქნება საჭირო.

აღსანიშნავია, რომ მას შემდეგ, რაც კოვიდვაქცინებზე პატენეტების დროებით გაუქმებას აშშ−ის პრეზიდენტმა ჯო ბაიდენმაც დაუჭირა მხარი, ვაქცინების მწარმოებელი მსხვილი ფარმაცევტული კომპანიების, მათ შორის — Moderna−ს, BioNTech−სა და Pfizer−ის აქციები მკვეთრად დაეცა.

თეორიულად პატენტებზე უარის თქმა, საშუალებას აძლევს ნებისმიერ ფარმაკომპანიას, აწარმოოს ნებისმიერი კოვიდვაქცინის ზუსტი ასლი ისე, რომ სასამართლო დავების შიში არ ჰქონდეს ინტელექტუალური საკუთრების დარღვევის გამო.

0
თემები:
საერთაშორისო პანორამა