ნიკოლოზ წულუკიძე

წულუკიძე: კახი კავსაძემ თავისი პროფესია არასწორად აირჩია, არ არის მაგის საქმე არტისტობაო

75
(განახლებულია 15:02 28.04.2021)
ხელოვნებათმცოდნე და ტელეწამყვანი ნიკოლოზ წულუკიძე ყველასათვის საყვარელ მსახიობს კახი კავსაძეს იხსენებს.
წულუკიძე: კახი კავსაძემ თავისი პროფესია არასწორად აირჩია, არ არის მაგის საქმე არტისტობაო
„ძალიან ძვირფასი და განსაკუთრებული ადამიანი იყო, რომელიც ძალიან დიდი დანაკლისი იქნება ჩვენი საზოგადოებისათვის. ძალიან საინტერესოდ დაიწყო მისი შემოქმედება. თავიდან, როცა რუსთაველის თეატრში მოხვდა ეპიზოდურ როლებს თამაშობდა და მიშა თუმანიშვილს უთქვამს, კახი კავსაძემ თავისი პროფესია არასწორად აირჩია, არ არის მაგის საქმე არტისტობაო. კახი ამბობდა, ამ ფრაზამ იმდენად დამაკომპლექსა, რომ ათწლეულები დამჭირდა ეს კომპლექსი მომეხსნაო. ეს მოხდა იმ დღეს, როცა უშუქობის დროს თუმანიშვილი იდგა გაჩერებაზე და მანქანა გავუჩერე, გზაში მითხრა, ახლა კინომსახიობთა თეატრში ვარ და ნეტავ შენნაირი ერთი-ორი მსახიობი მომცაო. გავახსენე თავისი სიტყვები,  მაგრამ მითხრა, რომ ასეთი რამ არ მახსოვსო. მაშინ მივხვდი, რომ მიშა თუმანიშვილმაც მაღიარაო“, - იხსენებს ნიკოლოზ წულუკიძე კავსაძის მონაყოლს.

კახი კავსაძე 85 წლის ასაკში 27 აპრილს გარდაიცვალა. მსახიობი კორონავირუსის დიაგნოზით კლინიკაში გასული წლის 28 ნოემბერს მოათავსეს. მას სუნთქვის უკმარისობა აღენიშნებოდა. დეკემბერში გავრცელდა ინფორმაცია, რომ მსახიობმა დაამარცხა დაავადება და კლინიკიდან გაეწერა. თუმცა, მოგვიანებით მსახიობის ჯანმრთელობის მდგომარეობა მკვეთრად გაუარესდა და იგი თბილისის საუნივერსიტეტო კლინიკის რეანიმაციულ განყოფილებაში მოათავსეს, სადაც ამ დრომდე მკურნალობის კურსს გადიოდა.

75
ირაკლი ღარიბაშვილი

ღარიბაშვილი: ბევრი ჩივილი გვესმის, რომ კომენდანტის საათი შემაწუხებელია

46
(განახლებულია 23:18 17.05.2021)
საქართველოს პრემიერ-მინისტრი ირაკლი ღარიბაშვილი საუბრობს, რა შემთხვევაში მოხსნიან სრულად გადაადგილებაზე შეზღუდვას.
ღარიბაშვილი: ბევრი ჩივილი გვესმის, რომ კომენდანტის საათი შემაწუხებელია
„ბევრი ჩივილი გვესმის იმასთან დაკავშირებით, რომ გადაადგილების შეზღუდვა არის შემაწუხებელი. ჩვენ ამის თაობაზე ვიმსჯელებთ, მივიღებთ შესაბამის გადაწყვეტილებებს იმის მიხედვით, როგორი რეკომენდაციები იქნება ჯანდაცვის სამინისტროდან“, – ამბობს ირაკლი ღარიბაშვილი.

ღამის საათებში გადაადგილებაზე დაწესებული შეზღუდვა ქვეყანაში ექვს თვეზე მეტია მოქმედებს – „კომენდანტის საათის“ გაუქმების მოთხოვნით საპროტესტო აქციები სხვადასხვა ქალაქში პერიოდულად იმართება.

46
სრულიად საქართველოს კათოლიკოს-პატრიარქი ილია მეორე სვეტიცხოველში

ილია მეორე: ახალგაზრდებს მიაქციეთ ყურადღება, მათ სჭირდებათ სითბო მშობლებისა

48
(განახლებულია 22:26 17.05.2021)
საქართველოს კათოლიკოს-პატრიარქი, უწმინდესი და უნეტარესი ილია მეორე მრევლს მოუწოდებს, არ შეშინდეს, რადგან სიკეთე ყოველთვის იმარჯვებს.
ილია მეორე: ახალგაზრდებს მიაქციეთ ყურადღება, მათ სჭირდებათ სითბო მშობლებისა
„დღეს არის მენელსაცხებლე დედების დღე. იმ დედებისა, რომელთაც არ შეეშინდათ იმ დროს, როცა ჯვარზე გააკრეს უფალი ჩვენი იესო ქრისტე. მოციქულები დაიფანტნენ, მენელსაცხებლე დედები კი იდგნენ და დასტიროდნენ ჯვარცმულ მაცხოვარს. ჩვენ ვცხოვრობთ რთულ დროს, როცა ძლიერდება ცოდვა, მაგრამ, ამავე დროს, ძლიერდება კეთილი საქმე და რწმენა. კეთილი გაიმარჯვებს, არ უნდა შეგეშინდეთ, სიკეთე მუდამ იმარჯვებს!“ – ბრძანა კათოლიკოს-პატრიარქმა.

ილია მეორემ მშობლებს მოუწოდა, ყურადღება მიაქციონ ახალგაზრდებს, რადგან მათ მშობლების სითბო სჭირდებათ.

 

48
სასწრაფო დახმარება

სამეგრელოში კორონავირუსს 79 წლამდე ქალი ემსხვერპლა

0
(განახლებულია 14:00 18.05.2021)
ბოლო მონაცემებით, რეგიონის მასშტაბით კორონავირუსი 110-მა პაციენტმა დაამარცხა, საკარანტინო სივრცეში კი რვა ადამიანი იმყოფება.

თბილისი, 18 მაისი – Sputnik. სამეგრელოს–ზემო სვანეთის რეგიონში კორონავირუსს ერთი ადამიანი ემსხვერპლა,  იუწყება „Sputnik-საქართველოს" კორესპონდენტი.  

სამხარეო ადმინისტრაციის ინფორმაციით, 79 წლამდე ქალი რუხის კლინიკაში გადიოდა მკურნალობის კურსს.

გასულ დღე-ღამეში რეგიონში ინფიცირების 123 ახალი შემთხვევა გამოვლინდა. სამეგრელო–ზემო სვანეთში მოქმედ კოვიდ–ცენტრებში 239 პაციენტი აგრძელებს მკურნალობას, 15-ის მდგომარეობა მძიმეა. 

რუხის კლინიკაში მკურნალობის კურსს 161 კოვიდ-პაციენტი გადის, 20 პაციენტის მდგომარეობა მძიმეა. ფოთის კლინიკაში იმყოფება 39 კოვიდ-პაციენტი, მათ შორის მძიმე ხუთი პაციენტია. აბაშის „ევექსის“ კოვიდ–კლინიკაში 25 პაციენტი მკურნალობს. სენაკის „ლაზიკა მედიში“ – 53 პაციენტი,  „სენამედში" კი 12 პაციენტი იმყოფება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.562-ით გაიზარდა და ინფიცირებულთა საერთო რიცხვმა 332.441-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

 

0
თემები:
კორონავირუსი საქართველოში: ბოლო ცნობები