რადიო

გამყრელიძე: ჯანმრთელობის მსოფლიო ორგანიზაციის ავტორიზაცია ძალიან მნიშვნელოვანია, მაგრამ...

„აპრილის შუა რიცხვებში ორი ჩინური ვაქცინა მიიღებს ავტორიზაციას. უნდა მიეღოთ მარტის ბოლოსთვის, მაგრამ დამატებითი მონაცემები იქნა გამოთხოვილი. ჩვენთვის ჯანმრთელობის მსოფლიო ორგანიზაციის ავტორიზაცია ძალიან მნიშვნელოვანია, მაგრამ ქვეყანამ Sinopharm-ი შეიძინა იმ რეგულაციებით რაც არსებობს. როცა რომელიმე მკაცრ მარეგულირებელს აქვს ავტორიზირებული, ქვეყანას შეუძლია მისი გამოყენება“, - განაცხადა გამყრელიძემ.

საქართველომ COVID-19-ის საწინააღმდეგო ვაქცინა Sinopharm-ის 100 ათასი დოზა 3 აპრილს მიიღო. ჩინური ვაქცინა ინაქტივირებული (მკვდარი) კორონავირუსის საფუძველზეა შექმნილი, რომელიც ვაქცინის შექმნის ერთ-ერთი ყველაზე ძველი და საიმედო ხერხია. კომპანია Sinopharm-მა ვაქცინა უჰანის ვირუსოლოგიის ინსტიტუტთან და ბიოლოგიური პროდუქტების ინსტიტუტთან ერთად შეიმუშავა. ამასთან,  უახლოეს მომავალში ჩინეთი კორონავირუსის საწინააღმდეგო Sinovac-ის ვაქცინას საქართველოს უსასყიდლოდ გადასცემს.

თბილისი, 19 აპრილი — Sputnik. ევროპარლამენტის წამყვანი ფრაქციის, ევროპის სახალხო პარტიის ლიდერმა მანფრედ ვებერმა პროექტ „ჩრდილოეთის ნაკადი–2–ის“ დასრულების შეჩერების წინადადება წამოაყენა უკრაინის აღმოსავლეთში სიტუაციის შემდგომი დაძაბვის შემთხვევაში. აღნიშნულის თაობაზე მან RND-სთან ინტერვიუში განაცხადა.

AP / Jens Buettner

„ომი „ჩრდილოეთის ნაკადი-2“-ის წინააღმდეგ“: გერმანიაში აშშ-სთვის პასუხის გაცემა მოითხოვეს

გერმანელ პოლიტიკოსს მიაჩნია, რომ ევროკავშირმა მოსკოვს ამის თაობაზე „არაორაზროვანი სიგნალი“ უნდა გაუგზავნოს.

„თუ უკრაინის აღმოსავლეთში ვითარება უფრო გამწვავდება, მაშინ „ჩრდილოეთის ნაკადი–2–ს“ მხარდაჭერა შესაძლებელი აღარ იქნება“, — მიაჩნია ვებერს.

პოლიტიკოსი დარწმუნებულია, რომ რუსეთი მონაწილეობდა კიბერთავდასხმებში და სადეზინფორმაციო კამპანიებში. ამასთან მან მოსკოვის ქმედებები რეალურ საფრთხედ შეაფასა ევროკავშირისა და დასავლეთისთვის.

იგივე აზრისაა ბუნდესტაგის დეპუტატი თავისუფალი დემოკრატიული პარტიიდან ალექსანდერ ლამსდორფი. მისი ვარაუდით, რუსეთი სამხედრო ჩარევის პირობებს ქმნის და ამიტომ ევროკავშირმა უნდა გააგებინოს მოსკოვს, რომ თავდასხმის შემთხვევაში სანქციები გაფართოვდება.

„ასეთ შემთხვევაში პროექტ „ჩრდილოეთის ნაკადი–2–ის“ რეალიზაცია მაშინვე უნდა შეჩერდეს — ეს აშკარაა“, —  აღნიშნა პოლიტიკოსმა.

მანამდე რუსეთის პრეზიდენტმა ვლადიმირ პუტინმა განაცხადა, რომ რუსეთი არავისზე თავდასხმას არ აპირებს, და რომ რუსული საფრთხე — ეს მათი მოგონილია, „ვისაც რუსეთთან მებრძოლი მოწინავე რაზმის როლით რაღაც ბონუსებისა და პრეფერენციების მიღება სურთ“.