მიკროფონი

ფსიქოლოგი: კარანტინის შემდეგ ბავშვებს უნდა მივცეთ დრო, რომ შეეგუონ ძველ გარემოს

30
(განახლებულია 20:11 23.02.2021)
ბავშვთა ფსიქოლოგი, ქცევითი თერაპევტი სალომე გაბაძე საუბრობს იმაზე, როგორი შეიძლება იყოს ბავშვის ქცევა პანდემიის შემდეგ.
ფსიქოლოგი: კარანტინის შემდეგ ბავშვებს უნდა მივცეთ დრო, რომ ადაპტირდნენ ძველ გარემოსთან
„ბავშვებმა მთელი ეს პერიოდი ვერ დახარჯეს ენერგია; როდესაც მათ მიეცემათ ამ ენერგიის დახარჯვის საშუალება, შესაძლებელია მოგვეჩვენოს, რომ ისინი მეტად აღგზნებულები არიან, ვიდრე იყვნენ მაშინ, როცა მათ ჰქონდათ ნორმალური დღის რეჟიმი. მათ გარკვეული პერიოდი უნდა მივცეთ, რომ ადაპტირდნენ მათთვის ძველ და ჩვეულ გარემოსთან“, – განაცხადა სალომე გაბაძემ.

ფსიქოლოგის განცხადებით, ამ დროს დიდი როლი აკისრია მშობელს და მან მაქსიმალურად უნდა შეუწყოს ხელი შვილს ამ პროცესის შემსუბუქებაში.

30
გიორგი ფხაკაძე

ფხაკაძე: ბიზნესი თუ იწყებს მოლაპარაკებას ვაქცინის შემოტანაზე, ეს არის შავი და არასწორი

54
(განახლებულია 18:06 01.03.2021)
გაეროს გენერალური მდივნის და ვაქცინებისა და იმუნიზაციის გლობალური ალიანსის (GAVI) მრჩეველი გიორგი ფხაკაძე საქართველოში ვაქცინების შემოტანაზე საუბრობს და ამბობს, რომ ამასთან დაკავშირებით მოლაპარაკებებს სახელმწიფოები უნდა აწარმოებდნენ და არა ბიზნესი.
ფხაკაძე: ბიზნესი თუ იწყებს მოლაპარაკებას ვაქცინის შემოტანაზე, ეს არის შავი და არასწორი
„ვაქცინებთან დაკავშირებით მოლაპარაკებებს ახორციელებენ სახელმწიფოები. ვინმე კერძო (პირი) თუ იწყებს მოლაპარაკებას, ეს არის ფეიკი, შავი და არასწორი. ვინ უნდა მიიღოს მონაწილეობა ამაში? – პრემიერ-მინისტრმა, პრეზიდენტმა. აქ შეიძლება მინისტრიც არ იყოს საკმარისი, რადგან როდესაც მიდიხარ და ამბობ, მე ვაქცინა მჭირდება, ძალიან მძიმე პოლიტიკური წნევაა საჭირო“, – ამბობს გიორგი ფხაკაძე.

COVAX–პლატფორმის მეშვეობით ქვეყანაში Pfizer-ის პირველი პარტია თებერვლის ბოლოს უნდა შემოსულიყო, მაგრამ მისი შემოტანა გადავადდა. ამ დროისათვის უცნობია ზუსტი თარიღი, თუ როდის შემოვა ქვეყანაში ვაქცინა.

როგორც დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა, მსოფლიოში კორონავირუსის საწინააღმდეგო ვაქცინების განაწილება უსამართლოდ მიმდინარეობს, კერძოდ, მდიდარ ქვეყნებს ნაყიდი და დაბევებული აქვთ უკვე ვაქცინის ორჯერ, სამჯერ და ზოგს ხუთჯერ მეტი დოზა, ვიდრე წელს სჭირდებათ საკუთარი მოსახლეობის ასაცრელად.

54
ნათია ფანჯიკიძე

ნათია ფანჯიკიძე: კლინიკის პაციენეტებს დიდი შანსი აქვთ, რომ დიდ ხელოვნებაში ჩაეწერონ

78
(განახლებულია 09:57 28.02.2021)
ნათია ფანჯიკიძე საუბრობს ალკოჰოლ და ნარკოდამოკიდებულ ადამიანებზე, რომელთათვისაც არტთერაპია განკურნების ერთ-ერთ  საშუალებად მოიაზრება.
ნათია ფანჯიკიძე: კლინიკის პაციენეტებს დიდი შანსი აქვთ, რომ დიდ ხელოვნებაში ჩაეწერონ
„კამერაში მხოლოდ ნარკოტიკზე ან ალკოჰოლზე დამოკიდებული ხალხი არ არის. ეს ჩვენი ერთ-ერთ ექსკლუზივია, რადგან მანამდე ამ ხალხთან არ ხერხდებოდა ფსიქოთერაპიული მუშაობა იმის გამო, რომ ბევრი მულტიპრობლემა აქვთ. მათგან პირველი, სიფხიზლის შენარჩუნებაა, მეორე, ფსიქიატრიული კონდიციის მკურნალობა, მესამე კი- ფსიქოლოგიური თერაპია, რათა მათ ფხიზელ ცხოვრებაში დაბრუნება შეძლონ.“ -აცხადებს ნათია ფანჯიკიძე.

ფსიქოლოგი ნათია ფანჯიკიძე: „ხანდახან ალკოჰოლ და ნარკოტიკზე დამოკიდებულების საშინელი პრობლება 12 წლიდანაც იწყება. ასეთ შემთხვევაში, გამოდის, რომ ამ კატეგორიის ხალხს პრაქტიკულად არ უცხოვრია გაყუჩების გარეშე, რაც მათ რეალურ ტკივილებს, ტრავმებსა და სიხარულს წყვეტდა.“

78
შარლ მიშელი

პლებისციტი არჩევნების ნაცვლად? შარლ მიშელმა ქართულ ოპოზიციას მიმართა

0
ევროპული საბჭოს პრეზიდენტმა თბილისში ვიზიტისას ოპოზიციის წარმომადგენლებთან მოლაპარაკებები გამართა.

თბილისი, 1 მარტი - Sputnik. ევროპის საბჭოს პრეზიდენტმა შარლ მიშელმა ქართული ოპოზიციის ლიდერებს პოლიტიკური კრიზისიდან გამოსასვლელად კომპრომისისკენ მოუწოდა, განაცხადა პარტია „სტრატეგია აღმაშენებლის“ ლიდერმა გიორგი ვაშაძემ სტუმართან შეხვედრის შემდეგ.

ოპოზიცია პარლამენტთან მშვიდობიან პროტესტს აანონსებს >>

ევროპული საბჭოს პრეზიდენტი საქართველოს კვირას ეწვია. მისი ვიზიტი პოლიტიკური კრიზისის ფონზე მიმდინარეობს. „ერთიანი ნაციონალური მოძრაობის“ ლიდერის, ნიკა მელიას დაკავების შემდეგ კრიზისი გამწვავდა და ოპოზიცია ქუჩაში გამოვიდა. ის ვადამდელ არჩევნებსა და პოლიტპატიმრების გათავისუფლებას ითხოვს.

„გარკვეულ შეთანხმებამდე უნდა მივიდეთ. ჩვენს მხარესთან იყო თხოვნა, რომ უნდა ვიყოთ გარკვეულწილად კომპრომისულები. ჩვენ ვთქვით, რომ რიგგარეშე არჩევნების ნაცვლად, შეგვიძლია წავიდეთ პლებისციტზე. ეს, ჩემი აზრით, ფუნდამენტური და დიდი კომპრომისია, რომელიც ოპოზიციას გაცხადებული აქვს“, - განუცხადა ვაშაძემ ჟურნალისტებს.

ამასთან, ვაშაძემ არ გამორიცხა, რომ მსგავსი შეთანხმების მიღწევა ოპოზიციასა და „ქართულ ოცნებას“ შორის მიმდინარე თვის ბოლომდეა შესაძლებელი.

„ნაციონალური მოძრაობის“ ერთ-ერთი ლიდერის, სალომე სამადაშვილის თქმით, შეხვედრაზე ოპოზიციას დაპირდნენ, რომ ევროკავშირი აქტიურად მიიღებს მონაწილეობას პოლიტიკური კრიზისიდან გამოსვლის პროცესში.

„ყველას ესმის, რომ პოლიტიკური კრიზისიდან გამოსავალი არის აუცილებლად მოსაძებნი... ევროკავშირს პოლიტიკური კრიზისის დასაძლევად ჩვენს ქვეყანაში აქვს გეოპოლიტიკური და გეოსტრატეგიული ინტერესი. სწორედ ამიტომ ჩვენ გვქონდა ძალიან საფუძვლიანი საუბარი იმაზე, როგორ შეიძლება ევროკავშირის ფუნქცია გაძლიერდეს ამ კრიზისიდან გამოსავლის მოსაძებნად“, - აღნიშნა სამადაშვილმა. 

პლებისციტს მხარი დაუჭირა ასევე ოპოზიციური პარტია „ევროპული საქართველოს“ ლიდერმა გიგა ბოკერიამ.

„ჩვენ პლებისციტს მხარს ვუჭერთ, როგორც სერიოზულ კომპრომისს. პოლიტიკური ფასი შეიძლება იყოს ცუდი ან ძალიან ცუდი თუ კრიზისის რეალურად განმუხტვაზე არ წამოვლენ, რაც პოლიტიკური პატიმრების გათავისუფლებას და ვადამდელ არჩევნების დანიშნვას გულისხმობს“, - განაცხადა ბოკერიამ.

ოპოზიციური პარტია „ლელოს“ ლიდერმა მამუკა ხაზარაძემ შეხვედრაზე ხელისუფლებასა და ოპოზიციას შორის ე.წ. ეროვნული თანხმობის დოკუმენტის გაფორმების წინადადება წამოაყენა.

„ჩვენ გვჭირდება დიალოგი, გაერთიანება ჩვენი ქვეყნის გარშემო“, - აღნიშნა მან.

როგორც შარლ მიშელმა ამასწინათ განაცხადა, მისი ვიზიტი მიმდინარეობს მწვავე პოლიტიკური კრიზისის ფონზე, რომელიც მეტად აწუხებს ევროკავშირს და პირადად მას. ამიტომ ევროკავშირი მხარეებს მოუწოდებს, ინტენსიურად იმუშაონ ვითარების განსამუხტად.

ოფიციალური ვიზიტის ფარგლებში იგი უკვე შეხვდა საქართველოს პრეზიდენტ სალომე ზურაბიშვილსა და პრემიერ ირაკლი ღარიბაშვილს.

შარლ მიშელი ქვეყანას 2 მარტს დატოვებს.

საქართველოში ვიზიტამდე შარლ მიშელი იმყოფებოდა მოლდავეთში. თბილისიდან კი კიევში გაემგზავრება.

 

0