დავით სოკოლოვი

დავით სოკოლოვი: „როგორია შენ სადღაც ხარ და სახლში ბებია გიყურებს?!“

58
(განახლებულია 19:57 11.02.2021)
ცნობილი წამყვანი დავით სოკოლოვი რადიოსა და ტელევიზიაში მისვლის დროს იხსენებს, ამბობს, რომ პირველი ეთერის დროს ძალიან ინერვიულა.
დავით სოკოლოვი: როგორია? შენ სადღაც ხარ და სახლში ბებია გიყურებს?!
„ჩემმა ბავშვობამ ომის დროს გაიარა, მაგრამ მიუხედავად მძიმე დროისა, ყველაფერი კეთებოდა იმისათვის, რომ ბავშვებს ეს არ გვეგრძნო. როცა თეატრალური ინსტიტუტი დავამთავრე, რადიოში გამოცხადდა დიქტორების კონკურსი, რომელზეც გავედი და მიმიღეს. იმავე წელს ტელევიზიამაც მიმიპატიჟა“, – იხსენებს დავით სოკოლოვი, რომელსაც 4 თებერვალს ტელეანძასთან ვარსკვლავი გაუხსნეს.

დავით სოკოლოვი: „15 წელი რადიოს შტატში ვიყავი, ტელევიზიაში არ გადავდიოდი და ორივეგან ვიყავი. დილის 6 საათიდან 12-მდე რადიოში ვმუშაობდი, მერე – ტელევიზიაში. როცა პირველად გამოვჩნდი კადრში, ისე ვინერვიულე, თუ არ წავიქცეოდი, არ მეგონა“.

58
გია ვოლსკი

ვოლსკი: მოლაპარაკების მაგიდასთან კონკრეტული წინადადებით უნდა მივიდეთ

14
(განახლებულია 14:50 26.02.2021)
საქართველოს პარლამენტის პირველი ვიცე-სპიკერი გიორგი ვოლსკი ქვეყანაში არსებულ პოლიტიკურ პროცესებს აფასებს და ოპოზიციასთან დიალოგის მნიშვნელობაზე საუბრობს.
ვოლსკი: მოლაპარაკების მაგიდასთან კონკრეტული წინადადებით უნდა მივიდეთ
„ამ ურთულეს სოციალურ-ეკონომიკურ პირობებში, პოლიტიკურმა პარტიებმა არანაირად არ უნდა იფიქრონ იმაზე, რასაც პოლიტიკური დივიდენდების მიღება ჰქვია. სისხლხორცეული დაინტერესებაა ჩვენი სტრატეგიული პარტნიორების მხრიდან, რომ საქართველოში არ მოხდეს დესტაბილიზაცია. ეს ფაქტორი განაპირობებს იმას, რომ ჩვენ მოლაპარაკებების მაგიდასთან კონკრეტული წინადადებით მივიდეთ“, - აღნიშნა გიორგი ვოლსკიმ.

მმართველ გუნდში აცხადებენ, რომ ქვეყანაში დემოკრატიული, სტაბილური განვითარებისთვის პასუხისმგებლობა ოპონენტებმაც უნდა გაიზიარონ. მთავრობაში განსაკუთრებით ხაზს უსვამენ მხარეებს შორის დიალოგის აუცილებლობას.

14
მიკროფონი

ვის პასუხისმგებლობას ითვალისწინებს „სამშენებლო ამნისტიის შესახებ“ კანონპროექტი

27
(განახლებულია 17:25 26.02.2021)
კანონპროექტი „სამშენებლო ამნისტიის შესახებ“ პასუხისმგებლობას იმ მშენებლებს დააკისრებს, რომლებიც მშენებლობას მერიის მიერ მისი შეჩერების შემთხვევაში მაინც გააგრძელებენ, განუცხადა თბილისის მერიის იურიდიული სამსახურის უფროსმა სერგო ბირკაძემ ჟურნალისტებს.
ვის პასუხისმგებლობას ითვალისწინებს „სამშენებლო ამნისტიის შესახებ“ კანონპროექტი
„ჩვენ წინა წლებში გავამკაცრეთ სანქციები სამშენებლო სამართალდარღვევებზე, კერძოდ, პარლამენტის დახმარებით გავზარდეთ მშენებლობის შეჩერების შესახებ დადგენილების შეუსრულებლობისათვის დაწესებული 5 ათასი ლარის ჯარიმა 50 ათას ლარამდე. მიუხედავად ამისა, ძალიან ბევრი მშენებელი კვლავ აგრძელებდა უნებართვო მშენებლობას. რა თქმა უნდა, ჯარიმის ოდენობის გაზრდამ გარკვეული პრევენცია მოხდინა, თუმცა, როგორც აღმოჩნდა, არასრულფასოვნად. წარმოდგენილი საკანონმდებლო პაკეტის მიზანია – მაქსიმალურად უზრუნველვყოთ სამშენებლო პროცესის სამართლებრივ ჩარჩოებში მართვა“, – განაცხადა სერგო ბირკაძემ.

კიდევ ერთი პრობლემა, რომლის მოგვარებასაც მერია ამ საკანონმდებლო იცინიატივით გეგმავს, გარკვეული დარღვევებით აშენებული ობიექტების ექსპლუატაციაში მიღებაა. ამნისტია შეეხება ყველა ტიპის მშენებლობას, პირველიდან მეხუთე კლასის ჩათვლით, რომელიც ნაწარმოებია მშენებლობის ნებართვის საფუძველზე და მშენებლობა დასრულებულია 2020 წლის 18 აგვისტომდე.

27
თსუ. სტუდენტები

თბილისის მერია იწყებს განაცხადების მიღებას სოციალურად დაუცველი სტუდენტების დასაფინანსებლად

0
(განახლებულია 18:15 26.02.2021)
სწავლის საფასურის დაფინანსების შესახებ განცხადების მიღება პირველი მარტიდან დაიწყება და 31 მაისის ჩათვლით გაგრძელდება

თბილისი, 26 თებერვალი – Sputnik. თბილისის მერია პირველი მარტიდან სოციალურად დაუცველი სტუდენტების სწავლის საფასურის დაფინანსების მიზნით, 2020-2021 სასწავლო წლის გაზაფხულის სემესტრისთვის განცხადებების მიღებას იწყებს, ნათქვამია თბილისის მერიის მიერ გავრცელებულ განცხადებაში.

გავრცელებული ინფორმაციით, სოციალურად დაუცველი სტუდენტების დაფინანსების პროგრამის მოცულობა გაიზარდა.

„დაფინანსება გაიცემა თბილისში რეგისტრირებულ სოციალურად დაუცველ იმ სტუდენტებზე, რომელთა ოჯახების სარეიტინგო ქულა სოციალურად დაუცველთა ერთიან ბაზაში 150 000 ან ნაკლებია და სახელმწიფოს მიერ ავტორიზებულ უმაღლეს საგანმანათლებლო დაწესებულებაში ბაკალავრიატის, მაგისტრატურის ან დოქტორანტურის აკადემიურ საფეხურზე სწავლობენ“, - ნათქვამია უწყების განცხადებაში.

დაფინანსების ოდენობა, რომელიც წლიურად შეადგენს 2.250 ლარს, დამოკიდებულია სტუდენტის მიერ წინა სემესტრში მიღებულ აკადემიურ მოსწრებაზე. კერძოდ:

  • 91-100 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში 150 000-ის ტოლი ან ნაკლებია.
  • 71-90 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში არ აღემატება 70 000-ს, ხოლო იმ სტუდენტებისთვის, რომელთა სარეიტინგო ქულა 70 010 -150 000-ია, სემესტრული თანხის 70%;
  • 51–70 ქულა - სემესტრული თანხის 50% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში ტოლია ან ნაკლებია 150 000-ზე.

დაფინანსების მისაღებად სტუდენტმა თბილისის მერიაში უნდა წარადგინოს:

  • პირადობის მოწმობის ასლი;
  • ამონაწერი სოციალურად დაუცველი ოჯახების ერთიანი ბაზიდან;
  • ცნობა უნივერსიტეტიდან წლიური გადასახადის მითითებით;
  • უნივერსიტეტის საბანკო რეკვიზიტები და ანგარიშფაქტურა;
  • უნივერსიტეტის მიერ გაცემული აკადემიური მოსწრების მაჩვენებელი (გარდა I სემესტრის სტუდენტებისა);
  • რეკომენდაცია უმაღლესი საგანმანათლებლო დაწესებულებიდან (გარდა I სემესტრის სტუდენტებისა); სამოტივაციო წერილი.

რაც შეეხება პირველი სემესტრის სტუდენტებს, სხვა დოკუმენტებთან ერთად, მათ უნდა წარადგინონ ერთიან ეროვნულ გამოცდებში მიღებული ქულებისა და შედეგების შესახებ ცნობა.

დოკუმენტაცია და განცხადება სტუდენტმა პირადად უნდა წარადგინოს.

0
თემები:
თბილისის მერია