მიკროფონი

ლაშა გურგენიძე: ზურა ყიფშიძე დაიბნა და ...

107
(განახლებულია 13:23 02.01.2021)
ლაშა გურგენიძე საახალწლო იუმორინადან სახალისო ამბებს იხსენებს და ცნობილი ადამიანების პაროდირებას აკეთებს.
ლაშა გურგენიძე: ზურა ყიფშიძე დაიბნა და მითხრა: მოიცა, მე ახლა ჩემი ხმა მესმის თუ ჰალუცინაცია მჭირსო?
„ერთხელ სპექტაკლის შემდეგ მივედი ზურაბ ყიფშიძესთან და წარმატებული პრემიერა მისივე სიტყვებით მივულოცე. გაოცებულმა მიყურა და მერე მითხრა: „თუ შენ შენ ხარ და მე ვარ მე, რა გამოდის, რომ შენ შენ არ ხარ? მოკლედ გადაირია“- ამბობს ლაშა გურგენიძე.

მსახიობი ლაშა გურგენიძე ზურაბ ყიფშიძის პაროდიით ფილმიდან „და მოდიოდა მატარებელი“.

107
გიორგი გახარია

გახარია: კარგად გვესმის, რას ნიშნავს მოსწავლეებისთვის ხანგრძლივი პერიოდით სახლში ყოფნა

146
(განახლებულია 21:02 26.01.2021)
პრემიერ-მინისტრმა გიორგი გახარიამ უწყებათშორისი საკოორდინაციო საბჭოს სხდომაზე სასწავლო პროცესის აღდგენის შესახებ ისაუბრა.
გახარია: კარგად გვესმის, რას ნიშნავს მოსწავლეებისთვის ხანგრძლივი პერიოდით სახლში ყოფნა
„როგორც კი ეპიდემიოლოგიური მდგომარეობა მოგვცემს შესაძლებლობას და მაჩვენებელი ჩამოსცდება 4%-ს, ყველაფერს გავაკეთებთ, რომ სწრაფად ავამოქმედოთ ეს უკიდურესად მნიშვნელოვანი სფერო. კარგად გვესმის, რას ნიშნავს სკოლის მოსწავლეებისა და მათი მშობლებისთვის ხანგრძლივი პერიოდით სახლში ყოფნა და ის, რომ მათ არ აქვთ შესაძლებლობა ფიზიკურად იყვნენ სასწავლო კლასებში“, – განაცხადა გიორგი გახარიამ.

პრემიერმა აღნიშნა, რომ სასწავლო პროცესის სწრაფად აღდგენა ქვეყნისთვის უკიდურესად მნიშვნელოვანია და ყველაფერი უნდა გაკეთდეს იმისთვის, რომ სასწავლო დაწესებულებები ამოქმედდეს.

146
მამუკა მდინარაძე

მდინარაძე: შეზღუდვების ეტაპობრივი მოხსნა არის ერთ-ერთი მთავარი დღის წესრიგი

40
(განახლებულია 20:12 26.01.2021)
„ქართული ოცნების“ აღმასრულებელი მდივანი მამუკა მდინარაძე ქვეყანაში შეზღუდვების ეტაპობრივ მოხსნას ეხმიანება.
მდინარაძე: შეზღუდვების ეტაპობრივი მოხსნა არის ერთ-ერთი მთავარი დღის წესრიგი
„პარლამენტარები აქტიურად ვართ ჩართული საკოორდინაციო საბჭოს მუშაობაში. ბოლო დღეების განმავლობაში არ ცხრება სპეკულაციები, თუმცა არის ჯანსაღი დისკუსიაც, რამდენად მართებულია შეზღუდვების ის ფორმები, რაც არის ქვეყანაში, რომლის ეტაპობრივი მოხსნაც არის ერთ-ერთი მთავარი დღის წესრიგი“, – განაცხადა მდინარაძემ.

მისი განმარტებით, სწორედ ამ შეზღუდვების შედეგია, რომ ქვეყანაში ინფიცირების მაჩვენებელმა საგრძნობლად იკლო.

40
კახა კალაძე

კალაძე: კორუფციაში ჩართვას არავის  „გავუტარებთ"

0
(განახლებულია 13:57 27.01.2021)
თბილისის საქალაქო სასამართლომ ჩუღურეთის რაიონის გამგებლის მოადგილე ლადო გოგსაძეს აღკვეთის ღონისძიების სახეით პატიმრობა შეუფარდა

 

თბილისი, 27 იანვარი – Sputnik. ჩვენთვის კატეგორიულად მიუღებელია კორუფციაში ჩართულობა და ყველას, ვინც სამსახურებრივი მოვალეობის შესრულების დროს რამე სახის გადაცდომას ეცდება, პასუხის კანონის მთელი სიმკაცრით მოეთხოვება, ასე გამოეხმაურა დედაქალაქის მერი კახა კალაძე ჩუღურეთის რაიონის გამგებლის მოადგილის დაკავების ფაქტს.

 „უდანაშაულობის პრეზუფციას ვერ დავარღვევ. დაველოდოთ გამოძიებას. თუმცა, კიდევ ერთხელ მინდა ყველა გავაფრთხილო, რომ სამსახურებში მაქსიმალური ყურადღება გამოიჩინონ თანამშრომლებთან. მსგავს მიდგომას არავის  არ „გავუტარებთ“, – განაცხადა კალაძემ.

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა სამსახურებრივი უფლებამოსილების გადამეტების ბრალდებით ჩუღურეთის რაიონის გამგებლის მოადგილე  ლადო გოგსაძე მოსალართლის განჩინების საფუძველზე  25 იანვარს დააკავეს. 

გამოძიების მიხედვით, ჩუღურეთის რაიონის ერთ-ერთ ქუჩაზე მდებარე საცხოვრებელი სახლის გამაგრების სამუშაოების ჩასატარებლად გასული წლის აპრილში 126 ათასლარიანი ტენდერი გამოცხადდა, რომელშიც მონაწილეობის სურვილიც ორმა კომპანიამ გამოთქვა. გამგებლის მოადგილემ, როგორც სატენდერო კომისიის პასუხისმგებელმა პირმა, დაიბარა ტენდერში მონაწილე ერთ-ერთი კომპანიის წარმომადგენელი და მოსთხოვა საბუთები უკან გაეტანა, რადგან ტენდერი მისთვის სასურველ კომპანიას უნდა მოეგო, წინააღმდეგ შემთხვევაში პრობლემების შექმნით დაემუქრა. სამომავლოდ კი სხვა ტენდერების პირობების მასზე მორგება შესთავაზა.

გამოძიებამ დაადგინა, რომ კომპანიამ მაინც მიიღო მონაწილეობა ტენდერში და მოიგო ის, რადგან ყველაზე დაბალი ფასი შესთავაზა. ამ ფაქტით უკმაყოფილო ჩინოვნიკმა კომპანიისთვის პრობლემების შექმნა დაიწყო და მის მიერ შესრულებული სამუშაოების დროულად ჩაბარებაში ხელს უშლიდა. საქმე იქამდე მივიდა, რომ საბოლოოდ კომპანიას პრობლემები შეექმნა და მასთან კონტრაქტი გაწყვიტეს, ხოლო კორპუსის მცხოვრებლები ავარიულ შენობაში ცხოვრებას აგრძელებდნენ.

0
თემები:
თბილისის მერია