კახა ვაჭარაძე

ვაჭარაძე: სიმართლეს თვალი გავუსწოროთ, დღეს მედპერსონალის რაოდენობაც აღარ არის საკმარისი

69
(განახლებულია 19:29 13.11.2020)
ცნობილი ექიმი, პულმონოლოგი კახა ვაჭარაძე საუბრობს იმაზე, როგორ უნდა მოხდეს COVID-19-ის მართვა სახლის პირობებში.
ვაჭარაძე: სიმართლეს თვალი გავუსწოროთ, დღეს მედ-პერსონალის რაოდენობაც აღარ არის საკმარისი
„უპირველეს ყოვლისა ეს არის თერმოსკრინინგი, სასიცოცხლო ფუნქციების კონტროლი და პულსოქსიმეტრია. მე, მაგალითად, დაწყებული დილის საათებიდან, გვიანობამდე მაქვს ონლაინ–კონსულტაციები ჩემს პაციენტებთან. მინდა განსაკუთრებით გავუსვა ხაზი მონიტორინგს, ანუ დროულ ჰოსპიტალიზაციას. განსაკუთრებით საყურადღებო არიან პაციენტები, რომლებიც მოთავსებული არიან ე.წ. კოვიდ–სასტუმროებში. სიმართლეს თვალი გავუსწოროთ, სამწუხაროდ, დღეს თვით მედპერსონალის რაოდენობაც აღარ არის საკმარისი“, – ამბობს კახა ვაჭარაძე.

სპეციალისტის განცხადებით, თუ პაციენტი ვერ ახერხებს „112“-თან დაკავშირებას, უნდა დარეკონ ალტერნატიულ ნომრებზე.

შექმნილი ეპიდსიტუაციიდან გამომდინარე „112“ მუშაობს შეფერხებით, ამიტომ მოქალაქეებმა საჭიროების შემთხვევაში უნდა დარეკონ სხვა სამსახურების ალტერნატიულ ნომრებზე: 032 2 411011 — სახანძრო-სამაშველო; 032 2 418505 — საპატრულო (თბილისი); 032 2 418502 — საპატრულო (რეგიონი); 595 073527, 595 073838, 595 073876, 595 073805, 595 073723 – სასწრაფო (რეგიონი); 599 842197, 599 842195 — სასწრაფო (თბილისი).

69
ფსიქოლოგი ნანა ჩაჩუა

ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა

35
(განახლებულია 20:19 28.11.2020)
ნანა ჩაჩუა სიზმრის რაობაზე საუბრობს, ახსენებს ე.წ. ლუციდურ სიზმრებს, რომლის მართვაც ადამიანს შეუძლია.
ნანა ჩაჩუა: ყველაფერი რაც სამყაროს აქვს, ადამიანში დაუბადებელი ცონდის სახითაა
„სიზმარი არის ყოველდღიური შთაბეჭდილებები და განცდები. როგორც სამყაროა უწყვეტი, ასევეა ფსიქიკაც. ჩვენ ყველაფერი ფრაგმენტებად გვეძლევა ცნობიერებაში. ასე მოხდა მაშინ როდესაც მენდელეევი პერიოდული სისტემის საქმეებში იყო ჩართული. აქ ყველაფერი დალაგებულია სამყაროს კანონზომიერების მიხედვით და მენდელეევმა სიზმარში იმიტომ ნახა, რომ ამაში იყო მთლიანად ჩართული“, - ამბობს ნანა ჩაჩუა.

ფსიქოლოგ ნანა ჩაჩუას აზრით: „ადამიანი მთელი სამყაროა. ყველაფერი რაც შეცნობილი გვაქვს თუ რაც ჯერ არ გვაქვს, სანამდეც ჩვენი შემეცნებითი უნარები ჯერ ვერ მივიდა - ეს ყველაფერი ჩვენშია. ბავშვი თამაშის დროს ყველა იმ სტადიას გაივლის რაც კაცობრიობამ თავისი განვითარების გზაზე უკვე გაიარა. ჩვენ სულ ასე ვმეორდებით, ამიტომ ერთი ადამიანი ამ ყველაფრის მატარებელია თავის თავში.“

 

35
მიკროფონი

გოფოძე: ისინი, ვისაც კოვიდის არსებობა არ სჯერა, ერთხელ მოვიდნენ და ნახონ მძიმე პაციენტები

53
(განახლებულია 20:54 27.11.2020)
რესპუბლიკური საავადმყოფოს დირექტორი ლევან გოფოძე საუბრობს იმ მიზეზებზე, რამაც კორონავირუსით ინფიცირების საგანგაშო მაჩვენებელი გამოიწვია.
გოფოძე: ისინი, ვისაც კოვიდის არსებობა არ სჯერათ, ერთხელ მოვიდნენ და ნახონ მძიმე პაციენტები
„პრობლემა კომპლექსურია. ყველას თავისი წილი პასუხისმგებლობა აქვს ამ ვითარებაში. საზოგადოების თვითშეგნებას ამ დაავადების მართვაში ძალიან დიდი მნიშვნელობა აქვს. არსებობენ ადამიანები, ვისაც დღესაც არ სჯერა კორონავირუსის არსებობა, არ იცავს წესებს. ამ ადამიანებისთვის არის რეკომენდაცია, რომ იქნებ კლინიკაში ერთხელ მოვიდნენ და ნახონ ინფიცირებული მძიმე პაციენტები, მაშინ დარწმუნდებიან, რომ ეს საკმაოდ საშიში დაავადებაა“, – ამბობს ლევან გოფოძე.

კლინიკის დირექტორის განცხადებით, იმ შემთხვევაში, თუ პასუხისმგებლობას საკუთარ თავზე არ აიღებს ყველა – სახელმწიფო, საზოგადოება და თითოეული მოქალაქე, ამ ჯაჭვის გაწყვეტა ძალიან რთული იქნება.

53
დაკეტილი რესტორნები შარდენის ქუჩაზე

„რესტორატორთა ასოციაციის“ პრეზიდენტი : „ეპიდემიოლოგები საკუთარ კომპეტენციას გაცდნენ...“

0
28 ნოემბერს ქვეყანაში შექმნილი ეპიდვითარების გამო დაწესებული შეზღუდვების მიხედვით, რესტორნები და კვების ობიექტები მთლიანად მიტანის სერვისზე გადავიდნენ

თბილისი, 28 ნოემბერი - Sputnik. შექმნილი ეპიდემიოლოგიური ვითარებიდან გამოსავალი იყო ოქროს შუალედი, რითაც შეიძლებოდა პანდემიის მართვა და ამდენი ადამიანიც არ დარჩენილიყო უმუშევარი. განაცხადა რესტორატორთა ასოციაციის დამფუძნებელმა, შოთა ბურჯანაძემ ჟურნალისტებთან საუბრისას.

ბურჯანაძის აზრით, რეგულაციები, რომელიც საკოორდინაციო საბჭომ სარესტორნო ბიზნესის კუთხით დააწესა, უნდა ყოფილიყო უფრო მეტად დაბალანსებული. სწორედ ეს იქნებოდა ოქროს შუალედი.

„აქ გამოსავალი იყო ოქროს შუალედი, ეს არის ის, რითაც შეგვეძლო გვემართა კოვიდიც და ამდენი ადამიანიც არ დარჩენილიყო უმუშევარი. ეს უფრო რთული გზაა, რადგან მეტი ადამიანური და სახელმწიფოებრივი რესურსი სჭირდება“, - განაცხადა ბურჯანაძემ.

მისი თქმით, ეპიდემიოლოგებმა, რომლებიც ვერ მართავენ სიტუაციას, ყველაზე მარტივი გადაწყვეტილება მიიღეს.

„რეალურად, ეპიდემიოლოგები არ არიან იმ კომპეტენციაში, რომ ორივე მხარე მართონ, ამიტომ თავის ჩარჩოში უნდა ჩაეტიონ. ისინი გადიან ამ ჩარჩოდან და ისეთ მითითებებს იძლევიან, რომლებიც ქვეყანას უდიდეს პრობლემამდე მიიყვანს“, - განაცხადა შოთა ბურჯანაძემ.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში