ნატურალური კოსმეტიკა

ცხრა მითი, რომელსაც კოსმეტიკური კომპანიები გვაჯერებენ

291
(განახლებულია 17:34 10.11.2020)
ადამიანების უმეტესობა დარწმუნებულია, რომ სილამაზე მათგან მსხვერპლს მოითხოვს და იმისთვის, რომ მუდამ მშვენიერები დარჩნენ, ბევრ რამეზე მიდიან. ხარჯავენ უამრავ ფულს, ყიდულობენ ძვირადღირებულ კოსმეტიკას...

სინამდვილეში უამრავი ჩვევა თუ ძვირადღირებული კოსმეტიკური საშუალება, რაც სრულყოფილი გარეგნობის შენარჩუნებასთან არის დაკავშირებული, სულაც არ არის პანაცეა. მეტიც, ვფლანგავთ უამრავ ფულს იმაში, რაც საერთოდ არ გვჭირდება და უბრალოდ კომპანიების მარკეტინგული ხრიკებია.

დღევანდელ სტატიაში წარმოგიდგენთ იმ მითებს, რომლებსაც კოსმეტიკური კომპანიები წარმატებით გვაჯერებენ და „გვაიძულებენ“ ვიყიდოთ ის ძვირადღირებული პროდუქცია, რის გარეშეც მშვენივრად გავაგრძელებთ ცხოვრებას და არც ჩვენს სილამაზეს დააკლდება რამე.

Покупка помады в магазине косметики в Сеуле
© AFP / Kim Jae-Hwan
პომადა

მითი N1: რაც უფრო ცნობილი ბრენდია, მით უკეთესი ეფექტი აქვს

კოსმეტიკური საშუალებების ეფექტურობა მთლიანად განისაზღვრება მისი ქიმიური შემადგენლობით. არც ბრენდს, არც მაღაზიას, რომელიც ყიდის მას, და არც მის ფასს არანაირი გავლენა არ აქვს მის სარგებლიანობასა და ხარისხზე.

კოსმეტიკური ნიღაბი სახისთვის
© CC0 / Pixabay
კოსმეტიკური ნიღაბი სახისთვის

მითი N2: დაბერების საწინააღმდეგო ეფექტური პროდუქცია

არ აქვს მნიშვნელობა, ახალგაზრდა ხართ თუ ხანში შესული, მნიშვნელოვანია იცოდეთ, როგორი სახის კანი გაქვთ და გამოიყენოთ შესაბამისი პროდუქცია. სამწუხაროდ, კანის კრემი, რომელიც ხელს უშლის დაბერებას, არ არსებობს. სინამდვილეში დაბერების საწინააღმდეგო კრემი, რასაც კომპანია ყიდის, მხოლოდ და მხოლოდ კანს უნარჩუნებს მოქნილობას, ებრძვის პიგმენტაციას და ნაოჭებს ნაკლებად შესამჩნევს ხდის.

ასევე თვალის კრემი არანაირად არ განსხვავდება სახის კრემისგან. ეს ზუსტად იგივე პროდუქტია, უფრო პატარა ქილაში, და ბევრად უფრო მაღალ ფასად. ერთადერთი, შეფუთვაზე დაწერილი გაფრთხილება - „ერიდეთ თვალებთან კონტაქტს“ ნამდვილად სიმართლეა.

© photo: Sputnik / Maxim Bogodvid
ანტიცელულიტური პროცედურა

მითი N3: კრემი დაგეხმარებათ ცელულიტის მოცილებაში
ეს რომ მართალი იყოს, მოდელები Photoshop-ს გამოიყენებდნენ? დღეისათვის არ არსებობს ისეთი კოსმეტიკური პროდუქტი და კრემი, რომელიც დაგეხმარებათ ცელულიტის მოცილებაში. შესაძლებელია, დიეტამ და ვარჯიშმა გავლენა მოახდინოს ცხიმოვანი ცელულოზის რაოდენობაზე, რომელიც კანის ქვეშ გროვდება, მაგრამ ვერც ერთი კოსმეტიკური პროდუქტი ვერ გააქრობს მას.

მეცნიერთა უმეტესობა მაინც აღიარებს, რომ სოლარიუმი უფრო სახიფათოა, ვინაიდან ის 15-ჯერ მეტ ულტრაიისფერ გამოსხივებას გამოყოფს, ვიდრე მზე
მეცნიერთა უმეტესობა მაინც აღიარებს, რომ სოლარიუმი უფრო სახიფათოა, ვინაიდან ის 15-ჯერ მეტ ულტრაიისფერ გამოსხივებას გამოყოფს, ვიდრე მზე

მითი N4: რუჯის მიღება უსაფრთხოა
ეს ეხება როგორც პლაჟზე გარუჯვას, ასევე სოლარიუმს. ის უსაფრთხო არასოდესაა კანისთვის. თუ გსურთ მიმზიდველი ფერის მიღება, უბრალოდ გამოიყენეთ რუჯის სპრეი.

ქართული ორგანული კოსმეტიკა
ქართული ორგანული კოსმეტიკა

მითი N5: ორგანული პროდუქტები უკეთესია, ვიდრე ჩვეულებრივი
ორგანული პროდუქტები მხოლოდ მარკეტინგული მეთოდია. კოსმეტიკაში ბუნებრივი პროდუქტების არსებობა  გავლენას არ ახდენს მის ეფექტურობაზე. ე.წ. ორგანული კოსმეტიკა შეიძლება იყოს სრულიად უსაფრთხო, რადგან არ შეიცავს ქიმიკატებს, მაგრამ ეს ავტომატურად არ ნიშნავს, რომ ისინი რაიმე სუპერპროდუქტია. უფრო მეტიც, მისი დამამზადებლები არასდროს გეტყვიან, რომ ასეთი პროდუქტების ორგანული ინგრედიენტების შესანარჩუნებლად სხვა სახის ქიმიკატებსაც იყენებენ.

ქალი სახის კოსმეტიკური ნიღბით
ქალი სახის კოსმეტიკური ნიღბით

მითი N6: კრემები დაგეხმარებათ პატარა ნაოჭების მოცილებაში
არ არსებობს კოსმეტიკური პროდუქტი, რომელსაც შეუძლია მთლიანად მოგაშოროთ სტრიები, ნაოჭები, ან თვალების ქვეშ მუქი წრეები გაგიქროთ. ასე რომ, არ წამოეგოთ ამ მარკეტინგულ ხრიკს.

Отдыхающие летом загорают у бассейна в Батуми
© Sputnik / Seyran Baroyan
პლიაჟი

მითი N7: მზისგან დამცავი კრემი უნდა გამოიყენოთ მხოლოდ სანაპიროზე
აღმოჩნდა, რომ მზისგან დამცავი კრემის გამოყენება ერთ-ერთი საუკეთესო გზაა, რომ თავიდან აიცილოთ ნაოჭების გაჩენა, კოლაგენის დაკარგვა და კანს შეუნარჩუნოთ ელასტიკურობა. გამოიყენეთ შემოდგომაზე და ზამთარშიც კი. ეს შეიძლება იყოს დამატენიანებელი კრემი SPF-ით ან ტონალური კრემი SPF-ით.

ჰიგიენის საშუალებები
© CC0 / Pixabay
ჰიგიენის საშუალებები

მითი N8: შამპუნს შეუძლია შეაჩეროს თმის ცვენა
მიუხედავად იმისა, რა შეიძლება დაწეროს კომპანიამ შამპუნის ბოთლზე, ის გავლენას ვერ მოახდენს თქვენი თმის მდგომარეობაზე. მისი ერთადერთი ფუნქციაა თმის გასუფთავება. არც ბრენდი და არც ფასი არ არის მნიშვნელოვანი. როგორ ეგზოტიკურ პროდუქტსაც არ უნდა შეიცავდეს, შამპუნი იმდენად მცირე ხანს ჩერდება თმაზე, რომ სრულყოფილად ვერ ხდება მისი ათვისება. თმის მოვლის საიდუმლო კონდიციონერებისა და სპეციალური თმის ნიღბების გამოყენებაში იმალება.

Краска для волос
© Sputnik / Alexander Imedashvili
თმის საღებავები

მითი N9: თმის საღებავი თმას არ დაგიზიანებთ
თანამედროვე და ძვირადღირებული საღებავი თმას აცლის ბუნებრივ პიგმენტს და ანაცვლებს მას სხვა ფერით. ასეთი ფერი რამდენიმე თვის განმავლობაში ძლებს, ხოლო სუსტი საღებავები დაახლოებით ერთი-ორი კვირის განმავლობაში რჩება. ასე რომ, რომელი არ აზიანებს თქვენს თმას? ის, რომელიც არ ანადგურებს თმის ბუნებრივ პიგმენტს.

და, ბოლოს, ფრანგ მწერალს ფრედერიკ ბეგბედერს რომ დავესეხოთ, მომხმარებლები ილუზიას ვიქმნით, რომ დღევანდელ პირობებში არჩევანი დიდია და პროდუქტს სურვილისამებრ ვყიდულოთ. სინამდვილეში კი სარეკლამო აგენტები რეკლამის საშუალებით კარგად შეფუთულ უხარისხო ნაწარმს მუდმივად წარმატებით გვტენიან.

 

291
თემები:
ჯანმრთელობა და სილამაზე (91)
ეკატერინე ტიკარაძე

რა შემთხვევაში უნდა ველოდოთ ახალ შეზღუდვებს - ჯანდაცვის მინისტრმა განმარტა

72
(განახლებულია 00:09 15.04.2021)
კორონავირუსის დადებითობის მაჩვენებელი ოთხ პროცენტს როდესაც აცდება, ეს უკვე იქნება იმის ნიშანი, რომ ლოკდაუნზე საუბარი უნდა დავიწყოთ, განაცხადა ჯანდაცვის მინისტრმა ეკატერინე ტიკარაძემ.
რა შემთხვევაში უნდა ველოდოთ ახალ შეზღუდვებს - ჯანდაცვის მინისტრმა განმარტა

„ამ ეტაპზე  ხდება კვლავ ეპიდსიტუაციაზე დაკვირვება, ჩვენი მიდგომა არის, რომ მაქსიმალურად გავამკაცროთ არსებული რეგულაციების მონიტორინგი. ჩვენ გამოვავლენთ რომელი სექტორის მხრიდან არის ყველაზე მეტი დარღვევა და ალბათ ინდივიდუალუარად მივუდგებით თავდაპირველად“- თქვა ეკატერინე ტიკარაძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.085-ით გაიზარდა და ინფიცირებულთა საერთო რიცხვმა  291.214-ს მიაღწია.

72
პაატა იმნაძე

პაატა იმნაძე: კორონავირუსის გავრცელებას იმით ვაკავებთ, რომ რეგულაციები მუშაობს

58
კორონავირუსით ინფიცირების მაჩვენებლმა მართალია იმატა, მაგრამ ის არ არის გაორმაგებული და გასამმაგებული,  როგორც ეს იყო გასული წლის სექტემბრის მეორე ნახევარში და ოქტომბერში, განაცხადა დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ.

 

პაატა იმნაძე: კორონავირუსის გავრცელებას იმით ვაკავებთ, რომ რეგულაციები მუშაობს
„ჩვენ კორონავირუსის გავრცელებას დღეს იმით ვაკავებთ, რომ შემოღებული რეგულაციები მუშაობს და თუ ამას ისიც დაემატება, რომ ჩვენი მოქალაქეები პირბადის ტარების წესს კიდევ უფრო მეტ ყურადღებას მიაქცევენ, მაშინ ძალიან დიდი იმედი მაქვს, რომ მაქსიმალურად მცირე დანაკარგებით „დავუძვრებით“ უახლოეს თვე ნახევარს და ზაფხულში დავუბრუნდებით მეტ-ნაკლებად ნორმალურ ცხოვრებას“, - აღნიშნა პაატა იმნაძემ პირველი არხის ეთერში.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.085-ით გაიზარდა და ინფიცირებულთა საერთო რიცხვმა  291.214-ს მიაღწია.

58
ხადას ხეობა

დღის ასტროპროგნოზი ზოდიაქოს ნიშნებისთვის: 15 აპრილი

0
(განახლებულია 09:04 14.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 15 აპრილია, ხუთშაბათი. მზარდი მთვარე ტყუპის ნიშანშია. ამ დღეს პლანეტა იუპიტერი მფარველობს.

იდეალური დღეა მეგობრული შეხვედრების, სეირნობის, უდარდელად დროის გატარებისთვის და არასახარბიელო – სერიოზული საქმეებისთვის, ამიტომ არ ღირს საპასუხისმგებლო საქმეების კეთება, არის საფრთხე სერიოზული შეცდომების დაშვების. ადამიანები განწყობილი არიან, რომ დაივიწყონ პრობლემების შესახებ და ცხოვრებას ვარდისფერი სათვალით შეხედონ. მიეცით გასაქანი ფანტაზიებსა და ოცნებებს და ეს დაუვიწყარ შეგრძნებებს გაჩუქებთ სიყვარულსა და შემოქმედებაში.

ზოდიაქოს ნიშნები და მათი „შინაგანი დემონები“>>

ვერძი: ემოციებით დატვირთული დღე გაქვთ. ტირილი თუ სიცილი მოულოდნელად შეიძლება მოგინდეთ და თან სულ მცირე ინტერვალის დაშორებით. გარშემომყოფებს და ყველაზე ძვირფას ადამიანებსაც კი გაუჭირდებათ თქვენი მშფოთვარე განწყობის ატანა, მით უმეტეს, რომ შეიძლება მათზე გადმოანთხიოთ ეს ბობოქარი ემოციები და თან ყველაზე შეუფერებელ მომენტში. თუ თავს ხელში აიყვანთ, შეგიძლიათ ამ ძლიერი ემოციების იარაღად ქცევა დაბრკოლებების გადასალახავად და წარმატების მისაღწევად.

კურო: საქმეებში და განსაკუთრებით ფინანსურ საკითხებში დიდი სიფრთხილე გმართებთ, რადგან შეცდომების დაშვებაა შესაძლებელი. შესაძლოა, რაღაც საკითხის გადასაჭრელად არასაკმარისი ინფორმაცია გაგაჩნიათ. თქვენი რეპუტაცია და საფულე რომ არ დაზარალდეს, ხელი არ უნდა მოჰკიდოთ იმას, რაც თქვენი კომპეტენციის საზღვრებს სცილდება, თუნდაც ძალზე მარტივი საქმე იყოს. სჯობს, რჩევა პროფესიონალს ჰკითხოთ.

ტყუპი: არ ღირს მნიშვნელოვანი გადაწყვეტილებების მიღება ან საპასუხისმგებლო ნაბიჯების გადადგმა. შესაძლებელია არასწორი მიმართულებით წახვიდეთ, სასურველი რეალობად მიიღოთ. თუნდაც რამე იდეა ბრწყინვალედ მოგეჩვენოთ, რომელიც დაუყოვნებლივ გადაწყვეტას მოითხოვს, სჯობს, ერთი–ორი დღე მოიცადოთ და კარგად დაფიქრდეთ. დანარჩენში საკმაოდ კარგი დღეა, შეგიძლიათ დატკბეთ ცხოვრებით და მნიშვნელოვანი გადაწყვეტილებები სხვა დროისთვის გადადოთ.

კირჩხიბი: მოგიწევთ სიმტკიცის გამოჩენა, რომ გარშემომყოფებმა ზედმეტად არ დაგტვირთონ. შესაძლოა, ხელმძღვანელობას მოეჩევნოს, რომ საკმარისად დატვირთული არ ხართ და კიდევ ერთი ვალდებულების აღება შეგიძლიათ საკუთარ თავზე, ან კოლეგებმა იფიქრონ, რომ მათი საქმე თქვენ უნდა შეასრულოთ. ასევე არაა გამორიცხული, რომ თვითონ გადაწყვიტოთ საკუთარი თავის ექსპლუატაცია. ასეა თუ ისე, მოგიწევთ უარის თქმის სწავლა (თქვენი თავისთვისაც) და ამისთვის თავაზიანი სიტყვების მარაგის შევსება.

ლომი: დღეს, დიდი ალბათობით, რაღაც ცდუნების წინაშე დადგებით. არის ალბათობა იმისა, რომ მომხიბლავი წინადადება მიიღოთ, ან საწინააღმდეგო სქესის სიმპათიური წარმომადგენელი გაიცნოთ, ან სულაც, აკრძალულისთვის „გემოს გასინჯვის“ სურვილი გაგიჩნდეთ. ასე თუ ისე, ვარსკვლავები გირჩევენ, სანამ რამეს გადაწყვეტთ, ყველაფერი კარგად აწონ–დაწონოთ, რადგან ამ გადაწყვეტილებაზე, შესაძლოა, ბევრი რამ იყოს დამოკიდებული მომავალში.

ქალწული: სიტუაციამ, შესაძლოა, თქვენი პროფესიული უნარების მთლიანად გამომჟღავნება მოითხოვოს. საუბარი შეიძლება იყოს თქვენ სამუშაოზე, დასაქმებაზე, სწავლაზე, გამოცდაზე და ა.შ. მთავარია, რომ მოგიწევთ გარშემომყოფებისთვის ან საკუთარი თავისთვის იმის დამტკიცება, რომ საჭირო ცოდნა და უნარები გაგაჩნიათ, შეგწევთ ძალა იმისთვის, რომ დასახული ამოცანა შეასრულოთ და პრობლემები მაღალ პროფესიულ დონეზე გადაჭრათ.

სასწორი: დღეს თქვენში ჰარმონია დაიბუდებს. ნებისმიერ საქმეს იოლად გაუმკლავდებით. არაჩვეულებრივი განწყობა ყველაფერზე აისახება, რასაც ხელს მოჰკიდებთ. არც ისაა გამორიცხული, რაღაც საკითხები, რომლებიც დიდი ხნის განმავლობაში გამძიმებდათ, მოულოდნელად თავისთავად გადაწყდეს. ასევე შესანიშნავი დღეა გარშემომყოფებთან ურთიერთობების მოსაგვარებლად, რადგან ძალზე მომხიბლავი ხართ და ადვილად შეგიძლიათ სხვების გულის მოგება.

მორიელი: თქვენი წარმატების გარანტი დღეს სიფრთხილეა. სიტუაციაში სწრაფად და დამაჯერებლად ორიენტირებისთვის საჭირო მოქნილობა და რეაქციები დღეს არ გაქვთ. არ არის გამორიცხული, რომ ვინმემ თქვენი გარემოცვიდან ისარგებლოს თქვენი არაინფორმირებულობით და ინიციატივა ჩამოგართვათ, მოგატყუოთ. ეს რომ არ მოხდეს, ყურადღება უნდა გააასმაგოთ, არ ჩაებათ საეჭვო სქემებში, რომლებში თქვენ ჩათრევასაც მოინდომებენ გარშემომყოფები.

მშვილდოსანი: ჰარმონიისა და სიყვარულის დღეა. ამას იგრძნობთ იმ შემთხვევაშიც, თუ სიხარულის კონკრეტული საბაბი არ გაგაჩნიათ. ნეტარების მეცხრე ცაზე შეიძლება აღმოჩნდეთ ვინმეს ღიმილის, მზერის, რაღაც მინიშნების გამოც კი. მარტოხელებს დიდი შანსი გაქვთ, რომ სასიამოვნო რომანტიკულ სიურპრიზს შეეჯახოთ, მრავლისმთქმელი ნაცნობობა გააბათ. თუ გყავთ საყვარელი ადამიანი, კარგი იქნება, თუ დღეს მასთან ერთად გაატარებთ.

თხის რქა: დღეს არ ღირს ახალი პროექტების დაწყება, დიდი შანსია, რომ ყველაფერი აირ–დაირიოს. შესანიშნავი დღეა იმისთვის, რომ დრო საყვარელ ადამიანთან, მეგობრებთან ერთად გაატაროთ, არაფერი აკეთოთ, ან საკუთარ თავს ასიამოვნოთ. რაც შეეხება საქმეებს, დიდია ალბათობა, რომ არაფერი გამოგივათ, ვერაფერ შედეგს ვერ მიიღებთ. ასტროლოგების რჩევაა, უბრალოდ იცხოვრეთ, დატკბით მცირე სასიხარულო მოვლენებით და არაფერზე იდარდოთ.

მერწყული: შესანიშნავ ორატორულ უნარებს გამოავლენთ – თქვენთვის არანაირი პრობლემა არ იქნება, რომ გარშემომყოფები საკუთარ სიმართლეში დაარწმუნოთ ან რამე ავანტიურული იდეით „დააავადოთ“. თქვენი ენთუზიაზმი „გადამდები“ იქნება, თუნდაც ნაჩქარევი დასკვნები გამოიტანოთ, გააზვიადოთ ყველაფერი და სასურველი რეალობად აღიქვათ – სწორედ თქვენი ფანტასტიკით გაჟღენთილი აზრები მოხიბლავს დღეს ირგვლივ მყოფებს – ყველაფრის დაანგარიშება და აწონ–დაწონა კი სხვა, უფრო მოსაწყენ დღეს იქნება შესაძლებელი.

თევზები: დღეს ძალზე ღირებული იდეები შეიძლება გაგიჩნდეთ, მაგრამ ვარსკვლავები გირჩევენ, მათი რეალიზება სხვა დროისთვის გადადოთ. თქვენი წარმოსახვა ფერადოვანი და კაშკაშა იქნება და პრაქტიკულობასთან ერთად ერთი შეხედვით საკმაოდ რეალურ სახესაც მიიღებს. მიუხედავად იმისა, რომ ამ იდეების განხორციელების დაწყება დღეს არარეკომენდებულია, არც ამ იდეებისა და აქედან გამომდინარე გეგმების დავიწყება ივარგებს – დაიმახსოვრეთ ყველაფერი და მათ განხორციელებაზე ფიქრი სხვა დროისთვის გადადეთ.

0