არჩილ თალაკვაძე

თალაკვაძე: იციან, რომ მეორე ტურში დამარცხდებიან და ურჩევნიათ არ მიიღონ მონაწილეობა

39
(განახლებულია 18:35 05.11.2020)
საქართველოს პარლამენტის თავმჯდომარე არჩილ თალაკვაძე 31 ოქტომბრის საპარლამენტო არჩევნებზე საუბრობს და ამბობს, რომ მეორე ტურში მონაწილეობაზე უარის თქმა ოპოზიციის პოლიტიკური კაპიტულაციაა.
თალაკვაძე: იციან რომ მეორე ტურებში დამარცხდებიან და ურჩევნიათ არ მიიღონ მონაწილეობა
„ოპოზიციის ის წარმომადგენლები, რომლებსაც მეორე ტურში უნდა მიეღოთ მონაწილეობა, პროპორციული სიით უკვე შესული არიან პარლამენტში. და მეორე მნიშვნელოვანი ფაქტორია, რომ მათ მეორე ტურში გამარჯვების იმედი არ აქვთ, შესაბამისად, არჩევნებთან დაკავშირებულ ამ საკითხებს ისინი აფორმებენ, თითქოს მეორე ტურში პროტესტის ნიშნად არ მონაწილეობენ. სინამდვილეში ეს არის პოლიტიკური კაპიტულაცია მეორე ტურის წინ, იციან, რომ მეორე ტურში დამარცხდებიან და ურჩევნიათ არ მიიღონ მონაწილეობა“, – განაცხადა არჩილ თალაკვაძემ.

ოპოზიცია არჩევნების შედეგებს არ აღიარებს, ყველა ოპოზიციურმა პარტიამ უკვე განაცხადა უარი მანდატებზე და 17 ოლქში მეორე ტურში მონაწილეობაზე. ისინი ხელახალი არჩევნების ჩატარებას მოითხოვენ.

 

39
დავით უსუფაშვილი

უსუფაშვილი: ეს პარლამენტი არ იქნება სრულფასოვანი

65
(განახლებულია 20:04 24.11.2020)
პოლიტიკური პარტიის „ლელო საქართველოსთვის” პოლიტიკური საბჭოს წევრი დავით უსუფაშვილი საპარლამენტო არჩევნებზე და ქვეყანაში შექმნილ კრიზისულ სიტუაციაზე საუბრობს.
უსუფაშვილი: ეს პარლამენტი არ იქნება სრულფასოვანი
„ხელისუფლებას ჩვენ კონსტიტუციურ გზას ვთავაზობთ გამოსავლისთვის. ამ უმძიმეს მდგომარეობას თავი უნდა დავაღწიოთ. არჩევნების თემა უნდა გადავწიოთ უკვე ოთახებში და პარლამენტში. მათ იციან რა სერიოზულ პრობლემებს წააწყდებიან, თუ 60 ოპოზიციური მანდატი იქნება პარლამენტში თავისუფალი და ამის შევსების შანსი არ იქნება შემდეგი ოთხი წელი. ეს არის სერიოზული სამართლებლივ-კონსტიტუციური კრიზისი. ეს არ არის „ქართული ოცნების" პრობლემა, ეს არის ქვეყნის პრობლემა“, – ამბობს დავით უსუფაშვილი.

ქართული ოპოზიცია 31 ოქტომბრის შემდეგ საპროტესტო აქციებს არ წყვეტს და ხელისუფლებას არჩევნების გაყალბებაში ადანაშაულებს. ოპოზიციის მთავარი მოთხოვნაა ხელახალი საპარლამენტო არჩევნების ჩატარება. სიტუაციის მოგვარებას დასავლელი დიპლომატიური მისიები ცდილობენ, რომლებიც მხარეებს მოლაპარაკებებზე იწვევენ, თუმცა ორი რაუნდის შემდეგ მხარეთა პოზიციები არ შეცვლილა.

65
ლევან გოგიჩაიშვილი

გოგიჩაიშვილი: ნაადრევად დავიწყეთ ზეიმი და გაგვიტანეს გოლი

42
(განახლებულია 19:12 24.11.2020)
საქართველოს პარლამენტის დეპუტატი ლევან გოგიჩაიშვილი ქვეყანაში არსებულ ეპიდემიოლოგიურ სიტუაციაზე საუბრობს და ამბობს, რომ ზეიმი ნაადრევი იყო.
გოგიჩაიშვილი: ნაადრევად დავიწყეთ ზეიმი და გაგვიტანეს გოლი
„თქვენ ხომ გახსოვთ, როგორი ზეიმი იყო, სწორი და კარგიც იყო, სწორი ნაბიჯები გადაიდგა და შედეგიც იყო. მაგრამ არ დაამთავრეს და არ იფიქრეს ხვალინდელ დღეზე. როგორც წესი, უპასუხისმგებლობა, ნაადრევი ზეიმები და ტრაბახი ასე მთავრდება. ნაადრევად დავიწყეთ ზეიმი და გაგვიტანეს გოლი. შეგვეძლო, რომ აქამდე არ მივსულიყავით. ამიტომ ვამბობდით, რომ არჩევნები გადაგვედო ექვსი თვით, სანამ სიტუაცია არ ჩაწყნარდებოდა. არავინ არავინ არ დაინდო არჩევნების გამო“, – ამბობს ლევან გოგიჩაიშვილი.

საქართველოში ეპიდემიოლოგიური ვითარება სექტემბრიდან მკვეთრად გაუარესდა. ბოლო დღეებში კორონავირუსით ინფიცირებულთა ყოველდღიური რაოდენობა თითქმის 4 ათასს აღწევს. პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობამ კი უკვე 111 ათასს გადააჭარბა.

42
სალომე ჭაჭუა

„მინდა, რომ გავფრინდე“ - სალომე ჭაჭუა თვალწარმტაცი ვარდისფერი ფრთებით გამოჩნდა

0
(განახლებულია 12:04 25.11.2020)
ქორეოგრაფმა ულამაზესი, ვარდისფერი ბუმბულებით მორთული ფრთები მოირგო. რატომ გადაწყვიტა სალომემ გაფრენა?

ვირტუალური ფრთებით მოხიბლულმა არაორდინალურმა მოცეკვავემ გაფრენა „გადაწყვიტა“. ამის შესახებ მან საკუთარ გვერდზე დაწერა. მან საკუთარ ფოტოს წარწერა „მინდა რომ გავფრინდე დაურთო“. ეს კი იმან განაპირობა, რომ სექსუალური ლათინო-ამერიკული ცეკვების სპეციალისტი ფრთებით აღფრთოვანდა.

View this post on Instagram

A post shared by Salome (@salome_chachuaa)

ცნობილი ქართველი ქორეოგრაფი და პროექტ „ცეკვავენ ვარსკვლავების“ ერთ-ერთი თვალშისაცემი მოცეკვავე სალომე ჭაჭუა სკანდალებითაც გამოირჩევა. ცნობილ ტელესახეს ერთი ურთიერთობა არ ჰქონდა დასრულებული, როდესაც ჭორები გავრცელდა მისი და გიორგი ვარდოსანიძის სიყვარულზე. ეს ჭორები მათმა ქორწილმა ჩაანაცვლა, მოგვიანებით კი მორიგი ჭორები უკვე წყვილის დაშორებას მოჰყვა.

მოგეხსენებათ, მანამდე სალომე სამეჯლისო ცეკვების სტუდია „თელას“ წამყვან მოცეკვავეზე გიგი გაჩეჩილაძეზე იყო შეყვარებული. მათი გზები „ცეკვავენ ვარსკვლავების“ დაწყებისას გაიყო. მსახიობ გიორგი ვარდოსანიძესთან დაშორების მერე ქორეოგრაფი პირად ცხოვრებაზე აღარ საუბრობს. ამიტომ უცნობია, თავისუფალია თუ არა ამჟამად მოცეკვავის გული.

View this post on Instagram

A post shared by Salome (@salome_chachuaa)

მოცეკვავემ საკუთარ გვერდზე რამდენიმე შთამბეჭდავი სურათი გამოაქვეყნა. ასე გამოიყურება ენერგიული ქორეოგრაფის ერთი ჩვეულბრივი დღე. სალომე ჭაჭუა გაოცებას სულ უფრო და უფრო ხშირად იწვევს. ამ ყველაფერს წინ ვიდეო უძღოდა, რომელმაც მისი თაყვანისმცემლები შეაშინა. მოცეკვავემ Instagram-ზე ვიდეო გამოაქვეყნა, სადაც აივნის მოაჯირზე „შპაგატში“ ჩამჯდარი ყავას მიირთმევს.

View this post on Instagram

A post shared by Salome (@salome_chachuaa)

ვიდეოს არაერთგვაროვანი გამოხმაურება მოჰყვა. სოციალური ქსელის ერთ-ერთ მომხმარებელს სალომეს ამ ვიდეოზე ცნობილი მსახიობის ვან დამის „შპაგატიც“ კი გაახსენდა. არც უკანასკნელი ფოტოსესია აღმოჩნდა გამონაკლისი. რომელშიც სალომე განსაკუთრებულად ნაზია.

0
თემები:
სელებრითების ცხოვრება