მიკროფონი

ფსიქოლოგი: იგნორი რთულია ბავშვისთვის, ამიტომ ნებისმიერი ფორმით ცდილობს ყურადღება დაიბრუნოს

41
(განახლებულია 19:26 29.10.2020)
ნინო ბუაძე ბავშვების რთულ ქცევაზე და მის გამომწვევ მიზეზებზე საუბრობს, განიხილავს ცალკეულ შემთხვევაში ამგვარი ქცევის შედეგებს.
ნინო ბუაძე: იგნორი რთულია ბავშვისთვის, ამიტომ ნებისმიერი ფორმით ცდილობს ყურადღება დაიბრუნოს
„ბავშვების რთული ქცევა, რა თქმა უნდა, მის აღზრდასთან პირდაპირ კავშირშია. როდესაც ის გარკვეულ მარწუხებშია მოქცეული, უნდა რომ სადღაც გამოუშვას დაგროვილი ენერგია. ეს განსაკუთრებით კარგად ჩანს ისეთ შემთხვევებში, როდესაც ოთხი წელი ერთი მკაცრი პედაგოგი ჰყავს და როცა მეხუთე კლასში გადადის, მასთან სხვადასხვა პედაგოგები შემოდიან. მათგან ზოგი მკაცრია, ზოგი ნაკლებად მკაცრი. აი, იქ უკვე გამოუშვებენ ხოლმე ბავშვები თავის დაგროვილ ენერგიას, რომელიც იმ მკაცრ პედაგოგს კარგად ეჭირა, რის ფასად, ეს უკვე სხვა საკითხია“, – ამბობს ნინო ბუაძე.

ფსიქოლოგის აზრით: „ხშირ შემთხვევაში ბავშვების ამგვარი დაგრვილი ენერგია აგრესიული და დესტრუქციულია. ამას ასაკობრივი კრიზისებიც მოჰყვება ხოლმე. საიდან მოდის ე.წ. რთული ქცევა? - ჯერ ერთი, დაგროვილი ენერგიიდან, მეორე, დასწავლა–მიბაძვიდან, ანუ ვიღაცეები იქცევიან ასე და მეც უნდა მოვიქცე. მომწონს ის ბავშვი, რომელიც ჩემთვის ავტორიტეტია“.

41
დავით უსუფაშვილი

უსუფაშვილი: ეს პარლამენტი არ იქნება სრულფასოვანი

56
(განახლებულია 20:04 24.11.2020)
პოლიტიკური პარტიის „ლელო საქართველოსთვის” პოლიტიკური საბჭოს წევრი დავით უსუფაშვილი საპარლამენტო არჩევნებზე და ქვეყანაში შექმნილ კრიზისულ სიტუაციაზე საუბრობს.
უსუფაშვილი: ეს პარლამენტი არ იქნება სრულფასოვანი
„ხელისუფლებას ჩვენ კონსტიტუციურ გზას ვთავაზობთ გამოსავლისთვის. ამ უმძიმეს მდგომარეობას თავი უნდა დავაღწიოთ. არჩევნების თემა უნდა გადავწიოთ უკვე ოთახებში და პარლამენტში. მათ იციან რა სერიოზულ პრობლემებს წააწყდებიან, თუ 60 ოპოზიციური მანდატი იქნება პარლამენტში თავისუფალი და ამის შევსების შანსი არ იქნება შემდეგი ოთხი წელი. ეს არის სერიოზული სამართლებლივ-კონსტიტუციური კრიზისი. ეს არ არის „ქართული ოცნების" პრობლემა, ეს არის ქვეყნის პრობლემა“, – ამბობს დავით უსუფაშვილი.

ქართული ოპოზიცია 31 ოქტომბრის შემდეგ საპროტესტო აქციებს არ წყვეტს და ხელისუფლებას არჩევნების გაყალბებაში ადანაშაულებს. ოპოზიციის მთავარი მოთხოვნაა ხელახალი საპარლამენტო არჩევნების ჩატარება. სიტუაციის მოგვარებას დასავლელი დიპლომატიური მისიები ცდილობენ, რომლებიც მხარეებს მოლაპარაკებებზე იწვევენ, თუმცა ორი რაუნდის შემდეგ მხარეთა პოზიციები არ შეცვლილა.

56
ლევან გოგიჩაიშვილი

გოგიჩაიშვილი: ნაადრევად დავიწყეთ ზეიმი და გაგვიტანეს გოლი

39
(განახლებულია 19:12 24.11.2020)
საქართველოს პარლამენტის დეპუტატი ლევან გოგიჩაიშვილი ქვეყანაში არსებულ ეპიდემიოლოგიურ სიტუაციაზე საუბრობს და ამბობს, რომ ზეიმი ნაადრევი იყო.
გოგიჩაიშვილი: ნაადრევად დავიწყეთ ზეიმი და გაგვიტანეს გოლი
„თქვენ ხომ გახსოვთ, როგორი ზეიმი იყო, სწორი და კარგიც იყო, სწორი ნაბიჯები გადაიდგა და შედეგიც იყო. მაგრამ არ დაამთავრეს და არ იფიქრეს ხვალინდელ დღეზე. როგორც წესი, უპასუხისმგებლობა, ნაადრევი ზეიმები და ტრაბახი ასე მთავრდება. ნაადრევად დავიწყეთ ზეიმი და გაგვიტანეს გოლი. შეგვეძლო, რომ აქამდე არ მივსულიყავით. ამიტომ ვამბობდით, რომ არჩევნები გადაგვედო ექვსი თვით, სანამ სიტუაცია არ ჩაწყნარდებოდა. არავინ არავინ არ დაინდო არჩევნების გამო“, – ამბობს ლევან გოგიჩაიშვილი.

საქართველოში ეპიდემიოლოგიური ვითარება სექტემბრიდან მკვეთრად გაუარესდა. ბოლო დღეებში კორონავირუსით ინფიცირებულთა ყოველდღიური რაოდენობა თითქმის 4 ათასს აღწევს. პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობამ კი უკვე 111 ათასს გადააჭარბა.

39
რუსეთის პრეზიდენტი ვლადიმირ პუტინი და მისი თურქი კოლეგა რეჯეფ თაიიფ ერდოღანი

პუტინმა და ერდოღანმა სატელეფონო საუბრის დროს ყარაბაღში არსებული სიტუაცია განიხილეს

0
რუსეთის ლიდერმა ვლადიმირ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ახორციელებენ

თბილისი, 25 ნოემბერი – Sputnik. რუსეთის პრეზიდენტმა ვლადიმირ პუტინმა და მისმა თურქმა კოლეგამ რეჯეფ თაიიფ ერდოღანმა მთიან ყარაბაღში ცეცხლის შეწყვეტის კონტროლის ცენტრი განიხილეს, იუწყება კრემლის პრესსამსახური.

სატელეფონო საუბარი თურქეთის ინიციატივით შედგა.

ორი ქვეყნის ლიდერებმა აღნიშნეს იმ გადაწყვეტილებების სრული და თანმიმდევრული შესრულების აუცილებლობა, რომლებიც „რეგიონში სტაბილურობისა და მშვიდობიანი ცხოვრების უზრუნველსაყოფად არის მიმართული“.

აღინიშნა, რომ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ეფექტურად ახორციელებენ.

პრეზიდენტები შეთანხმდნენ, რომ მთიან ყარაბაღში პრიორიტეტულია ისეთი ჰუმანიტარული პრობლემები, როგორებიცაა დევნილების დაბრუნება, რელიგიური და კულტურული ობიექტების შენარჩუნება, ინფრასტრუქტურის აღდგენა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები განლაგდნენ, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

მთიან ყარაბაღში რუსი ოფიცერი ნაღმზე აფეთქდა >>

ცეცხლის შეწყვეტისა და საომარი მოქმედებების შეწყვეტაზე კონტროლის მიზნით მთიანი ყარაბაღის ზონაში მიმდინარეობს რუსეთის ფედერაციის სამშვიდობო კონტინგენტის განთავსება – შეთანხმებულია 1960 სამხედრო მოსამსახურის, 90 ჯავშანტრანსპორტიორის, 380 ერთეული საავტომობილო და სხვა სპეცტექნიკის შეყვანა.

0
თემები:
ესკალაცია ყარაბაღში 2020