გიორგი გახარია

გახარია: რეანიმატოლოგთა ჯგუფი მძიმე და კრიტიკული პაციენტების მართვას უხელმძღვანელებს

48
(განახლებულია 12:25 09.10.2020)
საკოორდინაციო საბჭოს სხდომის შემდეგ გამართულ ბრიფინგზე პრემიერ-მინისტრმა გიორგი გახარიამ კორონავირუსით ინფიცირებული მძიმე, კრიტიკული პაციენტების მართვის შესახებ ისაუბრა.
გახარია: რეანიმატოლოგთა ჯგუფი მძიმე და კრიტიკული პაციენტების მართვას უხელმძღვანელებს
„მსუბუქი ან უსიმპტომო პაციენტების მართვა უნდა მოხდეს ბინაზე, პირველადი ჯანდაცვის რგოლის მიერ. იმ მოქალაქეებისთვის, რომლებსაც არ აქვთ იზოლაციაში ყოფნის ელემენტარული წესების დაცვის შესაძლებლობა, ჩვენ შევქმენით კოვიდ-სასტუმროები. მნიშვნელოვანია, რომ დღეს სამედიცინო სისტემა მთლიანად არის მზად, რომ მძიმე, კრიტიკული პაციენტები მართოს სწორად. ამისთვის არის შექმნილი კლინიკური ჯგუფი, ამისთვის უკვე შევქმენით რეანიმატოლოგების ცალკე ჯგუფიც, რომელიც ქვეყნის მასშტაბით სრულად მართავს ამ პროცესს. ეს პროცესი თენგიზ ცერცვაძის ხელმძღვანელობით მოქმედ კლინიკურ ჯგუფთან სრული კოორდინაციით განხორციელდება“, – აღნიშნა გიორგი გახარიამ.

პრემიერ-მინისტრის განმარტებით, საზოგადოებამ მაქსიმალურად უნდა ისარგებლოს აპლიკაციით Stop Covid, რომელიც მოქალაქეებს ინფიცირებულ პირთან შესაძლო კონტაქტის შესახებ აფრთხილებს.

48
ყარაჯაანთ ეკლესია სოფელ გავაზში

საეკლესიო კალენდარი: 29 ოქტომბერი

67
(განახლებულია 19:33 28.10.2020)
საქართველოს მართლმადიდებელი ეკლესია 29 ოქტომბერს ღირსი ზენონ იყალთოელის და მოწამე ლონგინოზ ასისთავისა ხსენების დღეს აღნიშნავს.

Sputnik-საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში

ღირსი ზენონ იყალთოელი

ზენონ იყალთოელი, ერთ-ერთი ასურელი მამა იყო ,  რომელიც VI საუკუნის შუა წლებში ჩამოვიდა ქ. ანტიოქიიდან საქართველოში თავის მასწავლებელ იოანე ზედაზნელთან ერთად.

ზენონ იყალთოელი ცხოვრობდა ჯერ ზედაზნის, შემდეგ კი თავისსავე დაარსებულ იყალთოს მონასტერში.

დასაფლავებულია იქვე. ზენონ იყალთოელის მოღვაწეობამ ხელი შეუწყო კახეთში ქრისტიანული ეკლესიის განმტკიცებას. მისი ცხოვრების აღმწერელი თხზულება შემონახული არ არის.

მოწამე ლონგინოზ ასისთავი

წმინდა ლონგინოზ ასისთავი წარმოშობით კაპადოკიიდან, დაბა არდალესიდან გახლდათ. პროკურატორ პილატე პონტოელის დროს იგი იუდეაში მსახურობდა რომაულ ჯარში. ლონგინოზი იყო უმცროსი ოფიცერი, ცენტურიონი. მისი ასეული იდგა გოლგოთის დასაცავად მაცხოვრის ჯვარცმის დროს. თავად ლონგინოზი, როგორც რაზმის მეთაური, მოქმედების ცენტრში იყო, ჯვარცმას ესწრებოდა. ლონგინოზმა და მისმა ჯარისკაცებმა იხილეს მაცხოვრის ჯვარცმა და წამება. გადმოცემის მიხედვით, ლონგინოზია სწორედ ის ჯარისკაცი, რომელმაც ხელშუბი (შუბი) უგმირა იესუს. 

ლონგინოზ ასისთავს თვალები სტკიოდა, მაცხოვრის მკერდიდან გადმოსულმა სისხლმა და წყალმა მისი სნეულება განკურნა.
წმინდა ლონგინოზმა და მისმა ჯარისკაცებმა იხილეს მაცხოვრის გარდაცვალების შემდეგ აღსრულებული სასწაულები, როცა იძრა მიწა და გასკდა კლდეები. ლონგინოზი დარწმუნდა, რომ ჯვარცმული მართლაც ღმერთი იყო.
შემდეგ ლონგინოზი და მისი რაზმი უფლის საფლავს იცავდნენ. ისინი მაცხოვრის მკვდრეთით აღდგომის მოწმეებად იქცნენ. იუდეველებმა ვერ შეძლეს ლონგინოზისა და მისი ორი ჯარისკაცის მოსყიდვა, სხვები კი მოისყიდეს და ათქმევინეს, ქრისტეს ცხედარი მისმა მოწაფეებმა მოიპარესო.
ლონგინოზი და მისი ორი ჯარისკაცი ქრისტეს მოწაფეთა მიერ მოინათლნენ. მათ მიატოვეს სამხედრო სამსახური და სახარების ქადაგება დაიწყეს. წმინდა ლონგინოზი მეგობრებთან ერთად თავის მშობლიურ კაპადოკიაში გაემგზავრა. მათ უამრავი ადამიანი აზიარეს ჭეშმარიტებას.
იუდეველების რჩევით პილატემ დამსჯელი რაზმი გაგზავნა წმინდა ლონგინოზისა და მისი მეგობრების დასახოცად. წმინდა ლონგინოზი და მისი მეგობრები არც ცდილან წინააღმდეგობა გაეწიათ, ან დამალულიყვნენ. პილატეს წარგზავნილებს არ უნდოდათ მათი სიკვდილი, სურდათ გაეთავისუფლებინათ ლონგინოზი და მისი მეგობრები, მაგრამ ქრისტესთვის სიკვდილი წმინდანთათვის სასურველი იყო. მათ სთხოვეს სამხედროებს შეესრულებინათ ბრძანება...
წმინდა ლონგინოზისა და მისი ორი მეგობრის სხეულები კაპადოკიაში დაკრძალეს.

 

მასალა მომზადებულია ღია წყაროებზე დაყრფნობით

67
მარი მალაზონია

მალაზონია: კეტოგენური დიეტის დროს დაახლოებით 70%-მდე ცხიმი უნდა ჩავრთოთ დღიურ მოხმარებაში

54
(განახლებულია 20:14 28.10.2020)
ექიმ-ნუტრიციოლოგი, კვების ეროვნული ცენტრის დირექტორი მარი მალაზონია კეტოგენური დიეტის შესახებ საუბრობს.
მალაზონია: კეტოგენური დიეტის დროს სადღაც 70 %-მდე ცხიმი უნდა ჩავრთოთ დღიურ მოხმარებაში
„ჯერ კიდევ 10 წლის წინ ვსაუბრობდი ჩემს გადაცემაში კეტოგენური დიეტის არსებობის და მისი პოტენციური შესაძლებლობების შესახებ. გადის დრო და სულ უფრო მეტი ცნობა ჩნდება. კეტოგენური დიეტა გულისხმობს იმას, რომ ჩვენ სადღაც 70%-მდე ცხიმი უნდა ჩავრთოთ დღიურ მოხმარებაში, 20%-მდე ცილა და მხოლოდ 10% ნახშირწყლები. ეს არის ერთ-ერთი სერიოზული კვების მოდელი თავისი ბიოქომიური სტრესებით“, – ამბობს მარი მალაზონია.

სპეციალისტის ინფორმაციით, ამ დიეტის დაცვა თვითნებურად არ შეიძლება. დიეტის დროს პაციენტს მეთვალყურეობა ექიმმა უნდა გაუწიოს.

54
ჯო ბაიდენი

სკანდალური დოკუმენტები: ბაიდენის ვაჟზე ახალი კომპრომატები ფოსტიდან მოიპარეს

0
(განახლებულია 10:27 29.10.2020)
მანამდე აშშ-ის სენატის პროფილურმა კომიტეტმა Facebook-ისა და Twitter-ის ხელმძღვანელები დაიბარა მოსმენებზე გადაწყვეტილების გამო, დაებლოკათ სკანდალური სტატია ჰანტერ ბაიდენის შესახებ

თბილისი, 29 ოქტომბერი — Sputnik. აშშ–ის პრეზიდენტბის დემოკრატი კანდიდატის, ჯო ბაიდენის ვაჟის, ჰანტერ ბაიდენის შესახებ საიდუმლო დოკუმენტები სადღაც გაქრა, იუწყება ტელეარხი Fox News–ი.

„ამ კვირაში, ორშაბათს, ჩვენ წყაროსგან მივიღეთ კონფიდენციალური დოკუმენტების კოლექცი ბაიდენების ოჯახზე. მიგვაჩნია, რომ ეს დოკუმენტები იყო ნამდვილი და სანდო“, — განაცხადა ტელეარხის წამყვანმა ტაკერ კარლსონმა პირდაპირ ეთერში.

მისი თქმით, აღნიშნული დოკუმენტაცია ორშაბათს ფოსტით გაიგზავნა ნიუ–იორკიდან ლოს–ანჯელესში, მაგრამ სამშაბათს კურიერულმა სამსახურმა აცნობა ტელეარხს, რომ ამანათი გახსნილი და ცარიელი იყო.

„ეს დოკუმენტები გაქრა“, — განაცხადა კარლსონმა  და იქვე განმარტა, რომ საფოსტო კომპანიამ შემოწმება ჩაატარა, მაგრამ ვერაფერი იპოვა.

შეგახსენებთ: გაზეთმა New York Post-მა ოქტომბერში რამდენიმე მასალა გამოაქვეყნა იმ მიმოწერაზე დაყრდნობით, რომლებიც მანამდე ჰანტერ ბაიდენის ნოუთბუქში აღმოაჩინა დელავერის შტატის ერთ-ერთი კომპიუტერული სახელოსნოს სპეციალისტმა. ხელოსანმა ნოუთბუქის მყარი დისკის ასლი შექმნა და ის დონალდ ტრამპის პირად ადვოკატს, რუდოლფ ჯულიანის გადასცა, რომელმაც მასალები მედიასაშუალებას მიაწოდა და ეს გამოქვეყნდა კიდეც The New York Post-ში. ნოუთბუქში აღმოჩენილი კონფიდენციალური ინფორმაცია ჰანტერ ბაიდენისა და უკრაინული გაზის კომპანია Burisma-ს ხელმძღვანელობის მრჩეველთან ვადიმ პოჟარსკისთან მიმოწერას შეიცავდა. აღსანიშნავია, რომ ჰანტერ ბაიდენი მანამდე თავადაც მუშაობდა ამ კომპანიის ხელმძღვანელობაში. ჯო ბაიდენის ოპონენტების დასკვნით, აღნიშნული მასალა მისი ოჯახის კორუმპირებულობას ადასტურებს.

 

0
თემები:
მსოფლიო დღეს