ამირან გამყრელიძე

ამირან გამყრელიძე: სასურველია ღია სივრცეებშიც ვიხმაროთ პირბადე

70
(განახლებულია 19:57 02.10.2020)
დაავადებათა კონტროლის ეროვნული ცენტრის ხელმძღავნელი ამირან გამყრელიძე აჭარაში მოსახლეობას პირბადეების გამოყენებას ღია სივრცეშიც ურჩევს.
ამირან გამყრელიძე: სასურველია ღია სივრცეებშიც ვიხმაროთ პირბადე
„რადგან აჭარაში გვაქვს სერიოზული გავრცელება, სასურველია ღია სივრცეებშიც ვიხმაროთ პირბადე. ინციდენტობის მაჩვენებელი აჭარაში გვაქვს დაახლოებით შვიდ-რვაჯერ მეტი, ვიდრე ქვეყნის საშუალო მაჩვენებელია, ამიტომ სასურველია აჭარაში პირბადე ვიხმაროთ გარეთაც“, – განაცხადა ამირან გამყრელიძემ.

საქართველოში ახალი კორონავირუსი უკვე 7093 ადამიანს დაუდასტურდა. ამ დროისათვის სულ გამოჯანმრთელდა 3714 ადამიანი, გარდაიცვალა – 46, კარანტინის რეჟიმში იმყოფება 5392, სტაციონარებში ექიმების დაკვირვების ქვეშ 836 პაციენტია, ხოლო კოვიდ–სასტუმროებში 1100 ადამიანი იმყოფება.

70
ნათია მეზვრიშვილი

კორონავირუსისგან გამოჯანმრთელებულთა ზრდის კუთხით პოზიტიურ დინამიკას ვინარჩუნებთ

16
(განახლებულია 15:54 30.10.2020)
საქართველოს მთავრობის ადმინისტრაციის უფროსმა ნათია მეზვრიშვილმა მთავრობის ადმინისტრაციაში გამართულ ბრიფინგზე კორონავირუსის ახალ შემთხვევებზე ისაუბრა.
მეზვრიშვილი: კორონავირუსისგან გამოჯანმრთელებულთა ზრდის კუთხით პოზიტიურ დინამიკას ვინარჩუნებთ
„დღევანდელი მდგომარეობით, ბოლო 24 საათის განმავლობაში გამოვლენილია ინფექციის 1 696 ახალი დადასტურებული შემთხვევა. პირველი ინფიცირების შემთხვევიდან დღემდე ქვეყანაში გამოვლენილი COVID-19-ის დადასტურებული შემთხვევების საერთო რაოდენობა 37263-ს შეადგენს. როგორც გუშინდელ ბრიფინგზე აღინიშნა, გვქონდა ოპტიმისტური მოლოდინები გამოჯანმრთელებული ადამიანების ზრდის კუთხით და ამ მხრივ დღევანდელი მდგომარეობითაც ვინარჩუნებთ პოზიტიურ დინამიკას. კერძოდ, ბოლო 24 საათში გამოჯანმრთელდა 2 906 პირი, ხოლო ჯამში გამოჯანმრთელებულთა რაოდენობა 19810-მდე გაიზარდა. სამწუხაროდ, ბოლო 24 საათში გვაქვს გარდაცვალების შემთხვევებიც. გარდაიცვალა 12 ადამიანი: თბილისში – 4 ადამიანი, აჭარაში – 5, იმერეთში – 2, ხოლო შიდა ქართლში – ერთი ადამიანი. 2020 წლის 26 თებერვლიდან დღემდე სულ გვაქვს 285 გარდაცვალების შემთხვევა“, – განაცხადა ნათია მეზვრიშვილმა.

ნათია მეზვრიშვილის განმარტებით, დღევანდელი მდგომარეობით, თვითიზოლაციაში იმყოფება 29 387 პირი, საიდანაც 3 643 თბილისშია, აჭარაში – 11 740, იმერეთში კი 3 972.

16
მიკროფონი

ფსიქოლოგი: იგნორი რთულია ბავშვისთვის, ამიტომ ნებისმიერი ფორმით ცდილობს ყურადღება დაიბრუნოს

32
(განახლებულია 19:26 29.10.2020)
ნინო ბუაძე ბავშვების რთულ ქცევაზე და მის გამომწვევ მიზეზებზე საუბრობს, განიხილავს ცალკეულ შემთხვევაში ამგვარი ქცევის შედეგებს.
ნინო ბუაძე: იგნორი რთულია ბავშვისთვის, ამიტომ ნებისმიერი ფორმით ცდილობს ყურადღება დაიბრუნოს
„ბავშვების რთული ქცევა, რა თქმა უნდა, მის აღზრდასთან პირდაპირ კავშირშია. როდესაც ის გარკვეულ მარწუხებშია მოქცეული, უნდა რომ სადღაც გამოუშვას დაგროვილი ენერგია. ეს განსაკუთრებით კარგად ჩანს ისეთ შემთხვევებში, როდესაც ოთხი წელი ერთი მკაცრი პედაგოგი ჰყავს და როცა მეხუთე კლასში გადადის, მასთან სხვადასხვა პედაგოგები შემოდიან. მათგან ზოგი მკაცრია, ზოგი ნაკლებად მკაცრი. აი, იქ უკვე გამოუშვებენ ხოლმე ბავშვები თავის დაგროვილ ენერგიას, რომელიც იმ მკაცრ პედაგოგს კარგად ეჭირა, რის ფასად, ეს უკვე სხვა საკითხია“, – ამბობს ნინო ბუაძე.

ფსიქოლოგის აზრით: „ხშირ შემთხვევაში ბავშვების ამგვარი დაგრვილი ენერგია აგრესიული და დესტრუქციულია. ამას ასაკობრივი კრიზისებიც მოჰყვება ხოლმე. საიდან მოდის ე.წ. რთული ქცევა? - ჯერ ერთი, დაგროვილი ენერგიიდან, მეორე, დასწავლა–მიბაძვიდან, ანუ ვიღაცეები იქცევიან ასე და მეც უნდა მოვიქცე. მომწონს ის ბავშვი, რომელიც ჩემთვის ავტორიტეტია“.

32
პიკეტი კიევში

სკანდალი არჩევნებამდე ერთი დღით ადრე: უკრაინელი დეპუტატები საქართველოში არ შემოუშვეს

0
(განახლებულია 17:35 30.10.2020)
საქართველოს ხელისუფლების წარმომადგენლებს უკრაინელი დეპუტატების საქართველოში არჩევნებზე ჩამოსვლასთან დაკავშირებულ სკანდალზე ჯერ კომენტარები არ გაუკეთებიათ

თბილისი, 30 ოქტომბერი – Sputnik. საქართველოში საპარლამენტო არჩევნებამდე ერთი დღით ადრე ახალი სკანდალი აგორდა: უკრაინელმა დეპუტატმა ფრაქციიდან „ხალხის მსახური“ (Слуга народа) ლიზა იასკომ განაცხადა, რომ უკრაინის უმაღლესი რადის დეპუტატებს კენჭისყრაზე დაკვირვებისთვის საქართველოში არ უშვებენ.

იაკოს ინფორმაციით, უკრაინის რადის დაახლოებით 30–მა დეპუტატმა სამი ფრაქციიდან ოპოზიციური პარტია „ერთიანი ნაციონალური მოძრაობის“ მიწვევით პარასკევი–შაბათის ღამეს საქართველოში ვიზიტი დაგეგმა.

არჩევნები საქართველოში შაბათს იმართება. „ნაცმოძრაობამ“ პრემიერ–მინისტრობის კანდიდატად, გამარჯვების შემთხვევაში, ქვეყნის მესამე პრეზიდენტი მიხეილ სააკაშვილი დაასახელა, რომელიც ამჟამად უკრაინაში იმყოფება – ის სამშობლოში რიგი დანაშაულების გამო მსჯავრდებულია.

„საქართველოს ხელისუფლებამ გააუქმა ნებართვა უკრაინიდან თვითმფრინავის მიღების შესახებ. ეს სამწუხაროა, რადგან საარჩევნო პროცედურების გამჭვირვალობა დემოკრატიის საფუძველია. ამ გამჭვირვალობას... სხვა ყველაფერთან ერთად, დამკვირვებლები უზრუნველყოფენ. გვეგონა, რომ დამკვირვებლების ჩასვლა მეგობარი პარტნიორი ქვეყნიდან სახელმწიფოებს შორის თანამშრომლობის მორიგი გამოვლინება უნდა ყოფილიყო...“, – დაწერა იასკომ თავის „ფეისბუქ“–გვერდზე.

მან აღნიშნა, რომ უკრაინა მზადაა იმუშაოს საქართველოს არჩეულ პარლამენტთან იმისდა მიუხედავად, თუ ვინ მიიღებს საპარლამენტო უმრავლესობას და პრემიერის სავარძელს.

მაგრამ მაინც, მისი თქმით, უკრაინელი დეპუტატებისთვის არჩევნების მონიტორინგის განხორციელებაში შექმნილი დაბრკოლება შეშფოთებას იწვევს. იასკომ საარჩევნო პროცესის ყველა მონაწილეს, მათ შორის მმართველ პარტია „ქართულ ოცნებას“ მოუწოდა, დაიცვან ევროპული სტანდარტები, კანონები და კონსტიტუცია.

შეთქმულება ხელისუფლების წინააღმდეგ?

ამავდროულად, თავად კიევში განაცხადეს, რომ უკრაინული დელეგაცია საქართველოში „ხელისუფლების უკანონო დამხობის სპეცოპერაციის“ მხარდაჭერას გეგმავდა. სკანდალური განცხადება გააკეთა საინფორმაციო სააგენტო Новини України–ს დირექტორმა ოლეგ დეინეკამ საინფორმაციო სააგენტო ГолосUA–ში პრესკონფერენციაზე.

„ცნობილი გახდა, რომ 31 ოქტომბერს, ღამის ზუსტად 2 საათზე, „ბორისპოლის“ აეროპორტიდან, ორივე სახელმწიფოს – საქართველოსი და უკრაინის – საკარანტინო ნორმების დარღვევით, უკრაინის ტერიტორიას უმაღლესი რანგის 49 სახელმწიფო ჩინოვნიკი დატოვებს – 49 სახალხო დეპუტატი და რვა პროსახელისუფლო პარტიის „ხალხის მსახური“ სამდივნოს თანამშრომელი, რათა ამავე დღეს, 31 ოქტომბერს, 08:00–დან 20:00 საათამდე მონაწილეობა მიიღოს საქართველოს ხელისუფლების უკანონო დამხობის პოლიტიკურ სპეცოპერაციაში და შეიარაღებული აჯანყების შეგნებულ პროვოკაციაში მთიან რესპუბლიკაში“, – განაცხადა დეინეკამ.

მისი თქმით, „საქართველოში უკრაინული პოლიტდესანტის“  მოვალეობაში შედიოდა ქართველი ამომრჩევლისა და სხვა საერთაშორისო დამკვირვებლების ნდობის განადგურება საპარლამენტო არჩევნების შედეგების გაყალბებაზე განცხადებების გაკეთებით.

უკრაინული „ხალხის მსახურის“ „ღამის დესანტის" ამოცანაა ამ შეთითხნილი განცხადებების შეტანა ევროპის საბჭოს საპარლამენტო ასამბლეაზე განსახილველად. ევროპის საბჭოს საპარლამენტო ასამბლეაში უკრაინის უმაღლესი რადის მუდმივ დელეგაციას ელიზავეტა იასკო ხელმძღვანელობს, განაცხადა დეინეკამ.

რეაქცია

„ნაცმოძრაობაში“ უკრაინელი დამკვირვებლებისთვის ქვეყანაში შემოსვლაზე უარის თქმა შეაფასეს, როგორც განზრახული დაბრკოლება.

ოპოზიციური „მთავარი არხის“ ინფორმაციით, ჟურნალისტებისა და უმაღლესი რადის დეპუტატების დელეგაციას საქართველოსთან არჩევნებზე დამკვირვებლის სახით ჩამოსვლაზე ფორმალური თანხმობა ჰქონდა, მაგრამ ჩარტერული რეისი მოულოდნელად გააუქმეს. 50–კაციანი ჯგუფი საქართველოს ხელისუფლების პასუხს გვიან ღამემდე ელოდა.

საქართველოს ოფიციალურ პირებს ამ ვითარებასთან დაკავშირებით კომენტარი ჯერ არ გაუკეთებიათ.

0
თემები:
საქართველოს საპარლამენტო არჩევნები 2020