ანა კორძაია სამადაშვილი

ანა კორძაია-სამადაშვილი: ლურჯწვერა კაცზე ამბავს გიჟივით ვკითხულობ ხოლმე...

65
(განახლებულია 20:18 24.09.2020)
მწერალი ანა კორძაია-სამადაშვილი ფსიქოლოგიურად ხსნის იმ ფაქტს, თუ რატომ კითხულობენ ადამიანები ამა თუ იმ სახის ლიტერატურას.
ანა კორძაია -სამადაშვილი: ლურჯწვერა კაცზე ამბავს გიჟივით ვკითხულობ ხოლმე...
„არ ვიცი შეგიმჩნევიათ თუ არა, ალბათ კი... მოდი, გულზე დავიდოთ ხელი და ვთქვათ, სადმე რომ წავალთ დასასვენებლად, რომელ წიგნებს წავიღებთ. მაგალითად, შორეულ კუნძულზე, სადაც ლურჯი ზღვა, თოლიები და ლამაზი გოგო-ბიჭებია. წაიღებდით სერიოზულ ისტორიულ რომანებს?“ – ამბობს ანა კორძაია-სამადაშვილი სატელევიზიო გამოსვლაში.

მწერალი ამბობს: „მე ავირჩევდი „ჰარი პოტერს“ ან ფენტეზის, სადაც ვიცი, რომ ბოლოს სიკეთე გაიმარჯვებს. კიდევ წავიღებდი იმ წიგნებს, რომლებსაც ბავშვობაში ვკითხულობდი, მათში შევძვრებოდი და ეს ჩემი თავშესაფარი იქნებოდა“.

65
ზურაბ მხეიძე

მხეიძე: ბავშვისთვის ფილმი კარგია, მაგრამ მას შეზღუდვა აქვს, წიგნი კი ფანტაზიას ავითარებს

22
(განახლებულია 09:50 25.10.2020)
ზურაბ მხეიძე საუბრობს ადრეული ასაკიდან ბავშვის აღზრდისა და აზროვნების ჩამოყალიბებისთვის გარე სამყაროსთან ცოცხალი ურთიერთობების მნიშვნელობაზე.
ზურაბ მხეიძე: „ბავშვისთვის ფილმი კარგია, მაგრამ მას შეზღუდვა აქვს, წიგნი კი ფანტაზიას ავითარებს“
„დღეს ძალიან მოდაშია სიტყვა აუტისტური  ბავშვი. ამბობენ, რომ ჩემს ბავშვს აუტიზმი აქვს, აუტისტური სპექტრი და ა. შ. პირველი, რაც მინდა ვთქვა, რომ ასეთი ტიპის განვითარების სტადიას ყველა ბავშვი ავტომატურ რეჟიმში გადის. ანუ როცა ის თავის თავს ეთამაშება, ელაპარაკება და გარე სამყაროსთან ნაკლები კონტაქტი აქვს, ეს ბუნებრივია და ამაში საპანიკო არაფერია“, - ამბობს ზურაბ მხეიძე.

ფსიქოლოგი ზურაბ მხეიძე აღნიშნავს: „ექვსი თვის ბავშვს ხელში აძლევენ მობილურს და სადღაც, ერთი წლის ასაკში ის უკვე იწყებს მისით სარგებლობას: შედის იუთუბიზე, რაღაცეებს ნახულობს. მშობლებისა და ძიძებისთვის ეს მოსახერხებელია- ოღონდ თავი დაგვანებოს და ითამაშოს. ის ჩვევები, რაც მას სჭირდება, რომ გამოიმუშაოს ურთიერთობებისაგან და შეიმეცნოს გარესამყარო, ჩვენ მიმართული გვაქვს რაღაც ტექნიკურ მოწყობილიბებზე. შესაბამისად ხელს ვუწყობთ, რომ ის გარეთა, ცოცხალი ურთიერთობებით ნაკლებად დაინტერესდეს. როცა ბავშვი რაღაცას სწავლობს მას არა ცოდნითი კომპონენტი, არამედ ქცევითი მოდელი ესაჭიროება.“

 

22
დავით ტურაშვილი

დათო ტურაშვილი: ჩვენთან მოშიმშილეები ორი დღე შიმშლობდნენ, მერე წავიდოდა ქაბაბი და ჩალაღაჯი

54
(განახლებულია 10:15 24.10.2020)
დათო ტურაშვილი ვილნიუსში მომხდარ ამბავს იხსენებს, როდესაც იქაურ სტუდენტებთან აზრების გასაცვლელად ჩავიდა და ერთ კარავში მოულოდნელად ზურაბ ჟვანიას გადააწყდა.
დათო ტურაშვილი: ჩვენთან მოშიმშილეები ორი დღე შიმშლობდნენ, მერე წავიდოდა ქაბაბი და ჩალაღაჯი
„რადგან წინასაარჩევნო პერიოდია, ერთ წინაასაარჩევნო ამბავს მოვყვები. სტუდენტობის დროს აქ რომ იყო დიდი მოძრაობა, ლიტვაშიც იყო და დაგვპატიჟეს იქაურმა სტუდენტებმა და წავედით აზრების გასაცვლელად. წავედით მიტნგზე, საღამოობით ბარებში დავყავდით. ერთი დღე იყო ვილნიუსის მოედანზე დაგვათვალიერებინეს. აქ მთავარი პროცესები ხდებოდა“,- იხსენებს დათო ტურაშვილი სატელევიზიო გადაცემაში.

მწერალი დათო ტურაშვილი: იმ დროს ამ მოედანზე შიმშილობდა ერთი ლიტველი პატრიოტი კაცი, რომელიც დამოუკიდებლობას ითხოვდა. ოღონდ ჩვენგან განსხვავებით ის მართლა შიმშილობდა. აქ პერმანენტულ შიმშილს ეძახდნენ, ორ დღეს ერთი შიმშილობდა, მერე მეორე ცვლიდა. ის კაცი მართლა შიმშილობდა, როცა ვნახეთ, 59-ე დღე იყო, კაცი, ფაქტობრივად მართლა წირავდა თავს. მე მინდოდა ნამდვილი მოშიმშილე მენახა და მის მნახველთა რიგში ჩავდექი.

54
ბათუმის კლინიკაში

რა თანმხლები დავადებები ჰქონდათ აჭარაში კორონავირუსით გარდაცვლილ პაციენტებს

0
(განახლებულია 13:53 25.10.2020)
ბოლო 24 საათში საქართველოში კორონავირუსით სულ 8 ადამიანი გარდაიცვალა, თუმცა ინფორმაცია გარდაცვლილ პაციენტებზე  ჯერჯერობით მხოლოდ აჭარის ჯანდაცვის სამინისტრომ გაასაჯაროვა.

თბილისი, 25 ოქტომბერი – Sputnik. აჭარაში ბოლო 24 საათში კორონავირუსით გარდაცვალების სამი შემთხვევიდან ორი ბათუმის რესპუბლიკურ საავადმყოფოში, ერთი კი სამედიცინო ცენტრში დაფიქსირდა, იუწყება საქართველოს პირველი არხი.

ტელეკომპანიის ცნობით, გარდაცვლილები არიან 66, 72 და 90 წლის პაციენტები.

აჭარის ჯანდაცვის სამინისტროს ინფორმაციით, 90 წლის ქალი რესპუბლიკურ საავადმყოფოში 12 ოქტომბერს შეიყვანეს და მას კორონავირუსის გარდა, პნევმონია, ქრონიკული გასტრიტი და კონვერსიული აშლილობა უფიქსირდებოდა.

რესპუბლიკური საავადმყოფოში გარდაცვლილ მეორე პაციენტს - 66 წლის ქალს, რომელიც  კლინიკაში 20 ოქტომბერს მოათავსეს,  COVID-19-თან ერთად ასევე ჰქონდა პნევმონია, შაქრიანი დიაბეტი და იყო დიალიზდამოკიდებული.

მესამე პაციენტი კი 72 წლის ქალია, რომელიც  გარდაიცვალა ბათუმის სამედიცინო ცენტრში, კლინიკაში 14 ოქტომბერს, COVID-19-ის, გულის უკმარისობისა და სუნთქვის მწვავე უკმარისობის დიაგნოზით შეიყვანეს. 

ბოლო 24 საათში საქართველოში კორონავირუსით სულ 8 ადამიანი გარდაიცვალა, თუმცა ინფორმაცია გარდაცვლილი პაციენტების შესახებ ჯერჯერობით მხოლოდ აჭარის ჯანდაცვის სამინისტრომ გაასაჯაროვა.

ბოლო 24 საათში აჭარაში კორონავირუსით დაავადებულთა რაოდენობა 551-ით გაიზარდა.  ამ დროისთვის რეგიონში 75 მძიმე პაციენტია, მათგან 25 ხელოვნური სუნთქვის აპარატზეა. ამ დროისთვის ინფიცირებულთა საერთო რაოდენობა 4000-ს აჭარბებს, თვითიზოლაციაშია 12 000-მდე პირი. გასული 24 საათის განმავლობაში გამოჯანმრთელდა 271 კოვიდდადებითი პაციენტი. ჯამში გამოჯანმრთელებულთა რაოდენობა აჭარაში 6 624-ს აღწევს.

აჭარის ჯანდაცვის სამინისტროს ცნობით, კორონავირუსით ინფიცირებული პაციენტების მკურნალობის პროცესში 10 სამედიცინო დაწესებულებაა ჩართული, აქედან ოთხი კლინიკა პაციენტების მიღებას ე.წ. ჰიბრიდული მეთოდით ახორციელებს.

„ანტისხეულები დამიფიქსირდა“ – მომღერალი აცხადებს, რომ კორონა ერთხელ უკვე გადაიტანა >>

პანდემიის დაწყებიდან 25 ოქტომბრის ჩათვლით საქართველოში სულ 28 431 ინფიცირების შემთხვევა გამოვლინდა. პანდემიის დაწყებიდან დღემდე გარდაცვლილთა რიცხვმა საქართველოს მასშტაბით 201-ს მიაღწია. ინფიცირების დღე-ღამური მაჩვენებელი ორი ათასს უახლოვდება. ეპიდემიოლოგების პროგნოზებით, ნოემბერში ახალი შემთხვევების რაოდენობა სამ-ოთხ და ხუთი ათასსაც კი მიაღწევს დღე-ღამეში.

0
თემები:
COVID-19 საქართველოში